المساعد الشخصي الرقمي

مشاهدة النسخة كاملة : 19 مارس.. موعد الاستفتاء على التعديلات الدستورية بمصر


hydrograp7ic
03-07-2011, 04:23 PM
القاهرة 4 مارس اذار (رويترز) - قال مجلس الوزراء المصري في صفحته على موقع فيسبوك نقلا عن المجلس الأعلى


للقوات المسلحة إنه تقرر إجراء استفتاء على التعديلات الدستورية المقترحة في

19 مارس آذار.

وجاء في بيان نشر على صفحة مجلس الوزراء أنه تقرر "إجراء عملية الاستفتاء على التعديلات المقترحة لدستور جمهورية مصر العربية يوم 19 مارس 2011 على أن تبدأ الساعة الثامنة صباحا وتنتهي الساعة السابعة مساء."
دكتور / السيد الزغبى
03-07-2011, 06:58 PM
ماهى اليات التصويت
اللى انا عارفه ان التصويت سيتم عن طريق الرقم القومى
احب اوضح ان التصويت سيكون للمقيدين فعلا بالسجلات وهم ينقسمون الى نوعين
الاول:- وهم الذين تقدموا سابقا بطلب للقيد الانتخابى ويملك اصلا بطاقة انتخابية ( ذات اللون الوردى )
الثانى:- وهم المقيدون تلقائيا واسمائهم مسجلة فى سجلات الناخبين وهذه الفئة هو من مواليد 1993
المطلوب ان يقوم كل شخص لاينطبق عليه القيد التلقائى ولم يسبق له استخراج بطاقة الانتخاب بالتقدم الى الجهة التى تقوم بالقيد الان
بمعنى انه لا يجوز لاى شخص بالتصويت فى الاستفتاء ببطاقة الرقم القومى الا اذا كان مسجل بالجداول الانتخابية
MUHAMED SAMY
03-07-2011, 08:07 PM
يعنى يا دكتور اللى معاه بطاقة انتخابية من الاول مش هتتجدد ولا حاجة
ودلوقتى ينفع حد يطلع بطاقة انتخابية
دكتور / السيد الزغبى
03-07-2011, 08:44 PM
اللى معاه بطاقة انتخابية يعتبر مسجل بالجداول الانتخابية واكيد سبق وادلى بصوته فى مقر انتخابى ولجنة هو عارفها ومافيش حاجة اسمها يجددها دلوقتى لان التصويت بالرقم القومى بس بشرط انه يكون مسجل وكذلك بالنسبة للمقيدين تلقائى مثلك بس المهم يعرف فين لجنته ومقرها ولابد من ضرورة البحث عن مكان اللجنة فى نطاق دائرتك الانتخابية من خلال دليل او مفتاح خاص باللجان موجود المفروض فى اقسام الشرطة سابقا دلوقتى مش عارف مين المسئول عن ذلك وعموما على حد علمى الباب مفتوح للتسجيل بس فين ماعرفش
الامور مش واضحة ومافيش اى شفافية او توضيح للامور ازاى استفتاء بهذه الاهمية مافيش اى توعية عنه ولا توضيح لكيفية التصويت او اى شىء ربنا معانا اعتقد ان فيه حاجة غلط الامور مافيش اى شفافية لغاية دلوقتى اسف ياحمادة الواحد مش عارف يلخص
KAREEM
03-08-2011, 12:28 AM
مبلاش الشفاااافيه دى يا دكتور
الشفافيه فى بلدنا دلوقتى بقى معناها ووحش
كلمه استهلكت كتير اوى ومشفناش من وراها الا كل شر

اما بالنسبه للتوعيه فدا دورنا احنا دلوقتى اعتقد
كل واحد يوعى اسرته واصحابه والناس اللى يعرفهم
فى نطاقه يبقى الموضوع خلص
وهى دى الشفافيه اللى هى أحلى حاجه فيا :a5:
دكتور / السيد الزغبى
03-08-2011, 12:49 AM
سميها زى ماتحب ياعم كريم المهم النتيجة
دكتور / السيد الزغبى
03-09-2011, 01:40 AM
عموما التصويت فى الاستفتاء غير مرتبط بالدوائر الانتخابية ولا اللجان الفرعية الخاصة بانتخابات مجلسى الشعب والشورى يعنى ممكن تدلى بصوتك فى اى مكان بالرقم القومى بشرط السن يكون 18 سنة
دكتور / السيد الزغبى
03-10-2011, 02:28 AM
كيفية التصويت على التعديلات الدستورية




قررت اللجنة القضائية العليا للاشراف على استفتاء تعديل الدستور المصرى
اعتبار بطاقة الرقم القومى هى المستند الوحيد الذى ستحتاجه للتصويت
وليس من الضرورى ان يكون اسمك مسجل فى الجداول الانتخابية
حيث انه سيتم استخدام قاعدة بيانات الرقم القومى كمرجع لكشوف الناخبين
وتيسيرا على السادة الناخبين
قررت اللجنة قبول التصويت بواسطة الرقم القومى المنتهية المدة
وبهذه المناسبة تحث الرابطة جموع الشعب المصرى وخاصة ابناءها خريجى المساحة والخرائط ونظم المعلومات الجغرافية بالجامعات المصرية
على المشاركة والتصويت على التعديلات الدستورية المطروحة علما بان هذه التعديلات مؤقتة و خاصة بالمرحلة الانتقالية حيث سيتم اعداد مشروع دستور جديد بعد انتخاب رئيس الجمهورية
وعلى اى حال التصويت لكل من بلغ 18 سنة

والله الموفق والمستعان
دكتور / السيد الزغبى
03-14-2011, 08:16 PM
نعم للتعديلات الدستورية
من اجل ان نعبر مرحلة الفراغ الى مرحلة البناء



</I>




http://www.mesa7a.com/forum/Rise4Islam-mesa7a/style/misc/progress.gif