المساعد الشخصي الرقمي

مشاهدة النسخة كاملة : حلمت حلم ؟؟؟ يالا نفسره



خالد أبوسعده
11-23-2008, 04:38 PM
يا جماعه انا من خلال زيارتى المتكرره لمكتبه اسكندريه
وجدت بعض الكتب فى تفسير الاحلام
لدكاتره و علماء كبار

فا انا مستعد ان اى حد حلم حلم عايز يفسره
انى افسرهوله من الكتب دى

ايه رأيكم؟؟

bosy
11-25-2008, 07:44 PM
والله الموضوع عجبنى اوى يا موبوتو

Mimi
11-25-2008, 07:47 PM
وانا كمان عاجبني كتير ياخالد

رغم ان دا هيحتاج مجهود منك كبير بس ميرسي على الفكرة الجميلة دي

انا هتفرج على أحلام الناس بأه عشان انا نادرآ لما بحلم هههههههههههههه

بس اوعى حد ييجي ياجماعة يألفله حلم ويقول انه حلم بيه أحسن دا غلط والله وحتى الرسول عليه أفضل الصلاة والسلام قال كدا وقال ان ليها كفارة

bosy
11-25-2008, 07:47 PM
طب ممكن تفسرلى الحلم ده

انا حلمت ان فى حد معين بيغنيلى فى الحلم وانا كنت مع صحبتى وكنت بضحك اوى

هو ده لى تفسير ولا ده هبل

Mahmoud Slem
11-25-2008, 07:53 PM
مع احترامى الشديد ليك يا خالد
ولمجهودك
لكن تفسير الاحلام كما قيل هو مكلف به
الانبياء والرسل
ولكن سيدنا ابو بكر قد فس حلم لاحد الصحابة وعندما حكى عنه لرسول الله
قال له اصبت فى جزء واخفقت فى جزء
اى معنى ذلك تفسير الاحلام مكلف به الانبياء والرسل
وحتى الكتب كما قال بعض العلماء
ان بعضض الائمة القدامة
كانوا لهم قواعد وكتب فى تفسير الاحلام
ولكن كان الراى الاعم
ان لكل حلم الظروف الخاصة والمحيطه به
يعنى مثلا واحد حلم بحلم وواحد تانى حلم بنفس الحلم لكن الظروف اختلفت من الشخص الاول للشخص الثانى لذلك
قد وضع العلماء هذه القاعده ومعها عده قواعد اخرى
ولكن الله اعلم بالاحلام وما ورائها
ومن رائيى الشخصى
انا لا اقتنع بمثل هذه الفكره
والاختلاف فى الراى لا يفسد للود قضيه

وشكرا على المجهود الجميل ده
اسف للاطاله

سلمي جمال
11-25-2008, 10:20 PM
وانا كمان مع رأي صاصا و احب ازيد معلومة ان الاحلام احيانا تكون رؤية

و مع ذلك في ساعات ببئة حموت و افسر احلام كتيرة

خالد أبوسعده
11-26-2008, 06:56 PM
الصراحه انا اقتنعت براى صاصا
و شكرا ليك علي افادتك ليا بجد
و علشان كده انا عايز اخد رأيكم اننا نغير الموضوع و نخليه كل واحد يقول هو حلم بأيه بس
من غير ما حد يفسره
ايه رأيكم

bosy
11-27-2008, 10:51 PM
لا بصراحه يا خالد انا عجبنى الموضوع اوى كده

وكمان انته هتجتهد برايك بس يعنى مش هتقول كلام ولازم الكل يقتنع

وده راي يا جماعه واتمنى انه ميزعلش حد

ميرا مار
11-27-2008, 10:58 PM
الله عليك يا خالد
اولا باحييك على مرونتك فى التعامل ..
ثانيا ع الموضوع الجامد
لانى باحب تفسير الاحلام جدا.. وكتير اتفسر لى احلام واتحققت والحمد لله ..

انا معاك فى الموضوع الحلو دا يا خالد

خالد أبوسعده
11-28-2008, 09:03 PM
الله عليك يا خالد
اولا باحييك على مرونتك فى التعامل ..
ثانيا ع الموضوع الجامد
لانى باحب تفسير الاحلام جدا.. وكتير اتفسر لى احلام واتحققت والحمد لله ..

انا معاك فى الموضوع الحلو دا يا خالد




تشرفينا يا بشمهندسة و تشرفى الموضوع