المساعد الشخصي الرقمي

مشاهدة النسخة كاملة : الكليه واول يوم فيها ...ياااه شاركنا واحكيلنا



Wild_Angel
09-19-2008, 08:22 PM
بسم الله الرحمن الرحيم

اولا احب اوجه الشكر لزميلى حسن لانه شجعنى على انشاء هذا الموضوع

يااااااااااااااااه اول يوم كليه ....احساس جديد جدا

مفيش سندويتشات ولا شنط سبحانك يارب
ولا لبس المدرسه اهو ده تحررررر غير عادى

ولا نتحبس فى المدرسه لحد الساعه 2

احاسيس جديده ومختلفه واحساس بفرحه غير عاديه
ان اخيرا الواحد كبر بقى وفى كليه وحيتحمل مسئولية نفسه
يمكن كل صحابنا مش بيكونوا معانا فى نفس الكليه بس ممكن نتقابل فى اى وقت واى مكان
احساس جميل باول محاضره والواحد مركز فيها اوى وبيكتب كانه عامل شبه الراجل اللى بيبقى جنب الظابط اللى بيكتب كل حاجه وتبقى حاسس برهبه كده ادام الدكتور

واول Break تاخده بعد اول محاضره وتروح بقى تجيب فطار مع زمايلك

لالالالالا احساس كان رائع
والواحد كان حاسس ان الاربع سنين طوال اوى اتاريهم بيعدوا بسرعه جدا
وتبقى ماسك فى سنه رابعه ومتبت فيها بايدك وسنانك وتقولها اوعى تمشىىىىىىىىى

كل واحد يقرا الموضوع يقول ويحكى عن اول يوم فى الكليه واجمل المواقف اللى حصلتله فيها
واتمنى للجميع ايام حلوه وسعيده مع النجاح والتوفيق

AYMAN GAMAL
09-19-2008, 08:41 PM
ههههههههههههههههههههههههههههههههههه

اااااااااااااااااااخ من اول يوم

انا مش هتكلم ولا هحكي الا لما تقوليلنا اسمك الحقيقي الاول
وبعد كدة نحكي

Wild_Angel
09-19-2008, 09:08 PM
خليه بعدين يا باشمهندس الايام جايه كتير وبعدين مش حيفرق كتير خلينى دلوقتى اعمل من وراء الكواليس

Mohamed Saad Yassin
09-19-2008, 09:11 PM
انتى عارفة انك فكرتينى بأول يوم فى الدراسة الجامعية من 10 سنين
و اول محاضرة أحضرها كانت للدكتور بكير مادة جغرافية افريقيا و كانت فى مدرج 56 و كانت الطلبة على بعضها
و كنت واقف طول المحاضرة فى الجزء الايسر من المدرج
و اول يوم اروح فية البيت من الكلية
و فكرتينى كمان بأول مرة انقل الجدول اللى كنت مش فاهم منة حاجة
و اول مرة اقعد فى الجنينة مكانى لمدة اربع سنين
و ماقعدتش فية من 6 سنين
أول صحاب عرفتهم
أول رحلة
أول اشتراك فى الجمعية الجغرافية
و أول انتخابات فيها طبعا بالنسبة لى
أول امتحانات
و........زو.................و.........و. الله يسامحك ياشيخة
فكرتينى بحاجات كتيييييييييييييييييييير
لو قعدت احكيها ح.............
بس حاجات كلها حلوة امال انا بحب القسم دة من شوية

Mohamed Saad Yassin
09-19-2008, 09:15 PM
انتى عارفة كل مدرج كل مكان كل ركن ليه ذكرى
ممكن تسألو أم سناء الدادا بتاعة القسم علينا انا و صحابى
يااااااااااااااااااااااااااااااااااااااااااااااااا ااااااااااااااااااااااااااااااااااااااه فكرتينى
بأيام زمان

Wild_Angel
09-19-2008, 09:17 PM
الذكريات اجمل شئ بيهون مصاعب وضغوط الحياه

ولكن يبقى اننا دائما نامل ان المستقبل يحتوى على ذكريات مستقبليه

eslam mamdouh
09-19-2008, 09:20 PM
agmal sh fy al haya zkryat al kolyaa al htftkrhaa lma tkber



kant ayaaaaaaaam

Wild_Angel
09-19-2008, 09:21 PM
ويكفى يا استاذى وجودك معنا والذى لا يعتبر كاستاذ وطلابه ولكن اخ كبير واخواته
وتعبك معانا ايام السكاشن بعد الامتحانات ورسمنا للخريطه الجيولوجيه ورعبنا من ان حضرتك تقولنا عيدوها
وحبنا انك تقولنا ملاحظاتك فيها

ذلك بالاضافه لوجود استاف المعيدين الذى لا اريد ان اترك اسمائهم استاذ محمود كامل واستاذه سحر واستاذ سيد واستاذه مى كامل مش عايزه انسى حد طبعا كلهم دايما بيساعدونا

ويكفى ان مش اول يوم بس هو اللى مليان ذكريات بل ان كل مكان لنا به ذكرى

وشكرا جدا لمرورك استاذ محمد

Mimi
09-19-2008, 09:22 PM
الله ياانجل دا موضوع جميل جدآ

والله أسوأ سنة في حياتي هيا أول سنة في الجامعة دي ..مش أول يوم بس هههههههههه

انا رحت باه الجامعه وكنت كارهة حياتي لاني رايحة كلية مش بحبها ومش برغبتي وكمان معرفش اي حد خالص:(

بعدين دخلت قاعة المحاضرات وكانت كبيرة اوي وزحمة قاتلة وانا بتخنق من الزحمة متهيألي اي حد يعني بيتخنق منها

وبعدين باه كان في بنات كتير بيبصولي ومش عارفه يعني بيبصولي ليه : ( المهم كنت في حالي ومش عايزه اصاحب حد وبعدين مكنش في مكان ولقيت بنت بتقولي تعالي تعالي في مكان هنا فقعدت جنبها وبعدين اتخنقت من الجو دا وبقيت عايزه امشي

وبردو كان مدايقني بصات البنات دي ليا ومش عارفه باه هما بيقولو ايه يمكن بيضحكو عليا او بيتريقو عليا مش عارفه مع اني والله طيبة ومش بأذي حد بس مر أول اسبوع وانا مش بحب اروح عشان مش بحب حد يعد باصص عليا وهما كمان كانو أصحاب من المدارس وكنت بقول يابختهم هما عارفين بعض واكيد مش حاسين انهم غريبيين

بس مر أول أسبوع واتقابلت مع توأم حياتي ..لقيت البنت اللي بدور عليها من زمان ( يارب تفهموني صح : $ ) بس حقيقي لقيت صديقة ولا أروع من كدا عشان هيا كانت انطوائية جدآ زيي ومش بتحب تصاحب وكمان الاحلى انها مقتنعة ان في كائنات غريبة على كواكب اخرى *_* ودا اللي خلاني مصاحباها ولحد دلوقتي احنا أصحاب

بس زي ما بتقولي ياانجل حبيت الجامعة ابتداءآ من تاني سنة وارتبطت بيها جدآ رغم اني كان نفسي أحول بس ظروف خليتني أكمل فيها وحبيت اصحابي اللي معايا كلهم بس دا ميمنعش اني عايز أخلص منها وأتحرر من قيوده:(ا

Wild_Angel
09-19-2008, 09:22 PM
شكرا زميلى اسلام على مرورك

Hassan Mohamed
09-19-2008, 09:40 PM
في البداية بحب اشكر زميلتي في القسم Wild علي الموضوع الجميل ده

احكيلكم الحكاية بئا


ياااااااااااااااااااااااااه اليوم ده كان صعب جدا وربنا

انا اول ليا في الكلية روحت شؤون الطلبة عشان اشوف انا في قسم ايه قالولي انت دخلت لغة عربية

اتفاجأت بهذه النتيجة وقعدت بقا اتحايل عليهم والنبي والنبي حولوني جغرافيا المهم صعبت علي الست ودخلت قسم الجغرافيا

المهم طلعت القسم لقيت الدنيا زحمة موت ومكنش ليا اي حد هنا المهم لقيت في وسط الزحمة ولدين ومعاهم بنتين دخلت عليهم قولتله لو سمحت هو الجدول نزل قام بصلي وضحك ههههههههههههههههههه عيل بارد وربنا اتم اتامة مشوفتهاش علي حد المهم روحت ناحية الجدول لقيت زحمة قاتلة المهم عرفت ان فيه محاضرة بشرية للدكتور عمرو غنيم

دخلت المحاضرة وكانت زحمة امم كنت اكاد ارجع احول تاني من القسم

بجد كاان يوم وحش بالنسبة ليا بس لو سئلتني دلوقت عن الكلية والقسم انا بحبهم جدا

Wild_Angel
09-19-2008, 09:48 PM
اولا احب ارد اولا على جودى لانى كنت حرد ومنها لله الكهربا فصلتلى الكهربا عن الكمبيوتر
اهم حاجه بالفعل ان الواحد يجد صديق يشاركه الطريق لانه مهما كان طويل

يارب تكمل الحياه بمشاركة اصدقاء يحبونا ونحبهم وعلى فكره موضوع الكائنات ده حلو بس اقنعينا وهاتيلنا واحد منهم بس يوحد ربنا

عموما مش دايما الانطباع الاول عن الكليه بيكون الاخير

Wild_Angel
09-19-2008, 09:51 PM
اشكرا على مروك يا حسن انا الحمد لله ربنا رحمنى من اول يوم لان كل ما اروح يقولو لى الملف لسه مجاش لحد محسيت انهم عاملين مؤامره عليا
وفى الاخر طلعت قسم جغرافيا مع العلم انى كنت مش بحبها طول حياتى لكن القدر واحمد ربنا على القدر الجميل ده

AYMAN GAMAL
09-19-2008, 09:52 PM
اول يوم شفت فيه المجمع اساسا كان اصعب يوم في حياتي
كنت لسة في ثانوي عم و علمي رياضة سنتين
كنت بدعي ربنا اني مدخلش المجمع النظري مهما حصل
مجاش في بالي تربية ولا تجارة ولاحقوق
ومرت الايام و اتقبلت في كلية الاداب
حضرت في كل اقسام المجمع .....من حقوق لحد تربية معتقتش, كل دة عشان انا دخلت اداب
وكانت المفاجاة
دخلت قسم الجغرافيا في اخر اسبوعين في الترم الاول
بصيت في عيون زملاتي اللي همة صحابي و اخواتي و حبيبي كلهم دلوقتي و للابد
قلت ياااااااااااااااه كل دي ناس دخلت جغرافيا كنت عرفت بقى ان فية حاجة اسمها مساحة في التخصص من قسم الجغرافيا (اول ما اتقبلت في اداب طبعا)
وقفت زي اللي عامل ذنوب في اخر مدرج 56
سبت الشرح بتاع الدكتور و واقف بقى اتلفت و ابص لعنين الناس اللي اول مرة اشوفهم في حياتي
بالامانة حسيت اني مش من اسكندرية و السبب لا تعليق
عايز اسيب المحاضرة بقى و امشي اروح و كان نفسي الدكتور يطردني من المحاضرة عشان كان مانع اللي يحضروا يمشوا و يسيبوا المحاضرة
اتكلمت مع واحد جمبي........الدكتور شافه بيتكلم طردة
اتكلمت مع واحد تاني........الدكتور برضة طردة وانا كل دة لسة مطردنيش
اتفقت مع واحد تالت انه يزوغ معايا في الاخر هوة زوغ و انا اللي قعدت
اخدت اليوم دة انطباع لا يمكن حد يتخيلة ابدا في حياته و قررت اني ابتدي اذاكر و رضيت بنصيبي و باللي ربنا كتبهولي
النهاردة مش هقدر انكر فضل الدكاترة و زملاتي الولاد و البنات عليا
حبيت القسم حبيت الناس اللي فيها وربنا يعني لما اتخرج السنادي على فراقهم
وسبحان مغير الاحوال

Wild_Angel
09-19-2008, 09:56 PM
شكرا لمرورك يا ايمن واتمنى ان السنادى تكون احلى بالنسبه لنا جميعا

Hassan Mohamed
09-19-2008, 10:19 PM
ههههههههههههههههههههههههههههه دانت طلعت مجرم بقا يا ايمن داخل تعمل مشاكل للناس كده

حبيبي والله يا موني

AYMAN GAMAL
09-19-2008, 10:31 PM
ههههههههههههههههههههههههههههه دانت طلعت مجرم بقا يا ايمن داخل تعمل مشاكل للناس كده

حبيبي والله يا موني


ههههههههههههههههههههههههههههههههههه
حبيبي يا حسن والله انا بجد سعتها كان نفس الاتوبيس الفاخر اللي كان عادل امام بيوصفة في المسرحية زي مايكون عدا عليا

witch evil
09-20-2008, 12:32 AM
انتى عارفة انك فكرتينى بأول يوم فى الدراسة الجامعية من 10 سنين
و اول محاضرة أحضرها كانت للدكتور بكير مادة جغرافية افريقيا و كانت فى مدرج 56 و كانت الطلبة على بعضها
و كنت واقف طول المحاضرة فى الجزء الايسر من المدرج
و اول يوم اروح فية البيت من الكلية
و فكرتينى كمان بأول مرة انقل الجدول اللى كنت مش فاهم منة حاجة
و اول مرة اقعد فى الجنينة مكانى لمدة اربع سنين
و ماقعدتش فية من 6 سنين
أول صحاب عرفتهم
أول رحلة
أول اشتراك فى الجمعية الجغرافية
و أول انتخابات فيها طبعا بالنسبة لى
أول امتحانات
و........زو.................و.........و. الله يسامحك ياشيخة
فكرتينى بحاجات كتيييييييييييييييييييير
لو قعدت احكيها ح.............
بس حاجات كلها حلوة امال انا بحب القسم دة من شوية



ياه ده الواحد بقاله سنه فى الكليه وحاسس انه شايل ذكريات 100سنه فى كل مكان فبالك حضرتك 10سنين ده عمر تانى

انا بفكر ممكن فى يوم من الايام اقف مع نفسى واقول انا بقالى 10سنين فى القسم بجد احساس رائع اوى

Wild_Angel
09-20-2008, 12:34 AM
حوريه احكيلنا عن احساسك فى اول يوم

witch evil
09-20-2008, 12:36 AM
الله ياانجل دا موضوع جميل جدآ

والله أسوأ سنة في حياتي هيا أول سنة في الجامعة دي ..مش أول يوم بس هههههههههه

انا رحت باه الجامعه وكنت كارهة حياتي لاني رايحة كلية مش بحبها ومش برغبتي وكمان معرفش اي حد خالص:(

بعدين دخلت قاعة المحاضرات وكانت كبيرة اوي وزحمة قاتلة وانا بتخنق من الزحمة متهيألي اي حد يعني بيتخنق منها

وبعدين باه كان في بنات كتير بيبصولي ومش عارفه يعني بيبصولي ليه : ( المهم كنت في حالي ومش عايزه اصاحب حد وبعدين مكنش في مكان ولقيت بنت بتقولي تعالي تعالي في مكان هنا فقعدت جنبها وبعدين اتخنقت من الجو دا وبقيت عايزه امشي

وبردو كان مدايقني بصات البنات دي ليا ومش عارفه باه هما بيقولو ايه يمكن بيضحكو عليا او بيتريقو عليا مش عارفه مع اني والله طيبة ومش بأذي حد بس مر أول اسبوع وانا مش بحب اروح عشان مش بحب حد يعد باصص عليا وهما كمان كانو أصحاب من المدارس وكنت بقول يابختهم هما عارفين بعض واكيد مش حاسين انهم غريبيين

بس مر أول أسبوع واتقابلت مع توأم حياتي ..لقيت البنت اللي بدور عليها من زمان ( يارب تفهموني صح : $ ) بس حقيقي لقيت صديقة ولا أروع من كدا عشان هيا كانت انطوائية جدآ زيي ومش بتحب تصاحب وكمان الاحلى انها مقتنعة ان في كائنات غريبة على كواكب اخرى *_* ودا اللي خلاني مصاحباها ولحد دلوقتي احنا أصحاب

بس زي ما بتقولي ياانجل حبيت الجامعة ابتداءآ من تاني سنة وارتبطت بيها جدآ رغم اني كان نفسي أحول بس ظروف خليتني أكمل فيها وحبيت اصحابي اللي معايا كلهم بس دا ميمنعش اني عايز أخلص منها وأتحرر من قيوده:(ا



ياااااااااااااااااه فكرتينى بنفس احساسى بس انا كنت فرحانه انى دخله الكليه وفى نفس الوقت كنت مستغربه الوضع
تعرفوا انا اول مدخلت الكليه كانت معايا اختى الكبيره فبقولها ايه احنا حندخل الكليه امتى وايه كل الجناين دى والشوارع امت قعدت تضحك وتقولى احنا جوه الكليه
الصراحه كان شكلى اهبل اوووووووووى يومها وكنت محتاسه ومسكه فى ايد اختى كانى حتوه

Mimi
09-20-2008, 12:39 AM
طيب على الاقل انتي ياحورية كان معاكي اختك انا مكنش معايا حد كبير يوريني

وكنت بحس كل الناس بتكرهني ومش عارفه باه الحمد لله انه عدا دي ذكريات مهببة ياشيخة ههههههههههههههههههه

witch evil
09-20-2008, 12:44 AM
طيب على الاقل انتي ياحورية كان معاكي اختك انا مكنش معايا حد كبير يوريني

وكنت بحس كل الناس بتكرهني ومش عارفه باه الحمد لله انه عدا دي ذكريات مهببة ياشيخة ههههههههههههههههههه


هههههههههههههههههههههههههههههههههههههههههه
حلوه كل الناس بتكرهنى دى ده حقد طبقى صح .....................؟؟:D

Wild_Angel
09-20-2008, 12:49 AM
شكرا لمرور الزملاء والزميلات

Hassan Mohamed
09-20-2008, 02:04 AM
هههههههههههه احلي حاجة كل واحد يومه بيختلف عن التاني

tiger
09-20-2008, 10:08 AM
أحلى أيام فعلا داخله قسم ومتعرفيش حد وفجأة تلا قى معظمأصدقاء الثانوى معاكى والموضوع مش مترتب وتتخرجى وتدرسى وتتعرفى على ناس جديده منهم الى ممكن يفضل صديق طول العمر تبقى دى أيام متننسيش بجد وحتحسو بكلامى لما الطلبه تقرب من بعض أكتر فى مشروع التخرج هههههههههه وكل واحد حيبان على حقيقته

AYMAN GAMAL
09-20-2008, 05:37 PM
هههههههههههههههههههههههههههههههههههه
اتضحلي اني مش الوحيد اللي فاكر ان اول يوم كان سهل و بسيط و مش يوم عقدة في حياتك

Mohamed Gaber
09-20-2008, 05:51 PM
فكرتيني باول يوم اروح فيه الكلية من 5 سنين
وانا لسه في سنة تانية لحد دلوقتي

ياه ادي حال الدنيا

Hassan Mohamed
09-20-2008, 07:57 PM
هو انت بتروح اساسا يا محمد

Wild_Angel
09-21-2008, 11:51 PM
كل سنه وانتم طيبين عموما ادى السنه الجديده جت واتمنى تكون ذكرياتها للجداد فى الكليه والقدام تبقى حلوه

Wild_Angel
09-23-2008, 11:19 PM
شكرا لكل زمايلى وزميلاتى اللى ردوا واتمنى ردود جديده لنستفيد جميعا من التجارب الخاصه بكل واحد

ahmedko
09-26-2008, 12:24 PM
على فكرة ياجماعة
اول يوم فى الكلية دة بيكون غريب
يعنى انا شوفت ناس كرهت الكلية من اول يوم
و مدخلتش غير على الامتحانات
و ناس من يوم مدخلت مطلعتش منها و لازقت فى الجناين بتاعتها و على السلالم

Wild_Angel
09-27-2008, 12:40 AM
كتير بيكونوا كده بس الاهم ان الواحد يطلع منها على خير وهو معاه فى حقيبة الذكريات لحظات يتمنى ان تظل معه طوال العمر

white_heart
09-28-2008, 11:58 AM
انا احب اعقم على الموضوع المهم دة <على راى ابلة نظيفة والقطنة مبتكذبش> انا اول يوم ليا فى المجمع وانا فى ثالثة ثانوى كان اخويا فى تجارة وحبيت اجى المجمع معاه كنت عاوزة اشوف الكلية وبصراحة عجبتنى مفيش يونيفورم ومفيش حاجة اسمها غياب وحضور ولا فية طابور وانا اصلا كلة كان نفسة انى ادخل هندسة وانا اصلا مقرره اداب جغرافيا من وانا فى اولى ثانوى بس انا سبتهم يحلموا انا اصلا مش حاسة ان هندسة تنفع للبنات < دى كانت حجتى> مع شوية عدم تركيز دخلت اداب بعد ما الواحد نظرة ضاع فى الرياضة اتنين والفيزياء والاحصاء بس الحمد للة دخلت اداب جغرافيا وانا مبسوطة وكل الناس زعلانة وعلى راسهم المحروسة ماما لابس انا بعد كدة اكتشفت عيوب الكلية واكتر حاجة تعبتنى هى ان مفيش نظام يعنى كل واحد ماشى بقانون دماغة واحنا اصلا شعب نخاف منختشيش واوحش حاجة بقى بجد عصبتنى ولاول مرة هى السجاير الشباب حسسونى انى فى مصنع تبغ والواحد منهم يشرب سجاير عادى فى القسم وقدام الدكاترة مش لازم نخاف منهم المهم نحترمهم

AYMAN GAMAL
09-28-2008, 04:13 PM
انا احب اعقم على الموضوع المهم دة <على راى ابلة نظيفة والقطنة مبتكذبش> انا اول يوم ليا فى المجمع وانا فى ثالثة ثانوى كان اخويا فى تجارة


والله عندك حق عالسجاير

بس على فكرة الدفعة المشهورة بالسجاير هية دفعة سنة تانية السنة اللي فاتت

معظم اللي فيها بيشربوا السجاير ودي حاجة مش مشرفة طبعا

Wild_Angel
09-29-2008, 02:05 AM
بالفعل عاده سيئه تشير الى انسان لديه عقده
كيف يصير عبد لشئ لا يتعدى طول سنتيمترات
الله يسامحهم ويجازيهم

نفس الشئ بيستفزنى

وتعقيبا على شئ كان مكتوب فى احد الردود
ان ليس دائما يكون اختيار الاهل صحيح
ولكن علينا ان نتاكد انهم دائما يبعدونا عن تيار ضد الريح

Wild_Angel
11-28-2009, 03:40 AM
بجد الموضوع ده انا بحبه
لانه من أول الموضوعات اللى عملتها فى المنتدى
اتمنى انه يعجبكم وياريت تشاركونا بأرائكم :)

MUHAMED SAMY
02-23-2010, 12:56 AM
فعلا ذكريااات جميلة..طبعا قسم جغرافيا ده القسم اللى مكنتش أفكر ادخله فى اداب..
كنت بروح الكلية قبل الدراسة وادخل كل الاقسام الا القسم ده..شكل الخرايط اللى على السلم كان بيرعبنى..الا لما سمعت عن شعبة المساحة.
واول يوم رايح الكلية مفكر ان القسم هيكون 7.8طلاب كبيره15..لكن الاعداد كانت كبيرة..واصدقاء اول يوم (شادى ومختار)مازلو اقرب الاصدقاء حتى الان..والواحد اتعرف على ناس محترمة كتيير ...ومادة الجغرافيا العملية بالنسبالى مادة لاتنسى وكنت بفكر احول من القسم بسسبها لكن الحمد لله...موضوع رائع

http://www.ii5ii.com/4thread/different/hgw,v_hglpjgtm_ggl,hqdu_l,q,u_lkj%5Ddhj_lkj%5Dn_%2 0(39).gif

Wild_Angel
02-23-2010, 08:30 PM
جميل اوى انك شاركتنا بالذكريات دى

انا بالنسبالى الجغرافيا العمليه كانت من اجمل المواد كان بيدرسهالى دكتور محمود بشر
هو دلوقتى مسافر تقريبا فى الامارات او السعوديه ربنا يديله الصحه

بس حقيقي قسم الجغرافيا من امتع الاقسام فى دراسته
اشكرك يا محمد
واتمنى الجميع يشاركونا بذكرياتهم فى اول يوم كليه

ساره احمد عبد الفتاح
03-12-2010, 11:58 PM
انا اول يوم كنت كرهه الكليه لان حسيت انى حلمى فى انى ادخل الكليه اللى بحلم بيها ضاع

ورغم انى قابلت ناس كتير بقوا من اعز اصحابى وبالرغم من ان فى اساتذه كتير بقدرهم وبحبهم فى القسم

الا انى كل يوم بكره الكليه عن اليوم اللى قبله

Wild_Angel
03-13-2010, 11:33 PM
ليه بس كده يا ساره
بصى تعرفى قصة الصياد اللى كل يوم مضايق من البحيره اللى بيصطاد منها كل يوم عشان لونها وحش ؟؟؟!!!
بلاش تبصى للكليه والحاجات اللى مش حلوه اللى بتدايقك فيها
بصى على اجمل حاجه اخدتيها منها
اعز اصحاب
اساتذه بتحبيهم وتقدريهم وبتتعلمى منهم مش المواد بس .. لا احنا كل يوم بنتعلم من اخلاقهم ومن ثقافتهم

فى الاخر بقولك ان الصياد كل يوم بيروح وبياكل أحلى سمك فى الدنيا
بس متبقيش زيه وتضيعى طعم الايام والحاجات الحلوه

حبي الحياه وكل ما فيها عشان وجودك فيها يكون دايما أحلى وله طعم تانى

ملحوظه صغنونه

اول يوم ليا مكنش حلو على فكره
ومع ذلك الحمد لله انا خلصت وكملت دراسات
عشان دورت على احلى حاجه فى الكليه ممكن اعملها

blue_sky
03-15-2010, 10:17 PM
يااااااااه
أنا أول سنة ليا في الكلية على قد ماكان فيها حاجات حلوة كتيير على قد ما أنا كرهت أول سنة ليا في الكلية
في أول أسبوع كانت بروح أحضر وأروح على طول كنت على الساعة 11 بكون في البيت
كانت أول محاضرة ليا لدكتور محمد السوداني جغرافية عملية حببني زيادة في القسم لأني كنت دخلى القسم برغبتي
ماكانش ليا أصحاب في القسم كنت بحس أنهم عيال إتمة كدة ودمهم واقف كلهم يعرفوا بعض من زمان وحاسة أني غريبة
بعد كدة قابلت أصحابي بتوع الثانوي و من ساعتها كانت أحلى أيام وأحلى مقالب يااااه كانت أيام جميلة لو كانت دامت
بصراحة ماكنتش بحضر ( إلا محاضرة العملية ماكنتش بقوتها ) كنت على طول قاعدة مع أصحابي بهرب من بنات القسم بئى ما صدقت لقيت حد أعرفة هههههههههه
بعد كدة كنت بروح على الساعة 5 كدة يعني بعد ماكنت الساعة 11 أكون في البيت
بس دلوقتي الحمد لله أتعرفت على بنات في القسم كويسة جدا لكن للأسف وصلوا متأخر أوي بعد 3 سنين في الكلية
الحمد لله دلوقتي بجد أيام حلوة عوضتني كتير عن الأول

Wild_Angel
07-19-2010, 10:58 PM
ربنا يسعدك يا سمسمة
أهم شئ ان الواحد يبحث عن الصحبة الصالحة
لانه كل ما حيكون معاهم حيلتقط ثمار الخير