المساعد الشخصي الرقمي

مشاهدة النسخة كاملة : شويه فروق بينا كاسكندرانيه وبين اخواتنا وحبايبنا المصاروه



KAREEM
12-26-2010, 09:43 PM
شويه فروق بينا كاسكندرانيه وبين اخواتنا وحبايبنا المصاروه "اللى من القاهره يعنى"

ف
ى القاهره : ايه ده الحاجه دى "جامده اخر حاجه"

فى اسكندريه : ايوووه الحاجه دى جامده اوى

فى القاهره : انا مش نمت من امبارح "تحس انك بتكلم طفل"

http://www.mesa7a.com/forum/imgcache/2659.imgcache (http://www.mlfnt.com/)

فى اسكندريه : انا منمتش من امبارح "ناس جد الجد"

فى القاهره : انا هشوف الموضوع ده

فى اسكندريه : انا حشوف الموضوع ده

فى القاهره : استيكــه "اللغه العربيه واخده حقها شويه معاكم" وقال كمان مساحه "بلدى بلدى يعنى"

فى اسكندريه : جومه عادى خالص جومه

فى القاهره : صباعى "ياعينى عليك يابنى"

فى اسكندريه : صوبعى اهى مفيهاش مشكله فله شمعه منوره اهى

فى القاهره : الزمالك عمل ايه النهارده الاجابه كيسب

فى اسكندريه : عادى الزمالك كسب ليه نزود حروف وخلاص مش لما نقدر على الكام حرف اللى عندنا نبقى نزود

فى القاهره : جلابيه "كلمه مبالغ فيها"

فى اسكندريه : عبايه "زى الفل"

فى القاهره : يقولك ميكروباص "ثقافتك انجليزى اوى يا عمنا micro bus"

فى اسكندريه : بنقول مشروع "شجع لغه بلدك"

فى القاهره : قال ايه اوطه يااااااااااااااى "دى كلمه من السبيعينات اصلا واتلغت بقالها "100سنه

فى اسكندريه : طماطم "جايه من كلمه توماتوز يا جماعه لازم يكون عندك ثقافه انجليزى برضه"

فى القاهره : خمسين قرش "الرياضه واخده معاكم حقها اوى يا اخواتى"

فى اسكندريه : نص جنى "اهى يا جدعان فيها ايه زى العسل اهى"

فى القاهره : قال ايه يا اخويا يقولولك لبان " والنبى انا لو دخلت سوبر ماركت اقوله هات لبانه ليكرشنى بره"

فى اسكندريه : مستيكه "شايفين الاسم كله مازيكا"

فى القاهره : (سد الحنك) على رأى عادل امام يا خراااااااااااابى وبيجيلكم نفس تاكلو حاجه اسمها كده

فى اسكندريه : (حلاوه دقيق) شايفين الاسم متدلع ازاى يعنى دى الحلاوه بتاعه الدقيق

فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

فى الاسكندريه : جبنه مثلثات عادى ماهى شكلها كده مش بنتفلسف احنا

فى القاهره : (جبنه رومى) دى على اساس انها بنت عم الديك الرومى

فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه

فى القاهره : قال ايه طعميه ويجى واحد يتفلسف ويكتبلك طع100 ناس فاضيه

فى اسكندريه : فلافل معروفه طول عمرها زى ما فى روميو وجوليت فيه فول وفلافل

فى القاهره : يقولوا ايه فول بالزيت حار "اكيد بيجيبو الزيت ده من العربيات"

فى اسكندريه : فول بالزيت والليمون مش بنحب ننكر حق حد زي ما نقول الزيت نقول الليمون

فى القاهره : يقولك ايه على البمبونى (ارواح) انتم الاطفال عندك طالعين من بيت الرعب ولا ايه عادى دى المفروض حاجه للاطفال يعنى اسمها يبقى لايت بمبونى زى عندنا فى اسكندريه

ولا فى الصيف بقى ينزلو بسلطاتهم ببابا غنوجهم ويقرفونا بقى زحموا القاهره لغايه لما عملوا دوله مع حالهم جوه القاهره واتقسمت 4 محافظات باين ولا ايه مش عارفلهم الصراحه وجايين يبوظوا بقى احسن حته فى مصر ويزحموها ولا لما ينزلو البحر البحر بيبقى عادى زى باقى البحور لونه ازرق فله شمعه منوره فجأه وبقدره قادر يبقى لونه بنى حاولت جاهده ان اجد تفسير للحكايه دى مش لاقيه

فى النهايه احب اقولكم القهراويه دول حبايبى حبايبى بحبهم موت موت موت موت

وعلى رأى كريم عبد العزيز تغمضليش عين غير لما اطمن عليهم واحد واحده بالمازنجر



منقوووووووووووول

Top.Romantic
12-26-2010, 10:20 PM
طب وربنا انت راجل فاضي
انا شوفت الموضوع ف التول بار دفعني فضولي اني ادخل اشوف ايه الفروق دي
لقيتك مظبطهم ع الاخر "بالمناسبة (ع) اختصار لكلمة (علي ) عشان الوقت برده"وعشان احنا اسكندرنية برده
ناس مش فاضية يعني
ايـــــــــــوة كنت هنسي اقولك....،

موضوع جامد اوي
تسلم الايادي

Night Moon
12-27-2010, 01:29 PM
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

مدرسة الانشطار النووي هههههههههههههههه
هوة التوبك كلة فعلا تحفة بس اللي علقت معايا اسم المدرسة ههههههههه
تسلم ايدك ياكريم علي التوبك

alaa eid
12-27-2010, 02:40 PM
بتتريقوا علي كلام القهرواية طيب ماتشوفوا لهجتهم ههههههههه
علي تخضيت اتفجعت قال وغيره كتيييييير أي لهجة فيها الحلو وفيها الوحششش

smart girl
12-27-2010, 03:12 PM
فى القاهره : يقولك ميكروباص "ثقافتك انجليزى اوى يا عمنا micro bus"

فى اسكندريه : بنقول مشروع "شجع لغه بلدك"

ههههههههههههههههههههههه
والله العظيم كل الجوايا من ناحية القهراوية ظهر فالموضوع دة الحمدلله وخصوصا اللغة دى مفيش حاجة اتسابت
مفيش احلى ولا أجمل من لغة الاسكندرانية وفعلا
"شجع لغة بلدك "
موضوع تمـــــــــام يا كريم :a34::a11::a11::a11:

esraa marey
12-27-2010, 05:01 PM
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات
مستيكه "شايفين الاسم كله مازيكا"
:a28::a28::a28:

رائععععععععععععع
ماسبتش حاجة
احلى سلالالالالالالالام للاسكندرنية

الورده البيضاء
12-30-2010, 03:48 AM
هههههههههههههههههههههههههههههههههههههههههههههههههه هههههه
واقروا الفاتحة لابو العباااااااااااااااااااس
يااسكندرية يااجدع ناس او احسن ناس مش حافظة اوى
ههههههههههههههههههههههههههههه


لا جامد جدا ياكريم
الله ينور
هههههههههه

My Name Is Khan
12-30-2010, 10:57 AM
همووووووووووت من الضحك ههههههههههههههه
على فكرة القاهراويه بيحبوا كلمة ايووووو اوي
و بيموتوا من الضحك لما بيسمعوها مننا ههههههه
شكرا على الموضوووووووع ;)

Marwa Magdy
01-01-2011, 02:59 AM
فى القاهره : انا هشوف الموضوع ده

فى اسكندريه : انا حشوف الموضوع ده

لا يا كيمو الاسكندرانى يقول حنشوف دايما بيتكلموا بلغه الجمع
بس موضوع جمييييل اوووووى
تسلم ايدك

KAREEM
01-01-2011, 09:07 PM
طب وربنا انت راجل فاضي
انا شوفت الموضوع ف التول بار دفعني فضولي اني ادخل اشوف ايه الفروق دي
لقيتك مظبطهم ع الاخر "بالمناسبة (ع) اختصار لكلمة (علي ) عشان الوقت برده"وعشان احنا اسكندرنية برده
ناس مش فاضية يعني
ايـــــــــــوة كنت هنسي اقولك....،

موضوع جامد اوي
تسلم الايادي



هههههههههههههههههههههههههههه
شوفت انا فاضى خالص ازاى
:a1:

KAREEM
01-01-2011, 09:09 PM
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات

مدرسة الانشطار النووي هههههههههههههههه
هوة التوبك كلة فعلا تحفة بس اللي علقت معايا اسم المدرسة ههههههههه
تسلم ايدك ياكريم علي التوبك

هى مدرسة الانشطار اللى علقت معاكى ؟؟؟!!!
هههههههههههههههههههههههههه
نفسى اعرف ايه اللى فيها يعنى
هههههههههههههههههههههههههههههههههههههه:a36:

KAREEM
01-01-2011, 09:12 PM
بتتريقوا علي كلام القهرواية طيب ماتشوفوا لهجتهم ههههههههه
علي تخضيت اتفجعت قال وغيره كتيييييير أي لهجة فيها الحلو وفيها الوحششش


ههههههههههههههههههههههههههههه
والله احنا احسن لهجة واخف دم
على مستوى الجمهوريه ودى معروفه
على مستوى العالم كمان والله
والعرايشه برضو عشان متزعليش
عشان بتطل ع البحر المتوسط برضو
واخدين مننا شويه فى خفة الدم
:a1:

KAREEM
01-01-2011, 09:16 PM
فى القاهره : يقولك ميكروباص "ثقافتك انجليزى اوى يا عمنا micro bus"

فى اسكندريه : بنقول مشروع "شجع لغه بلدك"

ههههههههههههههههههههههه
والله العظيم كل الجوايا من ناحية القهراوية ظهر فالموضوع دة الحمدلله وخصوصا اللغة دى مفيش حاجة اتسابت
مفيش احلى ولا أجمل من لغة الاسكندرانية وفعلا
"شجع لغة بلدك "
موضوع تمـــــــــام يا كريم :a34::a11::a11::a11:


ما هو دا اللى خلانى احط الموضوع
طلع كل الكبت اللى جوايا من لغة المصاروه
خاصة ان خالتى بكل ولاد خالتى قاهريين
بس منهم متجوزين فى اسكندريه
عشان كدا لما بتكلم معاهم بهريهم تقليس
ولا كانو وانا صغير يبعتونىى اروح اجيب لبان على تشيكلس
اروح جايب لهم لبان من المر دا سماره واقولهم هو دا اللى لبان اللى عندنا
:a45:

KAREEM
01-01-2011, 09:19 PM
فى القاهره : يقولولك ايه (جبنه نستو) نستو ده اصلا كان فراش فى مدرسه الانشطار النووى الاعداديه بنات
مستيكه "شايفين الاسم كله مازيكا"
:a28::a28::a28:

رائععععععععععععع
ماسبتش حاجة
احلى سلالالالالالالالام للاسكندرنية




احلى سلام ليكى انتى يا اسراء
منووووره



هههههههههههههههههههههههههههههههههههههههههههههههههه هههههه
واقروا الفاتحة لابو العباااااااااااااااااااس
يااسكندرية يااجدع ناس او احسن ناس مش حافظة اوى
ههههههههههههههههههههههههههههه


لا جامد جدا ياكريم
الله ينور
هههههههههه


الفاتحه التانيه لسيدى ياقوووووت
منوره يا ورده


همووووووووووت من الضحك ههههههههههههههه
على فكرة القاهراويه بيحبوا كلمة ايووووو اوي
و بيموتوا من الضحك لما بيسمعوها مننا ههههههه
شكرا على الموضوووووووع ;)


شكرا لمرورك يا افندم

KAREEM
01-01-2011, 09:22 PM
فى القاهره : انا هشوف الموضوع ده

فى اسكندريه : انا حشوف الموضوع ده

لا يا كيمو الاسكندرانى يقول حنشوف دايما بيتكلموا بلغه الجمع
بس موضوع جمييييل اوووووى
تسلم ايدك



يا شيخة عيب لما الكلام دا يطلع منك كاسكندرانيه
احنا معندناش غير بتوع بحرى عندكو بس
اللى مازالو بيتكلمو بصيغة الجمع
وتقريبا تلاشت اللهجة دى من الاسكندرانيه

بس عموما حشوف الموضوع دا واقوللك :d

Marwa Magdy
01-01-2011, 09:50 PM
يا شيخة عيب لما الكلام دا يطلع منك كاسكندرانيه
احنا معندناش غير بتوع بحرى عندكو بس
اللى مازالو بيتكلمو بصيغة الجمع
وتقريبا تلاشت اللهجة دى من الاسكندرانيه

بس عموما حشوف الموضوع دا واقوللك :d



ازاى بس يا كريم تلاشت اذا كان ف ابو قير و رشيد اللى هما اساس الاسكندرنيه
لسه بتكلموا بصيغه الجمع دى
ف بحرى برضو نفس الحكايه اللى هى تعتبر اساس اسكندريه

جنه حسن
01-02-2011, 12:50 PM
بجد موضوع فى قمه الجمال ومحتاجينه قبل الامتحانات
وجزاك الله خيرا

mohamed ali
01-02-2011, 01:24 PM
فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه

فى القاهره : قال ايه طعميه ويجى واحد يتفلسف ويكتبلك طع100 ناس فاضيه

موجوده ياكريم طع100 فى اسكندرية جانب القهوة اللى قعدنا عليها قبل كده
تحفة الموضوع ياكريم

MUHAMED SAMY
01-02-2011, 01:28 PM
فى اسكندريه : الجبنه مصدرها من تركيا يبقى اسمها جبنه تركى ولا ايه يا جماعه

فى القاهره : قال ايه طعميه ويجى واحد يتفلسف ويكتبلك طع100 ناس فاضيه

موجوده ياكريم طع100 فى اسكندرية جانب القهوة اللى قعدنا عليها قبل كده
تحفة الموضوع ياكريم




ايه ده كيمو بيقعد على قهاوى

mohamed ali
01-03-2011, 11:41 PM
ايه ده كيمو بيقعد على قهاوى



ايوة ياعم خلاص كريم فقد

mon ange
07-18-2011, 12:26 AM
ايوووووووووووووووه مالهم الاسكندرنيين مش بيقولوا علينا مايه مالحه ووشوش كلحه امال ليه هيموتوا علينا وبييجوا يصيفوا عندنا ويزحمونا بس دلوقتى الوضع اتغير بعد الثورة بقى حبايبنا برده

KAREEM
02-04-2013, 02:06 PM
اه والله يا مها
الواحد بيعانى من الموضوع دا فى الجيش
واتعامل مع الصعايده والفلاحين وجميع الجنسيات

واكتشفت ان اسكندريه المحافظه الوحيده
اللى مجمع عليها الجميع بالحب

بغض النظر عن ان بيتقال علينا
اسكند رررررمه
او اسكندر بوء

كل دا هذار بس فعلا اجدع ناس
فى كل مكان بينورو كدا

ومبيحيبش اسكندريه الا حاقد او بنىءادم مش تمام

Amr_Gaafer
03-24-2015, 11:26 AM
حبيبي يا كيمو والله ، مع ان المفروض اعملك كومنت من زمان ، بس انت عارف مشكلتي مع الكومنتات

ريحانة ابيها
03-06-2018, 03:13 PM
تعد الحشرات من اكثر الاعداء للانسان داخل المنزل و التى تجعله يشعر بالضيق و الخوف من الامراض و التى غالبا ما تنتشر بسبب تواجد الحشرات بخلاف الضرر الشديد الئي يحدث نتيجة لتواجد بعض انواع الحشرات الشديدة الخطورة


و للتخلص من تلك الحشرات نهائيا من المنزل لابد من ان تبحث وراء السبب الذي ادى الى ظهور تلك الحشرات بالمنزل و تاريخ تواجدها و الاماكن التى يكثر انتشارها بها لتحديد الاماكن التى غالبا ما تختبئ به و هو ما يساعد بشكل كبير على التخلص منها بالاضافة الى اختيار المبيد المناسب


يوجد بعض الانواع من المبيدات و التى تختلف حسب بعض العوامل بلد الصنع و المعروف ان المبيدات الالمانية هى افضلها على الاطلاق و من حيث قدرتها القوية على الفتك بتلك الحشرات و القوم لتلك المبيدات سواء سائلة او زيتية او ضبابية و غيرها من الانواع و التى تحتاج الى يد خبيرة لابادة الحشرات المختلفة


تختلف بعض المبيدات فى طريقة الاستخدام و قد تحتاج الى اجعزه مختصة برش تلك المبيدات بسهولة اكثر و على اكبر مساحة ممكنه و الوصول الى اضيق الاماكن و هو ما توفرة الاجهزه الخاصة برش المبيد و التى تعطى نتائج افضل فى الايادة و غالبا ما تستخدم على ايد ذات خبرة فى رش المبيدات و القضاء على الحشرات و مكافحتها بالطريقة الصحيحة


تتواجد الكثير من الحشرات التى تتواجد بالمنازل منها ما نشعر بة و نراه و منها ما هو صغير للغاية قد لا تراه بالعين المجردة و هو ما يجعل من ضرورة التعرف على تلك الحشرات و معرفة سبل التخلص منها ضرورة كبيرة
و من تلك الحشرات النمل الابيض و الذي يشتهر بخطورتة الكبيرة و قدرتة على الحاق الاضرار بالاخشاب و المفروشات الموجوده بالمنزل و هو ما يجعلها شديدة الخطورة و التخلص منها يحتاج للكثير من التقنيات و التى تساعد الى جانب المبيد المناسب
كما يوجد بعض الحشرات الاخرى الصغيرة مثل النمل الاسود و التى تنتشر بسهولة بالمنازل نتيجة وقوع الاطعمه على الارضيات او عدم الاهتمام بالنظافة الخاصة بالمطابخ و ترك الاطعمه المكشوفة و طرق ابادتة متنوعة و كثيرة بين اساليب الابادة التقليدية و الاساليب التى تستخدمها الشركات فى الابادة بشكل اكثر فتكا من الطرق التقليدية
و كذلك الصراصير و التى تعمل على الازعاج الكبير عند انتشارها بشكل مزعج بالمنزل دون القدرة على التخلص منها بسهولة فقد تحتاج للكثير من التقنيات المختلفة و التى تساعد على التخلص منها فى وقت اسرع
كما ان ابادة بق الفراش يعد من الطرق السهلة و لكنها تحتاج لبعض الطرق الوقائية و التى تستخدم الى جانب المبيد الحشرى الذي يستخدم لابادة بق الفراش من تهوية جيدة و التطهير المستمر للفراش او المفروشات المصابة بتلك الحشره بخلاف الرغبة فى تنظيف تلك المفروشات بشكل مستمر و تعرضها لدرجات الحرارة المرتفعة


يوجد بعض الاساليب التى قد تساعدك من الوقاية من تواجد تلك الحشرات بمنزلك او مكان عملك من اكثر الطرق الوقائية استخدام بعض الشركات التى تعمل على الرش الوقائي و خاصة عند الرغبة فى الانتقال الى منزل جديد مما يساعد على عدم تواجد تلك الحشرات مرة اخرى بالمنزل


الاستعانة بشركات مكافحة الحشرات ضرورة كبيرة للتخلص من الحشرات بشكل اسهل و ذلك لتجنب المحاولات الكبيرة التى قد تحاول فى التخلص منها دون فائدة كما يمكنك الوقاية من سبل انتشار الحشرات بالمنازل و التى توفر عليك تلك الحشرات




المصدر


شركة مكافحة حشرات بالرياض
(https://mamlakaservices.com/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%AD%D8%B4%D8%B1%D8%A7%D8%AA-%D8%A8%D8%A7%D9%84%D8%B1%D9%8A%D8%A7%D8%B6/)
شركة رش مبيدات بالرياض
(https://mamlakaservices.com/%D8%B4%D8%B1%D9%83%D8%A9-%D8%B1%D8%B4-%D9%85%D8%A8%D9%8A%D8%AF%D8%A7%D8%AA-%D8%A8%D8%A7%D9%84%D8%B1%D9%8A%D8%A7%D8%B6/)
شركة مكافحة الحمام بالرياض
(https://mamlakaservices.com/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%A7%D9%84%D8%AD%D9%85%D8%A7%D9%85-%D8%A8%D8%A7%D9%84%D8%B1%D9%8A%D8%A7%D8%B6/)
شركة مكافحة النمل الابيض بالرياض (https://mamlakaservices.com/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%A7%D9%84%D9%86%D9%85%D9%84-%D8%A7%D9%84%D8%A7%D8%A8%D9%8A%D8%B6-%D8%A8%D8%A7%D9%84%D8%B1%D9%8A%D8%A7%D8%B6/)