المساعد الشخصي الرقمي

مشاهدة النسخة كاملة : 30 جملة بيقولوهم 95% من الشباب



free eagle
11-24-2008, 01:38 AM
الموضوع ده اولا للضحك وثانيا للضحك لتوصيل فكرة بطريقه لذيذة ومش معنى كده ان كل الولاد وحشين وان كل البنات ملايكه وده كمان مش يدى الحق للبنات انها تشتم الولاد وبعدين فى شباب كتير بتقول كده بجد وبتحس الكلام ده بجد وبتكون صادقه فمشاعرها مش كله بيكدب فى 5% صادقين واكيد اكتر بكتير ...






1- حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2- يااااه ياحبيبتى انا حاسس انى اعرفك من زمان
( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل البنات
( اكنها مثلا بتمشى على ايديها ورجليها )

4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش )

7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى
(موووووووووووت يا حمااااااااااار )


9- عايز اشوفك كل يوم كل ساعه كل ثانيه
( عشان اصحابه يتأكدو انها حلوه )

10 - حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه )

11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
(ايوه زغلل عنيها ياواد )

14- ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره
( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )


20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
)يقصد مش بيفتح البلوك عنها الا اما تكون هيا بس الى اون لين عنده(

21- حبيبتى انا ماستهلكيش
)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)


26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )

28- انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق )

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح )
---------------------------------

منقول عن جروب في ال face book لزوم الأمانة

الشبح
11-24-2008, 01:48 AM
حرااااااااااااااام عليك

انا وش ذلك برده

ده انا عمري ما عرفت فرخه

هههههههههههههههههه

تسلم يا جميل

Sara Gamal
11-24-2008, 06:29 PM
وبناءاً على كل ما تقدم قررت هيئة المحكمة البناتية العليا إحالة جميع اوراق كافة الشباب إلى قسم المنتزة

تسلم ايدك يايسرى حلوة يامعلم

جنات@
11-24-2008, 07:15 PM
تسلم ايدك حلوه جدا انتا هتخلينا لو واحد قال اسمو مش هنصدقو ههههههههههههه

Rania Ismail
11-24-2008, 07:32 PM
الله ينور يا حبى بجد توبك لذيذ خالص مالص
100/100
بجد بجد الولاد دول اكبر ناس تحور على البنات

شهاب بودا
11-24-2008, 07:40 PM
ميرسى كتييييييييييير ده اسمه قطع رزق

Rania Ismail
11-24-2008, 07:44 PM
ميرسى كتييييييييييير ده اسمه قطع رزق


انتو اللى جايبينو لنفسكم

شهاب بودا
11-24-2008, 08:02 PM
والله ده احنا مظلومين

free eagle
11-24-2008, 08:35 PM
يـــــــــــــــــــــــــــــــــــــــــــــــــ ــــــا جماعة

مش كدة ايه كل دة


دة كله هزار ف هزار



وبعدين مش كل الشباب بيحوره في شباب لما بتتكلم بتتكلم بجد وبجد خالص
وبمنتهى الصدق وحرام تغدوا الولاد كلهم بذنب واحد ولا اتنين ولا 90% برده حرام

spider girl
11-25-2008, 11:39 AM
والله يا يسرى عندك حق بكون معديه من جنب اتنين مثلا واللاقيه مشغل الاسطوانه دى
ياساتر ليه مبقاش فيه حب بجد لييييييييييييييييه

Zooma
11-25-2008, 11:51 AM
2- يااااه ياحبيبتى انا حاسس انى اعرفك من زمان
( وهوا تلاقيه متلخبط بينها وبين بنت كان يعرفها قبل كده )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

هههههههههههههههههههههههههههههههههههه
موضوع جميل يا فيرى
بس مش كله كده يعنى
فيه وفيه ياباشا
شكرا

bosy
11-25-2008, 08:24 PM
الموضوع حلو اوى

وعلى فكره كل الولاد كده تموت فى الحوارات الفشله دى

free eagle
11-25-2008, 08:29 PM
والله يا يسرى عندك حق بكون معديه من جنب اتنين مثلا واللاقيه مشغل الاسطوانه دى
ياساتر ليه مبقاش فيه حب بجد لييييييييييييييييه




لا والله الحب بجد موجود بس المهم انك تلاقي اللي يحب بجد بس في ناس بتحب بجد لسه الحمد لله منقرضوش



هههههههههههههههههههههههه

free eagle
11-25-2008, 08:32 PM
الموضوع حلو اوى

وعلى فكره كل الولاد كده تموت فى الحوارات الفشله دى



لا لا يا بوسبوس مش كل الولاد والله


في ولاد محترمة اوى وكلمتها زى السيف


فبلاش علشان برده في بنات يامة اوى اوى اوى اوى اوى


لدرجة متتخيليهاش بتعمل كدة واكتر برده



بس في بنات محترمة جدا

سلمي جمال
11-25-2008, 08:51 PM
موضوع يجنن
و كلة حقيقة
دة مفيش اسهل من الكلام عند الولاد

free eagle
11-25-2008, 08:57 PM
ليه بس والله مش كلهم كدة




انتم هتخلونى ازعل كدة




طيب ما في بنات كدة برده

bosy
11-25-2008, 09:29 PM
لالالالالالالالالالالالا

متزعلش احنا بنتكلم مع بعض عادى يعنى


وانا معاك ان فى بنات برده كده بس مش اكتر ولا زى الولاد

free eagle
11-25-2008, 09:33 PM
انا مزعلتش والله



بس عادى يعنى انا بقول انى زى مفي وحش في حلو



بس فمش عايز يعمموا الموضوع وشكرا يا بوسي

bosy
11-25-2008, 09:45 PM
العفو على ايه بس

وعموما كلها وجهات نظر

free eagle
11-25-2008, 09:56 PM
اكيد


والاختلاف ف الراي لا يفسد للود قضية

سلمي جمال
11-25-2008, 10:05 PM
بس متزعلش مني اكتر الولاد كدة

Mahro
11-26-2008, 02:01 AM
ههههههه جميله يا يسرى اوى وخصوصا دى

26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

بس ناقصه حاجه وعلى الساده المقيمين خارجها مراعاة فروق التوقيت ( عشان لخبطة المواعيد يا معلم......... ههاى


ساره : بالنسبه لإحالة الأوراق لقسم المنتزه ( اول ولا ثان ) عشان الواحد يعمل احتياطاته وقبل ما يعرف بنت يشوف بطاقتها ويتاكد من العنوان هههههه

هيثم
11-26-2008, 08:38 AM
انت كده جعلت البنات حتشكينا على طول وياعلم ممكن اول واحد يبقه انت ربنا يستر
طيب كمان فى بنات بتعمل كده جت على ديه ميختوهاش مننادول مسابوش حاجه خالص لينا
هههههههههههههههههههههههههههه

free eagle
11-26-2008, 07:47 PM
لا والله يا سمسم بس هما اكيد عارفين ان ف بنات
(.......كدة.......) يعنى

والاكترية منهم كدة

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه

semsema
12-05-2008, 07:56 PM
لالالالالالالالالالالالالالالالالالالالالالالالالا لالا
كده كتير
بس فعلا فى و فى
بس الولاد مبقاش عندهم ضمير خالص
حتى لو خاطب او مرتبط يبص بره ويقولك النظره الاولى

free eagle
12-06-2008, 05:13 AM
لالالالالالالالالالالالالالالالالالالالالالالالالا لالا
كده كتير
بس فعلا فى و فى
بس الولاد مبقاش عندهم ضمير خالص
حتى لو خاطب او مرتبط يبص بره ويقولك النظره الاولى




مش لازم ف ولاد ودة طبعا قليل جدا جدا جدا


مش بيعملوا كدة بس فيه وفيه ولاد عندهم ضمير بس بتحب تقدي وقتها مع اصحابهم البنات

دى مش مشكلة خالص يعنى

Rania Ismail
12-06-2008, 08:20 PM
والله ده احنا مظلومين


جدا انت حتقولى

free eagle
12-07-2008, 06:16 PM
انتى مالك يا رنيا جاية علينا كدة ليه بس انا عايز اعرف

ايهئ ايهئ ايهئ
ههههههههههههههههههههههههههههههههههههههه



دحنا غلابة

Marwa Magdy
12-07-2008, 08:56 PM
والله ده احنا مظلومين


انتم مظلومين ياعينى
أصل انتم ملايكة نازلة من السما والبنات دول شياطين
علشان تعرف ان البنات ممكن ترد على الكلام اللى انت كاتبة عنها

free eagle
12-08-2008, 06:20 AM
انتم مظلومين ياعينى
أصل انتم ملايكة نازلة من السما والبنات دول شياطين
علشان تعرف ان البنات ممكن ترد على الكلام اللى انت كاتبة عنها





عندك حق انتى قولتى صح

احنا ملايكة وانتم شياطين
ياساتر منك انتم
ربنا...................................
ولا بلاش علشان محدش يزعل




هههههههههههههههههههههههههههههههههههههههههههههههههه هههه




ف الاخر احنا بنضحك يا جماعة



كل عام وانتم بخير

free eagle
01-20-2009, 11:17 PM
ههههههه جميله يا يسرى اوى وخصوصا دى

26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

بس ناقصه حاجه وعلى الساده المقيمين خارجها مراعاة فروق التوقيت ( عشان لخبطة المواعيد يا معلم......... ههاى


ساره : بالنسبه لإحالة الأوراق لقسم المنتزه ( اول ولا ثان ) عشان الواحد يعمل احتياطاته وقبل ما يعرف بنت يشوف بطاقتها ويتاكد من العنوان هههههه



والله انت 100% يا ماهور
هههههههههههههههههههههههههه

تعليق جامد

LOTTO
01-21-2009, 12:37 AM
والله يا يسرى انت بتتكلم كلام صح مليون فالمية بس ده ميمنعش انك بتستخدم منهم والا يبقى منظرك........

اخوك لطفى

free eagle
01-21-2009, 06:19 PM
ههههههههههههههههههههههههههههههههههههههههههههههههه

بس مش يامة يا اخويا يا لطفي ف اضيق الحدود
ههههههههههههههههههههههههههههه


شكرا لمشركتك

Marwa Mahmoud
01-29-2009, 04:57 PM
هههههههههههههههههههههههه
طب ليه كشف المستور متخلى الطابق مستور
بس تسلم أيدك موضوع جميل جدااااااااااا
http://www10.0zz0.com/2009/01/17/21/710103174.jpg

free eagle
01-29-2009, 08:12 PM
شكرا ليكى يا مرمر شوفتى بقي بيفضحنى ازاى
هههههههههههههههههههههههههههههه