المساعد الشخصي الرقمي

مشاهدة النسخة كاملة : أصح ـــــــــــاب العقول فى دريم بارك >>...



احمد عبد الحليم
11-23-2008, 04:07 PM
;247041]
عمرك دققت فى شرايط القنوات الفضائية شرايط الشات اللى تبقى متلقحة فى اخر الشاشة ??

لو لا مفيش مشكلة النهاردة هتشوف الهبل بصحيح

اللى هتقراه دلوقتى شىء مش طبيعى و يا رب محدش يجيلو شلل مللى هيقراه

النهاردة هنقلكم بيان هام كنت هتشل و انا بقراه

يلا مطولش عليكو

1 2 3


اكشن :P



1-
*** ممكن حب اسكندرانى ***
آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا بالحدود شوية هنلاقى فيه حب لبنانى و حب امريكانى و صينى و يابانى !!!! و هكذا و مقولكوش بقى ع الحب المريخى !!!!
و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!!
فظييييييييع !!! خصوصا لما بيتقطع عليه طماطم بيبقى مسخرة

2-
*** أنا 75 سنة ممكن أتعرف على ليدى مناسبة ***
خمسة وسبعين سنة يخرب بيته و قادر يمسك الموبايل و يبعت مسج ؟؟!!! ما شاء الله لسه ف عز شبابه برضه !! آه و ماله ممكن تتعرف على كركوبة مناسبة
3-
*** ممكن واحدة جميلة للصداقة و الحب و ياريت برضه للسفر ***
آه ممكن طبعا !!! و يا ترى حضرتك عايزها كام سلندر ؟؟؟؟؟؟؟؟؟؟

4-
*** أنا شاب متدين ممكن ليدى عندها شقة ***
آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟


5-
*** أنا دلوعة و شبه نانسى عجرم ممكن أتعرف ***
آه و نص !! و ياترى واخدة من نانسى عجرم قفاها و لا كعب رجليها ؟؟؟؟؟؟؟؟
اتدلعى يا اوختى و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟ لأ معندهمش حق

6-
*** أنا ف اعدادى ممكن أتعرف على بنت حلوة ***
هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟ أنا بالشكل ده هيجيلى السكر

7-
***فلانة : أنا نكدية موت ممكن أتعرف على نكدى و ننكد على بعض ***
*** فلان : أنا نكدى مووووت !! و قعتك سودة و نهارك مش باينله لون ***
كان نفسى أمسكهم هما الجوز و انكد على أهاليهم


8-
*** معاكى فلان ممكن أعرف اسمك سنك طلباتك ***
آه و ماله أنا فلانة يا ابنى ... و النبى اطلبلى واحد كباب و اتنين بانيه !!!!
احم احم .. و ياريت لو معاهم جوز حمام

9-
*** أنا عايز بنت للارتباط سمرا أو بيضا أو قمحى ما تفرقش ***
حمرا !!!!!!!!!!!! تاخدها حمرا ؟؟؟؟؟؟؟؟؟؟؟ طب ايه رأيك ف البنفسجى ؟؟؟؟ جديد و منزلش السوق

10 -
*** ممكن واحدة جميلة استايل عشان أحبها ***
آه و ماله !! أنا برضه عايزة بطارية للموبايل بتاعى عشان أنا قربت أهنج !!!!!!
11-
*** أنا سى السيد بدور على أمينة تسمع الكلام و تقول حاضر ***
آه و ماله حاضر يا اخويا !!! بقى حضرتك عايز أمينة ؟؟؟؟
طب غووووووووووووووور الله يحرقك

12-
*** لو انت بتحبنى بجد ممكن أديلك رقمى !! ***
يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟
تصدقى بالله أنا دلوقتى بس عرفت أهمية السراية الصفرا


13-
*** فلانة : ممكن تعرفنى على نفسك عشان هتبقى حب العمر ***
*** فلان : هحكيلك عن حياتى كلها !!! .. أنا من النهارده ملك قلبك !!!!!! انتى حددى و انا تحت أمرك ***
أشوف فيكم يوم بحق جاه النبى !!! الدماغ دى معجونة من ايه ؟؟؟؟ أنا خلاص هيجيلى شلل !!! ألطم يا اخوانا ؟؟؟؟؟

14 -
*** أنا قلبى فاضى .... حد عايزنى أحبه ؟؟؟ ***
فسسسسسسسسسسسسس أنا مُت خلاص

15 -
فلانة : عرفنى على نفسك يا فلان و ابعت رقمك .. أنا بحبك أوى ، فلان : أنا اللى بحبببببببك أوييييى يا فلانة !! قوليلى صحيح هو انتى حلو ة و لا ؟؟؟؟؟؟؟؟
لا تعلييييييييق ...... أنا شكلى هموت تانى



مخ ـــــــطوووف
-
مل ـــــــــطوووش
[/]

خالد أبوسعده
11-23-2008, 04:43 PM
هههههههههههههههههههههههه
جامده يبنى و الله

Mimi
11-23-2008, 05:31 PM
هههههههههههههههههههههههههههههههه احنا اللي هنموت عشر مرات من الضحك

بجد هبل فزيع وتعليقات حلوووة اوي بجد هههههههههههههههههه

Mahro
11-23-2008, 06:05 PM
ههههههههههه يخرب بيت عقلك جميله موووووووت

خصوصاص دى

*** ممكن واحدة جميلة للصداقة و الحب و ياريت برضه للسفر ***
آه ممكن طبعا !!! و يا ترى حضرتك عايزها كام سلندر ؟؟؟؟؟؟؟؟؟؟

ويا سلالالالالالام لو تطلع البنت نقل ثقيل اصل انا بحب اخد يمين الطريق هههههههه

Rania Ismail
11-23-2008, 07:45 PM
هههههههههههههههههههههه
جامد جدا التوبيك ده
ههههههههههههههههههههه
والتعليقات جاااامده قوى
ههههههههههههههههههه

dalia ahmed attia
11-23-2008, 08:44 PM
هههههههههههههههه
حلوة اوى والتعليقات تحفة

احمد عبد الحليم
11-24-2008, 12:47 AM
شكرا لكل من شارك سواء بالرد او المشاركة او الاتنين مع بعض..
معلش دى عينة حرق دم من اللي بنشوفها كل يوم...
معلش ان كنت جبتلكم صداع ولا حاجة..
بس انتو اكيد شفتو الحاجات دى
ولازم يكون لينا وقفة ولا ايه......؟

احمد عبد الحليم
11-25-2008, 12:38 AM
شكرا موبوتو وجودى وماهرو ورانيا وداليا علي مشاركتهم وردودهم
ويارب يكون التوبيك عجبكوا....

Nhla147
11-25-2008, 01:43 AM
هههههههههه

ايه التوبيك الجامد دا
والتعليقات التحفه دى

لا بجد حلوين كتييييييييير

أختــــــ نهله ـــــــك

bosy
11-25-2008, 08:31 PM
هههههههههههههههههههههه

حلوين اوى كلهم والله وبالذات رقم 7

بس هو فى حد بيعمل كده بجد

farida
11-29-2008, 02:23 AM
حلو جدا التوبيك ده هههههههههه جامددددددددددد

احمد عبد الحليم
11-29-2008, 02:42 AM
شكرا نهلة وشكرا بوسي وشكرا فريدة علي المرور والمشاركة
وبالنسبة لسؤالك بوسي اظن احنا بنتريق هيه مش بتوصل للدرجادى اكيد
بس لو المستوى فضل علي كدة اكيد هيوصلوا لاكتر من كدة....

Night Moon
12-08-2008, 05:42 PM
انت اتكلمت عن حاجة بتجبلنا صداع كل يوم بس بجد التعليقات تحفة جامدة موت

احمد عبد الحليم
12-10-2008, 11:33 AM
شكرا نايت علي مرورك وردك
وانا ما اتكلمتش في الاوضوع دة غير لما خلاص
جبت اخرى وخصوصا لما بتابع الشريط دة
ببقي عاوز ادخل انزلهم الردود دى..بزمتك مش يستاهلوها...

Youssef Mostafa
12-10-2008, 11:59 PM
ايه دة ايه الحلاوة دى انا مت على نفسى من الضحك لا جامد ياحمد بجد

احمد عبد الحليم
12-11-2008, 02:22 AM
شكرا ليك يا يوسف نورت التوبيك ويارب يكون عجبك الموضوع....

احمد عبد الحليم
01-19-2009, 05:18 PM
حاجة علي القد كدة ولا ايه ...

Marwa Mahmoud
01-19-2009, 05:45 PM
ههههههههههههههههه .
بجد حسة انى هموت من الضحك خلاااااااااص فصلت .
بجد حاجة ملهاش حل ....شكرا ليك يا أحمد بجد موضوع جااااااااااااامد.

http://www10.0zz0.com/2009/01/17/21/710103174.jpg

Tefany
01-24-2009, 09:43 PM
موضوع جميل جدا والله من حقك أصحاب العقول في النزهة

محمود ابوالمجد
01-24-2009, 10:00 PM
نايس توبك بجد موضوع جمييييييييييل

olivia nader
01-24-2009, 10:19 PM
هههههههههههههههههههههههههه
جامده موووووووووووووووووت لا بجد تحفه انا ضحكت اوي لاني بستسخف الحاجات الهبله دي اللي في كل قناه
اصلا الحاجات دي لما القنوات الاجنبيه عملتها ,عملتها عشان الاخبار
لكن الشعب المصري الجامد استغلها بشكل تاني
بس بجد نايس توبيك اوىىىىىىىىىىى و التعليقات تجننن

احمد عبد الحليم
02-05-2009, 10:37 PM
شكرا مرمر و
تيفانى
و محمود
و اوليفيا
علي مشاركتكم وردودكم ويارب تكون عجبتكم ....

Green_Eyes
02-05-2009, 11:39 PM
موضوع جامد موووووووووت

emu
02-06-2009, 12:58 AM
هههههههههههههههههههههههههههههههه

هههههههههههههههههههههههههههه


هههههههههههههههه

بجد توبك جاااااااااااااامد..والتعليقات تحفه
تسلم يا حليم

snow white
02-06-2009, 01:09 AM
جااااااااااااااااااااااااامد
بجد تحفة وتعليقات تلقائية وحقيقية
انا لو مكانك فعلا حقول كده

احمد عبد الحليم
04-20-2009, 12:57 AM
بشكر الجميع علي ردودهم ومشاركاتهم ويارب اكون قدرت اوصل البسمة ليكم...