المساعد الشخصي الرقمي

مشاهدة النسخة كاملة : عملتو ايييه ايام ثورة الغضب ؟؟؟؟؟؟؟؟؟؟؟



mohamed ali
02-22-2011, 07:06 PM
السلام عليكم ورحمه الله وبركاته

كل واحد مننا ايام الثورة كان له مواقف او تجارب تعرضت

ليها ايام الثورة او قصة او موقف حصل معاك

ومتقدرش تنساه احيكى لنا , فان هذه الحكايات هى شاهدة ع هذه الفترة العظيمة فى تاريخ مصر

ضوء القمر
02-22-2011, 07:55 PM
أنا كل اللي كنت بعمله والله يا محمد 24 ساعة قدام التليفزيون بتابع الأخبار وشوية في البلكونة اتفرج علي الناس اللي بالشوم بس اللي عمري ما هنساه القنابل المسيلة للدموع في أوقات حذر التجول عشان بيتنا قريب من مقر الأمن المركزي كانت بصراحة فظيعة والناس كلها تدخل تجررررررررري جوه بيته:a28::a28:ا وغير طبعا اننا كنا بنام واحنا قلقانين:a1:.........
يالاااااااااااااااا الحمد لله أيام عدت يارب ما ترجع تاني ، موضوع حلو جدااااا شكرا ليك.

KAREEM
02-22-2011, 10:23 PM
والله يا محمد انا عندى افكار كتير
وبفكر اعملها فى موضوع
الثوره كانت مليئة بالمواقف
وحقول موقف فاكرو دلوقتى
لايمكن انساه

فاكر فى جمعة الرحيل الناس كلها
كانت طالعه مشى من بيوتها
والناس مليت الشوارع بملايين فعلا
واحنا كنا طالعين ع الطريق عند محطة مصر
شوفت راجل كبير رجله مقطوعه
بيبص علينا من فوق مكان مرتفع
وبيبكى متأثر جدااا ونظراته بتقول
انا مش مصدق ان الناس خرجت وثارت
وكأنه بيقول : معقوله انتو فوقتو وثورتو يا مصريين ؟؟
وعمال يشاور لنا بعلامة النصر وهو بيبكى
وكأنه كان نفسه يقدر يمشى عشان يشارك معانا

للاسف مكنش معايا كاميرا أصوره وقته
لكن اللى متأكد منه انه لو كان اتصور
كان الفيلم دا ممكن ياخد جوايز عالميه

جايلك تانى

MUHAMED SAMY
02-22-2011, 11:38 PM
كنت بلعب كورة
كنت زعلان عشان النت قاطع
كنت بتفرج ع التليفزيون ساعات
مرحتش مظاهرات
لكن بالصدفة لقيت نفسى فى مظاهرة
اصورت مع الدبابات
نزلت شغل يومين تقريبا
رحت جنازة لاول مرة فى حياتى
اول مرة اطلع البطاقة لحد فى الشارع بس محدش بص فيها
مرة النور قطع بالليل قلت هيعملو هولد اب علينا
ده تقريبا ملخص الحوار

MUHAMED SAMY
02-22-2011, 11:59 PM
طبعا كنت بهزر معاكو
ده مخلص اللى انا عملته
:a36:

http://www.youtube.com/watch?v=qMjDa_n3ZmY

هدى على
02-23-2011, 10:25 AM
انا قعدت على التلفزيون ليل نهار قنوات الاخبار من المصرية للعربية للبى بى سى واتحبسنا فى البيت وكنا

وقعدنا يومين مرعوبين ويوم الجمعة دة بتاع جمعة الغضب دة كنت واقفة فى البلكونة شميت ريحة كانها مواد كيماوية خلتنى م

منخيرى حرقتنى وعينى زغللت وفاجأة بتلفت كدة للجنب التانى شوفت دخان كتير رصاصى طالع للسماء وصوت حاجات بتفرقع بعديها بسال رحت بسال بابا هو اية دة قالى دة القسم بيحرقوة وصوت الرصاص والقنابل حسيت انى فى حرب وبقيت متوترة
فقعدت تابعت على التلفزيون بس التوتر مش سايبنى وكنت ساعتها بزاكر الجى اى اس سبت كل حاجة وبعديها تانى يوم
سمعت 3ولاد ماتوا فى الشارع اثناء المظاهرات برصاص فى دماغهم والناس قعدت تقول وائل الكومى قتل ابنى بعديها فضلت زعلانة ومتاثرة جدا كنت فى حالة فظيعة ووالدى فضل فى الشارع يحرص البيت فكنت خايفة علية هو والرجالة والشباب الواحد كان فى حالة سيئة

mo_medya
02-23-2011, 07:30 PM
ملخص بسيط لأيام الثورة المصرية
خرجت فى جمعة الغضب فى المظاهرات
وأضرب علينا غاز مسيل للدموع لحد ما أتعمينا
المظاهرة اللى كنت فيها العساكر من كتر ما ضربوا علينا غاز
ما بقوش شايفين وضربوا على نفسهم
الضابط ضرب عربية الشرطة بالنار والعربية ولعت
وكملنا المظاهرة اللى وصلت لحد ميدان الساعة
لقينا الناس اللى هناك قامت بالواجب كله
ولقينا العربية بتاعة المعتقلين اللى بيلموا فيها اللى بيتظاهروا مولعة
وعربيات تانية للشرطة مولعة
وقسم المنتزة اتحرق واللى بقى يلحق حاجة من الناس بقى يخدها
قررت الرجوع للبيت لما لقيت أنه ليس هناك وجود للشرطة وعناصرها
والحمد لله وجدت صديق لى موجود فى نفس المكان ومعه دراجة بخارية وطلبت منه أنه يوصلنى للبيت علشان أطمن أهلى وبعدين نروح عند مسجد القائد إبراهيم وبالمرة أعرف الاخبار إيه؟
وفعلا وصلنى للبيت وذهب هو أيضا يطمن أهله عليه
وفى الطريق سمعنا طلقات نارية ولم أكن أصدق أذنى
وطلبت منه أن يأخذنا إلى مكان الصوت
وكان محيط قسم شرطة الرمل 2 الموجود بجوار سنترال العوايد
والصوت كان مسموع وأنا فى الراس السوداء
وبعد وصولنا تركنى علشان كنت أنا عايز أقرب أشوف فيه إيه؟ وإيه اللى بيحصل؟
فوجدت رئيس مباحث القسم ومعه العديد من عساكر الامن المركزى فوق سطح القسم يفتحون النار على المربع الموجود فيه القسم على الجميع برصاص آلى رصاص حى
والحمد لله كادت رصاصة أن تخترق رأسى لولا أن أجلى لم ينتهى
وبتليفونى ذو الكاميرا المتواضعة صورت ما كان يدور
وفجأة سقط بجانبى شاب برصاصة حية فى الرأس
خرجت من نفوخه وبدأت نافورة الدماء
وفجأة فقدت أعصابى وسيطرت على نفسى
ولم أكن لأصدق أن يكون مات نتيجة ضربه برصاص حى
ومات على حسب المعلومات ما لا يقل عن 37 مواطن سكندرى مصرى
وكان بالجوار على بعد حوالى 500 متر شخص يفتح التليفزيون وسمعت أن الجيش سينزل الشارع
فقررت الذهاب للبيت حتى لا يحدث صدام مع الجيش
فالجيش هو حامى الوطن ولا يجوز أن يكون هناك مجرد صدام
واستمريت فى مشاهدة الاخبار وخصوصا متابعة قناة الجزيرة التى نقلت الواقع
وبعدت عن التليفزيون المصرى المضلل والكذاب
حتى جاءتنا اتصالات من أقاربنا بوجود بلطجية بتتعدى عالبيوت وأن الناس نزلت الشارع علشان تحميه
ونزلت أنا واخواتى وكل واحد فينا ماسك شومة واللى ماسك ماسورة علشان نحمى البيوت
بعد تعرض المنطقة لمحاولات سلب ونهب
وفوجئت بمشهد لم أكن أتخيله شوارع مليئة بالناس وكل منهم اللى شايل سكينة واللى شايل سيف واللى شايل شومة كان منظر مفظع
وبدأ دور اللجان الشعبية فى حماية الشوارع


... يتبع

esraa marey
02-24-2011, 01:49 AM
ياااااااااا ايام ا يارب ماترجع تانى

عمرى ماكنت اتخيل ان دا ممكن يحصل
يحصل نعمل ثورة ؟؟؟؟؟؟يااااه كان حلم بنقوله واحنا بنهزر
كان شعور غريب كنت فرحانة جدااااااااا ومتفائلة

ونفس الوقت كنت زعلانة جداااااااا وخايفة جدا على مصر وبجد من اول الثورة عرفت اد ايه انى لما بقول بحب مصر دا مش كلام دا بجد احساس حقيقى وكانت بالنسبالى اكن حد من اهلى حصله حاجة لقدر الله
انام معيطة دا اذا جالى نوم من كتر التفكيروكنت حاسة انى ماصرة فى حق البلد ديه ودا مش لان المنطقة مش امان لا
احنا الحمد الله بالنسبة لغرنا كنا امان

هو بس موقف الى عمرى ما انساه منظر المسجونين الى طلعوا من القسم قريب منا
يالهوى كنت عمرى ما اتخيل اشوف كدا قدام عينى يجروا فى الشارع بالسيوف والشوم
عشان يسرقوا محلات وطبعا الشارع اغلبه محلات ذهب فالسرقة تكون فى الجون
وصحاب محلات يضربوا بالنار
باقنا لو سمعنا اى صوت نترعب

بس كنا بكون فخورين جداااااااابشباب الجان الشعبية
يوم ما اتنحى كان اكن يوم نتجتى
ربنا يحمى مصر ويتقبل شهداءها
وياااااااااااااااااااااارب يجى اليوم نشوف مصر احسن دولة فى العالم
ويكون التعليم فيه افضل تعليم على مستوى العالم

سورى راغت كتير






موقف مش حنساه ابد منظر البلطجية السجون اول ما طلعوا من القسم طلعوا فى الشارع بالسيوف والشوم

mohamed ali
02-24-2011, 02:36 AM
أنا كل اللي كنت بعمله والله يا محمد 24 ساعة قدام التليفزيون بتابع الأخبار وشوية في البلكونة اتفرج علي الناس اللي بالشوم بس اللي عمري ما هنساه القنابل المسيلة للدموع في أوقات حذر التجول عشان بيتنا قريب من مقر الأمن المركزي كانت بصراحة فظيعة والناس كلها تدخل تجررررررررري جوه بيته:a28::a28:ا وغير طبعا اننا كنا بنام واحنا قلقانين:a1:.........
يالاااااااااااااااا الحمد لله أيام عدت يارب ما ترجع تاني ، موضوع حلو جدااااا شكرا ليك.

الحمد لله كلو كان متابع الاخبار الفترة اللى فاتت دى
خاصة بقا التناقد اللى مابين الاعلام المصرى والعربى سواء جزيرة او عربية
شكرا ياضوء ع مرورك الكريم

mohamed ali
02-24-2011, 02:37 AM
والله يا محمد انا عندى افكار كتير
وبفكر اعملها فى موضوع
الثوره كانت مليئة بالمواقف
وحقول موقف فاكرو دلوقتى
لايمكن انساه

فاكر فى جمعة الرحيل الناس كلها
كانت طالعه مشى من بيوتها
والناس مليت الشوارع بملايين فعلا
واحنا كنا طالعين ع الطريق عند محطة مصر
شوفت راجل كبير رجله مقطوعه
بيبص علينا من فوق مكان مرتفع
وبيبكى متأثر جدااا ونظراته بتقول
انا مش مصدق ان الناس خرجت وثارت
وكأنه بيقول : معقوله انتو فوقتو وثورتو يا مصريين ؟؟
وعمال يشاور لنا بعلامة النصر وهو بيبكى
وكأنه كان نفسه يقدر يمشى عشان يشارك معانا

للاسف مكنش معايا كاميرا أصوره وقته
لكن اللى متأكد منه انه لو كان اتصور
كان الفيلم دا ممكن ياخد جوايز عالميه

جايلك تانى


تعالا تانى ياكركر وربنا يكون فى عون الراجل دا

mohamed ali
02-24-2011, 02:37 AM
كنت بلعب كورة
كنت زعلان عشان النت قاطع
كنت بتفرج ع التليفزيون ساعات
مرحتش مظاهرات
لكن بالصدفة لقيت نفسى فى مظاهرة
اصورت مع الدبابات
نزلت شغل يومين تقريبا
رحت جنازة لاول مرة فى حياتى
اول مرة اطلع البطاقة لحد فى الشارع بس محدش بص فيها
مرة النور قطع بالليل قلت هيعملو هولد اب علينا
ده تقريبا ملخص الحوار


ياسمسم انتا مفيش زيك يابرنجى انتا فريد من نوعك

mohamed ali
02-24-2011, 02:38 AM
طبعا كنت بهزر معاكو
ده مخلص اللى انا عملته
:a36:

http://www.youtube.com/watch?v=qMjDa_n3ZmY


ههههههههههههههههههههههههههههههه
هههههههههههههههههههههههههههههه
هههههههههههههههههههههههههههههههه

mohamed ali
02-24-2011, 02:40 AM
انا قعدت على التلفزيون ليل نهار قنوات الاخبار من المصرية للعربية للبى بى سى واتحبسنا فى البيت وكنا

وقعدنا يومين مرعوبين ويوم الجمعة دة بتاع جمعة الغضب دة كنت واقفة فى البلكونة شميت ريحة كانها مواد كيماوية خلتنى م

منخيرى حرقتنى وعينى زغللت وفاجأة بتلفت كدة للجنب التانى شوفت دخان كتير رصاصى طالع للسماء وصوت حاجات بتفرقع بعديها بسال رحت بسال بابا هو اية دة قالى دة القسم بيحرقوة وصوت الرصاص والقنابل حسيت انى فى حرب وبقيت متوترة
فقعدت تابعت على التلفزيون بس التوتر مش سايبنى وكنت ساعتها بزاكر الجى اى اس سبت كل حاجة وبعديها تانى يوم
سمعت 3ولاد ماتوا فى الشارع اثناء المظاهرات برصاص فى دماغهم والناس قعدت تقول وائل الكومى قتل ابنى بعديها فضلت زعلانة ومتاثرة جدا كنت فى حالة فظيعة ووالدى فضل فى الشارع يحرص البيت فكنت خايفة علية هو والرجالة والشباب الواحد كان فى حالة سيئة

الحمد لله ع كده دا فى ناس ماتت وهى فى بيوتها

mohamed ali
02-24-2011, 02:43 AM
ملخص بسيط لأيام الثورة المصرية
خرجت فى جمعة الغضب فى المظاهرات
وأضرب علينا غاز مسيل للدموع لحد ما أتعمينا
المظاهرة اللى كنت فيها العساكر من كتر ما ضربوا علينا غاز
ما بقوش شايفين وضربوا على نفسهم
الضابط ضرب عربية الشرطة بالنار والعربية ولعت
وكملنا المظاهرة اللى وصلت لحد ميدان الساعة
لقينا الناس اللى هناك قامت بالواجب كله
ولقينا العربية بتاعة المعتقلين اللى بيلموا فيها اللى بيتظاهروا مولعة
وعربيات تانية للشرطة مولعة
وقسم المنتزة اتحرق واللى بقى يلحق حاجة من الناس بقى يخدها
قررت الرجوع للبيت لما لقيت أنه ليس هناك وجود للشرطة وعناصرها
والحمد لله وجدت صديق لى موجود فى نفس المكان ومعه دراجة بخارية وطلبت منه أنه يوصلنى للبيت علشان أطمن أهلى وبعدين نروح عند مسجد القائد إبراهيم وبالمرة أعرف الاخبار إيه؟
وفعلا وصلنى للبيت وذهب هو أيضا يطمن أهله عليه
وفى الطريق سمعنا طلقات نارية ولم أكن أصدق أذنى
وطلبت منه أن يأخذنا إلى مكان الصوت
وكان محيط قسم شرطة الرمل 2 الموجود بجوار سنترال العوايد
والصوت كان مسموع وأنا فى الراس السوداء
وبعد وصولنا تركنى علشان كنت أنا عايز أقرب أشوف فيه إيه؟ وإيه اللى بيحصل؟
فوجدت رئيس مباحث القسم ومعه العديد من عساكر الامن المركزى فوق سطح القسم يفتحون النار على المربع الموجود فيه القسم على الجميع برصاص آلى رصاص حى
والحمد لله كادت رصاصة أن تخترق رأسى لولا أن أجلى لم ينتهى
وبتليفونى ذو الكاميرا المتواضعة صورت ما كان يدور
وفجأة سقط بجانبى شاب برصاصة حية فى الرأس
خرجت من نفوخه وبدأت نافورة الدماء
وفجأة فقدت أعصابى وسيطرت على نفسى
ولم أكن لأصدق أن يكون مات نتيجة ضربه برصاص حى
ومات على حسب المعلومات ما لا يقل عن 37 مواطن سكندرى مصرى
وكان بالجوار على بعد حوالى 500 متر شخص يفتح التليفزيون وسمعت أن الجيش سينزل الشارع
فقررت الذهاب للبيت حتى لا يحدث صدام مع الجيش
فالجيش هو حامى الوطن ولا يجوز أن يكون هناك مجرد صدام
واستمريت فى مشاهدة الاخبار وخصوصا متابعة قناة الجزيرة التى نقلت الواقع
وبعدت عن التليفزيون المصرى المضلل والكذاب
حتى جاءتنا اتصالات من أقاربنا بوجود بلطجية بتتعدى عالبيوت وأن الناس نزلت الشارع علشان تحميه
ونزلت أنا واخواتى وكل واحد فينا ماسك شومة واللى ماسك ماسورة علشان نحمى البيوت
بعد تعرض المنطقة لمحاولات سلب ونهب
وفوجئت بمشهد لم أكن أتخيله شوارع مليئة بالناس وكل منهم اللى شايل سكينة واللى شايل سيف واللى شايل شومة كان منظر مفظع
وبدأ دور اللجان الشعبية فى حماية الشوارع


... يتبع



متابع معاك طبعا وياريت الفيديو بتاعك ترفعة ع اليوتيوب وتحطة هنا

mohamed ali
02-24-2011, 02:45 AM
ياااااااااا ايام ا يارب ماترجع تانى

عمرى ماكنت اتخيل ان دا ممكن يحصل
يحصل نعمل ثورة ؟؟؟؟؟؟يااااه كان حلم بنقوله واحنا بنهزر
كان شعور غريب كنت فرحانة جدااااااااا ومتفائلة

ونفس الوقت كنت زعلانة جداااااااا وخايفة جدا على مصر وبجد من اول الثورة عرفت اد ايه انى لما بقول بحب مصر دا مش كلام دا بجد احساس حقيقى وكانت بالنسبالى اكن حد من اهلى حصله حاجة لقدر الله
انام معيطة دا اذا جالى نوم من كتر التفكيروكنت حاسة انى ماصرة فى حق البلد ديه ودا مش لان المنطقة مش امان لا
احنا الحمد الله بالنسبة لغرنا كنا امان

هو بس موقف الى عمرى ما انساه منظر المسجونين الى طلعوا من القسم قريب منا
يالهوى كنت عمرى ما اتخيل اشوف كدا قدام عينى يجروا فى الشارع بالسيوف والشوم
عشان يسرقوا محلات وطبعا الشارع اغلبه محلات ذهب فالسرقة تكون فى الجون
وصحاب محلات يضربوا بالنار
باقنا لو سمعنا اى صوت نترعب

بس كنا بكون فخورين جداااااااابشباب الجان الشعبية
يوم ما اتنحى كان اكن يوم نتجتى
ربنا يحمى مصر ويتقبل شهداءها
وياااااااااااااااااااااارب يجى اليوم نشوف مصر احسن دولة فى العالم
ويكون التعليم فيه افضل تعليم على مستوى العالم

سورى راغت كتير






موقف مش حنساه ابد منظر البلطجية السجون اول ما طلعوا من القسم طلعوا فى الشارع بالسيوف والشوم


لا ازاى ارغى برحتك الحمد لله هو حكاية المساجين سمعنا قصص وحكايات عنها

smart girl
02-24-2011, 09:46 AM
حكايات الف ليلة وليلة ..يارب ماترجع أبدا
أأقولك اهم المواقف
الأول طبعا القنوات الجزيرة والعربية وال بى بى سى 28 ساعة فى ال 24 ساعة وكلمة حسبى الله ونعم الوكيل طول الوقت .. النيل و المصرية والأولى كنت بتفرج عليها على أنها موجة كوميدى بجد كانت قنوات كوميدية على اللى بيطلعوا يقولوا ..
المواقف بقة
* قبل 25 كنت بقول لعلتى : فى يوم 25 دعوات عن مظاهرات وكدة
قالولى : طيب يا حببتى روحى نامى انتى سهرتى كتير أكيد ..
بعدها قولتلهم دة شكل بجد فى ناس كتير نازلة احنا عايزين ننزل .. قالولى هيكون اية يعنى ..كام واحد ماسك يافتة ............
لحد يوم 25 واتفاجأنا طبعا كلنا بالعدد ..

* قبل الضرب والرصاص ... حاصلى شبهة اللى حصل ل محمد سامى هو انى فجأة بدون قصد لاقيت نفسى ماشية فى مظاهرة ودخلت فيها وأعقدت اهتف معاهم بس روحت بسلام الحمدلله و كنت فرحانة جداااا

* أيام ديزنى لاند بقة والمفرقات انا مش هقدر انسى الكام يوم بتاعهم أولا أخويا كان بيجرى فى أجرءات عمل دعوة لينا لان هو مسافر وكان ميت من الرعب علينا ....
وانا وأختى بقة كنا عمالين نسمع ناس بتصوت وبتجرى وصوت ضرب نار وانا وهى من كتر الخوف بيقينا نقول ::
لا لالا دى ناس عندها فرح وبيحتفلوا وهى تقولى ايوة صح ..أوعى تكونى خايفة ؟؟ أقولها لااااااااا ااا انا مش خايفة
انا مرعوبة بس
..واسمع صوت تانى ضرب نار ولاقيها بتبصى بخوف أأقولها هو الفرح يابنتى ايوة هو بسلاطاتة بباغنوجة ومامتى كانت خايفة علينا جداااا وأحلى حاجة اننا احنا المرعوبين كنا اللى بنطمنها ونحاول تخليها متخافش ونقولها اية رائيك ننزل ناخد كام كوباية شربات ههههههههههه

مرحلة البلطجية بقة وكدة
هبقة أرجع و أكمل عنها مشكور يا محمد على الموضوع