المساعد الشخصي الرقمي

مشاهدة النسخة كاملة : عقــول جاهلة في زمن المعـــرفة



Mimi
09-17-2008, 10:26 PM
عقول جاهلة في زمن المعرفة

اللي بيصلي لمجرد انه ورث الصلاة أب عن جد

حفظ الحركات بتاعة الصلاة بدون ما يعرف هو كدا بيأديها على أكمل وجه ولا لاء

او كم مرة سبح في الركوع والسجود .. او حتى مجربش يسال ليه الفجر ركعتين والعشا اربع ركعات ...


عقول جاهلة في زمن المعرفة

دا اللي مش بيصلي الا برمضان

وكأن في آية او حديث بيحثنا ع الصلاة بس في رمضان !!


عقول جاهلة في زمن المعرفة

اللي بيقضي من عمره 20 او 30 سنة في التعليم

وفي الآخر يتخرج ومعاه " شهادة توظيف " بدون

ما يعرف ايه الفرق بين النبي والرسول والفرق بين " ص " و " ض "

وبدون ما يعرف ليه بنكتب " لكن " كدا ومش بنكتبها كدا " لاكن "

وبدون ما يعرف ان ( 7 | 3 ) عملية حسابية نتيجتها دايما غلط !!


عقول جاهلة في زمن المعرفة

هو اللي بيشتغل كل يوم 8 ساعات وبيقبض راتبه اخر الشهر

بدون ما يعرف هو ليه في الوظيفة دي ومفروض يعمل ايه بالضبط

وعشان مين بيصرف الوقت والجهد دا كله !!


عقول جاهلة في زمن المعرفة

هو اللي بيؤمن ان افشاء السلام وزيارة المريض

ومساعدة المحتاج واكرام الضيف وزيارة الارحام

مش حاجة الا من مورثات العادات والتقاليد

بدون ما يسال نفسه ليه بيعمل كل دا بدون مقابل !!


عقول جاهلة في زمن المعرفة

اللي بيملي بطنه ويشبع شهوة جوعه

من غير ما يعرف هو ليه بياكل وبدون ما يعمل حساب

للفلوس اللي بيدخرها للاكل بس !! هو عايش عشان ياكل بس

وميعرفش ان في غيره بياكلو عشان يعيشو !!


عقول جاهلة في زمن المعرفة

دا اللي بيكمل نص دينه زي ما بيقولو ويتجوز

عشان يقولولو يا أبو فلان زي اللي سبقوه فهو مش اقل منهم

او عشان يبقى عنده بدل بطاقة حساب واحدة بطاقتين بتاعة المدام طبعا

ونسي انه أقسم بالله على حسن العشرة وجميل الصحبة معها

ومفهمش ليه الزواج يساوي نص الدين ؟!!!


عقول جاهلة في زمن المعرفة:(

اي واحد بيمسك قلم او بيتقن الكتابة ع الكيبورد

خلاص بقى شاعر مشهور وكاتب مرمووق ليه الحق ان ينتقد اللي عايزه

ونسي كلام ربنا (( ما يلفظ من قول الا لديه رقيب عتيد ))

ونسي ان مش كل من اتعلم حرف اصبح عالم

وان مش كل عالم يقدر يألف كتاب!!

ميرا مار
09-18-2008, 12:22 AM
الله عليكى
والله موضوع جميييييييل جدا
انا كتير باسرح مع نفسى فى الحاجات دى
وعلى فكرة لو فاكرة لما انا قلت فى موضوعى (تعرف ايه عن نفسك)
ان اللى بينرفزنى هو الغباء والجهل
كان هو دا الجهل اللى انا قصدته
انا متشكرة جدا على الموضوع دا
نور حاجات جوايا

Mimi
09-18-2008, 12:37 AM
أيوووة فعلاآ ..بس دي مش حاجة غريبة في شخصية زيك ياموهاااا

انا والله كل ما بقرأ مشاركاتك ومواضيعك بيزيد اعجابي بيكي أكتر وبعقليتك المتفتحة دي

AYMAN GAMAL
09-18-2008, 12:41 AM
موضوع جامد يا جودي بس انا في رايي انهم عقول تايهة مش جاهلة في الزمن دة

Mohamed Saad Yassin
09-18-2008, 08:37 AM
موضوع متميز
جميل جداً
http://fhab09.jeeran.com/تصفيق.gif
وده حيخلينى ........؟
http://www.friendsoflight.com/pg/data/500/457.jpg
http://fhab09.jeeran.com/تصفيق.gifhttp://fhab09.jeeran.com/تصفيق.gif

eslam mamdouh
09-18-2008, 11:58 AM
موضوع جميل

بس انا رايى ان العقول ده مغيبه بفعل قوى خارجيه قامت بالتاثير على انظمتها الداخليه بهدف عدم امكان العقول ده من تكوين اى نهضه فى المستقبل القريب او البعيد

AYMAN GAMAL
09-18-2008, 05:31 PM
موضوع جميل

بس انا رايى ان العقول ده مغيبه بفعل قوى خارجيه قامت بالتاثير على انظمتها الداخليه بهدف عدم امكان العقول ده من تكوين اى نهضه فى المستقبل القريب او البعيد


اسلام ممدوح حبيبي والله ليك شوقة كبيرة و بعدين اية النور دة كلة

هوة القمر نزل من السما و بيكلمنا كمان

لا لا لا دة كتير عليا خالص

tiger
09-18-2008, 05:35 PM
كلامك جميل ياجودى وعمر ما عقل الأنسان كان غايب هو فى وقت الأنسان بيضطر يعمل أنه مش فاهم حاجه

Mimi
09-18-2008, 06:29 PM
بشكر كل المشاركين ..مهندس أيمن وأستاذ محمد واسلام ممدوح

وانا شايفة ياباشمهندس ان لفظ جاهلة أنسب مع تايهة عشان يبقى مضاد لكامة المعرفة ومعناها أقوى من كلمة تايهة ..اقصد تأثيرها هيبقى مستفز أكتر عشان تبتدي العقول دي تفوق

وبالنسبة ليك ياأستاذ اسلام تعليقك مميز وأنا شايفة ان القوى الخارجية دي مش هيا اللي سيطرت على العقول دي ..لكن تقدر تقول انها اللي حطت نفسها تحت سيطرتها

AYMAN GAMAL
09-18-2008, 06:50 PM
بشكر كل المشاركين ..مهندس أيمن وأستاذ محمد واسلام ممدوح




هههههههههههههههههههههههههه
مش هعترض المرادي
عايزاها جهل نمشيها جهل
عايزاها منجا نمشيها منجا
يا جودي كل اللي بتقولية حلو و بيحلالي

ميرا مار
09-18-2008, 11:08 PM
يا جماعة هى عقول جاهلة يعنى مش عارفة ظلمة لكن اللى تايههة دى حاجة تانية
العقل التايه دة اساسه عارف واتعرض لظروف تاه عن اللى جواه
لكن العقول الجاهلة عندنا كتير .. ومن غير اى تاثيرات خارجية احنا بنتكلم عن اصول تربية وتعليم .. ودى ناقصة كتييير

Wild_Angel
09-24-2008, 01:01 AM
موضوع جميل جدا
بس العيب علينا اننا مش بنقدر نوصل مفاهيمنا و تعليمنا لكل الناس فكل واحد مسئول ولو بقدر صغير عن الجهل الموجود فى الامه كلها

ميرا مار
01-04-2009, 12:50 AM
دا كمان موضوع هايل ..ياريت نتعلم كلنا حاجة منه

abdoitthad
01-04-2009, 11:10 AM
للاسف ان ده وضع كتير من الناس فعلا يطلق عليهم اصحاب العقول الجاهله...

شكرا على الموضوع ......

Zooma
01-11-2009, 02:11 AM
شكرا بجد يا جودى فتحتى عينى على حاجات فعلا
مكنتش حاططها فى دماغى او حتى بفكر فيها
بس بجد انا عايز اجابه على دول

وبدون ما يعرف ليه بنكتب " لكن " كدا ومش بنكتبها كدا " لاكن "؟؟؟؟؟؟؟
ليه الالف اتشالت:D
وبدون ما يعرف ان ( 7 | 3 ) عملية حسابية نتيجتها دايما غلط !!؟؟؟؟؟
ليه بيطلع غلط:D

Mimi
01-11-2009, 03:15 AM
مين قالك اني عندي عقل كامل المعرفة يازوما

يخويا لما اعرف ليه هقولك متخفش هههههههههههههههههههه

بس انا كاتبة النتوبيك ليناااااااا كلنا مش ليكم بس :D

Zooma
01-11-2009, 12:07 PM
هههههههههههههههههه
ماشى يا جودى وانا برضه لو عرفت هاقول

Marwa Mahmoud
01-13-2009, 12:28 PM
بارك الله فيك ياأخى

حقا لقدصدقت القول عقول تسبح فى عالم غامض ينتابه نوع من السطحية الساذجة التى طالما وجدت تترك ورأها اثارها التى يجب ان تمحى .
نحن نعيش فى زمن الكثير لايدرك ماذا يفعل ؟ وأين هو؟ ولماذا يعيش ؟ !!!!!!!!!