طبيب القلوب والحب

[free eagle]

بعد اذن المسؤلون ف المنتدى انا ممكن افتح عيادة خاصة ف المنتدى


(اسميها عيادة القلوب)


علشان اداوى اي قلب اى حد مجروح وبرده انا ممكن استعين باى حد ممكن يفيد المريض برايه



انا هستنى اى حد يسال وانا باذن الله هجاوبه وهديله كامن روشتة ببلاش وباذن الله هتخف هتخف معنا



لسنا الوحيدون ......................ولكننا المتميزون










واجو من يشتكى ان يسارع بالحجز باب الشكوة مفتوح



والله الموفق

واموضع دة بجد مش بهزار

[Nhla147]

ماشى يا سمسم انا بسارع بالحجز

بس انا مش هشتكى الحمد لله

انا هبقى اقول رأيى

وبجد فكرة حلوة

أختــــــــ نهله ـــــــــك

[zoro313]

بص يا free eagleهو الشكوى لغير الله مزله يعنى
بس بما انك اسامة منير المنتدى فأنا هكون اول المرضى بتوعك وعاوز روشتتك

ليه لما الواحد بيشوف بنت حلوة اوى بيبقى هيعمل الى متعملش علشان يكلمها وبعد كده يزهق منها الموضوع ده اتكرر معايا كتير
يلا بقى ورينى شطرتك

[free eagle]

ماشى يا سمسم انا بسارع بالحجز

بس انا مش هشتكى الحمد لله

انا هبقى اقول رأيى

وبجد فكرة حلوة

أختــــــــ نهله ـــــــــك



الاول بحب اشكر الاخت نهلة وارحب بالمشاركة معاها

[free eagle]

ثانيا بقي يا عم زووووورووووو

المشكلة دى مش بتواجهك انت بس دى مشكلة اغلبية الولاد ودى بتبقي


هو بيكون مجرد اعجاب وبتتشد للبنت الحلوة دى بس بعد مبتتكلم معاها او تخرج معاها خلاص زى الطفل الصغير لما بيشبط ف حاجة وبابا بيجبها خلاص بيلعب بيها وخلاص بتاخد وقتها
ودى ف نظرى بتبقي عقدة نقص عند معظم الشباب انهم مش لاقين بنات حلوة ف الشلة بتاعتهم فلما بيخرجوا ويتكلموا معاهم ويعملوا مقارنة بين البنات الحلوة والبنات اللي معاهم ف الشلة بيبقي الجواب لصالح الشلة علشان كدة الولد بيسيب البنت ويرجع يقعد مع الشلة تانى


بس دة كل اللي عندى وارحب با مشاركة

[ميرا مار]

والله يا ايجل انا باشكرك
لكن الموضوع دا مكرر
الاول موضوع اسمه ماذا تفعل لو كنت مكانى
والتنى موضوع لسامو بيقول ادخل وقول عندك ايه
وللاسف مافيش تجاوب
انتت عارف صعب حد يبوح بمشاكله على الملا
عموما انا هاترك الموضوع فترة
لو فى تجاوب اوك ..
لو مافيش بردو يبقى هيحذف وشكررررررررررررررررا مرة تانية

[zoro313]

شكرا ليك يا دكتور بس قولى الاستشاره امتى هههههههههههه

[free eagle]

الوقت اللي انت عايزه يا زورو

[semsema]

الفكرة حلوة اوى يا سمسم
اتمنى الموضوع ينجح
وياريت لو تعمل عنه اعلان زى مثلا يكون الامشاء بتاعك من موضوعاتى
وكدة يعنى
وانا اول ما تكون عندى مشكله اكيد هحكيلك عليها
مش العلاج مجانا برده ولا ايه؟;)

[free eagle]

ايون يا استاذة سمسمة وشكرا على النصيحة اوى


والعلاج مجانا بس لو حد عايز يدفع مش هقوله لا
اصلي عايز اتجوز
هههههههههههههههههههههههههههههههه

[هدى على]

هو انا لية مش لاقية بنات احس انهم بنات بجد يعتمد عليهم ان يكون لية صديقة يعتمد عليها مش مجرد كلام لية مبعترفش بمعظم البنات لية معرفش ونادر اما تشوف شاب جدع كدة تحس انة يواجة الحياة وعندة ثقة لية معرفش

[free eagle]

اقولك يا سيتى
اولا بالنسبة للبنات الواضح وعن تجارب شخصية ثبت الاتى ان البنات ف الغالب الاعم انهم مش بيحبوا البنات اللي زيهم وممكن كمان واحدة زميلة واحدة تطلب منها اى حاجة مترداش بس لو واحد هو اللي طلبها هتديه على طول ونفس المشوار دة مع الولاد قليل اوى من الولاد يخدم الولد اللي زى بس يحب يخدم البنت دى ودى عادى حتى انى عملت استفتاء على ناس اعرف طلع الاستفتاء انى ممكن اصحاب بنت وتكون الانتيم بتاعى والعكس للبنت ممكن تانتم مع ولد وبنت لا بس مش كله كدة والله في بنات ممكن تكون مع البنات اللي زيهم اجدع من واقفة الرجالة وبرده من تجارب شخصية

البنت بتاخد الولد على اساس انه ممكن تحكى ليه اى حاجة من غير متخاف انه ممكن يفضحها دة لو كان ولد جدع بجد ياريت اكون قدرت اجاوب على الشق الاول من السؤال.



اما بالنسبة للشق الثانى من السؤال واللي بخصوص الولاد اقدر اقولك انك ملفتيش يامة علشان تعرفى وعلشان تقدرى تشوفى


وشكرا على الاسئلة
وانا موجود لاي استفسار

[free eagle]

السلام عليكم ورحمة الله وبراكاته


في دلوقتى استشارة من واحدة خارج المنتدى وانا عايز استشيركم فيها

هى واحد بتحب واحد وهو حس بيها بس قالها انه مش عايز يبهدلها معاه


وارتبط بواحدة تانية وحبها وهى استنته سنة وشوية


ودلوقتى سابها مش عارف بقي اقولها ايه ؟


انا لما سئلتها ازاى انتى معلقة نفسك بواحد مرتبط قالت ليا انها كانت متاكدة انه هيجى اليوم وهيسيبها



فانا مش عارف اقتعها بحاجة فلو ممكن المشاركة معايا برايكم



شكرا

[Nhla147]

بص يا سمسم
هو ممكن يكون شدة حبها ليه هى اللى عطياها امل انه يرجع
بس هى لو فكرت بعقلها ولو ثانيه واحده
هتلاقى نفسها عايشه فى وهم
وانها بتحاول تنقنع نفسها انه هيرجع
لانها مش هتقدر تستحمل الصدمه بانه سبها

لازم يا سمسم تفوقها من اللى هى فيه وتفهمها ان ده كان مجرد حلم
وجه الوقت اللى لازم تصحى
وان هى مش من حقها انها تفكر فيه نهائى لانه بيحب واحدة تانيه
ولو هى فعلا بتحبه ههتقدر اللى هو بيحبها وتعملها حساب وهتعرف هو بيحبها اد ايه ومش هيقدر يسبها
وغير كده هى المفروض تتمناله السعادة والخير فى الطريق اللى هو اختاره
ولازم تعرف انه هو محبهاش وقالها الحجة دى عشان ما يجرحهاش وعشان كرامتها
فهو فى الموقف دا قدرها وقدر حبها ليه
هى كمان لازم تقدر احترامه ليها وحبه للى مرتبط بيها
واخيرا لازم تعرفها ان اليوم اللى بيعدى مش بيرجع
وهى عدت سنه ونص من حياتها فى انتظار مجهول ....!!!

يارب اكون قدرت اساعدك يا سمسم
ويارب يفرج عنها ضقها


أختـــــــــ نهله ـــــــــك

[free eagle]

شكرا والله يا نهلة



بس دة اللي انا وصلتهلها بس هى قالت ليا انه ساب البنت اللي كان مرتبط بها في لسه برده مش عايز تقتنع بالكلام دة



مش عارف والله

[free eagle]

لازم يا سمسم تفوقها من اللى هى فيه وتفهمها ان ده كان مجرد حلم
وجه الوقت اللى لازم تصحى
وان هى مش من حقها انها تفكر فيه نهائى لانه بيحب واحدة تانيه



حاولت اوصل لها المعلومة دى بس اعمل ايه ربنا يكرمها ويهديها

[free eagle]

ايه
فين الردود والمشاركة



يا جماعة الرد ببلاش

[semsema]

انا رأى انها لازم تفوق من اللى هى فيه
هو يأمة مش عاوز يرتبط بيها او مش بيحبها
يأمة انسان وحش وكان بيلعب او بيتسلي بالبنت اللى كان مرتبط بيها

[free eagle]

انا رأى انها لازم تفوق من اللى هى فيه
هو يأمة مش عاوز يرتبط بيها او مش بيحبها
يأمة انسان وحش وكان بيلعب او بيتسلي بالبنت اللى كان مرتبط بيها



حلوة انسان وحش




بس والله مش عارف على العموم هى الاخبار انقطعت منها اليومين دول ولما ربنا يسهل واعرف جديد هبقي اقولكم

[spider girl]

طمنا عليها يا سمسم
لسه ولا انتهى الموضوع

[ميرا مار]

واضح ان سمسم مش متابع الموضوع

[free eagle]

طمنا عليها يا سمسم
لسه ولا انتهى الموضوع



مش عارف والله يا سارة بقالى يامة اوى مش بشوفها بس يا رب تكون كويسة



وشكرا على السؤال

[free eagle]

واضح ان سمسم مش متابع الموضوع



لا والله يا ميرا


انا متابع مش مفيش جديد يعنى

[AnGlE EyEs]

السلام عليكم ورحمة الله وبراكاته
اخيرا لقيت الموضوع اللي كنت عايزاه
موضوع اقدر افضفض فيه بكل حاجة عندى ومشاكلى
بص يا دكتور انا عندى مشكلة
المشكلة دى انى بحب الناس كلها بحبهم بجد
وبسأل عليهم على طول وبخاف عليهم وهما عارفين كدة كويس
بس محدش بيسأل عليا مش عارف ليه بقي
انا بصراحة اتخنقت كتير اوى من كدة
ودلوقتى انا بقي مش بسأل على حد
وبرد محدش بيسأل عليا بخاف عليهم وبرده ارجع اتصل بيهم واتطمن عليهم
تصدق بقي انهم بيبقي زعلنين منى انا علشان مش بتصل بيهم وبكلمهم
شوفت بقي قولى اعمل ايه وياريت برده الاعضاء يقولوا رايهم ايه علشان انا بجد تعبانة
شكرا ليك على الموضوع الجامد دة

[alaa eid]

فكرة حلوة جدااااااا جدا
تسلم

[Yamyam]

ياEngie eyes احب اقولك وللأسف ان الناس اللى بتتكلمى عنهم دول انانيين اوى لأنهم عايزين حد يسأل و يهتم بيهم بس
وهما ما يسألو عنه . و ده حصل معايا كتير وممكن
1. تعاتبيهم لعدم السؤال عليك و الأهتمام بيك( يعنى المفروض تكون المعامله بالمثل)
2.لو ماتغيروش قللى من السؤال عنهم.
3. اذا تعبتى منهم انصحك ابعدى عنهم , لأنهم بياخدو بس
وانشاء الله حاتقبلى ناس تانين حيعوضوكى عنهم

و ماتخفيش متجربه



موضوع حلو يا يسرى
معلش انا اللى رضيت عليها مكانك
ممكن تعتبرنى المندوبه عنك

[free eagle]

السلام عليكم ورحمة الله وبراكاته
اخيرا لقيت الموضوع اللي كنت عايزاه
موضوع اقدر افضفض فيه بكل حاجة عندى ومشاكلى
بص يا دكتور انا عندى مشكلة
المشكلة دى انى بحب الناس كلها بحبهم بجد
وبسأل عليهم على طول وبخاف عليهم وهما عارفين كدة كويس
بس محدش بيسأل عليا مش عارف ليه بقي
انا بصراحة اتخنقت كتير اوى من كدة
ودلوقتى انا بقي مش بسأل على حد
وبرد محدش بيسأل عليا بخاف عليهم وبرده ارجع اتصل بيهم واتطمن عليهم
تصدق بقي انهم بيبقي زعلنين منى انا علشان مش بتصل بيهم وبكلمهم
شوفت بقي قولى اعمل ايه وياريت برده الاعضاء يقولوا رايهم ايه علشان انا بجد تعبانة
شكرا ليك على الموضوع الجامد دة



بصي يا انجل مش عارف اقولك ايه
بس انا انصحك ان الناس اللي كدة لازم تبعدى عنهم وتقاطعيهم
انتى عملتى اللي عليكى واكتر
انا بقولك كدة من واقع تجربة برده ناس اعرفهم وبيعملوا نفس الكلام دة
فقطعت معاهم وعايش حياتى ولا زعلان
وناس تانية خلاص مش هشوفهم تانى غير كل فين وفين وزعلان موت عليهم
لازم تختارى اصحابك اللي بجد اللي يعيشوا معاك ويارب تكونى استفتدى من الرد

[free eagle]

فكرة حلوة جدااااااا جدا
تسلم





شكرا ليكى يا لولو
ولو عندك مشكلة بقي اطرحيها هنا
واحنا نجاوب عليها انا والمندوبة بتاعتى
اللي هيا يم يم

[free eagle]

ياEngie eyes احب اقولك وللأسف ان الناس اللى بتتكلمى عنهم دول انانيين اوى لأنهم عايزين حد يسأل و يهتم بيهم بس
وهما ما يسألو عنه . و ده حصل معايا كتير وممكن
1. تعاتبيهم لعدم السؤال عليك و الأهتمام بيك( يعنى المفروض تكون المعامله بالمثل)
2.لو ماتغيروش قللى من السؤال عنهم.
3. اذا تعبتى منهم انصحك ابعدى عنهم , لأنهم بياخدو بس
وانشاء الله حاتقبلى ناس تانين حيعوضوكى عنهم

و ماتخفيش متجربه



موضوع حلو يا يسرى
معلش انا اللى رضيت عليها مكانك
ممكن تعتبرنى المندوبه عنك




شكرا ليكى يا نودى
ودة يشرفنى انك تكونى المندوب بتاعى
ورينا الشغل بقي