المساعد الشخصي الرقمي

مشاهدة النسخة كاملة : قائمة العار لكل من كان ضد شباب 25 يناير ..... اغلبهم ممثلين ومغنين



esraa marey
02-15-2011, 03:35 PM
http://www.mesa7a.com/forum/mwaextraedit5/extra/02.gif
قائمة العار لكل من كان ضد ثورة الشباب
انا مش عارفة هما كانوا عايشين معانا ولا فى كوكب اخر
هى وجهات نظر بس كلامهم كان مش كويس
انا مش حطول والقائمة كماهى :




لأنها ستغير كل شئ في هذا البلد، فأن تسجيل المواقف باق ضرورة بعدما راح الزمن الذي كانت المواقف تتغير فيه حسب الظروف والأهواء، هذه القائمة هدفها تدوين تصريحات ومهمات كل من حاولوا نزع فتيل الثورة منذ يومها الأول واستمروا في ذلك بكل الوسائل غير المنطقية وغير الإنسانية في بعض الأحيان، لم ترق قلوبهم لدماء الشهداء وصرخات المصابين، أطلقوا الأكاذيب وصدقوها، أكملوا مشوار المصلحة الشخصية ونسوا تماما مصلحة الوطن، لكن القائمة تحصر فقط من قدموا مواقف ضد الثورة نفسها لا الذين كانوا يؤيدون النظام منذ سنوات طويلة بشكل معلن مثل رؤساء تحرير الصحف الحكومية ، وتهيب البديل بقرائها إرسال المزيد من الأسماء بشرط أن تكون تصريحاتهم مسجلة وموثوق بها، ونؤكد في النهاية احترامنا لمن التزموا الصمت من المشاهير رغم أنه صمت مخجل لكنه بالتأكيد كان أرحم من الأفواه التي نطق حجارة من سجيل رموها على صدور شباب الثورة فارتدت إلى نحورهم بعدما فشلت كل الخطط الإعلامية السوداء في تضليل الشارع المصري اللهم إلا بعض البسطاء الذين شاءت ظروفهم أن لا يشاهدوا الا التلفزيون المصري.

1. أنس الفقي (باعتباره صاحب السياسة الإعلامية المؤسفة التي قدمها التلفزيون المصري طوال أيام الثورة ).

2. حسن راتب (صاحب قناة المحور التي انحازت للنظام طوال الوقت حتى انطلقت دعوات المقاطعة لها بعد فضيحة صحفية جريدة 24 ساعة)

3. سيد علي (مذيع برنامج 48 ساعة والصحفي في الأهرام والمنفذ الأول لسياسة حسن راتب طوال أيام الثورة).

4. هناء السمري (مذيعة برنامج 48 ساعة والشريكة في كل الجرائم الإعلامية التي خرجت من القناة طوال الثورة)

5. مى الشربيني (رغم اختفاءها الطويل عن الأضواء لكنها عادت للمحور لمدة ثلاثة أيام لتردد الاتهامات نفسها لشباب الثورة).

6. خالد الغندور (خاض حربا يومية شرسة من أجل تأييد بقاء الرئيس مبارك في الحكم.)

7. إبراهيم حسن وحسام حسن (طالبا بأن يمنع الجيش الطعام والدواء عن المعتصمين أو ضربهم بخراطيم المياه حتى يتركوا الميدان وقال حسام حسن أنه يريد الهجوم على البرادعي) .

8. حسن يوسف (اتصل بكل القنوات العامة والخاصة للتأكيد أولا على أن خلايا إيرانية مهدت للثورة ثم كان صاحب أول تصريح حول توزيع الجنيهات ووجبات الكنتاكي على الشباب للبقاء في الميدان وتضاف إليه زوجته شمس البارودي).

9. زينة (سمحت بأن ترتفع فوق الأعناق في أول مظاهرة لتأييد الرئيس مبارك وقالت للتلفزيون المصري أن الشباب يعوي في ميدان التحرير لأكل العيش)

10. عمرو مصطفي (ملحن الأغاني الوطنية الذي سار في مظاهرات التأييد ووصف شباب التحرير بالخونة).

11. أشرف ذكي (صاحب الدور الأكثر وقاحة كونه قاد مظاهرات التأييد باعتباره نقيبا للممثلين لكنه في الحقيقة نائب وزير الإعلام أي كان يقوم بدوره كمسئول حكومي)

12. ماجدة ذكي ( خذلت جمهورها ووقفت بجوار شقيقها تهتف في ميدان مصطفي محمود يا جمال قول لابوك المصريين بيحبوك).

13. روجينا (زوجة ذكي ظهرت في ميدان مصطفي محمود ترتدي الأسود وتقول للرئيس أوعا تسيبنا هنتبهدل يا ريس)

14. مرتضى منصور (لا داع للشرح بعد حلقة مصر النهاردة) .

15. تامر حسني (نجم الجيل الذي ترك جيله الشاب وبكي على شاشة التلفزيون المصري من أجل مبارك بينما هو في هولندا بحجة احياء حفلات والآن يتاجر بالقضية ويعلن عن البوم كامل بأسم ثورة 25 يناير)

16. سماح أنور (طالبت بحرق المتظاهرين لاخلاء الميدان) .

17. طلعت ذكريا (طباخ الريس وصف المتظاهرين بقلة الأدب)

18. إلهام شاهين (قالت أن مصر تحتاج لقبضة من حديد وأن قرار اغلاق الجزيرة صدر متأخراً)

19. نهال عنبر (شاركت في مظاهرة ميدان مصطفي محمود وردد التصريح المتكرر الخاص بأنه لا يصح معاملة الرئيس بهذا الشكل)

20. يسرا (دافعت عن الرئيس وطالبت الشباب بالعودة إلى بيوتهم ولم تجد أي سلبيات في سياسات النظام طوال 30 عاما).

21. أحمد بدير (دفاع عن الرئيس وهجوم على الشباب الذين بقوا في الميدان لان لهم مصالح شخصية)

22. غادة عبد الرازق (مع مبارك وضد الشباب الجاحد الناكر للجميل)

23. إيهاب توفيق وعفاف شعيب ولاعب الكرة هاني رمزي (كلهم ظهروا في برنامج واحد لتقديم الرسالة نفسها لا للرحيل ولا للشباب) .

24. حكيم (قال أن الشباب عطلوا البلد وأجلوا ألبومه الجديد وأنه مع استمرار مبارك).

25. مي كساب (طالبت باغلاق الفايس بوك والقنوات العربية وادعت أن الشباب جهلاء وطالبتهم باخلاء الميدان).

26. هالة صدقي (قالت أن ميدان التحرير أصبح مثل حديقة الحيوان مزار سياحي وأن الجالسين هناك يحصلون على نقود مقابل أن يتفرج عليهم الزوار).

27. نادية الجندي (نجمة الجماهير في عصر ما قبل القرن الحادي والعشرين طالبت الشباب بقراءة التاريخ ليعرفوا قيمة مبارك).

28. ماجدة الصباحي (خرجت من العزلة لتطالب بعدم الهجوم على الرئيس وبعودة المعتصمين خوفا من اندساس الجنسيات الأخرى).

29. محمد فؤاد (الذي حكي من جديد حكاية شقيقه الشهيد قال انه مستعد لتقبيل اقدام شباب التحرير حتى يعودوا إلى بيوتهم ويتركوا الرئيس مبارك يكمل مدته الرئاسية)

30. الجهاز الفني للمنتخب المصري بالكامل واعضاء اتحاد الكرة.

31. قنوات بانوراما.

32. قنوات مودرن.

33. قناة الفراعين.

34. وفاء عامر (ما حدث للشباب غسيل مخ)
"انا مش عارفة اقول ايه بس "
الحمد الله ربنا كان مع الشباب ونصرهم

MUHAMED SAMY
02-15-2011, 03:53 PM
اكيد طبعا الناس دى لازم تقول كده
ماهم عملو كل اللى عايزينه
فى الفترة اياها

ALY ELSAYED
02-15-2011, 05:31 PM
الله ينور يا اسراء

لان الناس دول سقطوامع سقوط النظام

وعجبني جدا مكالمه احمد عيد لمذعي قناه المحور

<iframe title="YouTube video player" width="480" height="390" src="http://www.youtube.com/embed/KCXPiChu5UA" frameborder="0" allowfullscreen></iframe>

KAREEM
02-15-2011, 06:11 PM
فعلا انسب اسم ليها قائمة العار

وعلى فكره القايمة مش ضامه ناس تانيه
ابرزهم عادل امام
اللى قال فى الاول
دول شوية عيال تافهة
وبعد كدا رجع نفى
وأكد انه مع مطالب الشباب حقهم
وبعد كدا طلع فى مظاهرة تاييد للريس
من شارع الهرم " هو دا مقامهم "
ومن قبل كدا فى تصريحات كتير
قال انه بيأيد جمال مبارك انه يمسك مصر

ودا ان دل فيدل على انه .............

عجبنى فعلا جدا يا على
مكالمة احد عيد جدا
لما قاللهم منظركم بقى وحش اوى بصراحه

واوعدك انى امد الموضوع هنا بفيديوهات
وتقريرات عن مواقف قائمه العار

شكرا على الموضوع المميز

ضوء القمر
02-15-2011, 09:22 PM
فعلا يا اسراء موضوع جميل لاني مكنتش اعرف ناس كتير منهم ودول كانوا بيعانوا من ايه مثلا عشان يعوزوا يمشوا مبارك ما هما عايشين حياتهم برضو ومش حاسين بالناس وفعلا عجبتني قوي مكالمة أحمد عيد وخاصة لما قال انتو متستهلوش تكونوا مصريين...

smart girl
02-16-2011, 09:51 AM
انا شخصيا بلتمس للناس الكبيرة العذر
يعنى يسرا وعادل امام وحسن يوسف و ألهام شاهين واحمد بدير ... ..الخ
كل الاشخاص اللى سنهم كبير مش ضدهم أوى والسبب انهم ممكن يكونوا شافوا مرحلة مع مبارك مكنش الفساد منتشر فيها اوانهم مش حاسين او مش متعايشين اللى الشباب عايشة ...
لكن
انا مشكلتى مع النجم المبجل نجم الجيل السابق تامر حسنى و "سابق لانة اكيد مش بيمثلنا " وزينة اللى زينت القنوات المصرية بتأيدها ومى كساب وكل الممثلين والمغنين الشباب اللى عارضو 25 يناير
اكيد الامور هتعدى وهنسامح الناس دى بس مش هننسى موقفهم
موضوع مؤلم ياسرؤة للأسف

esraa marey
02-16-2011, 09:16 PM
شكرا لكل المشاركات
بس الناس ديه ممكن تكون منافقة يعنى واحدة زى يسرا الى اغلب مسلسلاتها بتعرض مشكلات الفساد وبعد كدا تقول مافيش سلبيات
والتانى يقول حرق المتاظرين
طب انت معارض قول رايك بأدب
الناس ديه فعلا
مافيش فى حياتهم غير الفن وبس
مش بيعاشوا فى المجتمع ومشاكله
مايعرفوش يعنى ايه قانون طوراى
وكتير اوى
واهمها التعليم
وطبعا الكرة طبيعى منهم الموقف
معلش يعنى بيصرف عليهم امتر من التعليم
سواء من الرئيس السلبق ولا رجال اعمال

mo_medya
02-18-2011, 10:04 PM
فعلا
يستحقون أن ينسب إليهم
قائمة العار
فقد جلبوا لأنفسهم العار
بتخاذلهم عن قول الحقيقة
وتخوينهم لأشرف شباب فى مصر
عاشت ثورة الشباب
ثورة 25 يناير

دكتور / السيد الزغبى
02-22-2011, 04:01 AM
انا ضد اى قائمة سوداء
انا ضد كلمة ده كان معانا وده كان ضدنا