المساعد الشخصي الرقمي

مشاهدة النسخة كاملة : اخبار الامتحانات اييييييه ؟؟؟؟؟؟ لعام 2011 الترم الاول



KAREEM
01-09-2011, 06:48 PM
سلامو عليكو

الجواب باين من عنوانه
كل واحد يخش يطمننا عمل ايه فى امتحانه
يوم بيومه

والموضوع مفتوح
للفرق الاربعه بشعبتيهما

بالتوفيق للجميع

ضوء القمر
01-09-2011, 07:46 PM
أزيك يا كريم والله امتحان الجيومورفولوجيا النهاردة كان جميل ويارب السكان اللي جاية تبقي كويسة بس انت مقولتش امتحانكوا كان ايه النهاردة بالتوفيق للجمييييع.

حنين الحياة
01-09-2011, 07:55 PM
اكريم؟؟؟؟؟؟؟؟؟؟؟؟؟؟؟؟؟؟هو الامتحانات بدأت وانا معرفش:a4:

هذا هو اثر الجغرافيا وفروعها:a36:

الحمد لله

MUHAMED SAMY
01-09-2011, 08:20 PM
الامتحان حلو
بس كان عايز حد مزاكر كويس
:a1:

elkomy nasser
01-09-2011, 09:58 PM
انا زهقان خالص عندى امتحان بكرة رياضيات ...ادعولى

mohamed ali
01-09-2011, 10:09 PM
الامتتحان كان سهل جدا ياكريم مفيش مشكلة الحمد لله

المشكلة فى مادة العمران كبيرة جدا وربنا يستر وكمان الوقت ضيق جدا ربنا يستر يارب

ويعديها ع خير

KAREEM
01-09-2011, 10:31 PM
اشكركم جميعا على مشاركتكم

بالتوفيق يا ضوء القمر
وباذن الله دكتور اشرف
يجيب لكو امتحان سهل فى السكان
على قد المنهج الكبير اللى عطهولكو
بس خلى بالكو عشان هو بيبعد عن النقط
اللى فيها تنشين الطالب يعنى تذاكرو بالعكس
اللى متوقعينه متذكرهوش عشان مش حيجيبو

شوفتى يا حنين الامتحانات بدأت واحنا منعرفش
ربنا معانا جميعا ياااارب

سامى الامتحان عندنا
كان عايز واحد مش مذاكر
وحضر اخر محاضرتين

على
ربنا يستر فى العمران
لان على اللى حصل لى النهارده دا
انا مكنتش بذاكر

اقوللكو بقى ع اللى حصل لى

الدكتور ممدوح النهارده ساب المنهج كلو
9 محاضرات
ومسك اخر محاضره ليها جابها سؤال
وجاب السؤالين التانين من السكاشن بتوع المعيدين
من الاخر
الحاجات دى اللى مكنتش مذاكرها خالص
وفيها اللى مكنتش مذاكره كويس

المهم مسكت الورقه من كتر غيظى
مبقتش عارف اكتب ولا اركز
بس اهو كتبت وخلاص
الواحد بعد ما كان عايز تقدير
بقى يقول يارب يعدى بالمادة دى مقبول
بس بجددددد
حاجه مش طبيعيه
لما يسيب الدنيا كلها
واحنا عمالين نذاكر فى وادى النيل
اللى خد فى المحاضرات الاولانيه كلها
والامتحان فى وادى تاااانى خاااااالص
فى سوء توزيع فى المنهج ع الامتحان

بس اعتقد ان الامتحان كان كويس
لمعظم الدفعه عندنا
لان كله كان متوقع كدا الا انا تقريبا
:a18:

ربنا يوفق فى اللى جاى

mon ange
01-09-2011, 11:19 PM
انا معاك يا كريم بجد الامتحان انا كنت متوقعاه بالظبط وكنت مذاكرة الحمد لله كويس جدا وبعد ما توقعت كل ده قلت برده مش معقول هيسيب المحاضرات دى كلها ويسيب الوادى الكبير وتخيلت انى لو مكان الدكتور هجيب اجزاء ... بس معلش الحمد لله المهم عملنا اللى علينا

MUHAMED SAMY
01-09-2011, 11:49 PM
فى نظرية دكتور كان قلهلنا للامتحان
انه يتوزع على المنهج كله
يعنى اللى مزاكر نص المنهج يجاوب نص الامتحان
!!!!!

الرســـــــــــمة ياعلـــــى

مشتاقه للجنه
01-11-2011, 01:27 PM
كريم انا تقريبا زيك بس انا كنت مذاكره بس مركزتش فى الامتحان ونسيت الى زكرته وتوترت جدا وده حصل لناس يامه اوى وكلنا بنقول يارب نجيب فيها مقبول واحنا معتمدين على الله ودرجه الشفوى انها ترفعنا من الضعيف للمقبول

هدى على
01-11-2011, 02:27 PM
انا كمان اتوترت اوى قبل الامتحان ونسيت اكتب حاجات فى الامتحان بس نقول الحمدلله

KAREEM
01-11-2011, 02:51 PM
ايدا دا مطلعتش انا لوحدى
:a45::a45::a45:
وعندك حق الواحد اللى مطمنه
ان درجة الشفوى والكراسه
ممكن تشيل معانا شويه

بس عايز اقول حاجه
احنا كان كل ما المعيدين يخشو
نخش نشتكى للدكتور ان احنا مش فاهمين منهم حاجه
- بدون ذكر أسامى -
يروح قايل لنا حظبطكو فى الامتحان
!!!!!!

هو دا التظبييييييط ولا بلاش
الامتحان كله جيه من سكاشن المعيدين

على جثتى ان كان الدكتور هو اللى حاطط الامتحان
عمرى ما اصدق انه هو اللى عمل كدا

هدى على
01-12-2011, 07:53 PM
امتحان جغرافيا العمران النهاردة كان بالنسبالى متوسط بس الحمدلله

KAREEM
01-12-2011, 08:00 PM
انا كمان يا هدى كان نفس الكلام
الامتحان يعتبر متوسط
الحمد لله

عقبال النقل اللى جاى
ربنا يستر
الا انا مييييح فى النقل دى

ساره احمد عبد الفتاح
01-12-2011, 09:24 PM
الموضوع حلو جدااااااااااااا

بس مش قادره احكيلك على الامتحان

فى الاقتصاديه بعد ما اتفق معانا على الاسئله جاب حاجات تانيه وفى اسئله مكنتش قوى
والنهارده البحار كانت ايامه قليله
ومكنش قوى
بس الامتحان كله كان من المذكره بس للاسف انا مفتحتهاش
عموما الحمدلله وربنا يستر على اللى جاى

هدى على
01-16-2011, 06:04 PM
النهاردة امتحان جغرافيا النقل كان كويس الحمدلله

ضوء القمر
01-16-2011, 06:46 PM
كويس يا هدي ربنا معاكو احنا بقي الكمية كانت متوسطة بس أنا حاسة اني عكيت مع اني والله كنت مذاكرة المادة من أول السنة وكمان كان ليها امتحان شفوي بس معرفش ايه اللي حصلي حتي مش عارفة ابتدي في مذاكرة المساحة من كتر تفكيري في الكمية أصلي كان املي السنة دي أدخل المساحة , الفرصة لسة قدامي بس ربنا يستر قدر الله وما شاء فعل الحمد لله علي كل حال...................

MUHAMED SAMY
01-16-2011, 08:36 PM
امتحان ميلك شيك
اشبه ب زبادى فى الخلاط

KAREEM
01-23-2011, 06:20 PM
امتحان دكتور راشد النهارده
كان كويس
جاب من اللى قال لنا عليه
ومراحش بعيد زى ما قال
اى نعم كان طويل شويه
بس هو عدى علينا فى اللجنه
وقال لنا لخصو

يارب يكون باقى الدفعه حليت كويس

هدى على
01-23-2011, 06:47 PM
امتحان مشكلات بيئية النهاردة كانت كويسة بس الامتحان كان طوووويل وكتبت فى اخر ورقة وملقتش مكان ارسم فية
بس الحمدلله

MUHAMED SAMY
01-23-2011, 10:18 PM
فله شمعه منور

الورده البيضاء
01-25-2011, 08:35 PM
تصوروا بكرة عندى امتحان
هههههههههههههههههههههههههههههههههه
الامتحانات زى الفل ياكريم
حاجة تخنق والله
تقريبا هما مستقصدين الانتساب السنادى

الورده البيضاء
01-25-2011, 08:38 PM
جيمورفولوجيا 30 سؤال اختار دكتور ابو راضى اطال الله لنا فى عمرة
السكان 9 اسئلة مقالى و10 صح او خطأ مع تصحيح الخطأ دكتور جبريل اكرم الله وجهة
الكمية 5 اسئلة الدكتور قال اللى حيحل 4 حياخد امتياز دكتور السودانى غفر الله له ذنوبببببببببة
الحيوية 3 اسئلة مقالى اختار اتنين وكان احلى امتحان بصراحة دكتور التهامى ربنا يخلية لينا يارب ويكرمة بجد
انتظر بقا اخر الاخبار بكرة
دعوة واحدة مش كفايا
ادعيلى شكرا

ضوء القمر
01-26-2011, 05:34 PM
الحمد لله النهاردة المناخية كان كويس امتحان السنة اللي فاتت مع زيادة شوية حاجات بسيطة بس الحمد لله كنا خايفين جدااااا من أبو راااااضي وامتحان السنة اللي فاتت مكنش نازل مع الامتحانات بس حنين الحياة جبتهولنا ربنا يكرمك يا حنااان ويارب باقي الدفعات يكون امتحانها كويس.

KAREEM
01-26-2011, 10:27 PM
طالما المناخيه عدت
يبقى ان انتو عديتو خلاص
وربنا يجازى حنين خير
على مساعدة زمايلها
بالتوفيق ليكو جميعا

احنا الحمد لله الامتحان
كان صعيدى كالعاده
امتحانات دكتور تهامى معروفه
الواحد كان داخل بحوالى نص المنهج
والحمد لله حليت التانى والتالت

ياريت الكل يخش يعرفنا اخبار باقى الامتحانات

حنين الحياة
01-26-2011, 10:45 PM
يااااااااااااااااااااااااااااااه يا جماعه مشفتوش الواحد كان مدمرفي المناخيه ازاي وكلنا داخلين وعارفين ان الامتحان هيبقي صعب ومش هنعرف نحل كويس بس ما كنا متوقعبن انه يبقي في الغالب زي امتحان السنه الي فاتت..............الحمد لله علي كل شئ,,,,,,,,,,,ربنا يخليكي يا هنوء علي كلامك الطيب وربنا يجازي اسماء خير

هدى على
01-27-2011, 11:02 AM
امتحان الزمن الرابع النهاردة كان كويس بس انا السؤال الاولانى مكتبتش فية كتير لانة كان شارح الاودية شوية صغيرة
وروحت كتبتلة المصاطب النهرية بس مرسمتش كتير