المساعد الشخصي الرقمي

مشاهدة النسخة كاملة : الدخول لكل مصرى عنده ضمير



مى الشورى
02-02-2011, 03:35 PM
ايوه الدخول لكل مصرى عنده ضمير كل مصرى عاش فى هذا البلد الحبيب وعاش كل حدث فيه كل صاحب ضمير يعرف من مبارك وماذا قدم مبارك لهذا البلد
كثيرين يقولوا انه حكم هذا البلد ثلاثين عاما ولم يقدم لهذا البلد سوى الامراض والفقر الكثير من الاشياء السيئة
ولكنى اقول ان هؤلاء ليسوا مصريين ولم يعيشوا بمصر بل انهم خونة
خونة لانفسهم وبلدهم ورئيسهم ومثل هؤلاء لا نحتاج اليهم مثل هؤلاء تخلوا عن مبارك الان وباعوه واقسم انه فى اى فرصة سانحة لهم سيبيعوا شرفهم وعرضهم
ان انتشرت البطالة فليس مبارك هو السبب الرئيسى وان انتشرت الامراض فهذا غضب من الله وان انتشرت الحوادث فنحن السبب فيها
ان جلست اكتب واتحدث فلن ينتهى الكلام ولكنى موجودة للحوار والرد على الجميع
فانا فى انتظار مشاركتكم وحواراتكم

sandra_sa
02-03-2011, 05:19 AM
عند حق يا مى فى كل الكلام سواء كان الامراض ده عقباب وكمان برضوا ربه ضره نافعه والحوادث مين الى بيعملها مش الاناس المستهترون والذين يتهاونون فى حق الاخرين فيسببون لهم الحوادث وخراب الشرطه ليس مبارك هو المسول الاوحد فى منظومه الخراب ولكن هناك اناس كثر شاركوه فى ذلك وعمتن الى راح راح وكنا نامل بمستقبل مشرق فى ظل حكومه عادله والله الموفق باذن الله

sandra_sa
02-03-2011, 05:27 AM
ان كنتم تريدون فوضي ..... فقد حققتوها
إن كنتم تريدون تغيير ..... فقد غيرتوها
إن كنتم تريدون الرئيس ..... فهو معنا حتي نهايه الفتره
إن كنتم لا تريدون الرئيس ..... فقال لن يرشح نفسه مره اخري
إن كنتم تريدون النهضه ..... فقد حان الوقت لنساعد بعضنا ...لننهض مره أخري
......إن كنتم تتظاهرون بدون هدف ..... فأتركوا مصر لأن شعبها أعظم الشعوب

مى الشورى
02-03-2011, 07:51 PM
ساندرا انا بشكرك على ردك وعلى مشاركتك
وارائك وبشكر كمان الناس اللى شاهدة الموضوع
لكن كنت بتمنى انهم يكللوا مشاهدتهم بان يشاركونا
ويظهروا وجهة نظرهم فى الامر

MUHAMED SAMY
02-03-2011, 10:02 PM
نؤيدك يا مبارك حتى انتهاء فترة حكمك واللى اعتقد انها المفروض انها تكون انتهت من فترة او فترتين انتخابيتين مضت

وفى حاجة تانية فى دماغى انه يتنحى ويحصل فوضى عشان خاطر الموجودين الان فى التحرير يعيشو اللحظة اللى نفسهم يعيشوها
بس اعتقد اننا كلنا هنضيع

إن شاء الله مش هيتنحى

إذا أشتد الحبل انقطع

وبيتهيئلى الحبل كده جاب اخره

smart girl
02-04-2011, 03:20 PM
كثيرين يقولوا انه حكم هذا البلد ثلاثين عاما ولم يقدم لهذا البلد سوى الامراض والفقر الكثير من الاشياء السيئة
ولكنى اقول ان هؤلاء ليسوا مصريين ولم يعيشوا بمصر بل انهم خونة
خونة لانفسهم وبلدهم ورئيسهم ومثل هؤلاء لا نحتاج اليهم مثل هؤلاء تخلوا عن مبارك الان وباعوه واقسم انه فى اى فرصة سانحة لهم سيبيعوا شرفهم وعرضهم


اريد ان اوضح لكى ان من عارض مبارك لم يلفظ اى الفاظ خارجة على من أيدوة لأن مشكلتنا ليست مع من يؤيدة ولغاية اخر قطرة سنعبر عن ارائنا ضد مبارك فقــــــــــــــــط وليس ضد من يريد بقاءة هل تعلمى لماذا ؟؟؟؟ لأننا نعلم جيداااااا اننا جميعنا مصرين
واذا اردتى ان تعبرى عن رائيك او تعلنى عن تأيدك لة فلابد ان لا تخطئى فى سب من يعارضة لأنك ستشوهى صورة المؤيدين و ان مطالبنا نحن وندائتنا بالحرية والديمقراطية ليست من اجل من لا يطبقها
واقول للمرة 100000000000000000 فكلنا مصرين

مى الشورى
02-04-2011, 06:08 PM
اريد ان اوضح لكى ان من عارض مبارك لم يلفظ اى الفاظ خارجة على من أيدوة لأن مشكلتنا ليست مع من يؤيدة ولغاية اخر قطرة سنعبر عن ارائنا ضد مبارك فقــــــــــــــــط وليس ضد من يريد بقاءة هل تعلمى لماذا ؟؟؟؟ لأننا نعلم جيداااااا اننا جميعنا مصرين
واذا اردتى ان تعبرى عن رائيك او تعلنى عن تأيدك لة فلابد ان لا تخطئى فى سب من يعارضة لأنك ستشوهى صورة المؤيدين و ان مطالبنا نحن وندائتنا بالحرية والديمقراطية ليست من اجل من لا يطبقها
واقول للمرة 100000000000000000 فكلنا مصرين




اولا انا اتشرفت بمشاركتك
ثانيا سؤال هنتظر ردك عليه حضرتك بتقولى اننالا يجب
ان نسئ الى بعضنا البعض لاننا مصريين
فهل مبارك ليس مصرى حتى ينال كل ما ناله من اساءات وسب؟

مى الشورى
02-04-2011, 06:10 PM
نؤيدك يا مبارك حتى انتهاء فترة حكمك واللى اعتقد انها المفروض انها تكون انتهت من فترة او فترتين انتخابيتين مضت

وفى حاجة تانية فى دماغى انه يتنحى ويحصل فوضى عشان خاطر الموجودين الان فى التحرير يعيشو اللحظة اللى نفسهم يعيشوها
بس اعتقد اننا كلنا هنضيع

إن شاء الله مش هيتنحى

إذا أشتد الحبل انقطع

وبيتهيئلى الحبل كده جاب اخره



اشكر مرورك ورايك يا محمد
واعتقد ان الحبل اتقطع بالفعل

smart girl
02-04-2011, 09:47 PM
اولا انا اتشرفت بمشاركتك
ثانيا سؤال هنتظر ردك عليه حضرتك بتقولى اننالا يجب
ان نسئ الى بعضنا البعض لاننا مصريين
فهل مبارك ليس مصرى حتى ينال كل ما ناله من اساءات وسب؟


طبعااااااا ولو سئلتينى لية هحتاج 30 سنة اتكلم ..نفس المدة اللى اعقدها ..و الردود الاكتر موجودة فميدان التحرير والقائد ابراهيم ومحطة مصر واكتر من مليونى مصرى يجاوبوكى على ان مبارك دة مصرى ولا جنسيتة اية بالظبط انا كل اللى اقولهولك
تقدرى تدافعى عنة زى مانتى عايزة بدون سب اى معارض لى او التشكيك فوطنية اى مصرى بيعبر عن رائية ضدة
وانا اللى اتشرفت بالنقاش معاكى

ESRAA SOLIMAN
02-04-2011, 11:10 PM
السلام عليكم
انا بشكرك علي موضوعك


انتي عندك حق ان الرئيس مبارك ليس المسئول الوحيد عن كل ما حدث في مصر من مصائب ومشاكل بس هو اللي سمح بان ده يحصل وعطي فرصه للناس اللي معاه انها تأذي وتخرب
بس ما علينا اللي حصل حصل وده يخلينا ناخد بالنا كويس بعد كده ونتعلم

ونثق اننا ممكن نوصل صوتنا
بس ياريت لا نسئ الظن بالناس اللي ضده

لاننا كلنا مصريين سواء المؤيديين او المعارضين

كل الحكايه ان كل واحد له وجهه نظره ومن حقه انه يتمسك بيها زي ما حضرتك متمسكه برايك
انا من رايي انه يستمر حتي انتهاء فتره حكمه وانا شايفه اني صح
واللي يقولي انتي غلط مش بهاجمه بحاول اقنعه وان مقتنعش فهو حر في رايه


احنا كلنا مصريين وكلنا بنحب مصر و بنموت في ترابها ياريت مننساش ده
وبشكرك علي الموضوع مره تانيه

مى الشورى
02-05-2011, 09:04 PM
السلام عليكم
انا بشكرك علي موضوعك


انتي عندك حق ان الرئيس مبارك ليس المسئول الوحيد عن كل ما حدث في مصر من مصائب ومشاكل بس هو اللي سمح بان ده يحصل وعطي فرصه للناس اللي معاه انها تأذي وتخرب
بس ما علينا اللي حصل حصل وده يخلينا ناخد بالنا كويس بعد كده ونتعلم

ونثق اننا ممكن نوصل صوتنا
بس ياريت لا نسئ الظن بالناس اللي ضده

لاننا كلنا مصريين سواء المؤيديين او المعارضين

كل الحكايه ان كل واحد له وجهه نظره ومن حقه انه يتمسك بيها زي ما حضرتك متمسكه برايك
انا من رايي انه يستمر حتي انتهاء فتره حكمه وانا شايفه اني صح
واللي يقولي انتي غلط مش بهاجمه بحاول اقنعه وان مقتنعش فهو حر في رايه


احنا كلنا مصريين وكلنا بنحب مصر و بنموت في ترابها ياريت مننساش ده
وبشكرك علي الموضوع مره تانيه



انا اللى بشكر مرور حضرتك وبشكرك على رايك
بس انا احب ان كل واحد بردة ميسبش فى واحد زى مبارك
وان كان سمح بان اى حاجة من دى تحصل
فكلنا سمحنا بيه لانها منظومة كلنا متعلقين فيها
وكلنا عملنا اخطاء بتسمح بوجود فساد
بشكرك مرة تانية

مى الشورى
02-05-2011, 09:13 PM
طبعااااااا ولو سئلتينى لية هحتاج 30 سنة اتكلم ..نفس المدة اللى اعقدها ..و الردود الاكتر موجودة فميدان التحرير والقائد ابراهيم ومحطة مصر واكتر من مليونى مصرى يجاوبوكى على ان مبارك دة مصرى ولا جنسيتة اية بالظبط انا كل اللى اقولهولك
تقدرى تدافعى عنة زى مانتى عايزة بدون سب اى معارض لى او التشكيك فوطنية اى مصرى بيعبر عن رائية ضدة
وانا اللى اتشرفت بالنقاش معاكى



انا عايزة اقولك انى عمرى ما اسب حد وان كنتى بتقولى
انى سبيت المعارضين لما قلت عليهم خونة فالخيانة بتعنى اشياء
كثيرة وانا من وجهة نظرى ان خيانتهم ليه كانت فى نكرانهم
كل ما قام بيه لانه قبل كل شئ انسان مش ملاك
ليه اخطاء وليه اشياء جيدة فعلها
اما بخصوص الفلوس اللى ملى بيها البنوك خارج مصر
فياريت تجيبلنا تقدير بيها عشان يبقى حقائق اكثر منها
ظنون وبردة اقولك انه حكم 30 سنة احنا تخاذلنا فيهم عن الافصاح
بما لنا من حقوق كما ان المليون او حتى الثلاثة مليون فى الاماكن
اللى حضرتك ذكرتيها مش هما قاعدة الهرم
اللى بتعانى حاليا ومحدش حاسس بيها
وانبه الجميع ان ثورتهم ممكن تطيح بكل شئ مثل الفيضان
الذى لا يفرق او يرى ما امامه
شكرا ليكى على ارائك

spider girl
02-05-2011, 09:15 PM
احنا شعب نموت ونعلق اخطاءنا على غيرنا

رئيس الجمهوريه مش هوه المحافظ ومش هوه مأمور القسم
ومش هوه رئيس الحى ومش ومش ومش ............. مناصب كتير فى ايد ناس تانيه
لازم يحصل قصور مقولناش احنا فى الجنه
فى بطاله لاننا عايزين مكتب وكرسى بيتمرجح ونتأمر على خلق الله
فى امراض لاننا شعب همه على بطنه وبس
فى نصب واحتيال طب مهو لازم ادام فيه اميه
وغير وغير نعيب زمننا والعيب فينا

فى النهايه بقول ارحموا عزيز قوم خلينا معاه للاخر
معاه لغايه اخر مدته بس كده

مشتاقه للجنه
02-05-2011, 09:21 PM
ايوه الدخول لكل مصرى عنده ضمير كل مصرى عاش فى هذا البلد الحبيب وعاش كل حدث فيه كل صاحب ضمير يعرف من مبارك وماذا قدم مبارك لهذا البلد
كثيرين يقولوا انه حكم هذا البلد ثلاثين عاما ولم يقدم لهذا البلد سوى الامراض والفقر الكثير من الاشياء السيئة
ولكنى اقول ان هؤلاء ليسوا مصريين ولم يعيشوا بمصر بل انهم خونة
خونة لانفسهم وبلدهم ورئيسهم ومثل هؤلاء لا نحتاج اليهم مثل هؤلاء تخلوا عن مبارك الان وباعوه واقسم انه فى اى فرصة سانحة لهم سيبيعوا شرفهم وعرضهم
ان انتشرت البطالة فليس مبارك هو السبب الرئيسى وان انتشرت الامراض فهذا غضب من الله وان انتشرت الحوادث فنحن السبب فيها
ان جلست اكتب واتحدث فلن ينتهى الكلام ولكنى موجودة للحوار والرد على الجميع
فانا فى انتظار مشاركتكم وحواراتكم


زميلتى العزيزه مش من حقك انك تتهمى الناس الى هم الشعب المظلوم المقهور من سياسه مبارك والى حوليه بالخيانه وانهم ممكن يبيعوا شرفهم وعرضهم طب بسئلك انت كان فين ضميرك الى سمحلك انك تتهمى الناس بكده؟ولما مش هو السبب فى البطاله والجوع والفقروالقهرطب مين؟انا انت زميلنا بباكى ببايا اخويا اخوكى جرنا جرنكم اهلك اهلى الشعب الى لاحول ولاقوه ليه مين ردى عليا ؟ انت تعرفى رصيده فى البنوك الاجنبيه كم طبعا سمعتى فى وسائل الاعلام عن رصيد الحرميه الى حوليه كام
اما اتهمتى الناس الى بتعبر عن رئيها بالخيانه طب ياترى تقولى ايه للى بيتعامل مع اليهودوبيدخلهم البلد واظن انك من البحيره وعارفه ان دخل مصر فى اول يناير 5الاف يهودى علشان مولد ابو حصيره
لما اتهمتى الناس بالخيانه طب تتهمى الحرميه الى الى سرقوا البلد وملوا البنوك بفلوس دم الشعب المطحون بايه؟
ليه تتهمى الناس انهم ممكن يبيعوا شرفهم وعرضهم علشان بيطلبوا بحقهم انت فكرتى فى الجمله دى كويس قبل متكتبيها؟
زميلتى تقدرى تفسرى ليه انا وانت متاثرناش بالخسائر الى حدثت فى البورصه والسياحه والاقتصاد كله لاننا مش بيدخلنا منه حاجه كل رايح للحرميه
الناس الى انت اتهمتيهم بالخيانه انهم ممكن يبيعوا شرفهم وعرضهم دول فى كل بيت من بيتهم استشهد شهيد فى حر ب اكتوبر علشان انت وانا وكل المصرين يعيشوا هو محربش لوحده فى اكتوبر
باى حق تتهمى الناس الى بتقول لا للفساد لاللظلم لاللغلاء لا لقانون الطوارىء لاللبطاله بانهم خونه وممكن يبيعوا عرضهم وشرفهم؟
اظن انك عايشه فى بيت مصرى بيعانى من كل الى بيعانى منه اى بيت غلاء بطاله بتتاثرى بالى بتسمعيه بيحدث من قانون الطوارىء واقلك على حاجه فى ناس معندهاش البيت الى انتى اعده فيه عايشه فى الشارع فى ناس مش بتلاقى تاكل فى ناس مش بتلاقى حجات كتير اوى المفروض ان اى دوله بتوفرها لشعبها
لغيت امتى حنفضل سكتين والبنوك بره بتتملى من دمنا
زميلتى رجعى نفسك كويس قبل ماتتهمى الناس بالخيانه وانهم ممكن يبيعوا شرفهم وعرضهم
"ما يلفظ من قول الا لديه رقيب عتيد"
زميلتى كل شىء وله جانب ايجابى واخر سلبى
انا لن انكر انجازات الرئيس مبارك صاحب اول ضربه جويه فى 6 اكتوبر وماقدمه لمصر من خلال فتره حكمه للبلاد من تقدم وانجازات وذلك هو الجانب الايجابى
اما الجانب السلبى فلكى ان تنظرى حولك
كل شىء وله نهايه
انا لست من مؤيدى التنحى حاليا ولكنى مؤيده بقاء الرئيس مبارك حتى انتهاء فتره حكمه فى شهر11 واعطاء فرصه للحكومه الجديده