المساعد الشخصي الرقمي

مشاهدة النسخة كاملة : تقرير الزيارة



Rania Ismail
11-13-2008, 09:21 PM
بسم الله الرحمن الرحيم

اولا احب اشكر كل اللى ساهم معانا فى الزيارة واللى تبرعو
وبشكر كل اللى جم معانا فى الزيارة
ثانيا بجد بجد الزيارة كانت فى الرائعه بجد اتبسطنا ولعبنا مع الاطفال وغنينا وكلنا كنا مبسوطين بجد احساس جميل قوى انك تضم طفل يتيم فى حضنك وتديله بوسه وتحس فى عينه بالرفرحه او حد مهنم يتعلق بيك ياااااااااااااااااه يا جماعه بجد يوم عمرى ما حنساه الاطفال اللى فى الدار ده بجد اثرو فيا قوى ان شاء الله تكون معانا فى الزيارات التانيه

انا بقى ححكيلكم على اللى حصل فى اليوم ده
اولا اتجمعنا فى الكليه على الساعه 10 كده لحد 10 ونص واحنا بنتجمع وبعد كده اخدنا بعضينا كنا حوالى 17 فرد وقسمنا نفسينا وركبنا واتجهنا لدار الايتام وهو موجود فى الساعه المهم اتقابلو المجموعتين قدام جاد اللى فى الساعه وبعد كده روحنا دار الايتام اول ما دخلنا جهزنا نفسينا ونفخنا البلونات و من هنا ابتدا احلى يوم
وهاتك يا لعب ويا غنى ويا رقس وضرب وبمناسبة الضرب اشرف اكتر واحد كان بيتضرب كانت كل الناس بتضربه يلا مش خساره فى طيبه قلبه
و حسينا ان الوقت مر بسرعه قوى وبعد كده اخدنا بعضينا وودعنا الاطفال كلها واحنا زعلانين بس ان شاء الله حنروح تانى وحنكرر اللى عملناه تانى ان شاء الله
واخدنا بعضينا وروحنا شربنا قصب من الساعه وبعد كده سلمنا على بعض وركبنا وروحنا
هو ده كان يومنا يا جماعه بس كلنا اتبسطنا سواء احنا او اطفال الدار

احب اشوف مشاركاتكم وتقولولى ايه رئيكم فى اليوم والناس اللى كانو معانا يدخلو يحكو عن الزياره وكانو مبسوطين ولا لاء

يا رب مكونش طولت عليكم
وانتظرو الصور والفيديوهات قريبا ان شاء الله

محبة الرحمن
11-13-2008, 09:48 PM
والله كان نفسي اكون معكم بس والله كان عندي محاضرة وتسليم بحث

بس والله ربنا يبارك لكم انا حسه انكم كنتم سعداء وأكيدوصلت تلك السعادة للأطفال

Rania Ismail
11-13-2008, 10:27 PM
شكرا ليكى وربنا يباركلك وان شاء الله تكونى معانا المره اللى جايه

sameh gamal
11-13-2008, 10:41 PM
والله يارانيا انا لاخر وقت كنت حابب اكون معاكم لانى بحكم مجال دراستى الاول زرت اماكن زى دى وبجد كان نفسى اكون معاكم بس محاضرة دكتور احمد مصطفى وانشاء الله الجايات اكتر

eslam mamdouh
11-13-2008, 10:44 PM
كان يوم رائع جدا يا رنيا باتفاق الجميع


ربنا يكرمكم ويزيدكم كمان وكمان

ahmedko
11-13-2008, 10:46 PM
الله ينور يا رانيا
بجد احب اشيد بدور مجموعة من الافراد اللى كان ليهم الفضل بعد ربنا فى اتمام الزيارة دى على اكمل وجهه
المقررة رانيا اسماعيل
و سحر و شيماء و آمال
و على فكرة دول بجد تعبوا معانا قوى
و ايمان صالح
اشرف طبعا اكتر واحد اتضرب
و منى و رضا و نادية
و زوما طبعا
و اسلام عمران
و جهاد و اختها امنية
و ناس كتيرة بجد كانو منورينا
و كان للواحد الشرف انه اتعامل و اتعرف عليهم بجد
و بأذن الله بوعدكم ان احنا هنكون معاكو فى الترم التانى مع زيارة كبيرة و هامة دى المفاجأة

Rania Ismail
11-13-2008, 11:26 PM
ان شاء الله يا سامح تبقى معانا المره اللى جايه
وشكرا ليك يا سالام على مشاركتك معانا وان شاء الله تكون معانا المره اللى جايه
وانت يا احمد بجد تعبت معانا وانا بشكرك بجد والله من قلبى انت وسيد علشان انت مش قولت اسمه يا وحش ده كان منور والله

dalia ahmed attia
11-13-2008, 11:38 PM
يا خسارة يارتنى كنت معاكم
بس ان شاء الله تتعوض واكون معاكم المرة الى جاية

Rania Ismail
11-13-2008, 11:52 PM
ان شاء الله يا داليا

white_heart
11-14-2008, 02:53 AM
وانا زعلانة علشان مقولتوش اسمى
بس واللة كان يوم جميل اى نعم نفسيتى كانت تعبانى طول اليوم لما روحت
بس كنت فرحانة ومبسوطة وانا قاعدة معاهم

wisam
11-14-2008, 03:03 AM
بجد يا شباب ربنا يتقبل منكوا
والله انا كان نفسى اكون معاكوا بس طبعا عارفين ان كان فى دوره الكوره فى اليوم ده
بس ان شاء الله احجزيلى معاكى المره اللى جايه يا رانيا هههههههههههههههه
بس بجد والله الكلام اللى الواحد سمعه بيدل على انه يوم ميتعوضش
بس ان شاء الله نعوضه بعد كده وجزاكى الله كل خير يا رانيا

tiger
11-14-2008, 04:56 AM
يوم من أجمل أيم العمر بجد والحمد لله الواحد بجد كان حاسس بسعاده عمرى ما حسيتها قبل كده ومش مهم الضرب بتاع الأطفال المهم الضرب بتاع الكبار الى أيديهم تتلف فى حرير من كله وخاصة الأخوه أحمد السيد أصغر أيد ورانيا طبعا وأيديها الصغيره الى كانت مش بتعمل حاجه خالص لحد وخصوصا أنا والفرقعه الى حصللت من أحمد السيد والأطفال وكفايه الفرحه الى بجد شوفناها على وشوش الأطفال دى0
بشكر فى الموضوع ده كل الى جم معانا بجد أنا مش حذكر أسماء بس أوصاف من طيبه وخير وأدب لناس محترمه 0
وبشكر بقى أمين الجمعيه أحمد السيد ورانيا مقرر اللجنه الأجتماعيه خاصة على الدور بجد الى عملوه وبجد كانو أطفال زى ما أنا كونت طفل وقتها0

Mimi
11-14-2008, 10:49 AM
مفيش اجمل من ابتسامة طفل ليكي

كان نفسي بجد ابقى معاكم بس المشكلة ياروني اني مش بعرف اغني

يعني لو غنيت للاطفال اليتامى دول هيكرهو حياتهم اكتر ههههههههههههههههههههه

رحلة جميلة وربنا يجازيكم عليها ياقلبي

samomran
11-14-2008, 11:00 AM
كان يوم جميل جدااا
ما انكرش ان الواحد اتاثر جداا بالوضع لكن الاحساس كان فوق الرائع لما تلاقى البسمه على وشوش الاطفال و هم متعلقين بيك و انت بتحبهم
و انا مش حذكر اسماء عشان ما انساش حد لكن اقول كل الشكر و التقدير لكل من ساهم فى هذه الزياره و على راس الكل رانيا و احمد السيد للمجهود الرائع ده الحقيقى و اقول لك اللى معانا جعله الله فى ميزان حساناتكم
و اشكر كل اللى جم معانا و تعبوا
و ان شاء الله فى انتظار مفاجاه الترم التانى
و شكرا للكل

gogo
11-14-2008, 11:56 AM
بجد كان يوم غايه فى الجمال كلنا اتبسطنا كده وكفايه انك تشوف فرحه طفل يتيم بينا كل الاطفال كانت مبسوطه جدا وكانوا زى العسل بجد احساس رائه انك تقضى وقت مع اطفال ايتام زى دول وطبعا ربنا يجزيكى يارانيا بما انك صاحبه الفكره وان شاء الله تكرريها تانى بجد يوم ميتنسيش

Nhla147
11-14-2008, 09:52 PM
الله يا جماعه

شكله كان يوم تحفه فعلا

كان نفسى بجد اجى معاكوا اوووى

بس مش مشكله

ان شاء الله تتعوض فى زياره تانيه

وكفايه ان انتوا كلكوا اتبسطوا الحمد لله

وكمان الاطفال

انا كمان كده اتبسط

وربنا يجازيكوا كلكوا خير ان شاء الله


أختـــــ نهله ــــــكم

Rania Ismail
11-14-2008, 10:44 PM
بجد بشكركم كلكم جهاد واشرف اللى اتضرب ومى معلش يا حبى من كتر فرحتنى نسينا اسمك ووسام وجودى ان شاء الله تيجو معانا الزوياره اللى جايه وانتظرو مفاجاه الترم التانى ان شاء الله وتكونى معانا انتى كمان يا نهله

Horiaa Swedan
07-22-2010, 08:33 AM
جزاكم الله كل خير يا جماعه الخير

تقرير رائع يا رانوش وديما متالقه ياقمرايه

واتمنى من الله ان يجعل هذا العمل فى ميزان حسنتكم وان نكرره قريبا باذن الله:a3::a3: