المساعد الشخصي الرقمي

مشاهدة النسخة كاملة : راى يهم الجميع



Youssef Mostafa
11-10-2008, 08:54 PM
ياجماعة انا رايى ان كتابة المحاضرات على النت بتشجع الطلاب انهم ميحضروش فى الكلية بغض النظر طبعا على انهم مش فاضيين يعنى اللى وراه شغل واللى بيجى من سفر يبقى الكلية تقفل وتعمل التعليم عن بعد بقى ولا ايه رايكم.........افيدونى؟؟

zoro313
11-10-2008, 08:56 PM
صح انا رايى كده برده

Wild_Angel
11-10-2008, 11:06 PM
انا اختلف معاكم موضوع كتابة المحاضرات ما هو الا تعاون بيننا
ما كلنا ممكن بنكون بنحضر بس المشكله فى تنسيق كتابة المحاضره
وعلى فكره الحضور عليه 70% من الفهم
والزميل اسلام تفضل مشكورا وربنا يكرمه بمساعدة الجميع فى رفع تلك المحاضرات
وبعدين احنا شعبة مساحه يعنى كمان فى غياب وحضور مش هزار
عموما موضوع كتابة المحاضرات على النت يرجع الاستفاده منه من الانسان اللى بيستخدم النت اصلا
يعنى كل انسان بيعرف مصلحته واكيد اى حد بقاله 4 سنين فى الكليه اكيد عارف ايه اللى بيفيده وايه اللى مش بيفيده
اسفه على الاطاله...

eslam mamdouh
11-10-2008, 11:35 PM
زميلى العزيز

تحيه طيبه وبعد


فى بدايه عمل ركن المحاضرات قد زكرنا ان الهدف الاساسى من انشاء ذلك الركن هو خدمه طلبه الفرقه الرابعه .


بعمنى ان المواد اللى علينا اصعب بكتير مما واحد زى حضرتك يتخيل
, واحنا من عمل ركن المحاضرات كان الهدف الاساسى لينا ان الطلبه المغتربيين يقدروا يتاعبعوا المحاضرات اول باول , بحيث ان اللى عنده ظروف او اى مشكله يقدر يتابع معانا ومترحش منه السنه.



واحب اقول لحضرتك ان ده ركن محاضرات الفرقه الرابعه......بمعنى تانى ميخصش حضرتك نهائى.

وعلى فكره احنا قبل ما بننشر اى محاضره لازم الدكتور يوافق عليها ويراجعها ويصحح الاخطاء اللى فيها من اول خطا لحد اخر خطا وحتى الاخطاء اللغويه .


بمعنى ان احنا مش بنعمل اى شى خطا. ومش مطلوب منك الدخول او متابعته ركن محاضرات الفرقه الرابعه. لان ولا كلمه من اللى مكتوبه فيه تخصك.


مفهوم يا زميلى العزيز الف شكر ليك

eslam mamdouh
11-10-2008, 11:39 PM
شكرا جدا يا وليد انجل على كلام الجميل ده


بجد الف شكر ليكى على الهتمام بالجميع

وبجد مش ممكن نتخيل المنتدى من غيرك


وربنا يكرمك كمان وكمان

خالد أبوسعده
11-10-2008, 11:40 PM
اسلام عنده حق فى كل كلمه
اعترض علي ركن المحاضرات بتاع فرقتك
مش بتاع فرقه غيرك

Youssef Mostafa
11-11-2008, 06:54 AM
هو مفيش اساسا ركن محاضرات بتاع فرقتى!!! وعلى العموم الكلام اخد وعطا ياستاذ اسلام

waled_mahmoud
11-11-2008, 09:44 AM
انا اختلف معاكم موضوع كتابة المحاضرات ما هو الا تعاون بيننا
ما كلنا ممكن بنكون بنحضر بس المشكله فى تنسيق كتابة المحاضره
وعلى فكره الحضور عليه 70% من الفهم
والزميل اسلام تفضل مشكورا وربنا يكرمه بمساعدة الجميع فى رفع تلك المحاضرات
وبعدين احنا شعبة مساحه يعنى كمان فى غياب وحضور مش هزار
عموما موضوع كتابة المحاضرات على النت يرجع الاستفاده منه من الانسان اللى بيستخدم النت اصلا
يعنى كل انسان بيعرف مصلحته واكيد اى حد بقاله 4 سنين فى الكليه اكيد عارف ايه اللى بيفيده وايه اللى مش بيفيده
اسفه على الاطاله...


وانا رائى من رأى wild_angel

وكمان فى ناس كتير بتحضر المحاضرات لكن مش بتلحق تكتب ولا تنسق ولكن بتفهم

وزى ما اسلام قال انه فى ناس مغتربين ومش بتعرف تنتظم فى الحضور

وجزاكم الله خيرا

mohamed soliman
11-11-2008, 09:47 PM
قول يا سولوم يا نجم

kiky younes
11-11-2008, 10:11 PM
كتابة المحاضرات على النت فيها ميزة وعيب فى نفس الوقت
الميزة الكل يستفاد منها
العيب كتير لم يحضروا اعتمادا على المحاضرات التى سوف تكتب وكل واحد لة اسلوبة فى الكتابة
ومش كل الناس بتكتب المحاضرة كلها لان الدكتور ممكن يكون اعطى معلومة اللى بيكتب عارفة فهو مش بيكتبها فى نفس الوقت فى ناس محتاجها
سورى على الاطالة

magdysa3ed
11-16-2008, 09:55 PM
فى نقطه زى ما اسلام قال انه لازم يستاذن الدكتور ديه حاجه اذا ان مش كل المواد هاتنزل يعنى احنا كده مش زى ما قال اخونا العزيز يوسف ان التعليم هيبقى تعليم عن بعد ديه مجره مساعده من طالب مجتهد لكل الزملاء لان زى ما الكل عارف ان مش كل واحد عنده القدره على متابعه المحاضر وكتابه كل حاجه ومن الممكن ان اسلام عنده القدره ديه وكمان عنده الوسائل اللى يقدره يوصلها ف ليه لا ؟؟؟؟؟؟؟؟؟؟؟؟

محمد منصور
11-18-2008, 11:16 PM
اولا اخويا اسلام ممدوح من الطلبة المجتهدين وانا واحد من الناس بحضر المحاضرات .........وفى نفس الوقت بتابع محاضراته ...........وبعد كدة الاخ اللى بيعترض ان فى ناس ظروفها صعبة واحنا كلنا شعبة مع نفسنا ...........ومش من حقك انك تعترض على حاجة لا تخصك ........وارجو من المشرف على المنتدى حذف الموضوع لانه لا يدخل فى سياق ركن المحاضرات .............

Youssef Mostafa
11-19-2008, 01:08 AM
اسباذى الفاضل محمد انا اعتذرت للاستاذ اسلام فى الكلية وفى المنتدىاظن كدة ان انا اعترفت بغلطى ولوفى حاجة احسن من الاعتذار كنت عملتها

ibrahim_elsonbati
02-16-2009, 05:25 AM
و الله يا شباب كل واحد عقله في راسو يعرف خلاصو
اللي مش عايز يحضر المحاضرة دي حاجة ترجعلوا لكن انا مش شايف ان تحميل المحاضرة ع النت تشجع علي الكسل
و كمان حضور المحاضرة شيء جميل جدا و ممتع كفاية انك تروح الكلية و تشوف اصحابك
ومش هتفهم المحاضرة الا اذا حضرتها عشان حتي لو وقفت معاك حاجة تسأل الدكتور عليها
و اللا هي اعتراضات و السلام
اسف اذا كنت بقول كلام يزعلك يا يوسف
لكن دع الملك للمالك

ibrahim_elsonbati
02-16-2009, 05:27 AM
و في التأني السلامة و في العجلة الندامة