المساعد الشخصي الرقمي

مشاهدة النسخة كاملة : روائع صلاح جاهين



smart girl
12-25-2010, 11:28 AM
http://www.mesa7a.com/forum/imgcache/2646.imgcache.gif

بمناسبة ذكرى مولد الشاعر المبدع صلاح جاهين
حبيت اجيب من روائعة على منتدانا

http://www.mesa7a.com/forum/mwaextraedit5/extra/32.gif

على اسم مصر


على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب


http://www.mesa7a.com/forum/mwaextraedit5/extra/43.gif

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

http://www.mesa7a.com/forum/mwaextraedit5/extra/105.gif



أحسـن مـا فيهـا العشـق والمعشـقة

وشـويتين الضـحــك والتـريقـة

شـفت الحيـاة، لفيـت، لقيـت الألـذ

تغييـرهـا، وده يعنـي التعب والشـقا

عـجبي !!



http://www.mesa7a.com/forum/mwaextraedit5/extra/19.gif



أحب أعيش ولو أعيش في الغابات

أصحى كما ولدتني أمي وأبات

طائر.. حيوان.. حشرة.. بشر.. بس أعيش

عـجبي!!

http://www.mesa7a.com/forum/mwaextraedit5/extra/105.gif

أنا شـاب

أنا شـاب لـكن عمـرى ولا ألف عـام
وحيـد ولـكن بين ضـلوعـى زحـام
خـايف ولـكن خـوفـى مـنى أنـا
أخـرس ولـكن قـلبـى مـليـان كـلام
عـجبى !!


http://www.mesa7a.com/forum/mwaextraedit5/extra/08.gif

أنا كـل يـوم أسـمع


أنا كـل يـوم أسـمع . . فلان عذبوه
أسـرح فـى بغـداد والجزاير واتوه
مـا اعجبش م اللى يطيق بجسمه العـذاب
واعـجـب مـن اللى يـطـيق يعذب أخوه
عـجبى !!


http://www.mesa7a.com/forum/mwaextraedit5/extra/16.gif


أنا قـلبى كان شخشيخة

أنا قـلبى كان شخشيخة أصـبح جـرس
جلجلت بـه صـحيوا الخـدم والحـرس
أنـا المـهرج . . قمتو ليـه خفتو ليـه
لاف إيدى سـيف ولا تحت مـنى فـرس
عـجبى !!

Ma7amed Adel
12-25-2010, 12:54 PM
الرائع بكل المعانى الاستاذ صلاح جاهين فهو شاعر الجمال والاحساس بكل ما تحمله الكلمه من معانى فشكرا ليكى على هذه القصائد لهذا الرجل الرائع

m.alghrbawy
12-25-2010, 08:05 PM
فعلا روائع وكلامه جميل اوى
شكرا ليكى

http://www.mesa7a.com/forum/mwaextraedit5/extra/58.gif