المساعد الشخصي الرقمي

مشاهدة النسخة كاملة : مساطيل فى مساطيل........



محمد منصور
11-20-2008, 09:32 PM
[centاتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم. المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

بيقولك مرة تلاتة مساطيل اوى قالوا هنتخيل ان كل واحدفينا سجارة هنطفيها ازاى فا الاول نام على الارض وداس على نفسة بالجزمة والتانى رمى نفسة فى الزبالة والتالت حدف نفسة من الشباك فافى واحد معدى مسطول اكتر واكتر فقال احرقونا بقى

مره واحد مسطول فتح التلاجه فلقى الجيلى بيترعش فقاله ماتخفش انا هشرب ميه
مره واحد مسطول ركب تاكسى وقال للسواق انا عايز اروح كوكب تانى قام السواق نزله فى الصحراء قام المسطول قابل واحد بيقول (انا ميت من الشمس) فرد عليه (وانا حسنين من الارض) مره واحد مسطول داخل اجزاخانه وبيقول للصيدلي عايز نص كيلو لحمه قاله حضرتك دي صيدليه قاله ياعم انا مالي انا عايز نص كيلو لحمه فدخل واحد مسطول برضه فقال الصيدلي حضرتك البشمهندس عايز نص كيلو لحمه وانا بقوله دي صيدليه بعد اذنك فهمه قاله ياعم انا مالي انا جي اخد نص جبنه بيضه وماشي

مرة اتنين مساطيل واقفين فى الشارع. عدت من قدامهم جنازه فواحد منهم بيقول للتانى هى الجنازه دى بتاعت مين؟ فرد عليه التانى: دى بتاعه الحاج محسن. بعديها بيوم نفس الاتنين واقفين فى الشارع وعدت من قدامهم جنازه تانيه فالاول سال التانى هى الجنازه دى بتاعه مين؟ فرد عليه التانى دى بتاعه الحاج محسن فرد عليه الاول: لا حول ولا قوه الا بالله هى مال الدنيا ملطشه مع الحاج محسن اليومين دول
ليه

محشش قالوا له قول لنا طير بحرف الكاف قالهم كنتاكي

جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد

اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر

واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له يا سكران راح قايل لها طب انا سكران حفوق بكرة .. وانتي

مدرس علوم يشرح لمحششين،يعيش السمك في الماء..قالوا :يعيش،يعيش،يعيش

اتنين مساطيل ماشين فى الغابه فطلع عليهم اسد فواحد حدف عليه طوبه وطلع يجرى والتانى واقف زى ماهوا. فقاللوا انت مابتجريش ليه قالوا وانا مالى هو انا اللى حدفت عليه الطوب

واحد مسطول قاعد فى البيت بيعد فى الفلوس وبيقسمها 10 جنيه ميه ؛ 20 جنيه مواصلات؛ 50 جنيه حشيش سمع البوليس بيخبط على الباب قام مقطع الخمسين جنيه بتاعة الحشيش

اتنين مساطيل واحد بيقول التانى هى بور فؤاد قريبه محمد فؤاد المسطول التانى قاله برو فؤاد دى بلد ومحمد فؤاد دى بلد تانيه خالص

مره اتنين مساطيل بيكلموا بعض فواحد فيهم بييقول للتانى تعرف .. الدنيا دى كلها مآسـى فالمسطول التانى قاله ليه هو مقاسك " أد إيه ؟ا

اتنين مساطيل شافو الشمس فالاول بيقولو هى دى الشمس فالمسطول التانى يقوله لا مش هى دى فقاله احنا نسأل حد .. فقابله واحد بيقلول مش هى دى الشمس؟؟؟؟ فقالهم انا مش من هنا

مره واحد مسطول لقي كنز قال((قشطه ناقص الخريطهer][/center]

سلمي جمال
11-20-2008, 09:45 PM
نكت جميلة اوي يا محمد

شكرا اوي

Mahro
11-21-2008, 01:45 AM
ايه الحلاوه دى يخرب بيت عقلك يا جدع مشيت لى دماغى الا بالحق متعرفش هى راحت فييييييييييييين ههههههههههههه

محمد منصور
11-21-2008, 04:06 PM
ههههههههههههه.............الف شكر ليكم يارجالة...............

free eagle
11-25-2008, 08:39 PM
الله ينور يا منصور

محمد منصور
11-25-2008, 11:15 PM
وينور عليك شكرا.................

Rania Ismail
11-26-2008, 01:50 AM
شغل جامد ومجهود رائع يا منص
الف شكر ليك بجد جامده موووووت

هيثم
11-26-2008, 08:48 AM
ههههههههههه جامده بس قولى دورت على دماغ الرجل الى انت مشتهالوا
هههههههههه

Mahmoud Slem
11-26-2008, 10:00 AM
ههههههههههههههههههههههههه
ايه ده
ايه الجمال ده
مش عارف اقولك ايه
روح يا شيخ
وتعالى بسرعه
ههههههههههههههههههههههه

عز الرجال
11-26-2008, 10:41 PM
بصراحة الموضوع جميل جدا جدا جدا يسلم ايديك

Mahro
11-27-2008, 12:50 AM
ههههههههههه جامده بس قولى دورت على دماغ الرجل الى انت مشتهالوا
هههههههههه


لا يامعلم هى رجعت لوحدها ماهى عارفه السكه كويس اعمل ايه واخده حريتها زياده عن اللزوم بس حاسب بقى انت لاتروحلك فى مره عشان هتتعب معاها اوىىىىىىىىىىىى صدقنى


اى خدمه يا غالى


ههاى ههاى

محمد منصور
11-29-2008, 12:48 AM
شكرا ليكم على ردودكم الجميلة..............

Youssef Mostafa
11-29-2008, 02:02 AM
بجد يعنى يامنص نكت جامدة طحن ومت على نفسى من الضحك

dalia ahmed attia
12-04-2008, 02:02 AM
موضوع جامد جدااااااا