ممكن اللي عنده معلومات عن معاهد المساحه يفدنى

[هدايه]

السلام عليكم ورمحمة الله وبركاته

ياجماعه أنا جوزي خريج تربيه رياضيه 2004 أخد دورات في المساحه في نقابة المهندسين وهو حاليا الحمد لله بيشتغل مساح في السعوديه

هو ماشاء الله عليه لما بيحط حاجه في دماغه بيوصلها ,بيحاول يعرف كل جديد في المساحه وينمي قدراته لكن عاوز كمان ينميها علي المستوي الاكاديمي

ففكر يلتحق بمعهد مساحه بس مش عارفه أزاي هل هيبقي جامعه مفتوحه؟
طيب نظام الامتحانات هيبقي أزاي وهو بيشتغل؟
وممكن ينزل ع الامتحانات بس؟
ياريت اللي عنده معلومات يفدنى
وجزاكم الله خيرا سلفا
علي فكره احنا من الشرقيه ... أيه هو اقرب معهد مساحه؟
وممكن أقدمله انا وهو مسافر

[هدايه]

up

[m.alghrbawy]

حضرتك معهد المساحه ثلاث فروع ( اسيوط _ الهرم - قنا )
وبيقبل الثانويه العامه علمى - والدبلومات الفنيه
ومفيش جامعه مفتوحه للمعهد
ومينفعش يدخل المعهد لسبب :- ان المعهد بيتقدم له عن طريق التنسيق والتنسيق اخره سنتين بعد التخرج

بس فيه حل
ان يقدم فى كليه الاداب ( انتساب - او جامعه مفتوحه ) ويدخل شعبة مساحه
وربنا يوفقكم الى الخير
وانتمنا انى اكون قدمت افاده لحضرتك

[هدايه]

شكرا لك أخي

[أحمد سعيد حفنى]

أختى العزيزة
اولآ-بالنسبة لحالة زوجك من الممكن أن يلتحق بالمعهد ولكن بشروط(على حدعلمى)
*تحديد موقفه من التجنيد(خلص ولا تأجيل)
*أن تكون معه شهادة ثانوية علمى ويكون حاصل على الحد الأدنى للقبول بالمعهد فى سنة حصوله عليها
*الحضور لأن الحضور عليه نسبة عالية من الدرجات(ده مفيش منه كسوف فمعنآ ناس متزوجة ولديها أولاد)
*****نصيحة ***
المعهد فى مرحلة تطوير فى كل شىء والمواد الجديدة 100% رائعة وخصوصآ المواد العملية لذلك أنصح زوجك الكريم بأن يحاول بكل الطرق الممكنة الألتحاق بالمعهد
يعنى مفيش مشكلة أن ينزل مصر لمدة سنتين يدرس فى المعهد ويشتغل فى أى شركة بجانب المعهد(مش صعب ذلك)
وصدقينى يجب عليه عدم تضييع الفرصة إذا كانت ممكنه
ومن الأفضل أن تذهبى للمعهد وتسألى شئون الطلبة عن الأوراق المطلوبة وعن أى شىء بالنسبة لحالة زوجك الكريم
**المعهد تعيلم فوق متوسط(بس 100%) يعنى مفيش فيه تعليم مفتوح
**الأمتحانات بتكون أسهل ما يمكن يعنى نسبة الصعوبة ضئيلة
**أقرب معهد هو معهد الجيزة(شارع الهرم)
يعنى تركبى القطر وتنزلى رمسيس ثم تركبى المترو وتنزلى محطة الجيزة ثم تركبى ميكروباص من شارع الهرم وتنزلى الطالبية
هتلاقى معهد المساحة بجوارك مباشرة(المعهد بيغلق الساعة 2ظهرآ) ودى فرصة للشغل بجانب الدراسة
--وأحترم حرص حضرتك على مصلحة زوجك ونتمنى لكما الساعدة فى الدنيا والآخرة(اللهم آمين)
وأنا أيضآ من الشرقية وطالب فى المعهد

والسلام عليكم ورحمة الله وبركاته

[MUHAMED SAMY]

**الأمتحانات بتكون أسهل ما يمكن يعنى نسبة الصعوبة ضئيلة

النقطة دى مهمة جدا لان فى كلية اداب اسكندرية
مش سهلة فى تمارين كتير بتتطلب مننا
وكمان اربع سنين
ولو مدخلش مساحة من 3
ويكمل بعد الليسانس كمان سنتين
"والسنة فى المساحة بعد الليسانس بقت ب 5الاف"
ومش عارف انه يكون انتساب بيدفع كام

[أحمد سعيد حفنى]

**الأمتحانات بتكون أسهل ما يمكن يعنى نسبة الصعوبة ضئيلة



النقطة دى مهمة جدا لان فى كلية اداب اسكندرية
مش سهلة فى تمارين كتير بتتطلب مننا
وكمان اربع سنين
ولو مدخلش مساحة من 3
ويكمل بعد الليسانس كمان سنتين
"والسنة فى المساحة بعد الليسانس بقت ب 5الاف"
ومش عارف انه يكون انتساب بيدفع كام


يا سيدى الفاضل مش معنى أنى قلت الأمتحانات سهلة يكون تفسيرها رد حضرتك أنا قصدى المواد من السهل الحصول على درجات عالية وهذا طبعآ بعد المذاكرة الجادة والحضور الفعال طوال العام أنظر لنتيجة المعهد على الموقع وهتعرف مدى السهولةوالصعوبة
وعلى من أراد التعمق فى علم المساحة بأسلوب سهل وبسيط فعلية بدراسة مواد المعهد كاملة
ويكفى شغل العملى فى المعهد
كما أن النظام الجديد مختلف نهائيآ عن القديم
والسهولةبتكون فى النظرى أنظر حضرتك فى المسائل وشغل العملى

[سما احمد]

لو سمحت ممكن اعرف لو عدي اكتر من سنتين علي ميعاد تخرجي من كلية تانية وحابب اقدم في معهد المساحة عمل ايه؟؟؟
مع العلم ان كلية الاداب في الجامعة المفتوحة بها قسمين فقط. لغة انجليزية ولغة فرنسية علي حد علمي.
فماذا افعل للالتحاق بالمعهد.
وهل يجب ان اذاكر ثانوية عامة مرة اخري لدخول كلية الاداب قسم مساحة؟؟؟؟

[mido_19_12]

لو سمحت ممكن اعرف لو عدي اكتر من سنتين علي ميعاد تخرجي من كلية تانية وحابب اقدم في معهد المساحة عمل ايه؟؟؟
مع العلم ان كلية الاداب في الجامعة المفتوحة بها قسمين فقط. لغة انجليزية ولغة فرنسية علي حد علمي.
فماذا افعل للالتحاق بالمعهد.
وهل يجب ان اذاكر ثانوية عامة مرة اخري لدخول كلية الاداب قسم مساحة؟؟؟؟

متابع باهتمام و يا ريت الرد على التساؤل الاخير للاهمية