المساعد الشخصي الرقمي

مشاهدة النسخة كاملة : بقايا النظام بداخلنا



KAREEM
02-21-2011, 04:57 PM
سلامو عليكو

مش عارف ابدأ الموضوع ازاى
لكن هو مفتوح للنقاش عامة

حاسس انى فقدت القدره على الابداع
او بمعنى اخر لسه فى طاقات مكبوته جوا الواحد
ومش عارف يطلعها حتى الان
ودا للاسف من اثار النظام السابق علينا
والذى لا اعتبره سابق لانه ما زال قائم حتى الان
بعيدا عن أذيال النظام الموجوده
من بقايا جهاز أمن الدوله
وفلول الحزب الوطنى
وبعض من كان لهم مصلحه من النظام السابق
ومن ورائهم مصائب قديمه خايفين يتفتش وراهم دلوقتى
الامر اكبر من ذلك
فهؤلاء مقدور عليهم وسيأتى عليهم الدور
بالضغط عليهم من فوق حيث البلاغات والمحاكمات
ومن تحت بأن كل واحد فينا موجود فى مكان ميسكتش ع الغلط

أما الخطر الان فهو فى وجود بقايا النظام بداخلنا
فهو نظام ديكتاتورى متصلد ظل لمدة 30 عام
وترك فينا اثار كثيييييره صعب ان نتخلص منها
بين يوم وليله زى مبيقولو

ححاول اوضح فكرتى أكتر
فاكرين ايام حظر التجول واللجان الشعبيه
مكنش فى حاجه اسمها حظر تجول
تقريبا كان حسنى مبارك بس هو اللى مطبقها على نفسه
بس للاسف الشديد لما نزلت فى اللجان الشعبيه وانتشرت الشائعات
ويقوللك دا ناس جايه من المنطقه الفلانيه علينا
ودا عربيه اسعاف عدت ضربت نار وشويه بقيت
عربيه اونيكس وشويه بقى تاكس
وشويه بقيت لادا وطول الليل جابولك جميع انوع العربيات
لدرجة انهم شككونا فى اى حد معدى
وبقيت كل منطقه تهجم على اى حد جاى من بعيد
وبقى صعب حد يتحرك من مكان لمكان بالليل
مش بسبب حظر التجول لا بسبب الاشاعات
وانت لو رحت منطقه وشكلك غريب وشك فيك
واحد من البلطجيه اللى عقلهم فاقد يسلمك للجيش
وتاخد ضرب لما تقول يابس بدون سبب والكلام دا حصل
لناس كتير وانا شوفت بعينى واحد جاى بعربيه
اتكسرت من السيوف وهو ماشى خايف ومشغل قران
وعمال يقول سلامو عليكو ومفيش رحمه

دى حاجه من الحاجات اللى سابها جوانا النظام
واكتر حاجه كانت ممكن تبوظ الثوره دى
الاشااااااااااااااااااااعاااااااااااااااااااات

دلوقتى اما تيجى تكلم حد من عامة الناس
طب لما تمشو حسنى حتجيبو مين ؟؟؟
محدش متفق على حد خالص وحتبقى فوضى
اهووو دى برضو نقطه من اللى سابها جوانا النظام
ضيق الرؤيه والخوف من المستقبل
ليه ميبقاش عندنا روح التجربه ما احنا جربنا كل حاااااجه
والنظام القديم دا عمل فييييينا كل حاااااجه ممكن تتعمل
حنخاف من اييييييييه تااااااانى ؟؟؟؟!؟!!؟!؟!

بكلم واحد من يومين عادى وبقوللو
لسه جهاز امن الدوله موجود ومعتقل ناس حتى الان
لازم يتحل كل بالكاااامل
قاللى ازااااى ؟!؟!؟! مينفعش طب والناس اللى جايين مين حيقف لهم ؟؟؟ :a28:
شوفتو وصلت لدرجة ايه ؟؟؟؟

عارف ان افكارى مش مرتبه بس أرجو انى اكون وصلت
فكرتى ان النظام سايب فينا أثر جامد لازم كلنا نسعى للتخلص منه
نبدأ بنفسنا اولا وبتوعية اللى حوالينا
يعنى لو حصل انتخابات خلال الأشهر المقبله
ونزل بتوع الحزب الوطنى تانى بمسميات تانيه
زى مبيحاولو دلوقتى يعملو حزب تحت اسم 25 يناير :a28:
حيتبعوا نفس الاسلوب مع الناس الل يهمها قوط يومها
ويديلو بطانيه و 200 جنيه وكدا يبقى قشطه جداااا
لاااازم كل واحد فى دايرته يفهم اللى حواليه من دلوقتى
وقبل كل دا كل واحد فينا يتخلص من اى شىء سلبى بداخله

الموضوع مش كامل وأفكاره مش مرتبه
لانه مش موضوع دى فكره انا فاتحها للنقاش
لان النظام سايب أثره فيا حتى الان ومش عارف
اكتب ولا عارف ابدع :a18::a18:
فمستنى منكم كل واحد يكتب
الاثار اللى سايبها النظام جوانا
وطرق التخلص منها

esraa marey
02-21-2011, 09:07 PM
اولا بشكرك على الموضوع لانه موضوع جميل اوى للنقاش

النظام السابق "بمعنى صح سابق ظاهريا.......لكن الحقيقة انه لسه بقايا له موجودين عايزين حزب زى الو طنى بشرطة بس ان شاء الله دا مش حيحصل"

المهم: اثار بقى النظام :
عدم الثقة فى المسؤلين
حلها:
1- كل الى من النظام المفروض السلبق يتم اقالته
وبردوا اى شخصية الرئيس عينه قبل تنحيه
يتم اقالته
2-تحقيق مطلبنا فعلا يعنى نحس بتغير واقعى
3-طبعا اختيارا احنا لجميع المسؤلين
يعنى انتخابات حرة فى جميع مجالات مش رئاسة بس ولا شعب وكدا
لاجميع المؤسسات يعنى الجامعات ........الخ
2-زى ما قولت قتل الابداع
خاتنا نقول نفسى اكون كذا بس بعدها اقول
طب دا حينفع دا بالوساطة
دا فلان معاها كذا وكذااااااا وبرده
ماحقق الى نفسه فيه
بسبب نظام التعليم المصرى
مافيش اى تفكير
وديه مقصودة منهم
حلها :
معروف مافيش غيره 1- تغير جذرى فى نظام التعليم المصرى
من الابتدائى لغاية الدراسات العليا

3- السلبية وفقدان الامل فى التغير
وديه اتغيرت من بداية الثورة
لكن للاسف فى فى ناس لسه
بتقولك بكره تندموا على ايام مبارك" دول السن الكبير"
حلها: 1- نشارك فى اعمال خيرية
زى دلوقتى كدا

اعتقد ديه اكتر حاجات
مش حاقول تركها لان ان شاء الله
خلال السنوات المقبلة
حيتغير كل دا
وفى الاخر زى ما قولت
كل واحد يبداء يغير من نفسه للافضل

1-

KAREEM
02-21-2011, 11:37 PM
فعلا الحل فى سياسة التعليم
النقط اللى انت قولتيها مهمه جدااا
واعتقد انك حطيتى حلول منطقيه
منتظر المزيد من الاراء
وانا لما تكون الافكار حاضره ومراتبه فى دماغى
حنزل بيها ان شاء الله
عايزين نناقش الموضوع دا بجديه
بحيث اننا نخرج من جواننا سلبيات موجوده خلال المناقشه

MUHAMED SAMY
02-22-2011, 12:16 AM
انا كنت مبرمج نفسى على النظام القديم
اخلص كلية
شوفلك واسطة تدرب فى شركة
واسطة تشوفلك شغل

انا كنت بفكر اكون عضو فى الحزب الوطنى للمرة التانية
بس مفيش نصيب

على الرغم انى فهمت وانا مرة فى "جناكليس او شدس"
فى مكان للحزب هناك
"كان يوم ماتش الاهلى وبرشلونة بعد درس الجيولوجيا"

ان انتخابات الرئاسة الاخيرة متفبركة

حسيت وانا جوه المكان ان الناس اللى مش اعضاء فى الحزب دى ناس غريبة

"بس اعتقد انه هناك اشخاص محترمين بالحزب الوطنى"

وفعلا انا واحد من الناس كنت خايف يحصل فوضى لو الريس تنحى
بس من ضمن الكلام اللى انا قلته
انه يتنحى عشان اشوف التجربة كاملة

وسبحان الله بعد الثورة
بقى كل الناس بتعمل اجتماعات سواء فى كليات اوشركات
للطلبات والاراء

ده فاضل اروح الاقيهم عاملين اجتماع فى كوكى مان

"احنا كنا عايشين متبرمجين
هقول انا بلاش احنا"

لكن مازلنا فى مرحلة انتقالية
اتمنى ننتقل للأفضل

اتمنى يكون فى نزاهة فعلية
ديموقراطية حقيقية
ومش كلام وخلاص

وبالنسبة للجان الشعبية
بصراحة عندنا كان فى صيع يامة
انا منزلتش فى لجنة شعبية
لكن كنا محضرين "الهرد كور" فى البيت تحسبا لاى حاجة

ومرة كنا بلنعب كورة
وسمعنا ضرب نار "فى فاصل صور الجراج بتاع شركة مازينار"
طلعنا نجرى نشوف فى ايه
طلع واحد بيجرب خرطوشة"بيشوفها بايظة ولا سليمة:a28:"

اول مرة اروح جنازة فى حياتى كانت فى الايام دى
بس اللى فى اللجان مفتشوناش الصراحة كانت فى المعمورة

"اللى مجموعه فى التعليم خلاه صايع اللجان الشعبية خلته ظابط
بس ده ميمنعش ان كان فى ناس محترمة"


كل الناس كانت بتنزل تروح مظاهرات بالصدفة لقيت نفسى جوه مظاهرة

انا معرفش اللى قلته ده ليه علاقة بالموضوع ولا لأ
:a38:

KAREEM
02-22-2011, 12:27 AM
انا كنت مبرمج نفسى على النظام القديم
اخلص كلية
شوفلك واسطة تدرب فى شركة
واسطة تشوفلك شغل

انا كنت بفكر اكون عضو فى الحزب الوطنى للمرة التانية
بس مفيش نصيب

على الرغم انى فهمت وانا مرة فى "جناكليس او شدس"
فى مكان للحزب هناك
"كان يوم ماتش الاهلى وبرشلونة بعد درس الجيولوجيا"

ان انتخابات الرئاسة الاخيرة متفبركة

حسيت وانا جوه المكان ان الناس اللى مش اعضاء فى الحزب دى ناس غريبة

"بس اعتقد انه هناك اشخاص محترمين بالحزب الوطنى"

وفعلا انا واحد من الناس كنت خايف يحصل فوضى لو الريس تنحى
بس من ضمن الكلام اللى انا قلته
انه يتنحى عشان اشوف التجربة كاملة

وسبحان الله بعد الثورة
بقى كل الناس بتعمل اجتماعات سواء فى كليات اوشركات
للطلبات والاراء

ده فاضل اروح الاقيهم عاملين اجتماع فى كوكى مان

"احنا كنا عايشين متبرمجين
هقول انا بلاش احنا"

لكن مازلنا فى مرحلة انتقالية
اتمنى ننتقل للأفضل

اتمنى يكون فى نزاهة فعلية
ديموقراطية حقيقية
ومش كلام وخلاص

وبالنسبة للجان الشعبية
بصراحة عندنا كان فى صيع يامة
انا منزلتش فى لجنة شعبية
لكن كنا محضرين "الهرد كور" فى البيت تحسبا لاى حاجة

ومرة كنا بلنعب كورة
وسمعنا ضرب نار "فى فاصل صور الجراج بتاع شركة مازينار"
طلعنا نجرى نشوف فى ايه
طلع واحد بيجرب خرطوشة"بيشوفها بايظة ولا سليمة:a28:"


اول مرة اروح جنازة فى حياتى كانت فى الايام دى
بس اللى فى اللجان مفتشوناش الصراحة كانت فى المعمورة

"اللى مجموعه فى التعليم خلاه صايع اللجان الشعبية خلته ظابط
بس ده ميمنعش ان كان فى ناس محترمة"


كل الناس كانت بتنزل تروح مظاهرات بالصدفة لقيت نفسى جوه مظاهرة

انا معرفش اللى قلته ده ليه علاقة بالموضوع ولا لأ
:a38:





كان معكم احدى ضحايا النظام القديم
الذى ما زال يعانى حتى الان
من عدم ادراك لما يحدث
مثله مثلى مثل الكثيرين
ههههههههههههههههههههههههههههه

بس فعلا الاهم اننا نوعى للى حوالينا
انا شخصيا شايف الحل ان الواحد يحاول
يراجع نفسه ويرجع لربنا ويشوف هو بيعمل
ايه غلط ويحاول يقلله ويمتنع عنه بتاتا
ويحاول يقرب من ربنا اكتر لان القرب
من ربنا هو اللى حيدلنا على كل صح ممكن نعملو
خلال الفتره اللى جايه

ومازال النقاش مستمر

smart girl
02-22-2011, 09:52 AM
كان عجبنى اسم كراكيب لان هو دة اللى شايفاة بالنسبالى ..
اثار النظام الانقسام
بكون فى قمة السعادة لما اشوف اننا عملنا ثورة ولسة مستمرين فى مطالبتنا فى التغير وفى نفس الوقت بعدها بكتئب جداااا وبعترف انى حاليا مبعرفش اوقف انفعالى لما الاقى حد لسة بعد كل اللى حصل بيقول ان النظام كان متميز .
على فكرة انا من ضمن الناس اللى بتدافع عن ان النظام كان فاسد وانا مجرد بس شايفاة لكنى معشتوش
لكن والله العظيم اسوء احساس هو انك تكون متفرج على بلدك وميكنش ليك الحق انك تتدافع عنها ..و لما تكون شايف الفساد والظلم حواليك وانت مش قادر تتكلم يمكن أصعب من انك تكون مجربة بنفسك
الانقسام اللى سابة النظام هو دلوقتى ان كل الناس هتكلم وهترفض أى فساد واللى كانوا بيكلموا لمدة 30 سنة فاهما مازالوا بيتكلموا برضو والاتنين صوتهم مرتفع لان اللى ضد النظام خلاص مبقوش يخافوا واللى لسة مع النظام السابق فهما لسة متخلصوش من نبرتهم الحادة ودى أكتر حاجة سابها النظام
و شايفة حلها ان لما يكون فى
اصلاحات سريعة وفورية ..التعليم والصحة والبطالة و.... زى ما اسراء قالت دى هترضيى المطالبين بالتغير ويمكن تخليهم يترفعوا عن الرد على كل من كان ضد ثورتنا وممكن يسامحوهم كمان .
بعتذر انى طولت

mohamed ali
02-22-2011, 04:43 PM
انا مش حقول الا ان الامر دا طبيعى يابنى داانا كنت بشوف مصايب

عندنا اللجان الشعبية كانت مقلوبة طاولة والاهالى ينزلهم الاكل , وجت بقا فى الاخر ياخدو فلوس من الناس عشان حماية الشوارع
ويقلبو العربيات .

وتلاقى عيل قد ركبتك يقولك عايز البطاقة :a4:

بس انتا عطيت الحل ع فكرة

"ضيق الرؤيه والخوف من المستقبل"

اما اكلم اى حد عن اللى حصل يقولى دا تمام جدا بس بعد كده يحصل ايه
خايف من اللى يمسك البلد وخايف ع شغلة الا يمشو منه
احنا كنا زى المسجون فى سجن الظلم والقهر مرة واحد فتحت الباب تتوقع من السجين دا اية
الخوف من القادم والتخبط" الشائعات " .

KAREEM
02-22-2011, 10:56 PM
كان عجبنى اسم كراكيب لان هو دة اللى شايفاة بالنسبالى ..
اثار النظام الانقسام
بكون فى قمة السعادة لما اشوف اننا عملنا ثورة ولسة مستمرين فى مطالبتنا فى التغير وفى نفس الوقت بعدها بكتئب جداااا وبعترف انى حاليا مبعرفش اوقف انفعالى لما الاقى حد لسة بعد كل اللى حصل بيقول ان النظام كان متميز .
على فكرة انا من ضمن الناس اللى بتدافع عن ان النظام كان فاسد وانا مجرد بس شايفاة لكنى معشتوش
لكن والله العظيم اسوء احساس هو انك تكون متفرج على بلدك وميكنش ليك الحق انك تتدافع عنها ..و لما تكون شايف الفساد والظلم حواليك وانت مش قادر تتكلم يمكن أصعب من انك تكون مجربة بنفسك
الانقسام اللى سابة النظام هو دلوقتى ان كل الناس هتكلم وهترفض أى فساد واللى كانوا بيكلموا لمدة 30 سنة فاهما مازالوا بيتكلموا برضو والاتنين صوتهم مرتفع لان اللى ضد النظام خلاص مبقوش يخافوا واللى لسة مع النظام السابق فهما لسة متخلصوش من نبرتهم الحادة ودى أكتر حاجة سابها النظام
و شايفة حلها ان لما يكون فى
اصلاحات سريعة وفورية ..التعليم والصحة والبطالة و.... زى ما اسراء قالت دى هترضيى المطالبين بالتغير ويمكن تخليهم يترفعوا عن الرد على كل من كان ضد ثورتنا وممكن يسامحوهم كمان .
بعتذر انى طولت



مطولتيش ولا حاجه خالص
احنا بنستنى مشاركاتك دلوقتى
وارائك بتوصل على فكره
وانت مجرد مناقشتك لافكارك
وطرحها ع المنتدى دا بيوصل لناس كتير
وممكن يكون بيأثر فى ناس بس انتى مش حاسه
فمفيش داعى للاحساس بالتقصير
اللى احنا كلنا ساعات أحيانا بنحس بيه مش انتى بس
بس كل اللى الواحد يقدر يعملو انه يدور اكتر
ويستعين بربنا حيدلنا على الطريق الصح
والخير اللى ممكن نعملو للبلد فى فتره زى دى

بالنسبه للاسم كنت قاصد يبقى معبر عن المحتوى
عشان الكل يقدر يفهمو من قبل ما يخشو

اما حكاية الانقسام دى فانا مش شايفها
وأؤكد لك انها مش حقيقيه ومش موجوده
وربنا ستر وكان زمان دى حصل قبل كدا
والبلطجيه يهجموا على بعضيهم لكن سبحان
من جعلهم هم اللى بيدافعو عن أهل منطقتهم
اللى كان النظام مستنظر انها تتقلب العكس
لكن سبحانه خير الماكرين

متخافيش فعلا الانقسام دا وهمى
واللى فاهمين اكتر من اللى مش فاهمين
ومش شرط دا يكون بالتعليم
فى ناس مش متعلمه كتييييير فاهمين بفطرتهم
ويقدروا يميزو فعلا بين اللى عايز مصلحة البلد
ومين عايز يخربها

ياريت متحرمناش من مشاركاتك
وطوووووولى براحتك
عايزك تفنطى بواقى النظام اودامنا
عشان من خلال كلامنا دا نقدر نطلع
حاجات سلبيه جوانا النظام سابها
ممكن نكون مش واخدين بالنا منها
النقاش هنا حيخلينا نقدر نلاقى الحلول كمان

والله الموفق " مش زى عمر سليمان " :a36:

KAREEM
02-22-2011, 11:20 PM
انا مش حقول الا ان الامر دا طبيعى يابنى داانا كنت بشوف مصايب

عندنا اللجان الشعبية كانت مقلوبة طاولة والاهالى ينزلهم الاكل , وجت بقا فى الاخر ياخدو فلوس من الناس عشان حماية الشوارع
ويقلبو العربيات .

وتلاقى عيل قد ركبتك يقولك عايز البطاقة :a4:

بس انتا عطيت الحل ع فكرة

"ضيق الرؤيه والخوف من المستقبل"

اما اكلم اى حد عن اللى حصل يقولى دا تمام جدا بس بعد كده يحصل ايه
خايف من اللى يمسك البلد وخايف ع شغلة الا يمشو منه
احنا كنا زى المسجون فى سجن الظلم والقهر مرة واحد فتحت الباب تتوقع من السجين دا اية
الخوف من القادم والتخبط" الشائعات " .





والله تشبيهك صح يا على
بس احنا برضو ما زلنا بايدينا نخرج
من خلال النخبه عندنا
زى احمد زويل وعمرو خالد وفاروق الباز
مع حفظ الالقاب
الناس دى بتعمل مشاريع قوميه وحملات
لما نشارك فيها كشباب بعد ازالة العوائق اللى كانت موجوده قبل كدا
حتنتشلنا من الحاله اللى احنا فيها
وحترجع لنا كتير من الثقه اللى كانت مفقوده
وحتفجر الطاقات المكبوته جوانا فى اماكن صحيحه

esraa marey
02-24-2011, 02:10 AM
على فكرة حكاية ان كنا كل حاجة عاملين حسبنا بالواسطة فديه فعلا من الحاجات الى النظام خالها اساسى زى الدمغات

يعنى لما تعرف حد يكون ينفع يكون واسطة فى شغل تخليص ورق بتحافظ على معرفة الشخص دا
كنا دائما دا ممكن نعوزه فى حاجة

احيانا كنت واختى حنشترك فى الوطنى
واختى اشتركت فعلا بس طبعا هى شهور وماكملتش
عرفنهم على حقيقتهم
فصعب ان تستمر معاهم
وكداااااا
بس باذن الله كل حيتغير