المساعد الشخصي الرقمي

مشاهدة النسخة كاملة : ذكريات مشروع التخرج " مواقف لا تنسى "



KAREEM
04-17-2011, 07:12 AM
اولا حمد لله على سلامتنا جميعا
من سيوه ومطروح بالنسبه لانتظام
وبالنسبه لانتساب حمد لله على سلامتكو
حديثا من بورسعيد ومحافظات القنال وغيرها

وعؤبال ما شعبة مساحة يطلعو المشروع ويجو
احب اعمل الموضوع دا اللى فكرته تتلخص فى
عمل ارشيف من الذكريات بالمواقف الجامده اللى حصلت
فى المشاريع سواء نظم او مساحه سواء انتظام او انتساب

وكل واحد حيخش يكتب الموقف وفى الاخر يختمو بكلمه واحده بس

2011 احنا الاصل والباقى تقليد

تمااااام ؟؟؟؟

باذن الله حبدأ انا بأول مواقفى اللى حصلت معانا فى اول مشاركه قادمه

فلنبدأ على بركة الله

KAREEM
04-17-2011, 07:22 AM
من المواقف التى لا تنسى بالنسبه لى
واعتقد بالنسبه لناس كتير فى الدفعه

يوم فى مطروح دكتور محمد قال انو
حيقفل باب العماره بتاعة الشباب من
الســــ 10.30 ـــاعه !!!!
طبعا الكلام دا ميمشيش معانا
وبالفعل عقبال ما اتغدينا واتمهمزنا
واتمشينا ع الكورنيش شويه
ووصلنا البيت الساعه 11
عايزين نطلع والباب مقفول
وكمان باب العماره من جوا مقفول
وبعديييييين

جالك المعلم الكبير قااااااسم راح ناطط من
فوق الباب الاولانى ودخل لف كان حيخش
لوحدو بيحسب باب العماره مقفول فراح
يصحى البواب عشان يجيب منو المفتاح
المهم المعلم لف لفته والبواب جيه فتح لنا
رحنا واصلين من الطرقه لحد جوا وعايزين نطلع بقى
واحده واحده من باب العماره مع العلم ان الدكتور
كان واخد اول شقة فى اول دور
رحت لقيت لك الجزم اتقلعت والكل طالع يزحف
ع السلم وكلنا فى نفس واحد بنضحك وماسكين
الضحككككككه بالعااااافيه وكل واحد يعدى على شقته
يلاقى صحابه مستنينو وفاتحين لو بعد ما شافونا من البلاكونات طبعا
ودخلنا ميتيييييييين وانفجرنا بقى من الضحك

الموقف قد يكون عادى للى يسمعو
بس اللى حصل الموقف دا
حيقول بجد انو

مووووووقف لاااااا ينســــــــــى

2011
احنا الأصل والباقى تقليد


والبقيه تأتى

mon ange
04-17-2011, 03:12 PM
مواقف كتير حلوة
موقف جابر معايا ... من بدايه الرحله كل ما امشى ويوشفنى يقولى صورينى علشان الكاميرا بتاعته الريسوليشن بتاعها مش كويس وعادى كنت بصوره مفيش اى مشكله وكل يوم يسألنى ع الفلاشه كنت اقوله هظبطهالك واجيبها يقولى مش بتاعتى كنت اقوله ملكش حاجه عندى واثبت ان ليك حاجه
جه اكتر من مرة يطلبها اخر مرة طلبها ف الاتوبيس وكان طبعا الدكتور قاعد قدامى واستاذ سامى ومدام تيسير تقريبا ويقولى هاتى الفلاشه اقوله مفيش فلاشه يقولى طيب هقبالك انهارده وتديهالى اقوله اقابل مين بس يا ابنى يقولى اقابلك طيب هاتى رقمك اقوله لا ... يرد يقولى على فكرة انا مرتبط وخلاص عماله اضحك ... راح سكت خالص وعلى صوته اوى على فكرة لو مجبتيش الفلاشه انهارده هخطفك بجد انا ضحكت وقلتله تخطف مين يا ابنى انت قاللى اخطفك انتى ... بجد مشكله وضحكنا كتير وليه مواقف معانا اكتر من كده بصراحه
دفعه 2011 احنا الاصل والباقى تقليييييييييييد mahawy

KAREEM
04-17-2011, 08:16 PM
ههههههههههههههههههههههههههه
الله ينور يا مها
زى ما قلت قبل كدا
جابر فاكهة الدفعه
ولا ينكر ذلك الا حاقد

وتستمر المواقف
انتظروا منى موقف جديد
اللييييييييله
جااااااامد جداااااااااا

الدينمو
04-21-2011, 06:07 PM
أنا بقا يا جماعة أجمد موقف حصل معايا كان في سيوة ....
أنا كنت من ضمن المجموعة الموجودين في فندق كليوباترا ..
المهم كان تاني يوم لينا الصبح أنا صحيت بدري و جهزت حالي
و رحت علي الأودة اللي جمبي إللي فيها قاسم و محمد السيد و صالح
و قمت مخبط عليهم فتح لي قاسم صبحت عليه و دخلت لقيت محمد السيد نايم
لسه و متغطي قمت مغلس عليه و مسكته من رجليه الاتنين
و زي ما تقول بنفض سجادة من البلكونة و قمت منفضة مرتين ورا بعض
و راح جه المعلم الكبير غفران ( سنيكا الأكبر ) اللي بايت معايا في الأودة
و راح ماسك السرير كله و رفعه بيه و قعد ينفضه برضه قام الواد منطور
و راح طبعاً عطانا طريحة و قال : ( صبركو عليا ) .....
المهم عدا النهار ...
و الليل دخل و جينا ننام و كنا اليوم دا تعبنا جامد أوي
المهم
نمت أنا الساعة 11 و نص و محستش بالدنيا
جت الساعة واحدة و نص بالليل ألاقي تليفوني بيرن
أرد عليه و أنا نايم : ألو ... يرد عليا : إيه اللي منيمك قوم .... أقوم قافل في وشه
يروح متصل تاني أكتر من 20 مرة و بقيت خلاص علي آخري
و رحت عملت التليفون صامت و حطيتو علي الكوميدينو ما بين السريرين
فلما ييجي يتصل بيا التليفون بينور و يطفي فطبعاً مين مقريف من الموضوع و ساكت
( غفران )
فكان التليفون كل ما يرن يخلي الأودة
تنور و تضلم ..
تنور و تضلم ..
تنور و تضلم ..
راح غفران قايم و قاللي : كسر أم التليفون دا مش عارف أنام في جو الفلاشات و الاستوديوهات دا
.... المهم .....
روحت قفلت الموبايل و نمنا مفيش شوية و نلاقي اللي رزع الباب و قال : افتحوااااااااااااااا ...
و استلموا السكن كله بما فيها أودة الاستاذ سامي و محمود كامل ...
و بعد شوية تانيين علي الساعة 3 بالليل و لقيت قاسم طالبة معاه يقعد ينادي علي ( مجدي )
قاسم : أمجديييييييييي .... أمجدييييييييييييي ..... أمجدييييييييييييييي
و كإنه واقف تحت بيتهم و ينادي بصوت عالي ...
مع العلم إن مجدي اللي بينادي عليه دا في الأودة اللي جمبه
راح طلعله أستاذ سامي و قاله : اللي بيدور علي مجدي دا ينام ..
الله يخرب بيوتكو عايزين نصحي بدري نجيبلكو الفطار الصبح !!!
.................... و بعديها هدأ الموضوع ...........................
بس كانت ليلة في سيوة مالهاش حل .......
بجد بجد بجد نفسي تتعوض تاني

دفعة 2011
احنا الأصل و الباقي تقليد


كريم حسانين

ضوء القمر
04-21-2011, 06:49 PM
هههههههه لا بصرااااحة مواقف تحفة والله يا كريم شوقتوني لسنة رابعة وحلو قوي موقف الرزالة بتاع صحابك يا (دينمو) ويالا بقي كملوا الباقي...... (((ربنا يوفقكواااااااااا)))

KAREEM
04-22-2011, 01:06 PM
هههههههههههههههههههههههههههه
كمل يا كيمو كمل
دا انت معاك غفران فى الاوضه
على سن وأومح
احنا كنا بننام من الساعه 12

انا يوم ما كنت بسهر ع اللاب لوحدى
كان اخرى 2 بالكتير 3

الدينمو
04-22-2011, 02:56 PM
لا دا أنا و غفران كنا بنام بدري يعني مفيش غير يوم واحد هو اللي سهرنا فيه

KAREEM
04-22-2011, 04:13 PM
احد المقالب فى المعلم مختار

http://www.youtube.com/watch?v=w5psE5L60T0

KAREEM
04-22-2011, 04:32 PM
من المواقف التى لا تنسى بمطروح أيضا
واهم المواقف التى غيرت مسار الرحله

لما كنا عاملين ليلة فى شفتنا وجايبين
سبوفر وشغالين رقص على عينك
وراح طالع لنا الدكتور جرى بالبيجامه
وراح شايل الفيشه وراح مزعق كلو طلع يجرى
كان فى حوالى 40 طالب فى الاوضه
متبقاش منهم غير 5 وفى منهم ناس مش معانا فى الشقة
وناس اصلا معانا فى الشقه هربوا مع باقى الناس
ولما سألهم انتو معاهم هنا فى الشقه قالو لو اه
ههههههههههههههههههههههههههه

المهم ان الدكتور سابننا ننام وتانى يوم الصبح
احنا كنا ناويين منسكتش عاللى حصل لان
كان فى خروج عن النص حصل فى الموضوع

بدون الخوض فى الكلام الموضوع انتهى
ولكن يبقى الموقف اللى خلانا فصلنا ضحك
بعد ما الدكتور خرج بحوالى 10 دقايق
لقينا باب اوضة النوم بيتفتح وحد طالع بيتسحب
مين الحد دا ؟َ؟!؟ واحد طالع زى اللمبى بالظبط
فى فيلم اللى بالى بالك وهو هربان من السجن

المهم دا طالع وماسك لا مؤاخذه تييييييت ( حذفت للرقابه )
فى ايدو وطالع بيقول هو فييييين ؟؟؟؟ ههههههههههههه

المهم ان هو هو دا نفس الشخص اللى كان واقف بيرقص
بالتييييييييت فى وسط الاوضه

الدينمو
05-01-2011, 10:40 PM
هههههههههههههههههههههههههههههههههههههههههههههههههه
كان يوم مالوش حل بتاع الحفلة اللي في شقة كيمو .... كانوا قاعدين يقولولي تعالي دا حيفوتك نص عمرك .... بس ربنا ستر كنت أنا تعبان و قاعد في شقتي فوق و بعد شوية لقيتهم طالعين يشدوا في ديل بعض و فاصلين ضحك .....

كانت أيام مالهاش حل ...


دفعة 2011 إحنا الأصل و الباقي تقليد

mohamed ortega
05-05-2011, 01:19 PM
أنا بقا يا جماعة أجمد موقف حصل معايا كان في سيوة ....
أنا كنت من ضمن المجموعة الموجودين في فندق كليوباترا ..
المهم كان تاني يوم لينا الصبح أنا صحيت بدري و جهزت حالي
و رحت علي الأودة اللي جمبي إللي فيها قاسم و محمد السيد و صالح
و قمت مخبط عليهم فتح لي قاسم صبحت عليه و دخلت لقيت محمد السيد نايم
لسه و متغطي قمت مغلس عليه و مسكته من رجليه الاتنين
و زي ما تقول بنفض سجادة من البلكونة و قمت منفضة مرتين ورا بعض
و راح جه المعلم الكبير غفران ( سنيكا الأكبر ) اللي بايت معايا في الأودة
و راح ماسك السرير كله و رفعه بيه و قعد ينفضه برضه قام الواد منطور
و راح طبعاً عطانا طريحة و قال : ( صبركو عليا ) .....
المهم عدا النهار ...
و الليل دخل و جينا ننام و كنا اليوم دا تعبنا جامد أوي
المهم
نمت أنا الساعة 11 و نص و محستش بالدنيا
جت الساعة واحدة و نص بالليل ألاقي تليفوني بيرن
أرد عليه و أنا نايم : ألو ... يرد عليا : إيه اللي منيمك قوم .... أقوم قافل في وشه
يروح متصل تاني أكتر من 20 مرة و بقيت خلاص علي آخري
و رحت عملت التليفون صامت و حطيتو علي الكوميدينو ما بين السريرين
فلما ييجي يتصل بيا التليفون بينور و يطفي فطبعاً مين مقريف من الموضوع و ساكت
( غفران )
فكان التليفون كل ما يرن يخلي الأودة
تنور و تضلم ..
تنور و تضلم ..
تنور و تضلم ..
راح غفران قايم و قاللي : كسر أم التليفون دا مش عارف أنام في جو الفلاشات و الاستوديوهات دا
.... المهم .....
روحت قفلت الموبايل و نمنا مفيش شوية و نلاقي اللي رزع الباب و قال : افتحوااااااااااااااا ...
و استلموا السكن كله بما فيها أودة الاستاذ سامي و محمود كامل ...
و بعد شوية تانيين علي الساعة 3 بالليل و لقيت قاسم طالبة معاه يقعد ينادي علي ( مجدي )
قاسم : أمجديييييييييي .... أمجدييييييييييييي ..... أمجدييييييييييييييي
و كإنه واقف تحت بيتهم و ينادي بصوت عالي ...
مع العلم إن مجدي اللي بينادي عليه دا في الأودة اللي جمبه
راح طلعله أستاذ سامي و قاله : اللي بيدور علي مجدي دا ينام ..
الله يخرب بيوتكو عايزين نصحي بدري نجيبلكو الفطار الصبح !!!
.................... و بعديها هدأ الموضوع ...........................
بس كانت ليلة في سيوة مالهاش حل .......
بجد بجد بجد نفسي تتعوض تاني

دفعة 2011
احنا الأصل و الباقي تقليد


كريم حسانين



ههههههههههههههههههههههههههه
كان يوم جامد اوي ياكيمو بس اخدت حقي منك اخر اليوم
ايام متتعوضش وربنا
كانت ايام جميلة يارب ترجع تاني

Horiaa Swedan
05-08-2011, 08:49 PM
بصوا بقى من احلى المواقف اللى حضرتها ومعلمه معايا غير يوم جبل الدكرور طبعا

واحنا فى سيوه يوم الدكرور بليل ابله تيسير قالت حتخدنا بعد اذن دكتور ممدوح وودتنا بيت صاحب الفندق عند مراته وبناته نقعد معاهم ونرسم حنه

طبعا انا يومها كنت مدمره فالبنات طلعوا جبونى ونزلنا كلنا بنات فندق عروس الواحه بس

واول مرحنا قدملنا حاجه سقعه فابله تيسير نصحه قالتلنا عشان المنظر العام كل واحده تاخد بق واحد حفاظا على سلامه الجميع

طبعا فى بنات خافت ومشربتش حاجه وفى بنات التزمت بالتعليمات واخدت بق واحد

المهم قعدنا غنينه ورقصنه وطلعولنا الهدوم السيويه اللى عندهم وفى نص الوقت لقينا ابله تيسير شربت الحاجه السقعه بتعتها وبتشرب فالمشروب التانى شاى

كل البنات فصلت ضحك طبعا لحد مروحنا

كان من احلى الايام واحلى المواقف

philosopher_live
05-14-2011, 06:25 PM
ذكريات حلوة مش ممكن تتنسي لينا كلنا خصوصا وقفت طبور العيش الصبح و150 فلافلاية بتوع كل يوم واشراف العجل بتاع سيوة وربنا يوفقكم كلكم

KAREEM
05-16-2011, 12:30 AM
ههههههههههههههههههههههه
انت حتقوللى يا استاذ محمود
على طابور العيش
بس فى سيوه كان ارحم من
مطرووووح بكتييييير
خصوصا ان اهل سيوه طيبين جدااا
على عكس الليبين والناس العجيبه
اللى كانت فى عجيبه فى مطروح :d

وجود حضرتك فرق والله فى المشروع
أسعدتنا وفدتنا وامتعتنا
جزاك الله عنا كل خير