المساعد الشخصي الرقمي

مشاهدة النسخة كاملة : اشهر 55جمله بيقولها الاباء



witch evil
11-07-2008, 10:29 PM
ازاي تعرف انك اتربيت في بيت مصري)
>> على مدى سنوات الطفوله والمراهقه يقطع الابن منزل اسرته رايح جاي وهو يستمع للنصائح والتوجيهات نفسها والتوبيخ نفسه بأساليب وجمل ثابته لا تتغير ..حتى اصبحنا بمرور الوقت نحفظها جيدا ونتوقعها (واهالينا يقولوا واحنا نكمل لهم) واسترجاع هذه المقولات "التي لا تسمعها الا في بيت مصري " يعمق محبه اهالينا في القلوب ,ويجعلنا نكتشف كم الهيستريا والقلق والمسئوليه التي تكبدها الاهالي في سبيل ان تقف وانت كبير فخورا برأي الناس فيك "شكله ابن ناس ..ومتربي".


> • مش عايزه اسمع صوت . وفي هذه الجمله تدريبا مبكرا على تقبل الديكتاتوريه التي ستواجها طوال حياتك
>> • تقعد في اول صف قدام السبوره .وهي الجمله تعودك على ان تكون في المقدمه دوما.
>> • لو مش فاهم حاجه ..ارفع ايدك وقول للاستاذ مش فاهم _ما تتكسفش..فاكرين المدرسين زي اللي كانوا على> ايامهم زمان
>> • اللي بيشيل قربه مخرومه بتخر عليه لوحده.
>> • ومالهم كتب الوزاره؟؟؟؟؟>> • بص كويس وانت بتعدي الشارع
>> • ضرب امثله تشجع على الكفاح واشهرها "احد الاقارب اللي كان بيذاكر على لمبه جاز او على نور العامود> في الشارع نجح وخد الدكتوراه وسافر امريكا"
>>> • متتأخرش بعد المدرسه وتقعد تلعب مع اصحابك
>> • افرد ضهرك
>> • مافيش مذاكره على المزيكا ..او..بتذاكر ازاي والبتاع ده شغال جنبك
>> • ماتمشيش حافي في السقعه دي
>> • صليت العصر؟!

>> • اطفي التليفزيون وقوم ذاكر ,او اطفي التليفزيون وقوم خش اوضتك
>> • اوعى تقول لحد هات لي حاجه
>> • بلاش وقفه الشبابيك والبلكونات
>> • كل على مهلك .. وابلع كويس ..وما تاكلش وانت واقف وكل من قدامك
>> • كفايه رغي في التليفونات
>> • ماتقعدش قدام المروحه وانت مستحمي
>> • المسلسل مش هينفعك ..قوم
>> • وانت فاكر احنا مستنين منك حاجه؟!
>> • ما تعليش صوتك
>> • بلاش لعب في الشارع
>> • يا ابني اللي ذاكر ذاكر خلاص ..قوم نام
>> • بلاش لعب بالمقص ..بيجيب الفقر
>> • يابني كلم خالتك العيانه اسأل عليها
>> • اوعى حد غريب يديلك حاجه تاكلها ولا تشربها وتاخدها منه
>> • النوم لحد الضهر بيجيب الفقر
>> • اوعى تكدب عليا تاني مره
>> • لازم تأكل سلطه>> • لو شفت خناقه مالكش دعوه بيها
>> • عيب..لازم تحترم اللي اكبر منك
>> • كلمنا لما توصل
>> • بلاش اكل بره
>> • مالكش دعوه بالسياسه
>> • لو فلحت ابقى تعالى
>> • ماتلبسش القميص على اللحم زي العيال
>> • ياابني انت مسطول ولا ايه
>> • انت فاكرنا نايمين على ودنا ولا ايه؟!
>> • وطي المدعوق ده شويه
>> • قوم اقرأ لك كلمتين ينفعوك
>> • ايه اللا مبالاه والاستهتار اللي انت عايش فيهم دول
>> • انت فاكرنا لاقين الفلوس دي في الشارع
>> • والله ما انت فالح ..وأدي دقني اهه.
>> • ماتتكلمش بصوت عالي في الحمام
>> • ماتنامش غير لما تغسل اسنانك
>> • ما تلزقش في التليفزيون كده..نظرك هيضيع
>> • سلم على عمك كويس يا ولد
>> • يا بني ماحدش بينفع حد في الزمن ده
>> • ما تطلعش ايدك من شباك العربيه
>> • قصه الغريق الكاذب اللي كل مره يقول الحقوني ..لحد ما غرق بجد
>> • ربنا يرزقك بعيل يوريك اللي ورتهوني
>> • التهديدات المخيفه شكلا والكارتونيه مضمونا .. مثل هأقطع ايدك او هأقطع لك لسانك .. اوهدبحك دبح
>> • طلع ايدك من جيبك وانت بتكلمني ....
>> • حول القناه ديه بلاش مسخره وقله ادب
>> • ما تطلعش على الملايه النضيفه ورجليك متوسخه كده
>> • نسيت تأكل ؟نسيت تشرب؟نسيت تقول هاتوا المصروف؟نسيت تعكنن عليا؟
>> • انت فاكر نفسك هتكبر علينا ؟
>> • عايزه ابص الاقيك قدامي دلوقتي فورا
>> • ما تتشقاش في الفسحه وكل سندوتشاتك كلها
>> • آ دي اللي انت فالح فيه


__________________________________________________ _____________________

طبعا مش كل الاهالي بتقول كل الجمل دي
بس اكيد معظمكم سمع منها اربع خمس جمل و يمكن اكتر ؟؟؟


واللى عنده جديد اهله بيقولوه يقول

zoro313
11-07-2008, 10:34 PM
هههههههههههه
عندك حق جمل تنقط

خالد أبوسعده
11-07-2008, 10:35 PM
شكرا ليكى على الموضوع دا

خالد أبوسعده
11-07-2008, 10:35 PM
موضوع جامد فعلا شكرا ليكى


و دى من عندى


اوعى تعمل حاجه غلط بره ((زى السجاير و التزويغ من المدرسة ..الخ))
حتلاقينى ماشى وراك

witch evil
11-07-2008, 11:01 PM
هههههههههههههههههههههههههههههههههههههههههههههههههه ههههه

ميرسى يا جماعه

bosy
11-08-2008, 08:33 PM
ههههههههههههههههههههههههه
ميرسى يا حوريه انك فكرتينى هنا كمان بالكلام ده
ده انا زهقت منه
تقريبا 45 جمله منهم بتتقلى يوميا اففففففففف

spring sun
11-08-2008, 10:54 PM
وفي كمان سيبي سماعه التليفون

مع انه والله سعات انا اللي ببقي مطلوبه
مش انا اللي طالبه

lolaa fahmy
11-08-2008, 11:02 PM
هههههههههههههههههههههههههههه

جمل تحفه كله بيتقال يا بنتي

لا وفي دي(انت بتذاكر لينا ولا بتنجح عشنا)

Ealy
11-09-2008, 12:01 AM
looooooooooooooooooooooooooooooool goml to7faaaaaaaaaaaaaaaaa

dalia ahmed attia
11-09-2008, 02:20 AM
جمل جميلة جداااااااا
هى تقريبا كلها بتتقال

witch evil
11-14-2008, 09:53 PM
ههههههههههههههههههههههههههه

انا شهدها انها بتتقال كلها

ههههههههههههههههههههههههههههههههههههههههههههههههه

reda_bebo99
11-14-2008, 10:06 PM
والله لهحرمك من المصروف وابقي تعاله قابلني

reda_bebo99
11-14-2008, 10:07 PM
موضوع جامد جدااااااااااااااااااااااااااااااااااااااااا

Wild_Angel
11-14-2008, 10:27 PM
ربنا يهدى كل من كان

اولا انا عجبتنى المقدمه جدا
ربنا يخلى اهالينا فى شباب وبنات غيرنا اتربوا من غير ام او اب شوفوا ازاى حالهم
اكيد اهالينا بيقولو جمل من دول واحنا صغيرين او واحنا كبار
بس المهم انهم بيحبونا واكتر ناس حتخاف على مصلحتنا

((ولا تقل لهما اف ولا تنهرهما وقل لهما قولا كريما)) ربنا وصانا عليهم

موضوع جميل يا حوريه

Rania Ismail
11-16-2008, 08:26 PM
والله لهحرمك من المصروف وابقي تعاله قابلني


المشكله يا رضا مش بيحددو المكان
ههههههههههههههههههه
لو يقولو بس فين حنرتاح

Rania Ismail
11-16-2008, 08:28 PM
ويا سلام لو التليفون استقبال وصحابك هما اللى طالبينك ياااااااااااااااااااااه
يفضلو يلوكو بقى على دماغ الواحد ويقولو الفاتوره امووووووت واعرف فاتوره ايه اللى بيتكلمو عليها

waleedzt
11-16-2008, 08:39 PM
معظم الجمل ديه بيتقال وانت فكرتينى بيهم ود كمان زياده (دفى الكتب دفى ) (ورايح فين رايح المدرسه وجاى منين جاى من المدرسه)

magdysa3ed
11-16-2008, 10:18 PM
لا جامده فعلا

heba
11-17-2008, 12:03 AM
موضوع جميل جدا

ومن الجمل التي تقال لي (هو انتي بيهمك حاجة .انتو حتصحو الصبح مش حتلاقوني .انتو مش بتبطلو عايزين )

A.H.D
11-17-2008, 01:55 PM
كل الكلام دة بسمع منة 40 جملة بالذات التليفون

reda bebo sister
11-17-2008, 10:04 PM
كل الكلام ده بنسمعه كلنا فعلا بس موضوع ظريف

محمد عمرو عبد الحليم
11-17-2008, 10:39 PM
هههههههههههههههه جميل جدا بس بصراحة مش كل الجمل دة بتتقال بس شكرا ويريت تكملى