ازى تبقى رزل فى الكلية

[zoro313]

ازى تبقى رزل فى الكلية


الجزء الاول
فى المدرج

فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر


لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض


استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

اقعد افرك فى الكرسى وقول للى جنبك لو سمحت انا مش عارف اقعد هيروح هو بعيد شويه تقوم انت حاطت رجل على رجل او حط الاسكتش مكانة

لو الدكتور بيحب الاسئلة اقعد ابعت فى اسئلة تافهة كتير لحد لما يزهق

ياسلام لو معاكش قلم استلف عادى من اى حد وهو بيديك القلم بصلة بقرف وامسكة من الطرف وقولة معكش منديل

[Rania Ismail]

حليم انت رزل من غير حاجه يا صديقى
اما بالنسبه للى حيعمل كده ويا سلام لو كان جنبى
هههههههههههههه
يالهوى على اللى حيحصله

[zoro313]

هههههههههههههههههه

[white_heart]

من غير ما تقولى يا رانيا كان المفروض حليم يقول فى الاول كلة الا رانيا علشان الناس تاخد بالها بدل ما تطحن
بس لو واحد عمل معايا كدة دى سميرة صاحبتى تكرهة فى عشتة

[عصام]

هههههههههههههههه
خلاص ياحليم لما اشوفك قاعد فى المحاضره حاجى اعمل معاك كده

[Hassan Mohamed]

ايه يا عم الرخامة اللي انت فيها دي ههههههههههههه

[Ealy]

looooooooooooooooooooooool
mwdo3 sheded al 7amdo lelah al wa7ed 5las kolia 2bl ma 7d y3ml m3ah keda

[zoro313]

شكرا للردود

[zoro313]

الجزء التانى

يوم رزل فى شئون الطلبة

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص

لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن

وبكده يبقى أنت مارست هوايتك وقضيت يوم رذل



فى انتظار الجزء التالت

[sameh gamal]

والله انت فقر ياابنى انت عاوزنا نطلع من الكليه على نقاله
ههههههههههههههههههههههههههه
بس حلوة وتسلم ايدك

[zoro313]

ربنا يخليك يا سامح

[اسامه البنا]

تعرف يا باشا انت مش هتهدي غير ما بتاع الشؤن يخدك يسلمك في القسم
بتاع باب شرقي اصله اقرب قسم لينا


بصراحه موضوع جامد جدا

[zoro313]

ههههههههههههههه
مش هيقدر علشان هيكون اتشل

[ahmedko]

الله ينور يا جليم
على فكرة الموضوع دة هيكون لذيذ اكتر لو شخصيتين من دول وقعوا مع بعض
تخيل مثلا الناس اللى حواليهم حيكونوا عاملين ازاى

[zoro313]

ههههههههههههههه
البلد تخرب

[bosy]

هههههههههههههههههه
يااااااا لهووووووووووووووووى لو حد كده يقعد جانبى
ده انا اخليه يعيط و يكره اليوم الى اتولد فيه
وكمان اليوم الى قعد جانبى فيه

[zoro313]

الجزء الثالث

فى الكافيه
فى الكلية هتقابل صاحبك وهتقعدوا على أى كافيه

هيجى الجارسون سيب صحبك يطلب الأول وبعدين استلم الجارسون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه


وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى

[bosy]

ههههههههههههههههههههههه
ده ممكن الراجل يقوم يضربنى بالتربيزه على دماغى
ايه بس الرزاله دى كلها

[zoro313]

اى خدمه يا بوسى انتى تؤمرى

[IsLaMiC GirL]

ههههههههههههههههههههههه ياا نهار رخامة اية ياابنى دة بس

دة شلل شلل يعنى بوسى اية رأيك هبقى اطبقها فيكى الحكاية دى الله هيبقى شكلك حلوة اوى يا سلاااااااااااااااااام

بس تصدق يا حليم فوكيرة حلوة والله بقى لو الحد التانى دة رخم هوة كمان يالهوى عاللى هيحصل الكلية ممكن تتقفل وتتحول مستشفى

[bosy]

يا مساء الرخامه كلها
بلاش انتى طيب دى لو اتعملت فيكى هطلعك من بين التربيزه
يا لهوى على شكلك
مالطول بينفع برده

[IsLaMiC GirL]

اوبىىىىىىىىىىى يالله انتى بتكلمى مين بالضبط

دانا هوريكى بكرة ان شاء الله يومك هيبقى الوان بس لما اشوفك

متقولش البت عمود متنقل وبس بقى لينا كلية نتكلم فيها

ماشى ماشى

[bosy]

هههههههههههههههههههههههه

لما نشوف يا ست الطويله هتعملى ايه


وهبقى اعزملك القسم كله يتفرج وانتى عرفه طبعا

[الشبح]

يا واد يا حليم يا جامد

وربنا من غير ما تقول بشل كل الكافيهات

بس بخمه دم مش براده ياض

ههههههههههههههه

بس وربنا حلوه بتاعه المحاضره دي هبقى اجربها بكره

[zoro313]

انا مش مليش دعوه لو حد طبق الكلام ده مع حد
هههههههههه

[magdysa3ed]

ايه يا كل الرزاله ديه الشخص اللى هايعمل كده هايبقى فظيع ايه ده

بس تعرف فكره جامده موت

[zoro313]

شكرا ليك يا مجدى

[سلمي جمال]

دية مش رزالة بس دية رزالة باستفزاز

[kiky younes]

صباح الرزالة بجد لو حد عمل كدة مش عارفة هاعمل فية اية

[kiky younes]

بوسى يعنى مش من طولك اوى
وسيبى العواميد فى حالها

[bosy]

طب يا كيكى انتى ليه زعلانه
وايه جاب سيرت العواميد دلوقتى
سيبى كل حاجه مكانها لو سمحتى هههههههههههههه

[Rania Ismail]

اوانت تفتكر بعد الى انت قولته اللى حيعمل كده ممكن يدخلوه اساسا من باب الكليه

[zoro313]

ممكن بس يوقفوا جنب الحرس ويرفع ايده فوق علشان يبقى عبره
هههههههههههههه

[Youssef Mostafa]

على فكرة هو دة المطلوب فى الكلية الايام دى

[عز الرجال]

على فكر الموضوع جميل جداااااااااااااااااااااااا بس اسلوب مقررة اللجنة الاجتماعية رغم جدااااااااااااااااااااااولااكن فى الفصل وهىالاستاذوعلى فكرة لو اخد حياتك كلها بالشكل دةعتتعبى كتير فيها ودى مجرد وجهة نظر

[Youssef Mostafa]

هى رانيا اكيد بتهزر

[محمد منصور]

انا اتخنقت من الكلية .......من قراءة الكلام فقط ........وححول اجتماع بكرة.........هههههههههههههههه

[Rania Ismail]

على فكر الموضوع جميل جداااااااااااااااااااااااا بس اسلوب مقررة اللجنة الاجتماعية رغم جدااااااااااااااااااااااولااكن فى الفصل وهىالاستاذوعلى فكرة لو اخد حياتك كلها بالشكل دةعتتعبى كتير فيها ودى مجرد وجهة نظر


ايه بقى اللى مش عاجبك فى اسلوبى يا استاذ عز ؟

[Zooma]

انتى بتقولى عز
يبقى انتى ايلى قتلتى باباياااااااااااااااااااااااا
:D:D:D:D:D:D:D

يا رينو انتى اسلوبك زى الفل وكله هزار واحنا واخدين عليه
بس تلاقى عز الرجال اول مرة بس يدخل وشاف كده

وبالنسبه للموضوع يا حولوم جاااااااااامد جدا
تسلم يا باشا

[Rania Ismail]

مش فاهمه انا اساسا موجهتلوش اى نوع من انواع الكلام علشان يتكلم
وعلى العموم انا مش بجبرك انك تعجب باسلوبى ده رائيك وانت حر فيه واحتفظ بيه لنفسك يا ستاذ عز

[farida]

سيب عز دلوقتي اسمع كلامي اناهههههه . يابني ديه مش حتبقي رزالة بس ديه رزالة و استفزاز و انا لو عملت كدة مع الي جمبي بعد المحاضرة حيقوم يقتلني انت عايز تموتنا؟ هههههههههه. بس بجد فكرة جامدة طحن

[Youssef Mostafa]

ايه يارانيا الكلام اخد وعطا عيييب انا قولتلك ايه نعامل الضيوف احسن من كدة.....هههههههههه

[Mahro]

ههههههههههههه بجد زورو امياز ويا ريتك يا معلم كنت عاصرت جيل نص دستة اشرار كنت كتبت الف توبيك على فكره انا بموووووووووت فى حاجه اسمها رخامه بس لازم تنتهى بالأسف لو كانت لحد بتحبه يعنى تطيب خاطره .بص يا معلم احنا مره رخمنا على استاذتنا المشكله / س.. فى سكشن الأستشعار قالت عاوزه الكمبيوتر روحنا جبنا الكمبيوتر .بروجكتور جبنا البروجكتور احضروا لأ _ هكتبكوا غياب _ ربنا يهديكى لآ _ طيب حضرنا _ طبعا قاعدين ورا والباب مفتوح ولا فاهمين حاجه مرئيه وفضائيه وبلاوى مداريه كل شويه نزاولها ونبص بره كلنا _تطلع من الباب الى عندها متلاقيش حاجه _ شويه وجم احمد عطيه ومصطفى ( عاشق الرومانسيه ) وضياء ..يرسموا الخريطه بره قصدنا طبعا دى بقى باقى برتيتة الكعبله وهى بقى تلاقى صوت ( اتفضل.. ربنا يخليك ياغالى وكده) اديرت هيه بقى محمود هطلعك بس .. ميسره هطلعك بره ..باسم لم الدور انتو عارفينها بقى _ شويه واضرب عليا حاجه مضروبه بأستك..وطبعاً الضحك كله جاى من بره .. اه شكلى وحش .. قمت يا معلم محضر الورق وعقب الجاير وطلعت والله من غير متشوفنى سرقت استك منهم ودخلت وعينك ماتشوف الا النور بدات حرب طرواده وطبعاً نص الى كان بيضرب علينا بيجى فى الى قاعدين .. س بتلف لاقت ( ميسره) مخبى نفسه ورا كورسى من الضرب .. قامت قالتله اده انت بتستهبل ايه ده اطلع برا .. قالها لأ مش طالع وسخن الحوار .. نقوله ياميسره قصر واطلع بره ..لأ طلعت والله بره تجرى ولاكن ابو رجل مسلوخه بيجرى وراها وتقوله والله لأوريك فبيقولى هيا راحت فين بصيت وقولتله ولا دى جايبه شومه وجايه علينا طبعاً والسكشن كله هاته من الأرض من الضحك... لاقينها جايه وجايبه معاها حماده بتاع البوفيه وتقوله طلعه بره ...
خلصنا الموضوع بالعافيه عشان ميوصلش لحد تانى وصالحناها اصل هيا بصراحه كانت جدعه معانا اوى وليها جمايل عليا ياريت اقدر اردها لها بس كان حتت يوم منهم لله بقى احمد ومصطفى وضياء هما السبب .

ودى بقى حاجه من المصايب الى كنا بنعملها _ ده غير كل يومين فى مكتب من مكاتب الدكاتره ...انا طولت عليكم بس الموضوع فكرنى بأياااااااام يااااااه
قبل بقى المسؤليه ومشاكل مابعد التخرج .

[Rania Ismail]

محمود
انا عارفه مين (س) ديه

[Mahro]

اوك رانيا وكمان (ديه ) سيحتى سكتم بكتم بقى...هههههههه انا راجع تانى القسم ومش عاوز لخبطه انا ربنا هدانى ونص الشله اتسرحت بس كتير منهم فى الدبلومه معاكم بس طبعاً مفتقدين مايسترو انا الحمد لله كنت ممكن اضحكهم فى المحاضره ببصه .بس خلاص بقى الجيش هدنى والله ( كله طلع على اخوكى والله يا رانيا ).بس اوعوا تسيحوا دى بجد غاليه عليه اوى والله .