المساعد الشخصي الرقمي

مشاهدة النسخة كاملة : صوووووووووووووووووووووووويت



صوت الحق
11-23-2008, 09:27 PM
السلام عليكم ورحمة الله


طبعا انتم مستغربين من عنوان البوست ده , بصراحة الواحد نفسه يعملها نفسي اطلع علي جبل عالي وصوت بأعلي صوت وأقول .....


ارحمنا يارب


اعفو عنا


ارحمنا من هؤلاء الظلمة


يارب انصر الإسلام


كفايانا ظلم وهوان وطغيان


خلاص يارب فاض بنا الكيل


يارب الأمة الإسلامية بتهاجم من قبل أعدائك


فلسطين وافغانستان


كوسوفا و الشيشان


العراق و السودان


ده غير الحكام الظالمين الي بيحكموا بقيت الدول الإسلامية


اصبح عد الدول الإسلامية الي فيها مشاكل صعب من كتر عددها


بس بعد كده بفتكر الأية ( إن الله لا يغير ما بقوم حتي يغيروا ما بأنفسهم ) فعلا احنا السبب سكوتنا علي الي بيحصل هو السبب 17 دولة اوربية اساءت للنبي صلي الله عليه وسلم وسكتنا مش قصدي عمل مظاهرات وخروج في الشارع بس لا التزامنا كمان بسنة نبينا اصبح غائبا ,


سكتنا .... سكتنا علي احالة العديد من شرفاء البلد الي محاكم عسكرية ورضينا بهذا الظلم ولم يتحرك ساكن من الشعب


سكتنا ... سكتنا علي اعتقال الكثير من برده شرفاء البلد وكأنهم هم الحراميه عجيبة


سكتنا .... سكتنا علي حصار غزة وما يحدث فيها وكأنهم قوم لا نعرفهم حتي لم تراعي حقوق الدولة الشقيقة


سكتنا ... سكتنا علي ما تريد وما تفعله الدول الأوروبية في كوسوفا وفي المسلمين هناك


بصراحة السكوت طول ولازم له من نهاية ويمكن مبشرات النهاية بدأت تظهر في أجواء الأمة الإسلامية واكيد احنا الي حنضحك في النهاية لانها دعوة الله ودعوة الله لا تهزم بس هل احنا حنكون الجيل ده ولا حنموت في عصر الذل والهوان ؟؟؟؟؟؟

Wild_Angel
11-23-2008, 10:38 PM
صوت الحق انا سعيده بمشاركتك كأول المشاركات فى القسم الاسلامى

بالفعل السكوت طووول اوى
لكن عمر ما الصويت حينفع
وبالفعل الحل اننا نغير اللى فى نفوسنا
هناك مقوله..حتى تصل للنصر يجب ان يقع جيل بأكمله ضحيه
أحنا ممكن نكون الجيل ده بس احنا مش أضحيه احنا لازم نضحى بس مش بحياتنا وكرامتنا
نضحى بس بالسكوت..بالحياه اللى كل ضمير فيها شاف الموت
اتمنى اتمنى اننا نقدر نرمى بذره صالحه نقدر من خلالها نبنى جيل أشد مننا يقدر يدافع
ده لو أحنا مقدرناش نعمل حاجه....
الحقيقه دائما تبدأ بأمنيات وأحلام ولكن لابد ان يتبعهم خطوات سديده

اسامه البنا
11-23-2008, 10:40 PM
الله ينور يا صوت الحق فعلا اسم علي مسمي
وبجد احساسك الكل يفتقده

محمد حمدى
11-24-2008, 06:49 PM
وحده وحده يا دكترة مش كده ...
الأمن شايف كل حاجة ,,واحنا مش ناقصين .........
واحدة......واحدة

Mimi
11-25-2008, 10:15 PM
فعلآ اسم على مسمى

انت قدرت تترجم كلام كتير جوانا مش عارفين نطلعه ياصوت الحق

ربنا يكرمك ويجازيك كل خير

صوت الحق
11-26-2008, 01:21 AM
السلام عليكم اختنا جودي بارك الله فيك وافاد الله بك وبنا المسلمين جميعا وانا اتشرفت بوجود في منتدي تحت اشرافك

صوت الحق
11-26-2008, 01:25 AM
اخي اسامه الحبيب واختي جودي
بارك الله فيكما واعز بكما الإسلام والمسلمين لقد اخترت فعلا اسم صوت الحق فلقد نويت ان اقول الحق لا غيره وان لا اخاف في الله لومة لائم او ظلم ظالم فالله اكبر من اي لئيم واي ظالم .
فان للحق اصوات عالية يجب ان تصل لأصحابه انتم نعم فانتم اصحاب الحق يجب انتعلو اصواتكم فبدل ان تكون صوت وحيد للحق يجب ان تكون اصوات عدة تقول الحق .وارجو من الله ان يعيننا جميعا علي الدفاع عن الحق

Mahmoud Slem
11-26-2008, 10:14 AM
جزاك الله كل خير اخى صوت الحق
وجعله الله فى ميزان حسناتك
ويتقبل منك باذن الله