المساعد الشخصي الرقمي

مشاهدة النسخة كاملة : انا.. والفسيخ ..وهوااك...!!!



احمد عبد الحليم
11-15-2008, 03:12 AM
سيداتي سادتي كله يظبط موجة راديو على قناة " الإف اتش"20006600






حيث المرح و الهرج و التهييس و قناتنا هي أول قناة تنمي
التفاهة عند
الشباب وتفخر بأنها لا تقتصر فقط على الراديو بل و أيضا
التلفزيون
عشان نطبق المثل " اللى ما يشتري يتفرج "









و أيضا قناتنا تقدم باقة مختارة و غير مختارة من الأغاني بهدف
على
كل لون يا بتسطا "









و الأن نترككم مع برنامج "أنا والفسيخ وهواااك " مع أسامة
سمير :







تحذير هام :
" ننصح مرضى القلب و الضغط مراجعة الطبيب قبل الإستماع المحطة
غير
مسؤلة عن أى أصابات "








المذيع ( عفانا الله و عفاكم ) : أحبائي الحَبيبة اللى بيحبه
الحب
عشان خاطر الحب (مش عشان حاجة تانية...) موضعنا النهاردة عن""
الحياء
في الحب"" وده موضوع يؤرق كل شبابنا الحَبيّب و نحب ننبه على






كل اللى
هيتصلوا بينا البنين منهم والبنات(
أقل من 18 سنة) على انهم يخلوا التليفون جمبهم تحت البطانية
ويتأكدوا إن كل اللى فى البيت ناموا ( عشان ياخدوا راحتهم فى
الفضفضة








واعرف اعملهم انلايزيشن كويس يرضيهم ويبسطهم ) .....ونستقبل
أول إتصال
حريمى






المذيع :
الووووووووو





الحبيبة : ألو إزيك يا أثامة أنا بحبك أوي اوي بجد بحبك
موووووت وكان
نفسى أكلمك من زمان





المذيع : فعلا .. فعلا ..أنا اتحب حقيقي
بس إحنا موضعنا إنهاردة عن الحياء في الحب إنت
متجوزة
؟






الحبييبة : لأ





المذيع : مخطوبة ؟





الحبييبة : توء




المذيع مرتبطة عاطفيا ؟




الحبيبة : أه



المذيع : طب يا ترى قلتيلوا بحبك؟




الحبييبة في إندهاش و إندفاع شديد : طبعا كتير بس هو مأليش
خالص...





المذيع : أه ممكن يكون هو بيكسف أو في أنواع من الشباب ما
بيصرحش
بحبه لأنه أكيد بيكون بيلعب
بعواطف البنت بس أنا بشجعك علي الإستمرار في
العلاقة






الحبيبة : اثامة بث حاثة إني بحب واحد تاني بث الأولاني مالي
علية
حياتي





المذيع : أنا رأي إنك تسيبي الأول و التاني و تحبي من أول و
جديد





و دلوقتي نسمع أغنية "الإختاشوا ماتوا"




وعايز اشوف الناس فرحانة بالبرنامج دة ولا لا

احمد عبد الحليم
11-16-2008, 02:25 AM
ارجو الرساله تكون وصلت ...

Rania Ismail
11-16-2008, 07:03 PM
وصلت يا حليم وشكرا ليك
ولو فى حلقات تانيه او مكالمات تانيه ممكن تكملها واحنا معاااااااك استمر

احمد عبد الحليم
11-17-2008, 02:52 AM
شكرا يا رانيا علي مرورك وتشجيعك......

سلمي جمال
11-17-2008, 03:33 AM
hhhhhhhhhhhhhhhhhhhhhhhhhhh
ya ret tkamel dah brnameg gameel awy

Mimi
11-17-2008, 07:42 AM
ههههههههههههههههههههههههههه فعلا الاتصال مناسب جدآ لموضوع الحلقة

في انتظار باقي الحلقات ياحلييييم موضوع لذيذ اوي

نشوى
11-17-2008, 11:04 PM
بجد موضوع جامد جدا ويا ريت تكملة يا حليم و كل اللى على المنتدى فى انتظارة

احمد عبد الحليم
11-18-2008, 12:48 AM
شكرا سلاميكا وشكرا جودى وشكرا نشوى علي مروركم وردودكم وانتظروا المذيد.......

Night Moon
12-08-2008, 05:49 PM
مع انك بوظت صورة اسامة منير للناس اللي مايعرفهوش بس البرنامج حلو ومنتظرين منك الحلقات جديدة

bosy
12-10-2008, 01:35 AM
الموضوع جميل خالص خالص يا حليم

والنبى عوزين حاجات تانى كتير

احمد عبد الحليم
12-10-2008, 11:26 AM
شكرا نايت علي مرورك و شكرا بوسي علي مشاركتك
وبقولك نايت انا مش بيعجبني اسامة ولا ردودة بحس انها ردود تفتقد للخبرة...

Wild_Angel
12-10-2008, 03:03 PM
من رأيى ان البرنامج اصبح ادمان غير طبيعى لكتير منا لشباب وخصوصا الانسات
يعجبنى الاسلوب الساخر الهادف
بس تاعبنى اوى عدم تطبيق الحيــــــاء
ربنا مع الجميع
شكرا ليك احمد عبد الحليم

احمد عبد الحليم
12-11-2008, 02:30 AM
شكرا وايلد علي مشاركتك ...
انا مش مع ان حياة الواحد تصبح مشاع في برنامج..
لدرجة انى مرة سمعت مدام بتعترف بخيانتها لزوجها
يعنى كمان جهر بذنب...وربنا يهدى الجميع..