المساعد الشخصي الرقمي

مشاهدة النسخة كاملة : كلام الابهات‏.....



semsema
11-28-2008, 08:41 PM
هما كلهم كده


والله ما انت فالح .. وادي دقني أهه .


ما تتكلمش بصوت عالي في الحمام

ما تنمش غير لما تغسل سنانك .


ما تلزقش في التلفزيون كده .. نظرك هيضيع .
سلم على عمك كويس يا ولد .


يا ابني محدش هينفعك .

ما تطلعش ايدك من الشباك .

قصة الغريق الكاذب اللي كل مره يقول الحقوني ... لحد ما غرق بجد .

ربنا يرزقك بعيل يوريك اللي ورتهوني .

ما تطلعش على الملايه النظيف و رجليك متوسخه كده .

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

طلع ايدك من جيبك و انت بتكلمني .
ايه الا مبالاه و الاستهتار اللي انت عايش فيهم دول .

قوم اقرا لك كلمتين ينفعوك .

وطي المدعوق ده شويه .
انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه ما لكش دعوة بيها .

لازم تأكل سلطه .

اوعى تكدب عليا كده تاني مرره .

اوعى حد غريب يديلك حاجه تاكلها و تشربها و تاخدها منه .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك .

وانت فاكر احنا مستنيين منك حاجه .

المسلسل مش هينفعك ...قوم .


ما تقعدش قدام المروحه وانت مستحمي .

كفايه رغي في التليفونات .

بلاش وقفة الشبابيك و البلكونات .

اوعى تقول لحد هات لي حاجة .

كل على مهلك .. وامضغ كويس ... وما تكلش وانت واقف .. وكل من قدامك ما تحفش .

اطفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك ... وأحيانا .. انك لا تهدي من أحببت .

صليت العصر ؟!

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال جنبك .

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .

ومالها الكتب بتاعة الوزاره ؟!

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش .

تقعد في أول صف قدام السبوره .

ما تردش عليا .

مش عايز اسمع صوت .

مالكش دعوة بالسياسة .. وماتمشيش في مظاهرات .

التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا .
.

Marwa Mahmoud
11-28-2008, 10:13 PM
شكرا اخى على الموضوع الجميل ده.
كل الكلام ده مظبوط فعلا بنسمعة كلنا واحنا البنات كمان . اعمل وسوى ومتعملش كده وهكذا..........
بس اكيد فى النهاية الاب او الام مش عوزين غير مصلحة ولدهم ويشفوهم احسن ناس .

semsema
12-05-2008, 07:31 PM
عندك حق
بس الاول انا بنوته سمسه
ثانيا فعلا الابهات والامهات بيكون كل كلامهم دا خوف او قلق على اولادهم
بس ساعات القلق الزيادة بيخنق ويخلى الاولاد يحاولوا يهربوا من السيطرة دى
مش كدة ولا ايه؟

محمد حمدى
12-05-2008, 08:00 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههه
ايه يا سمسمة الحلاوة دى ....

semsema
12-18-2008, 08:34 PM
اى خدمة يا حمدى
بس زى ما انت شايف محدش بيتفرج على الحلاوة دى
انا زعلانه كتيييييييييييييييييييييير

Marwa Mahmoud
12-24-2008, 07:28 PM
ههههههههههه معلش يا احلى سمسمة مختش بالى اختك مرمر:)

semsema
08-16-2009, 08:06 AM
ههههههههههه معلش يا احلى سمسمة مختش بالى اختك مرمر:)




ولا يهمك يا مروة
المهم ان الموضوع يكون فعلا عجبك
وشكرا يا قمر

semsema
08-16-2009, 06:28 PM
ايه يا جماعة
محدش مقتنع بالكلام دا ولا ايه
ولا مش فى ناس كتير بتسمعه؟؟؟؟؟؟

Mohamed Hashem
08-16-2009, 09:12 PM
لا طبعا موضوعك جميييييل جدا
بارك الله فيكى

semsema
08-17-2009, 08:00 AM
لا طبعا موضوعك جميييييل جدا
بارك الله فيكى




شكرا يا محمد
نورت الموضوع

Marwa Mahmoud
08-17-2009, 05:59 PM
هههههههههههههههههههههههههههههههههههه

بحب ادخل الموضوع دة كلة مدخلة اقعد اضحك

semsema
08-17-2009, 09:22 PM
هههههههههههههههههههههههههههههههههههه

بحب ادخل الموضوع دة كلة مدخلة اقعد اضحك




يا ستى الموضوع بينور كل ما تدخليه
هو انا اطول مروة العسل تزورنى كل شوية

S2AH
08-17-2009, 09:28 PM
هههههههههههههههههههههههة
تسلم ايدك يا سمسمة بجد تحفة

semsema
08-18-2009, 02:01 PM
مرسي يا قمر
تورنتى الموضوع يا جميل

Marwa Magdy
09-22-2009, 01:22 AM
ههههههههههههههههههههههههه
عليكى نور يا سمسه هو ده بالضبط الكلام اللى بيتقال
ههههههههههههههههههههه
شكرا ليكى يا قمر

MEROOO
09-23-2009, 11:13 PM
ههههههههههههههههههههههه

هههههههههههههههههههههههههههه

ههههههههههههههههههههههههههههههههههههههههه

ياعينى دا انتى جبتى اخرك

sweet girl
09-24-2009, 09:17 PM
ههههههههههههههههههههههههههههه
جمييييييييييل اوى يا سمسمه
ههههههههههههههههههههههههههه
الله ينور يا جميل

raul
09-25-2009, 12:53 AM
الله عليكى يا سمسمة
موضوع جامد جدا بس على سبيل الهزار طبعا
شكرا لمرورك