المساعد الشخصي الرقمي

مشاهدة النسخة كاملة : حجاب بعض بنات اليومين دول.×.×.× ايه رايكم؟؟؟



ميرا مار
09-16-2008, 10:57 PM
إيه رأيكم في حجاب البنات الأيام دي ؟

رأيك إيه

هل هو مرفوض خالص بالمقارنة بالحجاب الشرعي الإسلامي

ولا أحسن من مفيش

ولا ليك رأي تالت :confused:

علي فكرة يا بنات دوركم جاي هتقولوا رايكم بس خلينا نتفرج الاول

AYMAN GAMAL
09-16-2008, 11:09 PM
إيه رأيكم في حجاب البنات الأيام دي ؟

رأيك إيه



انا مش هتكام عن الحجاب دة حتى الاسم غيروة و بقى اسمة طرحة واتفننوا طبعا في لبسة تسدقوا بقى عندنا سبانيش !!! بس عالعموم احسن من بدون اهو عالاقل حاجة بتفكرهم بالدين شوية (انا قصدي طبعا للي بيلبسوه منظرة عالفاضي)بس بستغرب اوي من اللي بتلبس حجاب على جيبة قصيرة سعات والله بقول انها لابسة الحجاب عشان المنظرة ......وربنا يسامحنا جميعا

shimo
09-16-2008, 11:42 PM
صح واللهى يا موها وياسلام على اللى تلبسه بدل الجيب القصيرة على البيرمودا دى بقئ نفسى اقولها ليه الطرحه لبساها بس انا عندى نظريه منطقيه فيرى لوجيكيه اعتقد انهم بيلبسوا الطرحه على الجيب والبيرمودا عشان مش فاضيين يروحوا للكوافير اليوم دا ولا انتو رايكم ايه اكيد مش فاضيه

ميرا مار
09-16-2008, 11:44 PM
الله ينور عليك يا باشمهندس ايمن .. على فكرة انا ليه راى مأجلاه لما كل شباب المنتدى يردوا واكيد البنات هيهمها النصف الاخر بيفكر ازاى
واكيد باشكرك على جرأتك واتمنى الجميع يشارك

ميرا مار
09-16-2008, 11:50 PM
خدتيها من على طرف لسانى .. بس بلاش تبقى قاسية كدة عليهم .. يمكن عندهم اسباب .. ..

Hassan Mohamed
09-17-2008, 03:29 AM
حجاب ايه هو اللي البنات بيلبسوه ده اسمو حجاب

انا بقا شايف ان كل بنت بتلبس الحجاب لمجرد انها تتماشي مع الوضع العام فيها تقلعوا احسن لانو ملوش لزمة بالنسبة ليها

هيا عندها حاجات اهم بتحب تظرهها

كفاية كده علي الموضوع ده عشان الواحد لو انتفتح هيقول علي بلاوي الجامعات وهتبقي مشكلة

tiger
09-17-2008, 03:29 AM
با باش مهندسه أسف انى أقول ان الحجاب الأيام دى مش بيلبسوه علشان الدين او الحشمه لكن هو موضه ماشيه ونفسى أعرف هما بيلبسو كذا طرحه ليه بس الواحد مش بيحب التعميم فى الموضوع وخاصة لو كان دينى وأكيد فى بنات كتير بتليس الحجاب بغرض الحجاب مش موضه وبس

ميرا مار
09-17-2008, 09:34 PM
يا حسن
مافيش حاجة اسمها كفاية
انت عندك فكرة عن كم البنات اللى بيعملوا كدة فاكرين انهم هيبقوا محط اعجاب الشباب؟؟؟؟
مش يمكن لما تعرف انتو شايفين الموضوع ازاى يبقالهم وضع تانى افضل ...
ارجوك قول رايك كاملا

ميرا مار
09-17-2008, 09:36 PM
[يعنى يا اشرف انت بردة مش عاجبك الطريقة اللى بقوا بيلبسوا ا بيها مع الحجاب

ميرا مار
09-17-2008, 09:41 PM
ايه ياجماعة فين اعضاء المنتدى
احنا محتاجين كل ارائكم ارجوكم قولوها بمنتهى الجراة والشجاعة
وباشكر بشدة اللى شاركونى الراى وفى انتظار المزيد

tiger
09-17-2008, 10:19 PM
ههههههههههههه معلش يا باش مهندسه بس بحب أقول الحاجه الى بشوفها وأنا عارف أنى كلامى زى جامد ممكن يتقال أنى معقد نفساويا بس أنا بحب بس أقول الحاجة ألى عينى شايفاها ومعلش عايز أعرف هما بيلبسو كذا أشرب فوق بعض ليه

ميرا مار
09-17-2008, 10:26 PM
يااااااه هى دى المشكلة ؟؟؟؟؟
ياسيدى دى موضة وساعات والله بتبقى جميلة بس المهم شوف بقى زائد كم طبقة فوق وناقص كم تحت؟
زى البيرمودا الضيق والقصير قوى دة ..
انا مش باقولهم ماتلبسوش كدة بس لو قررتى تعملى كدة ماجاتش على شعرك بقى .. عادى كل واحد حر فى لبسه
بس عارف يا اشرف اللبس فى حد ذاته مش مشكلة
يعنى لو نفس اللبس فى مجتمع اجنبى ( طبعا من غير الحجاب) هيبقى مش ملفت ... عادى عندهم

ميرا مار
09-17-2008, 10:27 PM
فين يا جماعة مشاركاتكم ..
فين باقى الاعضاء
انتوا خايفين واللا ايه ؟؟

Mimi
09-17-2008, 10:40 PM
انا استنيت في الأول عشان حضرتك ياباش مهندسة طلبتي رأي الشباب الأول

بس اذا بتسمحيلي أقول رأيي وأنا غير محجبة بس مش عارفه اذا هينفع أقول رأيي بكدا ولا لاء

بالنسبة للحجاب الحديث أنا شايفة انه مش بيحقق معنى كلمة حجاب ..لأن المقصود من الحجاب هو حجب كل مفاتن الجسم مش جزء منها بس والمفهوم الخاطئ عند اغلب البنات ان الحجاب معناه تغطية الشعر بس

فـ زي ما حضرتك قلتي وباقي الزملاء على البنات اللي بتضيع معنى حجابها بلبسها فهي ملهاش لازمة وفي اللي قالو أحسن من مفيش

أنا في رأيي ان الفتاة المحجبة هيا صورة لاسلامها ولو أنا واحدة عادية غير مسلمة وشفت أن مظهر الاسلام متثمل في الشكل دا مش هحترم دينها .. وفي رأيي كل بنت محجبة تعرف انها بتمثل اسلامها بمظهرها وتعرف أن الناس هيعلقو على شكلها بلبسها دا أكتر من لو كانت مش محجبة

بس على فكرة انا ليا رأي في اللبس عموما ..أنه مش لازم الانطباعات الاولى اللي تتاخد عن مظاهر الآخرين بتبقى صحيحة وكلنا عارفين ان ممكن الشخص اللي لابس لبس مخالف لمجتمعه او ملفت ممكن تبقى أخلاقه وحياته غير كدا والعكس صحيح ياما ناس بدقون وبنات محتشمات بيسيئو لسمعتهم كمسلمين وكأشخاص ..بس طبعا في كل مكان الصالح والطالح

لكن عشان الحجاب هو أحد المظاهر الدينية فاستخدامه بالشكل دا حوله من الاستخدام الديني لاستخدامه كموضة وتكملة لبس ليس أكثر ..أرجو تقبل وجهة نظري

AYMAN GAMAL
09-17-2008, 11:40 PM
انا استنيت في الأول [/COLOR]


ربنا عارف اللي في قلبي انا مش بهجم عليكي يا جودي بس الحجاب فرض ملهوش دعوة بالمظهر (سواء البنت محجبة ولا لا) انا بقول كدة عشان انتي بتقولي لازم منحكمش من اول نظرة ,البنت لما بتتحجب مش بتقل في نظر الناس ابدا بالعكس بيزيد احترام الناس ليها .......

ميرا مار
09-17-2008, 11:53 PM
اها ..
هو دا اللى انا عايزاه
وطبعا لازم تقولى رايك ياجودى
وانا بأيدك تماما فى رايك بالنسبة للى بتغطى شعرها بس والباقى مش فارق معاها ..
وانا نفسى كنت فى يوم مش محجبة انا اتحجبت فى الثانوى ..
ولكن انا باشوف بنات مش محجبات دلوقت لابسين اكثر احتراما من اللى مش محجبة
على الاقل مافيش ولد هيقف يقوللها فى الشارع بعلو صوته طب الحجاب لزمته ايه يا .. ويجرحها بكلمة
وعموما
انا لسة محتفظة براايى للاخر .. انا بس بتابع النقاش

Mimi
09-17-2008, 11:55 PM
انا والله ياباش مهندس مشككتش في حكمه الشرعي أبدآ وانا لا شئ عشان أتدخل في حكمه الديني

انا بس بقولك ان الحجاب هو مظهر ديني ممثل للاسلام اقصد ياغالي ان البنت المحجبة من اول وهلة هتعرف انها مسلمة مش قصدي بكلمة مظهر انه موضة لا أبدآ والله وآسفة اذا اهانته بالشكل دا

بس اللي قصدته انه احد انطباعات الاسلام والواحد مننا كمسلم لازم ياخد باله من كل انطباع هيتاخد عنه تحت اسم دينه

وانا مش بعترض كمان مرة على حكمه الشرعي لكن انا شفت الباش مهندسة مها بتسأل الشباب والبنات عن حجاب البنات الحالي وأنا على هذا الاساس جاوبت في الناحية دي بس

Mimi
09-17-2008, 11:57 PM
شكرا على رائيك ياباش مهندسة وأكيد مهما كان هيكون على راسي من فوق وفي انتظار سماع رائيك في الآخر

AYMAN GAMAL
09-18-2008, 12:05 AM
على فكرة يا جودي انا والله عمري ما حبيت اني اتحط في موقف زي دة

انا عمري ما اتكلمت عن الحجاب قبل كدة ومش بحب اتكلم عن اي حاجة دينية

دة مش عشان خجلان لا ابدا

عشان الدين ديما بيكون بين الانسان و اللي خلقة

و انا لما كنت بقول رايي انا مقصدتش انتقدك خالص بس انا كنت بوضح ان الحجاب فرض و بس

AYMAN GAMAL
09-18-2008, 12:06 AM
مش هتبعتيلي فلوسي بقى يا جودي ولا لسة بتفكري

ميرا مار
09-18-2008, 12:13 AM
طب هاكبر الخط وارجعلكم

ميرا مار
09-18-2008, 12:18 AM
يا جودى راييى قريب جدا من رايك
يابنتى انتى عجبتينى جدا
بصى من الاخر انا لما باشوف واحدة محجبة ولابسة اى حاجة ملفتة بدرجة كبيرة بانتقدها غير كدة مش باهتم عادى
يعنى فى بنات غير محجبات مش بيلفت نظرى عدم حجابهم لانهم واضحين اما بقى اللى لابسة رمز المعروف انه اسلامى لا ..
هنا نحط خط احمر لازم تقدميه صح .. ياما لا واللا ايه؟

Mimi
09-18-2008, 12:18 AM
ماشي انا موافقاك ياباش مهندس الدين علاقة خاصة بين العبد وربه وميزة ديننا عن باقي الاديان الكتابية الاخرى

ان مفيش أي وساطة بيننا وبين ربنا والله أعلم بما في الصدور

أشكرك لحسن أسلوبك ورائيك

وبالنسبة للفلوس دي باه عايزه دراسة جداول وحاجات كتيره اوي الموضوع مش سهل ابدآ :p

Mimi
09-18-2008, 12:24 AM
والله ياباش مهندسة انا اللي معجبة بأسلوبك بدون رائيك الجميل فيا دا

وحضرتك مواضيعك هايلة وأسلوبك الاروع ووجودك بيعمل جو حلو والله

شكرآ والله لحضرتك كدا اخجلتيني بكلامك

Eng Amr Adel
09-19-2008, 02:37 PM
بصوا كده من الاخر حجاب ايه الى بتتكلموا عليه
دلوقتى الوحده تبقى ماشيه تبص عليها من تحت تلقيها لابسه المنى جيب وتحتيها الاستريتش المحزق لحد الركبه وتبص فوق تلقيها لابسه طرحه طب ازاى تيجى دى دا الواحد بيشوف حاجات دى فتحه بير السلم وقفله البلكونه فاحنا هنا لازم نعمل وقفه ولا ايه يا شباب

AYMAN GAMAL
09-19-2008, 02:41 PM
بصوا كده من الاخر حجاب ايه الى بتتكلموا عليه
دلوقتى الوحده تبقى ماشيه تبص عليها من تحت تلقيها لابسه المنى جيب وتحتيها الاستريتش المحزق لحد الركبه


انا بعترض على كلامك بعد اذنك لاحظ ان كلامك جارح شويتين في الوصف احنا بنلمح مش بنشرح شرحا تفصيليا و بعدين اوصفلي الوقفة اللي عايز تعملها........و شكرا

Hassan Mohamed
09-19-2008, 04:41 PM
ياريت يا جماعة وانتوا ببتناقشوا تحاولوا تشوفوا الحلول

انا شايف ان البنات مفركين ان ده بيعجب الشباب وفعلا فيه شباب بتبص علي البنات اللي كده وشايفين كمان ان ده في شئ من ال ...... ليهم

فالموضوع شائك صدقوني لو رجعنا لورا شويا هنسئل فين والدها وولدتها ليه مش ببشوفوها وهيا نازلة هما مش عارفين ان اللبس ده ليه اضرار جانبية وسلبية

الموضوع جوة البيت يا جماعة فيه بنات كتير في سن المراهقة وميرعفوش حاجة وطبعا لو الموضوع وقف عند كده هيا مش هتغير من نفسها قدام

ميرا مار
09-20-2008, 12:20 AM
والله يا حسن برافو عليك واشكرك لجراتك جدا ..
كمان انت اثرت موضوع فى غاية الاهمية
فين الاب والام
لو مش فارق معاهم خلاص يبقى بلاش من الحجاب وكدة نبقى واضحين مع انفسنا

ميرا مار
09-20-2008, 12:22 AM
يا محمد مشاركتك جامدة
لان دة هو اللى انا باسمعه فى الشارع
بس كنت محتاجة حد جرئ يقوله علنا

ميرا مار
09-20-2008, 12:24 AM
يا باشمهندس ايمن
لو كان محمد قاسى فى الكلام شوية فهو لمصلحة اى بنت
اللى هى ممكن تكون قوى جاهلة للكلام دة
اهى بتقلد وخلاص

tiger
09-20-2008, 10:21 AM
ايه يا أيمن انت نسيت أنو أسد ولا ايه وده حق والحق مفهوش أحم براحه وخد رد قريبو البنات فاكرينها موضه وممكن تلاقى الى فى البيت فرحانين والله وعايز رد على الموقف ده لأنو حصل حقيقى معايا
كونت راكب ومروح من الكليه وأنسه محترمه كانت من غير حجاب وأول ما وسيلة المواصلات فضت وقرب يوصل لآخر الطريق بسرعه طلعت طرحه ولبستها وانا كونت مندهش ولما لاقتنى شايفها الى غاظنى انها عادى لا أحمرت ولا ولا أخضرت ولا حاجه وكملن لبس الطرحه ونزلت أكيد حتعرفو مين الى حيتشتم فى الموضوع ده والحل فى أيد مين

Eng Amr Adel
09-20-2008, 03:04 PM
انا شوفت بردو موقف زى ده بالظبط والله والحجات دى بتحصل كتير واكيد طبعا الى بيتشتم الاب والام لانهم معرفوش يربوا

AYMAN GAMAL
09-20-2008, 05:31 PM
انا شوفت بردو موقف زى ده بالظبط والله والحجات دى بتحصل كتير واكيد طبعا الى بيتشتم الاب والام لانهم معرفوش يربوا


هوة دة اللي انا بقصدة ان الشتيمة العلني متظهرش بس
يا عم انا برج الاسد و مبقلش الكلام التقيل اللي انت بتقولة
وبعدين الاسود بتقسى على كله
الا حياتها العائلية و الاجتماعية

ميرا مار
09-21-2008, 11:40 PM
ياااااااااااااه
اهو انا اول مرة اسمع عن حاجة زى دى
اهى دى مش عارفة هى عايزة ايه مش صريحة مع نفسها .. ولا فى رقابة من الاهل

Hassan Mohamed
09-23-2008, 10:44 PM
احنا بجد لازم نعمل موضوع جديد عن دور الأب والام اتجاه اولادهم

ميرا مار
09-24-2008, 10:02 PM
طب يا حسن دى فكرة جميلة جدا ..

Hassan Mohamed
09-25-2008, 01:29 AM
ياريت حد يبادر ويقوم بعمل الموضوع ده

Mohamed Gaber
09-25-2008, 01:45 AM
الحجاب مش من فوق بس
من فوق و تحت مينفعش طبعا حجاب بالمناظر اللي بنشوفها احنا كدنا بنسيء للمراة المسلمة و شكلها كل الكلام اللي اتقال والاراء دي مع احترامي انها احسن من مفيش لا مفيش احسن لانها بتسيء للمراة المسلمة

buchi
09-25-2008, 02:14 AM
هو السؤال عن الحجاب بس للأسف مفيش حجلب و الله انا لو كنت شوفته والله كنت قولت راي بس مصر مفيهاش حجاب

Hassan Mohamed
09-25-2008, 02:16 AM
مش كل البنات ومصر فيه حجاب وكل حاجة وفيها بنات محترمين ياريت بلاش نجمع ونعمم فيه بنات كويسين جدا حدا وفيه بنات عاوزين قطع الرقاب

ميرا مار
09-25-2008, 04:14 PM
شكرا محمد جابر لمشاركتك ورايك صحيح ميه الميه .. على فئة معينة من البنات

ولو انى قعدت ابص للصورة اللى انت حططها
ههههههه بتتحرك كتير وشتت تركيزى

الشبح
09-26-2008, 04:24 AM
هو في الاول وفي الاخر فرض على جميع النساء

فليضربن بخمورهن على جيوبهن كما قال تعالى

ومن تشبه بقوم فهو منهم كما قال الرسول صلى الله عليه وسلم

ولكننا لا نريد الخمار الان

الحجاب اولا ثم بعد ذلك الخمار ان شاء الله عن اقتناع

وجزاكم الله خيرا

sarah
09-26-2008, 04:30 AM
هوة دور البنات امتى عشان ترد. مستنية وقتنا يا مهندسة مها ؟

Hassan Mohamed
09-26-2008, 04:54 AM
ردي يا سارة عادي خدي فرصتك عشان تعبري عن اللي جوكي

emu
09-26-2008, 03:09 PM
اناشايفه ان الحجاب عنوان البنت المسلمه علي الرغم من انه اتغير اليومين دول وظهر منه موديلات سخيفه شويه بس ربنا يهدي بنات المسلمين اجمعين وانا اعرف ناس لابسين حجاب صغيره بس محترمين وكويسين جدا يعني مش معني ان البنات اللي حجابهم مش كبير انهم مش ملتزمين

احمد حسن
09-26-2008, 03:11 PM
الحجاب دلوقتى اصبح زى لبس الكاب للولد
يعنى اصبح بكل الالوان والاشكال والهدف منه ليس من اجل حجب رأسها ولكن عشان تغطى شعرها لحمايته من الاضرار من تراب وتقصف
الا من رحم الله
الكلام ده مش على كل البنات

Surveyor 2007
09-27-2008, 10:43 AM
الحجاب دلوقتى اصبح زى لبس الكاب للولد
يعنى اصبح بكل الالوان والاشكال والهدف منه ليس من اجل حجب رأسها ولكن عشان تغطى شعرها لحمايته من الاضرار من تراب وتقصف
الا من رحم الله
الكلام ده مش على كل البنات

علي رايك والله يا صاحبي
وربنا يسترها علي بناتنا وبنات المسلمين

ميرا مار
09-27-2008, 04:57 PM
يا بنااااااااااااااااااااااااااااااات

اتفضلووا

ياريت تردو فى اى وقت .
.

ahmedko
09-27-2008, 05:04 PM
يا بنات الموضوع دة ليكوا انتوا
انتوا تردوا
و باردوا الشباب يردو
مش عارف يا بشمهندسة مها حاسس ان الانسات هنا مكسوفين شوية
متخافوش يا جماعة

Hassan Mohamed
09-27-2008, 05:46 PM
عندك حق يا حج احمد

sarah
09-27-2008, 10:36 PM
اراء الشباب كلها صحيحة
بس الوم على البنات اللى مش فاهمة الدنيا صح وان هية مش عارفة ان الدنيا عبارة عن بوابة اختبار للاخرة,
وللاسف البنات اللى زييها مش اسلامى (وليس الحجاب بصفة خاصة ),بتعمل كل ده ليه محدش سالها ومحدش قالها ان ده غلط وعيب وحرام ( طالما فى موضة وشباب بيعاكس يبقى يديها ثقة فى نفسها ان كدة هية حلوة وتزيد فى الهبل )
فانا الوم البنت الاول لان السن اللى بتلبس الحجاب فيه بتكون شويه عقلت وبدات تكبر
وبعدين الوم الاسرة المتسيبة اللى بتدلع بناتها وللام بتخلى بنتها احسن من مين ومين عشان مين يشوفها ازاى وكدة يعنى فهمنى اكيد,
وعلى الشباب اللى بيوهم البنت بجمالها ,كدة واول ما يقول يا ارتباط يدور على المتدينة (طيب من الاول)

واخيرا بقول ان صوابع الايد مش زى بعضها يعنى ممكن البنت شكلها مش اد كده بس من جوة كويسة جدا والعكس,
بس الناس بتاخد بالمظاهر والبنت انسان رقيق جدا , لازم تحافظ على نفسها وتتصف بصفات معينة.
والحجاب فريضة على كل مسلمة (ويمكن الطرحة الصغيرة طريق الهداية ) انك لا تهدى من احببت ولكن الله يهدى من يشاء , والله اعلم بما فى القلوب.

Hassan Mohamed
09-27-2008, 10:51 PM
احب اقولك يا سارة انك بتفهمي بجد ومقدرة شعور الشباب

mohamed-gohar
09-27-2008, 11:51 PM
انا من راي ان العامل الاول في المسخرة اللي بتحصل هو البيت فالاب او الا م الايام دي بتسمع منهم كلام غريب (سيب البنت تفرح بشابها وطبعا بتلبس الحجاب مع حاجة محزقة او قصيرة.............)(لما تكبر حتعقل طيب ما هي كبيرة يقولك لا يا راجل البنت لسه صغيرة )وبالتالي فهي بتطلع بالاستهتار ده ولا ايه




http://www3.0zz0.com/2008/09/27/21/430971247.jpg

Rania Ismail
09-27-2008, 11:59 PM
بجد الموضوع مهم جدا وبجد فى بنات كتير شايفه ان الحجاب موضه وبدل ما تعمل شعرها تروح تحط طرحة على شعرها او تلبسها وتبين نص شعرها عياقه او منظره علشان تورى الناس ان شعرها حلو ويا سلام مع جيبه قصيره واوا ولا بنطلون رش (وتعنى كلمة رش اى انه ضيق على الاخر ) وانا شايفه ان اللى بيعملو كده ده قله تربيه او قله رقابه من الاهل وعدم الدراية الكافيه بابسط اموور الدين وانهم نشاو نشاه غلط وزى ما فى كده فى بنات ملتزمات ومحجبات بمعنى الحجاب وفى بنات وسط اللى هما محتشمات لابسين الطرحة وبيحاولو على قد ما يقدرو انهم يراعو امور كتيره فى لبسهم بحيث ميكونش ملفت
وشكرا

sarah
09-28-2008, 12:01 AM
صح اؤيدك فى الراى ده.

mohamed-gohar
09-28-2008, 12:48 AM
انا كمان اؤيدك عين العقل





http://www3.0zz0.com/2008/09/27/21/430971247.jpg

ahmedko
09-28-2008, 10:34 AM
و الله يا جماعة هو اكيد للموضوع دة الاسباب الكتيرة و المعقدة
يعنى مثلا
1- زى ما حسن اشار ان البيت فين فين الاب اللى يحاسب فين الام اللىتوجهه
2- فى حاجة تانية يا جماعة هى موجة التقليد الاعمى اللى موجودة فى البلد
3- ممكن يكون التقليد نوعين
مثلا مع انتشار الكليبات الخربانة و الهبل بتاعها
و ممكن لان كل واحدة بتبص لغيرها و تحاول تقلد
بس على فكرة اللى انا متأكد منو ان البنات و الصبيان كمان و بأكد الصبيان كمان هما السبب فى الموضوع دة
ليو بى عشان احنا كلنا بعدنا عن ربنا بجد و الله
لو كل واحد و واحدة التزم شوية مش هنقول بقى شيخ و لا علامة
العملية هتكون احسن

mohamed-gohar
09-29-2008, 12:16 AM
و الله يا جماعة هو اكيد للموضوع دة الاسباب الكتيرة و المعقدة
يعنى مثلا
1- زى ما حسن اشار ان البيت فين فين الاب اللى يحاسب فين الام اللىتوجهه
2- فى حاجة تانية يا جماعة هى موجة التقليد الاعمى اللى موجودة فى البلد
3- ممكن يكون التقليد نوعين
مثلا مع انتشار الكليبات الخربانة و الهبل بتاعها
و ممكن لان كل واحدة بتبص لغيرها و تحاول تقلد
بس على فكرة اللى انا متأكد منو ان البنات و الصبيان كمان و بأكد الصبيان كمان هما السبب فى الموضوع دة
ليو بى عشان احنا كلنا بعدنا عن ربنا بجد و الله
لو كل واحد و واحدة التزم شوية مش هنقول بقى شيخ و لا علامة
العملية هتكون احسن

ههههههههه انا اللي قلت البيت عليه عامل يالا حصل خير

Hassan Mohamed
10-03-2008, 11:26 PM
يا عم محمد ارجع للصفحات الاولي وتعرف انا قولت ايه

ميرا مار
10-04-2008, 09:01 PM
برافو عليك يا سارة
لخصتى المشكلة بشكل جميل ..

والحقيقة راى رانيا ومحمد وحسن واحمد واشرف وجودى وشيمو وكل اللى اشتركو فى الموضوع

يكون راى واحد جيد
ويارب من خلال الموضوع دة بنات كتييير عنيها تفتح على حاجات ماكانتش شايفاها

mohamed-gohar
10-05-2008, 09:30 AM
خلاص يا ابو علي انا وانتا واحد

asmoaa
10-05-2008, 08:17 PM
الحجاب دلوقتى فى بنات كتير بتلبسه للموضه او للمظهر وبستغرب اوى على البنات اللى لبسها بيبقى ضيق ولبسه حجاب او البنات اللى بتبقى عمله ميكب كامل واسمها محجبه بصراحه طريقه مستفزه استخدام الحجاب لمجرد المظهر بس

ميرا مار
10-05-2008, 09:57 PM
عندك حق يا اسمؤة .. غلط اننا نمشى ورا موضة واحنا بعيون عمياء

mohamed-gohar
10-06-2008, 09:46 AM
صح برده صح

Ahmed Hassan
10-06-2008, 11:21 AM
اتقي الله يجعل لك مخرجا

usama
10-06-2008, 03:11 PM
اللي البنات بترتديه الان اسمه تبرج الجاهليه لان الحجاب لايوجد نقاش فيه فهو لا يصف ولا يشف ولا يكون زيـنه في نفسه
اما الان فالحجاب بقي علي لون الحذاء

mohamed-gohar
10-06-2008, 03:27 PM
الله ينور عليك يا اسامة

ميرا مار
10-07-2008, 12:25 AM
اللي البنات بترتديه الان اسمه تبرج الجاهليه لان الحجاب لايوجد نقاش فيه فهو لا يصف ولا يشف ولا يكون زيـنه في نفسه
اما الان فالحجاب بقي علي لون الحذاء



عندك حق يا اسامة
بس فى الجاهلية .. كانوا واضحين

لكن انا معاك فى ان الحجاب على لون الحذاء
ودى على فكرة حاجة كويس
ان المراة تكون انيقة .. مش عيب

اسامه البنا
10-08-2008, 04:12 AM
بصي يا استاذه الحجاب دلواقتي اصبح وضع عام يعني كل بينت تتحجب علشان ما تبقي منتقده او علشان كل اصحابها
محجبين يعني مش اكتر مع احتامي لكل المحجبين المحتشمين (الحجاب اصبح موضه)

ميرا مار
10-08-2008, 11:46 PM
مشكور على المررور وع الراى

Human Ash
10-09-2008, 02:30 AM
عيّ الصمت .. أفضل من عيّ المنطق ..

ولكن سؤالي الآن .. كل امرأة ،.. ألم تَكن ف كَنف .. والد ، أخ ، زوج ، خطيب .. !

هو خطأ مزدوج بين رجل وامرأة .. لا تعيبوا المرأة فقط .. فالقاسم مشترك .. ألم تُخلق من ضلع رجل .. ألم يقل أفلاطون : إن الرجل والمرأة .. كانا كائنٍ واحد وأنفصلا .. !

خطأ ما نراه .. وخطأ ما يرتدوه الآن .. ولكن لن نُعلق المشانق .. ولن نفعل كما فعلوا .. إبان الحضارة الأغريقية .. بل نهدأ .. ونضع الأمور ف نِصابها ..
فالحل يَكمُن .. داخل كل بيت .. وفوق كل شارب .. وع كل عقل .. !


أشكرك ..
دمتِ ..

الشبح
10-09-2008, 02:45 PM
كفايه بقى حرااااااااااااااااااااااااام

من الاخر ده مش حجاب واللي بيتحجبوا دول من النوع ده

ولاهي اناقه ولا هي رشاقه ولا كلام من ده

من الاخر شعرهم وحش ومش بيحبوا يظهروه

وانا بقول والله لو البنات دي شعرها حلو هتستغنى عن الحجاب

والسبب التاني ممكن يكون الاهل جابرينهم على ارتداؤه فهم بيعملوا اللي عليهم والاسم محجبين

Hassan Mohamed
10-10-2008, 03:29 AM
مش عاوزين الموضوع يوسع يا جماعة دول اخوتنا بردو ولو كل شاب نصح بنت الموضوع هيخلص

DIBO
10-10-2008, 01:58 PM
السلام عليكم اعرفكم بنفسى مؤمن الديب الفرقه الثانيه قسم الجغرافيا جامعه الاسكندريه
اولا الحجاب فريضه اسلاميه للمرأه بس انات عايز اسال سؤال مين المسؤل البنت ولا الاسره ؟! بتهيالى الاسره عليها المسؤليه الاكبر وكل الناس عموما ود مش تحيز للبنا ت والله بس دى وجهه نظرى وشكرا........

ميرا مار
10-10-2008, 10:16 PM
والله يا مؤمن انت جبت من الاخر
مشكور ع الراى الجميل دة

ميرا مار
01-08-2009, 12:35 PM
عادى يا حسن احنا بنتناقش
ومن خلال المناقشة يمكن نوصل معلومة لحد مش عارفها
بس شكرا ع المرور

Youssef Mostafa
01-08-2009, 03:41 PM
بص ياديبو انت معاك حق الاصل فى الاسرة لكن انا اعرف بنات عايزين يتحجبوا واهلهم مش راضيين يعنى فى جانب سالب اهو يبقى مين اللى عليه العيب البنت ولا الاهل والله ياجماعة البنات دول فهمانين اوى هم بيعملوا ايه ومش محتاجين نصايح وانا مش شايف حجاب اصلا الايام دى من حد الا الناس المحترمين بس

ميرا مار
01-08-2009, 04:18 PM
شكرا يا يوسف
على الراى والمشاركة ..ورايك زى اغلبية اراءنا لغاية دلوقت وصلنا ان العيب على الاسرة
بالدرجة الاولى..
لكن ماننساش اننا كلنا مكلفين ومسؤلين عن شخصياتنا واعمالنا قدام ربنا
يعنى واحد يقول اصلى مش باصلى اصل ابويا ماعلمنيش
اصلى مش باشوفه يصلى
ياخى مانت كبرت خلاص ومسئول عن اعمالك..

Ahmed Mohamed
01-08-2009, 04:32 PM
شكرا يا يوسف
على الراى والمشاركة ..ورايك زى اغلبية اراءنا لغاية دلوقت وصلنا ان العيب على الاسرة
بالدرجة الاولى..
لكن ماننساش اننا كلنا مكلفين ومسؤلين عن شخصياتنا واعمالنا قدام ربنا
يعنى واحد يقول اصلى مش باصلى اصل ابويا ماعلمنيش
اصلى مش باشوفه يصلى
ياخى مانت كبرت خلاص ومسئول عن اعمالك..


اولا احب اهنيكي علي الموضوع الجامد ده
انا بقه شايف ان البنت هي المسئولة الاولي والاساسية عن نفسها بامارة لما بيجلها عريس لا ابوها ولا امها
هما اللي بيوفقوا عليه عالطول و لازم يخدوا رايها وبيبقي هو الراي الاخير

يعني البنت هي المسئولة الاولي عن نفسها بكونها تلبس الحجاب باي طريقه او متلبسهوش اساسا

بس كل ده حيعود عليها في اخرتها لما توسأل عن هذه الفربضه ازاي حافظت عليها وازاي استخدمتها
يعني انا اعرف واحده قريبتي متحجبتش غير في تانية كلية من نفسها وعن اقتناع

اما بقه عن طريق لبس الحجاب والموضة الايام دي فده مش حجاب ده زي ما بيقولو موضه فعلا بقيت حاجه غريبة اوي الموضه دي


معلش طولت عليكم في الرد بس ده فعلا موضوع لابد له من وقفه وبشكرك مرة تانية يا ميرا علي
مواضيعك اللي دايما سخنة وجاااااااااااااااااامدة

ميرا مار
01-10-2009, 10:24 PM
شكرا يا احمد انا باقدر رايك جدا وهو فى جانب كبير من الصحة
لكن خليك معايا للاخر
بص لما اى انسان يعمل حاجة لو رجعت لاصل السبب
هتلاقيها نشاته..
اتربى على كدا
طب هى السبب مثلا
اوك
طب فين الاب والام وهى خارج
دا بقى بالمرة الى جانب الاب المسلم وهو شايف بنته الغير محجبة وكمان غير ملتزمة بلبس
اقل ما يقال عنه
انه غير مقبول فى مجتمعنا الشرقى؟؟؟

heba
03-19-2009, 08:32 PM
اولا باحييكي يا ميرا على الموضوع الجميل ده
ثانيا بالنسبة للموضوع .انا بصراحة شايفة ان الاسرة اولا ليها دور كبير فى النصيحة وبعد كده يجي دور البنت لأن الاسرة هى الى ربت ووجهت فى الاول والاخر.
وبعدين البنت مثلا الى لابسة لبس ضيق اوجيبة قصيرة وبعدين نلاقي الطرحة فوق ......شايفة نفسها ايه
هيا اكيد اخدت خطوة كويسة لما اتحجبت ...بس مش هو ده الحجاب الى ربنا امرنا بيه
وبعدين يا ميرا فى حاجة كمان لما بتنزلى محلات الملابس بتحسي انهم بيشجعوهم اكتر تلاقى الجيبات القصيرة اشيك من الطويلة.........وعدى على كده

ميرا مار
03-20-2009, 11:37 PM
باشكرك يا هبة

وكلنا متفقين ان الاهل لهم دور كبيييييييييير

انتى سالت سؤال نفسى اعرف اجابته

هى شايفة نفسها ايه؟؟

وحكاية المحلات دى بردو حاجة تحير.. انا لما بانزل المحلات باحتااااار جدا جدا

ودى بقت مشكلة.. واتفرجى على ملابس المحجبات.. حاجات مش حلللللللللللللوة
اللهم الا محلين تلاتة.. .
طب فيها ايه لما مصممين ومصممات الملابس يعملوا حاجة وسط حلوة
تنفع ومابتقاش منتقدة للمحجبات..؟؟؟

باشكرك جدا يا هبة..اثرتى نقطة مهمة..

Soma
03-21-2009, 02:01 AM
هاى كيفكوا ممكن اقولكوا رايى
الاهل هما المسؤلين فى الاول والاخر اقولك ليه
لو الاهل ربت البنات ديه تربيه كويسه فعلا واعتنت بيهم وربتهم صح
مفيش اى لبس حيغرى البنت ويخليها تفضل اللى يغضب ربنا عن اللى يرضيه
مهما كان وبالنسبه للراى اللى قال انه شاف بنت بلتبس طرحه فى المشروع
عشان اهلها فى البيت مثلا غصبنها على لبسه لو هما ربوها صح وحسسوها بالثقه فيها
هى من نفسها حتتغير وحتتحجب من غير ماحد يقولها
مثلا الشخص اللى بيتربى فى بيئة مش كويسه اكيد حيطلع انسان مش كويس والشخص اللى اتربى فى بيئة كويسه حيكون انسان كويس
يبقى ازاى بنت اتربت صح وعلى خلق ودين وحتكون كده مفتكرش ابدا البنت اللى تكون كده تكون اتربت تربيه صحيحه
تعرفى ان انا اتحجبت لما كنت فى ثانوى ومحدش من اهلى جابلى سيرة الحجاب نهائى انا اللى كنت عايزة كده ماكنش فارق معاهم عشان واثقين فيا جدا
وكمان كان لبسى محترم لما كنت من غير حجاب لكن الحمد لله بعد كده ربنا هدانى واتحجبت
اكيد اكيد المسئوليه كلها على الاهل لو تربيتهم صح اكيد اولادهم حيكون اخلاقهم صح والعكس صحيح
سورى طولت عليكم بس كنت عايزة انقل لكم وجهة نظرى

محمد عمرو عبد الحليم
03-21-2009, 12:00 PM
فى الواقع


وفى بداية الامر

وبصراحة

ومن غير لف ولا دوران

انا من وجهت نظرى المتوضعة
دة لا يسمى حجاب خالص
بحيث ان البنت تلبس الحجاب وبعد كدة تلاقى شوية شعر طلعين كدة "الأسة"
ولا حاجة تانى ال تلبس الحجاب على ملابس فوق الخليعة
وكل هذا ونسميهم محجبات
لقد حدد الله "غز وجل" ورسول الله"صلى الله علية وسلم "
قواعد اساسية لى المرأة فى لبسها وحجابها
واشياء كثيرة
لذالك انا اطلق على النساء التى تتحجب بطرية مختلفة ال حجاب "الناس والدين عوزين كدة بس انا مش عوزة "
وكل واحد ورأية بس انا فى راى ان الاب او الام التى تسمح لى بنتها بى هذا لا يصلحوا ان يكونوا اباء وامهات
وانا اسف لو انفعلت لكن فعلا يا ميرا الموضوع مهم وخطير لى الغاية
وليس فى الحجاب بس دة فى كل حاجة لى متعلقة بى البنات فى الفترة دة
ويارب يهدى الجميع ان شاء الله
موضوع رائع وشيق
جزاكى الله خير

white_heart
03-21-2009, 04:12 PM
ميرا حبيبتى الموضوع تقيل

ومن وجهة نظرى مفيش بنت مش فاهمة حاجة لانى يوم ما حقول ان فية حد غبى او مش فاهم يبقى انا الشخصية دى


الاول طبعا متفقة معاكم ان الاهل همة الاساس

بس دة لو كانو الاهلب فاضيين اصلا علشان يبصوا على حجاب بنتهم

ولو فاضيين علشان يناقشو بعض او ينقشو البنت فى حجابها ولية اتحجبت اصلا


فما بنى على باطل فهو باطل


بس لما البنت تكبر وتبقى فى جامعة وتستهتر بحجابها زى ما احنا شايفين

لا خلاص يبقى الحمل كلة عليها دلوقتى

الاهل اترمت طوبتهم من زمان لان
التعليم فى الصغر زى النقش على الحجر

وهمة معلموش ومزرعوش الاساس الصح

وبرضة مينفعش نعيب على زمانا وعلى الموضة والمحلات اللى بتجبرنا على زى معين


نعيب زماننا والعيب فينا وما لزماننا عيب سوانا


فانا شايفة ان اللوم دلوقتى على البنت بس لان كل واحد عارف الصح والغلط وكل واحد بيخطار لنفسة طريق يمشى علية

ندي حجاج
03-22-2009, 04:42 PM
واللة انا بضايق جدا لما اشوف بنت لبسة الحجاب واكنها مش لبساةنصف شعرها باين
بجد ربنا يهديهموانا
كنت يقراء شعر لايمان بكرى لو تعرفيها كانت بتقول
عيب يابنت بلدى
عيب لما اللجام حيسيب يسترخصوكى الناس
فى بنطلون مزنوق وبلوزة شبر لقوق ولاحتى فى الجمباز
عريتى تحت وفوق ولا عدش عندك زوق ولا حتى فية احساس
لحم الخروف مذبSIZE]
ووح بنجيبة بعد الروح ماتحصل الانفاس[/[CENTER][SIZE="5"]لحمتك بالكوم دكان وطول اليوم مفتوح لارخص الناس [/CENTER
]يخرب زمانا كأن عمر ماكان لنا اصل ولا اساس
ارجو انى مكنش طولت فى تعليق بس حسيت انى لازم ارد بشكر جدا ياميرامار على هذا الموضوع

lolaa fahmy
03-23-2009, 01:25 PM
موضوع رائع كالعاده يا ميرا ومهم جداا
طبعا الحجاب فريضه ولازم كلنا نحترمها ونحذر لما نتكلم عنها
بس عندي كام نقطه تعليق علي اراء اخواتي في المنتدي
1-اللي بيقول مفيش في مصر حجاب يعني ايه ليه ؟؟ انا لما بنزل الشارع بلاقي ناس كتير جدا منتقبات واكثر منهم لابسين خماروظاهرة النقاب منتشره في الجامعه بشكل واضح معقول مش شايفنهم؟؟
انا حجابي عادي مش منتقبه بس بحاول احافظ انه يكون محتشم وفي حدود اللياقه
2-اللي بيربط ما بين الشياكه والاناقه وعدم الاحتشام هناك فرق انا ممكن اكون شيك ولبسي ملون وكده بس محتشمه بردوا ايه المانع
3-التحامل الشديد علي الاهل والبييت هما هيعملوا ايه ولا ايه مش كفايه مطحنة الحياه الماديه اللي هما فيها عشان يوفروا امكانيات الحياه للبنت دي وبعدين واحده عندها 21سنه هيربوا فيها ايه ما خلاص معقول مش عارفه الصح من الغلط وبعدين المنحرف منحرف حتي لو حبسوه في قمقم!!!
ياريت كمان نلاحظ ان اللي بنكلم عليهم دول بنات ناس وممكن لو حد قدملهم مساعده ونصيحه حقيقيه ربنا يهديهم
ربنا يسترها معانا جميعا
اسفه للاطاله

spring sun
03-23-2009, 07:25 PM
ايه ده انا جيت متاخره اويييييييييييييييييي

بصي يا ميرا حجاب الاستريتش ده مش حجاب دي عاده مش عباده

اما بقي في حجاب تاني اللي هو تي شيرت وجيبه وطرحه ضغيره وده في نظري افضل من ما فيش

اما النوع التالت اللي هو الصح او الحجاب الشرعي فهو ده اللي اسمه الحجاب

اما بقي لو البنات مفكره انه ده بيعجب الشباب فصح هو بيعجبهم بس علشان يتفرجوا عليها مش اكتر

بس احترامهم ليها بقي؟؟؟؟

يعني اسالي اي شاب وحطي ادمه بنتين واحده لابسه ضيق والتانيه لابسه عابايه وخيريه بينهم عمره ما هيختار الاولي الا اذا كان هو كمان انسان مش ملنزم وساعتها يبقي الطيور علي اشكالها تقع

اما الانسان العاقل هو اللي هيقدر الالتزام ودول نسبتهم عاليه اوي

وبعدين في جانب تاني خالص البنت اللي مش ملتزمه دي ازاي هتكون ام للمستقبل

هتربي نشا ازاي وهي عايزه اللي يوجهها

بس الاهم من كده انه يكون الحجاب من جوه اكتر من بره يعني مش واحده لابسه عبايه طويله وطرحه طويله ومن جوه سيئه وتخرب بلد

ده رايي ويارب تتقبليه يا ميرا

rana
03-23-2009, 10:11 PM
الحجاب عفه و طهاره والله ربنا بيجمل وبينور وجه اي واحده لابسه الحجاب وعلي فكره الحجاب له شروط

ميرا مار
03-25-2009, 11:09 PM
يا جماعة مش عارفة بجد اقولكم ايه على الردود دى


فعلا حاسة ان فى نقاش جميل جدا وطبعا ماحدش فينا مابيغلطش

يعنى انا باتكلم عللى لابسى مينى جيب على ستريتش وحجاب

اكيد بردو فى المنتقبة اللى حجابى مش بيعجبها

لكن كلنا متفقين ان الحجاب لابد انه يكون مع زى لائق ..جيب بقى عباية

طرحة كبيرة..صغيرة.. المهم يكون مع زى لائق

عشان مانبقاش منتقدين

وربنا يهدينا وانا اولكم:D:D

ميرا مار
03-25-2009, 11:13 PM
اسماء

محمد

مى

كتكوتا

علا

اميرة

رنا

باشكركم جداااااااااا واراءكم كلها عين العقل
ونورتونى بجد واكيد انا استفدت منكم طبعا

toleban
04-01-2009, 07:18 PM
والله ياميرا يا حبيبتى هو مبقاش حجاب

هو شبه احتشام يعنى بيتقال عليه موضة بس موضة موضة

شكرا يا ميرا ياعسل

spider girl
04-10-2009, 08:08 PM
والله يا ميرا لسه شايفه منظر بجد
محزن جيب قصيرة على برموده قصير
وبدى رقبته واسعه على طرحه سبنش

وقال ايه ده حجاب طب كويس والله
دى لو قلعت الطرحه تبقى احسن

ربنا يهدى بنات المسلمين ويبعدهم عن التقليد الاعمى ده

ميرا مار
04-15-2009, 09:02 PM
حاجة محزنة فعلا يا سارة والله


ومن كدا خدى كتيير ..


وكلامك يا توليبان ..يمكن قصدك على حاجة تانية
لانه فى ملابس وسط
بين الحجاب الشرعة وبين الزى المتنكر فى شكل حجاب
لكن لو شبه احتشام ..ولا يسئ للبنت ف فى راييى المتواضع
فى الزمن دا مش مشكلة قوى..المهم ماتكونش ملفتة وموضوع للانتقاد

وميرسى لكما يا عثاثيل

NASSER_M_123
04-15-2009, 09:17 PM
عندكم حق الواحد بيشوف مناظر فى الجامعه بس الواحد حزين قوى تبقى بنت بالجمال والرقه دى ومن جواها شخصيه تانيه واللبس معبر عن شخصيه الانسان هيجرى ايه لو لبست تحجيبه محترمه ولبس عادى

ميرا مار
04-15-2009, 09:21 PM
جزاك الله خيرا يا ناصر


اسلوبك جميل جدا وواقعى فى الكلام


باشكرك جدا على المشاركة الفعالة دى

NASSER_M_123
04-15-2009, 09:21 PM
ربنا يهدى بنات المسلمين ويبعد عنهم الشيطان

Horiaa Swedan
04-20-2009, 09:45 PM
أنا في رأيي ان الفتاة المحجبة هيا صورة لاسلامها ولو أنا واحدة عادية غير مسلمة وشفت أن مظهر الاسلام متثمل في الشكل دا مش هحترم دينها .. وفي رأيي كل بنت محجبة تعرف انها بتمثل اسلامها بمظهرها وتعرف أن الناس هيعلقو على شكلها بلبسها دا أكتر من لو كانت مش محجبة

لكن عشان الحجاب هو أحد المظاهر الدينية فاستخدامه بالشكل دا حوله من الاستخدام الديني لاستخدامه كموضة وتكملة لبس ليس أكثر ..أرجو تقبل وجهة نظري


لا يقال بعد تلك الكلامات جزاك الله خيرا يا انستى

ولكن انا احب ان اضيف له كما قال احد الزملاء ان الحاجاب فرد وان ما يحدث اليوم فى الحجاب ماهى الا حرب الافكار

بمعنى " عايزين تلبسوا حجاب اوك البسوا بس على مزجنا برضو"

حرب السلام اصعب من الحروب الدمائيه

وحرب السلم هى حرب الافكار

http://i151.photobucket.com/albums/s129/sadness11/samy28.jpg

لكن العيب مش بيجى على المحجبه وحده وانما على البيئه اللى متشكله حوليها من

اهل


ازاى اهلك سيبينك تنزلى كده جيب قصير عليه طرحه
برمودا
ملابس ملفتحه ومفتوحه

http://i151.photobucket.com/albums/s129/sadness11/cartoon27.jpg

اصحاب

http://i151.photobucket.com/albums/s129/sadness11/cartoon22.jpg

لازم الوعى يجى من الناس دى اولا

وفى النهايه
وكما قال الرسول صلى الله عليه وسلم
( نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها)

ميرا مار
04-21-2009, 09:37 AM
جزاك الله خيرا يا ريموندا

وباشكرك جدا لمشاركتك برايك بكل صراحة فى الموضوع

Horiaa Swedan
04-21-2009, 08:00 PM
انا اللى بشكرك جدا على موضوعك الرائع وافكارك المنيره

بجد فكره حلوه جدا وهدفها سامى وغيرت فكرت بنات كتير كان كل همهم الموده عشان يعجبوا

ريحانة الزهور
04-23-2009, 08:28 PM
جزاك الله خيرا علي هذا الموضوع وجهة نظري ستجديها
هنا (http://mesa7a.com/forum/showthread.php?t=5304)

ميرا مار
04-30-2009, 11:39 AM
جزاك الله خيرا ريحانة
باشكرك على المرور

Mohamed Hashem
04-30-2009, 11:42 PM
هذا الإيميل وصلنى اليوم من زملائى فى العمل وهو منقول :
كل واحد يفتح جوجل أو ياهوو على " بحث الصور " و يكتب الكلمة دي : Jewish scarf وتعنى الحجاب اليهودى
وقولى على اللى شفته ........ الحجاب اللى بيقولو ا عليه spanish طلع يهودى
حاسس إن فيه ناس لسه شاكه في الأمر , إزاي يعني الحجاب ده بتاع اليهود ؟؟
طيب ادخلوا على الموقع ده يا زعيم : http://www.tznius.com/cgi-bin/tying.pl
بيبين أنواع و طرق ربط ( الحجاب ) المزعوم بس ادخلوا ( برجلكم الشمال ) و خلوا بالكم من الإعلان اللي فوق اللي مكتوب فيه bring a baby to israel
و في الموقع نفسه طريقة ربط ( البتاع ) !! :
http://www.tznius.com/cgi-bin/rapunzel.pl
و أنا ( بدعبس ) عن الموضوع لقيت مدونة فيها موديلات تانية : http://veiledglory.wordpress.com/200...-worn-scarves/
و خلوم بالكم برضه من الجملة المكتوبة في آخر السطر الثالث : The company sells Jewish modest clothing
أظن أكيد بقى اتأكدتم إنه حجاب يهودي , و إن نساء المسلمين ( واخدين بمبة ) جامدة قوي , و الي يغيظ إن فيه نساء في قنوات تُسمى ( إسلامية ) بيطلعوا لابسينه !! المهم اللي عاوز أقوله إن : الحجاب ليس ( غطاء الشعر )
و لا حتى ( غطاء البدن ) !! بل أكثر من ذلك , كما يقول الدكتور محمد إسماعيل المقدم : " ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ، والتي شرعها الله سبحانه وتعالى لتكون الحصن الحصين الذي يحمي المرأة ، والسياج الواقي الذي يعصم المجتمع من الافتتان بها ، والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ." من كتاب الشيخ / محمد بن أحمد بن إسماعيل المقدم " عودة الحجاب "
خلاص مش هطول عليكم , بس زوروا المواقع دي : http://www.al-hejab.com/
http://www.saaid.net/female/h43.htm
و ده فلاش جامد جدا :
http://www.saaid.net/flash/Thabaat.htm
جزاكم الله خيرا , و أرجو نشر الموضوع قدر المستطاع .................... انتهى الإيميل الأصلى
وأنا من منبركم أضع الموضوع بين أيديكم ..... إذا رأى أحد المشرفين نقله ليكون موضوع عام كى يلفت إنتباه أخواتنا المسلمات المحجبات أو التى فى طريقها للحجاب فلا مانع عندى ولا تنسوا صاحب المقال الأصلى من الدعاء
ولا حول ولا قوة إلا بالله

ميرا مار
05-03-2009, 07:55 PM
باشكرك جدا يا بشمهندس

الحقيقة رد هااايل

والحقيقة فعلا انا زرت اغلب الروابط دى

واستغربت من الكلام المكتوب..وانا طبعا اول مرة اعرف ان الاسبانيش حجاب يهودى

مش عارفة اقولك ايه

بس احنا فعلا محتاجين وعى جامد

جزاك الله خيرا

محبة الرحمن
05-04-2009, 01:05 AM
هذا الإيميل وصلنى اليوم من زملائى فى العمل وهو منقول :
كل واحد يفتح جوجل أو ياهوو على " بحث الصور " و يكتب الكلمة دي : Jewish scarf وتعنى الحجاب اليهودى
وقولى على اللى شفته ........ الحجاب اللى بيقولو ا عليه spanish طلع يهودى
حاسس إن فيه ناس لسه شاكه في الأمر , إزاي يعني الحجاب ده بتاع اليهود ؟؟
طيب ادخلوا على الموقع ده يا زعيم : http://www.tznius.com/cgi-bin/tying.pl
بيبين أنواع و طرق ربط ( الحجاب ) المزعوم بس ادخلوا ( برجلكم الشمال ) و خلوا بالكم من الإعلان اللي فوق اللي مكتوب فيه bring a baby to israel
و في الموقع نفسه طريقة ربط ( البتاع ) !! :
http://www.tznius.com/cgi-bin/rapunzel.pl
و أنا ( بدعبس ) عن الموضوع لقيت مدونة فيها موديلات تانية : http://veiledglory.wordpress.com/200...-worn-scarves/
و خلوم بالكم برضه من الجملة المكتوبة في آخر السطر الثالث : The company sells Jewish modest clothing
أظن أكيد بقى اتأكدتم إنه حجاب يهودي , و إن نساء المسلمين ( واخدين بمبة ) جامدة قوي , و الي يغيظ إن فيه نساء في قنوات تُسمى ( إسلامية ) بيطلعوا لابسينه !! المهم اللي عاوز أقوله إن : الحجاب ليس ( غطاء الشعر )
و لا حتى ( غطاء البدن ) !! بل أكثر من ذلك , كما يقول الدكتور محمد إسماعيل المقدم : " ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ، والتي شرعها الله سبحانه وتعالى لتكون الحصن الحصين الذي يحمي المرأة ، والسياج الواقي الذي يعصم المجتمع من الافتتان بها ، والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ." من كتاب الشيخ / محمد بن أحمد بن إسماعيل المقدم " عودة الحجاب "
خلاص مش هطول عليكم , بس زوروا المواقع دي : http://www.al-hejab.com/
http://www.saaid.net/female/h43.htm
و ده فلاش جامد جدا :
http://www.saaid.net/flash/Thabaat.htm
جزاكم الله خيرا , و أرجو نشر الموضوع قدر المستطاع .................... انتهى الإيميل الأصلى
وأنا من منبركم أضع الموضوع بين أيديكم ..... إذا رأى أحد المشرفين نقله ليكون موضوع عام كى يلفت إنتباه أخواتنا المسلمات المحجبات أو التى فى طريقها للحجاب فلا مانع عندى ولا تنسوا صاحب المقال الأصلى من الدعاء
ولا حول ولا قوة إلا بالله


أخي جزاك الله خير وبارك الله فيك

بالنسبة لموضوع الحجاب اللي انت كتبته ده فأنا اقول انه مادام لم يحقق شروط الحجاب الشرعي فهو ليس حجاب أما لكونه امريكي يهودي فهذه مسميات

و لو تبعت الرد في نفس هذا الموضوع ستجد انني لم ارد علي الموضوع لا لأني لم استطع الرد ولكن

الأخت ميرامار فتحت موضوع جميل جدا فأنا انتظر لأخذ أحصائية منه عن اراء شباب الكليات والرد عليهم باأرائهم التي طروحها

ولكن لضيق وقتي لم استطع حتي الأن ان اكتب ما يخص الحجاب

ولكن سوف اطرح موضوع في المرحلة القادمة

ادلة الحجاب الشرعي وما هو صفات الحجاب الشرعي

وبعض الفتاوي الشرعية للحجاب

وسوف تجد ان الأخت ريحانة طرحت موضوع من قبل عن الحجاب الشرعي وستجد رابط الموضوع موجود ضمن الردود

أخي في الله ماذا بعد معرفة ان الحجاب الذي يلبسه البعض يهودي

احب ان اكتب ماذا قال الله تعالي ورسوله عن الحجاب الشرعي

والله لا اقصد بكلامي شيئا ولكن لماذا أخي في الله لم تكتب هذا الموضوع في القسم الأسلامي

وطلبت من احد المشرفيين ان يتولي كتابة الموضوع هو

انا ارحب بأن الكل يضع موضوعاته والمناقشة فيها

اخي احب ان اعلمك بشئ الغزو الأوربي يحارب الأسلام من كل الأتجاهات

واتذكر اني سمعت هذه المقولة وانها خرجت علي لسان احدي الغربيات " لن يهزم الأسلام الأ اذا تخلت المرأة المسلمة عن الحجاب "

وهذا الحجاب هو احدي الأفكار الغربية فعلا وزيادة علي ما أقول العباءة المخصرة (التي تحدد ملامح جسد المرأة وتكون ضيقة من الوسط ) ايضا التي يرتديها الفتيات تسمي عبارة فرنسية وليس يرتديها فقط المصريين ولكن توجد في جميع الدول العربية في الكويت والسعودية والأمارات وقطر وكثير من هولاء الدول الزي الرسمي لها الحجاب الشرعي

فالواجب علينا ان نعرف ما هو صفات الحجاب الشرعي لماذا بحثنا عن الحجاب اليهودي ولم نبحث عن الحجاب الشرعي هذه ازمة كبيرة في الوعي عندنا

وجزاك الله خير أخي في الله علي فتح ذلك الموضوع واسفة علي الأطالة

ميرا مار
05-04-2009, 03:36 AM
جزاك الله خيرا يا محبة وبارك فيك

Mohamed Hashem
05-04-2009, 04:13 AM
باشكرك جدا يا بشمهندس

الحقيقة رد هااايل

والحقيقة فعلا انا زرت اغلب الروابط دى

واستغربت من الكلام المكتوب..وانا طبعا اول مرة اعرف ان الاسبانيش حجاب يهودى

مش عارفة اقولك ايه

بس احنا فعلا محتاجين وعى جامد

جزاك الله خيرا

شكرا جزيلا على مشاركتك ... والأمل فيكن بتوعية المسلمات من منتدانا هذا
اللهم حرم وجه من قرأ هذا الموضوع على النار

Mohamed Hashem
05-04-2009, 04:14 AM
أختى فى الله محبة الرحمن
وأما بخصوص موضوعك القادم فسأكون سعيدا لرؤيته "عن ادلة الحجاب الشرعى" .. أعانك الله على إعداده
أما لماذا لم أكتب هذا الموضوع فى القسم الإسلامى وطلبت ذلك من أحد المشرفين فأستطيع أن أوكد أنه ليس كسلا منى فلم يكن يستغرق ذلك منى سوى بعض "نقرات بالماوس" ولكن تلك هى مشاركتى فى موضوع ميرامار... ليس إلا ..... ولا سيما أنها مشاركة فى سياق ما طرحته هى (حجاب بعض بنات اليومين دول ايه رأيكم)
وعندما عرضت إمكانية نقلها كموضوع مستقل فالغرض – والله من وراء القصد – فى نفسى كان نشر الفكرة وخشيت أن يكون هذا الموضوع مكررا فبالطبع أنا لم أتصفح المنتدى بالكامل وتركت لكم حرية تقرير ذلك وهو ما سوف تؤجرون عليه من الله عز وجل ....
أما لماذا بحثنا عن الحجاب اليهودى ولم نبحث عن الحجاب الشرعى فانا لم أبحث أصلا وإنما هو بريد إلكترونى من زميلة العمل المحجبه حجاب صحيح والغرض منه كان لفت إنتباه زميلاتها لعدم شرعية هذا الشكل من غطاء الرأس وقمت بنقله لكم للفائدة ......... وذلك لأن الموضوع ببساطه أن بعض بنات اليومين دول على حد تعبير الأخت ميرامار عندما يقتنعن بالحجاب يبدأن بتلك الأشكال من الحجاب .. صحيح أن البعض يتدارك الأمر فى النهاية ولكن فى البداية يصعب عليهن التغيير فجأة من النقيض للنقيض فوجب لفت إنتباهن أنه لا أصل له فى الإسلام وطالما لا أصل له فى الإسلام فهو غير شرعى بغض النظر عمن أطلق عليه حجاب يهودى أو غيره .... إذن نحن متفقان طالما كانت النتيجة واحده وهو الرفض لهذا الشكل من الحجاب للمسلمات بغض النظر عن الحيثيات
وأخيرا لك منى وافر الإحترام والتقدير

محبة الرحمن
05-04-2009, 05:58 AM
أختى فى الله محبة الرحمن
وأما بخصوص موضوعك القادم فسأكون سعيدا لرؤيته "عن ادلة الحجاب الشرعى" .. أعانك الله على إعداده
أما لماذا لم أكتب هذا الموضوع فى القسم الإسلامى وطلبت ذلك من أحد المشرفين فأستطيع أن أوكد أنه ليس كسلا منى فلم يكن يستغرق ذلك منى سوى بعض "نقرات بالماوس" ولكن تلك هى مشاركتى فى موضوع ميرامار... ليس إلا ..... ولا سيما أنها مشاركة فى سياق ما طرحته هى (حجاب بعض بنات اليومين دول ايه رأيكم)
وعندما عرضت إمكانية نقلها كموضوع مستقل فالغرض – والله من وراء القصد – فى نفسى كان نشر الفكرة وخشيت أن يكون هذا الموضوع مكررا فبالطبع أنا لم أتصفح المنتدى بالكامل وتركت لكم حرية تقرير ذلك وهو ما سوف تؤجرون عليه من الله عز وجل ....
أما لماذا بحثنا عن الحجاب اليهودى ولم نبحث عن الحجاب الشرعى فانا لم أبحث أصلا وإنما هو بريد إلكترونى من زميلة العمل المحجبه حجاب صحيح والغرض منه كان لفت إنتباه زميلاتها لعدم شرعية هذا الشكل من غطاء الرأس وقمت بنقله لكم للفائدة ......... وذلك لأن الموضوع ببساطه أن بعض بنات اليومين دول على حد تعبير الأخت ميرامار عندما يقتنعن بالحجاب يبدأن بتلك الأشكال من الحجاب .. صحيح أن البعض يتدارك الأمر فى النهاية ولكن فى البداية يصعب عليهن التغيير فجأة من النقيض للنقيض فوجب لفت إنتباهن أنه لا أصل له فى الإسلام وطالما لا أصل له فى الإسلام فهو غير شرعى بغض النظر عمن أطلق عليه حجاب يهودى أو غيره .... إذن نحن متفقان طالما كانت النتيجة واحده وهو الرفض لهذا الشكل من الحجاب للمسلمات بغض النظر عن الحيثيات
وأخيرا لك منى وافر الإحترام والتقدير


أخي في الله أسفة علي قول كلمة انت في بداية كلامي ولكن زالة لسان وليست عدم احترام بارك الله فيك
وبالنسبة لموضوع ان الموضوع يوضع هنا او في القسم الأسلامي ليس هذا ما كنت اقصده انما كنت اريد انا تشارك بيه انت واريد ان تحتسب الأجر في وضعه قولت هذا القول لأن الأخوة والأخوات او بعضهم يقولون انهم يخافون ان تكون المشاركة خطأ لذلك لا يضعوا موضوعات في القسم الأسلامي وهذا ما ظننته من كلماتك واحببت ان افتح الباب للكل ليجود الكل بما عنده ولأزالة الحواجز في القسم الأسلامي
وانتظر منك مشاركتك في القسم الأسلامي بهذا الموضوع وبمشاركات اخري وان تجود بما عندك وجزاك الله خير فهذا الموضوع ليس موجودا في القسم
وبالنسبة للبحث عن الحجاب الشرعي والحجاب اليهودي كان كلامي لا يوجه اليك وانما يوجه للشباب واعرف ان هذا قد جاء لك علي الأيميل
وان ظهر مني اي انفعال فأنه غيرة علي ديني بارك الله فيك وجزاك الله خير
وارجو الا اكون ضايقتك مرة تانية بأي رد اخر ولك مني فائق الأحترام

Mohamed Hashem
05-04-2009, 09:54 AM
لا والله لم أغضب فالرسول صلى الله عليه وسلم علمنا إنما الغضبة لدين الله ... بالعكس تماما لقد خشيت أنا أن يكون تعليقى الموجز لم يوضح موقفى
فقد نقلت الإيميل كما هو ... وإعلمى أختى أننى أحاول أن أشارك معكم فى كل المواضيع برغم أن إشتراكى حديث جدا (ولكننى بصراحة مركز أكتر على المساحة البحرية هههه)
أما كلمة أنت فما فيها أى عيب .. إنما هو لفظ عادى لا يغضب أحدا ... يعلم الله أننى لم أنتظر تبجيلا فى أى حديث وقانا الله وإياكم شر الكبر
كل ما أردته هو مجرد توضيح أننى متفق معك شكلا وموضوعا ....
يا محبة الرحمن أنا تشرفت بردك ..... زادك الله حبا فيه لتكونى إسما على مسمى
وشكرا