المساعد الشخصي الرقمي

مشاهدة النسخة كاملة : كل مايخص منحة وزارة الاتصالات وتكنولوجيا المعلومات iti



MUHAMED SAMY
07-30-2013, 03:00 AM
السلام عليكم ورحمة الله وبركاته
--------------------

كل مايخص منحة وزارة الاتصالات وتكنولوجيا المعلومات ITI
_______________________





منحة وزارة الاتصالات وتكنولوجيا المعلومات

2013 ITI

المنحة تتضمن تراك خاص بGIS

الدفعة 34
مع فايلات التحضير للمنحة (IQ&ENGLISH)
والتسجيل على الموقع اتفتح الحمد لله من الخميسمن 19/7/2013
وتقديم الاوراق بدءا من28/7/2013 ان شاء الله
المنحة مجانـــــــــــــــــــــــــــــــــية تمامااااااااااا
__________________________________________
تعريف المنحة :
هى منحة مدعمة من وزارة الاتصالات تمنح دبلومه فى تكنولوجيا المعلومات diploma in information technology وتؤهل الخريجين لسوق العمل فى مجالات تكنولوجيا المعلومات ، وتكلفه المنحه 16 ألف جنيه للطالب الواحد وهى مدعمه بالكامل من وزارة الاتصالات وتكنولوجيا المعلومات ويحصل المتدرب على راتب شهرى منها تبعا لتقديره التراكمى فى الكليه .
كالاتى
جيد 800ج
جيد جدا 1000
امتياز 1200
المنحة متاحة لخريجى السنوات التالية 2011/2012/2013
والتخرج ده اللى هو الليسانس او البكالوريوس محدش بقى يقول انا عامل ماستر او دبلومة ولسه مخلصهم وهقدم يبقى بيتعب نفسه عالفاضى لان المكتوب البكالوريوس ومايعادله اللى هو الليسانس فقط فقط فقط
وفى Laptop بتستلمه من المعهد وبيتخصم تمنه كل شهر 400 من مرتب المنحة
شروط القبول :

الحصول على درجه البكالوريوس من الجامعات المصريه او ما يعادلها .
الا يكون قد مر على التخرج 3 سنوات
يستثنى خريجو الكليات العسكريه ذات الثلاث سنوات يسمح لهم ب 4 سنوات .
التقدير التراكمى لا يقل عن جيد .
الحصول على 500 درجه فى TOEFL ( سواء امتحان تحريرى أو ع الكمبيوتر ) كحد أدنى .
إجادة استخدام الحاسب الآلى ( مبتدئ ) .
تحديد موقف الحالة العسكريه ( اعفاء / تأجيل / أنهاء )


شهادة التويفيل : ممكن تاخدها وانت بتدرس جوه المنحة يعنى مش شرط تقدمها مع الاوراق



كيفيه الالتحاق :


http://apps.iti.gov.eg/ITIPortal12/UserManagement/WebSite/Registration.aspx


المسارات الدراسيه بالمنحه ( التراكات ) :
التراكات الموجوده بالمنحه هى :
http://apps.iti.gov.eg/ITIPortal12/Admission/WebSite/AdmissionAnnouncement.aspx (http://www.facebook.com/l.php?u=http%3A%2F%2Fapps.iti.gov.eg%2FITIPortal12 %2FAdmission%2FWebSite%2FAdmissionAnnouncement.asp x&h=FAQHA8yhj&s=1)
ويمكن الدخول على كل تراك على حده ومعرفه تفاصيله الدراسية .
ملحوظه ليست كل المراكز بها كل التراكات فهناك تراكات غير متوفره فى كل المراكز يجب مراجعه المركز لمعرفه الكورسات المتاحه به .
ولمعرفة محتوى وشرح كل تراك اضغطوا على كل واحد هيطلعلكم الشرح بالانجلش

المراكز التى بها المنحه :
القاهرة ( القريه الذكية – مساكن الشيراتون)
إسكندريه
المنصوره
أسيوط
قناة السويس

أسئله مهمه :

في حالة إني سجلت مثلا .... و نسيت البيانات أو عملت حاجه غلط...هل هقدر أغيرها ؟؟
لأ ماينفعش، بس ماتقلقش كل ده تقدر تغيره لما تروح المعهد أو سجل أكونت جديد و إتعامل كأن شيئا لم يكن
لكن خلي بالك إن اخر ميعاد تلحق تغير الرغبات فيه قبل الانترفيو علي طول


هو لو شهادتي لسه ماطلعتش أعمل إيه ؟
يا سيدي ماتوقفش حالك عشان حتة ورقة
طلع حتي بيان نجاح من الكلية

بخصوص الجيش ... لو أنا نص تاني أعمل إيه ؟؟
خلي بالك !! لو إنت نص تاني لازم تعرف موقفك و إلا مش هينفع تدخل إلا طبعا لو إنت وحيد أو عندك سبب مقنع إنك ماتدخلش الجيش عشانه فقول لهم و هما هيشوفوا ممكن يعدوها


أنا هروح و أديهم ورقي علي طول و أقول لهم أنا عايز أقدم ؟؟
لو إنت عايز !! الافضل لك طبعا إنك تسجل علي الموقع بتاعهم الاول لما بفتحوا التسجيل و بعد كده تروح لهم بعدها بيوم أو إتنين المهم ماتتأخرش
بس طبعا كل ما كان بدري كل ما يكون أحسن عشان الاعداد و الزحمة
هتروح هناك تقول لهم أنا اليوزر بتاعي كزا و دي أوراقي


لازم أقدم في نفس المحافظه اللي أنا فيها ؟
لا طبعا مش لازم !! إنت ممكن تكون في إسكندريه و التراك اللي إنت عايزه موجود في القاهره فممكن تقدم عادي
بس عشان الدراسه بقا هتكون في القاهره

جميل أوي … أنا سجلت و كله تمام و وديت الورق… بعد كده ايه ؟
بعد كده هتملا ورقة رغبات و تكتب فيها ترتيب أولوياتك للتراكات
مع العلم إنك لو حطيت أكتر من رغبه هتعمل إنترفيو لكل تراك و هنتكلم علي الانترفيو كمان شوية
و الرغبات كمان ممكن تحطها أثناء تسجيلك للأكونت في الاول
و نصيحة مني ماتحطش رغبه إنت مش عايزها عشان ماتضيعش من عمرك 9 شهور في حاجه إنت مش بتحبها
ده لو عرفت تكمل فيها أصلا لأن معظم الناس بتحط أي حاجه و تقول لك أهي منحة و ببلاش

في حاجه تاني؟؟
اه طبعا !! هيقولوا لك علي ميعاد عشان تيجي تمتحن فيه إمتحانات القبول بتاعتك و اللي لو عديت فيها هتأهلك للمرحله اللي بعديها
و ماتنساش لما تيجي تمتحن تجيب معاك البطاقة و الوصل اللي هتاخدوا منهم لما تروح لهم و انت بتقدم الورق
و صور كل الورق المطلوب قبل ما تروح عشان هناك مفيش حتة تصور منها.
و مفيش اله حاسبة يا باشا




إمتحانات القبول


قول لي بقا .. إيه موضوع الامتحان ده ؟؟
الامتحان ده يا سيدي بيكون متقسم لثلاثة أجزاء و كل جزء بوقت محدد فلازم تكون سريع و تفتفتاء يعنيدقيق في الاجابة و طبعا إنت هتكون مدرب نفسك كويس علي الموضوع ده عشان لسه الامتحان في شهر 8 مش دلوقتي او على حسب مايحددوا


إيه الثلاثة أجزاء بتوع الامتحان بقا؟
الامتحان يا سيدي هيكون مقسم كالاتي
إمتحان إنجليزي (من منهج التويفل)
إمتحان IQ عشان يعرفوا مستوي ذكائك هيمشي معاهم ولا لأ
و أخيرا إمتحان Personality
و طبعا كله علي الكمبيوتر


قولي الاول إيه الـPersonality ده ؟؟
الامتحان ده اللي بيعرفوا فيه شخصيتك يعني مثلا هيقلوا لك إنت قيادي ولا لأ
عصبيتك
و الاجابات بتكون أوافق بشده – أوافق – نص نص – لأ – لأ
نظام إستفتاء يعني


بس أنا مش بعرف أعمل عمليات الضرب والقسمه المعقده دي عشان أنا أدمنت الاله الحاسبة
أبسط حاجه إدخل علي موقع youtube.com
و إكتب بقا في البحث Easy Math
Long division
و الحاجات دي بقا و هتلاقي فيديوهات كتير كويسه جدا جدا و هتفهمك


هي الامتحانات متقسمه علي الايام ؟؟
لأ!! كل الامتحانات في مرة واحدة و مدتهم كلهم ساعتين و نص

يعني هعرف أدوس و أعدي إن شاء الله ؟؟
تدوس ؟؟ إنت شكلك ناوي تدخل تقول أي كلام عامل فيها أبو العُريف
خلي بالك إن اللي بتعمل معاه الانترفيو عارف كويس كل حاجه في التراك
يعني لو بتفتي هيحرجك و يقول لك إشرحلي
فبلاش تتمنظر علي الراجل ال يعني إنت بقا أبو العريف اللي في القعدة
لو إنت عارف قول مش عارف ماتقولش ، مش عيب و مش دي اللي هتخرجك من المنحة


هما عايزين ناس واثقين من نفسهم و من إجاباتهم يعني خليك واثق من إجابتك بس ماتكنش بتفتي

أنا خايف لمتقبلش عشان أكيد في ناس أحسن مني ... هو في كام واحد بيقدم معايا ؟؟
في التقديم يا سيدي ممكن يقدم 10 الاف واحد
الف فقط هما اللي يتقبلوا

لكن إووووعي بأي شكل من الاشكال تفكر كدة
أولا لأن دي أرزاق و ربنا كاتب لكل واحد نصيبه
ممكن تلاقي حد عبقري مايتقبلش و واحد مايعرفش حاجه و يتقبل
لأن هما مش بياخدو مين اللي بيفكر أحسن في عوامل كتير زي الاخلاق و الشخصية

اللي ممكن يدخلك ممكن تكون طريقة كلامك و أخلاقك بصرف النظر عن إنت فاهم في إيه


النتيجه نزلت و الحمد لله نجحت .. إيه بعد كده ؟
هتلاقي متحدد ميعاد عشان تنزل تودي ورقك فيه و اللي غالبا بتكون 3 أيام


أنا عايز أعرف بقا ... الدراسه هتكون عامله إزاي؟؟
شوف يا سيدي .. مبدئيا إنت لاااازم تروح أول يوم عشان تتعرف علي الناس و تعرف الحوار هيبقا ماشي إزاي
الدراسة هتكون متقسمة علي 3 مراحل


إيه هما الـ3 مراحل ؟؟
المرحله الاولي : Foundation
المرحله التانية : Focus Module
المرحله التالته : Graduation Project

التقديم فى الاسكندرية:
1
ش محمود سعيد ميدان الشهداء مبنى البريد الرئيسى بمحطة مصر

وده لينك لصورة اعلان المنحة
https://www.facebook.com/photo.php?fbid=10153028919675352&set=gm.486759744744143&type=1

التحضيييييييير وده اهم خطوة

نيجى بقى لاخر حاجة وهى فايلات جبتهالكم التحضير للمنحة والاسئلة دى تدريبية ولكن مش شرط كل اللى فيها يبقى فى الامتحان تبيكال وان شاء الله تساعدنا فى الامتحان
ودى اللينكات ل ال
prepration
حملوها وفكوا الضغط
IQ TESTS
https://www.facebook.com/groups/AlexJob/615024095196812/

ENGLISH TESTS
https://www.facebook.com/groups/AlexJob/615040208528534/
وهتلاقوا الاجابات فى نهاية كل فايل للتاكيد على اجابتكم

لينك جروب هيفيدنا فى التحضير للمنحة https://www.facebook.com/groups/ITI34PREP/

وده لينك لجروب لحل المسائل اى كيو ومتتابعات واى سؤال وقف معاكم حطوه وهيردوا عليكم الاعضاء ويحلوه باذن الله

https://www.facebook.com/groups/ITI.Inatke34/

بالنسبة لاسئلة السوفت سكيلز فى الانترفيو النهائى باذن الله
اسئلة سوفت سكليز زى دى مثلاانت عاوز تدخل اي تي اي ليه ليه اي تي اي مضطره تقبلك هتضيف ايه للاي تي اي بتعمل ايه في يومك العادي بتعمل ايه من ساعت مخلصت ايه مميزات العمل في تيم ورك بتختار الناس علي اساس ايه خمس استخدامات للورقه لو هبط علينا كائن فضائي هتسأله ايه ايه اسم فيلم انت بتحبه و اتكلم عنه في دقايقنفسك تسافر فين و ليهايه ميزتك و ايه نقطك ضعفك و ايه اكتر حاجه بتعصبك و اكتر حاجه بتنرفزكلو قابلتك مشكله مع اعضاء الفريق اللي انت شغال معاهم هتعمل ايهاوصف نفسك بكلمه او تلاتهايه هو النجاح و ايه هو الفشلايه رأيك في الاحداث اللي حصلتازاي تحقق هدفكانت بتفتقد لايهتعرف ايه عن جمال عبد الناصرايه هي سلبيات ثورة 25 ينايرتعرف ايه عن شركة emcايه هي هواياتكبتفضل تشتغل لوحدك و لا في جروب و ليه
لو انت تيم ليدر و الناس اللي معاك مش شغاله كويس هتعمل ايه و تتصرف معاهم ازاي لو اتعرض عليك طاقه معينه تمتلكها هتختار ايه ايه اللي بيحفزك في الشغل اتكلم عن عيلتك و الانشطه اللي بتعملها معاهم اخر مره قريت فيها جرنال امته و ايه رأيك في المحاكمه بتاعت حسني بتمثلك ايه كلمه قائد و ازاي تبقي قائد و ازاي تختار شخص يصلح للقياده بيعلنا القلم ده - اختبار لمهارات الاقتناع موقف معين حصل معاك مين قدوتك و ليهdifference between creativity and inovation and who are from themشايف نفسك ايه بعد 5 سنين فكرت تعمل مشروع خاص قبل كدهالاوضه مربعه ازاي نخليها مدورهin second calculate 20 divided on 0.5 multiplied by 2تعمل ايه بمليون جنيهبتحب تلعب دور قياديايه مواصفات الصديق اللي تختارههتعمل ايه لو مدخلتش الاي تي ايمين غانديحاجه مخرمه و بتشيل ميهحاجه بتطلع في الصيف و تنزل في الشتابتحب تشتغل تحت ضغطتدي نفسك كام في ال communication skillsايه هي ال communication skillsمين نلسون مانديلاكلمة فشل بتمثلك ايهما هو اطول نهر في العالم ما هي اعلي قمة جبل تحب تبقي تيم ليدرتحب لما التيم ليدر يضغط عليك يضغط عليك ازاي تحب شخصيه اللي بيشرحلك تبقي عامله ازاي لو حصل خلاف في التيم هتحله ازاي ايه الدوله اللي لو هتهاجر هتهاجر ليها و ليهبتعمل ايه للتسليهاتكلم دقيقه عن حاجه من الحاجات اللي بتعرف تعملهاايه الحاجات اللي لما تكون محبط بتعملها فبتحمسكلو رئيسك في العمل عاوز يحمسك يقولك ايهايه رأيك في الثورهايه اكتر مواقع بتدخلهاايه الفرق بين تويتر و فيسبوك ايه اللي بيتوسخ من الابيض اذكر خمس استخدامات ل(فرشة الاسنان.طوبه.ورقه.ايشارب.قلم.علبة معجون الاسنان.اللمونه.فتله هو هدفه من السؤال يشوف سرعتك فى الاجابه وازاى تقدر تستغل الحاجه ال فى ايدك احسن استغلال
اتمنى اكون قدرت افيد الناس ...وبالتوفيق للكل يارب


دى الاماكن اللى المفروض بيكون ليك مكان تشتغل فيها بعد المنحة



https://fbcdn-sphotos-e-a.akamaihd.net/hphotos-ak-ash3/q71/946313_407429429361148_1309547003_n.jpg






منقول للاهمية
للذهاب للصفحة الرئيسية

اضغط على كلمة ITI (https://www.facebook.com/groups/AlexJob/doc/615094041856484/)