المساعد الشخصي الرقمي

مشاهدة النسخة كاملة : شعرك اجمل معانا



الورده البيضاء
01-17-2011, 07:52 PM
السلام عليكم ورحمة الله وبركاتة
فى الموضوع دا
ان شاء الله ححاول اجمع اكبر قدر ممكن لوصفات الاهتمام بالشعر
اتمنى انها تنول اعجابكم

الورده البيضاء
01-17-2011, 08:03 PM
الجرجير والثوم وجوز الهند.. لشعر من غير مشاكل
بشرتنا لها امتداد لشعرنا، فعادةً اللي بشرته دهنية هيلاقي شعره دهني، واللي بشرته جافة هيلاقي شعره جاف.

ومن الحاجات المهمة جداً للعناية بالشعر هي نوعية الشامبو اللي بنستخدمه لشعرنا؛ يعني لازم نستخدم الشامبو المناسب لنوع شعرنا، بالإضافة إلى الماسكات الطبيعية، واللي بجد بتجيب نتيجة كويسة أوي، لكن بشرط المداومة والاستمرارية.

ودلوقتي هنعمل مع بعض حمام زيت هايل جداً لتغذية الشعر، ومنع التساقط، وعلاج القشرة، وإعطاء لمعان للشعر.

الماسك بيتكوّن من:
ملعقة كبيرة زيت جرجير
ملعقة كبيرة زيت ثوم
ملعقة كبيرة زيت جوز هند

والتركيبة دي لها فوايد كتيرة جداً زي ما قلنا؛ فمثلاً زيت الثوم بيغذّي الشعر، وبينبّته، وبيزيل القشرة، وزيت الجرجير بينبّت الشعر، ويقوّيه، وبيعالج التقصيف، أما زيت جوز الهند فبيساعد على إعطاء لمعان ونعومة الشعر.

وعلشان نعمل حمام الزيت بنتّبع الخطوات دي:
1- نغسل الشعر مرتين بالشامبو، ونعرّضه لكمية كبيرة من البخار، وإحنا في الحمام علشان المسام تتفتح.

2- هناخد الزيت ونحطه على جذور الشعر بس، وممكن ناخد منه نقطة أو اتنين نحطهم على باقي الشعر؛ لأن زيت الجرجير وزيت الثوم ما ينفعش نحطهم على الشعر.

3- بنسيب حمام الزيت ده على شعرنا لمدة 3 أو 4 ساعات، لكن مش أكتر من كده، وبعد كده نغسل شعرنا كويس بالشامبو.

الورده البيضاء
01-17-2011, 08:16 PM
زيت القرفة.. لتطويل الشعر
أما بقى لتطويل الشعر فممكن نعمل حمام زيت عبارة عن ملعقة زيت جوز هند على نصف ملعقة زيت قرفة؛ بس ناخد بالنا إننا ما نزوّدش كمية زيت القرفة لأنها ممكن تسبب تساقط الشعر لو كميتها زادت.

وممكن كمان نعمل خليط عبارة عن ملعقة كبيرة من عسل النحل وملعقة صغيرة من زيت الزيتون.

لكن أهم حاجة عايزة أقولها إننا علشان نحسّ بنتيجة من الماسكات دي لازم نواظب عليها لفترات طويلة.