في ضيافه فلان ضيف الحلقه ( esraa) [الأرشيف] - الصفحة 11

Marwa Mahmoud

04-28-2009, 11:16 PM

هاى يا مرمر عاملة ايه النهارده دى شويه اسئلة كده على اد ماقسم
يلا نبدأ يا جميل :

نبدأ يا عسل

ماهو شعورك وانتى على كرسي ؟

شعور جميل طبعا بس الكرسى عاوز شويه مسامير لانه خلاص تعب من كتر اللى قاعدو عليه
اه وتنجيد بالمرة عند عمو بتاع الكراسى ههههههههههههههه

ايه هى الأمنية اللي بتتمنيها ؟

بجد وبكل صراحة أموت شهيدة ( الشهاده )

ايه أصعب المواقف اللي مريتى بيها ؟

يوم مأختى كنت بتعمل عملية فى قلبها كان أصعب موقف فى حياتى وكنت حاسة انى بجد
مقيضة ومش قادرة أعمل حاجة وكنت خايفة عليها أوى بس الحمد لله هيا دلوقت كويسة .

لما بتاخدى قرار بتحكمى مين عقلك ولا قلبك ومين فيهم بيسبق التانى ؟
بحاول انى اتحكم فى الاتنين بس فى الاخر بيكون عاقلى هو صاحب قرارى مش قلبى

عمرك ندمتى على اى حاجة ؟وايه هى الحاجة دى وليه ندمتى عليها ؟
مش فاكرة بس الحمد لله مفيش حاجة بعملها كتير وبندم عليها دايما مسلمة امرى لربنا
واللى ربنا رايده هو اللى بيكون

انتى راضية عن نفسك ؟

اممممممممممم لازم اكون راضية عن نفسى عشان اقدر اعيش بس طابعا الواحد مش كامل
وبعترف بتقصيرى فى حجاتك كتير بس بحاول بقدر الامكان انى احقق ذاتى ونفسى عشان ارضى عنها بجد

وايه هى المجالات التي تتمنى ان تاخديها منهجا في حياتك؟

مجالات ايه بالظبط ياريت توضحى لى السؤال ده :confused::confused:

ايه رايك فى الاسئلة ؟

عسل طبعا زى صحبتها

استنينى جاية تانى بكرة :p:p

انا سامعة ان الموصلات عندكوا صعبة مش هتعرفى تيجى خليكى عندك يا قمر هههههههههههههههه

Soma

04-29-2009, 03:54 AM

قصدى من السؤال المجالات اللى مثلا بتحبيها وعايزة تشتغلى فيها يعنى كده

المواصلات لاة مش صعبه حبقى استلف العربية من بابا واجيلك بيها على الله بس معملش بيها حادثة :p:p:p

Marwa Mahmoud

04-30-2009, 07:06 AM

قصدى من السؤال المجالات اللى مثلا بتحبيها وعايزة تشتغلى فيها يعنى كده

المواصلات لاة مش صعبه حبقى استلف العربية من بابا واجيلك بيها على الله بس معملش بيها حادثة :p:p:p

أوكى حاليا انا لسة مش قادرة احدد بالظبط لأنى لسة فى أول المشوار

وفى حجات كتير عاوزاها وبفكر فيها ..

لالا متتعبيش نفسك ولا عربية ولا حاجة انتى اتمشى وتعالى على مهلك اكون انا مشيت

هههههههههههههههههه

خالد أبوسعده

05-01-2009, 09:26 PM

معلش يا مرمر
انتى عارفه الظروف
انا كان نيتى اسالك
بس حظك حلو

ولا اقولك

انا اسئلك سؤال

انتى عيشتى معانا هنا فى المنتدى فتره كبيره

مين اجمل 10 شخصيات فى المنتدى فى رايك؟؟

Marwa Mahmoud

05-02-2009, 06:29 PM

معلش يا مرمر
انتى عارفه الظروف
انا كان نيتى اسالك
بس حظك حلو

ولا اقولك

انا اسئلك سؤال

انتى عيشتى معانا هنا فى المنتدى فتره كبيره

مين اجمل 10 شخصيات فى المنتدى فى رايك؟؟

أيه التوريطة دى يا خلود ههههههههههههههه
والله كلكوا شخصيات فعلا جميلة ولكل واحد معزة خاااصة
وربنا يعلم أنا بعتبركوا كلوكوا زى أخواتى
وفعلا أنا بؤمن أن الانسان ممكن يحب ناس ويتعلق بيهم من غير ميشفهم
بس 10 شخصيات صعبة شويه يعنى ممكن تقول 50/ 40 شخصية عشان أقدر أجمعكوا كلكوا .

Marwa Mahmoud

05-02-2009, 06:32 PM

انا بودعكوا يا حلوين وبجد كانت أيام جميلة

وبجد انا أتبسط جداا وانا معاكوا

بس همشى وهجبلكوا عضوة جميلة كلنا بنحبها

وهى

(محبــــــــــــــة الرحمــــــــــــــــــن )

محبة الرحمن

05-02-2009, 09:17 PM

Marwa Mahmoud

05-02-2009, 09:25 PM

جزاك الله خير يامرمر علي الكلام الجميل بس
ياشيخة بس كنتي قلتي من يوميين الواحد كان استعد ولبس طقم جديد عشان يطلع جميل ذي ما أنتي بتقولي
وانا اللي بحبكم كلكم وبحب المنتدي واتمني ان الكل يكون بيحبني ذي ما انا بحبكم

منورة يا قمر أنا قولت بلاش أكلفك أطقم جديدة

كفاية طقم العيد ههههههههههههههههه

بجد احنا كلنا بنحبك والله ونا سعيدة جداا

أنى بجد أتعرفت على أنسانة جميلة زيك كدة

محبة الرحمن

05-02-2009, 10:20 PM

منورة يا قمر أنا قولت بلاش أكلفك أطقم جديدة

كفاية طقم العيد ههههههههههههههههه

بجد احنا كلنا بنحبك والله ونا سعيدة جداا

أنى بجد أتعرفت على أنسانة جميلة زيك كدة

ده نورك ياقمر انتي بجد بجد من الناس الكتير اللي بحترمهم هنا في المنتدي

وانتي اللي فعلا انسانة جميلة جدا وانا كمان سعيدة بمعرفتك

واتمني ان الأسئلة تكون خفيفة

وجزاكم الله خير

Wild_Angel

05-02-2009, 10:43 PM

free eagle

05-03-2009, 12:19 AM

Soma

05-03-2009, 12:25 AM

ايه ده مين عندنا محبة يا هلا يا هلا
ازيك يامحبة وحشتينى بجد بصى حسيبك النهارده ترتاحى من المشوار وحجيلك تانى:p:p:p

محبة الرحمن

05-03-2009, 03:43 PM

السلام عليكم ورحمة الله وبركاته

بالرغم من انى كان بقالى فتره كبييييره جدا مدخلتش هذا الموضوع
إلا انه من اول الموضوعات اللى احببتها فى الاقسام الاجتماعيه والثقافيه لما اتفتح المنتدى

ولكن بالمصادفه عرفت ان محبـــــــــة الرحمن هنا على الكرسى
وكان لازم ارحب بيها
وارحب بكل الاعضاء اللى شرفونا هنا على كرسى الاعتراف
وأخرهم مرمر

وطبعا عمرى ما ححطك يا محبه فى الموقف الرهيب وأسألك على طول كده

أنما حسألك ب عرض الصفحه ان شاء الله
عرض ولا طول هاتي اللي عندك عارفة انتي دايما كده تحبي تأخذيني في دوكة
اول سؤال: من كان السبب فى دخولك المنتدى مع الشرح بالتفصيل الملل

استاذي الفاضل ومثلي الأعلي

دكتور /محمد سعد

اما التفصيل الملل وانا بطبعي ما بحب حد يمل مني

كنت جاءت من السعودية وانا زعلانة اوي اني ما دخلت مساحة بس قالي الدكتور محمد ودلني علي المنتدي ( والدال علي الخير كافاعله )وكان المنتدي واعضائه هما اللي خرجوني من همي بعد الرضي الذي وضعه ربي في قلبي بالقضاء والقدر

وبعد احساسي بان الله كان مبتليني لان القضاء مفروغ منه ، والمقدر واقع والاقلام جفت ، والصحف طويت ، فحزني لا يقدم في الواقع شيئاً ولا يؤخر

ولكن كان لابد من الصبر عند الصدمة الأولي ولكن كم قال الشيخ / عائض القرني

دع المقادير تجري أعنتِها ولا تبيتن إلا خالي البالِمابين غمضة عين وانتباهتِها يغيّر الله من حالٍ إلى حالِ

الثانى : هل ترضين عن مستوى القسم الاسلامى فى المنتدى
القسم الأسلامي مش عشان هو قسمي وانا المشرفة عليه بجد مستواه جميل جدا وانا عن نفسي بعتبره من احسن الأقسام الموجودة في المنتدي بس اللي نفسي فيه ان كل الأعضاء تدخله مش اعضاء معينة بس ولكن انا حلمي انا يكون هو طريقنا الي الجنة والناس تعرف دينها منه وان شاء الله في مفاجأت كتيرة حتكون فيه بس طبعا ده حيكون ثمرة التعاون الموجود بيني وبين مشرفيني وايلد وندا طبعا

الثالث : القسم اللى بتحبى تشاركى فيه غير الاسلامى

هو قسم واحد ياوايلد كل الأقسام اجمل من بعض

اللي الأن بشارك فيه كتير هو القسم العام

وقسم فن الحياة والقسم الثقافي وقضايا واراء وقسم الصور وقسم الصوتيات الأسلامية وي وي وي واللي نفسي اشارك فيه بجد وانقل خبرتي ليه هو قسم ادم وحواء بس ما في وقت بجد المنتدي بيأخذ وقت مني كبير

واللي بدءت اشارك فيه قسم نظم المعلومات الجغرافية وأضافت موضوع واحد فقط

الرابع : رد مميز جدا جعلك تبتهجين عند قراءته مؤخرا فى موضوعاتك

رد عضو اسمه عمرو عنتر (محب في الله)

الرد كان في موضوع

موعد علي العشاء مع امرأة غير زوجتي

رده فرحني وابكاني بكاء شديدا وايقنت معني الحديث الذي يقول انه

جاء عنه صلى الله عليه وسلم والله (لأن يهدي الله بك رجلا واحدا خير لك من حمرالنعم ) أو كما قال صلى الله عليه وسلـّم " لأن يهدي الله بك رجلا واحدا خير لك منالدنيا و ما فيها "

وفي رواية اخري " مما طلعت عليه الشمس وغروبت"

الخامس : ماذا تتمنين فعله بعد تخرجك

نفسي اكمل دراسة تاني إن شاء المولي عز وجل

أما اني اكمل مساحة

او اني اكمل دراسات عليا
وده حيكون بالأستخارة وما خاب من استخار الله

االسادس : ايهما تفضلين للعيش فيها مصر ام السعوديه؟؟

السؤال ده صعب اوي!! حقولك ليه

اولا: بحب مصر بطريقة يمكن ما أحد يتخيلها وحتي لما بتكلم مع اي احد سعودي علي مصر بيستغربوا حبي لمصر ويقولوا ان ما شوفنا احد عنده ولاء لمصر من المصريين زيك كده

ثانيا: انا مش بحب الشعب السعودي

بس بحب اوي مكة والمدينة وسر تعلقي بالسعوديه هما

وبحب السعودية وبجري عليها اول ما أخلص الأمتحانات عشان حبيب قلبي واللي عمري ما حلاقي زيه في الدنيا وهو ابي بيكون واحشاني اوي والسنةدي مشابي بس ده ابي وامي ربنا يخليهم ليه يارب وما اتحرم منهم ابدا ( معلش طولت عليكي بس وحشني اوي ولسه شهر عقبال ما اسافر لهم )

اما عن اجابة السؤال فالمكان اللي حيكون في أبي حتمني اني اعيش فيه

السابع : هل المشكلات تظهر اجمل ما فى الانسان ام اقبح ما فيه؟

معلش السؤال ممكن يكون السؤال بطريقة ثانية

المشكلات هل تظهر الأنسان ده جميل ام قبيح ؟

اذا وقف بجانبك واستوقفك عندما تقعي في خطأ اثناء الحل كان هذا الأنسان جميل

اما إذا انتظر المشكلة لكي يوقعك في الخطأ لأشعال المشكلة هذا هو القبيح

الثامن : صفه تشعرين بأنها تميز وسام التى بداخلك؟
طيبة اوي وبحب الناس اوي

كفايه كده انا عارفه انى تعبتك بس يعلم الله انك وحشتينى والله انا استغربت اما لقيتك هنا بس فرحت كده بوجودك اللى نورنا

انتظرينى ان شاء الله فى زياره اخرى بس اجيبلك معايا واجب الضيافه

لا تعب ولا حاجة

وانتي كمان واحشاني اوي وانتي اللي نورتيني بالأسئلة والله

لسه في واجب تاني ياوايلد بس لو في واجب ممكن يكون عصير ليمون يهدي الجو شويه

محبة الرحمن

05-03-2009, 03:53 PM

انا مش داخل اسئل ولا حاجة

انا بس حبيت ادخل احيي الناس اللي ف الموضوع
وطبعا على اللي قاعدة على الكرسي كمان ((محبة الرحمن))
وبقولها شكرا على المجهود اللى هى عملاه ف القسم الاسلامى
سؤالى :::: لو خيروكى تعيشي تعيشي فين هنا ف اسكندرية ولا ف السعودية ؟ وليه؟

وشكرا...............

اولا : جزاك الله خير علي التحية
ثانيا : المجهود اللي انا عملته في القسم اتمني يكون في ميزان حسناتي
ثالثا : انت داخل واقل انك مش حتسأل تروح تسأل
وحتي السؤال مكرر
رابعا : انا حجاوب السؤال تاني بس ممكن ترجع الأجابة الكاملة تاني فوق
انا اتمني اعيش في المكان اللي والدي فيه

محبة الرحمن

05-03-2009, 03:56 PM

ايه ده مين عندنا محبة يا هلا يا هلا

ازيك يامحبة وحشتينى بجد بصى حسيبك النهارده ترتاحى من المشوار وحجيلك تانى:p:p:p

وانتي كمان ياأسماء واحشاني
وانا منتظركي وياريت ما تتأخري وما تجيبي معاكي حاجة كد ولا كده

Soma

05-03-2009, 04:14 PM

جيت اهو ومتاخرتش
جيبتلك معايا حبة اسئلة ساهلين وحلوين
يلا نبدا : ليه كنتى عايزة تدخلى مساحه ايه سر حبك ليها:p ؟
اكتر حد فى المنتدى بتعجبك مواضيعه ؟
مين اكتر حد قريب ليكى فى المنتدى ؟
ومين اكتر عضو مدايقة منه ؟
اكتر موضوع عجبك وشدك وليه ؟
ايه هى اهدافك فى الحياة ؟
وبس كده يارب الاسئلة تعجبك

محبة الرحمن

05-03-2009, 05:01 PM

جيت اهو ومتاخرتش

اهلا وسهلا اهلا ومرحبا
جيبتلك معايا حبة اسئلة ساهلين وحلوين

دائما الكل بيقول انه سهلة وحلوة اسألته يارب استر
يلا نبدا : ليه كنتى عايزة تدخلى مساحه ايه سر حبك ليها:p ؟

اولا : كنت وعدت والدي بكده وكنت نفسي افرحه
ثانيا : انا علمي وبحب الرياضيات جدا
رابعا : كنت جايبة في المساحة والكمية امتياز وجيد جدا
خامسا : انا ما بحب النظري والحفظ انا بحب الفهم
سادسا : انا بحب الأبداع وده من الحاجات اللي فيها نوع من انواع الأبداع

سابعا :انا كده جاوبت علي الأسئلة
اكتر حد فى المنتدى بتعجبك مواضيعه ؟

كل الأعضاء موضوعاتهم أجمل من بعض
مين اكتر حد قريب ليكى فى المنتدى ؟

اقرب حد طبعا : ريحانة الزهور
عشان هي أختي وده يمكن ناس كتيرة ما تعرفه
ومين اكتر عضو مدايقة منه ؟

بجد ما في احد متضايقة منه ولو كنت متضايقة بكون متضايقة اني لحد الأن ما عرفت اصلحه الشخص ده وياتري هو كمان متضايق مني لسه ولا لأ
ولو حد متضايق مني بجد لأي زلة أو خطأ وقع مني ياريت يسامحني
اكتر موضوع عجبك وشدك وليه ؟

بجد كل الموضوعات جميلة جدا وكلهم بيشدوني اوي بس في موضوع انا وضعت اسمه
وكل يوم ادخل اقرأه
وهو اسمه
رسالة أم لابنها لو كـُتبت بماء الذهب ما وفتها من الجمال والروعة
في قسم فن الحياة

ايه هى اهدافك فى الحياة ؟

أهدافي كتير
بس اول هدف اني ابر والدي والدتي واكون ليهم وسام علي صدرهم ذي اسمي لحد اخر يوم في عمري
ثانيا : ربنا يرزقني بختم كتاب الله كاملا
ثالثا : اتوسع في المجال اللي انا فيه واكمل دراستي
وبس كده يارب الاسئلة تعجبك

طبعا اسئلتك جميلة وربنا يبارك فيكي وجزاكي الله خير

Soma

05-03-2009, 05:09 PM

ان شاء الله يا محبة تحققى كل اللى بتتمنيه باذن الله

ميرا مار

05-03-2009, 07:47 PM

ميرا مار

05-03-2009, 07:49 PM

محبة..هاسالك سؤال قبل مامشى اللا انشغل واللا حاجة

قوليلى بقى..

ريحانة الزهور اختك:o بتمثل ايه فى حياتك؟؟

ومين له رقم 1 فى حياتك

ولو خيروك بين كليتك دلوقت او اى كلية تانية هتحبى تروحى فين؟؟؟

خالد أبوسعده

05-03-2009, 08:57 PM

Marwa Mahmoud

05-03-2009, 09:21 PM

اهلااااااااااااااااااااا

الحمد لله

ماجيتش متاخر ولا حاجة

بس صدقينى والله فرحت جدا لما شوفتك ع الكرسى..دانتى نورتى الموضوع

شكرا يا مرمورتى ع الاختيار الهايل دا

وبعدين مالحقتش اسالك يا مرمر مشغول وحياتك مشغول ولاخر الاسبوع مشغول:mad:

ولا يهمك يا جميل تتعوض المرة الجايه أن شاء الله

كلنا فعلا مشغولين اوى الفترة دى ربنا معكى يا حببتى

ومعانا جميعا

Marwa Mahmoud

05-03-2009, 09:24 PM

محبة حبيبتى انا جيالك مش نسياكى يا جميل

انا كمان بمخمخلك فى كام سؤال وجيالك

يلا ربنا يتولاكى

هههههههههههههههههههههاى

ندي حجاج

05-04-2009, 01:41 AM

سمسمتى حبيبتى بجد انا مبسوطة انك ع الكرسى بس مش عارفة اسالك اة بس حمخمخ وقولك

ندي حجاج

05-04-2009, 01:55 AM

سمسمتى حسألك كم سؤال صغيور لحد مامخمخ اولا اكتر حد بتحبى فى الكلية واكتر شخصية بتحترميها
ثانيا مين تقوليلة شكرا جدا ومين تقوليلة اسفة مش حقدر
ثالثا اكتر حد بتكرهى لا ممكن تتكلمى معا رابعا مين اكتر حد قريب منك

محبة الرحمن

05-04-2009, 02:13 AM

محبة..هاسالك سؤال قبل مامشى اللا انشغل واللا حاجة
ايوة انا معاكي أسألي

قوليلى بقى..
نعم

ريحانة الزهور اختك:o بتمثل ايه فى حياتك؟؟

أمي الثاني مع انها اكبرمني 8 سنوات وعندها 3 اولاد (بنت وولديين) بس حنينة اوي واي شئ بتخاف عليه فيه ذي أولادها واكثر

ومين له رقم 1 فى حياتك

السؤال ده صعب لأن اللي رقم 1 ده مشترك في اثنين ومينفعش افصلهم عن بعض أبي وامي بجد والله

ولو خيروك بين كليتك دلوقت او اى كلية تانية هتحبى تروحى فين؟؟؟

والسؤال ده كمان صعب
بس حجاوب لو خيروني بين الكلية اللي انا فيها وبين كلية الطب تخصص اطفال أو اني ارجع تاني كلية تربية بيولوجي بس ممكن ارجع احدي الكليتين

جزاكي الله خير علي الأسئلة الخفيفة دي

محبة الرحمن

05-04-2009, 02:20 AM

ميييييييييييييييين

محبه

و الله اختيار موفق جداااااااا

استنينى بقى لما امخمخلك فى اسئله

دا انتى مش حتطلعى من هنا الا و انتى معضوره ان شاء الله

متقلقيش من اى حاجه

هههههههههههههههههههههههههههههههههههههه

ههههههههه ضحكه شريره ههههههههه

ليه كل الشر ده انا عملت فيك ايه ياعم مقلقش بعد اللي انت كاتبه بس حنتظر اللي حتعمله ده التمهيد رعب اللي حيحصل بعد كده
حتي الضحكة شريرة
لا حول ولا قوة الأ بالله

محبة الرحمن

05-04-2009, 02:39 AM

محبة حبيبتى انا جيالك مش نسياكى يا جميل

انا كمان بمخمخلك فى كام سؤال وجيالك

يلا ربنا يتولاكى

هههههههههههههههههههههاى

طيب انا منتظراكي والله ما عارفة ايه حكاية المخمخة ده انا قلت ما أحد حيعبرني في الموضوع ده طلع ليه عندكم معزة غريبة شوية محرجة وشويه شريرة وشوية مخمخة واللي نازل عليكوا حنجي تاني حتعملوا فيه مش عارفة ربنا يستر

محبة الرحمن

05-04-2009, 03:06 AM

سمسمتى حسألك كم سؤال صغيور لحد مامخمخ اولا اكتر حد بتحبى فى الكلية واكتر شخصية بتحترميها

حد واحد والله كتير وكلهم مجال للأحترام ومثل اعلي ليه

ثانيا مين تقوليلة شكرا جدا ومين تقوليلة اسفة مش حقدر

أقول شكرا لكل اللي اعطاني الفرصة اكتب وادعو الي الله من هذا المنطلق

اقول اسفة مش حقدر للي يقولي اخلعي النقاب

ثالثا اكتر حد بتكرهى لا ممكن تتكلمى معا

انا ما بكره احد ابدا ولكن من اللي بيكرني اعرف كويس اني اخليه ولو يحترمني

رابعا مين اكتر حد قريب منك[/right]

ريحانة اللي هي أختي

انا منتظركي عقبال ما تمخمخي سلام

ندي حجاج

05-04-2009, 03:16 AM

سمسمتى انا عايزة اسامى اشخاص من اصحابك الفى الكلية وبلاش الاجابة التهربى بها من السؤال

ميرا مار

05-04-2009, 03:28 AM

قوليلى بقى يا محبة

لو اختاروكى محافظ الاسكندرية لمدة 5 ايام

هتعملى فيهم ايه؟؟ حددى جولك اليومى..هههههههههه ياللا جاوبى بقى

استنى

ممكن تعملى قوانين على مزاجك

وكمان الناس تلبس وتاكل على مزاجك

وتوزيع الاشغال والعربيات وكل مايملكة الشعب من تانى بس على مزاجك:D

ريحانة الزهور

05-04-2009, 09:41 AM

مشركتي صغيرة وسؤال صغير جدا
حبيبة قلبي حتبدأ مذكرة امتة
علي فكرةالسؤال ده للجميع نفسي تنجحوا كلكم نضيف طبعا وتفرحوا قلوب كل اللي بيحبوكم وتفرحوا
انتم كمان النجاح حلو
ربنا معاكم

محبة الرحمن

05-05-2009, 12:31 AM

معلش ياجماعة بجد انا تعبانة بس والله حرد عليكم انتظروني فين الناس اللي بيمخمخه واللي عملوا قصة رعب هنا انا منتظرة

سندريلا

05-05-2009, 04:27 PM

محبة الرحمن

05-05-2009, 08:15 PM

سمسمتى انا عايزة اسامى اشخاص من اصحابك الفى الكلية وبلاش الاجابة التهربى بها من السؤال

حبيبتي ندي انا ههرب ليه طيب اول ايه انتي ولا ياسمين ولا سارة ولا نور ولا ابرار و لامنة وناس كتيرة تانية وانتم عندي ذي بعض بس احنا كده كلنا علي بعضنا ما ينفعش احب حد اكتر من حد وانتي عارفة كويس اوي انتي ايه بالنسبة ليه
ماشي ياجميل ياريت ترتاح

Soma

05-05-2009, 08:24 PM

كيفك يامحبة النهاردة
قوليلى بقى مين اكتر حد عايزة تقوليله انت خنقتنى ؟
تقولى لمين وحشتينى ؟
عايزة تدى لمين نصيحه ؟ وايه هى النصيحه ؟
مين اكتر حد مهم بالنسبالك ؟وليه ؟

وبس كده

محبة الرحمن

05-05-2009, 08:33 PM

قوليلى بقى يا محبة

نعم

لو اختاروكى محافظ الاسكندرية لمدة 5 ايام
ياخراشي محافظ مرة واحد وكمان 5 ايام

هتعملى فيهم ايه؟؟ حددى جولك اليومى..هههههههههه ياللا جاوبى بقى

ياخراشي أحكي كل يوم حعمل ايه ده دي امانة ياستي انتظري امخمخ
بصي

الأمانة فى اللغة العربية نقيض الخيانة ،والأمانة من القيم التى لا تتجزأ ولا تنتصف ، فإما أمانة وإما خيانة ، ولا ثالث وتطلق على عدة معان منها : الطاعةوالعبادة ، والثقة والأمان والوديعة . والأمانة فى نظر الشرع الاسلامى الحنيف واسعةالدلالة حيث يقول جل فى علاه (إِنَّ اللَّهَ يَأْمُرُكُمْ أَنْتُؤَدُّوا الْأَمَانَاتِ إِلَى أَهْلِهَا)(النساء: الآية58) وأيضا )يَا أَيُّهَا الَّذِينَ آمَنُوا لا تَخُونُوا اللَّهَ وَالرَّسُولَ وَتَخُونُواأَمَانَاتِكُمْ وَأَنْتُمْ تَعْلَمُونَ) (لأنفال:27( وايضا قال سبحانه: إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَنْ يَحْمِلْنَهَا وَأَشْفَقْنَ مِنْهَا وَحَمَلَهَا الْأِنْسَانُ إِنَّهُ كَانَ ظَلُوماً جَهُولاً [الأحزاب:72].وينبه الرسول الكريم صلي الله عليه وسلم فيقول فى حديثه الشريف : "كلكم راع وكلكم مسئولعن رعيته" رواه الشيخانوايضاجاءقول الرسول صلى الله عليه وسلم "(لا أيمان لمن لا أمانة له ولا دين لمن لا عهد له" (صحيح ابن حبان

وانت تسألين ماذا افعل لو كنت محافظ لمدة خمس ايام

اول يوم : سأصبح في الصباح وأنادي لصلاة الفجر في الجماعة وبعد الصلاة سوف اهدي الي كل مرء كتاب الله واجعل صوت القران يعلو في كل مكان لكي تتأرجع عند سماعه الزهور وتغرد لصوته الطيور وتتلطم الأمواج ويهدئ لسماعه المسكين وليتوب مسئ النهار

اليوم الثاني : اذا كان لي عمر وعيشت

سوف ارجع لعهد كانت عليه الأسكندرية في وقت ماضي بس بتقدم شويه

وهو أنزال العربات التي تقوم بكنس الشوارع ورش المياه لكي تزهو الطبيعة الخلابة ويدب فيها الحياة مرة اخري وبذلك اكون قد قمت بأمر من اوامر الله ورسوله وهو النظافة وهي ركن من اركان الأيمان

اليوم الثالث : إذا عيشت طبعا وربنا كتب ليه عمر

حذهب لمكانيين

المكان الأول : دار الأيتام

والله لو يعرف الأنسان مدي معاناة اليتيم لما تركه ابد

المكان التاني : دار المسنين

ففي هذه الدار دروس وعبر أهات واوجاع وحب وحنين وبكاء من امهات واباء لم يعرف حقهما الأبناء

نصيحة : بروا امهاتكم وابأكم يبركم ابنأكم

اليوم الرابع :سأذهب لكل مسكين لأتصدق له بما يحتاج

وأساعد كل من يحمل احدي الأمراض الخبيثة مثل مرضي فيرس سي

واقرار مشروع بناء مستشفي لمعالجة امراض الكبد والفشل الكبدي والعلاج بالمجان

اليوم الخامس : حنزل وسط المحافظة واشوف طالبات الشعب

وويتم انشاء رابطة تابعة لرابطة المساحة والخرائط ونظم المعلومات الجغرافية أصل الرابطة بتاعتنا مش حتكفي الشعب

وانا واقفة وسط المحافظة حقول كلمة حلوة علي المنتدي وأضم اسمه لأسم المحافظة عشان نسمع المحافظة ياجماعة

وبعدين يقوم واحد من اعداء النجاح يضربني برصاصة وأقول في

في نفسي

http://tortureinegypt.net/files/torture/images/kfaya.jpg
وبكده اكون حققت اقل فترة حكم في التاريخ
ويقال مات بعد 5 ايام من تولي حكم المحافظة ب5 ايام

استنى

ايه تاني ياستي

ممكن تعملى قوانين على مزاجك

وكمان الناس تلبس وتاكل على مزاجك

وتوزيع الاشغال والعربيات وكل مايملكة الشعب من تانى بس على مزاجك:D

كل الحاجات اللي انتي كتباها دي استبداد وانا ما بحب الأستبداد ذي ما قولت فوق كفايه اللي عملته وموت
انا موت محدش يسألني بقي علي حاجة
يارب يكون عجبك ياميرامار حكمي
بس عايزة سؤال ايه اللي خالكي تسألني السؤال اللي طلعني من شعوري ده

free eagle

05-05-2009, 08:59 PM

محبة الرحمن
اهلا وسهلا بيكى
انا حبيت ادخل بس اسلم واخرج تانى

كنت بهزر طبعا ههههههههههههههه
لو حد ظلمك بجد وفرق بينك وبين اصحابك لما تشوفيه ممكن تعملى ايه؟
اكتر مرة بكت محبة الرحمن؟؟
سؤال خايفة حد يسئله ههههههههه طبعا مش هتقولى ؟؟؟
سؤال عايزة حد يسئله ليكى ؟؟
مين حد قدر يدخل جوة محبة الرحمن من الكلية ؟؟
كفاية كدة انهاردة وشوية وجاى
ههههههههههههههه

محبة الرحمن

05-05-2009, 10:40 PM

مشركتي صغيرة وسؤال صغير جدا

حبيبة قلبي حتبدأ مذكرة امتة
علي فكرةالسؤال ده للجميع نفسي تنجحوا كلكم نضيف طبعا وتفرحوا قلوب كل اللي بيحبوكم وتفرحوا
انتم كمان النجاح حلو

ربنا معاكم

حبيبتي ريحانة أهلا وسهلا والله انتي هنا بجد نورتي ( طبعا عارفة اني بستعبط ذي عادتي )
حاضر والله ياريحانة حبدء بس اعمل ايه في التوريطة دي ونفسي انجح وافرحك وافرح بابا وماما

محبة الرحمن

05-05-2009, 10:44 PM

اده اده استنو اسنتو

دى محبه النهرضه على الكرسى يا مرحبا يا مرحبا

المهم انتى عامله ايه يا محبه :o

انا جايه مش هسئلك انا جاية علشان اشكرك على وقفاتك معايا السنين اللى فاتت

وربنا يخليكى ليا يا احلى محبه فى الدنيا ;)

انتي والله نورتيني والله يامنة وانا مش مستناية شكر علي حاجة انتي أختي وحبيبتي واللي عملته معاكي ده كان حاجة انتي شايله علي قلبك وعملة حكاية ياشيخة انا كان علي قلبي ذي العسل
بس مشركتك والله عجبتني ولو طلبتي عيوني حعطيهالك

محبة الرحمن

05-05-2009, 11:26 PM

محبة الرحمن

اهلا وسهلا بيكى
اهلا وسهلا
انا حبيت ادخل بس اسلم واخرج تانى

مش باين طبعا انك حتمشي الكل بيقول كده

كنت بهزر طبعا
قلت مش باين
ههههههههههههههه
لو حد ظلمك بجد وفرق بينك وبين اصحابك لما تشوفيه ممكن تعملى ايه؟
حقوله ايه " غير كلمة ربنا يسامحك "
مع اني والحمد لله ما حسيب الموقف الا لما اثبت للكل اني ما كنت غلطانة في حد
اكتر مرة بكت محبة الرحمن؟؟
لما عرفت ان ابي تعبان لأني انا اللي كنت بسأل الدكتور
ومرة تانيه بكيت بكاء بس كان احلي بكاء عشان يوم كنت في الحرم وكان الشيخ السديس بيقرأدعاء ختم القران وانا كان عندي ابتلاء فحسيت ان من كثر البكاء قلبي حيقف
سؤال خايفة حد يسئله ههههههههه طبعا مش هتقولى ؟؟؟
لأ حقول ومش حتخلص الفيتو
عارف ايه هو ؟!!
ماذالوجاء اليكي ملك الموت ليقبض روحكي ماذا اعددتي للوقوف امام الله عز وجل ؟؟
صدقني السؤال ده وانا بكتبه خايفة لأني لا اجد في صحائفي شيئا يعرض امام الله
سؤال عايزة حد يسئله ليكى ؟؟
مش عارفة سؤال محدد
بس اللي عايز يسأل يسأل وانا حرد ومش حكسفه
وممكن السؤال ده يكون احدي الأسئلة
ماهي الأية التي تستوقفك في كتاب الله ؟؟.
مين حد قدر يدخل جوة محبة الرحمن من الكلية ؟؟
انا ممكن ما أجاوب علي السؤال ده ومش حيعتبر فيتو لسبب واحد البنت ليها اطار وما أحد يتعدي هذا الإطار ولا يتخطه ولو بالسؤال
ولكن انا حرد عليك قراري من الناحية دي قرار واحد ما أحد حيدخل داخل محبة الأ بعد الزواج وليست الخطبة كمان وينشأ ذلك بالمودة والرحمة اللذان ذكر في القران
http://cards.wahty.com/a/data/media/8/zawag10.jpg
كفاية كدة انهاردة وشوية وجاى

ههههههههههههههه
والله كده كفايه خالص ومش عايزة اشوف مشاركة تاني منك
ومش حتقدر تخلص الفيتو
وريح نفسك

أظن كده تمام والله انا سعيدة جدا بالأسئلة

محبة الرحمن

05-05-2009, 11:43 PM

كيفك يامحبة النهاردة

الحمد لله بس يارب ما أكون انا ضيف تقيلة عليكم
قوليلى بقى مين اكتر حد عايزة تقوليله انت خنقتنى ؟

ريحانة بجد قاعدة علي نفسي وبتقولي خلصي مع اني اعطيتها الجهاز شويه بس اعمل ايه
تقولى لمين وحشتينى ؟

بابا وماما وحشني اوي بس حقولك انتي بس كلام بيني وبينك انا حسافر يوم 22/ 6 ان شاء الله وحشوفهم خلاص
عايزة تدى لمين نصيحه ؟ وايه هى النصيحه ؟

عايز انصح بنات جنسي حالهم لا يسرني

واقول لهم اتقوا يوما ترجعون فيه الي الله
مين اكتر حد مهم بالنسبالك ؟وليه ؟

ما له غير اجابة واحدة وهو الله عز وجل ونحتاج الي مغفرته والعفو عن أخطأنا

وبس كده

ليه يابنتي والله اسألتك حلوة انا خلاص

والله قلت ما حد حيسألني بس مش عارفة جايبين الأسئلة دي منين
بس بجد سعيدة بيكم اوي وبوجدكم معايا

Soma

05-06-2009, 10:41 PM

محبة الرحمن

05-06-2009, 11:00 PM

ميرسى يامحبة ياجميلة ابدا انتى مش ضيف تقيل خالص انا مبسوطة بوجودك معانا
ان شاء الله تشوفى باباكى وماماتك ويكونوا بخير وتوصليلهم بالسلامه باذن الله
بس متنسناش بقى :)
بس كده متخفيش مش حسال انا بسلم عليكى بس

والله وانا كمان سعيدة جدا اني أتعملت معاكي واتعرفنا علي بعضنا اكتر

وبعدين انساكم ازاي هو انا اقدر ابعد عنكم بجد انا لما بقوم من علي المنتدي بجد ببقي حزينة
وانا برد السلام بس
وجزاكمي الله خير يعني ممكن تكون احلي من ميرسي

محبة الرحمن

05-06-2009, 11:02 PM

ميرسى يامحبة ياجميلة ابدا انتى مش ضيف تقيل خالص انا مبسوطة بوجودك معانا
ان شاء الله تشوفى باباكى وماماتك ويكونوا بخير وتوصليلهم بالسلامه باذن الله
بس متنسناش بقى :)
بس كده متخفيش مش حسال انا بسلم عليكى بس

والله وانا كمان سعيدة جدا اني أتعملت معاكي واتعرفنا علي بعضنا اكتر

وبعدين انساكم ازاي هو انا اقدر ابعد عنكم بجد انا لما بقوم من علي المنتدي بجد ببقي حزينة
وانا برد السلام بس
وجزاكي الله خير يعني ممكن تكون احلي من ميرسي

Soma

05-06-2009, 11:04 PM

طيب وجزاكى انتى كمان كل خير

ياسمين

05-07-2009, 05:50 PM

حبيبة قلبى وشحتينى جدااااااااااااااااااااااااا ودايما منورة

انا مش عايزة اطول عليكى هو سؤال واحد بس

من انتي ؟

من وجهة نظر نفسك ومن وجهة نظر الآخرين

محبة الرحمن

05-07-2009, 10:59 PM

طيب وجزاكى انتى كمان كل خير

واياكم ياأسماء وربنا يبارك فيكي

KAREEM

05-07-2009, 11:32 PM

محبة الرحمن

05-08-2009, 12:11 AM

جزاكم الله خير بجد وانا بجد سعيدة جدا بالجلوس علي الكرسي

بس بجد النت عندي أصبح سئ للغاية

ولكن تم الأتفاق من ميرامار ربنا يبارك فيها اننا نكمل البرنامج الرائع ده بعد الأمتحانات

وانتظروا الضيف الجديد بعد الأمتحانات وأما الأسئلة اللي ما جاوبت عليها ان شاء الله اجاوب عليها
بس النت سئ والوقت ضيق وارجو المعذرة وانتظروني انا جايه تاني

Wild_Angel

05-08-2009, 12:14 AM

سعيده بضيافتك الرقيقه المفيده يا محبه
جزاك الله خيرا
منتظرين العوده ان شاء الله بعد الامتحانات

ميرا مار

05-08-2009, 01:38 AM

ويبارك فيك يا محبة

باشكرك جدا .. وفى انتظار نهاية الامتحانات باذن الله

لنعاود ونكمل البرنامج ان كان لنا عمر باذنه تعالى

محبة الرحمن

05-08-2009, 08:35 PM

جزاكي الله خير ياميرامار وان شاء الله حكمل الأجابة عليكم كلكم
انتظروني

هدى على

06-27-2009, 11:04 AM

موضوع حلو فعلا

ميرا مار

07-07-2009, 08:57 PM

طال انتظارنا يا وسام

فى انتظارك حبيبتى

ويارب تكونى خارجة من الامتحانات مبسوطة

spring sun

07-10-2009, 10:53 AM

ايه يا جماعه هي وسام فين ولا في ضيف جديد ولا ايه؟

Wild_Angel

07-10-2009, 01:02 PM

هى محبة الرحمن سافرت لوالديها فهى للاسف مش بتقدر تدخل دلوقتى على طول
أن شاء الله تدخل قريب

ميرا مار

07-12-2009, 04:10 PM

طيب نسلى نفسينا بقى على ماتدخل

لو حد مركز كدا يا جماعة

يعمل لنا ليست باسماء كل الضيوف اللى جم فى البرنامج دا:D:D

pleeaaaaaaaaaaaaaaaaaase

spider girl

07-14-2009, 12:22 AM

ههههههههههههههه
هههههههههههههههههههه

طب مفيش طلب اسهل شويه

محبة الرحمن

07-14-2009, 12:55 AM

ماشي ياجماعة والله انا اسفة علي التأخير بس والله الظروف اسفة

محبة الرحمن

07-14-2009, 03:04 PM

حبيبة قلبى وشحتينى جدااااااااااااااااااااااااا ودايما منورة

انا مش عايزة اطول عليكى هو سؤال واحد بس

من انتي ؟

من وجهة نظر نفسك ومن وجهة نظر الآخرين

طبعا ياسمينة حبيبتي حيرتيني بسؤالك
بس حاجاوب
من اكون انا من وجهة نظري ؟
سؤال صعب .. أصعب منه الغموض في إجابته لأني ربما لا اعرف فعلا من اكون ولكن افضل تعبير هو من خلال قراءة افكاري والحوار معها

انا اكون واعوذ بالله من كلمة انا
انا من عباد الله واتمني ان اكون من الصالحين وليس الطالحين
ولكن في نظر نفسي انا امراة مسلمة مستقيمة وبنت اصيلة واحب الخير واتمني ان اصل بالناس الي طريق الحق
وعطوفة واحب الناس مهم كرهوني

من اكون من وجهة نظر الأخريين ؟؟
فأنا لم ادخل في داخل كل من اعرفهم
وربما اترك الأجابة اليكي فمن اكون اكون في نظرك ؟

محبة الرحمن

07-14-2009, 03:29 PM

واضح من كلامك انك شخصية متدينة ومحترمة جدا واتمنى انى لما أخطب تكون خطيبتى دماغها فكرها زيك كدا وعقلها رزين شوية عن بنات اليومين دول انا معرفش انتى فى سنة كام ومعانا فى القسم ولا لأ بس انا بحترمك من كلامك ومش لاقى سؤال أسألهو لك بصرحة ااااه افتكرت (ماهى الاية التى تستوقفك فى كتاب الله؟؟؟؟؟؟؟؟؟؟؟؟؟؟؟)مستنى الرد أيتها الاستاذة الفاضلة

جزاك الله خير علي الكلمات الطيبة

وان شاء الله تجد من تكون صالحـة بنتـا ، وزوجـا ، وأمـا ، متمثلـة معنـى العبوديـة للـه ، واعيـة هـدي دينـها تؤمـن ايمانـا عميقـا بأنـها خلـقت في هـذه الحيـاة الدنيـا لـهدف كبيـر ، حـدده رب العـزة بقولـه : ( وماخلـقت الجـن والانـس الا ليعبـدون ) . فالحيـاة في نظـر المـرأة المسلمـة الراشـدة ليـست في قضـاء الوقـت بالأعمـال اليوميـة المألوفـة ، والاستمتـاع بطيبـات الحيـاة وزينتـها ، وانـما الحيـاة رسـالة ، عـلى كـل مؤمـن أن ينـهض بـها عـلى الوجـه الـذي تتحقـق فيـه عبادتـه للـه

اما الأية لتي تستوقفني في كتاب الله

(أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِنْ قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِنْهُمْ فَاسِقُونَ)
الأية 16 في سورة الحديد

اسامه البنا

07-15-2009, 10:14 PM

طيب يا وسام هتختاري مين؟ بعدك

وامته

محبة الرحمن

07-16-2009, 08:26 AM

طب انا اسفة علي التأخير

واسفة اني نسيت احدد مين اللي حيكون بعدي

بس انا كنت سعيدة معاكم جدا

واللي حتكون بعدي ضيافة دمها خفيف جدا علي المنتدي
دخلت قلوبنا كلنا من بداية دخولها للمنتدي
طيبة ومرحة
وهي
-
--
---
----
-----

ألاء
مشرفة قسم التاريخ

alaa eid

07-16-2009, 08:36 AM

تسلمي بجد حبيتبي وبشكرك خاااااااااااااااااااااااااااالص ليكي

والاسئلة بقي تكون حلوة وخفيفة اوكي ؟؟؟؟؟؟

spider girl

07-17-2009, 12:17 AM

يا روحى

كنتى ضيفه خفيفه والله يا وسام

نورتينا المده دى والله

اما لووووووووووووووولووووووووووو
دى باه ضيفه خاصه جددددددددددداا
واكيد الكل هيتوصى بيها
ومتخافيش يا قلبى
هبعت هوصى الكل عليكى
ويمكن ازورك بعيش وحلاوة بعد كده
ههههههههههههههههههه

لأ يا بت متقلقيش وراكى رجاله برده
ايون الى هيخلى الاء تاخد فيتو

هينجح بتفوق ان شاء الله
ههههههههههههههههههههه
هههههههههههههههههههههه

هتنورى الضيافه يا لولو

Marwa Mahmoud

07-17-2009, 10:45 AM

لولو حببتي منوره الضيافه يا قمر

alaa eid

07-17-2009, 10:49 AM

تسلموا يا قمرات

منور بيكوا والله

ميرا مار

07-17-2009, 11:15 AM

وسام انتى كنت ضيفة خفيفة والله

وانا معجبة جدا بكل ردودك واجاباتك على الاسئلة

يارب تكونى استمتعتى بقضاء اوقات طيبة بين اخواتك

جزاك الله خيرا

وباشكرك على الاختيار الجميل

خالد أبوسعده

07-17-2009, 11:18 AM

ميرا مار

07-17-2009, 11:23 AM

الاااااااااااااااااااااء

حبيبتى

هتنورينا ... اهلا بيك حبيبتى

واختيار جميل والله

alaa eid

07-17-2009, 12:34 PM

و الله يا محبه كنتى ضيفه جميله و خفيفه

ربنا يوفقك فى حياتك

الاء

ههههههههههههههههه

انتى يا بنتى الى عداكى من الشارع دا

هههههههههههههههه

ربنا معاكى و الله

هههههههههههههههههههههه
هههههههههههههههههههه

ههههههههههههههههههه

يااااااااااااااااااارب دعواتك معايا

مش عارفة ايه اللي خلاني اعدي من الشارع والله غلطة وعمرها ما تتكرر

الاااااااااااااااااااااء

حبيبتى

هتنورينا ... اهلا بيك حبيبتى

واختيار جميل والله

منور بيكي يا جميل

تسلمي

Hassan Mohamed

07-17-2009, 01:48 PM

هو فيه ايه

alaa eid

07-17-2009, 02:00 PM

???????????????????

الورده البيضاء

07-18-2009, 03:19 PM

لولووووووووووووووووووووووووو
منورة الضيافة ياقمر
متقلقيش
كلة بيحبك وهيتوصى بيكى ياقمر
هههههههههههههههههههه
الا انا
ههههههههههههه هتوصى اوى اوى اوى
بس يارب النت يكون كويس

spider girl

07-18-2009, 08:13 PM

طبعا ليه الانفراد انى اسئل حببتى
يلا ندخل فى الجد باه

1* ايه اكتر لون بتحبيه؟
2*اكترسنه عدت عليكى ونفسك ترجعيها لانها حلوة؟ واكتر سنه عايزة تلغيها؟
3*ترتيبك الكام فى اخواتك؟
4*اكتر اكله بتحبيها؟
5*اكتر وحده ممكن تحكيلها عن اسرارك؟
6*اقرب حد ليكى فى الكليه؟ فى البيت؟ فى المنتدى؟
7*لو رحتى مكان بعيد اوى وقالولك تخدى حد معاكى هيكون مين؟
ولو قالولك تخدى جهاز معاكى هيكون ايه؟
8*اكتر موقف احرجك ومش ممكن تنسيه؟
9*ايه اكتر موقف دايقك حصل فى محاضرة من المحاضرات؟
10*تتمنى ايه يحصلك فى المستقبل؟

شوفتى اسئلتى حلوة ازاى
علشان تعرفى بس انى طيبه

Soma

07-19-2009, 07:21 AM

ايه ده الاء فى الضيافة مش تقولوا طيب
حتنورينا يا الاء استنينى ححضرلك حبة حاجات حلوة كده وحجيلك :p

alaa eid

07-19-2009, 09:37 AM

طبعا ليه الانفراد انى اسئل حببتى

يلا ندخل فى الجد باه

1* ايه اكتر لون بتحبيه؟

الموف

2*اكترسنه عدت عليكى ونفسك ترجعيها لانها حلوة؟ واكتر سنه عايزة تلغيها؟

3 ث اكتر سنة حبيتها واكتر سنة الغيها كانت اولي كلية

3*ترتيبك الكام فى اخواتك؟

2

4*اكتر اكله بتحبيها؟

الشورما - البيتزا

5*اكتر وحده ممكن تحكيلها عن اسرارك؟

صاحبتي وحبيبة قلبي ابتهال

6*اقرب حد ليكى فى الكليه؟ فى البيت؟ فى المنتدى؟

في الكلية صاحبتي ايمان زفي البيت ممكن اقولك احيانا بس مش كتير اختي الكبيرة وفي المنتدي سارة سبيدر وسوما وزمان كان في حب

7*لو رحتى مكان بعيد اوى وقالولك تخدى حد معاكى هيكون مين؟

هاخد صاحبتي ابتهال

ولو قالولك تخدى جهاز معاكى هيكون ايه؟

اللاب توب لو عندي:p
8*اكتر موقف احرجك ومش ممكن تنسيه؟

مرة وقعت في المدرج :D
9*ايه اكتر موقف دايقك حصل فى محاضرة من المحاضرات؟

مش فاكرة ناو

10*تتمنى ايه يحصلك فى المستقبل؟

ان اكون معيدة بأذن الله في الكلية واكمل دراسات

شوفتى اسئلتى حلوة ازاى

علشان تعرفى بس انى طيبه

بصراحة لا طيبة جدااااااااااا جداااااااا

ربنا يستر علي الباقي

Mimi

07-23-2009, 05:05 PM

لووووووووووووءة حبي منووورة البروجرام ياقلبي

خودي عندك بأه من غير مقدمات

1 - لو عندك ميكروباص هتكتبي عليه ايه من اقوال السواقين المشهورة ؟

2 - مع اي نوع من الاشخاص ممكن تفقدي اعصابك ؟

3 - ايه انطباعك عن المنتدى أول ما دخلتيه ؟ وياترى لسه الانطباع دا عندك ولا اتغير ؟

4 - مين أكتر عضو أو مشرف استفزك ؟ بصي انا معنديش فيتو

5 - هل انتي تومة لمشاعرك ولا ممكن تبينيها بسهولة للي قدامك ؟

6 - لو كلنا كدا قررنا نعمل حملة نضافة على احد الشواطئ في اسكندرية .. هتختاري تنضفي الرمل ولا توزي الساقع ولا تنظمي الكراسي ع البلاج ؟ :p

7 - لو طلعلك الراجل بتاع شوبيك لبيك وقالك ليكي عندي 3 أمنيات أحققهالك هتختاري ايه ؟ ( وحاولي تقولي امنيات مش بايدك تحققيها )

معش لسة مطولين في الاسئلة احنا ورانا اه :d انتي لوءة مش اي حد

8 - بتحبي الصيف أكتر ولا لشتا ؟ وليه

9 - مين اكتر مغني ومغنية وممثل وممثة تحبيهم ؟

10 - لو سافرتي برا مر تحبي تزوري اي بلد ؟

11 - امممممممممممم ايه تاني ايه تاااني ؟؟ اه .. تحبي اي نوع من الحيوانات ؟

12 - ايه اكتر اسامي ولاد او بنات تحبيهم

كفااية كدا انا تعبتلك والله ههههههههههههههه بس دا بريك بس وراجعالك اكيد

محبة الرحمن

07-24-2009, 09:47 AM

'طبعا حبيبتي انا حسألك سؤال

يارب يكون خفيف

من وجهة نظرك ما الذي لأبد ان تتحلي به الفتاة في تلك الأيام ؟

سؤال خفيف وسأعود مرة اخري ان شاء الله

Mahmoud Slem

07-24-2009, 03:30 PM

بجد انا مقصر جدا فى هذا البرنامج
على الرغم من انى كنت متابع جيد له فى الاول

معلش اعذرونى سوف اعود له مره اخرى

وربنا يعون اللى على الكرسى

استرها علينا يارب

الورده البيضاء

07-24-2009, 03:41 PM

لولو حبيبى انا مش هتقل عليكى ياقلبى
هما شوية اسالة صغنطوطة خالص وسهلة خااااااااااااااالص

ماذا ستكتب لنا لتعبر عن حياتك التي عشتها الى الان في كلمات قليله ؟
اذا اردت ان تبكي الان , فعلى من تبكي؟
من ستختار ليمسح دموعك ؟
هل تعتقد ان حظك سيئ؟
لو خيروك بين حبيبك وبين اعز صديق فمن تختار ؟
هل انت من لديهم رغبة حب التملك واذا تملك الشيء اصابه الملل منه ؟
بس كدة
رجعالك تانى ياقمر
ويارب مكونش تقلت عليكى ياقلبى

Soma

07-24-2009, 05:11 PM

انا جيت ياعسل جيبتلك كيلو اسئلة كده حبة مشوى وحبة مقلى :p

نبدأ بقى :
اكتر حد بتربحيله وممكن تحكيله اى حاجة وانتى مطمنة ؟
مين اللى ممكن يطلب منك اى حاجة وتنفذيها حتى لو مش عايزة تنفيذيها ؟
اكتر هدف فى حياتك نفسك يتحقق ؟
فى حد مدايقك اوى وتتمنى انه ميكونش موجود لو فى مين هو ؟
لو واحدة صاحبتيها وبعدين عايزة تسيبيها عشان طلعت انسانة مش كويسة حتتخلصى منها ازاى ؟
اكتر حد نفسك تشوفيه فى المنتدى ؟
كفاية كده اسيبك النهاردة وايجيلك بكرة تكونى فوقتى شوية :p
اه اخر سؤال ايه رايك فى الاسئلة

حفيد سيف الله المسلول

07-24-2009, 05:31 PM

هو انتوا مش ناويين تستضيفوا رجاله انا مش عارف اسال البنات يا ريت لو فى الضيافه لواد ابقوا قولولى علشان ادخل معاكم الدردشه ممكن

alaa eid

07-24-2009, 06:00 PM

لووووووووووووءة حبي منووورة البروجرام ياقلبي

خودي عندك بأه من غير مقدمات

1 - لو عندك ميكروباص هتكتبي عليه ايه من اقوال السواقين المشهورة ؟

بصراحة انا مش عارفة ايه اقوالهم بس ممكن اكتب عليه لا اله الا الله

2 - مع اي نوع من الاشخاص ممكن تفقدي اعصابك ؟

اللي عندهم برود غير عاادي

3 - ايه انطباعك عن المنتدى أول ما دخلتيه ؟ وياترى لسه الانطباع دا عندك ولا اتغير ؟

اول ما دخلت بصراحة كان عجبني وبعدها لما لقيت مافيش اي ترحيب او حاجة وقتها ما كنتش احب ادخله بس دلوقتي اتغيرت تماما وبقيت احبه جدا جدا

4 - مين أكتر عضو أو مشرف استفزك ؟ بصي انا معنديش فيتو

;) اي السؤال المحرج ده ؟

هو في ناس بصراحة اضايقت منهم بس دلوقتي بجد بحبهم جدا جدااااااااا عايزة الاسامي ولا بلاش بقي :p

5 - هل انتي تومة لمشاعرك ولا ممكن تبينيها بسهولة للي قدامك ؟

اها يعني

6 - لو كلنا كدا قررنا نعمل حملة نضافة على احد الشواطئ في اسكندرية .. هتختاري تنضفي الرمل ولا توزي الساقع ولا تنظمي الكراسي ع البلاج ؟ :p

انظم الكراسي علي البلاج

7 - لو طلعلك الراجل بتاع شوبيك لبيك وقالك ليكي عندي 3 أمنيات أحققهالك هتختاري ايه ؟ ( وحاولي تقولي امنيات مش بايدك تحققيها )

ان اكون معيدة في الكلية ان شاء الله

ان اكون سعيدة في حياتي العملية والعلمية

ان ما حدش يزعل مني ابدا

معش لسة مطولين في الاسئلة احنا ورانا اه :d انتي لوءة مش اي حد

8 - بتحبي الصيف أكتر ولا لشتا ؟ وليه

الصيف اكتر لان اقاربي بيجوا في الصيف وبحب البحر في الصيف

9 - مين اكتر مغني ومغنية وممثل وممثة تحبيهم ؟

مغني : عمرو دياب

مغنية : اليسا

ممثل : احمد حلمي

ممثلة : نرمين الفقي ومني زكي

10 - لو سافرتي برا مر تحبي تزوري اي بلد ؟

فرنسا وسوريا

11 - امممممممممممم ايه تاني ايه تاااني ؟؟ اه .. تحبي اي نوع من الحيوانات ؟

هههههههههههه

( الغزال )

12 - ايه اكتر اسامي ولاد او بنات تحبيهم

اسامي اولاد ( محمد - برنس - يوسف )

اسامي بنات ( ندي - جني - نادين - اسما )

كفااية كدا انا تعبتلك والله ههههههههههههههه بس دا بريك بس وراجعالك اكيد

اخيراااااااااا خلصت ايه الاسئلة ديه يا ميمي انتي في حد موصيكي عليا :p

تسلمي يا قمر

alaa eid

07-24-2009, 06:01 PM

'طبعا حبيبتي انا حسألك سؤال

يارب يكون خفيف

من وجهة نظرك ما الذي لأبد ان تتحلي به الفتاة في تلك الأيام ؟

سؤال خفيف وسأعود مرة اخري ان شاء الله

سؤال عسسسسسسسسسسسل يا ممحبة

اكتر حاجة تتحلي بيها في هذا الايام هي الحيـــــــــــــــــــاء

شكرا كتير ليكي يا حبيبتي

alaa eid

07-24-2009, 06:04 PM

لولو حبيبى انا مش هتقل عليكى ياقلبى

هما شوية اسالة صغنطوطة خالص وسهلة خااااااااااااااالص

ماذا ستكتب لنا لتعبر عن حياتك التي عشتها الى الان في كلمات قليله ؟

مش ممكن تغيري السؤال ده ؟

اذا اردت ان تبكي الان , فعلى من تبكي؟

علي كل دقيقة ضيعتها في غير ذكر الله

من ستختار ليمسح دموعك ؟

انا هامسحها لنفسي

هل تعتقد ان حظك سيئ؟

الحمد لله علي كل شئ

لو خيروك بين حبيبك وبين اعز صديق فمن تختار ؟

هختار الاتنين

هل انت من لديهم رغبة حب التملك واذا تملك الشيء اصابه الملل منه ؟

لا علي ما عتقد

بس كدة
رجعالك تانى ياقمر

ويارب مكونش تقلت عليكى ياقلبى

اسئلتك ليه كده جامدة اوي يا ايمي :p

تسلمي يا قمر

alaa eid

07-24-2009, 06:08 PM

انا جيت ياعسل جيبتلك كيلو اسئلة كده حبة مشوى وحبة مقلى :p

نبدأ بقى :
اكتر حد بتربحيله وممكن تحكيله اى حاجة وانتى مطمنة ؟

صاحبتي وحبيبة قلبي ابتهال

مين اللى ممكن يطلب منك اى حاجة وتنفذيها حتى لو مش عايزة تنفيذيها ؟

في كتييييير وبيكونوا ناس عزيزين عليا

اكتر هدف فى حياتك نفسك يتحقق ؟

اكون متفوقة في حياتي العلمية والعملية

فى حد مدايقك اوى وتتمنى انه ميكونش موجود لو فى مين هو ؟

لا مافيش

لو واحدة صاحبتيها وبعدين عايزة تسيبيها عشان طلعت انسانة مش كويسة حتتخلصى منها ازاى ؟

هاسيبها بالتدريج علشان ما تحسش

اكتر حد نفسك تشوفيه فى المنتدى ؟

كلكم والله

كفاية كده اسيبك النهاردة وايجيلك بكرة تكونى فوقتى شوية :p
اه اخر سؤال ايه رايك فى الاسئلة

زي العسل زي صاحبتها اللي كاتباها

شكرا كتيييير لييييييييكي

الورده البيضاء

07-24-2009, 06:11 PM

مليش دعوة مفيش اسالة هتتغير والا تعتبر فيتو
هههههه
يلا جاوبى
ماذا ستكتب لنا لتعبر عن حياتك التي عشتها الى الان في كلمات قليله ؟
ومفيش محايدة عايزة اجابة محددة
لو خيروك بين حبيبك وبين اعز صديق فمن تختار ؟

spider girl

07-26-2009, 03:35 PM

رجعت اهه

1*ايه اكتر حاجه وحشه فى الدنيا بالنسبالك؟
2* لما بتكونى لوحدك بتفكرى فى ايه؟
3*ممكن تدافعى عن حقق لو ظلمك دكتور ادام الطلبه ولا تغتنمى فرصه بره المدرج؟
4*تفتكرى ألاء مظلومه (فى البيت-الكليه- الشارع ) اى مكان من دول وليه؟
5*امتى قلتى (كفايه باه)؟
6*امتى تبكى من جوه قلبك؟
7*حصلتلك مرة وبكى قلبك لكن عينك لأ؟ امتى؟ وفين؟

كفايه كده شكلك هتموتينى

Mahmoud Slem

07-27-2009, 11:32 PM

الله يقويكى

ومنوره الكرسى

هسالك كام سؤال كده
بس حاولى تتخيلى معايا كده

لو فمره كده جرس الباب رن ولاقيتى رسول الله ممكن تعمليله ايه؟
وهل انتى مستعده انك تقابلية ؟
يعنى ايه مستعدة هل شايفة انك بتطبقى احكام دينك و متبعة سنة رسوله علشان تقدرى تقالبية؟
طيب لما هتقابلية ممكن تقدميله ايه ؟
يعنى اتباع سنتة _ ولا احياء سنتة_ ولا حبة اكتر من نفسك واهلك ......
ولا ايه ولا ايه

معلش شوية اساله كده وسهلة بس ياريت تتخيلى علشات تقولى الواقع

شكرا ليكى

alaa eid

07-29-2009, 02:45 PM

رجعت اهه

1*ايه اكتر حاجه وحشه فى الدنيا بالنسبالك؟

الظلم
2* لما بتكونى لوحدك بتفكرى فى ايه؟

في حياتي واززاي انا عايشاها

3*ممكن تدافعى عن حقق لو ظلمك دكتور ادام الطلبه ولا تغتنمى فرصه بره المدرج؟

ادام الطلبة لان بدل ما انا علي حق ما خافش من اي حد ابدا
4*تفتكرى ألاء مظلومه (فى البيت-الكليه- الشارع ) اى مكان من دول وليه؟

الحمد لله مش مظلومة في اي مكان
5*امتى قلتى (كفايه باه)؟
6*امتى تبكى من جوه قلبك؟

لما احس ان ربنا مش راضي عني
7*حصلتلك مرة وبكى قلبك لكن عينك لأ؟ امتى؟ وفين؟

مش فاكرة بصراحة

كفايه كده شكلك هتموتينى

شكرا ليكي كتييييييير

alaa eid

07-29-2009, 02:48 PM

الله يقويكى

ومنوره الكرسى

هسالك كام سؤال كده
بس حاولى تتخيلى معايا كده

لو فمره كده جرس الباب رن ولاقيتى رسول الله ممكن تعمليله ايه؟

هاعمل كل حاجة في استطاعتي وهاكون اسعد واحدة في العالم كلها لان نفسي اشوف الرسول صلي الله عليه وسلم

وهل انتى مستعده انك تقابلية ؟
ان شاء الله مستعدة
يعنى ايه مستعدة هل شايفة انك بتطبقى احكام دينك و متبعة سنة رسوله علشان تقدرى تقالبية؟

بتطبقها علي اد ماقدر ويارب قويني واطبقها كاملة
طيب لما هتقابلية ممكن تقدميله ايه ؟
يعنى اتباع سنتة _ ولا احياء سنتة_ ولا حبة اكتر من نفسك واهلك ......
ولا ايه ولا ايه

التلاتة بصراحة

معلش شوية اساله كده وسهلة بس ياريت تتخيلى علشات تقولى الواقع

شكرا ليكى

بصراحة اسئلتك من اكتر الاسئلة اللي عجبتني

جزاك الله كل خير

Marwa Mahmoud

08-08-2009, 10:25 AM

فيييييييييييييين الضيف الجديد

ميرا مار

08-18-2009, 07:41 PM

الااااااااااااااء

هتختارى مين بعدك يا قمر؟؟؟؟؟؟؟؟

alaa eid

08-19-2009, 12:59 PM

سوررررررررررررري يا جماعة انا نسيت انا كنت في الضيافة هاختار ان شاء الله مين بعدي

alaa eid

08-20-2009, 12:17 PM

انا أسفة علي التاخير

معانا ضيف عزيز علينا جدا ونشيط جدا

..........

............

..................

المشرف : البشمهندس اسلام ممدوح

نورت الضيافة يا بشمهندس

eslam mamdouh

08-21-2009, 02:12 PM

شكرا جدا لحضرتك يا استاذه

وشرفنى جدا التواجد معاكم

وفى انتظار اسئله حضراتكم

Marwa Mahmoud

08-21-2009, 02:17 PM

أختيار موفق يا ألاء

وأهلا وسهلا بيك يا بشمهندس نورت الضيافة

وانتظر الأسئلة قريبا إن شاء الله

وكل عام وحضرتك بخير

ميرا مار

08-21-2009, 04:23 PM

اختيار راااااااااااااااائع يا الاء

وبجد الموضوع هيتشرف بيك يا بشمهندس

وانا عندى اسئلة كتييييييييييييييير حضر نفسك بقى

ALY ELSAYED

08-21-2009, 04:27 PM

الله ينور

والله اختيار بشمهندس اسلام اختيار موفق جدا

وانا سعيد بضيافته جدا

وان شاء الله تكون حلقه ممتعه جدا مع اسلام

جزاكم الله كل خير

eslam mamdouh

08-21-2009, 04:58 PM

أختيار موفق يا ألاء

وأهلا وسهلا بيك يا بشمهندس نورت الضيافة

وانتظر الأسئلة قريبا إن شاء الله

وكل عام وحضرتك بخير

شكرا لحضرتك جدا جدا

وانا اتشرفت والله بوجودى معاكم

eslam mamdouh

08-21-2009, 04:59 PM

اختيار راااااااااااااااائع يا الاء

وبجد الموضوع هيتشرف بيك يا بشمهندس

وانا عندى اسئلة كتييييييييييييييير حضر نفسك بقى

انا والله اللى يشرفنى جدا انى اكون معاكم فى الموضوع ده

وفى انتظار اسئلتكم المميزه

eslam mamdouh

08-21-2009, 05:00 PM

الله ينور

والله اختيار بشمهندس اسلام اختيار موفق جدا

وانا سعيد بضيافته جدا

وان شاء الله تكون حلقه ممتعه جدا مع اسلام

جزاكم الله كل خير

ربنا يكرمك يا على

والف شكر ليك

Marwa Magdy

08-21-2009, 05:09 PM

اهلا بيك يا بشمهندس
نورت الضيافه
كل سنه وانت طيب
حنبتدى باسأله خفيفه كدا خالص خالص

اسوأ الصفات فيك .؟
اكتر صفة بتحبها بنفسك ؟
صفة تتمنى تكون فيك ؟
حياتك راضى عنها ولا لا؟
ايه الحاجه اللى بتتمنى تزيلها من الوجود؟

ايه رايك فى الزمن اللى احنا عايشين فيه ده ؟
و رايك ف بنات و شباب اليومين دول؟
كفايه كدا دلواتى
ولنا عوده بعد الفاصل

eslam mamdouh

08-21-2009, 05:38 PM

اهلا بيك يا بشمهندس
نورت الضيافه
كل سنه وانت طيب
حنبتدى باسأله خفيفه كدا خالص خالص

اسوأ الصفات فيك .؟

انا بصراحه فى البرنامج ده هقول كل شى بصراحه شديده

اسوء صفتا فيا

1- احيانا بقول حاجات بيكون نفسى اعملها وافشل فى عملها .

2-القلق

3- عصبى جدا جدا

4- غير اجتماعى بدرجه كفايه

اكتر صفة بتحبها بنفسك ؟

اعتقد انها موجوده فيا ( الطيبه الزايده)
صفة تتمنى تكون فيك ؟

الحزم ..........الصبر
حياتك راضى عنها ولا لا؟

طبعا راضى عنها لانها من عند ربنا...........لكن دائما اطمع فى المزيد
ايه الحاجه اللى بتتمنى تزيلها من الوجود؟
الامبالاه...........ولكمه انا مالى خلينى فى حالى

ايه رايك فى الزمن اللى احنا عايشين فيه ده ؟

انا بصراحه مش معترف بحاجه اسمها الزمن اللى احنا فيه

كل الازمه على كده فيها الكويس وفيها الحوش

لكن احنا لازم نلتزم بالجانب الايجابى ونتجنب الجانب السلبى

ولازم نصحح السلبيات اللى فينا ونتجه الى الايجابيات
و رايك ف بنات و شباب اليومين دول؟

والله انا من شباب اليوميين دول ومش ممكن اقول اى صفات محدده

لكن كل شى فيه الجانب السلبى وكل شى فيه الجانب الايجابى

ويظل العامل الحاسم فى تحديد الاتجاه هو تربيه كل فرد والبيئه المحيطه بيه
كفايه كدا دلواتى
ولنا عوده بعد الفاصل

مستنى باقى الاسئله بعد الفاصل

شكرا جدا ليكى على الاسئله الحلوه دى

الورده البيضاء

08-24-2009, 08:11 PM

ماشاء الله عليكى ياالاء بجد اختيار موفق جداااااااااا
اخونا الكريم من الشخصيات المشهود لها فعلا اختيار فوق الموفق
سنعود بعد جمع الاسئلة

الورده البيضاء

08-24-2009, 08:23 PM

انا جبت شوية اسئلة على قدى كدة يارب يكونو خفاف على حضرتك
ماذا ستكتب لنا لتعبر عن حياتك التي عشتها الى الان في كلمات قليله ؟
اذا اردت ان تبكي الان , فعلى من تبكي؟
من ستختار ليمسح دموعك ؟
هل تعتقد ان حظك سيئ؟
لو خيروك بين حبيبك وبين اعز صديق فمن تختار ؟
هل انت من لديهم رغبة حب التملك واذا تملك الشيء اصابه الملل منه ؟
لنا العودة مع اسئلة اخرى

اسامه البنا

09-06-2009, 09:47 PM

استاذ اسلام فينك من زمان ومش بترد ليه؟
وعاوزين نعرف برضه هتختار مين؟ يا باشا

eslam mamdouh

09-06-2009, 11:42 PM

معلش انا اسف

انا نسيت خالص انى هنا

بسبب الاحداث الاخيره اللى مر بيها المنتدى

eslam mamdouh

09-06-2009, 11:47 PM

انا جبت شوية اسئلة على قدى كدة يارب يكونو خفاف على حضرتك

شرفتى ونورتى الموضوع يا امل
ماذا ستكتب لنا لتعبر عن حياتك التي عشتها الى الان في كلمات قليله ؟

زى الموج ايام كويسه وايام اتمنى انها تكون احسن

اذا اردت ان تبكي الان , فعلى من تبكي؟

ابكى على كل لحظه مرت عليا معرفتش استغلالها بشكل صحيح

من ستختار ليمسح دموعك ؟

انا عدوت دموعى متمسحاش الا اديا ( على راى طارق الشيخ )
هل تعتقد ان حظك سيئ؟

الانسان هو اللى بيخلق مستقبله وبيصنع حياته اما الحظ بيكون له دور قليل فى الموضوع ده

لو خيروك بين حبيبك وبين اعز صديق فمن تختار ؟

الحبيب طبعا
هل انت من لديهم رغبة حب التملك واذا تملك الشيء اصابه الملل منه ؟

ان شاء الله لا انا مش منهم
لنا العودة مع اسئلة اخرى

ربنا يكرمك يا امل وبجد شرفتى الموضوع باسئلتك

جزاكى الله كل خير

eslam mamdouh

09-06-2009, 11:54 PM

شكرا على الاستضافه الجميله دى

وان شاء الله بكره هيكون ضيف جديد فى المكان ده

اسامه البنا

09-07-2009, 04:11 PM

مستنين يا اسلام نشوف الضيف الجديد
ونعرف هو او هي مين؟

eslam mamdouh

09-09-2009, 02:46 PM

اتمنى ان حضراتكم ترحبوا بالضيف الجديد معانا

واللى بجد بكنله كل التقدير والاحترام

المهندس محمود سليم مشرف قسم المساحه الارضيه

اهلا بيك يا بشمهندس محمود

:cc_hang:

witch evil

09-10-2009, 07:39 AM

لاأااا انا احتج انت بتهرب ياسولوم اطالب بمضاعفه المده لانها عدت في الهوجه دانت مكملتش صفحتين

ALY ELSAYED

09-12-2009, 09:08 PM

اهلا بيك يا حوده

منورانا في الضيافه والله

بس انتا فينك عايزين نشوفك

مستنينك ومحضرنلك اسئله جامده

جزاك الله كل خير

Mahmoud Slem

09-13-2009, 01:02 PM

اتمنى ان حضراتكم ترحبوا بالضيف الجديد معانا

واللى بجد بكنله كل التقدير والاحترام

المهندس محمود سليم مشرف قسم المساحه الارضيه

اهلا بيك يا بشمهندس محمود

:cc_hang:

:cc_confused::cc_confused::cc_confused:

ايه التدبيسة دى يا اسلام

ربنا يستر
بالله عليكم يا شباب
براحة عليا انا لسه عظمى طرى
ههههههههههههههههههههه

Mahmoud Slem

09-13-2009, 01:04 PM

اهلا بيك يا حوده

منورنا في الضيافه والله

بس انتا فينك عايزين نشوفك

مستنينك ومحضرنلك اسئله جامده

جزاك الله كل خير

انا موجود يا على اهو
بس براحة عليا يا اخويا
انا مش حمل الحاجات دى انا ممكن اقع مش زيكم

emu

09-13-2009, 02:31 PM

انا مشاركتش قبل كده في الموضوع بس لما لقيت

محمووووووووووووووووووووووووووووووووود
ابن دفعتي..يبقي لازم طبعا اهنيه في موقعه الجديد
http://www.palone.net/vb/pic2/korsi.jpg
الله معك يا ابن عمي
:bones:

http://www.ee77ee.com/vb/imgcache/26900.jpg
http://www.the-yemen.com/vb/uploaded/110_1245737541.jpg

eslam mamdouh

09-13-2009, 02:34 PM

والله يا سليم كله بيحبك جدا

لدرجه ان بنت دفعتك المهندسه شيماء جابتلك كراسى كتير مريحه جدا

وانت يا عم اختار الكرسى اللى يعجبك

يلاا يا عم

Mahmoud Slem

09-13-2009, 02:53 PM

اذا كانت كده
فا انا برفع الرايه البيضا

eslam mamdouh

09-13-2009, 03:05 PM

سليم اول دفعه من الاسئله هتكون منى انا ان شاء الله

اتفضل

لكن ضع فى الاعتبار ان فهم السؤال جزء من الاجابه

1- لو هتندم على شخص عرفته ......تندم عليه ليه...وايه الصفه اللى مش ممكن تقبلها فى الشخص ده

2- سليم ..... شخص خسرته وتتمنى انه يكون معاك دلوقتى .......تحب تقوله ايه

3- شعورك ايه اتجاه زاتك واتجاه من حولك

4- هل انت طموح ام انسان عادى

5- حققت كام فى الميه من اثبات الذات

6- اتكلم عن فتره حياتك الحاليه والتدرج الى انت حاسه فى حياتك ( يعنى الفرق ما بين محمدو دلوقتى ومحمود زمان )

7*- اخر سؤال يا صديقى فى الدفعه الاولى( ماذا يمثل لك الحلبى....)

AYMAN GAMAL

09-13-2009, 03:36 PM

هاواي محمود عامل ايه؟

محمود من الناس المحترمة جدا جدا و اللي بحبهم طبعا و بعتبره زي اخويا الصغير عشان كده حبيت اساله كام سؤال عابر للقارات

عايز اعرف ايه اهم طموحاتك التلاته الشخصية و العلمية و العملية و ايه السبب؟

عندك احساس بالمسؤلية بحييك عليها بس سعات كتيرة لما تديها حق زيادة على اللزوم و بتنقلب على اعصابك ,ممكن تقولنا ايه المبدا اللي عايش عليه؟

الحياة مبتديش كل حاجة ,ايه اكتر حاجة الدنيا خدتها منك و اجمل حاجة ادتهالك؟

جرب ترجع بالزمن لمحمود كده و هوه صغير ,يا ترى كنت بتحلم تبقى ايه في المستقبل و يا ريت مش مهندس ولا دكتور

وحوي يا محمود

خالد أبوسعده

09-13-2009, 03:40 PM

ههههههههههههه

انت ايه الى معديك من الشارع دا دلوقتى يابنى

ههههههههههههههههههههههههه

ربنا يستر عليك استنى منى الاسئله

AHMED FTIHA

09-13-2009, 04:29 PM

محــــــــــمود محمد سليم (صاصا يعنى) صوصو(انا بس)
طبعا صاصا من الاصدقاء اللى طلعت بيهم من الكليه هو و الواد بوبس
لانى دول اللى حسيت مش بنتعامل للمصلحه كنا بنتعامل على اساس لله فقط بعد كدة عشان احنا اخوات
وبجد الواد صوصو مشفتش زيه كتير من الناس (مش مجامله)
بجد صوصو نعم الاخ والواحد يفتخر انه صديقه
شكلى طولت اسأل بقى
قابل يامعلم

لو حسيت فى مرة انك اتحملت مسؤليه حاجة وجيت فى النص فشلت فى حاجة حتعمل ايه

نفسك تكون ازاى فى مجال دراستك يعنى توصل الى اى مدى بعد ما تتخرج وايه طموحك كمان

بتعمل ايه لما تحس ان فيه حد ممكن يستغلك

صديق نفسك تنصحه

ايه هى العلاقه ما بين اسلام ممدوح وخروب الحلبى

esraa

09-16-2009, 01:38 AM

محمود ( صاصا _ يا هلا يا هلا

انا مبسوطة اوى انك فى الضيافة ....

و احب اسالك بعض الاسئلة ... و يا رب تكون اسئلة خفيفة

1_ ايهما يقودك نفسك هى التى تقودك ... ام انت الذى تقودها ...؟؟؟

2_ لو واجهتك مشكلة مين اول شخصية بتلجأ لها ...؟؟؟

3_ هل تؤمن بالحب من اول نظرة ...؟؟؟ و لماذا ...؟؟؟

4_ ايه اهم درس اتعلمته من حياتك العمليه و حياتك الخاصة ( العاطفية )..؟؟؟

و كفايه اوى كده

يا رب تكون اسئلة خفيفة

منور الضيافة.........

Soma

09-16-2009, 05:16 PM

يا هلا يا هلا بيك فى الضيافة يا محمود
ربنا يقويك على الاسئلة دى كلها
اطمن حرفق بحالك ومش حسالك كنت برحب بيك بس
منور الضيافة والله

eslam mamdouh

09-16-2009, 05:29 PM

انت يا عم محمدو

انت فين يا عم

جاوب على الاسئله

Hassan Mohamed

09-16-2009, 07:09 PM

محمود يا سليم يا صاصا

جاوب ورد علي اسئلة الناس

Mahmoud Slem

09-16-2009, 07:38 PM

انا بتاسف جدا
لى عدممشاركتى ولكن مش بايدى
ولكن ان شاء الله معاكم اهو

Mahmoud Slem

09-16-2009, 07:50 PM

سليم اول دفعه من الاسئله هتكون منى انا ان شاء الله

استر يا رب

اتفضل

لكن ضع فى الاعتبار ان فهم السؤال جزء من الاجابه

حاضر يا دكتور

1- لو هتندم على شخص عرفته ......تندم عليه ليه ربنا ميجيب ندم وكن لو ندمت هندم علشان اتخدعت فيه وايه الصفه اللى مش ممكن تقبلها فى الشخص ده اول اكتر حاجة الكدب

2- سليم ..... شخص خسرته وتتمنى انه يكون معاك دلوقتى مفيش الحمد لله وربنا ميجيب خسارة تحب تقوله ايه مفيش علشان اقوله

3- شعورك ايه اتجاه زاتك واتجاه من حولك انا الحمد لله مبعرفش حد علشان سبب وكل اللى عرفتة صاحبتةشعورى تجاه ذاتى الحمد لله راضى عن نفسى فى بعض الامور وغير راضى فى بعضها
اما شعورى تجاه من حولى انى بقيت اخاف من غدر ناس كتير اوى
ولكن منعدمتش الثقة فى من حولى الحمد لله

4- هل انت طموح ام انسان عادى

الحمد لله طموح وده من صغرى وربنا يوفقنى لما يحبة ويرضاه

5- حققت كام فى الميه من اثبات الذات

دى مقدرش احددها لانى لسه محتاج حاجات كتير علشان اقدر اقول كام فى الميه ولكن برده الحمد لله على ما انا فيه

6- اتكلم عن فتره حياتك الحاليه والتدرج الى انت حاسه فى حياتك ( يعنى الفرق ما بين محمود دلوقتى ومحمود زمان )

تدرج ايه بالطبط يا اسلام مش فاهم قصدك
اما بالنسبه بين محمود زمان ومحمود دلوقتى مفرقش كتير
ولكن فى بعض الحاجات اللى اتغيرت للاحسن وربنا يثبتنى على كده

7*- اخر سؤال يا صديقى فى الدفعه الاولى( ماذا يمثل لك الحلبى....)
ياااااااااااااااااااااااااه
انت تقول اكتر من يا اسلام
انا كرهت الحلبى لانى تليفونى اتسرق بسببه
هههههههههههههههههههه
مش بسببه ولكن بسبب حبى لمشروباتة

شكرا يا اسلام على الاساله دى
بس حاول توضحلى الاساله اللى مفهمتهاش

Mimi

09-16-2009, 08:02 PM

أهلآ بيك ياصاصا منور البرنامج

أنا عارفه ان جمهورك كبير عشان كدا مش هطول عشان أسيب الفرصة لحد تاني يتواصل معاك

الانطباع اللي خدته عنك في البداية انك زواق ( بشد الواو ) جدآ في اختيارك لموضوعات وفي اخراجك ليها

فياترى ايه الحاجات اللي شايفها بتزينلك حياتك زي ما بتزين مواضيعك وتخليها حلوة أو ايه الحاجات اللي مستنيها وشايف انها هتزينلك حياتك ؟

وفي حاجة تانية بعد اذنك بمناشبة شهر رمضان المبارك هل ممكن تاكل بعض حلويات رمضان نية زي الكنافة والقطايف بس من غير ما يتحمرو ؟ ولو لاء هل عندك استعداد للتجربة؟

وكل عام وانت بخير

Mahmoud Slem

09-16-2009, 08:06 PM

هاواي محمود عامل ايه؟

محمود من الناس المحترمة جدا جدا و اللي بحبهم طبعا و بعتبره زي اخويا الصغير عشان كده حبيت اساله كام سؤال عابر للقارات

ربنا يخليك يا ايمن
وانت عارف معزتك عندى اد ايه
وده شرف ليا الكلام ده من اخويا الكبير مش عايز اكبرك بس يالا مش هم
وربنا يسال من اسالتكم

عايز اعرف ايه اهم طموحاتك التلاته الشخصية و العلمية و العملية و ايه السبب؟
الشخصية : انى ارتبط بالانسانة اللى بحبها واكون اسره شبه مثالية
العلمية : وده كان طموحى من اول مدخلت اداب ومحالفنيش الحظ فى هندسة لانى كنت جايب 90.5
قررت انى اتميز فى مجالى اكتر واكون افضل مما اكون فى هندسة وان شاء الله ناوى احصل على درجة علمية كبيره بس ادعيل يا مون
العملية : ناوى ان شاء الله ابدع فى مجالى
وحابب بجد ان شاء الله مجال المساحة البحرية او GIS

عندك احساس بالمسؤلية بحييك عليها بس سعات كتيرة لما تديها حق زيادة على اللزوم و بتنقلب على اعصابك ,ممكن تقولنا ايه المبدا اللي عايش عليه؟
ربنا يخليك يا مون شهاده من شخص عزيز عليا يارب اكون كده فعلا
المبدا اللى عايش عليه انى اكون قد المسؤلية مادام قبلت العمل بالحاجة دى
وانى بعامل ربنا ومش منتظر من حد تقدير على عملى لانه واجب عليا
واهم حاجه الصدق

الحياة مبتديش كل حاجة ,ايه اكتر حاجة الدنيا خدتها منك و اجمل حاجة ادتهالك؟
خدت منى حاجة كان نفسى اكمل فيها اكتر الرياضة
انا الحمد لله كنت مواظب على الرياضة كويس جدا ولكن الدراسه واكتر حاجه المساحة مش مخلية وقت بجد
لانى الحمد لله وصلت لمرحلة مينفعش اتمرن مره واحده فى اليوم محتاج اكتر من مره ومفيش وقت
اجمل حاجه اديتهانى اسره جميله وانسانة ارتبط بيها ان شاء الله

جرب ترجع بالزمن لمحمود كده و هوه صغير ,يا ترى كنت بتحلم تبقى ايه في المستقبل و يا ريت مش مهندس ولا دكتور

لا وانا صغير خالص كان نفسى اطلع دكتور مخ واعصاب
بس كنت بقول عايز اطلع دكتور مخ وعصبية

اما قبل الكليه كان نفسى ابقى ظابط فى القوات المسلحة

وحوي يا محمود

وحوى يا مون
وشكرا ليك على الاساله دى وربنا يخليك

Mahmoud Slem

09-16-2009, 08:07 PM

ههههههههههههه

انت ايه الى معديك من الشارع دا دلوقتى يابنى

ههههههههههههههههههههههههه

ربنا يستر عليك استنى منى الاسئله

الدنيا كانت ضلمة وقت فى اديكم
استرها يارب

Mahmoud Slem

09-16-2009, 08:22 PM

محــــــــــمود محمد سليم (صاصا يعنى) صوصو(انا بس)

صوصو تانى
هههههههههههههههههههههههه

طبعا صاصا من الاصدقاء اللى طلعت بيهم من الكليه هو و الواد بوبس
لانى دول اللى حسيت مش بنتعامل للمصلحه كنا بنتعامل على اساس لله فقط بعد كدة عشان احنا اخوات
وبجد الواد صوصو مشفتش زيه كتير من الناس (مش مجامله)
بجد صوصو نعم الاخ والواحد يفتخر انه صديقه
شكلى طولت اسأل بقى
قابل يامعلم

ربنا يخليك يا فتيحة
وفعلا انتم من اصدقائى انت واسلام اكتر اتنين
مهما كانت بينا مشاكل عيال بس برده اخوات
ربنا يديم المعروف يا فتيحة وانت ومن اطيب الشخصيات اللى عرفتها فى حياتى وده اللى بقوله من وراك بس عيبك حاجة وحده هقولك عليها بعدين انت عارفها

لو حسيت فى مرة انك اتحملت مسؤليه حاجة وجيت فى النص فشلت فى حاجة حتعمل ايه

لو انا قبلت مسؤلية اى حاجه قبل ما نفذها لازم اخطط لها هعمل فليها ايه علشان اكون قد المسؤلية والحمد لله مبيحصلش فشل وان حصل بعض الاخطاء لكن فى النهاية بينجح العمل باذن الله
اما اذا فشل ما اقوم به
فا انا بعتذر لصاحب هذا العمل
وبكون من جوايا فى قمة الغضب من نفسى وبشوف ايه سبب الفشل علشان اتفاداه مره تاني
ولكن لازم الاعتزار
ومرميش خطاى على اى حد

نفسك تكون ازاى فى مجال دراستك يعنى توصل الى اى مدى بعد ما تتخرج وايه طموحك كمان

انا جاوبت على ايمن هجاوب تانى
ان شاء الله حابب ابدع فى مجال عملى
واوصل لدرجة علمية كبيره بجانب عملى
ودعواتك يا فتيحة

بتعمل ايه لما تحس ان فيه حد ممكن يستغلك

ببعد عنه ببساطة وبهدوء ومش بخلية يحس انى بعدت عنه لشان هو بيستغلنى اى نوع من انواع الاستغلال واظن انت عارف الشخصيات دى يا فتيحة وجربتها معايا

صديق نفسك تنصحه

انت ياحمد
فكر 1000 مره قبل متفكر تعمل حاجه
يعنى تتريث(:):):))
وانت فاهمنى علشان ميحصلش ( :box::box:)
حاول يا احمد تصبر على اى فعلة بتعملها بدون قصد وطيبه
لانك شخصيه محترمة والناس متعرفش كده

ايه هى العلاقه ما بين اسلام ممدوح وخروب الحلبى

اووووووووووووووووه
علاقة شريفة والحمد لله
علاقة العاشق لمعشوقتة
هههههههههههههههه
بجد انا واسلام ممدوح خاربينها عن الحلبى

انا بشكرك ياحمد على الاساله لجميله دى وربنا يديم المعروف ما بينا ان شاء الله

Mahmoud Slem

09-16-2009, 08:30 PM

محمود ( صاصا _ يا هلا يا هلا

انا مبسوطة اوى انك فى الضيافة ....

و احب اسالك بعض الاسئلة ... و يا رب تكون اسئلة خفيفة

استر يارب

1_ ايهما يقودك نفسك هى التى تقودك ... ام انت الذى تقودها ...؟؟؟

الحمد لله بحاول اتحكم فى نفسى بعض الشيئ ولكن ميمنعش انى نفسى بتتحكم فيا فى بعض الامور زى اى انسان طبيعى

2_ لو واجهتك مشكلة مين اول شخصية بتلجأ لها ...؟؟؟

مش شخصية اول حاجه بلجا لربنا
لانى من عادتى مش بعرف اشتكى لحد لحل مشكلتى
ولكن فى بعض المشاكل بيبقى ليها اصحابها بيساعدوا فى حلها ولكن لما بحس انى مش عارف احلها لوحدى

3_ هل تؤمن بالحب من اول نظرة ...؟؟؟ و لماذا ...؟؟؟

لا اومن بالحب من اول نظره
ولكن الاعجاب ممكن ليه لا
اما الحب من اول نظره غير سوى علشان انا معرفش الانسان اللى قدامى ده ينفع احبه ولا لا
من اول نظره ده اسمه حب الجمال وليس حب الشخص
ده من وجهه نظرى

4_ ايه اهم درس اتعلمته من حياتك العمليه و حياتك الخاصة ( العاطفية )..؟؟؟

فى حياتى العملية الاتقان ولازم اطور واجدد من نفسى واشوف الحياه العمليه فيها ايه جديد يتناسب مع قدراتى

اما فى حياتى العاطفيه الاخلاص والصدق

و كفايه اوى كده

يا رب تكون اسئلة خفيفة

منور الضيافة.........

خفيفة اوى:cc_confused::cc_confused::cc_confused:
لدرجة انى:dots:

Mahmoud Slem

09-16-2009, 08:31 PM

يا هلا يا هلا بيك فى الضيافة يا محمود

ربنا يقويك على الاسئلة دى كلها
اطمن حرفق بحالك ومش حسالك كنت برحب بيك بس

منور الضيافة والله

شكرا ليكى
وربنا يرقف بيكى زى ما رقفتى بيا
شكرا لحضرتك

Mahmoud Slem

09-16-2009, 08:34 PM

محمود يا سليم يا صاصا

جاوب ورد علي اسئلة الناس
حاضر يا بو على مش بايدى
النت كانت تعبان درجه حرارتة منخفضة رحت رفعها النهارده وجيت
ههههههههههههههههههههههههه

Mahmoud Slem

09-16-2009, 08:42 PM

أهلآ بيك ياصاصا منور البرنامج

أنا عارفه ان جمهورك كبير عشان كدا مش هطول عشان أسيب الفرصة لحد تاني يتواصل معاك
ياااااااااااااااااااه
مش عارف اشكرك ازاى انا لسه داخل لاقيت هجوووووووووووم عليا والناس فرحانة فيا :1::1::1:

الانطباع اللي خدته عنك في البداية انك زواق ( بشد الواو ) جدآ في اختيارك لموضوعات وفي اخراجك ليها
شكرا لحضرتك على الكلام ده
فياترى ايه الحاجات اللي شايفها بتزينلك حياتك زي ما بتزين مواضيعك وتخليها حلوة أو ايه الحاجات اللي مستنيها وشايف انها هتزينلك حياتك ؟
اسرتى
والانسانة اللى بحبها اللى ربنا وهبهالى
واصحابى الجدعان اوى
والمنتدى بيتى التانى ده

وفي حاجة تانية بعد اذنك بمناشبة شهر رمضان المبارك هل ممكن تاكل بعض حلويات رمضان نية زي الكنافة والقطايف بس من غير ما يتحمرو ؟ ولو لاء هل عندك استعداد للتجربة؟

انا مش بحب القطايف اصلا
وعدين نية كمان يعنى اكل عجينة :cc_confused:
هههههههههههههههههه
لا طبعا ماكولش عجينة اذا ماكنتش الكنافة معموله صح يبقى مش هاكولها
هى ناقصة وجع بطن :cc_rip:
ههههههههههههههههههههههه

وكل عام وانت بخير

شكرا جدا لحضرتك على ااسله الخفيفة دى
وكل عام وانتى بخير

اسامه البنا

09-17-2009, 08:03 PM

الله ينور يا محمود

اجباتك حلوه

بس يا تري انت هتخلص الضيافه امته

وكمان يا تري فكرت خلاص في الي هيكون بعدك؟

Mahmoud Slem

09-20-2009, 06:41 PM

شكرا يا اسامة
انا معرفش تبقى قولى انت
بالنسبة بقى اخترت مين لسه بس خلاص قرب

Mahmoud Slem

10-03-2009, 03:19 PM

انا بعتذر انى اتاخرت فى الرد
ولكن بشكر كل الناس اللى سالتنى

واحب اختار محمود صلاح ( raul )

raul

10-04-2009, 12:53 AM

والله انا سعيد جدا ان اخويا وحبيبى محمود سليم اختارنى
واسعد انى حكون موجود معاكو
ويا رب ما كنش ضيف ثقيل عليكو
والله الموفق

اسامه البنا

10-04-2009, 06:46 AM

انت وقعت ولا حدش سمي عليك يا raul

ورينا بقي هتعمل ايه؟ في الورطه ديه

ههههههههههههه

raul

10-04-2009, 02:04 PM

ههههههههههههههههههههههههة
احلى ورطة يا اسامة
وانا مستنى

Mahmoud Slem

10-04-2009, 03:38 PM

انتظرنى يا معلم ....!!!!!!!!!!!

الورده البيضاء

10-04-2009, 03:56 PM

ولا ووقعت ولاحد سمى عليك ياراؤؤل
دانت هتتسال اسئلة مايعلم بيها الا ربنا
استنى عليا بس
ارتبلك شوية على مزاجك

raul

10-04-2009, 06:25 PM

مستنيك يا محمود
فى انتظارك يا امل

ALY ELSAYED

10-04-2009, 06:47 PM

حووووووووووووووده

طبعا انتا عضو نشيط جدا

بس ليه مبتخدش بالك من ان المواضيع في الغالب بتكون مكرره ؟

ايه هوا سبب اهتمامك بقسم اللعب والمسابقات ؟

هههههههههه وانتظر باقي الاسئله

يا راؤوووووول

raul

10-07-2009, 02:26 AM

اولا بحب اشكرك يا على
ثانيا الاجابة على الاسئلة :
1-بالنسبة للموضوعات المكررة بجد والله فعلا مش باخد بالى
2-سر اهتمامى بقسم اللعب والمسابقات (تقدر تقول حنين للطفولة..نفسى ارجع طفل تانى)
اعتقد ان كلنا نفسنا نرجع اطفال تانى

شكرا ليك مرة تانية يا على

KAREEM

10-07-2009, 02:35 AM

أنا شايف كله عمال يهدد
ومش شايف أسئلة من نار فعلا
انا جاى أهدى النفوس
فين ياجماعة الاسئلة
أنا حبدأ بصاروخ أهووو
خد الصاروخ دا يارؤا

ايه اكتر لحظة فى حياتك كنت تتمنى فيها ان الأرض تنشق وتبلعك ؟
وايه هى غلطة عمرك اللى مأثرة فيك لغاية دلوقتى ؟
وايه فيك نفسك تغيره وتبقى أحسن من كدا فيه ؟

معلش بقى يامعلم مطلعش صاروخ واحد
3 صورايخ ياونيس 3

Mahmoud Slem

10-07-2009, 02:55 AM

طيب انت كده سخنتنى

من الاخر كده
ليك يوم

اتفضل يا عم حودا
انت حبيبى ومحدش هيوقع بينا

انت مين الافضل فى حياتك
الصداقه ولا الحب؟

مين اكتر شخص بعد ربنا بتلجاله علشان يساعدك فى اى حاجه ؟
امتى محمود بيبى شخص شرير ؟

مش عايز اكتر علشان مشمتش حد فينا

هههههههههههههههههههههههههههههههه

KAREEM

10-07-2009, 04:05 AM

[QUOTE=Mahmoud Slem;190146]
طيب انت كده سخنتنى

من الاخر كده
ليك يوم
[CENTER]
ايدا ايدا !!!!

الكلام دا لمين ؟؟؟؟؟؟

أكيد مش ليا طبعا

طب انا ممكن أسحب مشاركتى ؟؟؟:cc_confused::cc_confused::cc_confused:

أنا ايه اللى خلاى اخش الموضوع دا ؟؟؟؟

ما انا كنت ماشى جنب الحيط وزى الفل !!!!

شكلى كدا حتعلق فى :cc_hang:

raul

10-07-2009, 04:14 PM

الرد على صواريخ كريم
1-اتمنيت ان الارض تنشق وتبلعنى فى مواقف كتير الصراحة بس حقول واحد بس
مرة كنت بتمشى انا وواحدة زميلتى واخديتنى الرجولة اوى وقلت لازم اعزمها على حاجة كانت جيلاتى من على البحر
المهم جبت اتنين وبحاسب الراجل وبحط ايدى فى جيبى وهبااااااااااااا
مالقيتش الفلوس وقعت منى
فاضطرت هى تدفع ..ههههههههههههة

2-غلطة عمرى اللى ماثرة فيا لغاية دلوقتى انى حبيت واحدة بس للاسف طلعت متستهلش

3-الحاجة الوحشة اللى فيا ونفسى اغيرها بجد (التسرع)

شكرا يا كيمو على الاسئلة الشديدة دى

raul

10-07-2009, 04:16 PM

الرد على اسئلة محمود

1-افضل الصداقة عن الحب

2-الشخص اللى بلجأله بعد ربنا (انا)

3-بكون شخص شرير لما بكون متعصب

شكرا ليك يا دودو

esraa

10-07-2009, 05:07 PM

رااااااااااااااااااااااؤل بجد منور الضيافة

و احب اهديلك بعض الاسئلة الخفيفة ......

السؤال الأول :متى تكون في أحسن أحوالك ؟

كم مره في حياتك عشت من خلال شخص ما في عائلتك ؟

-أكثر ما يحرك مشاعرك في الطرف الآخر هو:
أ-لطفه.
ب-قوته .
ج-نقاط ضعفه.[/
د_ احساسه المرهف .

4-نفسك فى ايه علشان تكون سعيد و راضى؟

5-نفسك تعتذر لمين انت غلط فية؟

كفايه اوى كده

بس لسه طبعااااااااااا فى اسئلة تانيه

انتظرنى قريبا........

raul

10-07-2009, 06:10 PM

انتى اللى نورتينى والله يا اسراء

الرد على الاسئلة :

1-بكون فى احسن احوالى لما اكون راضى عن نفسى

2-تانى سؤال (مش فاهمه)

3-لطفه

4-نفسى اكون راضى عن نفسى دايما ومكنش ظالم حد ولا حد يكرهنى (ساعتها حكون سعيد وراضى)

5-اكيد كلنا بنغلط فى حق بعض..بس مافيش حد معين فى دماغى اوجهله خطاب اعتذار

شكرا ليكى مرة تانية يا اسراء

اسامه البنا

10-09-2009, 10:11 AM

يلا يا رؤل

عاوزين نعرف هطحط مين؟ علي كرسي الاعتراف

raul

10-09-2009, 01:02 PM

شكرا ليكو يا جماعة على المضايفة الجميلة دى
وانا ححط هند (سويت جيرل) على كرسى الاعتراف

يالا يا هند مستنينيك

sweet girl

10-10-2009, 06:35 PM

ايووون
انا جيت اهو يا فندم
وبانتظار الاسئله ان شاء الله

raul

10-11-2009, 06:39 PM

اولا بحب ارحب بيكى يا هند

1-الاسم بالكامل؟
2-تاريخ الميلاد؟
3-المهنة ؟

4-انتى ليه فى اغلب الوقت حزينة؟
5-هوايتك ايه؟
6-اقرب احلامك ايه ..وايه ابعد احلامك؟

7-اغنية (بحبك) لجنات .. لمن تهديها؟

كفاية عليكى كدة
جاوبى

sweet girl

10-11-2009, 08:13 PM

اهلا وسهلا يا فندم

_ الاسم : هند اشرف محمد

_تاريخ الميلاد : ليه الاحراج ده بس:embaressed_smile:

23/10/1991

_المهنه: تانيه كليه علوم زراعيه بيئيه

( يعنى مهندسه زراعيه ان شاء الله )

_ليه فاغلب الاوقات حزينه :

امممممم
سؤال وجيه برضه
بس مش عارفه الاجابه
ههههههههههههههههه

_الهوايه : الكتابه بحبها اوى بصراحه

وبحب انى اقعد اخطط والتلوين بحبه اوى وتنسيق الالوان برضه

_اقرب الاحلام: انى ابقى متفوقه فدراستى واوصل لاعلى المراتب فمجالى ان شاء الله
ادعولى بقا

اما ابعدهم : هو ان ربنا يرزقنى بالزوج الصالح اللى اقدر اكون معاه اسره شبه مثاليه ويكون قد المسئوليه واقدر اتسند عليه فحياتى باذن الله
_اغنيه احبك لمن تهديها :
امممممممم
اشمعنه يعنى
هههههههههههههههه
يعنى ممكن نأجلها دلوقتى شويه لحد ما اهديها لرفيق العمر ان شاء الله
كفايه كده : مرسي يا راؤل على الاسئله الخفيفه ديه
ومتسألش تانى :box:
ههههههههههههههه

raul

10-12-2009, 02:35 AM

نورتى يا هند
على فكرة انا 22/10 بس 1987
يعنى برج واحد

يالا يا جماعة عايزين اسئلة لهند

spider girl

10-12-2009, 02:42 AM

اختيار موفق يا رؤول

اهلا هدهوده حببتى

يلا يا قمر عايزين اعترافات واجابات صريحه هه

وما شاء الله عندنا عيد ميلادين بعد بعض على طول

كل سنه وانتو طيبين مقدما

انتظرى اسئله جامده ان شاءا لله

خالد أبوسعده

10-12-2009, 03:05 AM

Marwa Mahmoud

10-12-2009, 02:25 PM

:11vil:هند :cc_hang:

انتى عارفة احساسى نحيتك دلوقت :( :11vil:

فربنا يتولاكى بقى :cc_hang:

روحى شفى فيلم الانتقام وتعالى احكهولى

sweet girl

10-14-2009, 05:30 PM

اختيار موفق يا رؤول

اهلا هدهوده حببتى

يلا يا قمر عايزين اعترافات واجابات صريحه هه

وما شاء الله عندنا عيد ميلادين بعد بعض على طول

كل سنه وانتو طيبين مقدما

انتظرى اسئله جامده ان شاءا لله

ربنا يخليكى يا حبيبه قلبى
وانتى طيبه يا جميل وبالصحه والسلامه
فى انتظار الاسئله يا قمر بس خليكو حنينين عليا شويه:1::1::1:

sweet girl

10-14-2009, 05:33 PM

نورتى يا هند
على فكرة انا 22/10 بس 1987
يعنى برج واحد

يالا يا جماعة عايزين اسئلة لهند

ده نورك والله يا راؤل
ربنا يكرمك
وكل سنه وانت طيب مقدما
:animation343py::animation343py:

sweet girl

10-14-2009, 05:42 PM

هههههههههههههههههههههههههههههه

انتى وقعتى ولا الهوا الى رماكى

ههههههههههههههههههههههههههههههههههه

سبحان الله كل واحد و ليه زنقته

استنى منى بقى الاسئله

شويه كدا

ولا اقولك بالمره

سؤال كدا اخلص بيه شويه من الى انتى عملتيه

ماذا يمثلك أ . م . ر ؟؟؟

:d:d:d:d:d

ههههههههههههههههههههههههههههههههههههه

ههههههههههههههههههههههههههههههههههههه
لالالالالالالالا مش قادره والله يا خالد هموت من الضحك
هههههههههههههههههههههههههههههههههه
تصدق الدنيا ديه صغيره اوى بتخلص اول باول
هههههههههههههههههههههههههههه
بقى كده برضه تزنقنى الزنقه ديه
الله يسامحك
ههههههههههههههههههههه
بالنسبه للاجابه أ . م . ر
بيمثلى كتييييييييير اوى وانت عارف الاجابه ههههههههههههههه

sweet girl

10-14-2009, 05:45 PM

:11vil:هند :cc_hang:

انتى عارفة احساسى نحيتك دلوقت :( :11vil:

فربنا يتولاكى بقى :cc_hang:

روحى شفى فيلم الانتقام وتعالى احكهولى

هههههههههههههههه

حتى انتى يا مروه
اخص عليكى اخص
ده انا هند حبيبتك تفترى عليا كده
اخص
بس انا قدها وقدود برضه ومبيهمنيش
هههههههههههههههه

خالد أبوسعده

10-14-2009, 06:57 PM

بالنسبه للاجابه أ . م . ر

بيمثلى كتييييييييير اوى وانت عارف الاجابه ههههههههههههههه

مش عارف ليه صاحى ناسى كل حاجة النهارده

:confused::confused:

انا مش فاكر الاجابه

فكرينى يا هند كدا

:1::1::1:

ياااااه على الدنيا

كما تدين تداان

هههههههههههههههههههههه

يلا سؤالى تانى معرفش اجابته انا

ماذا يمثلك أ . م . ر ؟؟

:11vil::11vil::11vil:

Marwa Mahmoud

10-14-2009, 07:43 PM

هههههههههههههههه

حتى انتى يا مروه

اخص عليكى اخص
ده انا هند حبيبتك تفترى عليا كده
اخص
بس انا قدها وقدود برضه ومبيهمنيش

هههههههههههههههه

:11vil: :11vil: :11vil: :11vil: :11vil: :11vil: :11vil:

أل حببتى أل بأمارة أيه بقى :cc_hang:

هههههههههههههههههه

ربنا يخليكى ليل يا هنود
بس بردة ليكى يوم :cc_hang:

Heba Bebo

10-14-2009, 11:55 PM

خالد أبوسعده

10-15-2009, 02:46 AM

وانا عاوزة اعرف مين هو
ام.او.بو.تو؟
:bones:

هههههههههههههه

لا و الله يا هبه
انا خ . أ . م
تبع حد تانى

ههههههههههههههههههههه

دا تخليص حق بس مش حاجه تانيه

ههههههههههههههههههههههههههههههههه

KAREEM

10-15-2009, 05:03 PM

sweet girl

10-15-2009, 09:48 PM

انا جيت اهو ومهربتش :D
اعذرونى فالتاخير لانى بقيت ادخل قليل الايام ديه عشان الكليه شاغله معظم الوقت
ادينى معاكم اهو واللى نفسه فحاجه يقولها بس براحه عليا شويه الله يخليكو:1::1:
كفايه عليا خاااااالد:box:

sweet girl

10-15-2009, 09:54 PM

مش عارف ليه صاحى ناسى كل حاجة النهارده

:confused::confused:

انا مش فاكر الاجابه

فكرينى يا هند كدا

:1::1::1:

ياااااه على الدنيا

كما تدين تداان

هههههههههههههههههههههه

يلا سؤالى تانى معرفش اجابته انا

ماذا يمثلك أ . م . ر ؟؟

:11vil::11vil::11vil:

ايدا تصدق انا برضه صاحيه ناسيه كل حاجه
:confused::confused:

هههههههههههههههههههههههههههههههه

انت حكايه والله يا خالد
ههههههههههههههههههههههههههههه
معندكش الا السؤال ده ولا ايه
:1::1:
طيب بقا عند فيك انا مش هجاوبه
:p:p
فيتوووو
:D:D:D

sweet girl

10-15-2009, 09:58 PM

:11vil: :11vil: :11vil: :11vil: :11vil: :11vil: :11vil:

أل حببتى أل بأمارة أيه بقى :cc_hang:

هههههههههههههههههه

ربنا يخليكى ليل يا هنود
بس بردة ليكى يوم :cc_hang:
[/center]

مااااااااشى يا مروه
بقا كده:(
انتى اللى جيبتيه لنفسك بقا:11vil::11vil:
استنى منى اللى جاى :box:
وبرضه مبيهمنيش :D

sweet girl

10-15-2009, 10:01 PM

الله الله

:(
ماتقوليله مين هو ا.ام.ار؟
:dots:
وانتي هتخافي يعني
:cc_hang:
وانا عاوزة اعرف مين هو
ام.او.بو.تو؟
:bones:
ههههههههههههههههههه
:11rob:
اكيد ده بالنسبالك حاجة دميلة دميلة
:box:
ههههههههههههههههههه
:cc_rip:

منورانا يا سكرة

:1:

مرسى يا جميل ده نورك والله

شايفه بيعملو فيا ايه يا هبه
يرضيكى كده برضه
بس برضه مش هقول ماذا يمثل ا. م .ر
:1::1::1:

sweet girl

10-15-2009, 10:04 PM

هههههههههههههه

لا و الله يا هبه
انا خ . أ . م
تبع حد تانى

ههههههههههههههههههههه

دا تخليص حق بس مش حاجه تانيه

ههههههههههههههههههههههههههههههههه

هههههههههههههههههههههه
هههههههههههههههههههههه

طيب يا خ . ا . م
خلص براحتك:bones:
بس ليك يوم برضه :11vil::11vil::11vil:

sweet girl

10-15-2009, 10:09 PM

ياجماعة انتوا عمالين تسألوا

وفين هى هند أصلا
دى شكلها هربت من الاسئلة
عموما انا حزود سؤال واحد بس
عشان تيجى تلاقى الأسئلة اتكومت عليها
تقوم متعرفش تجاوب حاجة خاااااالث
طبعا انا معرفكيش بس بما انك فى منتدانا
فهتلاقى اللى يعرفك واللى ميعرفكيش بيهبد
أسئلة ويمشى وانا دورت فى مشاركتك ولقيت سؤال
ممكن يكون سهل بس اللى جاى أسهل
لمن تقولى :
س
ربنا ما يحرمنى منك ولا من ضحكتك ديه ابدااااا

بس كدا وانتظرى الاسئلة القادمة ,,,,,

ههههههههههههههههههههههه

اهلا اهلا
ده انتو اتفقتوا عليا بقا
امممممممممم
بس انت فهمت الجمله غلط :animation343py:
الجمله ديه بالتحديد كنت كاتباها لصاحبتى:1::1::1:
ههههههههههههههههههههههههههههههه
ههههههههههههههههههههههههههههههههه
معلش بقا يا كريم اوت المره ديه:D:D
هههههههههههههههههههههههههههههههه
وفى انتظاااار الاسئله برضه
هههههههههههههههههههههههههههه

raul

10-15-2009, 10:56 PM

انا جيت

1-متى تشعرين بالملل؟؟؟
2-تقدرى تعيشى برة مصر؟ وليه؟
3-مين اكتر شخصية تركت بصمة فى حياتك؟
4-مين مثلك الاعلى؟
5-هل عندك شجاعة تقولى اللى يخطر على بالك لاى حد؟
6- اكتر حاجة ندمتى عليها فى حياتك كلها؟
7-بصراحة كدة بتحبى نفسك اكتر ولا الناس اكتر ؟ وايه دليلك على ردك؟؟؟؟؟

شكرا

KAREEM

10-16-2009, 01:01 AM

ههههههههههههههههههههه
الله ينور يا حووووووووودة
وبعد اذنك حزود سؤال 8
سألتهولك قبل كدا لو فاكر
عشان بس بتحسبنا احنا مبنعرفش نسأل
وانا كنت مـاكد من الجابة دى على فكر ياهند
بس حبيت أوقعك فى الكلام
السؤال بيقول ( معاكى ورقة وقلم ؟ مش لازم خلاص )
أكتر لحظة فى حياتك كنتى تتمنى الارض تنشق وتبلعك ؟ ؟ ؟
حلو أوى السؤال دى يلا يا هنوووووود اشربى

sweet girl

10-16-2009, 06:40 PM

انا جيت

نورت البيت
1-متى تشعرين بالملل؟؟؟
لما ابقى فروتين ونفس النظام يعنى يبقى مفيش تغيير فى حياتى او فاليوم بحس بملل اوى لانى مبحبش النظام الاعتيادى او الروتين بحب التغييييييروبحس بملل لما يبقى المفروض انى انجز شئ والاقى نفسى مش قادره عليه
2-تقدرى تعيشى برة مصر؟ وليه؟
اه اقدر بس مش عايزه كده عشان اهلى وصحابى مبحبش ابعد عنهم ولانى مبحبش لا الفراق ولا الوداع لكن عندى القدره على كده
3-مين اكتر شخصية تركت بصمة فى حياتك؟
محدش ترك اى بصمه فحياتى :confused::confused:
4-مين مثلك الاعلى؟
اكييييد طبعا الرسول صلى الله عليه وسلم
لكن من الاشخاص اللى اتعاملت معاهم من الناحيه العلميه هو دكتور محمد رجب فعلا هو شخصيه فريده من نوعها وبتمنى لو ابقى زيه فحاجات كتير اوى
اما من الناحيه الحياتيه فمثلى الاعلى بابا
5-هل عندك شجاعة تقولى اللى يخطر على بالك لاى حد؟
اى حد اللى هو مين يعنى ؟؟؟ لو تقصد اى حد من صحابى او اهلى او كده يعنى اه عندى الشجاعه لكن لو تقصد حد معرفهوش فانا برضه عندى الشجاعه لكن محبش انى اقول لاى حد لان بعتبر ديه حاجات خاصه ومش المفروض ان اى حد يعرفها
6- اكتر حاجة ندمتى عليها فى حياتك كلها؟
يااااااه يا راؤل كتير اوى والله بس الندم بيبقى فساعتها لكن بعد كده بلاقى ربنا عوضنى بحاجه تانيه فبرجع اتبسط تانى وببقى كانى مندمتش على حاجه
7-بصراحة كدة بتحبى نفسك اكتر ولا الناس اكتر ؟ وايه دليلك على ردك؟؟؟؟؟

لا على فكره انا مبحبش نفسى خااااالص يمكن تستغرب او تحس انى ببالغ لكن اللى يعرفنى كويس يعرف عنى كده يمكن ده لاحساسى انى مقصره فحاجات كتير ..... بحب الناس اكتر وبفضلهم عن نفسى كتير اوى لكن للاسف بلاقى منهم العكس وده بيتعبنى اوى وبيحسسنى بالسذاجه وانى لسه مفهمتش الحياه ولا الناس احيانا بتوصل لانى اكره وجودى او اتمنى انى ابقى لوحدى على طول ومتعاملش مع حد اطلاقا حتى لو فاكر الكلام اللى كتبته فسين وصاد وانت رديت وقلتلى مالك لو فاكره هتفهم كلامى ده
مش فاهمه تقصد ايه بدليلى على كده ياريت لو توضحلى عشان اجاوبك

شكرا
العفو يا فندم

abdallah elrefaiey

10-19-2009, 02:35 AM

اتمني اكون ضيف
بس قريب اووووووووووووووووووووووووووووووووووووووي

raul

10-20-2009, 12:52 AM

يالا يا هند
اختارى حد بقى
كفاااااااااااااااااااااية عليكى اوى كدة

ايه ده؟؟؟
ههههههههههههههة ..انا بهزر طبعا يا هنود
اكيد انتى عارفة كدة
منورة
د

ALY ELSAYED

10-20-2009, 02:44 AM

منورانا والله يا هند

وانتي ضيفه جميله وعزيزه علينا

بس ليه مجوبتيش علي السؤال الي كتير سئلوه

هههههههههههه

وانا حسئلك كام سؤال خفاف كده

1-نفسك فى ايه علشان تكون سعيد و راضى؟

2-بتبكى قدام الناس و له بتستكبر تعمل كده؟
3
-هو فى كرامة فى الحب,يعنى انتي مع العبارة دى؟

sweet girl

10-23-2009, 04:02 PM

انا متأسفه اوى اوى يا جماعه على تأخيرى فى الرد وتعطيلى للبرنامج :embaressed_smile::embaressed_smile:
بس انا كنت مشغوله شويه الايام اللى فاتت

زهرة

10-23-2009, 04:19 PM

منورة يا احلى ضيفه شويه كدا افكر وارجعلك بكام سؤال متقلقيش هظبطك هههههه

sweet girl

10-23-2009, 04:23 PM

منورة يا احلى ضيفه شويه كدا افكر وارجعلك بكام سؤال متقلقيش هظبطك هههههه

متشكره اوى يا جميل
ده نورك والله
بانتظار اسئلتك يا قمر بس خليكى حنينه عليا شويه:D

sweet girl

10-23-2009, 04:26 PM

بالنسه لسؤالك يا كريم
فانا اتمنيت ان الارض تتشق وتبلعنى يوم نتيجه تانيه ثانوى
كان يوم صعب اوى ونتيجه مخزيه وغير متوقعه
بصراحه ده الومقف اللى حاضر فى ذهنى دلوقتى انما اكييييد فى مواقف تانيه كتيييييير:D:D:D

sweet girl

10-23-2009, 04:29 PM

اتمني اكون ضيف
بس قريب اووووووووووووووووووووووووووووووووووووووي

ان شاء الله يا عبدالله
نورتنا واسعدنا انضمامك لينا

الورده البيضاء

10-23-2009, 04:41 PM

ههههههههههههههههههههههه
اية حكاية اية ام ار دة ياهند
انا عايزة اعرف
ونبى ونبى
ههههههههههههههههههههه

sweet girl

10-23-2009, 04:45 PM

[quote=ALY ELSAYED;198610]
منورانا والله يا هند
ده نورك والله يا على

وانتي ضيفه جميله وعزيزه علينا
متشكره اوى يا على ديما منورنى بردودك الجميله وكلامك الذوق
ربنا يكرمك

بس ليه مجوبتيش علي السؤال الي كتير سئلوه

هههههههههههه
ههههههههههههه
قولت اعند بقا
اصلى دماغى ناشفه عالاخر

وانا حسئلك كام سؤال خفاف كده
اتفضل

1-نفسك فى ايه علشان تكون سعيد و راضى؟
اممممممم
السؤال ده صعب اوى يا على
بس عشان احس الاحساس ده محتاجه لحاجات كتير اوى
محتاجه احس فالاول ان ربى راضى عنى واهلى كمان واحس انى مش مقصره معاهم
ومحتاجه انى اوصل لمكانه محترمه فمجالى واقدر اتواصل فيها
ومحتاجه كمان ان ربنا يكرمنى ومأسيئش اختيار رفيقى فالحياه لانه المفروض يكون سندى وقدوتى
امممممم
بس كفايه كده
ههههههههههههههه

2-بتبكى قدام الناس و له بتستكبر تعمل كده؟
لا مبستكبرش خااالص وببكى قدام الناس لكن انا اصلا من النوع اللى بيكتم وجعه جواه ومبيظهرش لحد
لكن لو كنت خلاص مش قادره اخبى ببكى قدام الناس
لانى شايفه ان البكاء او الدموع مش ضعف بالعكس ديه تفريج للنفس
3

-هو فى كرامة فى الحب,يعنى انتي مع العبارة دى؟
بص يا على اكيد كل حاجه فحياتنا لازم يبقا فيها كرامه وانا شايفه ان الحب اساسا اصله كرامه او مبنى على الكرامه
واحترام الطرفين لبعضهم لكن ده مش معناه انى مع اتفه سبب اتنازل عن الحب واقول لأ عشان كرامتى زى ما فى كرامه فالحب فى تنازل وتضحيه
يارب تكون وجهه نظرى وضحت
ومتشكره ليك اوى
[/quot

الورده البيضاء

10-23-2009, 04:53 PM

تصدقى ياهند انا معرفش انتى فى كلية اية لغاية دلوقتى؟
انتى فى كلية اية؟؟؟؟؟؟؟؟

abdallah elrefaiey

10-23-2009, 04:55 PM

المره دي انا مسامح بس بلاش تتكرر

حمد لله علي السلامه ودايما منوره المنتدي:box:

sweet girl

10-23-2009, 04:56 PM

تصدقى ياهند انا معرفش انتى فى كلية اية لغاية دلوقتى؟
انتى فى كلية اية؟؟؟؟؟؟؟؟

ههههههههههههههههههههه
على فكره انتى نسايه اوى يا ايمى
هههههههههههههههههههه
انا يا سيتى فى كليه العلوم الزراعيه
والله انا خايفه تيجى تسالينى انتى اسمك ايه:1::1:

خالد أبوسعده

10-23-2009, 07:10 PM

يا هند

بقالك كتير كدا كفايه عليكى

سامحناكى كلنا خلاص

اختارى حد بعدك

ياخدله الى فى النصيب

sweet girl

10-23-2009, 08:08 PM

المره دي انا مسامح بس بلاش تتكرر

حمد لله علي السلامه ودايما منوره المنتدي:box:

ههههههههههههههههه
مرسي ربنا يخليك:1::1:

sweet girl

10-23-2009, 08:09 PM

يا هند

بقالك كتير كدا كفايه عليكى

سامحناكى كلنا خلاص

اختارى حد بعدك

ياخدله الى فى النصيب

حاضر يا خاااااالد

همشى اهو
وربنا يعين اللى بعدى والله

sweet girl

10-23-2009, 08:11 PM

يالا يا هند
اختارى حد بقى
كفاااااااااااااااااااااية عليكى اوى كدة

ايه ده؟؟؟
ههههههههههههههة ..انا بهزر طبعا يا هنود
اكيد انتى عارفة كدة
منورة
د

اوك يا راؤؤؤل
ومرسي على الضيافه الحلوه ديه
واختار بعدى

الورده البيضا

spider girl

10-23-2009, 09:33 PM

كنتى منورة الضيافه يا هدهوده:11rob::11rob:

ومنتظرين اعترافاتك يا وردتنا :1::1::1:

sweet girl

10-23-2009, 10:31 PM

متشكره يا حبيبى ده من ذوقك والله
ربنا يكرمك
ومستنين الورده

Ma7amed Adel

10-24-2009, 02:37 AM

كنتى منوره يا هند وننتظر الورده الجميله بتاعت المنتدى

الورده البيضاء

10-24-2009, 11:01 AM

اوك يا راؤؤؤل
ومرسي على الضيافه الحلوه ديه
واختار بعدى

الورده البيضا

بقى كدة ياهند؟
والله كنت فكراكى بتهزرى
طلعتى بتتكلمى جد
ههههههههه
ميرسى ياجميل

الورده البيضاء

10-24-2009, 11:02 AM

كنتى منورة الضيافه يا هدهوده:11rob::11rob:

ومنتظرين اعترافاتك يا وردتنا :1::1::1:

من عينية ياجميل
بس يلا ورونى الاسئلة وانا اجاوب على طووووووووووول

الورده البيضاء

10-24-2009, 11:03 AM

كنتى منوره يا هند وننتظر الورده الجميله بتاعت المنتدى

ربنا يخليك يامحمد يارب
يلا فين الاسئلة؟

هاجر

10-24-2009, 02:03 PM

امووووووووووووولة حبيبة هارتى
تصدقى دخلت ف الوقت المناسب
ههههههههههههههه والله وحشانى جداااا وشكلى حطلعو عليكى ف الاسئلة
هههههههههه انتظرينى بقى مش حرحمك

الورده البيضاء

10-24-2009, 02:11 PM

امووووووووووووولة حبيبة هارتى
تصدقى دخلت ف الوقت المناسب
ههههههههههههههه والله وحشانى جداااا وشكلى حطلعو عليكى ف الاسئلة
هههههههههه انتظرينى بقى مش حرحمك

جووووووووووووودى حبيببببببببببببى
انتى اللى وحشانى والله كتييييييييييييير
انا فى انتظار اسئلتك
بس بقولك اية بلاش الاسئلة اللى ممممممممممممم
هاة؟
ههههه
فهمانى طبعا خليكى حلوة

raul

10-24-2009, 04:26 PM

منورة يا امولة

الاسئلــــــــــــــــــــــــــــــــــــــــــــ ة :

1-اوصفى نفسك فى سطر واحد؟
2-ايه اكتر حاجة بتخافى منها ؟
3-اكتر حاجة بتخليكى مبسوطة وطايرة من الفرح ؟
4-لو عايزة تعيشى بره مصر .. تختارة انهى بلد وتعيشى فيها ؟
5-ايه رأيك فى شباب اليومين دول ؟
6-كان نفسك تعيشى فى الزمن ده ولا زمن تانى ؟ مع ذكر الزمن اللى انتى عايزة تعيشى فيه
7-ممكن الحياة توقف عند حد؟؟؟
كفاية كدة عليكى يا امولة

الورده البيضاء

10-24-2009, 05:02 PM

منورة يا امولة

دة نورك
الاسئلــــــــــــــــــــــــــــــــــــــــــــ ة :

ايوووووووووووووووون
1-اوصفى نفسك فى سطر واحد؟
سؤال صعب اوى
انسانة عايشة فى الدنيا كنت بامن ليها اوى لكن اكتشفت انى كنت غلطانة ولازم مامنش ولا ليها ولاللى عايشين عليها
2-ايه اكتر حاجة بتخافى منها ؟
ا
ان اى حد عزيز عليا يضيع منى
3-اكتر حاجة بتخليكى مبسوطة وطايرة من الفرح ؟
اما بكون فى حضن والدتى او اشوف حد عزيز عليا بقالى كتير مشوفتوش يووة ببقى سعيدة جدااااااا وكمان انا وبين صحابى فى قمة سعادتى
4-لو عايزة تعيشى بره مصر .. تختارة انهى بلد وتعيشى فيها ؟
تؤ مش عايزة اعيش برة مصر انا بعشق مصر
5-ايه رأيك فى شباب اليومين دول ؟
هههههههههههههههههههههه
جيت عالوتر الحساس
بص ياسيدى فى منهم الكويس وفى الوحش اللى لاحظتة ان نسبة الشباب اللى مش كويس تحت عمر 22 او23 اكبر من الكويس
وبتلاقى العكس اما تشوف فئة 24 فيما فوق
بمعنى اصح الشاب بيبتدى يعقل بعد مايخلص جامعة والدلع يروح للاسف مش بيلحق نفسة بدرى بدرى
ربنا يهدى
6-كان نفسك تعيشى فى الزمن ده ولا زمن تانى ؟ مع ذكر الزمن اللى انتى عايزة تعيشى فيه
كان نفسى اعيش فى زمن عبد الحليم حافظ وزمن جدى وجدتى زمن الوفاء وصفاء النفس والضمير والحب لوجة الله
7-ممكن الحياة توقف عند حد؟؟؟
اكيد الدنيا مش بتقف عند حد معين ناس بتعيش وناس بتموت واهى ماشية الدنيا ومش هاممها حد
كفاية كدة عليكى يا امولة
ميرسى اوى اوى عالاسئلة الجميلة دى يامحمود
يلا هل من اسئلة اخرى؟
انا عايزة اسئلة كتيييييييييييييييييييير يلالالالالا

طالبة جامعية

10-25-2009, 12:52 PM

حلو اوى التوبيك دة
ممكن تسمحيلى اسالك؟
اية هو الحلم اللى حلمتية ومش قادرة تحققية؟
كم مرة حبيتى؟
اية معنى الحب بالنسبالك؟
اسمك اية؟
بتمثلك اية الحياة؟
نفسك توصلى لفين كطموح؟
كفايا كدة
ولينا عودة

الورده البيضاء

10-25-2009, 02:09 PM

حلو اوى التوبيك دة
ممكن تسمحيلى اسالك؟
طبعاااااااااااااااااااا
اية هو الحلم اللى حلمتية ومش قادرة تحققية؟
هو انا حلمت انى ادخل مساحة هو دة حلمى والوحيد دلوقتى ولسة معرفش نتيجتة اية لانى فى اولى
كم مرة حبيتى؟
مكانش حب دة كان لعب عيال يعنى
ههههههههههههه
بس هى مرة واحدة وزى مابقولك لعب عيال
اية معنى الحب بالنسبالك؟
زمان كان فى حب
اسمك اية؟
امل
بتمثلك اية الحياة؟
حاجة مفروضة عليا ولازم نعيشها بحلوها ومرها

نفسك توصلى لفين كطموح؟
مساحة واكمل دراسة
كفايا كدة
ولينا عودة
تامرى ياجميل

ميرسى ليكى عالاسئلة الجميلة والصعبة:)

abdallah elrefaiey

10-26-2009, 12:10 AM

اولا انا بر حب بيك في المنتدي وليا سوال واحد

انتي مين في الدنيا حاليا
ونفسك تكوني مين

طالبة جامعية

10-26-2009, 05:00 PM

انا اتشرفت بيكى ياامل

اية اكتر اغنية بتحبيها ولية بتحبى دى بالتحديد؟
لو عرفتى ان حبيبك خانك هتعملى اية؟
من اللى لاحظتة انك شخصية مرحة اوى ولكن موضوعاتك فى قسم الفنون والمواهب كلها حزينة جدا ياترى اية السبب؟
اية اهم عندك الحب والجواز ولا التعليم والدراسة؟
اية هو ستايل لبسك المفضل؟
مين اكتر حد بتثقى انك تحكيلة كل اسرارك؟
ليكى صحاب ولا لا؟
لينا عودة

الورده البيضاء

10-27-2009, 08:46 AM

اولا انا بر حب بيك في المنتدي وليا سوال واحد

انتي مين في الدنيا حاليا

انا انسانة عايشة فى الدنيا
هدفى ارضاء ربى ورسولة صلى الله علية وسلم
واخذ رضاء والدى ووالدتى وحب الناس
وانى اكون مجتهدة فى دراستى

ونفسك تكوني مين

امممممممممممممممممممممممم
السؤال دة يتمثل فى طموحاتى مش كدة؟
انا نفسى ادخل مساحة وبعدين اكمل دراسة
دراسات وماجستير وهكذا
الله الموفق
الف شكر لحضرتك

الورده البيضاء

10-27-2009, 08:55 AM

انا اتشرفت بيكى ياامل
دة شرف ليا
اية اكتر اغنية بتحبيها ولية بتحبى دى بالتحديد؟
اغنية شادية خلاص مسافر
بحبها جدا وهتستغربى اما تعرفى انى معرفش اية السبب
بس بحب اسمعها كتير جدا ومش بزهق منها خالص
لو عرفتى ان حبيبك خانك هتعملى اية؟
بصى هو انا دلوقتى عشان مش فى الموقف احتمال اقول رد عاقل شوية لكن لو حصلى الموقف نفسة مع اضطرابى مش عارفة انا ممكن اعمل اية
بس على مااعتقد انى ممكن اواجهة الاول ولو ثبتت علية الخيانة واصر على انة مش هيرجع عنها يبقى ملناش نصيب مع بعض لكن لو اعتزر وودعنى انة مش هيعملها تانى فربنا بيسامح البشر مش هتسامح؟
ملحوظة :فى بعض الخيانات تغتفر والبعض لايغتفر

من اللى لاحظتة انك شخصية مرحة اوى ولكن موضوعاتك فى قسم الفنون والمواهب كلها حزينة جدا ياترى اية السبب؟
هههههههههه
سؤال صعب ياجميل ممكن اقول فيتو؟
اية اهم عندك الحب والجواز ولا التعليم والدراسة؟
اكييييييييييد طبعا وحتما ولابد
التعليم طبعا:d

اية هو ستايل لبسك المفضل؟
الملابس المريحة
مين اكتر حد بتثقى انك تحكيلة كل اسرارك؟
بصى ياجميل
انا ليا 3 بنات صحابى اوووووووووووى اوووووووى ودول اللى ممكن احكيلهم مشاكلى او مواقفى ولكن مش كل حاجة برضو بتتحكى احب احتفظ ببعض الامور فى نفسى
ليكى صحاب ولا لا؟
اها
ليا الحمد لله
لينا عودة
بس ونبى بلاش الاسئلة التقيلة دى :d
وياريت ياجميل لو تعرفينا على نفسك

ميرسى ياجميل عالاسئلة

اسامه البنا

10-28-2009, 10:50 AM

الله ينور يا امل منوره الكرسي

Ma7amed Adel

10-28-2009, 12:12 PM

انا بقى اسئلتى جديده يا امل ويارب تعجبك
_من هو العضو اللي تتمني اول مااتدخل المنتدي تشوفه وتتضايق اذا مالقيته؟

2_من هو العضو اللي يهمك رضاه ومايهون عليك تزعله؟

3_من هو العضو اللي تتمنى تتعرف عليه معرفة شخصية ويكون قريب منك؟

4_من هو العضو اللي تتمنى تتواصل معاه اكثر مثلاً من خلال( الايميل، الماسنجر،....)؟

5_من هو العضو اللى صار بينك وبينه موقف محرج؟

6_من هو العضو اللى تحرص على قراءة ردوده ؟؟

7_ من هو العضو الاكثر تواجد في المنتدي؟؟

8_من هو العضو اللي تحسه توأم روحك في المنتدي؟؟

9_من هو العضو اللي تتمني ماايخرج من المنتدي؟

10_من هو العضو اللي تنتظر رجوعه للمنتدي؟؟

11_ من هو العضو اللي يعجبك باسلوبه؟؟

12_ضع العضو في المكان المناسب؟؟
1- (( ...............)) عضو توقيعه جميل .
2- (( ....................)) عضو نشيط بصراحة .
3_ ((......................... )) عضو مفقود .
4- ((.................. )) عضو ملقوف بس خفيف دم .
5- (( ....................)) عضو واثق من نفسه .
6- ((............................ )) عضو داخل مزاجي .
7- ((........................ )) عضو أتمنى ألتقي به .
8- ((........................ )) عضو تحس أنه مثقف .
9- ((..................... )) عضو ودي أعرف معنى اسمه .
10- ((........................ )) عضو ودي أغير اسمه .
11- (( .......................)) عضو أحس انه شايب .
12- ((...................... )) عضو تحسك يفهمك .
13- ((..................... )) عضو ودي أقول له صح لسانك .
14- (( ................)) عضو يناسبه لقب ( الطموح ) .
15 ـ ((.................... )) عضو تحس ان خفاش دايما يرد بسرررعه ......
16 ـ (( .................)) عضو عاجبك اسمه .
17 ـ (( ...........................)) عضو يستحق الإشراف .
18- (( ....................)) عضو ودي تطلع معاه
19 - ((........................ )) عضو يستاهل الأحترام والتقدير
20 -((......................... )) عضو دوم خفيف ويضحك
21 -((...................... )) عضو تعطية درجة امتياز بجدارة
22-(( .....................)) عضو تحب تتناقش وياه دائما
23_((........................... )) عضو تهديه وردة جميله
24_((.................... )) عضو تقول له لاتخرج من المنتدي

abdallah elrefaiey

10-28-2009, 03:02 PM

جميل بس انا هنا

الورده البيضاء

10-28-2009, 09:39 PM

الله ينور يا امل منوره الكرسي

ميرسى يابشمهندس دة نور حضرتك

farida

10-30-2009, 07:29 PM

ALY ELSAYED

10-31-2009, 01:59 AM

الله ينور اموله

منواره والله الضيافه

وليا تعليق بسيط

اية اهم عندك الحب والجواز ولا التعليم والدراسة؟
اكييييييييييد طبعا وحتما ولابد
التعليم طبعا:d

اشك في الكلام ده

دافعي

الورده البيضاء

10-31-2009, 08:33 AM

تعرفي يا امل انا اول ما شوفت اسءلة محب صعبتي عليا

ههههههههههههههههه

ربنا يعينك بقي

انا عندي سؤال واحد دلوقتي

انتي مالك اليومين دول ؟كل ما اسالك تقولي مكتءبة

ليه بقي كل الاكتءاب ده كله؟

منورى يافيرى
ميصعبش عليكى غالى ياقلبى
هههههههههه
محب كل مااجى اجاوب اسئلتة النت يفصل بعد مااقرب اخلصها
لدرجة انى خايفة اجاوب هههههه
بس هاجمد قلبى واعمل لكل اجابة كوبى عشان لو النت فصل ابقى ضحكت على النت
هاجاوب على محمد وبعدين ارد عليكى ياقمر هو اللى سال الاول :d

الورده البيضاء

11-01-2009, 10:41 AM

تعرفي يا امل انا اول ما شوفت اسءلة محب صعبتي عليا

ههههههههههههههههه

ربنا يعينك بقي

انا عندي سؤال واحد دلوقتي

انتي مالك اليومين دول ؟كل ما اسالك تقولي مكتءبة

ليه بقي كل الاكتءاب ده كله؟

هههههههههههههههههه
انا تعبت
هارد عليكى انتى وعلى وبعدين ارد على محب وهو وحظة المرادى
اولا صعب اقولك على اللى كااااااااااااااااان
ها؟
شايفة كان دى؟
هههههههههههه
على اللى كان مضايقنى
يابنتى انا مقولتلكيش واحنا بين بعتينا هاقولك عالمنتدى؟
هههههههههههه
يازيكاس
ميرسى اوى اوى ليكى يالينا

الورده البيضاء

11-01-2009, 10:43 AM

الله ينور اموله

منواره والله الضيافه

وليا تعليق بسيط

اية اهم عندك الحب والجواز ولا التعليم والدراسة؟
اكييييييييييد طبعا وحتما ولابد
التعليم طبعا:d

اشك في الكلام ده

دافعي

ههههههههههههههههههه
حاضر ياافندم
لا متشكش ولا حاجة
انا عن نفسى صعب جدا جدا انى ممكن افضل الجواز عن الدراسة
انا الدراسة من اولوياتى
اولويااااااااااااااااااااااااااااااااااااااتىىىىىى ىىىىىىى
يعنى هى سندى الوحيد فى الدنيا
وبعدين اصلا لو اللى متقدملى دة بيحبنى فعلا وخايف عليا اكيد هيشجعنى انى اكمل دراستى مش انى اتخلى عنها عشان الجواز و .......
متخلنيش الخبط بقى ياعلى
هو حلو كدة على اجابة السؤال
ههههههههههه
ميرسى ليك جدااااااااااا

الورده البيضاء

11-01-2009, 11:01 AM

بقى اسئلتى جديده يا امل ويارب تعجبك

والله عجبانى جدا بس اظاهر ان انا اللى مش عجباها وبتهرب منى كل شوية
ههههههههههههههه

_من هو العضو اللي تتمني اول مااتدخل المنتدي تشوفه وتتضايق اذا مالقيته؟

كل اعضاء المنتدى احب دايما اشوفهم متواجدين زمايغيبو ابدااااااااااااااا

2_من هو العضو اللي يهمك رضاه ومايهون عليك تزعله؟

كل اعضاء المنتدى برضو
وعامة انا مش بحب حد يبقى زعلان منى ابدا ابدا

3_من هو العضو اللي تتمنى تتعرف عليه معرفة شخصية ويكون قريب منك؟
السؤال دة بالتحديد صعب شويتين
بس عايزة اقولك ان اقرب حد ليا هو الاء عيد
مع بعتينا انا وهى

4_من هو العضو اللي تتمنى تتواصل معاه اكثر مثلاً من خلال( الايميل، الماسنجر،....)؟

انا باحاول ابقى متصلة مع كل البنات اللى اعرفهم عالمنتدى

5_من هو العضو اللى صار بينك وبينه موقف محرج؟

ههههههههه
يلهوى
حصل موقف محرج جدا فى مرة كنت لسة جديدة
وفى عضو عامل موضوع عجبنى
وقعدت اتناقش معاة على انة بنت
ومندمجة اوووووووى وفى اخر الحديث الاقية بيقولى انا ولد
يلهوى كنت فى قمة الخجل والاحراج

6_من هو العضو اللى تحرص على قراءة ردوده ؟؟
ناس كتير اوى واخاف انسى منهم حد

7_ من هو العضو الاكثر تواجد في المنتدي؟؟
البشمهندس محمود سليم كل ماادخل بالاقية موجود
والاء عيد كمان

8_من هو العضو اللي تحسه توأم روحك في المنتدي؟؟
لووووووووووووووووولو متفقين جدا

9_من هو العضو اللي تتمني ماايخرج من المنتدي؟

كل اعضاء المنتدى
الله مايحرمنا منهم ابدا

10_من هو العضو اللي تنتظر رجوعه للمنتدي؟؟

احم احم احم
هو مش لاقية ان فى حد غايب اليومين دول بصراحة

11_ من هو العضو اللي يعجبك باسلوبه؟؟

ناس كتير جدا
احمد فتيحة
محمود سليم
حسن ميرا لولو هند
ومحب
يوة وناس تانية كتير
12_ضع العضو في المكان المناسب؟؟
1- (( كريم)) عضو توقيعه جميل .
2- (( ....اسراء انجيل....)) عضو نشيط بصراحة .
3_ ((..............ماهرو مش بيظهر كتير........... )) عضو مفقود .
4- ((............MEROOO...... )) عضو ملقوف بس خفيف دم .
5- (( ........اسلام ممدوح............)) عضو واثق من نفسه .
6- ((................ههههههههههههه يعنى اية فهمهالى دى............ )) عضو داخل مزاجي .
7- ((................كل بنات المنتدى........ )) عضو أتمنى ألتقي به .
8- ((.............اسلام ممدوح........... )) عضو تحس أنه مثقف .
9- ((............سانتا......... )) عضو ودي أعرف معنى اسمه .
10- ((..............فى عضوية لقيتها باسم ياسر الحزين .......... )) عضو ودي أغير اسمه .
11- (( ..............شايب دى اللى هى بمعنى عاقل اوى صح؟ امممممممممممم البشمهندس محمد الفرارجى.........)) عضو أحس انه شايب .
12- ((............تؤ متلاقيش
ههههههههههه.......... )) عضو تحسك يفهم .
13- ((............البشمهندس محمد الفرارجى صراحتة ممتازة ومش بيسكت عن الحق ابدا......... )) عضو ودي أقول له صح لسانك .
14- (( ........كريم........)) عضو يناسبه لقب ( الطموح ) .
15 ـ ((..........خالد ابو سعدة.......... )) عضو تحس ان خفاش دايما يرد بسرررعه ......
16 ـ (( .........اسمى عاجبنى الوردة البيضا ههههههههه........)) عضو عاجبك اسمه .
17 ـ (( .............كريم..............)) عضو يستحق الإشراف .
18- (( ...........لولو.........)) عضو ودي تطلع معاه
19 - ((................كل اعضاء المنتدى الكرام........ )) عضو يستاهل الأحترام والتقدير
20 -((..............ميرو وكريم وزهرة وهند ومحب........... )) عضو دوم خفيف ويضحك
21 -((.............انت يامحب على اسئلتك التحفة دى......... )) عضو تعطية درجة امتياز بجدارة
22-(( ..........مفيش حد معين عادى يعنى...........)) عضو تحب تتناقش وياه دائما
23_((................لكل اعضاء المنتدى........... )) عضو تهديه وردة جميله
24_((............كل الاعضااااااااااااااااء........ )) عضو تقول له لاتخرج من المنتدي

الورده البيضاء

11-01-2009, 11:03 AM

انا مش مصدقة نفسى
معقولة جاوبت على اسئلة محب؟؟؟؟؟
لولووووووووووووووووووووولى
هههههههههههههههههههههههههههههههههه
احمدك يارب
والله اسئلة كانت جميلة جدا جدا يامحب
واتزنقت فى كام سؤال كدة
هههههههههههه
بس اتصرفت الحمد لله
ههههههههههههههههههههههههه
ميرسى اوى اوى ليك يامحب

حسام المصرى

11-01-2009, 02:01 PM

انا اول مره اسأل حد لانى لسه مشترك اصلاااا

اسئلة سهلة كده فى الاول علشان مش عايزك تكرهينى ههههههه

1- رأيك ايه فى قرار شيخ الازهر بخصوص النقاب ؟

2-رأيك ايه فى استايل المنتدى ؟ جاوبى بصراحة الناس هنا طيبة وبتتقبل النقد

3- رأيك ايه فى خطاب الرئيس امبارح ؟ وايضا فى خطاب احمد عز والتناقض الفظيع اللى حصل بين الخطابين ؟

يلا قولى رأيك فى مواضيعى انا ههههههههههه علشان نغير جو الاسئلة احسن حد يزعل

اسامه البنا

11-06-2009, 07:43 PM

منوره الكرسي يا ورده

بس انتي بقي شدي حيلك وجاوبي علي الاسئله

علشان تقرري يمن؟ الي بعدك

abdallah elrefaiey

11-07-2009, 01:48 PM

منوره ياورده في البدايه عايزين بطاقه تعريف سريعه كده

الورده البيضاء

11-21-2009, 02:35 AM

انا اول مره اسأل حد لانى لسه مشترك اصلاااا

اسئلة سهلة كده فى الاول علشان مش عايزك تكرهينى ههههههه

لا ولا يهمك

1- رأيك ايه فى قرار شيخ الازهر بخصوص النقاب ؟

مش معاة اطلاقا طبعا
2-رأيك ايه فى استايل المنتدى ؟ جاوبى بصراحة الناس هنا طيبة وبتتقبل النقد

تحفففة والله بجد
وانا مش بجامل على فكرة:d
3- رأيك ايه فى خطاب الرئيس امبارح ؟ وايضا فى خطاب احمد عز والتناقض الفظيع اللى حصل بين الخطابين ؟

انا عن نفسى مش مايدة القرار اللى قالة دا عايز يبقى الحكم وراثى بالطريقة دى
مانرجع بقى للحكم الملكى زى زمان وعاش الملك وعاش ابن الملك احسن
لا مش معاة خالص

يلا قولى رأيك فى مواضيعى انا ههههههههههه علشان نغير جو الاسئلة احسن حد يزعل

ههههههههههههههههههه
بجد مواضيعك جميلة جدا ياحسام ولونها قليلة بس حلوة جزاك الله كل خير
الف شكر ليك ولاسئلتك

الورده البيضاء

11-21-2009, 02:36 AM

منوره الكرسي يا ورده

بس انتي بقي شدي حيلك وجاوبي علي الاسئله

علشان تقرري يمن؟ الي بعدك

دا نورك يابشمهندس
حاضر

الورده البيضاء

11-21-2009, 02:39 AM

منوره ياورده في البدايه عايزين بطاقه تعريف سريعه كده

اسمى امل
الفرقة الاولى قسم الجغرافيا ونظم المعلومات الجغرافية كلية الاداب جامعة اسكندرية
18سنة
عندى 3 اخوات بنتين وولد انا الكبيرة

الورده البيضاء

11-21-2009, 02:41 AM

اختار البشمهندس اين جمال يكون بعدى فى الضيافة

الورده البيضاء

11-21-2009, 12:01 PM

البشمهندس ايمن جمال كان فى الضيافة قبل كدا
وبما ان البشمهندس محمد هاشم رجعلنا بالسلامة
فان شاء الله يكون البشمهندس محمد هاشم فى الضيافة

ALY ELSAYED

11-25-2009, 02:36 AM

الله ينور عليكي يا امل

وكنتي ضيفه جميله علينا كلنا ونورتي البرنامج

واختيار موفق منك للبشمهندس محمد هاشم

الي حينورنا ويزدنا شرف بضيافته

جزاكم الله كل خير

Mohamed Hashem

11-25-2009, 02:58 AM

كل عام وانتم بخير جميعا
ودا شرف ليا اكون فى ضيافتكم
ويارب اكو خفيف على قلوب الجميع

اسامه البنا

11-25-2009, 10:51 AM

ديه هتبقي احلي ضيافه في الدنيا يا هندسه

كفايه انك مشرفنا في الضيافه

AYMAN GAMAL

11-25-2009, 03:07 PM

samomran

11-25-2009, 03:21 PM

محمد الفرارجي

11-25-2009, 08:44 PM

فينك يا كبير؟

استلم يا ريس

عايزين نتكلم عن المنتدى يا كبير
الكلام القديم بتاعنا
عايزين شوية تظبيط

Mohamed Hashem

11-26-2009, 12:18 AM

ديه هتبقي احلي ضيافه في الدنيا يا هندسه

كفايه انك مشرفنا في الضيافه

شكرا جزيلا يا اسامه دا من ذوقك والله

Mohamed Hashem

11-26-2009, 12:27 AM

ازاي حضرتك يا هندسة

طبعا عارف يعني ايه برنامج في ضيافة فلان

حاجة كده زي جوانتنامو

http://www.aljazeera.net/mritems/images/2007/1/9/1_667585_1_34.jpg

اهم ما في الموضوع ان الناس هنا مش بترحم

و بما انك الضحية

احب اقولك اننا هنستلمك تحقيقات

و اول فوج من الاسئلة وصل
السؤال بيقول:

1-كل سنة و انت طيب بمناسبة عيد الاضحى المبارك قولنا بقى هتعمل ايه في اول يوم العيد؟

2-ايه اكتر عيد عدى عليك و كنت مكتئب جدا فيه؟

3-ايه هيه السلبيات اللي بتكرهها في ايام العيد من الناس؟

مون صديقى العزيز
كل سنة وانت طيب ....... وليه بتخوفنى كده بجوانتانامو ...... انا اخوكم برضه ههههههههه :) :) :)

أول يوم فى العيد .. بصراحه بأعمل تقليد قديم جدا .. كلنا اتعودنا عليه
بأفتكر به أيام طفولتى .. طبعا سهره للصبح بلا نوم ليلة الوقفة
ثم لعب مع الخرفان .. مع أطفالى
ثم الصلاة والدبح .. والفطار : الفته واللحم الضانى المسلوقه وما إلى ذلك
يلى ذلك ... نوم عميق حتى صلاة العصر :animation343py:
لكن المره دى أعتقد حنروح نصلى الجمعه ...
وبالليل نبدأ فى التجمع فى بيت العيلة .. زمان كان بيت والدى الله يرحمه لكن دلوقتى أصبح بيت عمتى
دا اللى حأعمله أول يوم العيد .. أتمنى إنى ما أكونش صدمتكم .. :cc_confused:

أكتر عيد عدى عليا وكنت مكتئب جدا ... عيد الفطر المبارك عام 1996
لأن والدى توفاه الله أول يوم فى العيد ده

أكبر سلبية فى حياتنا .. الناس فى الأعياد أثناء قضاء حاجياتهم بيحصل لها حاله من العصبية المخلوطه بدهشة الهيجان البيئى وعليها شويه من اللامبالاة والسلبية ... بصراحه البنى آدمين فى الشوارع ... على رجليهم أو سايقين عربياتهم ... بيشتروا أو بيبيعوا ... كلهم بلا إستثناء ... فى الأعياد بيتحولوا إلى سيرك أو ممكن نقول جزء من الغابة

Mohamed Hashem

11-26-2009, 12:56 AM

ايه النور ده

حتكون ضيافه جميله جدااااااااااااااااا

انا من يوم ما كنت على الكرسى ما دخلتش هنا

لكن ده يحكون فى مطر اساله عليك يا باش مهندس

و بما انك الضحيه:ghostface:

فنبدا الفوج التانى

1- راى حضريتك فى المنتدى بشكل عام قبل ما تنورنا فى طاقم الاشراف
2-عرفت المنتدى منين:g:
3- هل كان هدفك من الدراسه انك تشتغل فى المساحه البحريه:chris:
4-اسم الشركه اللى شغال فيها و الوظيفه و الدرجه
5-البلاد اللى سافرتها
6-هل انت راضى عن المستوى اللى وصلت ليه فى شغلك و مهنتك
7-حلم ليك لسه ما حققتهوش
8-كلمه مصر ماذا تعنى لك
9-نصيحه لطلاب قسم الجغرافيه شعبه مساحه
10-نصيحه لطلاب قسم جغرافيا شعبه نظم
11-نصيحه لينا احنا كاخواتك
12-كلمه لكل المنتدى تعبر فيها عما بداخلك
13-كلمه لاطفالك

و فى النهايه اعبر عن مدى سعادتى ان حضريتك منورنا جدااااااااااااااااا

و كل سنه و حضريتك طيب عشان العيييييييييييييييييد:eat:

رأى فى المنتدى قبل ما أنضم لطاقم الإشراف زى بعد ما انضممت لطاقم الاشراف .. كله زى الفل .. انتم مجتهدين ولذلك المنتدى كبير ما شاء الله .. كل ما أتمنى رؤيته أن يزداد الجانب العلمى كمان وكمان

عرفت المنتدى من صديق عمل دفعه 2007 وجدت لينك للمنتدى على صفحته فى الفيس بووك فذهبت أتفرج .. ووقعت ........ ههههههههههه فى هواه

فى الحقيقة أول عمل وجدته بعد التخرج كان فى المساحة البحرية ... ومن يومها حصل اللى حصل ... ههههه لكن لم أكن أقصد أختار فى البدايه ... ما تنساش ان الكلام دا حصل من 15 سنة ... يعنى الامور كانت مختلفه كتير عن دلوقتى ..

أنا بأشتغل فى شركة مصرية 100% وهى أول شركة فى مصر وشمال أفريقيا والشرق الأوسط ترفع علم مصر على سفن القطر والإمداد فى صناعة أستخراج الغاز والنفط من الحقول البحرية
عمرها أكثر من 30 سنة وربنا يزيدها كمان وكمان
ووظيفتى ROV Pilot/Tech والدرجة عال والحمد لله

البلاد التى زرتها : أنا سافرت الكويت والسعودية وانجلترا وماليزيا وسنغافوره ..

لا لسه كتير قوى على موضوع الرضا ده .. انت فى كل مرحلة تكتشف ان لسه قدامك كتير

أحلامى كثير قوى .. وعادية زى كل أحلامكم .. واللى لسه محققتهوش منها .. برضه كتير ..

مصر .. دى بلدى ...الوطن .. عارف ان فى حاجات كتير متعبه ووحشه فى البلد .. بس برضه بحبها .. وحافضل كده للآخر

النصيحة اللى تنفع مع الكل : ما تبطلش قراءة .. واوعى تنقطع عن المعرفه .. لو عدى عليك يوم معرفتش شئ جديد .. يبقى ما يتحسبش من عمرك

كلمه للمنتدى : مش عارف اقول ايه لناس مشفتهاش بعينايا بس شافهم قلبى .. وعمرى ما صافحتهم ..بس لمست أيديهم الممدوده بالخير للجميع ..

أقول لأطفالى : بحبكم