المساعد الشخصي الرقمي

مشاهدة النسخة كاملة : للشباب العزاب فقط ... " ممنوع دخول البنات"



الشبح
11-11-2008, 08:18 AM
للشباب العزاب فقط...... ممنوع دخول البنات!!



أولا قبل ان اطرح موضوعي هذا

انا كتبت ممنوع دخول البنات

لكن انا عارف ان البنات هينطوا في الموضوع

ولذالك سوف يستطلعون على موضوعنا احنا الشباب

لكن اي بنت تقراء الموضوع رجاء رجاء

انها متستهزءش بالموضوع لأنه في غاية الأهميه

بالنسبه لنا الشباب .

الموضوع خاص بالشباب العزاب يعني اللي ساكن مع شله في عزبه او شقه

الموضوع اسمه


**مطبخك سيدي العزابي**


سوف نطرح لكم بعض طرق تحضير بعض

المأكولات والمشروبات الشهيه


نبدأ مطبخنا اليوم

ــــــــــــــــــــــــــــــــــــــ


طريقه عمل عصير التوت

المكوناااات


اي حاجه لونها احمر ،
ماء بارد ،
طشت، شفشق، ابريق اللي تلقاه في طريقك،
سكر، وعلشان ما تتلخبطش بينه وبين الملح "اللي عليه نمل هو ده السكر"،
ملاعق ، خشبه، علاقه هدوم ، قلم ، اللي تلاقيه قدامك

الطريقه:

كب كل المكونات علي بعض وقلبهم
واقلب يا معلم ***
ــــــــــــــــــــــــــــــــــــــ


طريقة عمل الشاي :


الادوات:
ابريق يعني براد شاي
سكر + ماء + ليبتون وكوبايتين،، و لو انت لوحدك عادي" وحدة تبرد فيها الشاي اذا كنت مستعجل وواحده تشرب فيها"


طريقة عمله:


املى البراد مياه من الحنفيه
وحطه على البتوجازوسيبه لما يتقطع نفسه من الغليان
وبعدين حط السكر
وانتظر دقيقتين وبعدين هات البراد ومعاك الكوبايتين واقعد في البلكونه
ومخمخ على كيفك***
ــــــــــــــــــــــــــــــــــــــ


لو عايز مياه ساقعه
الأدوات :


كوب .. حله.. زجاجه .. اي حاجه ،،
+ثلاجة

طريقته /


خذ الكوب وعبيه بالماء بس متملهوش للاخر احسن ينكب عليك
اقفل الحنفيه---> الماء ثروة حافظ عليه
افتح الثلاجة وحطه فيها
اقفل الثلاجة ---> المحافظة على الضمان هااع
انتظر ربع ساعة
ارجع وفتح ثلاجتك وخذ كوبايتك يا معلم

***
ــــــــــــــــــــــــــــــــــــــ


ازاي نعمل بيض مقلي ؟


المكونات

بيضه واحده
ملح
زيت
ملعقه اخشبه اي شي حديدي للتقليب البيض

كوب او طاسه لخلط البيض به قبل القلي


طريقته/


نكسر البيضه بأي شي قاسي زي دماغ حضرتك " الجبهة يعني"
ثم نضع البيض في قدر الذبايح او ماشبهه
ونضع عليه قليلاً من الملح يعني حط الملح ونت مغمض
ثم نضع الطاسه على النار ونضع بها قليلاً من الزيت
وبعدين نطلع الموبايل ونظبط دقيقه واحده بعد وضعنا للبيض في النار
"علشان حضرتك ماتروحش تسمع اغنيه بوس الواوا"
ووتحترق الطبخه يا معلم

وبالهنا والشفتشي

ــــــــــــــــــــــــــــــــــــــ
ــــــــــــــــــــــــــــــــــــــ
ــــــــــــــــــــــــــــــــــــــ


هذه بعض المأكولات الشهيه الخاصه
بك سيدي العزابي
ونتمنى ان تعجبك

وبالهناء والشفاء

spider girl
11-11-2008, 05:55 PM
هههههههههه
حلوة قوى يا ميدو
نصيحة منى لكل الشباب اسمعو كلام الشبح بس ابقو قلولى النتيجة اية
هههههههههه

سلمي جمال
11-11-2008, 06:15 PM
ههههههههههههههههههههههههههههههههههههه
مش معقول ياشبح انت دمك خفيف اوي
اية الموضوع التحفة دة بجد حلو اوي
و فكرة حلوة جدا
ان شاء الله انا كمان حساعدكم في بعض الماكولات

ميرا مار
11-11-2008, 07:03 PM
يا حرام
غلابة والله اللى هيسمعوا كلامك يا ميدو
بص احنا هنا اسالونا احنا .. قهوة شاى مية سقعة اسالونا

mohamed-gohar
11-11-2008, 07:47 PM
تمام يا معلم

reda_bebo99
11-11-2008, 07:50 PM
علم وينفز في القريب العاجل

اسامه البنا
11-11-2008, 08:02 PM
ههههههههههههههههههه
والله انا عيسي بنعيش الموضوع ده
بس مش للدرجادي

bosy
11-11-2008, 08:48 PM
هههههههههههههههههههههه
والله انت تعبت نفسك اوى يا ميدو ايه كل الاكل الصعب ده
انا مش عرفه هتجيب الوقت منين
يابنى اطلب 123 اسهل

white_heart
11-12-2008, 03:00 AM
جميل يا ميدو الموضوع وشىء كويس انك تساعد اخواتك فى زنقتهم
بس واللة لو الكلام دة الشباب بيعملوة بجد
دا انتم كدة تبقوا غلابة اوى يعنى اخركم شاى ومية ساقعة و فى الشتاء شاى بس
يا حرام بجد صعبانين عليا
طب يعنى مش بتعملوا محشى انا ممكن اقولكم على طريقة كويسة
وسهلة لعمل المحشى





المقادير او المكونات

هات كرنبة حلوة كدة زى بتاعة اسامة اللى ب15 جنية وفى الاخر بايظة
وهات طماطم
وهات طبعا رز
والتوابل وافتكر كفاية الملح





الطريقة
قطع الطماطم واسلق الكرنب

وهات حلة وحط فيها من تحت ورقة كرنب
وبعدين طبقة رز وبعدين طبقة طماطة وهكزا


ولازم يتحط على النار يعنى متستعجلش وميغركش المنظر

وبعدين بالهنا والشفتشى
ويا رب تكون الطرقة سهلة


وطبعا مفيش عك بعد كدة ولو واحدة من البنات عملت كدة احتمال
تدفن مع حلة المحشى
هههههههههههههههههههههههههههههههههههه

zoro313
11-12-2008, 03:16 AM
هههههههههههههههه
موضوع جامد اوى
بس كده برضه بتسيح لنا قدام الاجانب

اسامه البنا
11-12-2008, 09:43 AM
جميل يا ميدو الموضوع وشىء كويس انك تساعد اخواتك فى زنقتهم
بس واللة لو الكلام دة الشباب بيعملوة بجد
دا انتم كدة تبقوا غلابة اوى يعنى اخركم شاى ومية ساقعة و فى الشتاء شاى بس
يا حرام بجد صعبانين عليا
طب يعنى مش بتعملوا محشى انا ممكن اقولكم على طريقة كويسة
وسهلة لعمل المحشى





المقادير او المكونات

هات كرنبة حلوة كدة زى بتاعة اسامة اللى ب15 جنية وفى الاخر بايظة
وهات طماطم
وهات طبعا رز
والتوابل وافتكر كفاية الملح





الطريقة
قطع الطماطم واسلق الكرنب

وهات حلة وحط فيها من تحت ورقة كرنب
وبعدين طبقة رز وبعدين طبقة طماطة وهكزا


ولازم يتحط على النار يعنى متستعجلش وميغركش المنظر

وبعدين بالهنا والشفتشى
ويا رب تكون الطرقة سهلة


وطبعا مفيش عك بعد كدة ولو واحدة من البنات عملت كدة احتمال
تدفن مع حلة المحشى
هههههههههههههههههههههههههههههههههههه




ليه؟ جايبه سرتي في كل مواضيعك
انا عندي طريقه احلي
انت ممكن تفرغ الكرومبه
وبعدين تحط فيها الرز
ورش عليها صلصه ودخلها الفرن
هو ده المحشي ولا بلاش

Youssef Mostafa
11-12-2008, 09:32 PM
دمك خفيف اوى بس بردو زى منت كنت متوقع البنات نطو فى الموضوع بس مفيش حد مغفل للدرجاتى

mimo
11-12-2008, 11:43 PM
بجد موضوع جامد طحن ممممموتتتتتتتتتتتتت

خلتونى اضحك جامد دحنا من غير البنات نتبهدل بجد
من محمد سعيد

الحب الجديد

الشبح
11-14-2008, 10:45 PM
هههههههههه

اضحك يا عمنا حد واخد منها حاجه

بس ايه رأيكم في الطريقه ؟؟

سهله والله

هههههههههههههههه

Youssef Mostafa
11-15-2008, 03:04 PM
بس بجد جامدة اوى والزوجة نعمة هم مش نافعين غير فى الطبيخ وبس

mimo
11-15-2008, 09:54 PM
عندك حق وفى حاجه نسيتها النكد علينا


من ميمو الطيب
الاحساس الجديد

Top.Romantic
11-15-2008, 11:13 PM
الله عليك تسلم ايديك
انت عملت معايا احل واجب يا باشا
لاني ديما قاعد لوحدي وبالذات ايام الامتحانات
وعشان كدا عايزك تدينا شوية وصفات لأكلات سريعة ومفيدة تنفع في الايام الرخمة دي

free eagle
11-15-2008, 11:43 PM
:)كدة انتى هتفرح البنات فينا يا مستر

انت كدة هتخليهم يشوفوا نفسهم ويقولوا اننا منعرفش ندخل المطبخ من غيرهم

free eagle
11-15-2008, 11:53 PM
حلوة وصفة المحشي ونصحية من اخوكم لكل البنات يا ريت البنات كلها تقوم بهذه الوصفة علشان عايزين نخف الزحمة ف القسم شوية

خالد أبوسعده
11-15-2008, 11:57 PM
كده يا عم

خليت الاعادى يشمتوا فينا

و الله عيب

Rania Ismail
11-16-2008, 07:23 PM
الله يكون فى عون اللى حسمشى وراك يا ميدو
اكيد حيروح فى داهيه واولهم انت

الفارس
11-17-2008, 11:08 PM
شكرااااااااااااااااااااااااااااااااااااااااااااااا اااااااااااااااااا

محمد عمرو عبد الحليم
11-17-2008, 11:11 PM
بص احنا نتكلم بصراحة الراجل من غير امراة يضيع ممكن اسال سعتك سوال حضرتك ممكن تتخلى عن ولدتك او اختك او ستك عمتك اى حد من نساء العائلة دة صعب ولكن لو حصل كدة دة يبقى من عند ربنا سبحانة وتعالى بس جميلة من سعتك اوى وياريت تكمل وربنا معاك مشكووور

الشبح
11-18-2008, 01:30 AM
هههههههههههههه

ولا يهمك يا رانيا

اللي يمشي ورايا يكسب

واسأل مجرب ومتسألش طبيب

ههههههههههههههههههه

mohamed-gohar
11-18-2008, 03:22 PM
الله عليك يا معلم

احمد حسن
11-18-2008, 03:28 PM
ههههههههههه
شكرا جزيلا ليك يميدو
وصفات جميلة انا وsurveyor 2007 مسافرين من فترة ووصلنا لمرحلة حلوة فى الاكل عايزين منك وصفات جمدة جدا للمحترفين
شكرا

الشبح
11-24-2008, 02:03 AM
من عينيا يا احمد بك

بس قولي انت فين علشان احضرلك وصفه تتمشى مع البلد اللي انت فيها

لو السعوديه يبقى انتظر مني طريقه عمل الكبسه

ههههههههههههههههههه

انا في انتظارك

Rania Ismail
11-24-2008, 07:52 PM
بليز يا ميدو ممكن توصفلنا طريقه عمل الوكسه مش الكبسه
علشان اكيد الولاد حيبقو محتاجنها علشان ماشيين وراك

AYMAN GAMAL
11-26-2008, 09:02 AM
هههههههههههههههههههههه

طب بالنسبة للبوتاجاز بيتولع ازاي؟

الشبح
11-27-2008, 10:08 PM
وبوتاجاز ليه يا عم ايمن ؟

ما كفايه البابور ولا انت فاضي بقى ومش تبعنا ؟

على العموم ممكن تولع في رجل كرسي وبعدين منه على الانبوبه عدل

هههههههههه

Rania Ismail
11-27-2008, 11:03 PM
طيب فين طريقه عمل الوكسه يا ميدو نسيت تكتبهالهم

Youssef Mostafa
11-28-2008, 08:30 PM
مهى الطريقة دة يارانيا بنت بقى اللى حتكتبها عشان احنا مبنعرفش نعمل الوكسة قصدى الكوسة

الشبح
11-29-2008, 05:53 AM
لالالالا

انا نسيت اعمل طريقه

"الشرطه في خدمه الاهلي "

ههههههههههههههههههههههههههههه

تعيشوا وتاخدو غيرها

Rania Ismail
11-29-2008, 09:24 PM
لالالالا

انا نسيت اعمل طريقه

"الشرطه في خدمه الاهلي "

ههههههههههههههههههههههههههههه

تعيشوا وتاخدو غيرها


اقفل بؤك ده شويه انت غاسل سنانك ولا ايه
انت تغسلها وتقرفنا احنا بس

الشبح
12-01-2008, 06:01 PM
هههههههههههههههه

مهما احمرت الدنيا هفضل طول عمري زملكاوي

ههههههههههههههههههههههههههه

مى الشورى
12-05-2008, 02:07 AM
الله يكون فى عون كل الشباب اللى يمشى وراك يا ميدو
والله يا جماعه لو قلتوا لحسن يعمل قسم خاص بحواء
انا هعمل موضوع واسميه مطبخ المنتدى
وكل واحد عاوز يعرف وصفة اى اكله يقولى
او اى واحد يقولى على الاكله اللى بيحبها
وانا اقوله على اكتر من طريقه يعمل بيها الاكله دى
مثلا كده البعض بيحب المكرونه
يقولى بقى يحب ياكلها باى طريقه عاديه
ولا بالبصله ولا بالحمه المفرومه
ولا بشاميل وهناك طرق اخرى بس للى يحب
واى خدمه اى حد معزور فى طبخه انا موجوده

الشبح
01-18-2009, 07:47 AM
يابنتي انا طباخ بريمووووووووووووو

واسألوا مجرب

هههههههه

Marwa Mahmoud
01-18-2009, 09:58 AM
هههههههههههههههههههه
أسمعو يا ولاد كلام أخوكوا الكبير .. هو أكتر واحد عارف مصلحتكوا ...
بس اشمعنى يعنى عصير التوت ...
بجد الله ينور عليك يا شبح وصفات تحفة . شاى وميه وتوت وبيض .. انت كدة مدلعهم على الأخر.

http://www10.0zz0.com/2009/01/17/21/710103174.jpg

abdoitthad
01-21-2009, 01:55 AM
بجد بجد موضوع جامد واستفدت منه كتييير .....

كفايه بس طريقة الميه الساقعه وانا عمال اشرب ميه سخنه واقول بتسقع ازاي بتسقع ازاي ..بجد شكرا ليك ...

وشكرا على المعلومه بتاعت الابريق .. تسدق اول مره اعرف ان الابريق يعني البراد .....

اصلي كل يوم صاحبي يقولي قوم حط الابريق عالنار اقوله ابريق يعني ... اتاريه يعني براد ....

وبشكرك تاني على طريقة الميه الساقعه بس في سؤال لو حطتها اكتر من ربع ساعه هتسخن تاني ولا ايه ؟





موضوع لذيذ بجد ....

عاشق تيفاني
01-21-2009, 03:01 PM
طيب انا دلوقتي عرفت طريقة عمل الأكل والعصائر عايزك بقي تكتب طريقة غسل الأيد والبوق عشان انا بعد الأكل ببقي محتاس جامد أوي

الشبح
02-02-2009, 12:29 AM
يا جماعه هو ده كلام الناس العاقلين احنا فاضيين نقعد ندور على حلل وصحون والكلام الكبير ده

احنا ناس مخلصه

وانتظروا المزيد مع برنامج بالهنا والشفتشي

الشبح
07-13-2009, 12:45 PM
baaaaaaaaaaaaaaaaaaaaaaaaaaaaaaaaaaaack

مع حلقات برنامجنا اليوم في تمام الساعه العاشره وخمسه

انتظروووووووني

الشبح
07-24-2009, 03:24 AM
برااااااااااااحتكم

تم الغاء البرنامج

لعدم الاهتمام

ابقوا شوفوا مين بقى اللي هيعملكم الاكل ها

farida
07-25-2009, 03:52 AM
ليه بس كدة يا ميدو

خسارة حيخسروا طباخ ماهر زيك

ده ولا مع اسامه اطيب

كمل انت

والضحايا متابعينك

ههههههههههههههههههههه

لا بجد موضوع جميل ومفيد ماشاء الله

ههههههههههههه

الشبح
07-26-2009, 03:13 AM
ههههههههههههههههههههههه

انتي كمان بتتريقي يا فريدا

ماشي ماشي بعد ما عرفتي تطبخي واخدتي مني سر المطبخ

اااااااااااه اكلتوني لحم ورمتوني عظم ......... انا حزين حزين