المساعد الشخصي الرقمي

مشاهدة النسخة كاملة : نعم أم لا



smart girl
03-14-2011, 10:42 AM
http://www.mesa7a.com/forum/imgcache/4144.imgcache.gif




مر علينا 30 عاماً من الصمت السياسى فقد كانت أصواتنا مسلوبة تأخذ بالقوة ..أو ..محجوبة لا تتحدث إلا بداخلنا ...
فنحن نجاهد فى الحياة ونصراع معها ولم نغفل عما يتم بمصرنا ولكن كنا نظن ان اذا تحدثنا سنكون مجرد فئة قليلة تعلم جيدا ان أصلاحات بلدنا ستعود على كل من يعيش بها بالنفع والحياة الكريمة ..

ولكن الان بعد ثورة 25 يناير ونحن نقوم بأعادة بناء بلادنا ..سنتحدث فى موقف مصرنا السياسى والاقتصادى والاجتماعى ,,,,, وسنشارك بكل جوارحنا ولن يعطل صوتنا او مشاركاتنا الاصلاحات أو السير فى طريق التقدم ولكن هذا من واجب البلد التى نعيش تحت ظلالها .........




شارك بـــــــ

أو

http://www.mesa7a.com/forum/imgcache/4145.imgcache.jpg (http://www.facebook.com/photo.php?pid=251151&id=135281153205434)



عرفنا رائيك هتقول نعم أو لا ...وحتى اذا دخلت ولم تعلن رائيك فيكفنى ان تعلم ان هذا واجب عليك ان تشارك فى الاستفتاء
19/3/2011

http://ahmedamoneim.files.wordpress.com/2010/12/be_positive_typography_by_soulflamer.jpg?w=212&h=300 (http://ahmedamoneim.files.wordpress.com/2010/12/be_positive_typography_by_soulflamer.jpg)

mohamed ali
03-14-2011, 05:52 PM
انا لم اتخذ القرار النهائى فى شكل الفكر الصحيح لان اقول لكى نعم او لا
بس ممكن بدل ماكل واحد فيمنا يقول نعم بس او لا يقول السبب حتى اللى مستقرش ع رائ يقول لية
انا مثلا
محتار بس ان دى ثورة وان الثورة تمسح ماقبلها من دستور وغيرة ولكن عمل دستور جديد يلزم وقت لايقل ع 5 شعور عشان يتعمل
ونعم اقولها ان ممكن نعدل المواد اللى تعملنا انتخابات شفافة للرئاسة ومجلس الشعب وبعد فى الزام فى المادة 189 مكرر يلزم مجلس الشعب
وهنا جاية صغية الالزام لتكوين لجنة من 100 شخص لعمل دستور يتمشى مع العصر الحالى

mohamed enen
03-14-2011, 06:10 PM
شكرا على موضوعك المميز
نعم

Ahmed Hosny
03-14-2011, 07:48 PM
السلام عليكم ورحمة الله وبركاته
نعم ام لا على فكرة ده من اصعب الاسئلة اللى مرت عليا
ولكنى بعد صراع شديد وعدم استقرار
قررت ان اقول " نعم "
حتى تخرج مصر مما هى فيه ومن ثم العمل على بناء دستور جديد
يعتمد زى محضرتك تفضلتى على قواعد واسس

دكتور / السيد الزغبى
03-14-2011, 08:13 PM
نعم للتعديلات الدستورية
من اجل ان نعبر مرحلة الفراغ الى مرحلة البناء



</I>




http://www.mesa7a.com/forum/Rise4Islam-mesa7a/style/misc/progress.gif

MUHAMED SAMY
03-14-2011, 09:08 PM
بغض النظر أنى مش مقتنع بالدستور ده أساسا

لكن

فله
شمعه
منوره


http://www.mesa7a.com/forum/mwaextraedit5/extra/89.gif

نـــعـــم

حسبى من الدنيا رضاك
03-14-2011, 09:38 PM
باذن الله نعم لان دى تعديلات مؤقتة كجسر يعبر بن حتى انتخابات مجلس الشعب القادمة وكمان عشان القوات المسلحة مش عايزة تمسك اكتر من كده عندهم حق والله سيبين شغلهم الاساسى وقاعدين يأمنوا البلد بالداخل بتعيألى مينفعش يقعدوا اكتر من كده عشان الحدود وجيراننا اللى ربنا يخدهم مش هادييين

smart girl
03-15-2011, 09:40 AM
شكرا لكل من تفاعل وكل من يدرك أن بلادة فى أمس الحاجة الى رائية لتحديد مصيرها

blue_sky
03-15-2011, 11:53 PM
نعـــــــــــــــــم
للتعديلات الدستورية

smart girl
03-17-2011, 07:20 PM
بعد تفكير عميــــــــــق ودراسة أن شاء الله هنزل وهقول
لا
للتعديلات الدستورية

MadieN
03-17-2011, 11:07 PM
لا no

esraa marey
03-18-2011, 12:56 AM
والله هو للوضع الحالى دولوقتى يبق نعم ............لكن مصلحة مصر مستقبلا لالالالالالالا هى الصح
دا غير انه اسقاط الرئيس وانه المجلس الاعلى يتولى دا بيسقط الدستور .......يعنى فاقد شرعيته .يبقى اعدل فيه .......دا غير الصلاحيات الباقيه ..........
ف النهاية انا راى اننا كلنا نصلى صلاة استخارة وندعى ال فيه الخير لمصر وياااااااااااارب لو الخير لمصر نعم تكون النتجية نعم
ولو الخير لالالالا تكون التنجية لالالالالالالا

KAREEM
03-18-2011, 03:04 AM
باذن الله نعم لجسر التعديلات المؤقته
لانها الضامن الوحيد لنا لعمل دستور جديد
من ناس يختارهم الشعب وليس المجلس العسكرى

نعم لأسباب كثييييييره واى حد عايز يناقشنى انا معاه للاخر

smart girl
03-18-2011, 11:12 AM
مبدئيا انا فرحانة اننا هنشارك فى الحياة السياسية وان فى ناس هتقول نعم وفى ناس بتقول لا والحمدلله دى ظاهرة صحية جداااا واللى كان بيحصل من زمان اختفى وهو ان يكون فى صوت واحد بس هو اللى يطلع
وأى حد يعرف أشخاص ممكن تكبر دماغها ومتروحش الاستفتاء يقنعة وياخدة معاه ويخلى يشارك مهما كان رأئية


وانشاء الله أرادة الشعب هى اللى هتنجح سواء كانت لا أو نعم


والناس اللى بتقول نعم عندها مقتنعات واسباب والناس اللى بتقول لا عندها برضو مقتنعات وأسباب بس فى ناس لسة محتارة ومش عارفة تاخد قرار نقدر نساعدهم
ونخلى الحوار مفتوح
وكلنا نقول انت لية هتقول نعم ولية هتقول لا

1265

smart girl
03-18-2011, 11:30 AM
الاشخاص اللى بتقول لاء بتقول لاء لية


http://www.youtube.com/watch?v=FaqS1btP5Hs&feature=related

mohamed ali
03-18-2011, 03:20 PM
انا عن نفسى سوف اصوت غدا بلالالالالالالالالالالالالالالالالالالالالالالالال الالالالالالالالا

esraa marey
03-18-2011, 08:36 PM
الاشخاص اللى بتقول لاء بتقول لاء لية


http://www.youtube.com/watch?v=FaqS1btP5Hs&feature=related


مع احترمى لرايك انا شخصيا حاقول لالالالالا بس مش عشان منى زكى ولا احمد حلمى وطبعا دا مش تقليل منهم ....بس سورى يعنى انا مش حيكون ممثل ومغنى هو قدوتى ف اراء .دا ع الرغم انى بحب منى كى واحمجد حلمى .......

KAREEM
03-18-2011, 09:47 PM
انا شايف ان احنا لو قلنا نعم يبقى بنمضى عقد مع الجيش
ان احنا حنعمل دستور جديد مع عدم الرجول لدستور 71
بضمانات اننا احنا اللى حنختار أعضاء مجلس الشعب اللى منهم
حيتم اختيار مجلس تأسيسى لدستور جديد

اما لو قلنا لأ يبقى احنا بنقول للجيش احنا واثقين فيك اختار لنا انت
حيقول لنا بسسس سيبونى انا اقرر بقى وحيختار لجنه تأسيسه بالتعيين
دا وممكن كمان ميلتزمش بتعديل الدستور فى ظل ظروف البلاد الحاليه
وايييييه اللى يلزمه ؟؟؟ مش بقلل من الثقه فى الجيش ولكن حط نفسك مكانه
والجيش دا مش مكانه وعنده مسئوليات أهم ومحدد لنفسه فتره ولو انت طولت له الفتره دى
ممكن يحكمك حكم عسكرى فى وسط الفوضى ونبقى ضعينا فرصة عمرنا

على فكره كلامى دا متفق مع اراء محاميين وناس خبراء دستوريين
http://www.youtube.com/watch?v=U4pC65Ltn_U&feature=player_embedded
وهم دول اللى ممكن نسمع لهم
مش لناس كانت فى الفيديو بتاع قول " لأ "
اللى منهم اللى كان واقف ضد الثوره فى البدايه
مع احترامى لباقى الشخصيات زى عمرو خالد
وانا رأيى الشخصى ان واحد فى موضعه كان لازم يقول كدا
لانه محتمل الترشح للرئاسه فمينفعش يقول لا لموقعه بالمنطق مش اكتر

وانا معاكو لاخر الخط ومستعد لاى حد يناقشنى للنهايه
وانا مستعد اقول لا لو حد قدر يقول لى سبب واحد يقنعنى

Ahmed Waheed Shalaby
03-18-2011, 09:56 PM
ما لا يدرك كلة لا يترك كلة

smart girl
03-18-2011, 11:26 PM
مع احترمى لرايك انا شخصيا حاقول لالالالالا بس مش عشان منى زكى ولا احمد حلمى وطبعا دا مش تقليل منهم ....بس سورى يعنى انا مش حيكون ممثل ومغنى هو قدوتى ف اراء .دا ع الرغم انى بحب منى كى واحمجد حلمى .......




بصى كدة يا أسراء فى جملة فوق الفيديو انا كتباة " الأشخاص اللى بتقول لاء بتقول لاء لية " مقولتش أحمد حلمى ولا منى زكى ولا رأى المشاهير اية ...انا كان فارق معايا هما بيقولوا لاء لية بغض النظر عن مهنتهم وانهما معروفين او مش معروفين بس مش أكتر
ومقولتش برضو ياسرؤة ان هما دول قدوتى انا فالافكار والقرارت الحمدلله من النوع المستقل ومبتأثرش برأى حد مهما كان ..ومبقولش غير المقتنعة بى ..واتمنى تكون وجهة نظرى وضحت وان الفيديو بيوضح بعض أراء اللى بيقولوا لاء اسبابهم اية ...

smart girl
03-18-2011, 11:53 PM
انا شايف ان احنا لو قلنا نعم يبقى بنمضى عقد مع الجيش
ان احنا حنعمل دستور جديد مع عدم الرجول لدستور 71
بضمانات اننا احنا اللى حنختار أعضاء مجلس الشعب اللى منهم
حيتم اختيار مجلس تأسيسى لدستور جديد

اما لو قلنا لأ يبقى احنا بنقول للجيش احنا واثقين فيك اختار لنا انت
حيقول لنا بسسس سيبونى انا اقرر بقى وحيختار لجنه تأسيسه بالتعيين
دا وممكن كمان ميلتزمش بتعديل الدستور فى ظل ظروف البلاد الحاليه
وايييييه اللى يلزمه ؟؟؟ مش بقلل من الثقه فى الجيش ولكن حط نفسك مكانه
والجيش دا مش مكانه وعنده مسئوليات أهم ومحدد لنفسه فتره ولو انت طولت له الفتره دى
ممكن يحكمك حكم عسكرى فى وسط الفوضى ونبقى ضعينا فرصة عمرنا

على فكره كلامى دا متفق مع اراء محاميين وناس خبراء دستوريين
http://www.youtube.com/watch?v=U4pC65Ltn_U&feature=player_embedded
وهم دول اللى ممكن نسمع لهم
مش لناس كانت فى الفيديو بتاع قول " لأ "
اللى منهم اللى كان واقف ضد الثوره فى البدايه
مع احترامى لباقى الشخصيات زى عمرو خالد
وانا رأيى الشخصى ان واحد فى موضعه كان لازم يقول كدا
لانه محتمل الترشح للرئاسه فمينفعش يقول لا لموقعه بالمنطق مش اكتر
وانا معاكو لاخر الخط ومستعد لاى حد يناقشنى للنهايه
وانا مستعد اقول لا لو حد قدر يقول لى سبب واحد يقنعنى

رائيك يحترم يا كريم بس بختلف معاك فى نقطة خاصة بعمرو خالد ..قبل ماقولها بس انا مش من محبى عمرو خالد على فكرة ههههه عشان ميتقالش انى بدافع ... انا هتكلم فى المبدأ نفسة ان مينفعش نبص لحد ونقول اةةة دة متوقع منة انة يقول لاء عشان عايز يرشح نفسة او الفيديو فى ناس بتقول لاء وهى كانت ضد الثورة عارف لية عشان انا برضو ااقدر اقولك ان فى ناس ودول معروفين جدااااااااااااااااا كانوا ضد الثورة ونازلين بكرة وهيقولوا نعـــــــــــم للتعديلات الدستورية .. بس انا مش هقول دة متوقع منهم كدة انا هقول دة رائيهم وكل واحد لى مطلق الحرية لان الموضوع مينفعش ناخدة من الزاوية دى ودة رأى من وجهة نظرى الشخصية
اما فى حالة ان حد يناقشك من اللى بيقولوا لاء فدة ممكن يحصل فحالة ان اللى بيقولوا لاء يكونوا شاكين فى رأئيهم او انهما عايزين يفرضوا رائيهم على اللى بيقول نـــــعم ويخليهم يغيروا تفكيرهم ...اعتقد ان اللى بيقولوا لاء وانا من ضمنهم مش هيعمل كدة لانة مقتنع بوجهة نظرة والموضوع محسوم
ومقتنعين ان اللى بيقولوا نعم ليهم مطلق الحرية وان هما يعبروا عن رائيهم
وممكن يكون فى نقاش بس فحالة ان حد من اللى قال نعم يكون شاكك فى قرارة أو انة محتار و مش عارف هينزل بكرة يقول نعم ولا لا ...


انا بس اللى أقدر ااقولة ان انت كنت من الاشخاص اللى بتكتب جملة فى أغلب المواضيع أستئذنك انى اقتبسها منك وهى :

لازم نبدأ على نظافة

بس

وسورى على اللك الكتير دة

KAREEM
03-19-2011, 03:07 AM
تمام انا متفق مع كلامك الاولانى وانا مكنتش اقصد كدا بس كنت بحاول ابرر لنفسى وافكر بصوت عالى

اما انى بقول نبنى على نضافه
فانا فعلا بنعم حبنى على نضافه
تقدرى تقوليلى لو قلنا لا ايه العقد
اللى تضمنيه من الجيش انه يعمل دستور جديد
مبنى على اختيار ناس من الشعب مش ع التعيين ؟؟؟

KAREEM
03-19-2011, 03:13 AM
http://www.youtube.com/watch?v=0WwJuXNFTIs&feature=related

انا صليت استخاره وسمعت الفيديو دا ومرتاح جداااااا
ياريت نسمع للراجل دا اللى طول عمره بيتكلم بعقلانيه وبحياديه
ومحدش طلع عليه اى شبهات او اشاعات زى باقى الشيوخ ما شككو الناس فيهم

دكتور / السيد الزغبى
03-19-2011, 07:00 AM
نعم للتعديلات الدستورية
من اجل ان نعبر مرحلة الفراغ الى مرحلة البناء

smart girl
03-19-2011, 09:04 AM
تمام انا متفق مع كلامك الاولانى وانا مكنتش اقصد كدا بس كنت بحاول ابرر لنفسى وافكر بصوت عالى

اما انى بقول نبنى على نضافه
فانا فعلا بنعم حبنى على نضافه
تقدرى تقوليلى لو قلنا لا ايه العقد
اللى تضمنيه من الجيش انه يعمل دستور جديد
مبنى على اختيار ناس من الشعب مش ع التعيين ؟؟؟



على رأى ام كلثوم فات المعاد ههههههههه وان فترة النقاش خلاص وفاضل كام ساعة وننزل نقول رائينا بس برضو هرد عليك يا كريم ...
انا اللى فهمتوة من سؤالك هو ان مش مضمون ان الجيش تعين لنا ناس من الشعب عشان يعملوا دستور جديدة فحالة اذا قولت لاء ..يارب أكون فهمت صح


تفكيرك ياكريم بمبدأ التخوين للجيش دة انا من رأى مش منطقى ومن ناحيتى انا برفضة بصراحة قولى لية ...قولتلى لية ههههههههه ....
عشان من بداية ما الجيش تولى المسئولية وهو بينظر على مطالبنا بصورة جدية والدلائل والأمثلة كتيرررررر : استقالة أحمد شفيق ...تعين عصام شرف ...حل أمن الدولة .................. الخ فأقدر أقولك ان الجيش جهة محايدة ومع الشعب مش ضدة

ومع ذلك انت مش واثق ان الجيش ممكن يعمل دستور جديد مبنى على اختيار ناس من الشعب وواثق ان الرئيس اللى هيجى هيعمل دستور جديـــــــد اصلااااا ؟؟؟؟؟؟؟؟؟؟؟؟؟؟؟

اجابتى انا على السؤال دة ...ان فى فرصة ان اغير الدستور اللى مش بيوضح حقوقى واللى مش بيخدم بلدى واللى مش بيوضحلى ان الرئيس موظف عند الدولة ومبيحددليش مهامة واختصاصتة ...دستور فقد شرعيتة بعد ثورة 25 يناير ...يبقى ااقول نعم على تعديلات اية ؟؟؟

واعتقد ان كلنا عايزين دستور جديد بس الفكرة ان اللى بيقول لاء شايف ان دلوقتى فرصة ولازم اصلح من البداية ووجع ساعة ولا كل ساعة وضرورى نستغلها واللى بيقولوا نعم شايفين ان اة الدستور يتغير بس لما الرئيس يحكم ...

فى مثل بيقول " عصفورا فى اليد ولا عشرة على الشجرة " واقولك على حاجة احنا كنا مش مدركين قبل كدة أهمية الدستور لأنة مكنش لى لازمة ومبيخدمناش احنا ..لكن الدستور دة هو كيان الدولة ..مقدرش اقول نعم واعمل مجلس شعب ومجلس شورى واعين رئيس جديد والدستور اللى هو اساس بلدى مش معترفة بى اصلاااااا ..

esraa marey
03-19-2011, 01:10 PM
بصى كدة يا أسراء فى جملة فوق الفيديو انا كتباة " الأشخاص اللى بتقول لاء بتقول لاء لية " مقولتش أحمد حلمى ولا منى زكى ولا رأى المشاهير اية ...انا كان فارق معايا هما بيقولوا لاء لية بغض النظر عن مهنتهم وانهما معروفين او مش معروفين بس مش أكتر
ومقولتش برضو ياسرؤة ان هما دول قدوتى انا فالافكار والقرارت الحمدلله من النوع المستقل ومبتأثرش برأى حد مهما كان ..ومبقولش غير المقتنعة بى ..واتمنى تكون وجهة نظرى وضحت وان الفيديو بيوضح بعض أراء اللى بيقولوا لاء اسبابهم اية ...

فاهمة والله اصدك يا سمارت وعارفة ان انك ماشاء الله تفكيرك كويس جدا وانك مش اصدك بيهم
بس انا اصدى عشان ف بيكولك الى قال لالالالالا متاثر بييهم .......

khaled_teto14
03-19-2011, 01:15 PM
نعم للتعديلات الدستوريه وأنا ذهبت وأخترت نعم للتعديلات حتى نعبر تلك المرحله ونبدأ فى مرحله بناء مصر

وأحترم كل من قال لا للتعديلات الدستوريه

esraa marey
03-19-2011, 01:16 PM
طبعا كلنا روحنا قولنا راينا اين كان ..................
بس بجد انا شخصيا او طلعت من المدرسة حاست انى قلقانة جداااااااااا ع مصر ......مش عشان مش واثقة ف راى
بالعكس انا استخرت ربنا .......ودا خالنى مقتعة براااااااااى مع احترام الر اى الاخر
لا بس انا خايفة جدا من الجاى ..........زساعتها وانا بدعى ياااااااااااارب النتجية الى فيها خير هى الى تكون
يااااااااااااارب احمى مصر من كلشر ومن الفتن يااااااااااارب اقدم الى فيه لمصر
يااااااايت بالله عليكم كلنا ندعى بان ربنا يقدم الى فيه خير لمصر
ويهدينا ف الجاى لراى الصواااب

smart girl
03-19-2011, 07:56 PM
1267

KAREEM
03-22-2011, 09:04 PM
نعم للتعديلات الدستورية
من اجل ان نعبر مرحلة الفراغ الى مرحلة البناء



والله يا دكتور أراااااهنك ان حضرتك قلت لا
ههههههههههههههههههههههههه
عينى فى عينك كدا

KAREEM
03-22-2011, 09:07 PM
بصى كدة يا أسراء فى جملة فوق الفيديو انا كتباة " الأشخاص اللى بتقول لاء بتقول لاء لية " مقولتش أحمد حلمى ولا منى زكى ولا رأى المشاهير اية ...انا كان فارق معايا هما بيقولوا لاء لية بغض النظر عن مهنتهم وانهما معروفين او مش معروفين بس مش أكتر
ومقولتش برضو ياسرؤة ان هما دول قدوتى انا فالافكار والقرارت الحمدلله من النوع المستقل ومبتأثرش برأى حد مهما كان ..ومبقولش غير المقتنعة بى ..واتمنى تكون وجهة نظرى وضحت وان الفيديو بيوضح بعض أراء اللى بيقولوا لاء اسبابهم اية ...


اسراء كانت بتقوللى انا يا سمارت
شكلك كدا شوفتى ردى ع الفيس يا اسراء
صح ههههههههههههههههه

عموما احنا الكسبانيييييين هييييييييه
ههههههههههههههههههههههه

بهذر طبعا
نعم و لا ايد واحده
ولازم نفكر فى حاجه واحده
وهى مصلحه بلدنا أيا كان اختيارنا حتى لو خطأ
حنتحمل مصيرنا كلنا مع بعض

الشعب والشعب ايييييييييييد وااااااااحده :a5: