المساعد الشخصي الرقمي

مشاهدة النسخة كاملة : قصدك هتسيبني طب وايه, يلا اهو من زمان مكتبناش حاجه حزينه



احمد عبد الحليم
11-21-2008, 01:56 AM
]نعم ... بجد قصدك ايه ... طيب وبعدين
قصدك هتسيبني طب وايه يعني اخرك دمعتين
وابعد وسيبني فارقني وهستخصر فيك دمع العين
اصله غالي وانت قسيت وقسيت وبالرخيص بعتني

يبقي متستاهلنيش يبقي مش عاوزك يبقي سلام
سلام ايه قصدي وداع والفاتحه ع اللي باع الايام
الفاتحه ع اللي ساب قلب كان بيتمناه في الاحلام
يلا بقي خساره فيك الكلام ابعد لا اكلمك ولا تكلمني

سلام ووداع الاتنين دلوقتي واحد والقلب كده كده بايع
هبدأ اعيش من جديد ومش هفكر فيك وفي حبك الضايع
ومش هعاتبك وهسكت مانت قلبك فيك ساكت مش سامع
قلب ميت قلب خاين معرفش يحبني معرفش يقدرني

وهستناك تجيني وفي كفك شايل قلبك المهزوم
وهفرح فيك اكيد وانا شايفك كده غرقان في الهموم
وهتلاقيني بعلو وصتي بضحك وبقلك ياظالم بقيت مظلوم
وساعتها متستغربش ماده هيكون يومك ياللي ظلمتني

يوم القسي اللي هتدوق فيه طعم الالم والجراح
يوم ماهتتمني لحظه هنا عيشتها ف الزمن اللي راح
لما كنت مابين احضاني ومعايا في سكتي بتعرف الافراح
لكن النهارده همشي وهسيبك وبكره هتعرف قيمتي لما خسرتني[/COLOR]

Mahro
11-21-2008, 02:01 AM
يالالالالالالالالالالالالالالالالالالالالا دى احلوت اوىىىىىىىىىىىىىىىىىى ايه الجمال ده يا معلم طرئعلها .

اسامه البنا
11-22-2008, 09:42 AM
الله ينور يا عم احمد

ogy
11-22-2008, 11:40 AM
ايه الجمال دا يا احمد
مش قولتلك انك موهوب
بحد انت موهوب

احمد عبد الحليم
11-23-2008, 12:26 AM
شكرا ماهرو ودايما منورنى والله وشكرا اسامة ليك كتييييييييير وشكرا علي مرورك اوجى
ومش اوى كدة لحسن اتغر ....