المساعد الشخصي الرقمي

مشاهدة النسخة كاملة : قصة العشاء الأخير (( وسبب التشاؤم من رقم 13 ))



Mimi
11-20-2008, 03:47 PM
في موضوع عن بعض اللوحات العالمية جالي تعليق على أحد اللوحات من A.H.D

واللي سألت سؤال جميل أوي وهو عن قصة العشاء الأخير

ودي اللوحة اللي كان اسمها كدا

http://img294.imageshack.us/img294/8472/1527wq0.jpg

http://www.poster.net/tobey/tobey-last-supper-9913685.jpg

فانا اول حاجة حابة اشكرها على اهتمامها بالتفاصيل دي واهتمامها بالحقائق اللي ورا اللوحات دي ومن ضمنها لوحة العشاء الأخير ..فانا هنا ببساطة بحكي قصة اللوحة دي عشان الكل كمان يستفيد منها لانها بتمس جانب كبير اوي من حياة ناس كتير اوي وهما الناس اللي بيشائمو من رقم 13 بالذات

محدش حاول يسأل نفسه ليه الرقم دا رقم شؤم ؟؟ الجواب في اللوحة اللي فوق دي وهيا دي قصتها


ناس كتير اوي بيتشائمو من رقم 13 وعلى فكرة في ناس كتير بردو بيعتقدو أن رقم 13 رقم يحمل التفاؤل في الوقت ان الاغلبية الساحقة من البشر بيعتقدو العكس انه يعني رقم شؤم وخصوصا في العالم الغربي

وعشان كدا تلاقي شوارع كتير في اكبر بلدان العالم مش بتتسمى بالرقم دا أما الناس البحارين مش بيركبو سفنهم ويبحرو بيها في اليوم الـ 13 من أي شهر ، دا طبعا غير ان الكل يعرف معنى ان في 13 واحد قاعد على سفرة واحدة معناه الحكم المؤكد بالموت المبكر لواحد منهم ، دا فعلا ؟ اه دا فعلآ وأقصد بفعلا ان في بجد ناس واصل تشاؤمها من الرقم دا للدرجة دي

وفي ايطاليا مثلا أوراق اليانصيب مفيش ورقة رقمها 13 وكتير من ناطحات السحاب الامريكية مفيهاش الدور الـ 13 يعني بيكون في دور في المبنى طاير؟ لاء طبعا بس بيسموه 12 مكرر ولو انت نازل فندق في بلد سياحي مش هتلاقي غرفة 13 فـ يا اما بقى هتلاقي الرقم 12 ونص او زي ما قلنا 12 مكرر شايفين لدرجة ايه؟

واضح ان الموضوع مأثر بشكل قوي على عقولهم وأكيد كلنا بيسأل عن السبب وايه أصل الخرافة دي؟

قصة العشاء الأخير

واحد من التفسيرات المعروفة للخرافة دي نلاقيها في الميثولوجيا الجرمانية القديمة ، المهم في بعض الاساطير قالو ان كان في مأدبة كبيرة يعني مثلا عزومة كبيرة او سفرة كبيرة زي ما تفهموها باه ، المأدبة دي اتعملت في الازمنة القديمة في جنة المحاربين ، جنة المحاربين؟ ايوه أصل كان في 12 محارب او هما المفروض 13 بطل من الابطال الجرمانية ودول الابطال ماتو في ساحة الحرب واللي اسمها " فالهالا " بس اللي حصل ان اللي كان معزوم على المأدبة دي 12 محارب بس ..

من ضمن المحاربين الـ 13 كان في بطل النار اللي اسمه " لوكي " دا باه البطل اللي مكنش معزوم بس هو عزم نفسه وراح بدون ما تجيله دعوة دا باه اللي ولع الدنيا وحصل نزاع واتقتل فيه بطل وسيم اسمه " بالدور " وهو دا البطل اللي كان محبوب ومفضل بينهم

بس هو دا الموضوع عشان كدا الناس برا بيجيلها ارتيكيريا لما بيسمعو الرقم دا وفي ملاحظة مهمة : هما عارفين انها خرافة بس مصدقينها لدرجة انها متحكمة في حياتهم بالشكل دا ، سبحان الله


عرقتي قصة اللوحة يا A.H.D ? :)

http://www.alimbaratur.com/All_Pages/Fadeh_Stuff/Fadeh_62_B.jpg

احمد حسن
11-20-2008, 03:57 PM
شكرا للإفادة يا judy

samomran
11-20-2008, 04:07 PM
شكرا على الافاده الجامده دى

Merci pour cette information

heba
11-22-2008, 12:06 AM
انا اول مرة اعرف القصة دي وسبب التشاؤم من هذا الرقم .شكرا ليكي يل جودي
وعلى فكرة انا بحب اوي القصص الواقعية والمواضيع العلمية

dalia ahmed attia
11-22-2008, 12:23 AM
معلومة جميل جداااااااا

Nhla147
11-22-2008, 12:28 AM
ميرسى يا جودى على المعلومه دى

انا اول مرة اسمع عن القصه دى

أختــــ نهله ـــــك

ميرا مار
11-22-2008, 09:10 PM
كالعادة يا جودى متالقة دائما
جزاك الله خيرا

خالد أبوسعده
11-22-2008, 09:28 PM
زى عادتك ديما محدش يقدر يجاريكى في مواضيعك يا جودى

هدى على
11-22-2008, 10:16 PM
بشكرك ياجودى على المعلومة دية وياريت المزيد من موضيعك الحلوة

Mimi
11-25-2008, 07:49 PM
شكرآ والله ياجماعة بجد منورين الموضوع

وميرسي على الكومنتات الجامدة دي

وكفاية والله بس تقرو الموضوع دي كبيرة عندي منكم :)

Wild_Angel
11-26-2008, 12:18 AM
موضوع رائع يا جودى وسشكرا للاضافه ومتبقيش تبخلى علينا بمعلوماتك الحلوه دى ...

Mimi
11-26-2008, 12:30 AM
انتي الاروع ياوايلد ياحبيبتي

وردك ومشاركتك حلوين زيك ياقمري

Zooma
11-26-2008, 01:45 PM
شكرا بجد يا جودى على المعلومه دى
انا فعلا اول مرة اعرف قصه الرقم 13 ده
انا اصلا كنت بحسبه فى مصر بس :D:D:D:D

وشكرا تانى يا جودى

Marwa Magdy
09-18-2009, 02:41 AM
ميرسى ليكى يا ميمى على القصه دى
انا فعلا كنت عايزة اعرف ليه الناس بيتشأمم من رقم 13 ده
تسلم ايدك

sweet girl
09-18-2009, 04:53 AM
شكرا ليكى اوى يا ميمى
على المعلومه الجميله ديه
دايما متألقه ياحبيبتى
جزاكى الله خيرا

ALY ELSAYED
09-18-2009, 05:18 AM
شكرا ليكي يا ميمي

علي المعلومه الجميله دي

وعلي فكره انا محبش برده الرقم ده

بس بالنسبه لقصه المائده اعتقد ان الصوره دي ليها علاقه

بسيدنا عيسي والمسيحيه بدون توضيح

جزاكي الله كل خير

Mimi
09-18-2009, 03:06 PM
ميرسي لمشاركتك ياكارمو

والصورة فعلا ليها علاقة بالسيد المسيح في قصة العشاء الأخير

اللي رسمها الفنان ليوناردو دا فينشي في القرن الـ 15

بس انت أكيد عارف ان الكلام دا مش صحيح ومحرف لأن حتى في ناس مسيحين كتير وفي الغرب كمان لا يؤمنو بالقصة دي وعارفين انها أسطورة

ساره مجدى
09-20-2009, 02:41 AM
بجد القصه حلوه جدا
والمعلومه فعلا مميزه وجديده
شكرا على الموضوع والقصه
وجزاكى الله كل خير


-

olivia nader
09-20-2009, 03:05 AM
توبيك تحفه يا ميمي الله ينور
قلتلك علي طول متميزه
:clap: :clap:
بس احب اضيف حاجه صغيره
مجرد تكمله للموضوع اللي انتي بداتيه
كمان في ناس كتير بتعتبر سكب الملح على المائده من علامات التطير او االشؤم .. و السبب هو لوحه ( العشاء الاخير ) لدافنشي
:gathering:


.. لقد ظهر في اللوحه المسيح عليه السلام و هو يعلن للحواريين ان احدهم سيخونه .. و بالطبع كانت هذه قنبله .. الكل ينكر و الكل يسأل الأخر في حيره ..
فقط نرى ( يهوذا الأسخربوطي ) صامتا و قد ارتسمت علامات التعاسه و البؤس الشيطاني , و قد انسكب الملح على المائده امامه ..
و من يومها صارت اوروبا كلها تعتبر سكب الملح على المائده علامه شؤم
لا تذهب الا بألقاء بعض الملح من فوق الكتف اليسرى ..
و لهذا نقابل ايضا في العالم الغربي بعض انواع التشاؤم
مثل كراهيه المرايا المحطمه - يعتقدون انها تحبس الروح بداخلها -
و المرور تحت السلم و فتح المظلات داخل المنزل - لأن هذا يسبب موت احد افراد الأسره
و دي باقي الاسطوره
:):)
حبيت اكملها مادام ذكرتي الحاجات اللي الناس بتتشائم منها
و ميرسي يا جميل علي طول تقدمي الجديد

Mimi
09-20-2009, 03:20 AM
مش عارفه اقولك ايه ياأولي والله ميرسي اوي ليكي حبيبتي على الاضافة دي

انا مكنتش اعرف حكاية الملح والمرايا والمظلات دي فعلا كلها حاجات جديدة

بس انتي كدا كملتي الحكاية وبشكرك جدآ حياتي

منتحرمش من اضافتك الجامدة دي ياأولي

وبالمناسبة بشكر ميرو وزوووما وسويت جيرل كتير على مشاركتهم واسفة والله على الرد المتاخر دا

olivia nader
09-20-2009, 04:04 AM
من بعض ما عندكم يا ميمي
منجيش حاجه جنب موضوعاتك التحفه
:D:D:D:D