لعبه (( حط مبلغ واللي بعدك يقول ويش يشتري فيه))

[magdysa3ed]

السلااااااااااام عليكم

اليوم جايب لكم لعبه حلوه

وهى أنك تحط مبلغ والعضو إللي بعدك يقولنا هيشترى بيه ايه؟
ويحط مبلغ ثاني

وهكذااااااااااااا

[magdysa3ed]

وانا الاول 100 حنيه

[Nhla147]

هشترى بيهم كلهم ورد

وهوزعوا على اعضاء المنتدى


لو معاك ربع جنيه هتعمل بيه ايه؟

أختــــــ نهله ــــــكم

[witch evil]

ربع جنيه ايه بس العمله دى اتلغت من زمان

لو معايا ربع جنيه حجيب بيه مستيكه وافرقها على العيال بتوع الجمعيه

هههههههههههههههههههههههههههههههههه



وانا ححط 1000 جنيه

[ogy]

هتبرع بيهم لملجأ ايتام

10 مليون جنيه
دا مبلغ ضخم
قول بقى هتعمل بيهم ايه

[mohamed-gohar]

انا حاطهم في المسجد

50000ج

[mimo]

حخطب الانسانه الى بحبها واساعد صحابى لو حد عايز يخطب برده والباقى للايتام والجامع والعفش


من ميمو الطيب

الاحسلس الجديد

[farida]

ايه ده طب و انا محدش حيديني فلوس و لا ايه؟

[semsema]

ولا يهمك يا جميل انا اديكى فلوس كتييييييييييييييييير
جنيه بحاله

[magdysa3ed]

تصدقى لا فعلا كتير انا مش عارف اعمل بيه ايه ولا ايه ؟؟هههههههههههههه؟؟؟
مليون جنيه

[محمود_محمد]

مليوووووووووووون.جينة
اول.حاجة.هشترى.شقة
وبعدين.اتيرع.بالباقى



5.مليوووووووووووووون

[خالد أبوسعده]

حبنى جامع كبير
و حوليه جنينه
و دار للايتام و دار مسنين


لو معاك مليار؟؟

[magdysa3ed]

اول حاجه هاخد خطوه مهم بالنسبه ليا
تانى حاجه حعمل دار مسنين

[farida]

تانننننننننننييييييي محدش حيديني فلوس ايه يا جماعة انتوا مستخترين فيه؟ طب انا موافقة حتي لو ربع جنيه لله يا محسنين لله

[magdysa3ed]

لا والله ما تزعلش انا اسف نسيت
يلا يا عم نص جنيه بحاله

[farida]

يا حلاوة يا ولاد دانا معايا نننننننننننننص جنيه بحاله دانا حعمل بيه عمايل :1-حتصور جمبه و اعلق الصورة في الحيطة .2- اجيب عربية.3-شقة علي البحر.4-اshopping.5-اعمل مسجد و دار للمسنين.6-و اسيب بقي الباقي في لبنك عشان متسرقش

[witch evil]

طب فين المبلغ اللى انا حخده ولا انا لقيطه فى المنتدى ده
على العموم انا حاخد 50 جنيه من الفلوس اللى فى البنك واجيب بيها هديه لواحد قريبى لحسن فلست
هههههههههههههههههههههههههههه


انا حسيب 1500

[white_heart]

1500



ياة كل دة


ممكن حجيب بيهم كلهم هدية لواحدة حبيبتى قوى سميرة
















لو معاك جنية معدن من بتوع اليومين دول

[اسامه البنا]

هضربه في وشك بقوه يا مي



10 جنيه

[الورده البيضاء]

يااااااااااااااااااااااااااااااة 10 جنية بحالها وجاى على نفسك كدة لية هههههههههههههههههه
دانا هاعمل البدع
هاعمل دار ايتام واعمل مصنع للى عالقهاوى واطلع ماما وبابا الحج
واشحن كارت شحن ب100جنى اااااااااااااااااااااة ههههههههه
على اساس ان كل دة من 10 جنى يعنى وكلو كوم وكارت الشحن دة كوم تانى هههههههههههه
بريزة

[سندريلا]

يااااااااااااااااااااااااااااااااااه يا جماعة بريزة بحلها


احمدك يا رب...... ده طلع المبلغ كبير اوى


ده انا هعمل بيه عمايل :p


ده انا هشترى بيه كل اللى نفسى فيه ;)


ده على اساس ان المبلغ مليون جنية :eek:


هتعمل ايه ب30000

[Soma]

لعبة لذيذة اوى اشكرك عليها
ححطهم فى البنك :p:p
اللى بعدى 5 قروش

[froty]

مش ممكن خمس قروش بحلهم

ده انا لو ادتهم لاختى الضغيرة مش عاوزه اقولكم هتعمل ايه بس انتوا اكيد عارفين

ههههههههههههههههه

10000جنيه

[Soma]

مش عارفه ليه يافروتى بتحسسينى ان 5 قروش انقرضت دى تجيب مستكاية بحالها :p:p
خلاص حخليهم 1000000 ايه رايك كده قولى بقى حتعملى بيهم ايه
1000 بقى انا حعمل اكمل بيهم الكورسات اللى باخدها فى الكمبيوتر

[الورده البيضاء]

اية دة ياسوما انتى بخيلة كدة لية
ومليون جنية دى تعمل اية فى الزمن دة
دى يادوب تجبلى مستيكاية
شوفى المبالغ اللى انا باكتبها واعملى زيى
ربع جنية
هههههههههههههههههههه

[Soma]

معلش يا ايمى اصلى اقتصادية اوىىىىىىىى :p
ياااااااااااه ربع جنيه بحاله انا اعمل بيه حاجات كتيرة جداااااااااا
اجيب بيهم 2 بونبون و3 مستيكات شوفتى اقدر اعمل بيهم اد ايه
او ادفعهم فى الترام وانا رايحه كورس الانجلش
اللى بعدى حتعمل ايه ب5000 جنيه

[KAREEM]

5000 جنيه اعمل بيهم مشروع جميل اوى
اجيب برينتر للكمبيوتر بحوالى خمسمياية
وكمان اجيب مكنة تصوير مستعملة حلوة ب4 الاف
وحيتبقى بقى 500 للورق والحبر والباقى للصيانة
انا بقى اسمى كريم يعنى حتشوف البزخ على حق
5 جنيه بحالها لا ومش الورق الجديدة اللى لسه منزلتش
أساسا ههههههههههههه

[AHMED MoSTaFa]

5 جنيه مره واحده انت فعلا كريم يا كريم

كفايه اوى انى حشترى علبه السجاير بتاعتى ومش مهم الدنيا حتمشى ازى

وطبعا انتم عرفين اد ايه هى مهمه

:

وشوف انا بقى مهتم بغيرى ازى


35 قرش بحالهم

[KAREEM]

لو كنت اعرف انك حتشترى بيها سجايو مكنتش عطيتها لك خالص
يلا ربنا يسامك بس انت ممكن تروح تراجعها وتجيب بيها حاجة
تكالها احسن ياولا هههههههههههههههههههههههههههههههه

[AHMED MoSTaFa]

لا منا عامل حسابى ومعايا فلوس اجيب بيها اكل هو ده كلام برده

الاكل اهم بس انا لسه عندى وعدى


حطلع 35 قرش بحلهم مين الى حيخدهم

[KAREEM]

خليك انت معلق على ال35 قرش
بتفكرنى بمسرحية عفروتو المشهد بتاع المزاد
ناس بتكلم فى ملايين وهو معلق 15 الف جنيه
ههههههههههههههههههههههههههههههههه
انا حاقول مبلغ حلو بقى
1999 جنيه استرلينى
عملة صعبة يعنى
شوف كام مصرى
وكام سودانى

[الورده البيضاء]

اية الكرم دة ياكريم
حاشترى لب وسودانى واقعد اقزقز
هههههههههههه
حابقى اجبلكم جبة
23جنية

[KAREEM]

كنت مستنى الرد بتاع السوانى دا
عارف انك فهمانى يا ايمى ودمك خفيف
والله دمى خفيف
عذرا
والله دمك خفيف
المبلغ اللى جاى
ورقة ب500 جنيه (من الجديدة)

[sara_w]

:confused::confused::confused::confused:يادوب نكمل الشقة اناوخطيبى ونتبرع منهم لاطفال السرطان وناسس مكتب مساحه على قدنا معلش بقى 2 مهندسين وفى نفس المجال............22.5 جنيه ايه رايكم:D:D:D:D:o:o:D:D:D:D

[KAREEM]

اجيب بيهم جوز دراعات للكمبيوتر
العب بيهم بعد الامتحانات بروفوليوشن
بدل ما الدراعات اللى عندى اتهريت
بس لو كنت اعرف انكوا حتكملوالشقى\ةانتى وخطيبك كنت بحبحتها شوية والله
دا انا حتى اسمى كريم
ربنا يتمم لكوا بخير ان شاء الله
وحاحط مبلغ حلو
وانتى وحظك لو لحقتيه
147 ألف جنيه ونص
ياترى حتعملوا زى احمد ادم
فى الرجل الابيض المتوسط
وسندوتش البسطرمة
وازاة السفن
بس تعزمونى

[sara_w]

هههههههههههههههههههههه اكيد معزوم بس مش شايف انك افتريت شوية فى الرقم على العموم اتمنى يكون المبلغ دة معاك بالحلال طبعا وانت فى سن صغيرة ومتنساش الصدقات والزكاة المبلغ اللى بعده 2000000000000000000000000000000000000000 يطلع كام دة؟؟؟؟

[KAREEM]

كام دا ؟؟؟؟؟؟؟؟؟؟؟؟؟؟؟؟؟؟؟:confused::confused::confused:: confused:

[الورده البيضاء]

ههههههههههههههههههههههه
مكنتش اعرف انك كريمة اوى كدة ياسارة
انا بقى هاخد منهم جنية اروح اشرب كوباية عصير قصب واسبلك الباقى حرام عشان تكلمو الشقة
وربنا يكفينا شر الفلوس
ويبعدنا عنها
قولى امين
هههههههههه
100 جنية

[sara_w]

جنيه بس ؟ياشيخة بحبحيها شوية على العموم مياية بحالها اوكى اشترى ليكى هدية لو نجحتى ولو خلصتى اعزمك على اكلة سمك حلوة فى بحرى واكيد هنكمل عليها يعنى اللى بعده 8888

[الورده البيضاء]

ربنا يخليكى ياقمر
انا هشترى حمام واطيرة
انا حرة فلوسى بقى
500000000000000000000

[شخص مجهول]

يااااااااااااااه المبلغ كبير اقوى......................

انا هشترى نفسى واقولك خليلك فلوسك انا مش محتاج صدقة من حد................ بس لوضغطى عليا هخدهم
واشترى اجهزة سليمة للقسم............ والباقة اجوز بيه
هههههههههههههههههههههههههههههه

المبلغ 2.5 جنيه
اعذرونى ياجماعة احنا خر الشهر
هههههههههههههههههههههههههه

[الورده البيضاء]

ماشى ولا يهمك بس ابقى اتوصى اول الشهر
انا بقى هجيب
اممممممممممممممممممممممممممممممم
واحد شوكولاتة وصلحو

اللى بعدة
ربع جنية

[sara_w]

ده انتى بخيله اوى
اكيد مستيكه مفيش حاجة يجيبها الربع جنيه غير كدة
مليااااااااااااااااااااااااااااااااااااااااااااااا اااااااااااااااااااااااارجنيه

[Ahmed Hosny]

اللعبة جميلة اوى
والمبلغ كبير جدا جدا ممكن اقسمهلكذا حاجة
1/ هشترى شقة على النيل
2/هعمل مكتب مساحة وgis خاص بيا
والباقى للمحتاجين
اللى بعدى لو معاك اومعاكى 96جنيه

[semsema]

ايه الرقم الغريب دا
على العموم
96 جنيه
هم
هشترى اكيد هشترى
مش عارف
هحوشهم لما احتاجهم
هممم
نمشيها 15 الف جنية

[rosy]

يااااااااااااااااااااااااااااااااااه
15 الف جنيه بحالهم
انا بقي هعمل بيهم عمايل جامده
الاول هحط منهم نسبه في المسجد
ونسبه برضو لدار الايتام
والباقي بقي هخبيهم
هههههههههههه


ماحدش هيحسد لو معاك/معاكي
15 قرش بس منغير ماحد يحطهم في البنك عشان الفوايد يعني

[نجم مدنى]

مبلغ كبير عليا اوى ومكنتش اتوقع انى همسك المبلغ ده فى يوم من الايام

بس ممكن اجيب بيهم كارت شحت

طب لو حد معاه جنيه وشلن هيعمل بيهم ايه

[rosy]

ماشاء الله هيبقي معايا كل ده
الله اكبر
ده انا مش عارفه اشكرك ازاي علي كل الجمايل ديه
جنيه وشلن كمان
لا بجد مش عارفه اعمل بيهم ايه
تفتكر يجيبو كيس شيبسي
عموما انا مش بخيله يا جماعه انا هحط 75 قرش بحالهم

[semsema]

يا بخيله انتى ف البيت كدة وف المنتدى كمان
هشترى شوب عصير قصب
مفيش غيرة



ياله 250 جنيه واديها

[sameh gamal]

مش عارف والله المبلغ مش بطال بس هجيب كتب سنه رابعه واجيب شبشب وشراب هههههههههههههههههه
نقول مبلغ معقول 20 الف جنيه؟

[semsema]

ياه ه ه ه ه 20 الف جنية دانا بقيت غنية اوى
همم
هشترى عربية محندقة كدة



ياله هيصه بقى


40 الف جنيه

[محمد زيدان]

هعمل مشروع صغير نفسى اعمله
لو معاك مال الدنيا كله

[rosy]

يااااااااااااااااااااااه مال الدنيا كله
ليه هبقي نصابه بالكهربا
ههههههههه
عموما هتبرع منه علي اد ما اقدر
والباقي بصراحه مش عارفه هعمل بيه ايه
لو معاك/معاكي
35 قرش
اي خدمه هتبقو اغنيه بفضلي اناااااااااا
هههههههه

[محمد زيدان]

هشترى1:شقة
2:عربية
3:اتجوز
4:اعمل مشروع
:اصيف كل سنة فى اسبانيا
والباقى اشيله
ههههههههههههههههههههههههههههههههههههههه
35 قرش ياااااااااااااااااااااااااااا
200000000000000000000000000000دولار

[Yamyam]

200000000000000000000000000000دولار
مش شايف انها وسعت شويه

المهم

أولاً حتبرع بجزء للأيتام و المرضى

ثانياً حشترى عربيه

ثالثاً الف العالم كله مع عائلتى واصحابى



رابعاً واخيراً

اصحى من النوم

500 الف جنيه

[semsema]

همم
500 الف
بص
اولا
هطلع زكاة كتيييييييييير
وبعدين هجيب كل حاجة يتمناها بابا وماما واخواتى
والباقى هصرفة انا وناس تانية كدة واصحابى
نحقق كل اللى بنحلم بيه
والمنتدى كلة معزم ساعتها على احلى واشيك مطعم فيكي يا اسكندرية
كفاية احلام بقى




25 الف جنية

[Ahmed Slem]

اولا هكمل عيهم و اجيب شوز ههههههههههههههههه
انا انشاء الله
هتبرع بجزء منه و الباقي هديه لوالدي لمساعدته في عمله
المبلغ بتاعي هو جنيه الا ربع

[KAREEM]

اجيب بيها واحدة كابرى ديرى ميلك
المبلغ اللى وريا أ:بر بكتير من
المبلغ اللى فات دا
انا بقول 75 قرش

[منووش]

يااااااااااااااه ده فعلا كبييير اوي عن اللي فات انا حعمل بيه صدقة جارية هههههههههههههههههه
المبلغ : 250 ألف جنيه

[حاتم طارق]

انا حيران حشترى حمام على راى المثل اللى معاه 250الف محيره يشترة حمام ويطيره
هههههههههههههههه

يلا بينا مليار دينار /مليار دولار/ مليار جنيةسودانى/ مليار جنية استرلينى/ مليار ين يبانى/ مليار ليرة /مليار ريال/ مليار يورو

مليار جنية مصرى

[Ahmed Slem]

هلعب بيهم
بلاي استيشن
المبلغ
1,25 يورو
خلي بالكم انا مش بخيل

[الورده البيضاء]

هههههههههههههههههههههههههههه
هاجيب حمام واطيرة

اللى بعدة
مليون كنية
يلا محدش اخد منها حاجة

[Ma7amed Adel]

انتى ايه يا امل كل شويه حاشترى حمام هو ايه الحمام بقى غالى اوووووى كده ولا عايزه تعملى غيه هههههههههههههههههههههههه انا بقى بجد حابنى اول حاجه جامع ودار للايتام وحج لابوى وامى والباقى طبعا علشان اتجوز ههههههههههههههههههههههه انا بقى كريم اوووووووى 3قروش

[زهرة]

ايه الكرم دا كله لالالا مش واخدين على كدا ياعم مش عارف تخليهم قرش واحد كفايه ان المسرفين كانوا اخوان الشياطين 3 قروش حرام عليك يعملوا ايه فى الزمن دا يلا امرى لله انا هحوشهم فى الحصاله يمكن ييجى 3 قروش غيرهم

[زهرة]

نسيت اقول المبلغ لو معاك 30 مليون دولار تعمل ايه

[Ahmed Slem]

هشتري بهم الكلينكس
و ورنيش علشان المع الشوز الجديد اللي اشترته بالفلوس اللي قبل كده هههههههههههههههه
بصراحه
انشاء الله حج لابي و لمي و مسجد كبير و دار للايتام و جزع كبير لمستشفي السرطان و الباقي اجوز بيهم اهو اجيب شقه 2 اوضه وز ريشيبشن هههههههههههه
انا كل مره بخيل المره دي
190جنيه
لا
80جنيه
لا
20 جنيه ههههههههههههه
55555مليون يورو

[زهرة]

يااااااااااااااااااااااه كل دا دا انا هعمل عمايل اطلع انا واسرتى الاول نحج واعمل مدرسه ومسجد ومستشفى على اعلى مستوى للناس المحتاجين وابنى مدينه للشباب واعمل مشروع عائده كله للاسر الفقيرة واساعد اى حد محتاج بصراحه فى حاجه كمان بس لو قولتها فى الزمن دا تبقى نكته فانا هخليها ليا مقولش عليه الا لما تيجى ال 55555 مليون يورو ههههههه

[حسام المصرى]

هشترى كريستيانو رونالدو واحطه فى الصاله واشترى بالبابقى مخدرات
وابقى انا محتكر سوق المخدرات فى العالم

[حسام المصرى]

سورى المبلغ 55 قرش

[Ahmed Slem]

يادوبك
هرن علي
my love
هههههههههههههههههههههههه
42 جنيه

[الورده البيضاء]

ههههههههههههههههههههههههههههههه
يادوبك اخد بيهم لفة بالميكروباص بتاع محب
هههههههههههههههههههههههههههههههه

انتى ايه يا امل كل شويه حاشترى حمام هو ايه الحمام بقى غالى اوووووى كده ولا عايزه تعملى غيه
هههههههههههههههه
باذن الله؟
وهابقى اعملك ديسكاوند اما تيجى تشترى منى يامحب
25% زيادة
مصاريف ضرايب
ههههههههههههههههههههه

اللى بعدة
ربع كنية مصرى من الجديد
هههههههههه

[Ahmed Slem]

هبوس ايد محب علشان اتشعلق في الاتوبيس بتاعه
هههههههههههههههههه
450000 ين ياباني

[الورده البيضاء]

ودول يطلعو كام دول
اقولك
هاجيب بيهم لب وسودانى
هههههههههههههههههههههه


23 كنية

[mon ange]

23 بحالهم محتاجه محامى علشان يبقى يعرف يوزعهم فى الميراث الشرعى ههههههههه
1750