المساعد الشخصي الرقمي

مشاهدة النسخة كاملة : مجرد نقاش "مؤيدين ...معارضين"



smart girl
02-05-2011, 11:17 AM
http://www.mesa7a.com/forum/mwaextraedit5/extra/03.gif

انا هنتكلم عن وجهة نظرى ومش بفرضها على أى حد

*دلوقتى فى ناس مؤيدة لبقاء مبارك حتى انتهاء فترة رئاستة ..
*وفى ناس تانية وانا من ضمنهم معارضين بقاء مبارك ولابد ان يرحل اليوم وليس غد
*وفى ناس تالتة شايفة ان مبارك هو الحل ( زى بالظبط الاسلام هو الحل ) بمعنى انة يبقى ويظل فالحكم ليس فقط فترة رئاستة ولكن الى أمد الامدين واعتقد انهم اقلية الحمدلله



http://www.mesa7a.com/forum/mwaextraedit5/extra/14.gif


الاشخاص الاخيرة اللى بيقولوا ان مبارك هو الحل عندهم وجهات نظر تحترم وشايفين ان مبارك يصلح كرئيس فكل الازمنة وبكل الاوضاع وانا مش هقدر اعرف اوى اية وجهات نظرهم ولكن هما رائيهم كان ثابت من الاول متغيرش انة شخص كويس


http://www.mesa7a.com/forum/mwaextraedit5/extra/14.gif

أما الاشخاص اللى كانوا مع 25 يناير وبعد خطاب الرئيس الاخير اعدلوا عن رائيهم وقالوا ننتظر حتى انتهاء فترة رئاستة ثم يرحل لاء وفى منهم رجع فتفكيرة خالص وانضم الى من يهتف نعم لمبارك ...انا هتكلم عن اللى فهمتة عن وجهة نظرهم وبرضو حد يصححلى
هما شايفين ان لو مبارك رحل دلوقتى هتحصل فوضى وفى ناس هتحتلنا و قوى اجنبية هتدخل وان مبارك الأمن والامان والسلام ومن ضمن الكلام اللى شوفتة برضو ان البلد دلوقتى بتخسر المليارات والناس مش عارفة تعيش ولا عارفة تشوف اشغالها .....


http://www.mesa7a.com/forum/mwaextraedit5/extra/14.gif

المعارضين بقة لبقاء مبارك ليوم واحد ودى وجهة نظرى

اولا كرد على من اعدل عن تفكيرة بالنسبة للفوضى فأنا هتكلم بالادلة ان فى عز الازمة .لاء بلاش عز .. ان فى شدة الازمة و مكنش فى شرطى واحد يوحد ربنا والبلطجية منتشرة فكل مكان كنا منظمين لابعد الحدود وعملنا حاجة اسمها لجان شعبية وقدرنا نحمى بيوتنا ومناطقنا ودة خالنا مسئولين اكتر من الاول
وهنفضل لاخر وقت مسئولين ومحدش هيقدر يرهبنا او يفككنا
و بالنسبة أن فى قوى اجنبية ممكن تحتلنا فدة برضو عايزة ارد علية واقول ان مظاهراتنا وثابتنا واستمرانا على موقفنا واعدادانا الكبيرة اللى زلزلت الارض كفيلين جدااااااااااااااااا ان يخوفوا أى حد بيحاول بس مجرد محاولة التفكير ان يقرب لبلدنا لاننا زى مابنقول كدة بالعربى وسورى فالكلمة هنقطعة
تونس اعقدت شهر عشان اصلاحات لبلدها احنا اسبوع واحد عملنا اللى مقدرش حد يعملة لمدة 30 سنة
واعتقد ان مفيش حد هيختلف معايا انة ممكن يحارب ويعيش بكرامتة ولا انة يعيش فى سلام مذلول ومتهان ومش عارف يتنفس فى بلدة ,
مش مبارك هو اللى هيحمينا ..وكمعلومة دة بشر على فكرة زينا وهيجى وقت ويموت ويتوفاة الله واحنا برضو اللى هنكمل .

اخر حاجة لرأى اللى بيقول ان الدولة خسرت كتير والناس مش عارفة تشوف اشغالها ابسط حاجة بس هقولها عشان الرأى دة فى مليون حاجة ممكن الواحد يقولها ...احنا بقالنا 30 سنة خسرانين وميتين ومنتحرين و شباب غرقانين فالبحر وأُسر ماتوا من الفقر والامراض وانهم مش عارفين يعالجوا اولادهم وكرامتنا متهانة دة كان الواحد لو خرج برة بلادة كان بيتكسف يقول انة مصرى ..الاقتصاد والبورصة والكلام دة.. الشعب (وانا بتكلم عن الشعب الموجود فالشارع مش اللى فالجرايد والتليفزيون اللى هما ال 80 مليون ) ميعرفوش عنهم حاجة ... منعرفش غير ان المعاشات 50 جنية و60 جنية ومرتبات العاملين 120 فى شهر واللحمة بيعدوى عليها مرة فالشهر و المواصلات وعدم الاحساس بالادمية و......................
متحملين 30 سنة فابجملت بقة كام يوم الناس اللى هما تبع الاقتصاد والبورصة يتحملوا شوية وحتى لو احنا تأثرنا نستحمل عشان حريتنا وحياة افضل

اما عن مبارك ولية يرحل دلوقتى مش بكرة ولا لانتهاء فترة رئاستة


1-

لا يمكن إئتمانه، ولا على أي كلمة مما يقولها. بدون خلاف لهو تاريخ إجرامي من 30 عاماً يشهدون عليه .
والى اخر وقت وهو يستخف بنا واكبر دليل الحكومة والتى ذكر انها ستقيل ولم يتم غير مجرد تعديل وزارى لها ووزيرة القوى العاملة "عائشة عبد الهادى" والتى لابد ان تتحاكم فى ميدان عام لانها السبب فى البطالة مازلت فى مكانها ..ووزير البترول ووزير الاعلام و...........


2-

كل يوم يستمر فيه هو ونظامه، الذئاب الموجودة حوله تستمر في سرقة كل بوصة وأونصة من هذه البلاد، كما أننا نمد النظام الحاكم بفرصة لجمع شتات نفسه

3-
ستشهد البلاد أسوأ 8 شهور في تاريخها من القمع والإعتقالات والتعذيب من الآن وحتى سبتمبر -وربما لبعد ذلك-. فلنكن عقلانيين
تصريحات مبارك لم يضمن من خلالها لنا بأي شكل أو صورة أن الأمور ستتحسن، ولا حتى بتغير قانون الطواريء.

4-

لو توقفت التظاهرات الآن، لن تبدأ أبداً.. ليس بهذا الزخم والأعداد، وبالتالي يختفي الضغط عن الحكومة/السلطة الحاكمة وقد يقال انها كانت مجرد ذوبعة فنجان ليس أكتر ويبقى الوضع على ماهو علية

5-
الاهم ان أكثر من 500 شهيد ضحوا بحياتهم من أجل أن نحصل نحن على بعض الوعود الرخيصة وبدون أي ضمانات ولا تاريخ لمصداقية. ونحن نخاطر الآن بأن يذهب كل هذا سدىً، الـ500 شهيد أرادوا من مبارك الرحيل، أقل ما نفعله لتكريم وصيتهم هو أن نستمر لحين رحيله ببقية نظامه... ليس بعد تسعة أشهر بل اليوم

وفى حالة االقول انة رجل كبير وبالغ من العمر 62 عاما ففى سؤال جاء فى ذهنى اذا دخل احد بيتك وقتل ابيك او امك او حاول اغتصاب حقك و بيتك وهو امانك وملجأك وكان رجلاً كبير ستتركة وتقل "حرام دة راجل كبير فالسن خلية " ...ولا هتسلمة ؟؟؟
النقاش مفتوح لأبداء كل الأراء

وستظل مصر حرة

حسبى من الدنيا رضاك
02-05-2011, 12:24 PM
جزاكى الله كل خير والله رايى من رايك وربنا يستر لو قعد شوية كمان نص شعب مصر هيخش المعتقل

soso 13
02-05-2011, 07:20 PM
انا رائ يقعد لحد ما فترة الرئاسة تنتهي ودا لسبب وهو مش حب في مبارك ولكن عشان شكلة امام العالم وكمان هو يعتبر حقق حوالي90% من المطالب

smart girl
02-06-2011, 09:23 AM
كل الاراء تُحترم ... شكرا للمرور حسبى من الدنيا رضاك وsoso13
وتعليق بسيط يا سوسو على الجزء : "يعقد لانتهاء فترة رئاستة عشان شكلة امام العالم" ..هو عمرة ماحافظ على شكلنا ولا حافظ علينا احنا شخصياً
فاحنا بقة اللى حنحافظ على شكلة ؟؟؟؟؟؟
ووجهة نظرك تُقدر

soso 13
02-06-2011, 08:38 PM
احنا بنعامل الناس باخلاقنا احنا ومش باخلقهم وخلينا احنا الاحسن ونعمل زي ما رسولنا الكريم عمل عندما قابل اساءة الكفار لة (بالقاءالقمامة امام بيتة ) وهو راح زار الراجل وسال عنة

هدى على
02-06-2011, 10:38 PM
اهم حاجة مصر بلدى

fattoh
02-07-2011, 10:45 PM
السلام عليكم
مع احترامى للجميع
لو ابوك مات وكان مليونير وتوالى عمك امور حياتكم
وحين بلاغت انت واخوتك لكى تستلمو اموالكم فلم تجدو شى
ولايوجد قضاء فماذا انت فاعل مع انة يبلغ من العمر 100 سنة
هل تسكة عن حقق عشان كبر سنة وما هية نظرة عمك فى عينك
وانت لتملك مكان يأويك ولا لقمة تكلها حتعمل اه :a17::a17::a17:

yasmeen gomaa
02-08-2011, 01:11 AM
سمارت جيرل كلامك هاااااااااااااااااااااايل جدا وانا متفقه معاكى فى كل كلمه قولتيها لازم نكمل اللى بدأناه ونستحمل شويه اللى جاى حيعوضنا كتير عن اللى خسرناه شيء واحد بش مش حيعوض وهم الشهداء بس هم احياء عند ربنا ويا بختهم بجد وربنا يرحمهم ويصبر اهلهم وجزاكى الله كل خير

abdoitthad
02-08-2011, 02:06 AM
اتفق معاكي في كل الكلام اللي اتقال
واعتقد انه مش بس يمشي دلوقتي لا وكمان يتحاكم هو والعصابه بتاعته
اعتقد ان اللي بيدافع عنه كفاية يعرف ان ثروته ممكن ترفع مرتبة مصر من دولة ناميه لدوله متقدمه
ومصنف اغنى رجل في العامل وربع الشعب المصري تحت خط الفقر
الراجل ده لو كمل 6 شهور كمان يبقى الله يرحمنا كلنا واللي احنا عملناه ده كله راح هدر
وياريت الناس اللي بتؤيد مبارك تحس بان في ناس استشهدت عشان واحد يمشي
مش حرام 300 واحد يموت عشان خاطر شخص واحد ينزل من الكرسي
وفي الاخر تقول يكمل 6 شهور اعتقد لو انت كنت من ال 300 اللي استشهدوا مكنتش هتقول كده

sniper2000
02-08-2011, 09:53 PM
انا من مؤيدى رحيل مش بس مبارك ولكن كل الحرامية اللى حواليه عايزين البلد تنضف وترجع لينا

MUHAMED SAMY
02-09-2011, 01:53 AM
احب اقول للريس

طـــــــــير أنت

KAREEM
02-09-2011, 02:48 AM
وانا احب اقول للريس

احل بقى
نفختنا

smart girl
02-09-2011, 09:10 AM
احنا بنعامل الناس باخلاقنا احنا ومش باخلقهم وخلينا احنا الاحسن ونعمل زي ما رسولنا الكريم عمل عندما قابل اساءة الكفار لة (بالقاءالقمامة امام بيتة ) وهو راح زار الراجل وسال عنة

يا سوسو ياقمرا هو قلبنا دة السبب عارفة لو نركنة على جنب شوية بس ..هنعدى الصين والهند
عايزة ااقولك اننا اتعاملنا معاة بأفضل منة مليووووووووووون مرة ...لأننا لو اعقدنا ودرسنا كل اللى حصل فينا من ساعة ممسك الحكم أقل حاجة : هنطالب بالحكم علية ..لكن احنا كل اللى عايزينوة انة يرحل .. شكرا اوى لى كدة ويقدر يتفضل

smart girl
02-09-2011, 09:14 AM
اهم حاجة مصر بلدى

طبعا يا هدى ..شكرا لمرورك

smart girl
02-09-2011, 09:24 AM
السلام عليكم
مع احترامى للجميع
لو ابوك مات وكان مليونير وتوالى عمك امور حياتكم
وحين بلاغت انت واخوتك لكى تستلمو اموالكم فلم تجدو شى
ولايوجد قضاء فماذا انت فاعل مع انة يبلغ من العمر 100 سنة
هل تسكة عن حقق عشان كبر سنة وما هية نظرة عمك فى عينك
وانت لتملك مكان يأويك ولا لقمة تكلها حتعمل اه :a17::a17::a17:

اعتقد يافتوح اقل حاجة ان العم دة هيتعلق فالنجفة :a3:.. بشكرك على مرورك وتفاعلك معانا

smart girl
02-09-2011, 09:42 AM
سمارت جيرل كلامك هاااااااااااااااااااااايل جدا وانا متفقه معاكى فى كل كلمه قولتيها لازم نكمل اللى بدأناه ونستحمل شويه اللى جاى حيعوضنا كتير عن اللى خسرناه شيء واحد بش مش حيعوض وهم الشهداء بس هم احياء عند ربنا ويا بختهم بجد وربنا يرحمهم ويصبر اهلهم وجزاكى الله كل خير

بالظبط يا ياسمين ..قولى يابنتى :a11: ... بدل حالات الصمت .. يارب تنجحى يا ياسمين لو لسة فالكلية وتتجوزى لو اتخرجتى ..:a3:

smart girl
02-09-2011, 09:57 AM
اتفق معاكي في كل الكلام اللي اتقال
واعتقد انه مش بس يمشي دلوقتي لا وكمان يتحاكم هو والعصابه بتاعته
اعتقد ان اللي بيدافع عنه كفاية يعرف ان ثروته ممكن ترفع مرتبة مصر من دولة ناميه لدوله متقدمه
ومصنف اغنى رجل في العامل وربع الشعب المصري تحت خط الفقر
الراجل ده لو كمل 6 شهور كمان يبقى الله يرحمنا كلنا واللي احنا عملناه ده كله راح هدر
وياريت الناس اللي بتؤيد مبارك تحس بان في ناس استشهدت عشان واحد يمشي
مش حرام 300 واحد يموت عشان خاطر شخص واحد ينزل من الكرسي
وفي الاخر تقول يكمل 6 شهور اعتقد لو انت كنت من ال 300 اللي استشهدوا مكنتش هتقول كده


صح يا عبدة بجد .. الناس اللى بتأيدوة لو كان اخوه دة او اخته هما اللى استشهدوا مكنش تفكيرة هيبقى كدة

smart girl
02-09-2011, 10:00 AM
انا من مؤيدى رحيل مش بس مبارك ولكن كل الحرامية اللى حواليه عايزين البلد تنضف وترجع لينا

أميـــــــــــــــــــــــــــــــــــــــــــــــ ــــــــــــــــــــــــــــــــــــــــن يارب العالميـــن

smart girl
02-09-2011, 10:10 AM
احب اقول للريس

طـــــــــير أنت


واحنا والله ماهنختلف فالمكان اللى عايز تروحة (جدة - دبى - المانيا - كولالمبور .. اى مكان ) المهم تطير

محمد انا توهت فى توقيعك على فكرة ..انت عايز اية بالظبط عشان انا مش فاهمة :a36:

smart girl
02-09-2011, 10:17 AM
وانا احب اقول للريس

احل بقى
نفختنا


:a34:

كان فى يا كريم يافطة مكتوب عليها " اخلع بكرامتك بدل ما أقل ادبى عليك "

Zooma
02-09-2011, 07:20 PM
م رايى الشخصى ان مبارك يفضل ف الحكم لغايه فترة رئاسته
ولو حتى ف صورة منظر قدام العالم ان مصر فيها رئيس
وانا ع فكرة بحب مبارك وشايفه عرف يحكم مصر لمده 30 سنه
ع الاقل حافظ عليها ومدخلناش حروب ولا نزاعات اما بالنسبه ف انه
يرشح نفسه تانى للرئاسه انا اول ارفض ده لان خلاص جه الوقت ان يكون
ف تغيير وكمان هو الراجل وصل ل 82 سنه حكم السن برضه

لكن كون ان حسنى يمشى وتتعمل انتخابات حاليا او حتى بعد شهر
فده انا اسميه غباء او هطل سياسى لانها اصلا هتتعمل ف فوضى
وهتتكوس اكتر ماكنت ف كوسه قبل كده وهيكون ف تدخل اجنبى
واصحاب المناصب هيطعنوا ف الانتخابات وهايقولوا حدثت ف فوضى
وهيطالبوا باعادتها طب وع ايه يعنى

ولو الناس ايلى م رايها ان حسنى لازم يمشى امر كون فيكون ده
ممكن حل وسط ليهم يصبروا لحد مايعدلوا المواد وفعلا بدأ العمل فيها
وان مجلس الشعب يتظبط وبعدها ع طول تتعمل الانتخابات

معلش لو كنت طولت عليكم

MUHAMED SAMY
02-09-2011, 07:22 PM
واحنا والله ماهنختلف فالمكان اللى عايز تروحة (جدة - دبى - المانيا - كولالمبور .. اى مكان ) المهم تطير

محمد انا توهت فى توقيعك على فكرة ..انت عايز اية بالظبط عشان انا مش فاهمة :a36:



عايزه يتحاكم
إن شاء الله
70 مليار ليه
رئيس مصر

smart girl
02-11-2011, 11:37 AM
م رايى الشخصى ان مبارك يفضل ف الحكم لغايه فترة رئاسته
ولو حتى ف صورة منظر قدام العالم ان مصر فيها رئيس
وانا ع فكرة بحب مبارك وشايفه عرف يحكم مصر لمده 30 سنه
ع الاقل حافظ عليها ومدخلناش حروب ولا نزاعات اما بالنسبه ف انه
يرشح نفسه تانى للرئاسه انا اول ارفض ده لان خلاص جه الوقت ان يكون
ف تغيير وكمان هو الراجل وصل ل 82 سنه حكم السن برضه

لكن كون ان حسنى يمشى وتتعمل انتخابات حاليا او حتى بعد شهر
فده انا اسميه غباء او هطل سياسى لانها اصلا هتتعمل ف فوضى
وهتتكوس اكتر ماكنت ف كوسه قبل كده وهيكون ف تدخل اجنبى
واصحاب المناصب هيطعنوا ف الانتخابات وهايقولوا حدثت ف فوضى
وهيطالبوا باعادتها طب وع ايه يعنى

ولو الناس ايلى م رايها ان حسنى لازم يمشى امر كون فيكون ده
ممكن حل وسط ليهم يصبروا لحد مايعدلوا المواد وفعلا بدأ العمل فيها
وان مجلس الشعب يتظبط وبعدها ع طول تتعمل الانتخابات

معلش لو كنت طولت عليكم

رائيك يحترم يا حازم .. وميرسى على مرورك

smart girl
02-11-2011, 11:41 AM
عايزه يتحاكم
إن شاء الله
70 مليار ليه
رئيس مصر


"يمهل ولا يهمل" يامحمد