المساعد الشخصي الرقمي

مشاهدة النسخة كاملة : حدوتـــــــــه هنديــــــــــة



Mimi
09-16-2008, 09:13 PM
سيناريو لحدوتة هندية - مطلوب منتج هندي او غير هندي يقدر الفن العريق ههههههههه

المشهــــــــد الاول

كان يامكان ياحلوين أميتاب باتشان وهو شباب لسه راكب الفيل بتاعه ورايح الشغل وكالعاده بيشتغل ظابط وهو راكب قاعد يغني طبعا بالهندي اغنيته المفضلة * واركب الفيل ..درجن درجن .. واتفيّل .. درجن درجن .. ساعتين في اليوم .. واشد الخرطوم .. ولا اييييييييييه باه يسمع صوت طفلة رضيعة بتعيط .. يركن الفيل على جنب وينزل يلاقي ياعيني طفلة رضيعة في اللفة جنب الجامع


http://www.susandunn.cc/IndianBaby.jpg

يتأثر جدآ أميتاب باتشان من منظرها الرقيق فيغني ليها نص ساعة وهيه كمان تغنيله نص ساعة .. ياخدها يحطها على الفيل يوصلها البيت ويروح هوه شغله عشان عندهم النهارده تعديل دستور الهند هههههههههه .. وهو ماشي يبص على اليفط المتعلقة في كل أنحاء البلد ..مكتوب عليها * الرئيس شومان يرفض التوريث * ويبتسم ابتسامه هندي ويقول بالهندي الشعب ده هندي

المشــــــــــهد الثانـــــــــــي

وتفوووت سنين .. أميتاب راجع من شغله وعلى فكرة لسه شباب بردو وداخل البيت .. البنت اللي كان لاقيها قدام الجامع كبرت واحلوت .. بقت مزة هندي يعني ههههههههههههه

http://farm1.static.flickr.com/161/369995217_3451e6d041.jpg?v=0

يحبها باه وتحبه ..ياخدها على الغيطان ..يغنى ليها نص ساعة وتغنيله بردو نص ساعة وفجأة تيجي العصابة بتاعة الراجل الشرير حوالي ستين واحد عشان يخطفو البنت عشان هيه دي البنت الوحيدة في الهند كلها اللي الراجل الشرير الوِحش عايز يتجوزها.. أميتاب يحضن حبيبته بايد وشغال ضرب في الرجاله بايده التانية ويخلص على الستين واحد كلهم بمسدساتهم بمطاويهم بس للاسف ضافر واحد منهم خدش دراعه !! .. حبيبته تجري عليه وتغنيله نص ساعة ويغنيلها نص ساعة وياخدها ع البيت بسرعه عشان عندهم النهاردة تعديل الدستور .. وهو ماشي يبص ع اليفط اللي في الغيطان * الرئيس هوجو يوجا شاهي شوهان يوفض التوريث *

المشهــــــــــد الثالـــــــث

تفووووت سنين .. أميتاب باتشان راجع من شغله .. وربنا لسه شباب بردو .. يدخل البيت .. يلاقي ست كبيرة عجوزة نكتشف ان هيه دي الطفلة الصغيرة اللي لقاها قدام الجامع .. فجأة تيجي العصابة تخطفها قدامه المره دي .. يجري وراهم بالفيل الفور باي فور هههههههههه لغايه ما يوصل لبيت الراجل قليل الأدب الشرررير اللي أكيد عنده تمساح

http://forums.graaam.com/up/uploaded5/82493_01191690713.jpg

هههههههههه شوفتو التمساح الاهبل دا .. المهم يدخل البهو الكبير يلاقي الراجل واقف والست متعلقة من صرصور رجلها في السقف .. يدور بعينه ع التمساح .. يسأل الراجل بالهندي : التمساح بتاعك فين ياعم ؟ ..يرد الراجل : في البير اللي فوقه مامتك .. يتعجب أميتاب بالهندي : مامتي؟!!! يرد الراجل بشماته : أيوه الست دي أمك .. نياهاهاهاهاها .. ينظر له أميتاب وهو يضحك ويقول في سره : عبيط ده ولا ايه؟ يتأثر جدا أميتاب ويراجع بالهندي نشيد أمي نداء محبة بل ان كان الحب أم ويمسك وجه الست بحنان ويقول لها : انتي ماما ؟؟ ترد الست :ايوه ياأميتاب يابني .. انا مارضيتش اقولك ع الحقيقة المُرّة دي وانا في اللفة عشان العار .. وعشان تصدق شوف دي.. تطلعله سلسلة فضة عليها صورة واحد مايعرفهوش .. أكيد ده أبويا ؟ ترد عليه : لا يابني دي صورة عشيقي ..يغنى ليها نص ساعة وتغنيله نص ساعة ويحضنها أميتاب بايد كالعادة ويخلص على العصابة بالايد التانية وطبعا يخلي التمساح ياكل الراجل الشرير الثافل الوِحث .. يخرج من القصر ويقول لامه : انجزي ياحجة عشان عندما النهارده تعديل دستور .. ينظر الى اليفط المتعلقة * الرئيس حادي بادي كرنب زيادي شالو وحطو كلو علادي هوجا يودجا شاهي شوهان يرفض التوريث *


المشهــــــــــد الاخيـــــــــــر ( الحمد لله )

تفوووت سنين .. اميتاب باتشان راجع من شغله .. والله العظيم لسه شباب بردو .. راجع البيت يلاقي الست أمه بقت عجوزة اوي .. فجأة ييجي واحد شاب على موتوسيكل ( موتوربايك ) يطخ الولية عيارين .. يجرب وراه اميتاب بالفيل يكتشف ان الراجل دا يبقى حفيد الراجل الشرير .. يقتله اميتاب باتشان ويرجع لامه يغنى ليها نص ساعه وتغنيله نص ساعة .. الست تقوله وهيا بتموت : أميتاب يابني انا عايزة اقولك على سر .. انا مش أمك .. انا ابقى جدتك .. والراجل اللي انت قتلته دا يبقى ابن اخت المخرج .. والراجل الشرير يبقى خالك .. وابن الراجل الشرير يبقى عمك .. والعصابه كلها اخواتك في الرضاعة .. يصرخ اميتاب باتشان من الصدمة ويغني ليها نص ساعه وهيا تغنيله نص ساعة والواد المقتول يغني نص ساعة .. الست المجهولة دي تقول له : انت مش مستعجل ليه؟ هوه مفيش تعديل دستوري النهارده؟ يرد اميتاب : النهارده الخميس أجازة من التعديلات .. تموت الام ويلفها اميتاب بقماش من بتاع اليفط مكتوب عليه : الشعب اساسا يقبل التوريث

النهــــــــــــــــــــــــــــــايه http://www.eftekasy.net/vb/images/smilies/noor%20(197).gif

matrix
09-16-2008, 09:19 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه أنا مش قادر أفصل من الضحك

AYMAN GAMAL
09-16-2008, 09:20 PM
هههههههههههههههه.....سقفة كبيرة اوي للاستاذة جودي....هااااااااااااااااااااااي حلوة والله

Mimi
09-16-2008, 09:32 PM
هههههههههههههههههههههههههههههههههه يالهووي ياماتريكس انت ضحكك لوحده يضحك

شكرآآآ ليك وشكرآآ ليك ياباش مهندس ربنا يديم الضحكة الحلوة دي دايمآ

mohamed-gohar
09-25-2008, 09:53 PM
انت بتجيبي الحاجات دي منين بجد عبقرية

Mimi
09-26-2008, 04:31 AM
ههههههههههههههههههههه محمد انا قريت الحدوتة دي بس مش بالطريقة دي

فرجعت اكتبها باللهجة المصرية عشان تطلع احلى

انت ايه رائيك بس في ضحكة ماتريكس < ---- ضحكة هندي هههههههههههههههه

احمد حسن
09-26-2008, 12:25 PM
ههههههههههههههههههههههههههههه
جميلة جدا

Surveyor 2007
09-27-2008, 09:51 AM
حلوه جدا جدا
بجد تاليف رائع
وهو لسه شاب برده ( النهاس كله كبرت وهو لا )

Surveyor 2007
09-27-2008, 09:52 AM
انصحك برفع الصور علي الموقع التالي
http://www.atyab.com/uploadscenter/

mohamed-gohar
09-27-2008, 09:13 PM
انصحك برفع الصور علي الموقع التالي
http://www.atyab.com/uploadscenter/

هي صور جامدة






http://www7.0zz0.com/2008/09/27/18/390866188.jpg

معتز عبد الراضي احمد
09-28-2008, 03:36 AM
هههههههههههههههههههههه
بس الغريبة ابوه مبنش طول الفيلم
بس بجد برافو عليكي

Rania Ismail
09-29-2008, 12:04 PM
جميله جدا يا جودى بجد عجبتنى قوى حلوه موووووووووووووووووووووووووووووت
مشكووووووووووووووووووره يا حبى
هههههههههههههههههههههههههههههه