المساعد الشخصي الرقمي

مشاهدة النسخة كاملة : اضحك مع الفلانتين وهداياه



free eagle
11-17-2008, 12:43 AM
هناك مناسبتان تحمر فيهما شوارع مصر المحروسة.. الأولى عندما يفوز الأهلي وهو أمر طبيعي لا غرابة فيه. والأخرى في عيد الحب.

وأنا لا أرى ضرورة لعيد الحب في الواقع.. كده كده الناس بيحبوا بدون الحاجة إلى تذكيرهم بأن هناك حباً وله عيد.. والأعزب ينوي أن يقضي يوم عيد الحب كأي يوم آخر.. لكنه يفشل في ذلك تماماً حيث إنه يفاجأ باحتفاء غير عادي بهذا العيد.. ويجد نفسه محاصراً.. فالشوارع حمراء ومحلات الهدايا اكتظت بالبضائع الهايفة التي سيقدمها الأحبة لبعضهم، ومحلات الورود فاتحة على مصارعها.. والكل يتحدث: هاتروح فين في عيد الحب.. هاتجيب إيه هدية النهاردة.. والإعلام.. تجد ندوة في التليفزيون عن عيد الحب، وأغنية لتامر حسني في عيد الحب، وحفل لمحمد فؤاد بمناسبة عيد الحب، وإعلانات لا حصر لها في نجوم إف إم على غرار (جبت هديتك؟ ولا لسه.. إتصل على زيرو تسعمية) كل هذا يصيب العازب بالذنب لأنه لم يشتر هديته بعد!
وكأن عيدا واحدا مش كفاية فاخترعنا عيداً آخر للحب لنصبح الدولة الوحيدة التي بها عيدان للحب.. عيد الحب العالمي وهو ما نشترك فيه مع كل العالم، وعيد الحب المصري الذي نحب فيه وحدنا.
وهدايا عيد الحب عجيبة للغاية، وإن كان الورد أقلها غرابة وقد أسلفنا نظريتنا في الورد، فهناك أيضاً الدباديب.. العديد من الدباديب حتى تشعر أنه غزو من كوكب الدباديب لكوكب الأرض في عيد الحب.. دباديب من كل الأشكال والألوان والأحجام.. والأسعار أيضاً.. فالدبدوب المحترم له ثمن والدبدوب النص نص له ثمن.. المهم إن كله يجيب دباديب.

مرة رأيت فتاة تمشي "بصحبة" دبدوب ما.. نعم بصحبته لأنه كان يقاربها طولاً فسألتها
• لو سمحتي يا آنسة
• نعم؟
• ممكن سؤال
• اتفضل
• بكام دا؟
• دا بـ 450 جنيه.. ليه
• لا ولا حاجة (الله يحرقك ويحرقه)
دبدوب بـ450 جنيه.. ليه.. دا لو كان دباً حياً من أدغال أفريقيا لما استحق هذا المبلغ.. ومن الذي يستحق هدية بـ450 جنيه.. وإذا وجد هل من الأفضل أن يكون دبدوباً؟؟، وسرحت وأنا أحول ثمن هذا الدبدوب إلى سندوتشات فول وطعمية.. يااه.. يا له من تبذير وسفه.

ولا أعرف حقيقةً علاقة الدباديب بالحب. فالدب كائن شرس، مخيف الشكل لا يمكن أبداً أن يعرف الحب. والأصل التاريخي الوحيد للدب في تراثنا الشعبي هو أن (الدبة قتلت صاحبها) طبعاً غير الأغنية الشهيرة (طلعت أدب نزلت أدب.. لقيت الدب بيقزقز لب) وهي تعبر عن حب الدبدوب لقزقزة اللب. وبسؤال أحد الأطباء النفسيين قال إن من يهادي حبيبه دبدوباً فإنه يريد التخلص منه، وذلك بالتمني في عقله الباطن أن يستيقظ الدب ليلاً ويفعل فعلة الدب الأول ويهوي بحجر على رأس محبوبته.

وقد تبين الآن بعد نظر "مصطفى قمر" في أغنيته الشهيرة (يا ناس أنا دبت في دباديبه) من كثرة ما جاءه من دباديب من المعجبين والمعجبات، أيضاً المصطلح الشعبي الشهير الذي يعبر عن شدة الحب (أنا ميّت في دباديبه) هل لاحظتم السلاسة التي ننطق بها الجملة دون أن نعي خطورة معناها (ميّت – دباديبه) احذروا.. فالدباديب بتموت.. لهذا ينادي البعض بتغيير العبارة إلى (ميّت من دباديبه).

وقد حيرني هذا السؤال كثيراً.. لماذا الإصرار على الدب بالذات ليكون رمزاً وأيقونة للحب؟ لماذا لا نختار الأرنب أو القرد أو الفيل أو حتى الحمار –وهو الأنسب– ما المانع أن نتمرد ونختار رمزاً جديداً ونصدره نحن للعالم على شكل هدايا ودمى وأفلام كارتون وقراطيس لب؟

قلة قليلة هي من تفضل أنواعا أخرى من الهدايا كساعات اليد والبارفانات والملابس.. وهناك أيضاً الحيوانات.. فكثيراً ما تجد شابا محترما ملو هدومه يحمل قفصاً به كلب صغير يعده ليكون هدية لحبيبته التي تطير فرحاً به..
• ميرسي قوي يا حبيبي.. أنا من زمان كان نفسي في كلب
• وأديني جبتهولك.. مبسوطة؟
• جداً.. عارف يا حبيبي.. أنا كل ما أبص له هافتكرك على طول
• !!
اشرب بقى.. ما هي الهدية من مقام صاحبها، وهناك أيضاً من يهدي حبيبته قطة باهظة الثمن، وحين تسأله عما إذا كان فقد عقله ليدفع كل هذه الأموال في قطة يُجيبك:
• يا عم دي قطة شيرازي من أصل شركسي
• تفرق يعني عن أي قطة بلدي من أصل كسكسي؟؟
• طبعاً.. دي قطة بنت أصول.. لها أصل وفصل.. ولها طبيب خاص وجدول وتطعيمات
• طبيب خاص.. طب وليه التكاليف؟ ما تقدم لها في التأمين الصحي
• ما ينفعش.. أنت عايزها تروح فيها
• ما تروح.. يعني هي هاتبقى أحسن من البني آدميين
• دي كمان لها شهادة ميلاد.. وجواز سفر
• وعندها كام سنة المحروسة بقى؟
• تلات سنين
• يعني يادوب تلحق
• ألحق إيه؟
• تقدم لها في (كي جي تو)!!
يجب ألا تتمادى في الحديث مع مثل هؤلاء.. فهو مفتون بالقطة إلى حد الجنون، ويحاول أن يفتنك بها مثله، فيظل يتغزل في أصولها وأجدادها العظام.. وقد يتمادى ويخبرك أنها حفيدة "سعيد زغلول" شخصياً!!

وفي حديث آخر مع خبير الطب النفسي أعطانا تحليلاً للهدايا ومدلولاتها.. فالهدية ليست دائماً حسنة المعنى، وإنما في كثير من الأحيان تحمل الهدية رسالة خاصة من العقل الباطن لمقدم الهدية كالآتي:
إذا كانت الهدية قطعة من الملابس تكون الرسالة: عشان تبقى تعرف تلبس بعد كده بدل الهلاهيل اللي أنت لابسها
أما إذا كانت بارفان فمعناه أنك يجب أن تستحم حتى يستطيع البارفان أن يعمل عمله
ولو كانت ساعة فيجب أن تخلي عند أهلك شوية دم وتيجي في مواعيدك بعد كده
لو كانت قطة فاحذر.. ستغدر بك وتتنكر لك وقد أهدتك القطة لتتعود على الغدر
لو كان كلباً فهي تطلب منك أن تتعلم شيئاً من الوفاء.. ومن لم تعلمه الدنيا يعلمه الكلب
وكما قلنا يحرص كل عاشق علي اقتناء هديته في ذلك اليوم الأحمر المبارك الذي يسترزق فيه بائعو الورود ومحلات الهدايا والمطاعم والسينمات.. ويكون عاراً وفضيحة إذا نسي عيد الحب.. ليلة أهله زرقاء.. فالفتاة ستلوي بوزها وتخاصمه شهراً على الأقل، كيف لم يتذكرها في عيد الحب.. ندالة طبعاً، ويظل يحاول أن يرضيها ويسترضيها بعدد أكبر من الهدايا والورود والدباديب حتى تتنازل وتقبل أن تغفر له خطأه الشنيع.. وإذا لم ترض يسوق عليها كل معارفها وصديقاتها اللائي يفهمنه أن الأمر صعب جداً (حد ينسى يجيب هدية عيد الحب) ولكنهن يعدنه أنهن سيحاولن معها.. ولأنه عيد مقدس عند العشاق.. والاحتفال به فرض عين على كل عاشق، فلا توجد وسيلة معروفة حتى الآن للتكفير عن ذنب نسيان هدية عيد الحب المبارك، ومازال علماء الغرام مجتمعين لوضع بعض الاقتراحات ومنها أن يذبح العاشق ثلاثة دباديب كبيرة، ويوزع فروها على أهل العشق والهوى، أو أن يطعم ستين عاشقاً مسكيناً من غير ذوي الدباديب.
وهناك مشروع قانون معروض على قاضي الغرام بحبس كل من يثبت عدم شرائه هدية عيد الحب مع سبق الإصرار والترصد مدة لا تقل عن شهرين أشغال شاقة، مع تغريمه عشر عزائم في أفخر المطاعم والسينمات تعويضاً للطرف الآخر عن الأضرار المعنوية التي لحقت به جراء عدم الحصول على هدية!
شئنا أم أبينا فإن عيد الحب أصبح في غاية الأهمية للأحباء وهو مناسبة مهمة للاسترزاق.. وأرى أن أنسب مشروع للاستفادة من عيد الحب هو عمل مزرعة دباديب تكون في خدمة العشاق في عيد الحب المبارك.

وكل دبة وأنتم طيبين

abdelrahman ballack
11-17-2008, 01:16 AM
سيبوا الناس فى حالها ماللى يلبس يلبس وانتوامالكوا

free eagle
11-17-2008, 01:25 AM
:pايه يا عبدو انت متنرفز ليه
هو انت محدش بيجيبلك هدية ولا ايه

ميرا مار
11-17-2008, 06:24 PM
هههههههههههههههههه
والله موضوع جميل .. خصوصا الجزء اللى بيدعى عليها يحرقها هى والدبدوب
وهدية الكلب ..هههههههه

على فكرة انا مش باحب عيد الحب..
لان المفروض كل يوم نحتفل باحبائنا..
شكرا لك ايجل ع الموضوع الجديد دة

free eagle
11-17-2008, 06:26 PM
والله هو دة راي
ان كل يوم عيد حب اللي بيحبوا مش محتاجين يوم واحد بس علشان نحتفل بيهم
صح ولا انا غلطان

Rania Ismail
11-17-2008, 07:28 PM
ههههههههههههههههههههههههههه
بجد موضوع جميل قوى
هههههههههههههههههههههه
ايون عاوزين حل للموضوع ده ال دباديب والارانيب انت نسيتها
واكتر حاجه عجبتنى
دبدوب بـ450 جنيه.. ليه.. دا لو كان دباً حياً من أدغال أفريقيا لما استحق هذا المبلغ.. ومن الذي يستحق هدية بـ450 جنيه.. وإذا وجد هل من الأفضل أن يكون دبدوباً؟؟، وسرحت وأنا أحول ثمن هذا الدبدوب إلى سندوتشات فول وطعمية.. يااه.. يا له من تبذير وسفه.

samomran
11-17-2008, 07:32 PM
ههههههههههههههههههههههههههه
حلو اوى الموضوع بصراااااااااحه
اه و الله انا واحد من الناس الاقى كل اصحااااااااابى بيقضوا اليوم مع الحته بتاعت كل واحد و انا بقضيه فى البيت
لالالازم نلاقى حل للاحمرار اللى بيحصل ده و الله

free eagle
11-18-2008, 06:01 PM
طيب شكرا يا رونى على الكومنت الجميل دة

free eagle
11-18-2008, 06:02 PM
طيب حاولوا تفكروا معايا على حل لموضوع الاحمرار دة علشان نمنع الظاهرة الغريبة دى
ههههههههههههههههههههههههههههههههههههههه

reda bebo sister
11-18-2008, 08:36 PM
يا جماعة انتوا زعلانين ليه ناس معاها فلوس مضايقاها و اللى معاه قرش محيرة يجيب دباديب فى عيد الحب

free eagle
11-18-2008, 10:14 PM
هههههههههههههههههههههههههههههههههههههههههههههههههه

ماشي يا روبي


بس برده لازم يراعوا شعور الشباب التانية
هههههههههههههههههههه

spider girl
11-20-2008, 12:30 AM
ههههههههههههههههه
حلو قوى يا سمسم على رايك ايه النا س الرايقة دى
بس بينى وبينك سعات الحجات دى بترجع زكريات حلوة

free eagle
11-20-2008, 12:34 AM
والله ساعات بس مش ب450 حرام دة لو جاب دبدوب ب50 جنيه هيفى بالغرض

والباقى يتبرع به

spider girl
11-20-2008, 12:38 AM
هوه اخرة ب7.5
وخلص نفسك

A.H.D
11-20-2008, 12:41 AM
على فكرة ياجماعة انا مشفتش اللى انتو بتتكلمو علية دة ممكن اشوفة لو ينفع بليييييييز

free eagle
11-20-2008, 12:53 AM
ارجع ف الصفحة الاولى واتفرج وبعدين قول رايك

foska
11-20-2008, 07:34 PM
عندك حق بجد يا ايجل
موضوعك رائع جدا وتحليلك للامور ممتازة
لكن السؤال هنا :. اية اللى بيحصل فى عيد الحب بتاعك ؟
بيعدى كدة زى اى يوم؟ ولا انت من ضمن اخوانا المحصبين دول:rolleyes::cool:

magdysa3ed
11-20-2008, 10:55 PM
لا جامد جدا ههههههههههههههه

free eagle
11-21-2008, 05:19 AM
عندك حق بجد يا ايجل
موضوعك رائع جدا وتحليلك للامور ممتازة
لكن السؤال هنا :. اية اللى بيحصل فى عيد الحب بتاعك ؟
بيعدى كدة زى اى يوم؟ ولا انت من ضمن اخوانا المحصبين دول:rolleyes::cool:




بص يا استاذ فوسكا
انا من وجه نظرى ان الواحد مش محتاج ليوم واحد واسمه يوم الحب علشان يروح وينزل مع اللي مرتبظ بيها ويجيب هدية وكدة
انا شايف ان طالما انت بتحب يبقي اكيد كل يوم عندك هيكون فلانتين
فانا مش بعمل حاجة خالص ف الفلانتين
وممكن كمان منزلش الكلية اصلا علشان اقطع الموضوع دة من الاساس
بس دة كل اللي فيها

free eagle
11-21-2008, 05:20 AM
شكرا يا استاذ مجدى على الكومنت اللذبذ دة


ويا رب باقى المواضيع اللي عاملها تكون عجباك

semsema
11-21-2008, 06:49 PM
موضوع جميل جدا يا سمسم
مكنتش اعرف ان دا رايك والله
بس عندك حق
انا من هان ورايح علشان خطرك
مش هحتفل باى يوم يشير اللى الحب
هنستنى منك مواضيع توضح لنا رأيك العظيم دا



اه صحيح ابقى سلملى على محسن كتييييييييييييير اوى

free eagle
11-21-2008, 07:06 PM
ماشي يا ست سمسمة ابقي اسلملك عليه

free eagle
01-13-2009, 09:02 PM
وبعدين يا سمسمة هو لازم يكون ف يوم واحد بس اسمه الفلانيتن علشان الواحد يهدى حبيبيه


مينفعش برده واستنى بس شوية هعمل موضوع عن عيد الام

الصبر لسه وقته مجاش

white_heart
01-14-2009, 12:03 AM
ههههههههههههههههههه

لا موضوع تحفة يا يسرى

وفعلا انا معاك انت وموها فى الراى

ان اللى بيحب مش محتاج يوم علشان

يعبر فية عن حبة

كل يوم عيد حب

free eagle
01-14-2009, 06:06 PM
والله انا قولت كدة محدش صدقنى
ههههههههههههههههههههههههههههههههههههههه



شكرا يا ويت على الراى دة

Night Moon
01-31-2009, 11:53 PM
لو سمحتي يا آنسة
• نعم؟
• ممكن سؤال
• اتفضل
• بكام دا؟
• دا بـ 450 جنيه.. ليه
• لا ولا حاجة (الله يحرقك ويحرقه)
والله يا يسري قابلني مرة موقف زي دة بس دي كانت واحدة اعرفها وكان اليوم دة ماعرفش انة الفلانتين غير لما لقيت الناس كلها ضاربة احمر ساعتها قولت جملتك دي

free eagle
02-01-2009, 01:37 AM
ههههههههههههههههههههههههههههههههههههههههههههههه


والله الناس كلها تفضل تقولى انت هتجيب ايه ف الفلانتين


وانا ارد نفس الرد مش لازم اجيب حاجة علشان هو مش يوم واحد بس دة كل يوم


شكرا ليكى يا نيت

IQI__HeMa__IQI
02-01-2009, 08:42 PM
بص يا يسرى هو موضوع جميل
وانا معاك انك عندك حق فى كل كلمه
بس اقوالك حاجه من اخ
انت لو حبيت بجد حتحتفل باليوم ده
ولا هتحس انه غريب ولا حاجه بالعكس
هتجيب هديه وهتخرج وهترتب لليوم من قبلها
لكن لو واحد مش بيحب وعادى بالنسباله مساله الحب
هيحس انه يوم غريب وهيشيل همه من قبل ما يجى
ونفسه يغمض عينه ويفتحها يلقى اليوم خلص
اسف ليك ولناس طبعا على الاطاله
وتسلم يا معلم موضوع جميل اوى

free eagle
02-02-2009, 03:10 PM
على فكرة يا هيما انا الحمد مش بحب

































انا زى مبيقولوا واقع وخلاص ربنا يسهل وهنتخطب

ومفتكرش اننا احنا الاتنين احتفلنا به

عادى خالص

مش بخل ولا حاجة

احنا لما نحب نهادى بعض مش محتاجين ليوم واحد

وكمان كفاية انك بتشوف الناس كلها بتعمل زيك

واحنا مش بحب اعمل زى الناس

free eagle
02-14-2009, 04:55 AM
يا جماعة ادخلوا وشوفوا بقي الفلانتين


هههههههههههههههههههههههههههههههههههههههههههههههههه هههههههه

منمونة الدلوعة
02-15-2009, 12:06 AM
والله معاك حق اصلا غير كل ده
حرام ايه عيد حب دى كل الحاجات دى حرام
والله فى الاسلام مفيش الا عيدين بس عيد الفطر والاضحى
باقى الاعياد دى بقى مش معترف بيها ميرسى على التوبيك

essam abd elftah
02-15-2009, 12:36 AM
الحل فمشكله الاحمرار دى هو ان الزمالك يكسب
ههههههههههههههه

free eagle
02-15-2009, 03:00 AM
والله معاك حق اصلا غير كل ده
حرام ايه عيد حب دى كل الحاجات دى حرام
والله فى الاسلام مفيش الا عيدين بس عيد الفطر والاضحى
باقى الاعياد دى بقى مش معترف بيها ميرسى على التوبيك




والله يا مون مون


انا ف كل موضوع للفلانتين ادخل واقول

يا جماعة دة مش اسمه عيد دة اسمه يوم

والحمد لله في ناس بتصلح

free eagle
02-15-2009, 03:01 AM
الحل فمشكله الاحمرار دى هو ان الزمالك يكسب
ههههههههههههههه



والله لو حصل ايه يا اسلام


وبلاش نتكلم على الزمالك


ههههههههههههههههههههههههه

Marwa Mahmoud
02-15-2009, 09:26 AM
ههههههههههههههههههههههههههههههههههههه
جامد جداااااااااااااااا الموضوع ده
وحكايه الأحمرار اللى ماشية فى البلدى عوزين نشفلها حل
ولا أيه يلا همتكوا معايا يا رجالة
عوزين نقفل كل محلات الدباديب ونحرق محلات الهدايا
أيه رأيكوا
هههههههههههههههههههههه

alaa eid
02-15-2009, 02:13 PM
ههههههههههههههههههههههههه
والله عندك حق كله كلام تافه وكمان حكاية الدباديب ههههههههههههههههههه والله حاجة تضحك صحيح
ميرسي خااااااااالص يا فري
تسلم ايدك

free eagle
02-15-2009, 08:38 PM
ههههههههههههههههههههههههههههههههههههه
جامد جداااااااااااااااا الموضوع ده
وحكايه الأحمرار اللى ماشية فى البلدى عوزين نشفلها حل
ولا أيه يلا همتكوا معايا يا رجالة
عوزين نقفل كل محلات الدباديب ونحرق محلات الهدايا
أيه رأيكوا
هههههههههههههههههههههه




مش لدرجاتى يا مرمر ايه معندكيش دبدوب يصعب عليكى


حرام عليك نحرق محلات الهدايا ليه بس


احنا ممكن ناخد الهدايا
وبعد كدة نحرقها فاضية

هههههههههههههههههههه

free eagle
02-15-2009, 08:41 PM
ههههههههههههههههههههههههه
والله عندك حق كله كلام تافه وكمان حكاية الدباديب ههههههههههههههههههه والله حاجة تضحك صحيح
ميرسي خااااااااالص يا فري
تسلم ايدك




على ايه يا لولو هى تضحك جامد جدا

تعرفي هو مش كلام تافه بس احنا اللي خلنا كدة

ومش لازم الواحد يجيب دبدوب ممكن يكون اكبر منه

تعرفي لو وردة ممكن تخلص الكلام كله

كفاية كلمة بحبك مع ابتسامة

ممكن تفي بالغرض الحب مش بالدبدوب ولا بالمظاهر

الحب انك تقدري تسعد حبيبك بس كدة

Marwa Mahmoud
02-15-2009, 09:33 PM
مش لدرجاتى يا مرمر ايه معندكيش دبدوب يصعب عليكى


حرام عليك نحرق محلات الهدايا ليه بس


احنا ممكن ناخد الهدايا
وبعد كدة نحرقها فاضية

هههههههههههههههههههه

أسمع بس يا يسرى وخليك معايا
أحنا هنعمل خطة على تلت محاور
المحور الأول : هنقتحم محلات الهدايا والدباديب
المحور الثانى : هناخد الهدايا والدباديب
المحور الثالث : أننا يإما نولع فيها ودة المحتمل
أوأخدها كلها لياههههههههههههههههههههههههههههه
ده لو مكنش عندكوا مانع طبعا
أية رأيك

free eagle
02-15-2009, 09:36 PM
أسمع بس يا يسرى وخليك معايا
أحنا هنعمل خطة على تلت محاور
المحور الأول : هنقتحم محلات الهدايا والدباديب
المحور الثانى : هناخد الهدايا والدباديب
المحور الثالث : أننا يإما نولع فيها ودة المحتمل
أوأخدها كلها لياههههههههههههههههههههههههههههه
ده لو مكنش عندكوا مانع طبعا
أية رأيك





من غير متقولى يا مرمر انا ههديهالك بسماحة نية

بس مليش دعوة لو اتمسكتى ههههههههههههههههههههه


نورتينى تانى

Marwa Mahmoud
02-15-2009, 09:41 PM
من غير متقولى يا مرمر انا ههديهالك بسماحة نية

بس مليش دعوة لو اتمسكتى ههههههههههههههههههههه


نورتينى تانى

لالالالالالالالالالالالالالالالالالالالا ملياش دعوة
أنتوا كنتوا معايا
هيا دى أصول الجدعنة بردة
خلاص النص بالنص

free eagle
02-15-2009, 09:52 PM
لالالالالالالالالالالالالالالالالالالالا ملياش دعوة
أنتوا كنتوا معايا
هيا دى أصول الجدعنة بردة
خلاص النص بالنص




لا خلاص حلال عليكى الهدايا كلها وهنقفك معاكي يا مرمر


ههههههههههههههه


متقلقيش