المساعد الشخصي الرقمي

مشاهدة النسخة كاملة : عشرين حجة و حجة بيقلها 95% من الشباب للبنات



AYMAN GAMAL
09-17-2008, 04:11 PM
1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
------------------------------------
عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها
----------------------------------------
1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

=================================

يا جماعه انا مش مقًلف الكلام ده ومش سارقه,
الكلام ده كل الشباب بيقولوه فى الى بيقولوا بجد وفيه الى بيضحك بيه عالبنات انا بس مجمع شويه جمل و كاتب التعليقات من دماغى ومش مشكله خالص ان علشان انا ولد يبقى مانتقدش الولاد
و الجروب ده اولا للضحك وثانيا للضحك لتوصيل فكرة بطريقه لذيذة ومش معنى كده ان كل الولاد وحشين وان كل البنات ملايكه وده كمان مش يدى الحق للبنات انها تشتم الولاد وبعدين فى شباب كتير بتقول كده بجد وبتحس الكلام ده بجد وبتكون صادقه مش كله بيكدب فى 5% صادقين واكيد اكتر بكتير قوى انا بهزر... احنا
بنهدى نفوس بس مش اكتر

Hassan Mohamed
09-18-2008, 08:36 PM
هههههههههههههه لاتعليق

shimo
09-19-2008, 02:00 AM
هههههههههههههههههههههههههههههه مستر ايمن هو انت بتعمل كدا زى الولد الوحش اللى فوق دا اللى بتحكى عنه ؟؟؟؟؟؟؟؟؟؟؟

AYMAN GAMAL
09-19-2008, 01:36 PM
هههههههههههههههههههههههههههههه مستر ايمن هو انت بتعمل كدا زى الولد الوحش اللى فوق دا اللى بتحكى عنه ؟؟؟؟؟؟؟؟؟؟؟


هههههههههههههههههههههههههه

اية الاحراج دة
دة انا غلباااااااااااااااااااااااااااااااااان

eslam mamdouh
09-19-2008, 01:43 PM
da akyd anta ya ayman bbtkalem an nafsk



ha ha ha

AYMAN GAMAL
09-19-2008, 01:55 PM
da akyd anta ya ayman bbtkalem an nafsk



ha ha ha

هههههههههههههههههههههههههههههههههه

انا تعرف عني كدة

4

Wild_Angel
09-19-2008, 10:13 PM
شوية اقتباسات من موضوعك باشمهندس ايمن حبيت القى عليهم الضوء مع انهم كلهم عاجبنى

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)


1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض

)8-هكلم باباكى اول ماكًون نفسى
(موووووووووووت يا حمااااااااااار)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان ) والله عندك حق

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

ملهاااااااااااااااااااااااش حل

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

احلى جمله لانها فكرتنى بفيلم عوكل اللى بحبه

ربنا يهدى الشباب جميعا

AYMAN GAMAL
09-20-2008, 05:47 PM
ربنا يهدى الشباب جميعا


على فكرة يا انسةWild Angel ياللي مش عايزة تقوليلنا اسمك
شبابنا لسة بخير
انا بتكلم عن 95%
لسة فية 5% مالهمش حل
هههههههههههههههههههههههههههههههههههههههه
ربنا يستر

Surveyor 2007
09-27-2008, 10:20 AM
حببتي كل حاجه في الدنيا تهون طلاما احنا لسه مع بعض
حلوه اوي

Rania Ismail
09-29-2008, 01:08 AM
جامد الموضوع يا ايمن وتحس يا اخى ان الولاد بيغنو على البنات بفن اى والله بيختارو الكوبليهات بمزاج
بس بجد موضوع حلو يا ايمن

احمد عبد الحليم
09-30-2008, 06:24 PM
ههههههههههههههههههههههههه
ليه كدة بس يا عم ايمن الاحراج دة ان الله حليم ستار يا سيدى

zoro313
10-01-2008, 02:30 PM
حضرتك كده عرفتهم على كل حاجه
ينفع كده تقطع علينا
نكلم ازى بعد كده
هههههههههههههههههههههههههههه

Rania Ismail
10-01-2008, 04:44 PM
هو ده اللى انتو فالحين فيه الكلام وبس لكن الفعل لاء مفيش

AYMAN GAMAL
10-11-2008, 11:36 PM
كل يغني على ليلاه

ههههههههههههههههههههههههههه

مى الشورى
12-02-2008, 09:47 PM
وليه كل يغنى على ليلاه
اكيد ليلاه ده لو كانت اخته
مكنش هيحب يحصل لها كده
وعلى العموم شكرا ليك يا باشمهندس
على التوعيه الجميله دى

Ealy
12-02-2008, 10:21 PM
mwdooooooooo3 7lw 2wyy

Nhla147
12-02-2008, 10:24 PM
ايه الموضوع الجميل دا يا بشمهندس

بس انت كده فضحت الولاد
ومش هيلاقوا حجه تاني يقولوها
لان معظم او غالبية حججهم الفاضيه انكشفت

ربنا يستر بقى عليهم ومحدش من البنات يقرا الموضوع دا اكتر من كده
هههههههههههه

مشكووووووووووووووور يا بشمهندس ايمن

أختـــــــ نهله ـــــــك

A@E
12-03-2008, 01:30 PM
هههههههههههه
انت بتقطع على الشباب كدة لية وتلقيك اولهم

dalia ahmed attia
12-04-2008, 01:55 AM
موضوع جامد جداااااااا
حلو اوى

Night Moon
12-11-2009, 11:40 AM
ههههههههههههه التوبك تحفة واحسن جمل بقي دول

حبيبتى عايز صورتك عشان قبل مانام اشاهد فى جمالك واحطها تحت المخده
- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

هههههههههههههههه بجد تحفة يعني

salma elsayed
12-11-2009, 03:45 PM
هههههههههههههههههههههههه
حلوة اوى يا استاذ ايمن بس هما بيعرفوا يالفوا الكلام ده ازاى؟؟؟هما مواراهمش شغلانة غير الضحك ع البنات والله البنات دول مساكين ومكسورين الجناح..ربنا يهدى شبابنا

ساره احمد عبد الفتاح
12-12-2009, 03:25 PM
هههههههههههههه
حلو اوى الموضوع ده
بس هما ليه مش بيقولوا الصراحة من الاول؟؟؟؟؟؟؟

shorouk elzoghbi
12-12-2009, 04:34 PM
محدش بيعرف اللى فى ضمير الناس الا و هو اصلا بيعمل كدة يعنى قصدى(انت عرفت ازاى اللى فى ضميرة؟) lol