المساعد الشخصي الرقمي

مشاهدة النسخة كاملة : شوية أسئلة


eng-mina
07-08-2011, 04:57 AM
السلام عليكم

فى شوية اسئلة ياريت الاجابة عنها من المسؤلين

من القائم او المسئول عن الرابطة وانشاء النقابة بعد استقالة الدكتور سيد الزغبى؟

لماذا كل هذا الوقت فى انشاء النقابة؟

الرابطة موجودة من اكتر من 24 سنة عملتلنا اية ؟

هل عندما تنشأ النقابة سيتساوى خريج الاداب مع معهد مساحة سنتين؟

لماذا لم نفكر يوم فى انضممانا لنقابة المهندسين بحكم مجلنا الهندسى نحن خريجين اداب شعبة مساحة وخرائط و gis؟


ما هو الجديد او ما هى الخطوات التى ستخطوها الرابطة من أجلنا؟

ياريت لو حد عندة سؤال يسألة وياريت حد يجاوب علينا
eng-mina
08-10-2011, 04:12 AM
موضوع يا جماعة بقالة اكتر من شهر ومحدش رد عليه من الادارة او المشرفين امال لما نحب نعرف حاجة نسأل مين
smart girl
08-10-2011, 12:34 PM
موضوع يا جماعة بقالة اكتر من شهر ومحدش رد عليه من الادارة او المشرفين امال لما نحب نعرف حاجة نسأل مين
بشمهندس أنا بعتذر مبدئيا لأن جملتك وأنا بقرأها " لما نحب نعرف حاجة نسأل مين" فكرتنى بفيلم واة أسلاماة والتتار لما دخلوا على قطز وكان معاهم عريضة و مين اللى هيتكلم بأسم مصر وكدة ..هههههههههههههه ..أنا اسفة عشان ضحكت مقصدتش حاجة والله فعلااا بهزر ..

بس اذا اتكلمنا بجد أسئلتك صح و مهمة ...و كلنا محتاجين أجابات وأتمنى حد على الأقل يوضح الموضوع لأن الخريجين أكتر الاشخاص متضررين ...
تيتو
08-10-2011, 04:37 PM
هو الدكتور سيد استقال من الرابطة
تيتو
08-10-2011, 04:48 PM
هو الدكتور سيد استقال
eng-mina
08-17-2011, 08:15 AM
بشمهندس أنا بعتذر مبدئيا لأن جملتك وأنا بقرأها " لما نحب نعرف حاجة نسأل مين" فكرتنى بفيلم واة أسلاماة والتتار لما دخلوا على قطز وكان معاهم عريضة و مين اللى هيتكلم بأسم مصر وكدة ..هههههههههههههه ..أنا اسفة عشان ضحكت مقصدتش حاجة والله فعلااا بهزر ..

بس اذا اتكلمنا بجد أسئلتك صح و مهمة ...و كلنا محتاجين أجابات وأتمنى حد على الأقل يوضح الموضوع لأن الخريجين أكتر الاشخاص متضررين ...




يا ستى مش مشكلة الهزار نهزر ونضحك مفيش مشكلة
بس المهم الوضع اللى احنا فيه واية اللى هيحصل ولية مفيش ناس بترد من الادارة والمشرفين انا مش عارف هنعمل نقابة ازاى
eng-mina
08-17-2011, 08:18 AM
هو الدكتور سيد استقال

الدكتور سيد كان كاتب موضع الاستقالة عشان حصل كذا موضع ضيقة والموضوع مكتوب فى المنتدى وانا قريتة الله واعلم رجع عن قرارة دة ولا لا
ماهو لو حد يرد علينا نفهم راسنا من رجلينا
gomaa
05-27-2012, 05:13 PM
شكلها يا بشمهندس مفيش نقابه
وكل اللى مالهوش شغله يشتغل ف المساحه للى معاه صنايع واللى معاه تجارة والمصيبة انك لما تشتغل معاه يتنطط علك ويتعامل معاك اكنك بالنسبه له انك مش فاهم حاجة
انا شخصيا شغال ف قطاع عام وشغال معايه ريسه ميزانيه اقسم بالله بيعملوا الواحد معاملة بنت .....
والمصيبة نهم اخرهم الميزان وهما فاكرين كل من قرأعلى الميزان بقى مساح
كل دة بسبب ان مفيش نقابه بتمنع مزاولة المهنه اصحاب المهنه
مش معنى اللى معاه دبلوم صنايع بيقول على نفسه مساح وفرحان بنفسة ولما نيجى نقول على نفسنا مهندسين الناس تتريق علينا وتقول انتم مساحين ومش مهندسين
ارجو بكل من جعله الله منصب فى هذا المجال ان يسرع فى انشاء نقابة تضمن حقوقنا فى العمل
لاننا بصراحة ضايعين فى سوق العمل
وصاحب العمل بيتعامل معانا بطريقة مش هماه انك تمشى ولا حاجة لانك لو مشيت هيلاقى غيرك بتاع صنايع او تجارة
ياريت ننشأ نقابه
محمد الفرارجي
07-03-2012, 03:47 AM
والله يا شباب انا معاكوا لكن موضوع النقابة كبير قوي أكبر من أي شخص لوحده كان واقف على العضوية من تحويلها من رابطة لنقابة وده بيلزمة 5000 عضو . عى ما أتذكر . وبعدين سمعت ان الموضوع متعلق بصراعات وظهور ناس تانية عايزة تلعب وتستحوذ على الموضوع بحكم إنه سبوبه وعموا رابطة تانية اسمها العاملين بالمساحة تقريبا وبدأ يبقى فيه صراع وظهر قلة أدب كبيرة على الدكتور الزغبي خصوصا أيام الثورة وبعدها وتقريبا في الفترة دي الدكتور سيد استقال والله أعلم.

المهم عشان بس الناس ما توهمش نفسها احنا مش مهندسيين احنا أخصائي مساحة وخرايط. وبالنسبة لموضوع النقابة أنا حاليا خارج مصر والاتصال مع الدكتور سيد تقريبا منقطع ومش عارف أخبار.. لكن لو اتعمل نقابة هنبقى زي نقابة أخصائي العلاج الطبيعي . مش هنبقى مهندسين هنبقى أخصائيين. وبالنسبة لاقتراح نقابة المهندسين اقتراح رائع.. لكن الموضوع أكبر بكتير مننا ....هههههههههههههههههههههههه الرجالة لغوا كارنيهات عضوية نادي المهندسين بسابا باشا لأعضاء الرابطة تقوم تقول لهم عايز ابقى مهندس؟!

معلش صدمتكوا لكن ده جزء من الحقيقة للأسف