المساعد الشخصي الرقمي

مشاهدة النسخة كاملة : 26-2-2010



Horiaa Swedan
02-26-2011, 12:11 AM
بسم الله الرحمن الرحيم


مش حقولكم غير انى بجد التاريخ ده يمكن يكون من اصعب التواريخ على الواحد

زى انهارده من شهر كنا خارجين من اخر ماده امتحناها وكنا عايزين نلحق مظاهره 25 فالقائد ابرهيم ونكمل مسيره اصحبنا

بداء كل شئ مع خروجنا من اللجان حركه غريبه فالمجمع وزياده للمعامله الغير ادميه من قبل الحرس لينا اطردنا بره المجمع وزادت كلمه ممنوع التجمعات ملهقناش نصور ورق الماده اللى بعدها

طلعنا بره باب المجمع لقينا عربيات الامن المركزى مليه المكان كل اللى حولينا بيجرى ظباط بيزعقوا فينا مفيش ولا مشروع ولا موصله بتعدى ولا حد عايز يقفلنا

وقفت فى حاله دهشه احنا بجد فى مصر ؟؟

اكيد فى شئ غلط بيحصل كان كل ميقف مشروع الناس بتجرى عليه مش عرفين نركب مش عارفين نروح احنا ذنبنا ايه ؟؟

صرخنا ومحدش رد علينا نروح ازاى الاهالى قلقانه

وقفت وقلت انا رايحه على القائد ابرهيم الكل استغرب مفيش قائد ابرهيم انتى بنت يلا روحى حولت اروح منعونى بكل الاشكال ازى كان الظباط عند المجمع شتمونا وزقونا امال فالقائد ابرهيم حيعملوا فينا ايه

روحت وخيبه الامل ماليه عيونى وعيون كل اللى كانوا معايا انا طالب طالع من الامتحان ليه اتعامل المعامله دى سؤال كان فى راسى وفراس الجميع
روحت سالت على كل صحابى اللى راحوا المظاهرات

اتصدمت انفاس مخنوقه ونفس رايح

صرخت هو فى ايه ؟

قالولى لا ابدا دى قنابل مسيله للدموع

اتعجبت طب ليه عملتوا ايه ؟

قالوا قولنا لاء للظلم لا للفساد لا للنظام

سلميه سلميه سلميه

دى كانت احداث 26 يناير بالنسبالى انا حبيت اكتبلكم اللى عشته من خوف فاليوم ده عشان بعد سنين نفضل فكرين

KAREEM
02-26-2011, 12:43 AM
فاكرو يا حوريه كويس اليوم دا
كنت انا نفسى لسه مفكرها مجرد مظاهرات عاديه
ومكنتش متوقع انها توصل لكدا
وكنت واخدها بهذار وقتها
حتى كنت حسلمك للظابط واحنا خارجين
اما قلت له البت دى راحه المظاهرات ياحضرة الظابط

بس بجد الوحدا من اول ما الاحداث بدأت يوم التلات
وهو مش عارف يذاكر وكان بيتابع الاحداث ثانيه بثانيه
مش ببالغ فعلا كنت على شبكة رصد ثانيه بثانيه
وكل ما اشوف فيديو او صور اسخن أكتر واقول لا
انا مش ممكن لازم انزل انا بطبيعتى ثورجى
وارجع اوقول لا اخلص امتحانات وابقى اكمل براحتى باذن الله

لحد ما جات الخميس بالليل وكلنا شوفنا المعاملة اللى عملوها لنا
ونزلنا كلنااااا يوم الجمعه اللى ليه فيه واللى ملوش
ومقدرش اقوللك ع القنابل المسيله للدموع دى
اترمى كمييييية قنابل كانت كفيله نحرر بيها فلسطين
اتفرقنا واتجمعنا تانى وخرمنا من الشوارع الجنوبيه
وكان عند الجندى المجهول مستنينا عساكر الامن المركزى
وبيحدفو طوب بافتررررى وخراطيش مطاط وخرز
وكان من نصيبى العبد لله خرزه بسيطة الحمد لله
جات فى راسى ومجتش فى عينى زى ناس كتير
والحمد لله كانت بسيطه وليا الشرف فى نفس الوقت
وحقوللك حاجه غريبه انى والله العظيم ما وطيت ع الارض حتى
اجيب طوبه احدف بيها بنىءادم من بتوع الامن المركزى اللى مفيش عقل دول
بس سبحان الله اليوم دا كان ربنا وافق معانا جامد وكانو بيحدفو القنابل ع البحر
الهوا كان بياخد الدخان عليهم تانى وبيبعدو عننا طبعا بالاضافه للبيبسى
والكاكولا والبصل اللى الناس كانت بتحدفهولنا من البلوكنات ربنا يباركلهم
غير الميه اللى كان بيحدفها لنا جدعان مصر وعلى فكره كان ليهم دور
زى ما كانو بيحدفو لنا مياه كانو بيحدفوها ع البلطجيه والعساكر المجرمين

الواحد لو قعد يحى حيحكى كتير
كويس انك كتبتى المذكرات دى يا حوريه
فكرتينا بمزيج من الذكريات اللى الواحد يفخر بيها الان
وكل ما يفتكر الشهدا والجرحى اللى كانو بيقعوا جنبو
بيقول يستحيل نفرط فى دمهم ونرضى بأقل من المطالب اللى نزلنا كلنا عليها

ضوء القمر
02-27-2011, 02:24 PM
الله كان نفسي أبقي معاكوا من كتر اللي حكتيه يا حورية انتي وكريم :a30: بس للأسف أنا كنت قاعدة في البيت طول الفترة دي اتفرج بس حتي اليوم اللي كان عندنا فيه امتحان روحت علي البيت دوغري:a46: , مينفعش نرجع الشريط من الأول عشان أروح معاكو.... :a4: