المساعد الشخصي الرقمي

مشاهدة النسخة كاملة : اهلا ....يا فنيه



witch evil
09-17-2008, 02:07 AM
بسم الله الرحمن الرحيم
فى البدايه احب اقولكم كل سنه وانتم طيبين بمناسبه السنه الجديده واحب اخصص كلامى الجاى للدفعه الجديده لان الفرق التانيه اعتقد اتعودو على الوضع هنا خلاص .....

مش حتكلم كلام كبير احنا هنا اصحاب تعالوا نتكلم شويا بحريه
بصوا بقى الكليه حاجه حلوه اووى مش معقده زى محتسمعوا من ناس كتير خصوصا عن قسم الجغرافيا ومش سهله وانا بقى داخل المجمع وخلاص حعدى من جمب السور حنجح لا طبعا....

يعنى اه دخلين كليه بس مش معنى كده اننا حنقول للمذكره باى ....لاطبعا الكليه برضوا فيها مذكره بس بطريقه مختلفه .

بمعنى ان الكليه فيها مساحه اكبر انك تسأل وتتعلم اكتر واعرف انك كل محتتعلم حترفع نفسك اكتر وعايزك تعرف انك فى كليه يعنى مجتمع مفتوح وكبير

يعنى شوف كليتك فيها كام قسم وبتخرج كام واحد كل سنه وقسمك فى كام فرقه وكل سنه بيخرج كام طالب
عدد كبير جدا

يعنى لازم تعرف ان فى كتير حيتخرجوا من المجال اللى انت فيه يعنى انت مش داخل الكليه لوحدك اللى حتتخرج منها وانك خلاص جغرافيا او مساح قد الدنيا والشغل بيرحب بيك ...لا طبعا

وفى نفس الوقت انا مش قصدى احبط حد انا قصدى انك لازم تتعب عشان تثبت نفسك
يعنى شوف كام واحد بيتخرج.......اكيد كتير اوى
لكن شوف كام واحد معلم فى الكليه دى .......قليل اوى ويمكن نادر

وياريت تسأل نفسك انت داخل القسم ده ليه...؟؟

كل مسأل حد يقول عشان مساحه على فكره الشعبه العامه برضوا دراستها ممتعه زى المساحه احنا بنعمل بالظبط زى اللى يقولك انا داخل هندسه ومش داخل باقى الكليات عشان دى كليه ليها مستقبل وعشان اخد لقب مهندس

زى مقولنا لو عايز تبقى مميز حتبقى مميز فى اى مكان حتى لو كان معهد مش كليه المهم مبقاش مجرد بحفظ وارمى الاجابه فى الامتحان وانسى

فى الجغرافيا لازم ادرس براحه وافهم اللى بدرسه واطبقه كمان على اللى حوليا واكيد حيثبت فى دمغنا

حاول تكون علامه وانسان ناجح فى مجالك وده مش حيتحقق الا بالجتهاد وربنا الموفق



حتتعب شويا لكن حترتاح بعدين ....




وفى القسم ده مش كله مذكره لكن برضوا حتلاقى قسم ترفيهه وده عن طريق الجمعيه الجغرافيا واللى انا مش اهل اتكلم عنها بصفه عمه لكن انا حتكلم عن لجنتى

اللجنه الفنيه

فى اللجنه الفنيه فى ناس كتير ممكن تسعدك على تنميه موهبك الفنيه
واللجنه الفنيه بتتقسم لعدت اقسام فرعيه زى

فريق التشكيل والتلوين
زى موهبه الرسم والتلوين والابداعات الفنيه زى الرسم ع الزجاج او النحت وفى ناس بتحب تعمل اشغال يدويه شنط او اكسورات وغيرها كتير

حتلاقى ناس تعملك معرض تعرض فى موهبك لوحك او اعمالك وتفيد بيها الناس
ومش بس تتعلم دانت ممكن تعلم زميلك لو انت بارع فى حاجه

فريق الكتابه والالقاء
لو شايف نفسك تقدر تمسك قلم ...تقدر تعبر عن نفسك بشعر او بقصه او بخاطره جميله توصف بيها الواقع اللى حوليك او توصف بيها شعورك بتحب الالقاء

مش كده وبس فى فريق المسرح وفريق الغناء والطرب
لو بتحب تمثل او بتحب تعزف او بتحب تغنى حتلاقى كل ده فى اللجنه الفنيه

وفى فريق التخطيط
وده المسؤل عن كتابه الاعلانات والمقالات المختلفه

حتلاقى ناس تسعدك وتشجعك وتحفذك

وان شاء الله يبقى فى فريق الصحافه والتصوير
وده لو شايف نفسك عندك لباقه تقدر تقيم حوارات صحفيه مع شخصيات فى الكليه وخارج الكليه
تكتب الاحداث الجاريه او تغطى المسابقات اللى بتعملها الجامعه او نشاطات الموجوده بالكليه
او الحفلات اللى حتعملها الجمعيه كمان لو عندك القدره على التصوير او بتحب تصور


وكل فريق من دول عليهم رأيس فريق يرجع فى كل حاجه لامين ومساعد امين اللجنه الفنيه واللى بيحسبه وبيرقبه فى كل حاجه
وبيجتمعوا بيه اسبوعيا وهو بيجتمع باعضاء اللجنه اسبوعيا برضوا

وكل اللجنه بتبقى خاضعه لامين ومساعد امين الجمعيه الجغرافيا واللى بيرجعوا لامشرف الجمعيه ورايس الجمعيه وهو اللى بيحسبهم

الفايده من النشاط
1-تنميه روح العمل الجماعى بين الطلبه
2-تنميه المواهب
3-تكوين صدقات جديده
4-التعلم من خبرات الاخرين

واتمنى اكون قدرت اعمل صوره وافيه عن اللجنه وعن القسم والله الموفق للجميع واللى عايز يسأل فى اى حاجه انا موجوده واللى عايز ينضم للجنه الفنيه وعنده موهبه حكون سعيده جدا بيه وده طبعا لحد ميتوقف نشطنا عشان الانتخابات

رئايسه اللجنه الفنيه بالجمعيه الجغرافيا
witch evil

Hassan Mohamed
09-17-2008, 02:24 AM
كلام جميل يا حورية

فعلا كتير من الناس بتدخل الكلية مفكرة انها خلاص مفيش مزاكرة بئا

وبالنسبة لاحدي نشاطات الجمعية الجغرافية بجد دي معلومات قيمة جدا انا شخصيا مكنتش بعرفها

ياريت تجهزيلنا موضوع خاص بكل نشاط في موضوع تفصيلي لوحدو

witch evil
09-17-2008, 02:30 AM
ميرسى ياحسن
وان شاء الله احضرلك اللى انت طلبته بس من وجهه نظرى اكبر لانى اعرف اكتر عن لجنتى من اللجان التانيه

Hassan Mohamed
09-17-2008, 02:33 AM
ياريت كل اعضاء اللجان ينضمولنا عشان بجد محتاجين نعرف خدمات الجمعية

ahmedko
09-19-2008, 01:48 AM
على فكرة يا جماعة لو حد جرب قبل كدة انة يدخل اى قسم فى اى كلية و يحب يتعرف على اهم سمات القسم دة فى حاحة لو عايز يدخل القسم يعنى مثلا من اجتماع لجغرافيا
فطبعا تخيل معايا واحد داخل بيسأل اية احلى حاجة عندكوا ؟
رد طبعا طال من قسم الجغرافيا و قالوا اية بقى ......يا ابنى انا اساسا دخلت القسم دة غلط و دخلتوا عشان المساحة بس و بعدين الدراسة هنا شلل و القرف للركب و سكاشن و عملى و شيتات و بلاوى
فى الاخر انصحك متخشش القسم دة
و لو لسه الطالب داخل سنة اولى و بسأل واحد قديم شوية ؟؟
هيكون ايةالرد يا ابنى دى المساحة صعبة بجد و مش اى حد هيخشها و بجد لازم تجيب تقدير جيد جدا و امتيازات بقى و يحسسك ان انت جاهل ادامه
طبعا يا جماعة بجد و الله انا شوفت الكلام دة ادامى و بعينى
و طبعا يا جماعة متنسوش ان سنة تانية دى اساسا تقيلة لواحدها و الواحد بيكون على اعصابة و محتاج الل يساعدة مثلا فى الكمية و المساحة سواء بسبب صعوبة المنهج او لصعوبة الفهم فبجد هيكون ف ناس و عناصر خبرة تساعد سواء من الطلاب المتميزين الاكبر سنا و الاكثر خبرة بالمواد الدراسية او حتى من الدكاترة و اعضاء هيئة التدريس ذاتهم
و طبعا ثالثة دى بقى موال لواحده بيكون الواحد كل همه يكون مساح شاطر و هو لسه ابيض يا فل حنساعدك بجد و و هنعمل حاجة كدة اشبه بالكورسات الخفيفة عشان الاجزاء الصعبة فى المناهج
ز اكيد رابعة دى بقى سنة الدماغ كلها من مشروع للشغل و يا قلبى لا تحزن بس بجد دى بقى هتكون سنة ملهاش حل
على فكرة انا بقول الكلام دة و انا متأكد منة عشان حاجة واحدة -اسئل مجرب ولا تسأل طبيب
بجد موجود عندنا سلبيات كتيرة فى القسم لازم نلاقيلها حلول عشان بجد نقدر ندخل القسم بنفس و ندرس كويس و نقضى احلى الاوقات بجد
طبعا يا جماعة بالنسبة للجانب الترفيهى فده هيكون له ناس خاصة تقدر ترفرش الحياة عشان تخفف عننا الملل و الزهق
الجروب بتاعى بأذن الله هيمثل القسم كله بمراحلة المختلفة
و عايزكوا تنتظرونى فى الاسابيع المقبلة هعلن عن الاشخاص المجموعة بتاعتنا و اللى هتمثلنا فى الانتخابات

tiger
09-19-2008, 07:36 AM
موضوع جامد يا حوريه وفعلا مذاكرة الثانوى غير الكليه والطالب سنه أولى دى بتبقى توجيه له فى باقى السنين الثالاث الباقيين وقسمنا من أعظم الأقسام الى فى الكليه وأنضم مع أبو على علشان نعرف خدمات الجمعيه الجغرافيه علشان الطلبه المستجدين

mandour90
09-19-2008, 09:34 PM
موضوع جامد ومطلوب لان معظم اللى داخلين بيبقوا مش فاهمين يعنى اية كلية ومذكرة الكلية بس لازم يكون الكلام لكل الناس اللى داخلين مش بس اللى فى المنتدى

witch evil
09-19-2008, 11:19 PM
موضوع جامد يا حوريه وفعلا مذاكرة الثانوى غير الكليه والطالب سنه أولى دى بتبقى توجيه له فى باقى السنين الثالاث الباقيين وقسمنا من أعظم الأقسام الى فى الكليه وأنضم مع أبو على علشان نعرف خدمات الجمعيه الجغرافيه علشان الطلبه المستجدين



ميرسى اوى وفعلا قسم الجغرافيا قسم جميل جدا وعايز ناس وعيه وفهمه وبره مصر القسم ده موجود فى كليه علوم يعنى قسم مش اى كلام

وبالنسبه لخدمات الجمعيه فانا ممكن اتكلم عن اللجان التانيه بس بالنسبه للسنه اللى فاتت اللجان التانيه مكنتش شغاله وكان فى خطط كتير الواحد كان عايز يعملها بس متعملتش

وكان عندى اقترح وياريت تسعادونى فيه
كنا عايزين نعمل افطار فى القسم باسم الجمعيه عشان نقرب الناس من بعض شويا ويبقى فى تعارف اكتر بين الطلبه ايه رايكم

witch evil
09-19-2008, 11:44 PM
على فكرة يا جماعة لو حد جرب قبل كدة انة يدخل اى قسم فى اى كلية و يحب يتعرف على اهم سمات القسم دة فى حاحة لو عايز يدخل القسم يعنى مثلا من اجتماع لجغرافيا
فطبعا تخيل معايا واحد داخل بيسأل اية احلى حاجة عندكوا ؟
رد طبعا طال من قسم الجغرافيا و قالوا اية بقى ......يا ابنى انا اساسا دخلت القسم دة غلط و دخلتوا عشان المساحة بس و بعدين الدراسة هنا شلل و القرف للركب و سكاشن و عملى و شيتات و بلاوى
فى الاخر انصحك متخشش القسم دة
و لو لسه الطالب داخل سنة اولى و بسأل واحد قديم شوية ؟؟
هيكون ايةالرد يا ابنى دى المساحة صعبة بجد و مش اى حد هيخشها و بجد لازم تجيب تقدير جيد جدا و امتيازات بقى و يحسسك ان انت جاهل ادامه
طبعا يا جماعة بجد و الله انا شوفت الكلام دة ادامى و بعينى
و طبعا يا جماعة متنسوش ان سنة تانية دى اساسا تقيلة لواحدها و الواحد بيكون على اعصابة و محتاج الل يساعدة مثلا فى الكمية و المساحة سواء بسبب صعوبة المنهج او لصعوبة الفهم فبجد هيكون ف ناس و عناصر خبرة تساعد سواء من الطلاب المتميزين الاكبر سنا و الاكثر خبرة بالمواد الدراسية او حتى من الدكاترة و اعضاء هيئة التدريس ذاتهم
و طبعا ثالثة دى بقى موال لواحده بيكون الواحد كل همه يكون مساح شاطر و هو لسه ابيض يا فل حنساعدك بجد و و هنعمل حاجة كدة اشبه بالكورسات الخفيفة عشان الاجزاء الصعبة فى المناهج
ز اكيد رابعة دى بقى سنة الدماغ كلها من مشروع للشغل و يا قلبى لا تحزن بس بجد دى بقى هتكون سنة ملهاش حل
على فكرة انا بقول الكلام دة و انا متأكد منة عشان حاجة واحدة -اسئل مجرب ولا تسأل طبيب
بجد موجود عندنا سلبيات كتيرة فى القسم لازم نلاقيلها حلول عشان بجد نقدر ندخل القسم بنفس و ندرس كويس و نقضى احلى الاوقات بجد
طبعا يا جماعة بالنسبة للجانب الترفيهى فده هيكون له ناس خاصة تقدر ترفرش الحياة عشان تخفف عننا الملل و الزهق
الجروب بتاعى بأذن الله هيمثل القسم كله بمراحلة المختلفة
و عايزكوا تنتظرونى فى الاسابيع المقبلة هعلن عن الاشخاص المجموعة بتاعتنا و اللى هتمثلنا فى الانتخابات



على فكره انا شفت الكلام ده فعلا وعشان انا ليا اصحاب فى اتحاد الطلبه اصريت السنه دى انى انزل اقعد فى الاستقبال واعلان عن القسم فى استعلامات قسم الجغرافيا واعلان عن الجمعيه والحمد لله ربنا وفقنى فى ده
وياريت نحاول كلنا اننا نطلع صوره حلوه عن الجمعيه وعن القسم باكمله

Wild_Angel
09-20-2008, 12:32 AM
witch evil

موضوع يستحق المشاركه بالفعل

عجبنى جدا اسلوبك وعلى فكره مع انى بقالى 3 سنين فى الكليه ومع ذلك اول مره اعرف كل الاشياء الجميله دى عن اللجنه الفنيه
اتمنى انى التقى بيكى لانى بحب التصوير جدا

witch evil
09-20-2008, 01:30 AM
witch evil

موضوع يستحق المشاركه بالفعل

عجبنى جدا اسلوبك وعلى فكره مع انى بقالى 3 سنين فى الكليه ومع ذلك اول مره اعرف كل الاشياء الجميله دى عن اللجنه الفنيه
اتمنى انى التقى بيكى لانى بحب التصوير جدا


ميرسى ليكى اوووووووووووووووووووووى ياقمر
انا كمان بعشق التصوير طب ممكن تعرفينى بيكى عشان تبقى معايا فى اللجنه الفنيه لحد الانتخابات لان نشاطنا لسه شغال