في ضيافه فلان ضيف الحلقه ( esraa) [الأرشيف] - الصفحة 12

Mohamed Hashem

12-03-2009, 05:28 PM

تسلم يا كارمو انت اللى منور
عرفت منين ؟؟؟؟؟؟؟؟؟؟؟؟؟؟ ههههههههههههههههههههه
عموما آخر رحلة فعلا كانت على سواحل البحر الأحمر .. جغرافيا هى رأس صغيره على الساحل جنوب القصير بحوالى 130 كيلومتر وإسمها رأس أم تنضبه Umm Tanduba أما مرسى علم فدى مدينة وليست على الساحل وإنما تبعد عن الساحل حوالى 15 كيلومتر وهى مدينة صغيره واكتسبت شهرتها من حاجتين : الاول السياحة فهناك تم اعلان المنطقة محمية طبيعية وهى فعلا تستاهل وكلها مناظر ساحره للجبل والصحراء النقية البكر فضلا عن المياه ما اقولكش على المناظر الساحره للمرجان الطبيعى واعماق بسيطة جدا 2 متر فقط يعنى اى واحد يستطيع بماسك او نظاره بحر وبلا اى اسطوانات يغطس ويتفرج على المرجان والكائنات الغريبة والاسماك الملونة اللى عايشه جواه ..
والسياح من كل العالم بينزلوا فى مركز غطس هناك ليوم او يومين علشان يتعلموا الغطس ويتفرجوا على اجمل سواحل البحر الاحمر
دا اللى شفته .. اللى سمعته كمان ان هناك منطقة فى البحر اسمها بيت الدولفين عايش فيها 5000 حيوان من حيوانات الدرفيل فى نطاق المحمية الطبيعية وبييجى لها زوار كتير جدا للغطس وللفرجه على الحيوان دا فى بيئته الطبيعية ولاسيما انه بيعمل حركات بهلوانية من نفسه كده كنوع من اللعب وبدون اى مدربين وكل ده فى بيته الطبيعى فى البحر ... اكيد المنظر دا تحفه .. والمكان الثانى اللى بيجذب الغطس السياحى هناك نقطة اخرى اسمها خليج القرش أو shark bay وهى فعلا مليئة بأسماك القرش بس قرش من النوع الرمادى العادى اللى أحجامه مش بتزيد عن المتر ونصف .. طبعا فى الماء ممكن يشكل خطورة ولكن لو محدش اثاره مش حيهاجم ومن حكايات السكان المحليين هناك .. واحد اسمه محمد من قبيلة اسمها العبابده (شغال فى مركز الغطس) محمد شرح لى ان القرش بيهاجم لما يخاف وان فى عشرين سنة صادف حادثه واحده لسائحة ايطالية تعرضت لهجمه القرش وكانت جروحها خطيره
الجديد فى الموضوع ان مرسى علم – ودا الموضوع الثانى لشهرة البلد – هى اكتشاف منجم ذهب الاكبر من نوعه فى العالم
وللحديث بقية

Mohamed Hashem

12-03-2009, 09:55 PM

منجم الذهب اللى بأكلمكو عليه ده أكبر منجم للذهب فى العالم وانا نفسى استغربت جدا لما سمعت الكلام ده .. لكن مسئول كبير من الشركة القائمة بالتنقيب (مصرى الجنسية) هو اللى قال لى كده ... وفيه استثمارات ضخمة جدا فى المنجم ده .. أعتقد انها حتعود على البلد بالخير ولو انه مفيش حاجه بتبان ابدا ... ويبدو ان كلامه صح جدا لأنى لاحظت - وزملائى أيضا - ان الرمال هناك .. رمال الصحراء العادية مختلطة بذرات دقيقة من الذهب .. طبعا مش حتصدقوا .. انا برضه مكنتش مصدق زيكو .. إلى ان شفت بعينى وسألنا طبعا فأكدوا لنا الملاحظة بل وسمعت ان طن الرمال يستخرج منه ما يوازى جرام .. وبالنسبة لعرق الذهب الأصلى .. مفيش أى معنى انهم يلتفتوا لذرات الذهب المتواجد فى الرمال ده
وبمعنى آخر انه استخراجه من الرمال غير مجدى اقتصاديا مقارنة بالمنجم الاصلى الذى يبعد 35 كيلو متر فى عمق الصحراء .. والطريف أن واحد من الزملاء ملأ زجاجه مياه بلاستيك كبيره بالرمال ولما رجع راح لورشة ذهب للتأكد من ذلك .. وطلعت الذرات اللامعه دى ... ذهب فعلا
المهم .. معلش طولت عليكم
اقولك بقى يا كارمو حكاية الأمواج العالية .. طبعا احنا ذهبنا للموقع ده عن طريق البحر ... سامع واحد بيقول روحتوها عوم ؟ لا يا خفيف .. رحنا مقطورين بمركب مخصصة للقطر Tug Boat ولأن الوحدات البحرية اللى بنشتغل عليها ثقيله نسبيا .. سرعة القطر بتبقى بطيئة جدا
المهم .. أخدنا حوالى 3 أيام فى الذهاب وخمسه فى العوده ودا كا بسبب سوء الأحوال الجوية .. اللى حصل .. البحر قام علينا (يعنى أصبح عالى) والريح وصلت لحوالى 40 عقده (حوالى 70كم/ساعه) أغلب الوقت ووصل ارتفاع الموج لأربعه متر .. أينعم دا بحر مش وحش قوى لأنى شفت أسوأ من كده بكتير
عموما .. يا على الأحوال الجوية السيئة بتكون خطورتها نسبية يعنى ريح متوسطه وامواج مترين بالنسبة لمركب صيد صغير ممكن تكون خطر .. بينما عادية لسفن أخرى أكبر وهكذا

الحمد لله .. احنا فعلا .. كنا قلقانين فى فترة ووقضيت 24 ساعه صاحى .. مش عارف أنام من الدرفله وأهتزازا البارج بشكل مقلق .. لكن الحمد لله .. ربنا هو الحافظ

آسف على الاطاله

ALY ELSAYED

12-04-2009, 02:57 PM

Wild_Angel

12-04-2009, 03:36 PM

بجد ربنا يكرم حضرتك ويزيدك
ويبعد عن حضرتك وعننا جميعاً كل سوء

طبعاً انا بقالى مده كبيره أوى مدخلتش موضوع الضيافه
وطبعاً قبل كل شئ برحب بحضرتك هنا
http://img33.imageshack.us/img33/9625/334welcome.gif (http://www.mesa7a.com)

وانا مش حسأل إلا كام سؤال

1- لو حضرتك تختصر تجربتك الحياتيه تقولنا ايه عنها ؟
2 - لو حضرتك صحيت الصبح وكنت رئيس جمهوريه مين الناس اللى حتعينهم فى الوزارات من المنتدى ؟
3 - أمتى بتحس أنك قريب جداً من ربنا وأمتى بتحس أنك بتأنب نفسك أنها مش بتطاوعك وبتعصيك ؟
4 - لو حضرتك بتحضر أكل .. أمتى بتعمل كده ؟ وأيه الحاجات اللى بتفكر فيها وانت بتعمل أكل ؟

كفايه كده :) النهارده
وبجد احنا سعداء جداً اننا فى ضيافتك هنا
ويارب ما نتقل على حضرتك فى الاسئله

Mahmoud Slem

12-04-2009, 04:02 PM

اهلا بحضرتك يا بشمهندس

وبجد اختيار جميل جدا ان حضتك هو الضيف

وان شاء الله نستمتع بحضرتك

ومش هسال حضرتك غير سؤال واحد بس

امتى حسيت انك ضعيف ... مش ضعف جسدى لا ... موقف مش عارف تتصرف فيه ؟؟

Mohamed Hashem

12-04-2009, 05:42 PM

والله مش عارف اقولك ايه يا بشمهندس

بس لازم تعرف ان في ناس بتسئل عليك ومهتمه بااخبارك

ورد حضرتك ممتع جدا جدا الواحد عمره ميزهق او يمل من كلام حضرتك

وبعد الحديث الجميل ده انا مشتاق جدا اني ازور البحر الاحمر

لاني مرحتش هناااااااك قبل كده خالص

بشكرك جدا يا هندسه وجزاك الله كل خير

ربنا يكرمك يا على يارب .. شكرا جدا ليك طبعا ولكل اللى يسال عنى .. تسأل العافيه عنهم دايما يارب .. أنا آسف دايما بأكون مختفى كده ووقتى مش ملكى .. بس أتمنى والله نجتمع كلنا مره يارب سوا

Mohamed Hashem

12-04-2009, 06:12 PM

وانا مش حسأل إلا كام سؤال

1- لو حضرتك تختصر تجربتك الحياتيه تقولنا ايه عنها ؟
2 - لو حضرتك صحيت الصبح وكنت رئيس جمهوريه مين الناس اللى حتعينهم فى الوزارات من المنتدى ؟
3 - أمتى بتحس أنك قريب جداً من ربنا وأمتى بتحس أنك بتأنب نفسك أنها مش بتطاوعك وبتعصيك ؟
4 - لو حضرتك بتحضر أكل .. أمتى بتعمل كده ؟ وأيه الحاجات اللى بتفكر فيها وانت بتعمل أكل ؟

كفايه كده :) النهارده
وبجد احنا سعداء جداً اننا فى ضيافتك هنا
ويارب ما نتقل على حضرتك فى الاسئله

شكرا جزيلا يا أخت وايلد .. سعيد جدا انى معاكم والله هنا أو فى أى مكان
بالنسبة لأسئلة حضرتك :
1
التجربة الحيايتة كلها لسه قدامها كتير علشان أقدر أقيمها
ولكن بشكل عام أنا مش راض عنها تماما .. حاسس باستمرار انها تشبه المسودة مليئة بالمحاولة والخطأ
2
لو صحيت الصبح ولقيت نفسى رئيس الجمهورية – ودا شئ مش لذيذ على فكره – سأشكل وزارة كالآتى
رئيس مجلس الوزراء : الدكتور جمعه داوود
وزير الصحة .. محبة الرحمن
وزير المالية .. نهى شعبان (تعمل لنا تصميم للفلوس احلى شوية )
وزير الدفاع .. حسن عشرة
وزير الاسكان .. اسلام عمران
وزير العمل .. محمود سليم
وزير الزراعة .. محب للرحمه
وزير الكهرباء والطاقة .. خالد موبوتو
وزير الخارجية .. ايمن جمال
وزير الداخلية .. الاستاذ محمد سعد
وزير التعليم .. دكتور سيد الزغبى
وزير الصناعة .. اسلام ممدوح
وزير الثقافة .. على السيد كارمو
وزير السياحة .. يوسف مصطفى
وزير البترول .. أسامه البنا
وزير النقل .. المهندس دفع الله حمدان هجو
وزير الاوقاف .. وايلد آنجل
وزير التخطيط .. محمد الفرارجى
وزير البيئة .. مروة محمود
وباقى الوزارات اللى لم اذكرها .. حألغيها .. ملهاش لزمة أساسا
وتانى يوم حاقدم استقالتى
3
والله انتى عارفه الايمان يزيد وينقص .. بس عاده الواحد بيكون هادى وراض عن نفسه – نسبيا – فى ايام جميلة زى رمضان وخلافه
4
موضوع الأكل والطبيخ والمطبخ والاكلات .. دى كانت عاده اكتسبتها من سنين العمل الأولى .. لم أكن مرتبطا بالمره لا جواز ولا غيره وكنا بنسافر كتير .. وكانت أغلب سفرياتنا داخل الجمهورية فى أماكن نائية ولم يكن بها مطاعم بالمعنى المفهوم فكنا لابد ان نتعلم شيئا من تحضير الاكل والموضوع تطور معايا بعد الجواز .. الى ان اصبحت شبه عاده .. واللى بيشجعنى طبعا زوجتى العزيزة – بس طبعا تشجيع محسوب – والاولاد لأنهم بيطلبوا حاجات غريبة

مرة تانيو باشكرك ... سعيد جدا بأسئلتك

Mohamed Hashem

12-04-2009, 06:16 PM

اهلا بحضرتك يا بشمهندس

وبجد اختيار جميل جدا ان حضتك هو الضيف

وان شاء الله نستمتع بحضرتك

ومش هسال حضرتك غير سؤال واحد بس

امتى حسيت انك ضعيف ... مش ضعف جسدى لا ... موقف مش عارف تتصرف فيه ؟؟

حبيبى محمود .. انت اللى منورنى باسئلتك الجميلة
والله يا محمود الاحساس دا جالى مرة واحده .. بس كان موقف انسانى لأحد الأقارب وكان مريض جدا ..

esraa

12-05-2009, 04:50 PM

Mohamed Hashem

12-05-2009, 08:27 PM

باشمهندس محمد ... بجد نورت الضيافة

و احب اسال حضرتك عدة اسئله

1- مين اكثر شخصيه اثرت فى حياة الباشمهندس محمد ...؟؟؟

2- اكثر درس اتعلمته فى حياتك ( العامه & العمليه) ...؟؟؟

3- الالقاب الآتيه تنسب الى مين ..:

فاكهة المنتدى
عبقرينو المنتدى
فراشه المنتدى
ملح المنتدى
وردة المنتدى
امير المنتدى
عطر المنتدى

و كفايه كده

و للحديث بقية .....

:D

ياهلا ياهلا بيكى إسراء
1
والله فى ناس كتير أثروا فى حياتى بدءا من والدى رحمه الله إلى أستاذة الجامعه
2
أكبر درس اتعلمته فى الحياة بشكل عام : الانسان لايخسر أى شئ عندما يساعد الآخرين .. كون الشخص يبطئ من سرعته ويلتفت للخلف ليساعد أحد ما ... فإن ذلك لا يعطله إطلاقا بل يظل هو دوما فى المقدمة
3
فاكهة المنتدى .. انتى طبعا
عبقرينو المنتدى .. اسلام ممدوح و خالد موبوتو وكارمو
فراشه المنتدى .. ميرا ومرمر
ملح المنتدى .. ميمى
وردة المنتدى .. مروة مجدى واوليفيا نادر وايمى
امير المنتدى .. ايمن جمال ومحمود سليم وزوما
عطر المنتدى.. وايلد آنجل وندا ومحبه
وآسف لو نسيت أى حد منكم
وللحديث بقية .. تابعونا ... هههههه ;)

Mohamed Hashem

12-11-2009, 02:44 AM

فى حد تانى يا شباب ؟
ننتقل بقى للعضو القادم ؟؟؟؟؟؟؟ ولا شايفين ايه

الورده البيضاء

12-12-2009, 11:38 PM

والله احنا منقدرش نستغنى عن حضرتك ابدا يابشمهندس
انا مسالتش خالص
وسبت كل الناس تسال وجيت فى الاواخر
يعنى عملت اللى عليا
جة دورى انى اسال بقى
هههههههههههههههههههههه
يارب بس حضرتك متضربش نار عليا

بسم الله الرحمن الرحيم
- عرف لنا الأتي من وجهة نظرك ....

النفاق ....

الصداقه ....

الأسرة ....

الكذب....

الخيانه ....

الفراق ....

التجاهل ....

الشات ....

المنتدى ....

9- من هو l هي ،،،

صديق تعتز به ..

شخص تقول له أنت توأم روحك ؟..

شخص تقول له أنت شيء مهم بحياتي ..

شخص تستريح بالحكي معه ...

شخص تتجنبه ...

شخص تحترمه جداا ....

شخص تخاف منه ....

شخص هو كل حياتك ...
سبب نجاحك فحياتك العملية ماشاء الله انا مش بقر والله هههههه بس حضرتك شخصية ناجحة واى حد يتمنى يكون ولوجزء من حضرتك؟؟؟؟؟

11- صفة في البشمهندس محمد مش حاببها ويتمنى يغيرها ؟

12- أذكر لنا وبكل صراحه وصدق عيوبك ومميزاتك ؟؟

13- شخص توجه له كلمة شكر ؟ وشخص توجه له كلمة عتاب ؟ من ولماذا .؟

14- أحكي لنا يوم من حياة البشمهندس بيكون أزاى من أول ماتفتح عيونك إلى أن تنام ؟

15- بلد تريد زيارتها ؟ ولماذا ؟؟

16- معك الفانوس السحري ولك 3 أمنيات ؟ ما هم ؟؟

17- غمض عيونك لحظات ...... ماذا تري وبماذا تفكر ؟؟

19- متى يغضب البشمهندس؟ والى أي مدى يكون هذا الغضب والتعصيب ؟

20- ما هو الشيء الذي لا يسامح فيه البشمهندس أبدااا ؟

21- هل أنت متسامح ؟ إلى أى مدى ؟؟

22- متى يثق البشمهندس بشخص ما ؟ ومتى تموت هذة الثقه بلا عودة؟؟

23- لكل منا ذكريات تؤرقنا ... أذكر لي شيء بذاكرتك لن تنساة أبدا دائما يؤلمك ؟ غتاته بقا ههههههه

هههههههههههههههه
والله حضرتك كنت منور الضيافة يابشمهندس
ونتمنى وجود حضرتك تانى فى الضيافة

Mohamed Hashem

12-13-2009, 07:07 AM

هههههه
كل دى اسئلة يا أمل ...... هههههههه واضرب نار .؟ دا انتى اللى فرغتى فى وشى خزنة نصف آلى بورسعيدى من بتوع المقاومة الشعبية .. ههههههههههههههههه ماشى يا ستى حاجاوب بس واحده واحده

النفاق هو انك تذكر محاسن الشخص "أ" أمام الشخص " ب "

الصداقة .. ان يكون فى واحد فى حياتك يهمه مصلحتك حتى لو على حساب مصلحته

الاسرة ... كيان بتقضى نصف عمرك الاول عايش فيه وتقضى نصف عمرك التانى بتحافظ عليه

الكذب .. وسيلة سهله لإخفاء ضعفك وفشلك عن الآخرين

الخيانة .. شئ قبيح جدا لايدل إلا على أنحطاط أخلاق صاحبها

الفراق .. سنة فى الحياة .. الناس تتلاقى وتفترق

التجاهل .. وسيلة للتعبير عن أهمية الآخرين

الشات : تقصدى بالشات بتاع النت ؟ ولا حاجه أختراع جديد يمكن الناس من التواصل بطريقة رخيصة والنصب أحيانا بطريقة رخيصة برضه

من هو / هى :

صديق تعتز به : كتير قوى أعضاء المنتدى الكرام والأساتذه الافاضل هنا .. زملاء عمل وجيران وغيرهم

توأم روحى ؟ الله يصبحه بالخير بقى عايش فى أمريكا من سنة 1992 وماشفتهوش غير مرة واحده من يومها بس بنتواصل باستمرار .. صديق عزيز جدا ليا اسمه أسامة عبد الله

شخص مهم بحياتى : ناس كتير جدا .. العائلة طبعا والأهل والاحباب

شخص استريح بالكلام معاه : لا دول قليلين جدا جدا .. ومعلش خليهم سر

شخص تتجنبه : ههههههههه لا مفيش

شخص تحترمه جدا : من هنا الدكتور جمعه داوود ومن عملى الربان أحمد نور الدين

شخص تخاف منه : مفيش

شخص هو كل حياتك : أطفالى

لازم أقوم أروح الشغل دلوقتى ونكمل المرة الجاية ..

الورده البيضاء

12-13-2009, 06:53 PM

هههههه
كل دى اسئلة يا أمل ...... هههههههه واضرب نار .؟ دا انتى اللى فرغتى فى وشى خزنة نصف آلى بورسعيدى من بتوع المقاومة الشعبية .. ههههههههههههههههه ماشى يا ستى حاجاوب بس واحده واحده

ههههههههههههههههههههههههههههههههه
معلش يابشمهندس فرصة بقى ومينفعش نضيعها
والف شكر لحضرتك للاجابات وفى انتظار تكلمة الاسئلة
ربنا يكرمك ويوفقك يارب

اسامه البنا

12-19-2009, 10:11 PM

والله حضرتك من احب الشخصيات الي انا اتعرف عليها من المنتدي

وربنا يعلم يا هندسه

وفرصه سعيده اننا اتحلنا الفرصه دهي

ويلا بقي يا هندسه

اختار العضو الي بعدك

محبة الرحمن

12-24-2009, 01:41 AM

السلام عليكم ورحمة الله وبركاته
انا فعلا حزينة اني مكنتش موجودة عشان بجد حضرتك من الشخصيات اللي انا بحترمها جدا في المنتدي وليها احترام كبير عندي اوي
ولكن انا مش حسأل اي اسئلة طبعا انا بس كنت عايز اقول ان حضرتك منور الكرسي جدا

ALY ELSAYED

02-28-2010, 03:01 PM

الله ينور يا بشمهندس محمد هاشم

حضرتك كنت ضيف عزيز علينا كلنا

واحنا الان في انتظار اختيارك للضيف الجديد

؟؟؟؟؟؟؟؟؟؟

جزاك الله كل خير

spider girl

02-28-2010, 11:55 PM

فى انتظار اختيارك للضيف الجديد يا بشمهندس

Mohamed Hashem

03-02-2010, 06:23 AM

شكرا جدا جدا يا شباب ويا صبايا
على الاستضافة الجميلة دى
بجد أنا باستمتع بكونى وسطكم
وأختار الضيف اللى بعدى
دا لو محدش اختاره قبل كده
المهندس
الأخ
الصديق العزيز
محمد الفرارجى

spider girl

03-02-2010, 07:18 PM

اهلا وسهلا بحضرتك فى الضيافه يا بشمهندس محمد الفرارجى
نتمنى تقضى ضيافه سعيده
وتتوافد على حضرتك الاسئله كالمطر
اهلا وسهلا مرة تانيه

Mohamed Hashem

03-02-2010, 07:37 PM

حبيبى .. انت وقعت ولا الموج اللى حدفك
خد عندك
دخلت كلية الآداب بالمجموع ولا كنت بتحب الجغرافيا مثلا؟
بفرض انك لم تصبح مساح .. كنت تحب تطلع ايه ؟
ايه سر حبك للادارة والتنمية البشرية وكل ما يتعلق بهما .. هل هى موهبه ام دراسة ؟ وليه طغت على الجغرافيا والمساحة اللى فى رأسك ؟ جاوب بصراحه
انت حاليا فى موزمبيق ودى بلد افريقى يعنى فقير نوعا وبعيد .. هل عندك حب السفر للعمل ولا هى جت كده ؟
لو قدر لك - ان شاء الله يارب - انك تكسب مليون دولار امريكى عدا ونقدا .... ايه أول 3 حاجات حتعملهم بالفلوس ؟
انت صريح ومش بتاع مجاملات .. هل ده بيسبب لك مشاكل ؟
انت اجتماعى .. وابن بلد .. هل مرة ندمت على انك كده ؟ ولماذا ؟
جاوب بصدق زى ما اتعودت منك ومن غير الكلام المزوق بتاع ممثلين اليومين دول (انا مبحبش الكذب وعمرى ما خفت الخ الخ ) على ان تكون اجابتك فيما لا يقل عن 650 سطر وتبدأ موضوعك بجملة " أنا مشرف فى منتدى المساحة "
هههههههههههههههههه
اتفضل يا عسل
سمعنا

محمد الفرارجي

03-02-2010, 08:10 PM

هههههههههههههههههههههههههههههههههههه

حبة أسئلة عنب
بس كانت عايزة شوية من الأسئلة إللي اتسألتها تحية كاريكوا في فيلم لعبة الست لما كانت سهرانه في الكازينو ومعاها نجيب الريحاني يعني من قبيل
أين نشأت وترعرعت؟
مين أكتر فنان عينيه بتعجبك؟

كده يعني
بس حقيقي حبة أسئلة لووووووووووووووووز

تسلم ايدك
وقبل البداية شكرا ليك لاستضافتي بعدك ويا رب ما أزعل حد وربنا يستر

حبيبى .. انت وقعت ولا الموج اللى حدفك

لا يا خويا أنا بري ماليش دعوة بالموج
خد عندك

إديني
دخلت كلية الآداب بالمجموع ولا كنت بتحب الجغرافيا مثلا؟
هع هع هع هع
أنا من عشاق الجغرافيا ووأنا في الثانوية كانت أقصى ما أطمح إليه قسم الجغرافيا شعبة المساحة والخرايط.
بفرض انك لم تصبح مساح .. كنت تحب تطلع ايه ؟

يا سلام عالسؤال ده . عموما أنا مريت بأكتر من تجربة في الشغل منها اتش آر ومنها تسويق ومنها تجارة لكن حقيقي أكتر مجال حبيته هوه التجارة.
ايه سر حبك للادارة والتنمية البشرية وكل ما يتعلق بهما .. هل هى موهبه ام دراسة ؟ وليه طغت على الجغرافيا والمساحة اللى فى رأسك ؟ جاوب بصراحه

بص حبيبي أنا مهتم الحمد لله بالمساحة والدليل إني مش بس شغال فيها لكن الحمد لله بأتابع على قد ما أقدر , لكن قلة التنظيم والمتابعة إللي شايفهم بيخلوني أتكلم كتير عن الموضوع ده , وبالنسبة للناحية الدراسية , هيه كانت فترة اشتغالي بالتجارة بالبرامج الاليكترونية والمواقع أجبرتني على دراسة ادارة الفريق والعلاقات العامة والتسويق والمبيعات.
انت حاليا فى موزمبيق ودى بلد افريقى يعنى فقير نوعا وبعيد .. هل عندك حب السفر للعمل ولا هى جت كده ؟

لا والله يا هندسة القريبين مني عارفين إن قلبي جامد ومش بيفرق معايا السفر والدليلي إن ترشيحي جه في الأول للسوادن والترشيح التاني للجزاير والتالت كان لغانا وفي الآخر جه الدور إني أمسك موزمبيق لوحدي وقريب قوي ما حولها من الدول إن شاء الله.
وبصراحة من كتر حبي للسفر ربنا كرمني بالشركة خصوصا إننا فاتحين في حوالي 72 دولة على مستوى العالم فبجد متعه كبيرة قوي مش بيعكرها إلا بعدي عن إيد ابويا وأمي عشان أستمتع بتقبيلهم وطبعا سارة وأمها:cc_chinese:
لو قدر لك - ان شاء الله يارب - انك تكسب مليون دولار امريكى عدا ونقدا .... ايه أول 3 حاجات حتعملهم بالفلوس ؟
الجميل إننا كنا بنسال بعض السؤال ده من فترة
بص
1- هطلع كل حبايبي يحجوا إن شاء الله وانت منهم بإذن الله.
2- هكمل مشروع يا رب يكمل خاص بكفالة طلبة العلم إن شاء الله.
3- هدي الباقي للإلي بيعمل التراب دهب "أخويا الكبير ربنا يبارك له"

انت صريح ومش بتاع مجاملات .. هل ده بيسبب لك مشاكل ؟

كتييييييييييييييييييير قوي قوي فوق الوصف.
ممكن أندم إني زعلت حد مني لكن عشان أنا متأكد إني صح فإللي قدامي بيرجع يعتذر تاني لو غلط في حقي.
انت اجتماعى .. وابن بلد .. هل مرة ندمت على انك كده ؟ ولماذا ؟

حقيقي ما ندمتش على السلوك ده الحمد لله لأني بأحاول أخلي النية لربنا سبحانه وتعالى على قد ما أقدر

جاوب بصدق زى ما اتعودت منك ومن غير الكلام المزوق بتاع ممثلين اليومين دول (انا مبحبش الكذب وعمرى ما خفت الخ الخ ) على ان تكون اجابتك فيما لا يقل عن 650 سطر وتبدأ موضوعك بجملة " أنا مشرف فى منتدى المساحة "
هههههههههههههههههه
اتفضل يا عسل
سمعنا

محمد الفرارجي

03-02-2010, 08:12 PM

صحيح يا جدعان
ههههههههههههههههه

هوه دلوقتي مش في ضيافة العبد لله

هههههههههههههههههههههههههههههههههههه

ALY ELSAYED

03-03-2010, 12:47 AM

محمد الفرارجي

03-03-2010, 09:13 PM

منور يا بشمهندس محمد الفرارجي

انا احب اسمع منك تجربتك مع العمل المساحي

ابتديت الشغل فين وازاي ووصلت لايه في الاخر

وايه طموحاتك في المجال

وياتري في احلام حققتها في مجالك ولا لسه

ولو لسه ايه هيا احلامك

دي شويه اسئله صغيره خالص بنستفتح بيها

جزاك الله كل خير

الشكر ليك انت يا علي.

الموضوع باختصار إني كنت سالك مجال تاني بعد التخرج غير المساحة خالص والمجال ده كان الدرسات العليا وده لحبي الشديد للمذاكرة. ويمكن عشان ترتيبي كان من العشرة الأوائل فمحبتش أضيع تعب السنين الأربعة وقلت أكمل لكن حصلت لي مشكلة جامده جدا تقريبا كل إللي قابلتهم إلا حبه صغيرين من الشباب واقعين فيها. وهيه .

التشتت.:closedeyes::closedeyes:

حقيقي اتشتت كتير والأهداف ما كانتش واضحة قدامي فمشيت في مجالات كتير مش المساحة بس عشان أكون صريح.:clap:

منها تجارة البرامج للشركات والطباعة ده بالاضافة لمجال التسويق . وتقريبا كلها كانت لحسابي الحمد لله فده اداني خبرة السوق شوية.:cc_canadian:

- أما بالنسبة للعمل المساحي فأنا اتنقلت كتير بين التخصصات كان منها الصرف الصحي ومنها الطرق فترة وشوية انشاءات .:11ight:

لكن زي ما قلت لك مشكلتي الكبيرة إني مالاقيتش حد عنده خبرة يديها لي بسهولة.

فكنت بأخوض المجال عشان أجرب بنفسي لأن معظم إللي قابلتهم كان صعب يديك خبرة حتى في أسهل الحاجات.:11ight:

وطقت في دماغي من فترة أشتغل في طباعة الكتب الجامعية ومكدبتش خبر واشتريت اللازم لكده وكمان خليت كل حاجة بالكمبيوتر تقريبا ولي فيه ما يشبه براءة اختراع ولله الحمد.:clap:
لكن برضه عدم وضوح الرؤية وعدم وجود ناصح أمين يعرفك الطريق . خلى الطريق طويل قوي وكان سهل جدا يبقى قصير لو ركزت في حاجة واحده من الميت ألف حاجة إللي شغلت باللي بيهم .

يمكن عشان كده لما حد بياخد رأيي في حاجة وهوه لسه في بداية طريقة في المساحة , مش بأزود عن نصيحتين :

1- التوتال استيشن.
2 الأتوكاد.

خلصهم واشتغل بيهم ونتكلم بعدين.

- حاليا الحمد لله على إللي أنا فيه . يكفيني راحتي النفسية والمرتب إللي أعتقد إنه مرضي عالأقل بالنسبة لاحتياجاتي الحالية.

- في المستقبل . نفسي أكمل الماجستير بتاعي إن شاء الله وأكون في الكادر الاداري تحت لقب مدير قسم المساحة إن شاء الله بس ربنا يسهل وتبقى قريب :11ight:

ALY ELSAYED

03-05-2010, 03:45 AM

ربنا يخليك يا هندسه

وان شاء الله ربنا حيكرمك ويوفقك

وتحقق كل طموحاتك

قولي بقي اسماء اولادك ايه ؟

ونفسك تشفهم ايه في المستقبل ؟

ياريت نعرف اكبر موقف ضايق حضرتك ؟

ياتري عرفت ووصلت للمنتدي ازاي ؟

كفايه كده النهارده

جزاك الله كل خير

محمد الفرارجي

03-05-2010, 02:59 PM

ربنا يخليك يا هندسه

وان شاء الله ربنا حيكرمك ويوفقك

وتحقق كل طموحاتك

ربنا يبارك فيك يا علي
قولي بقي اسماء اولادك ايه ؟

مفيش غير بنت واحده واسمها سارة سنة وسبع شهور - وكان نفسي يكون اسمها فاطمة تيمنا بالزهراء رضي الله عنها. لكن من كتر حبي لآل البيت رضي الله عنهم فدورت على إسم يكون ليه علاقة ويعجب برضه. فقلت يبقى سارة وآهي برضه تعتبر جدة النبي عليه الصلاة والسلام.
ونفسك تشفهم ايه في المستقبل ؟

بالنسبة للبنات لو هيبقى معاها دبلوم . مش هيفرق معايا لكن إللي هيفرق معايا. تقواها لربنا عز وجل من ناحية الناحية التانية لما تتجوز تكون " إذا أمرها زوجها أطاعته, وإذا غاب عنها حفظته في ماله وعرضه."

الولاد برضه مش هيفرق معايا التعليم قد ما هيفرق إنهم يكونوا رجالة ويفهموا إنهم مسلمين وبرضه نفسي يمشوا في طريق ما قدرتش أمشي أنا فيه"

ياريت نعرف اكبر موقف ضايق حضرتك ؟

والله يا علي مفيش موقف واحد لكن مواقف كتير قوي بتمر بينا ومن رحمة ربنا إننا بننساها.

ياتري عرفت ووصلت للمنتدي ازاي ؟

سألت المهندس رشاد الدفراوي على شرح يكون كويس لطريقة الشغل على توبكون دا أول ما نزل في ايدينا تقريبا. واداني فايلات كان فيها اللينك بتاع المنتدى. وأنا من طبيعتي بأحب أشوف مصدر المعلومة عشان أستفيد أكتر ودي كانت البداية.
كفايه كده النهارده

تحت أمرك يا علي
جزاك الله كل خير

وإياكم إن شاء الله

Youssef Mostafa

03-05-2010, 11:32 PM

حبيب هارتىىى منور البرنامج والله وواحشنى جدااااا

spider girl

03-30-2010, 09:48 PM

1- لو حضرتك تختصر تجربتك فى الحياه تقولنا ايه عنها ؟

2-امتى حسيت انك ضعيف(موقف حسيت فيه انك صعيف)؟

3- مين اكثر شخصيه اثرت فى حياة حضرتك؟

4-ايه اكتر موقف عدى على حضرتك واتصدمت منه سواء فى الشغل او حياه حضرتك الشخصيه؟

مستنيين الاجابات الصريحه يا بشمهندس محمد وربنا يوفقك ديما

spider girl

07-23-2010, 05:41 PM

الضيوف الى شرفوا موضوع فى ضيافه فلان

1*Mohamed Saad Yassin
2*ميرامار
Hassan mohamed*3
gogo*4
Lover angle*5
Ayman Gamal*6
Mimi*7
Shimo*8
Samomran*9
Wisam*10
Tiger*11
Witch evil*12
*13خالد ابو سعده
14*سلمى جمال
15*اسامه البنا
White_heart*16
17*مى الشورى
18*شهاب بودا
Olivia nader*19
20*هيثم
Ahmed mohamed*21
Froty*22
Youssef mostafa*23
Marwa magdy*24
Baybars*25
Marwa mahmoud*26
27*محبه الرحمن
Eslam mamdouh*29
Mahmoud slem*30
Raul*31
Sweet girl*32
*33الروده البيضا

Mohamed Hashem*34
*35محمد الفرارجى

ودول الضيوف الى كانوا فى الضيافه الفترة الى فاتت
بجد استمتعنا معاكوا بالحوار جدا
وان شاء الله الضيف القادم
نستمتع معاه ويقضى فترة جميله على الكرسى
فى انتظار الضيف القادم باذن الله

ALY ELSAYED

07-23-2010, 06:56 PM

شكرا ليكي جدا يا ساره

علي مجهودك الجميل فعلا عمل متميز

وحرصا علي استكمال الموضوع باستمرار

ستكون معانا شخصيه جميله جدا

وكلنا باذن الله حنحط عليه ومش حتسيبه في حاله

معانا في الضيافه المشرف كريم كيموووووووو

يلا عايز اشوف اسئله كتييييير

الي نفسه يسئله اي سؤال مهما كان يسئل بقلب

وهوه حيرد بدون اي نقاش

مستنين اسئلتكم ومستنين اجاباتك يا كيموووووووووووو

KAREEM

07-24-2010, 04:23 PM

طيب ياعلى
كلام جميييييل جدا
حلوين الكمتين الجمال دول اوى اللى فى الاول
وميرسسسسسسسسسسى عليهم جدا
بس فى حاجة شايفك بتتكلم بقلب
وكرييييييم مش حيزعل ومتخافوش
واسئلو براحتكم لا واثق اوى ينعى

ماشى يا على

عموما اليوم عدى اهو ومحدش سأل
شوف حد غيرى بقى الحمد لله
خدت براااااااااءة :a5::a42:

ودا عشان هبة بيبو :a9:

spider girl

07-24-2010, 05:37 PM

انتظر الاسئله يا استاذ كريم النهرده اول يوم لحضرتك
بدايه من يوم السبت حتى يوم الاربعاء وبعد كده تختار ضيف بعدك
بس اعذر الناس محدش يعرف ان الموضوع اشتغل تانى
ان شاء الله تقضى ضيافه سعيده

http://www.iraqpics.net/images/aeqlkffdnir2ubap1but.jpg

الورده البيضاء

07-24-2010, 05:45 PM

فلللللللللللل

دانت هتشوف اللى عمرك ماشوفتة ياكركررر
نيهاهااااااا
هههههههه
هجيب الاسئلة وارجع تاااااااانى
:a12::a12::a12::a12::a12:

esraa

07-24-2010, 05:51 PM

خلاااااااااااااااااااااااااص

انا وصلت

باسم الله حنبدأ

اولا احب انك تعرفنا نفسك _( البطاقه الشخصيه لحضرتك ..........؟؟؟؟؟؟؟؟؟؟)-

و الأتى احسن و احسن

:a33::a33::a33:

Marwa Magdy

07-24-2010, 06:35 PM

حنين الحياة

07-24-2010, 06:45 PM

يا هلا يا هلا كريم عندنا والله منور وحيات م .ح .م....خد عندك بقي الاسئله ديه:a12:ومفيش مساعده ولا حذف اجابتين...

ايه اصعب موقف حصلك في حياتك؟

حاجه اتمنتها وما حصلتش؟

اكتر حد اتخدعت منه؟

اوصفلنا اول يوم في الجامعه كان ازاي؟

جبت في الثانوي كام؟

كلملنا عن نفسك شويه؟

اسوأ رد شوفته في حياتك؟

لو اصبحت رئيس قسم هتعمل ايه؟

مين لما تشوفه بتفرح؟

حاجه اثرت فيك وحسيت انك لازم تتغير؟

دول شويه علي الماشي وهجبلك تاني:a12:

MUHAMED SAMY

07-24-2010, 07:27 PM

كيمو أنا هسأل أسئلة خفيفة؟

مييين أكتر شخص بيضايقك فى حياتك؟

مين أكتر شخص بتحبه فى حياتك:a35:(غير مامتك)؟

ايه أكتر موقف أحرجك فى حياتك؟

مييين أكتر واحد لاقيته راجل من صحابك فى الكلية فى التعامل معاك (غيرى طبعا ههههههههه)؟

إيه أكتر حاجة بتضايقك فى مصر؟

إيه أكتر حاجة بتضايقك فى إسكندرية؟

إيه أكتر حاجة بتضايقك فى القسم؟

إيه أكتر حاجة بتضايقك فى المنتدى؟

إيه أقصى طموحاتك؟

ماذا تنتظر من أصدقائك؟

ماذا تعنى كلمة صديق بالنسبة لك؟

هل تريد أن تنهى علاقتك ببعض زملائك بعد ماتخلص؟

هل تتمنى أن تكون رئيس الجمهورية (بجد)؟؟؟؟

يالا كفاية كده

smart girl

07-24-2010, 10:05 PM

يعنى انا مش هتقل عليك انا هسئل كام سؤال اولا:

هل انت الان تعيش حالة حب ؟
اذا كانت الاجابة ايوة فا ممكن توصف شعورك تجاة الحالة دى فرحان , مدايق , مسئولية.....؟؟
مين حببتك ؟ اية اول حرف من اسمها ؟ اوصف حببتك فى كلمات ؟
هل تستطيع ان تعيش بدون حب وبقصد حب الجنس الاخر ؟؟ يعنى مش حب الام والاب والوطن وفى حب صحابى والكلام دة
لما ااقرب حد ليك يجرحك اوى بتعمل اية واية اول مكان تروحة ؟
شايف نفسك ازاى ؟
هل انت متشائم ام متفائل؟
بتواجة مشاكلك ولا بتهرب منها ؟
شايف الدنيا اللى انت عايشها بأى صورة؟
مين الشخص اللى انت نفسك تعتزرلوة ؟
نفسك تحقق اية فحياتك ؟
دول حبة اسئلة كدة وحبة افكر واسئلك تانى

KAREEM

07-24-2010, 10:21 PM

ايدا ياعم انت وهو وهى وهو وهى منك له له لها لها لها

انا ححرب لوحدى ولا اييييييييييييييييييه ؟؟؟؟؟؟؟؟؟؟

هو كلو اسئلة أسئلة
مفيش شتيمة ولا ايه
؟؟؟؟؟؟

احلة استفتاح مع اطيب اسراء فى القسم

خلاااااااااااااااااااااااااص

انا وصلت

باسم الله حنبدأ

اولا احب انك تعرفنا نفسك _( البطاقه الشخصيه لحضرتك ..........؟؟؟؟؟؟؟؟؟؟)-

و الأتى احسن و احسن

:a33::a33::a33:

ايه السؤال الغريب دا يا اسراء
يعنى اجيب البطاقة واكتب الرقم القومى
واجيب شهادة المليلاد واحط اسم امى ولا ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ههههههههههههههههههههههههههههههههههههه

لا بجد مش فاهم بس لو قصدك اعرف نفسى
فمش محتاج اعرف نفسى لسببين
لانى اخوكى كريم وعارفة كل حاجة عنى
والسبب التانى والاهم انى غنى عن التعريف
:a36::a36::a36::a36:

طيب عشان مغلسش عليكى حجاوب اللى فهمته
اخوكم فى الله كريم احمد
طالب بالفرقة التالتة انتظام وربنا يستر
واطلع للرابعة على خير باذن الله
شعبة نظم معلومات جغرافية GIS
وبكـــــــــــــــــل فخر
كلية الاداب
جامعة الاسكندرية
تممت 20 سنة الشهر دا الحمد لله
عندى 3 اخوات صبيان وبنت
انا اخر العنقود سكر معقوووود :a18:

حاجة تانية ياستى ؟؟؟؟؟

KAREEM

07-24-2010, 10:37 PM

هههههههههههههههههههههههههههههههههههههههههههههههههه

ههههههههههههههههههههههههههههههههههههه
كيمو

:a12: :a12: :a12: :a12:

وقعت يا بطه ولاحدش سمى عليك

:a36: :a36: :a36:

ما تتصورش مدى سعادتى بالخبر ده

:a21: :a21: :a21:
قولى يا كيمو
ايه كان شعورك النهرده لما حوريه قالتلك ع المقلب اللى اتعمل فيك
و دخل عليك يا عينى بسهوله كدا :a36: :a36:

ههههههههههههههههههههههههههههههههههههههه

قولى كان نفسك تعمل ايه فينا

دى البدايه بس اكيمو
لسه الاساله الجميله جايه ورا

د انت حتشوف ايام زى الفل

انتى كمان بتفكرينى ؟؟؟؟؟؟؟؟
مش بدل ما تقعدى ساكتة خااااالص
حرام عليكى شايفانى طالع نازل اتكلم
فى الموبايل مع الحراااااااااااامى اللى
سرق موبايلك بس الحمد لله مطلعش حرامى غريب
طلع حرامى صاحبنا وبيعمل جمعيات وعمليات نصب كتير
بصراحة هو اكتر واحد كنت متغاظ منه حااااااااااااازم
لانه مستفزززززززز جدا وتننننننيييييييييييييييييييييييييييييييح
و تييييييييييييييييييييييييييييييييييييييييييييييييي ييييييت
بس ايه رأيك فى الوش اللى وريتهوله فى الاخر
:a7:

بس انتى عرفتى منين ان حورية اللى قالت لى
وان دا مش زكاء شخصى منى ؟؟؟؟؟

Ahmed Waheed Shalaby

07-24-2010, 10:42 PM

الله يكون فى عونك يا كيمو
دة انت اتفتحلك محضر تحقيق وشكلة مش حيتقفل
انا مشفق عليك
علشان كدة مش حسألك اى سؤال دلوقتى

Ma7amed Adel

07-24-2010, 11:44 PM

علشان انت صحبى يا كريم اسئله سهله ايه
باقة ورد لمن تهديها ...؟؟

شخص لاترفض له طلبا ..؟؟

من هو توأم روحك ...؟؟

مالذي يشعرك بأكثر قدر من الحرج

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

من هو العضو اللي يستحق انه تقول عنه محبوب بين الاعضاء ؟

1-اسمك المستعار ؟

2-سبب اختيارك لهذاالاسم ؟

3-الهوايات ؟

4-افضل شهـر بالسنه والسبب ؟

5-حلمك في الحياة؟

6-أجمل سنوات مرت عليك؟

7-البرامج المفضلة؟

8-شخصيتك ( عصبي ، رومانسي ، ....... )؟

9-اجمل بلد زرتها ؟

10-ماهو لونك المفضل ؟

11-من هو مثلك الاعلى ؟

12-ماهي حكمتك بالحياة ؟

13-ماالذي يحزنك ؟

14-ماالذي يغيظك ؟

15-ماالذي يفرحك ؟

16-افضل شخصيه في رأيك ؟

17-فنانك ومطربك المفضله؟

18-لو خيروك تكون مشرف أي قسم تختار ؟

19-من هم الأعضاء اللي تود مصادقتهم ؟

20-من هم الأعضاء اللي تتمنى تشوفهم؟

21-من العضو اللي تحب يضيفك لقائمة الأصدقاء ؟

22-رأيك بـ الصداقـه بيـن الجنسيـن؟

23-عضو عاجبتك صورته الشخصيه وتوقيعه ؟

24-عضو نشيط... ؟

25-عضو مفقود... ؟

26-عضو واثق من نفسه ... ؟

27-عضو داخل مزاجك ... ؟

28-عضو تتمنى تلقتي به ... ؟

29-عضو مثقف ... ؟

30-عضو نفسك تغير اسمه ... ؟

31-عضو نفسك تكفخه هههه ... ؟

32-عضو نفسك تقول له ( برافو عليك ) ... ؟

33- عضو تبي تهديه بيت شعر ايش هو بيت الشعر ؟

34-ماهو رأيك بالحب ؟

35- صــف نفســـك بكلمتيـــن فقـــط..!

36 -مــاهــو الشــئ الذي ندمــت علــي عمـلــــه؟!؟

37 -كـلمـــة تمنيـــــت ان تسـتطيـــع سحـبهــــا؟!؟

38 -آخـــر شخـــص تتـــذكــــره قبـــل أن تنـــــام؟!؟

39 -جــريمــة تتمنـــي لـــو تستطيـــع ارتكابهــــا؟!؟

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟

41-شخـــص لطــالما حـــلمـــت بــــه؟!؟

42 -دمـعـــه انـذرفــــت رغـمــاً عنـــك؟!؟

43 -مـوقـــف صــدمــك ولــن تنســــاه؟!؟

44 -شـخــص تتمنــي الإنتقــام منـــه؟!؟

45-شــئ او عمــل لا تستطيــع مســامحته؟!؟

46-شــئ او شخــص غيــّر مجــري حياتـــك؟!؟

47-حلم لا تستطيـــع تحقيقه؟!؟

48-كلمة تود سماعها كل يوم؟!؟

50 -طالع رحله بريه من تاخذ معك ؟؟

51 - غرق المنتدى ومعك قارب مايشيل الا ثلاثه من تاخذ معك ؟

KAREEM

07-25-2010, 01:31 AM

يا هلا يا هلا كريم عندنا والله منور وحيات م . ح .م....خد عندك بقي الاسئله ديه:a12:ومفيش مساعده ولا حذف اجابتين...

هههههههههههه تعرفى انى مكنتش واخد بالى من الاختصار اول ما رديت المرة اللى فاتت
بس كنت بحسبه م ج ع على الباشمهندس محمد جابر على ههههههه
شوفتى بقى انك ظالمانى وحتاخدينى معاكى فى الرجلين

ايه اصعب موقف حصلك في حياتك؟
اكيد موقف وفاة والدى وخصوصا لحادثة اللى حصلت له
قبل الوفاه ولما رحت ع الشارع وشوفته وهو مرمى ع الارض
غرقان فى دمه ومش عارف اتصرف ازاى وقتها
بس الحمد لله عدى وربنا يرحمه ويغفر له
ويحسن وقوفه بين يديه كما احسن خاتمته بفضله

حاجه اتمنتها وما حصلتش؟
ياااااا كتير اخرها مثلا اتمنيت ان هولندا تكسب اسبانيا
بس محصلش اما فى حياتى عامة فممكن ممممممممم
مش عارف بس حقول لك بيت جميل خطر على بالى
( وما نيل المطالب بالتمنى .... ولكن تؤخذ الدنيا غلاب )

اكتر حد اتخدعت منه؟
النهاااااردة والله ااقربهم
ولاد الذين خدعونى وضحكو عليا وحسسونى ان الموبايل اتسرق
ماشى يا مروى اانتى بالذات كنتى شايفانى طالع نازل اكلم
فى الولا اللى سرق الموبايل وفى الاخر يطلع حازم التيييييييييييييت
عشان مش عايز اشتم عموما مردوووود لكم اكييييييد قريبا

اوصفلنا اول يوم في الجامعه كان ازاي؟
مش فاكر بالظبط بس مكنتش بحضر اوى يعنى محاضرات
وفاكر انى اتصاحبت على واحد حبيبى اسمه كمال كنت اعرفه من ايام ثانوى
والغريبة اننا مكناش بنطيق بعض ايام الثانوى
ولكن القدر جمعنا ببعض مرة تانية فى قسم واحد
ومكنش لينا غير بعض كنا نحضر الصبح ونطلع على عم هاريدى
نضرب سندوتشين الكبدة على سنتدوتشين الكفتة ونتكل ع الله
لكن اللى فاكره كويس انى كنت بحاول الاقى نفسى فى اى نشاط طلابى
واشتركت فى فريق القادة الاجتماعيين وشوفت الجوالة كمان
ورحت معسكرة تبع القادة يومين من غير بيات وخحدت شهادة تقدير
بس للاسف اكتشفت حقيقة مرة ان كل دا كلام فاااااضى ومفيش اى نشاط حقيقى
والحكاية كلها تهريج فى تهريييييييييييييييييييييج وهو دا واقع اتحاد الطلاب فى الجامعة
بعد ما كان زمان بالانتخاب بقى بالتعيين والنهايه ايه ؟؟ طبل وزمر وتنطيط واغانى فى المدرجات !!!!!

جبت في الثانوي كام؟
80 % فى تانية بسبب التوتر
93% فى تالتة بعد استعاد الثقة
اصبح المجموع 87 % وكان ليا تجارة على فكرة انتظام
بس النصيب انى كتبت التنسيق ع النت غلط
وبحمد ربنا انه اختار لى المجال دا لانى حبيته
ولولا الغلطة دى مكنتش اتعرفت على ناس زيكو
بحبهم واتمنى انهم يكونى بيبحونى زى ما بحبهم

كلملنا عن نفسك شويه؟
حياة العظماء لا تكتب فى سطووور
:a32:
لقيتهم بيكتبوها كدا ع الفيس بقى :d

اسوأ رد شوفته في حياتك؟
مش فاكر بصراحة لانى مبعرفش اشيل من حد
والحمد لله ضميرى صافى من الجميع

لو اصبحت رئيس قسم هتعمل ايه؟
لو رئيس قسمنا مثلا اول حاجة حعملها
حعمل حملة نظافة مادية ع القسم بمساعدة الطلاب والجمعية الجغرافية
والزرع اللى جوا يطلع ويتحط برا وحعمل قوانين صارمة
تمنع اى حد يرمى قمامة ع الارض برا الباسكيت
وغرامة مادية ولتكن 3 جنيه بايصال رسمى لكل من يدخن بالقسم
والفلوس دى تطلع لصالح تطوير اجهزة القسم من حاسب واجهزة مساحة وغيرها
الى جانت تحسين الميزانية وتقسيمها بشكل يليق
واهم حاجة فى كل دا حعمل مدرجات محترررررمة لكل الطلاب او على الاقل حركت ديسكات
بدلا من كراسى القهوة الموجود ومعمل الحاسب الالى حكلم عميد الكلية يجيب لنا شحنة
اجهزة جديدة وحديثة ان شا الله لو حتى كام جهاز من معمل الجى اى اس اللى تحت
المهم اتصرف ويكون فى اجهزة محترررررمة يقدر يتدرب عليها الطلبة

اما عن النضافة المعنوية فقسمنا كله دكاترته محترمين جداااااا
كل اللى حعمله ححاول اشد على بعض الدكاترة اللى بتشد ع الطلبة
واكلمهم وانصحهم بالادب انهم يحترمو الطالب ويتساهلو معاه فى المعاملة
ولكن لا يتساهلو معاه فى العلم بالطبع وان كان فى دكتور مثلا بيتفزلك
ويتفسلف ع الطلبة وبيحب يشطح شطحات غريبة وحيبوظ دماغ الطلبة
اكييييييييد حوقفه عند حده

والله لسه فى حاجات تانية فى دماغى بس دى اساسيات فى دماغى

مين لما تشوفه بتفرح؟
سؤال صعب شوية هم كتير بس غالبا لما يكون حد حبيبى
وواحشنى اوى واشوفه بالصدفة او غير صدفة كمان
ببقى فرحاااااان جدا وباخده بالحضن اوى

حاجه اثرت فيك وحسيت انك لازم تتغير؟
الحادثة الاخيرة اللى حصلت لى دى كنت ممكن اموت
ويوميها الصبح سمعت درس للشيخ محمد حسين يعقوب بيقول
" حتتوب امتى بقى ؟؟ ياعم خلصنا ؟؟ دى الناس بتموووووووت ...... "
الكلمة الاخيرة دى رنت فى ودنى اوى وعرفت انى كنت ممكن اموت
واللى اثر فيا اكتر ان من حوالى سنة صديق ليا اصغر منى
بسنين كان فى ثانوى ومات ولم يكن يعانى من اى شىء
ربنا يرحمك ياعبد الرحمن يارب

الخلاصة ان الموت ممكن يجى للوحد بغتة فى اى لحظة
فلازم يكون جاهز للقاء ربنا فى اى وقت
كل ما افكر بكدا بحس ان انا ناقصنى كتير اوى عشان اقابل ربنا
لانى لو قابلته دلوقتى حبقى مكسوووووف اوى

دول شويه علي الماشي وهجبلك تاني:a12:

تجيلى تانى مييييييييييييييييييييين
؟؟؟؟؟؟؟؟؟؟؟؟؟؟؟
الحبة دول كدا كفاية عليكى اوى
انا خلااااااص فصلت
ولسه وراكى بتاع 516 سؤال
مش عارف حلحق احلهم امتى
دا امتحانات الثانوية العامة مكنتش كتير كدا
؟!!؟!؟!؟!؟!؟!؟!!؟!؟!؟!!؟!؟؟!؟!!؟!!؟!!؟!؟!؟!!؟!!؟!

شكرا ياحنين الاسئلة كانت جميلة اوى بجد

KAREEM

07-25-2010, 01:36 AM

الله يكون فى عونك يا كيمو

دة انت اتفتحلك محضر تحقيق وشكلة مش حيتقفل
انا مشفق عليك
علشان كدة مش حسألك اى سؤال دلوقتى

اصيييييييييل يا ابوحميييييييد من يومك
هم دوووول الشرقاوية اللى على حق

بس اووووووعى تعمل زى دوووووولة
قالى ع الايميل انى صعبان عليه اوى
ومش حيحط لى اسئلة عشان هو صاحبى بس
ولازم يطلع معايا جدع
وفى الاخر لقيته حاطط له حوالى
5645 سؤال تحت اهم مش عارف
جحاوبهم امتى لا بصراحة ونعم الجدعنة ادولة
ابقى شوف بقى مين حيجاوب لك على كدا دا
:a21::a21::a21:

mohamed ali

07-25-2010, 03:00 AM

الله يكون فى عونك ياكرررررررررررريم الناس دى خلصت عليك

معلش يابنى كل ظالم له يوم:a41: انا مش حسئل حاجة الشباب سئلو كتير جدا

ربنا معاك ياكركر

esraa

07-25-2010, 08:42 AM

ما هي التجربة التي أ زعجتك ومش عايزها تتكرر في حياتك طبعا خارج مجال الدراسه؟؟؟؟

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله

لو جاتلك فرصة سفر تحب تكون فين ومع مين ؟؟؟؟

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟

اهم شخص غير فى شخصيتك واتاثرت بية قوى؟

اية اكبر عقبة وقفت فى مشوار دراستك ؟

لو قالوا لحضرتك حتتنفى فى جزيرة لمدة اسبوع ومسموح لشخص واحد بس يرافقك مين الشخص اللى ممكن تختارة ؟

( و تختار صح مو عايزة ماما و بابا و صحابى انا عايزة شخصيه واحده بس )

كفايه عليك كده و الباقى افضل و افضل

انتظروووووووووووووووووووووووووووووووونا ............

KAREEM

07-25-2010, 11:21 AM

حبيبى ابو نسمة
احلى اسئلة والله العظيم
عشان كدا سيبتك لتانى يوم على رواقة

كيمو أنا هسأل أسئلة خفيفة؟

مييين أكتر شخص بيضايقك فى حياتك؟
طبعا اكيد بدون ذكر اسماء بس هو اكييييييد الشخص الجاهل
واللى كمان بياوح فى الغلط دايما ويخليك تخرج عن اعصابك
ودا دايما بحاول اتجنبه وبحاول مشفهوش عشان مسلمش عليه اصلا

مين أكتر شخص بتحبه فى حياتك:a35:(غير مامتك)؟
غييير امى ؟؟؟ اكيد شقيقى الاكبر وقدوتى محمد
وكمان اختى الكبيرة لان هم الاتنين اللى ربونى وهما بابا وماما التانيين بالنسبة لى

ايه أكتر موقف أحرجك فى حياتك؟
مرة كنت بكلم واحد اعرفه محترم اوى وبكلمه ان السواقين دول من اسوأ طبقات المجتمع من حيث المعاملة والاخلاق وكدا
وبعد كدا اكتشفت ان هو شغال سواق زعلت اوى من نفسى وحاولت اصلح قلت له : لا انت كدا حتخلينى اغير وجهة نظرى
بس ما زلت حاسس بالذنب لانى قعدت اتكلم فترة عن السواقين والقرف اللى بيقرفهونى وانا مش مكنتش عارف انه سواق

مييين أكتر واحد لاقيته راجل من صحابك فى الكلية فى التعامل معاك (غيرى طبعا ههههههههه)؟
اكيد انت اسامى طبعا :d:d:d
اقول لك الحق بجد هو اكيد اكيد عمرو عادل ( ديريكتور ) بدليل اخر موقف ليه معايا
ورغم الحادثة اللى حصلت لنا بالعربية وصمم اننا نروح نجيب اللاب من الكارفور
وليه مواقف تانية كتير تدل على مدى اخلاص وجدعنة هذه الشخصية

إيه أكتر حاجة بتضايقك فى مصر؟
العشواااااائية

إيه أكتر حاجة بتضايقك فى إسكندرية؟
الزحمة ، نفسى امشى فى شوارع فاضية

إيه أكتر حاجة بتضايقك فى القسم؟
اكيد العيال السيس اللى بتدخن فى القسم ومفكرين نفسهم رجالة لما بيدخنوا كدا ويفضلو يعفرو

إيه أكتر حاجة بتضايقك فى المنتدى؟
لما عضو او مشرف يزعل او يتقمص بسبب شخص ما ضايقه
وينسى الفكرة والهدف والغاية الاساسية من المنتدى والخير الكبير
ويسيب المنتدى عشان شخص وينسى الفكرة
" الواحد لازم يكون مؤمن بالفكرة وميسيبهاش حتى لو كان الاشخاص مش كويسين او الاشخاص اللى بيحبهم مش موجودين معاه "

إيه أقصى طموحاتك؟
انا طموحى ملوش حدود ياسامى
ودى مش اجابة كدا والله بس دا حقيقى فعلا
بمعنى انى كل ما اوصل لحاجة بتمنى انى اوصل لمكانة احسن فى الدنيا
والاهم من دا طبعا الاخرة انى ادخل الجنة بس انا جاوبت على اساس الدنيا

ماذا تنتظر من أصدقائك؟
ما ينتظر اى صديق من صديقه
بس انا ساعات بكون طماع شوية وبستنى اكتر
بس مش من اى ناس زى مبقوللك اصدقائى والحمد لله
اصدقائى اى نعم معدودين بس بلاقيهم الحمد لله فى وقت الشدة قبل وقت الفرح

ماذا تعنى كلمة صديق بالنسبة لك؟
يعنى قرينى يعنى يفهمنى اكتر من نفسى

هل تريد أن تنهى علاقتك ببعض زملائك بعد ماتخلص؟
لا بالعكس انا حتى الان بفرح جدا لما بشوف زملاء من ابتدائى او اعدادى او ثانوى
حتى لو مكنوش صحابى اوى او مكنتش حتى بستظرفهم ودا لانهم بيفكرونى بذكريات وايام
كانت اكيد حلوة لان الدنيا بتحلو كل ما تقدم وتبقى ذكريات ليها طعم جميييييييل

هل تتمنى أن تكون رئيس الجمهورية (بجد)؟؟؟؟
لو على هذار او مجرد حلم ممكن
انما لو حقيقة فصعب شوية مش لمجرد حاجة الا انها مسئولية كبيرة جدا
واحب الخص الكلام فى ذكر العبارة اللى قالها سيدنا عمر ابن الخطاب لما كان امير المؤمنين
" اخشى ان تتعرقل دابة فى العراق وانا فى الشام فيحاسبنى الله عليها .. لماذا لم امهد لها الطريق " - فيما معنى كلامه -

يالا كفاية كده

انت كمان كفاية كدا لان اسئلتك جامدة بصراحة ياسامى
وخلتنى افكر فى حاجات كتير كانت غايبة عن بالى
منووووووورنى يا برنس البرانييييييييس

KAREEM

07-25-2010, 03:02 PM

عارفة انتى تانى مرة اكتب الرد تانى
بعد ما كنت جاوبت على كل الاسئلة
حصل حاجة كدا ضيييييعت الدنيا
حاجة تنرفذ بصراحة بس ححاول اجاوب تانى
بس يارب يجى لى طاقة اكتب كل دا تانى

يعنى انا مش هتقل عليك انا هسئل كام سؤال اولا:
هل انت الان تعيش حالة حب ؟
حاليا مش بالظبط كدا هى كانت حالة حب ومش عارف اذا كان حب حقيقى ولا لا
بس هو اللى اقدر اقولو كل شىء قسمة ونصيب

اذا كانت الاجابة ايوة فا ممكن توصف شعورك تجاة الحالة دى فرحان , مدايق , مسئولية.....؟؟
عادى والله رغم انى محصلش نصيب بس مش حاسس بجرح
وهو دا اللى حسسنى انه مكنش حب حقيقى او يمكن حب بس الحمد لله
ان كان الجرح فى اوله عشان كدا كان سهل محستش بيه
" هناك جروح كقلم رصاص نمحيها وكانها لم تكن .. وهناك من الجروح كالرصاص تمحينا وكاننا لم نكن "
اعتقد الحمد لله جرحى كان قلم رصاص بل قلم سنون كمان :a5:

مين حببتك ؟ اية اول حرف من اسمها ؟ اوصف حببتك فى كلمات ؟
يناءا ع الاجابة السابقة من كانت حبيبتى
ممكن اوصفها فى كلمتين
خجولة ، عقلانية لاقصى درجة
عاملة زى المدينة المحصنة باسوار لا تريد ان يقترب احد ويدخل الى قلبها حتى تحسبها بالف حساب
ولكن مثل هذه المدينة ان فتحت ابواب قلبها ستجد حبا لم يكن من قبل
كلام كبير اوى اوى اوى :a5:

هل تستطيع ان تعيش بدون حب وبقصد حب الجنس الاخر ؟؟ يعنى مش حب الام والاب والوطن وفى حب صحابى والكلام دة
بالنسبة للحب الى قصدك عليه ايووووا اقدر اعيش من غيره عادى
انما حب الله ورسوله وحب اسرتى واهلى وحبايبى وصحابى وناسى دا اللى لا يمكن الواحد يعيش من غيره ابدااااا

لما ااقرب حد ليك يجرحك اوى بتعمل اية واية اول مكان تروحة ؟
طبعا المفروض انى اروح لاقرب حد ليا لكن لما هو اللى يجرحنى اكيد مش حروح له هو
اكيد بروح لربنا وغالبا بكون مع نفسى محبش انزل من البيت وبحس بكبت رهيب جدا
لدرجة انى ممكن انزل اروح اى حتة بعييييد غالبا فى قلب البحر واقعد اناجى ربنا بدعاء
واحب اقرا قران لانى بحس فيه ان ربنا بيكلمنى فعلا وبيبعت لى ايات تريحنى وانا بقرا
" اللهم اجعل القران العظيم ربيع قلوبنا "

شايف نفسك ازاى ؟
سؤال مش اى حد يجاوب عليه لان لازم اللى يجاوبه يكون شايف نفسه صح ودارسها ويكون عنده شفافية ويكون صريح مع نفسه جداااا
بس عموما ممكن اكون انسان طموح لاقصى درجة طيب اوى وبنسى بسرعة بمعنى انى مبعفش اشيل من حد كل امله فى الحياه انه يمشى بما يرضى الله على صراط مستقيم فى الدنيا حتى يسير على الصراط بسرعة فى الاخر واعبر اللى الجنة والغاية الكبرى وانول رضا الله

هل انت متشائم ام متفائل؟
متفاااااااائل مهما حصل باذن الله حفضل متفائل
" تفائل الخير تجده "

بتواجة مشاكلك ولا بتهرب منها ؟
غالبا طبعا بحب اواجه مشاكلى بنفسى وفى وقتها كماااان مأجلهاش حتى
الا ساعات فى مشاكل فى الدراسة زى ما تكون مادة مش طايقها او مش حاببها
مبعرفش احبها او مبحاولش افتحها وبهرب منها بالنوم وبخش فيها الامتحان
والحمد لله بتعدى وكمان بجيب تقدير ساعات ازاى معرفش :a16:

شايف الدنيا اللى انت عايشها بأى صورة؟
بحب اوى الجملة بتاعة
" عش فى الدنيا كأنك غريب او عابر سبيل "
بس الواحد الدنيا بتاخده برضو للاسف وانا حاليا شايف الدنيا اودامى مفتوحة
وعندى امل وطموح كبير انى اكون حاجة عن قريب باذن الله
بس لما بفتكر انى تممت 20 سنة الشهر دا بفتكر انى ممكن اكون عديت 1/3 عمرى على افتراض
انى مثلا حعيش 60 سنة والله اعلم طبعا انا بدى مثال عشان انبه نفسى ان العمر معدود
وزى ما سيدنا نوح اللى عاش فى الدنيا حوالى الف سنة وفى الاخر يقول
" وكانى دخلت بيت او دار من باب وخرجت من الباب الاخر "
فمابالك بينا احنا فعلا الدنيا متسويش عند ربنا ولا جناح بعوضة
" وما الحياة الدنيا الا متاع الغرو "
* اذكركم ونفسى قبلكم بذلك *

مين الشخص اللى انت نفسك تعتزرلوة ؟
الباشمهندس اسلام محمد مشرف القسم الاسلامى
لان ممكن يكون حصل سوء فهم لكلامى معاه لكن رده عليا
واستيعابه للموقف خلانى ازيد احترما ليه
واتمنى انه ميكونش زعلان وهو اكيد كذلك بس حبيت أأكد على ذلك

نفسك تحقق اية فحياتك ؟
ياااااا نفسى فى حاجات كتير
نفسى ازور الروضة واصلى فيها واروح عند قبر النبى واكلمه وابكى عنده
نفسى اعمل حجة لوالدى الله يرحمه واخد امى معايا اطلعها الحج
نفسى اوصل للاستقرار فى حياتى بمعنى يكون عندى بيت وزوجة واطفال
واكون راجع من الشغل تعبان الاقى مراتى حبيبتى مستنيانى وعملالى الاكل
والعيال يقولو بابا جيه واخدهم بالعربية افسحهم كلهم
لو قعدت احكى مش حخلص بس الاهم من امنيات حياتى دى كلها
ان تكون حياتى كلها لله بحيث انى فى الاخر انول الغاية الكبرى اللى هى الجنة والنظر لوجه الرحمن

دول حبة اسئلة كدة وحبة افكر واسئلك تانى

تانى ؟؟؟؟؟ ايه اجماعة انتو مبتتعبوش :a4:
اعتقووووووووووووونى شوية :a3:
دى امتحانات الثانوية ارححححححم :a36:

عموما اسئلتك كانت جميلة يا سمارت
واجرأ اسئلة فيهم حتى الان
بس انا الحمد لله صريح واعتقد اجاباتى
كانت نموذجية ياريت تدينى تقدير بقى

smart girl

07-25-2010, 09:38 PM

عموما اسئلتك كانت جميلة يا سمارت
واجرأ اسئلة فيهم حتى الان
بس انا الحمد لله صريح واعتقد اجاباتى
كانت نموذجية ياريت تدينى تقدير بقى

مرسى ياكريم ان اسئلتى عجبتك وبجد ربنا يحققلك كل احلامك

KAREEM

07-26-2010, 12:33 AM

ابقى ورينى مين حيجاوبك بقى يا ظريق
يا لطيييييييق يا اجدع صاحب فى الدنيا
دا انت حتى ياراجل مقريتش الاسئلة دى
اكيييييييييييد خدتها كوبى بيست
اقول ايه بس غير حسبى الله ونعم الوكيل
عموما انا حنقى واللى اقدر اجاوب عليه حجاوب
وانت وحظك بقى يا دولة واحمد ربنا على كدا
ماشى ولا ايه الكلام معاك ؟؟؟؟؟؟؟؟

علشان انت صحبى يا كريم اسئله سهله ايه
باقة ورد لمن تهديها ...؟؟

اهديها لاجدع اخت فى الدنيا نجلاء فتحى
لانى قبل كدا كنت مبدد عليها فى وردا

شخص لاترفض له طلبا ..؟؟
اكيد والدتى طبعا

من هو توأم روحك ...؟؟

مفيش

مالذي يشعرك بأكثر قدر من الحرج
مش فاهم بس كلام زى الفل

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
مش حقراها اكيد فيها انفلونزا الطيور طبعا

من هو العضو اللي يستحق انه تقول عنه محبوب بين الاعضاء ؟
هبة بيبوووو اكيييييييييد

1-اسمك المستعار ؟
مفيش

2-سبب اختيارك لهذاالاسم ؟
سؤال زكى ... مش قلت لك مفيييييش

3-الهوايات ؟
كرة القدم ، برامج كمبيوتر

4-افضل شهـر بالسنه والسبب ؟
الشهور كلها شخور ربنا وكلها حلوة وقشطة

5-حلمك في الحياة؟
انى اموت شهيد او ساجد لربنا
6-أجمل سنوات مرت عليك؟
اكيد الواحد كل ما تقدم معاه الذكريات بيبقى ليها طعم خاص
لكن اقدر اقوللك ان احلى سنين سنين الكلية اللى مفيش زيها
عشان اتعرفت فيها على ناس زيكو وقضيت احلى اوقات معاكم
واهو فاضل سنة اتمنى تعدى براااااااحة عشان الهم جاى بعد كدا
جيش وشغل ومسئولييييييييية كبييييييييرة جدااااااااااااااا

7-البرامج المفضلة؟
العاشرة مساءا للاستاذة الفاضلة منى الشاذلى

8-شخصيتك ( عصبي ، رومانسي ، ....... )؟
اجتماعى

9-اجمل بلد زرتها ؟
مخرجتش برا مصر الحقيقة بس لو تقصد جوا مصر
يبقى اكيد اكيد المنصورة بحبها قضيت فيها يومين حلوين
ومطروح كمان نفسى اسكن فيها عشان حاجة واحدة بس
الهدوووووووووووووووووووووووووووووووووووووووء

10-ماهو لونك المفضل ؟
ازرق سماوى

11-من هو مثلك الاعلى ؟
شقيقى الاكبر محمد

12-ماهي حكمتك بالحياة ؟
لا تعطنى سمكة كل يوم ولكن علمنى الصيد

13-ماالذي يحزنك ؟
الحاجة اللى بتزعععععل :a30:

14-ماالذي يغيظك ؟
الحاجة اللى بتعيظ :a10:

15-ماالذي يفرحك ؟
الحاجة اللى بتفرح :a36:

16-افضل شخصيه في رأيك ؟
الشخصية المتزنة فى كل حاجة يعنى
بيوازن بين قلبه وعقله وبين ضحكه وجده
وهكذاااااااااااااااااااااا فى كل شىء

17-فنانك ومطربك المفضله؟
فضل شاكر

18-لو خيروك تكون مشرف أي قسم تختار ؟
حوارات وقضايا اجتماعية

19-من هم الأعضاء اللي تود مصادقتهم ؟
حسام المصرى نفسى اتعرف عليه ع الحقيقة ويبقى صديقى

20-من هم الأعضاء اللي تتمنى تشوفهم؟
حسام اكيد برضو واحمد وحيد كارتوجرافر وكل شباب معهد المساحة

21-من العضو اللي تحب يضيفك لقائمة الأصدقاء ؟
مبهتمش بيها اوى بس هى مش بالقايمة
الحب فى القلب والصداقة فى اللباقة :a5:

22-رأيك بـ الصداقـه بيـن الجنسيـن؟
اجاوب بالنسبة لى انا مكنتش مقتنع بيها بس فى فعلا والله كدا
وممكن يكونو اكتر من اخوات كمان بس احب اذكر نفسى واياكم
" ولا تتبعو خطوات الشيطان " والنفس البشرية طبيعتها كدا
حتى لو الواحد كان واثق من نفسه اكيد الشيطان لازم يدخل لكو

23-عضو عاجبتك صورته الشخصيه وتوقيعه ؟
محمد سامى بيحبنى توقيعه اوى
والفلاش بتاع الصمت دا جامد جدا

24-عضو نشيط... ؟
عبدو بقى اخو محمد سامى هههههههه
الواد ما شاء الله عليه شغال اكسسس فى المنتدى
مبيسيبش موضوع الا اما يرد عليه ههههههههههه
يلا مش عايزين نحسدوووووه وحدوووووه

25-عضو مفقود... ؟
الباشمهندس ايمن جمال واحشنا اوى
بس ربنا يعينه فى ظروف شغله سفره

26-عضو واثق من نفسه ... ؟
اكيد حسن عشرة ربنا يرجعه للمنتدى بالسلامة

27-عضو داخل مزاجك ... ؟
مش عيب السؤال العجييييييييب دا

28-عضو تتمنى تلقتي به ... ؟
ممكن شيماء زميلتنا بالفرقة التالتة
لانها افادتنا كتير ودا لانى بحب اعرف كل دفعتنا
وخاصة الناس اللى بتشارك فى المنتدى وشيماء الوحيدة اللى مشوفتهاش اعتقد

29-عضو مثقف ... ؟
الباشمهندس اسلام ممدوووح بدون مقاطعة

30-عضو نفسك تغير اسمه ... ؟
حبيب قلبى برجل اللى هو كمال اللى هو صديقى اللدوووود هههههه
عايز اغيره واخليه اسمه " البورس الجعان " هههههههههههه
هو كان عامل عضوية زى كدا قبل كدا فى منتدى تانى على فكرة
ههههههههههههههههههههههههههههههههههههههههههههه

31-عضو نفسك تكفخه هههه ... ؟
هههه يعنى اديلو قفة قصدك

لو قصدك كدا يبقى اكييييييد محمد حسام مندووووور

32-عضو نفسك تقول له ( برافو عليك ) ... ؟
احب اقول لسارة احمد لانها بجد عاملة مجهود حلو فى المنتدى وخاصة فى القسم عندى

33- عضو تبي تهديه بيت شعر ايش هو بيت الشعر ؟
احب اهدى بيت الشعر دا لحبيب قلبى الباشمهندس الكبير محمد على الجنرااااال
والبيت بيقول
كوز المحبة اتخرم طرطش على كمى .. يا حبيبى بطل جفى وارحم عذاب امى

34-ماهو رأيك بالحب ؟
كلام جميل كلام معقول مقدرش اقول حاجة عنه

35- صــف نفســـك بكلمتيـــن فقـــط..!
كريم اللئيم .... اعمل لك ايه طيب ؟؟؟ مش لاقى كلمتين غيرهم هههههههههه

36 -مــاهــو الشــئ الذي ندمــت علــي عمـلــــه؟!؟
وتفيد بايييييييه يا ندم .. وحتعمل ايييييه يا عذاب

37 -كـلمـــة تمنيـــــت ان تسـتطيـــع سحـبهــــا؟!؟
كلمة بحبك لما اقولها لحد يستحقها ولكنه لم يتقبلها بسبب انه بيفكر بعقله اكتر ما بيحب بقلبه

38 -آخـــر شخـــص تتـــذكــــره قبـــل أن تنـــــام؟!؟
مبفتكرش حد بحط راسى بنام على طووووول اصلا

39 -جــريمــة تتمنـــي لـــو تستطيـــع ارتكابهــــا؟!؟
اقتل واحد ظالم او فاسد ويكون موته قضاء على بلاوى كتير
ومفيش داعى لذكر اسماء كامثلة حتى لانهين احد من المشاهير

40 -حمـامة زاجـــل حاملـــة رســالة لـك,,,من من تتمنـى ان تكــون؟!؟
تااااااانى ؟؟؟ عشان تعرف بس انك واخد كوبى بيست يا دولة
بس انا مش راضى ازعلك

41-شخـــص لطــالما حـــلمـــت بــــه؟!؟
هو لسه مقبلتهوش بس انا ليا فى دماغى مواصفاات لاميبرة احلامى وفعلا شوفتها فى احلامى ولكن احلام اليقظة وحاسس ان اكيد ربنا هيوفقنى والاقيها فى يوم من الايام

42 -دمـعـــه انـذرفــــت رغـمــاً عنـــك؟!؟
يا كتيييييير انا كنت عيوووووووطة اوى لحد فترة قريبة بس الحمد لله بقيت اعرف اتحكم فى نفسى دلوقتى

43 -مـوقـــف صــدمــك ولــن تنســــاه؟!؟
مش فاكر

44 -شـخــص تتمنــي الإنتقــام منـــه؟!؟
اكيد اولمرت او اى حد بيقتل فى اخوانى واخواتى فى فلسطين ببقى نفسى انتقم منه ولو طولت حد منهم حطلع كل غلى فيه حتى الموووت يا اما انا اللى اموت شهيد

45-شــئ او عمــل لا تستطيــع مســامحته؟!؟
مش عارف بس زى مبقوللك الحمد لله ربنا انعم علينا بنعمة النسيااااااان

46-شــئ او شخــص غيــّر مجــري حياتـــك؟!؟

47-حلم لا تستطيـــع تحقيقه؟!؟

48-كلمة تود سماعها كل يوم؟!؟
دعوة من امى " روح يابنى ربنا يسهل لك طريقك وييسر لك كل عسير ويوفق لك ولاد الحلال "
لما بسمعها وانا نازل من بينا من امى بفرح جدااااا وقلبى بينشرح كدا

50 -طالع رحله بريه من تاخذ معك ؟؟
حاخد شلة صحابنا خاصة صحابى من مساحة اجدع صحاب بحبهم كلهم والله
من اول سامى لعلى وحسنى وامير وعادل واحمد وكلههههههم خايف انسى حد

51 - غرق المنتدى ومعك قارب مايشيل الا ثلاثه من تاخذ معك ؟
هو فى منتدى بيغرق هو مررررركب ؟؟؟؟ ايه الاسئلة العجييييبة دى
عموما حاخد كل اللى فى المنتدى عشان نغرق سوا
يانعيش عيشة فل يا نموت احنا الكل واحنا مش حنقدر نستغنى عن بعض
وحنسيبك انت بقى يادولة عشان تعيش لوحدك فى المنتدى
وحتموووووت برضو بس بعد عذااااااب من الزهق لوحدك

روح يا شييييخ دا الواحد حاسس انه مسجوون

http://www.youtube.com/watch?v=5D3dqdUSNw8&feature=related (http://www.youtube.com/watch?v=5D3dqdUSNw8&feature=related)

روح يا شيييييييخ وتعالى بسرعة
:a25::a25::a25:

حنين الحياة

07-26-2010, 12:40 PM

كريم انت لم تجب علي اسئلتي وفي ناس غيري كمان....شكلها تفرقه عنصريه:a7:

الورده البيضاء

07-26-2010, 01:12 PM

كريم
انا مش هاسالك كتير
اية الحلم اللى حلمتة ومكانش من حقك تحلمة؟؟
لو خيروك بين حبيبتك وصاحبك هتختا مين ومتقوليش مفيش وجه مقارنة؟
عيوبك؟
مميزاتك؟
مواصفات الرجل اللى يستحق كلمة رجل من وجهة نظرك؟
رايك فقسم ادم وحواء الان؟؟؟
عندك 3 رصاصات فلمن تهديهآ؟
وردة لمن تهديها؟
روح منك لله تقولها لمين؟
مكنش العشم تقولها لمين؟
وحشتنى\وحشتينى تقولها لمين؟
ماذا تحب ان تكون؟
اخر خبر سمعته أسعدك ؟ومتى؟

اخر خبر سمعته زعلك؟وامتى سمعتة؟
لنا عوددددة

Ma7amed Adel

07-26-2010, 01:23 PM

لا بجد يا كيمو اجابات مقنعه جدااااااااااااااااااااا ايه يالا الظرف دى فى الاجابات ما فيش اجابة دخلت دماغى ههههههههه:a26::a26:

KAREEM

07-26-2010, 01:32 PM

كريم انت لم تجب علي اسئلتي وفي ناس غيري كمان....شكلها تفرقه عنصريه:a7:

بالدوووووووووووور بالدووووووووووور يا خواننا
كلوووووووو هياخد كله هيحط ع الغلبان اللى هو انا

والله جاوبت يا حنين بس ارجعى للصفة اللى فاتت
280 وحتلاقنى مجاوبك كويس جدااااااا

وفين التفرقة العنصرية دى انا كل ما ببقى فاضى
بحاول اخش اجاوب على بعض الاسئلة
وزى ما قلت كله بالدوووووووووور

وحقيقى بجد يعنى استمتعت باسئلتك جدا

KAREEM

07-26-2010, 01:34 PM

لا بجد يا كيمو اجابات مقنعه جدااااااااااااااااااااا ايه يالا الظرف دى فى الاجابات ما فيش اجابة دخلت دماغى ههههههههه:a26::a26:

هم 3 اسئلة بس الى سيبتهم
عشان مش فاهمهم او مش لاقيلهم اجابة
و3 اسئلة استظرفت فيهم فقططططط

فين بقى اللى مش مقفنع يا دوووولة
يا ندللللللللللل

حنين الحياة

07-26-2010, 01:51 PM

تجيلى تانى مييييييييييييييييييييين
؟؟؟؟؟؟؟؟؟؟؟؟؟؟؟
الحبة دول كدا كفاية عليكى اوى
انا خلااااااص فصلت
ولسه وراكى بتاع 516 سؤال
مش عارف حلحق احلهم امتى
دا امتحانات الثانوية العامة مكنتش كتير كدا
؟!!؟!؟!؟!؟!؟!؟!!؟!؟!؟!!؟!؟؟!؟!!؟!!؟!!؟!؟!؟!!؟!!؟!

شكرا ياحنين الاسئلة كانت جميلة اوى بجد

بجد انت انسان صريح جدا...وتقبل اعتذاري ان قلبت عليك المواجع بس ما كنش قصدي عشان ما كنتش اعرف وربنا يرحمه وجميع موتي المسلمين....واسئلتنا احسن من اسئله الثانوي الاسئله الي احنا جبنهالك ممكن ماتجوبيش علب بعض الاسئله اما الثانوي اجباري حسبنا الله ونعم الوكيل....وبجد نعمه الاخ لينا كلنا وبالتوفيق بأذن الله

KAREEM

07-27-2010, 05:19 PM

اسراء معلش اتاخرت عليكى
حجاوبك حالا اهووووووووووو

ما هي التجربة التي أ زعجتك ومش عايزها تتكرر في حياتك طبعا خارج مجال الدراسه؟؟؟؟

هو انا الحمد لله عمرى ما ندمت على تجربة حتى لو كانت فاشلة او اخرها معايا كانت نتيجته مش كويسه
لان الواحد بيعيش عشان يتعلم وحتى لو جربت تجربة واخطأت فيها او فشلت فاكيد انا برضو اتعللللمت حاجة جديدة
وبتعلم من خطأى انى مغلطش تانى فى الحتة دى يعنى مثلا قعدت على قهوة وشربت زبادى خلاط انا وواحد صاحبى
وفى الاخر طلع المشروب فيها ب 50 ج وانا مكنتش اعرف واتدبسسسسست انا وصاحبى المهم اننا اتعلمنا
اننا المرة الجاية منقعدش ع القهوة دى :a5: دا مثال حصل لى بجد على فكرة :a16:

لو جاتلك فرصة عشاء رومانسى فى مطعم رومانسى هادىء
تاخد مين معاك على العشاء بس حد ؟؟؟ غير بابا وماما ومرات حضرتك في المستقبل ان شاء الله

مش حتصدقى لو قلت لك امى بجد نفسى اعمل كدا وساعات والله الواحد بيحاول على قد امكانياته انه يفرح امه بحاجة زى كدا
ووالله كمان مرة لو حصل دا حقيقى اكييييد اول واحدة حفكر فيها انى اخدها معايا اكييييييد امــــــــــــــــــــى

لو جاتلك فرصة سفر تحب تكون فين ومع مين ؟؟؟؟

اكون مع صديقى وصاحبى وحبيبى واقرب حد ليا فى الدنيا
اسمه احمد وياسلام بقى لو السفر دا كان فرصة عمل
فى اى دولة اجنبية ونكون مع بعض فى الغربة حتبقى حنينة شوية

لو حد غالي علي حضرتك ( حبيبتك ) وطلبت منك وقالك قولي شعر ماذا ستقول له؟؟؟

السماء تمطر والارض مليااااا ... لا تخافى يا حبيبى
:a28: معـــــــى شمـــــــــــســــــــــــية :a5:

اهم شخص غير فى شخصيتك واتاثرت بية قوى؟

اكيد صديقى احمد الى لسه قايل عليه من شوية لاننا فى فترة قربنا من بعض اوى
لدرجة اننا دخلنا جوا دماغ بعض وحصل ما يسمى بانفلونزا الصداقة

اية اكبر عقبة وقفت فى مشوار دراستك ؟

الحقيقة مشوار دراستى كان الحمد للهن متيسر بفضل الله ودا لانى مكنتش باخد دروس كتير ولا حتى خصوصى
ولما كنت باخد ايام الاعدادى كان فى معهد وايام الثانوية العامة مادتين بس خصوصى والباقى عادى
والكلية اهى تمام الحمد لله شغالة انا انتظام والمصاريف معقولة والكتب رخيييييصة :a5:
وكله تمام كله بيصرف وبرفامات ياباشا والشباب مبسووووووط
هههههههههههههههههههههههههههههههههههههههه :a16:
يارب اكون فهمت السؤال صح بس ولا انا جاوبت على حاجة تانية ؟؟؟ :a39:

لو قالوا لحضرتك حتتنفى فى جزيرة لمدة اسبوع ومسموح لشخص واحد بس يرافقك مين الشخص اللى ممكن تختارة ؟

( و تختار صح مو عايزة ماما و بابا و صحابى انا عايزة شخصيه واحده بس )

ههههه مش محتاجة كلام اكيد صاحبى بس انتى كمان مش عايزانى اخد صاحبى
لازم يعنى اخد واحدة طب انا دلوقتى مش متجوز اعمل ايييييييه
عموما زى مبقوللك كدا هو احمد مصطفى صديق عمررررى
او ممكن مع شخصية مشهور ومحبوبة زى عمرو خالد او الدكتور زغلول النجار
او الدكتور عمر عبد الكافى اى حد من الناس العظاااام دى اتعلم منه كتييييير فى تجارب الحياة

كفايه عليك كده و الباقى افضل و افضل

انتظروووووووووووووووووووووووووووووووونا ............

كل دى انتظرونا يا شيخة خضتينى حرام عليكى
باسئلتك اللى ........ ولا بلاش احسن تزعلى
واتفصلى من دى يا اسرااااااء :a15:
بس اهم حاجة تاخديها ومتجيش تسألى تانى
:a28::a36::a47::a18:

spider girl

07-30-2010, 02:37 AM

فى انتظار الضيف القادم ان شاء الله

KAREEM

07-30-2010, 02:45 AM

كانو يومين حلوين يا جماعة
وخفاف والله رغم اسئلة
الثانوية العامة دى

وبختار بعدى

العضوة النشطة

سارة احمد عبد الفتاح

spider girl

07-31-2010, 03:32 AM

اهلا بيكى يا سارة فى الضيافه
ان شاء الله تقضى فترة جميله
تترك معاكى زكرى حلوة ان شاء الله ونقدر نتعرف عليكى اكتر:a5:

ALY ELSAYED

08-06-2010, 08:50 PM

اهلا بيكي معانا يا ساره في الضيافه

وفي انتظار ردودك علي الاسئله الي حتتوجهلك من كل الاعضاء

ادخلي يلا رحبي بنفسك معانا

واستقبلي الاسئله اللذيذه بتاعت اعضاءنا

ساره احمد عبد الفتاح

08-07-2010, 01:17 AM

طريقه حلوه اننا نتعرف بيها على بعض اكتر

وان شاء الله اكون ضيفه خفيفه

ومعلش لو مكنتش دخلت قبل كده بس انا كنت تعبانه

ومفيش حد حط اسئله لحد دلوقت اساسا

Youssef Mostafa

08-07-2010, 01:44 AM

اهلا ياسارة منورة الضيافة والمنتدى كله

ممكن اسال بقى :a39:

نفسك تدخلى مساحة ولا شعبة نظم؟

حتشتغلى بعد التخرج ولا لأ؟

مين اصحابك المقربين فى المنتدى ؟

انتى عيد ميلادك ايه صحيح؟

مين اكتر شخصية فى هيئة التدريس بالقسم عجبك من ناحية العلم؟

ايه رايك بالشخصيات التالية؟

مدير عام المنتدى ؟

د/سيد الزغبى

د/محمد سعد

كريم

مروة مجدى

امل

هبة بيبو

يوسف مصطفى:a39:

كفاية كدة دلؤتى :a40:

spider girl

08-07-2010, 03:43 PM

يلا يا سوسو حبه اسئله خفيفه اهه

1.امتى تكونى راضية عن نفسك؟
2.ايه السؤال اللى لايمكن تجاوبى عليه؟
3.امتى تحسى انك ضعيفة؟
4.ايه اصعب موقف مريتى بيه فى حياتك؟

MUHAMED SAMY

08-07-2010, 07:24 PM

اكتر حاجة
بتضايقك فى المنتدى ايه؟؟

اتمنى انه ميكونش فى حاجة اساسا!!

حنين الحياة

08-08-2010, 05:04 PM

ساره ياساره منوره يابنتي...خدي عندك بقي
ايه انطباعك عنا يوم ماشوفتينافي التجمع؟

هل مريتي بتجربه صعبه في حياتك؟

عرفينا عن نفسك يامه؟

لو بقيتي مشرفه تتمني انهو قسم؟

Abdo Samy

08-08-2010, 08:50 PM

هل فى المنتدى بنسبة ليكى سبيات ؟

هل مر عليكى مواقف صعبة مثلا زى ايه؟

ايه شعورك نحو المنتدى؟

ايه شعورك نحو اعضاء المنتدى؟

كفاية عليكى كده

esraa marey

08-08-2010, 09:41 PM

ساره احمد عبد الفتاح

08-09-2010, 12:42 PM

ازيك يا سارة 0 انا اسئلتى مش صعبة ولا تعجيزية
اسئلتى فى مستوى الطالب المتوسط0 السؤال الاول:1- ايه اكتر امنياتك فى حياتك العملية؟
2-ماذا تطلبى من اعز اصدقائك خاصة فى معاملتك؟ يالا هيسىىىىىىىىىى

ههههههههه
ماشى يا ستى
1-ابقى ناجحه فى حياتى واشتغل حاجه بحبها
وانى اسيب بصمه فى حياتى العمليه تفتكرها الناس ومبقاش زى غيرى من اللى بيموتوا ومحدش بيحس بيهم
اتمننى تكونوا فهمتوا قصدى

2-تعاملنى زى مابعاملها
وتتحمل عصبيتى شويه

ساره احمد عبد الفتاح

08-09-2010, 12:50 PM

هل فى المنتدى بنسبة ليكى سبيات ؟
انا مش فاهمه السؤال ده
هل مر عليكى مواقف صعبة مثلا زى ايه؟

ايه شعورك نحو المنتدى؟

ايه شعورك نحو اعضاء المنتدى؟

كفاية عليكى كده

1-كلنا بيمر علينا مواقف صعبه
زى مثلا يوم معرفت حقيقه الناس اللى كنت فاكره انهم صحابى القريبين

2-كنت الاول كرهاه بس دلوقتى بقيت مدمنه للمنتدى

3-ناس زى الفل اتمنى اتعرف عليهم ويبقوا صحابى كلهم

ساره احمد عبد الفتاح

08-09-2010, 12:59 PM

ساره ياساره منوره يابنتي...خدي عندك بقي

ايه انطباعك عنا يوم ماشوفتينافي التجمع؟

هل مريتي بتجربه صعبه في حياتك؟

عرفينا عن نفسك يامه؟

لو بقيتي مشرفه تتمني انهو قسم؟

مش قادره اقولك حبيتكوا قد ايه
ودخلتوا قلبى على طول واتمنى نبقى صحاب

2-مفيش حد مبيمرش بتجارب صعبه فى حياته
بس انتى تقصدى انهى نوع من التجارب

3-انا ساره احمد
فى الفرقه الثانيه وان شاء الله اتنقل للفرقه التالته قريب
بحب القراءه والرسم وحاجات تانيه كتييييييير
منهم ممارسه الرياضه
من اسكندريه
عندى طموحات واحلام كتير نفسى احققها
بحب بلدى رغم اللى فيها
فى ناس كتييييير انطباعها الاول عنى انى رخمه شويه
على عكس الحقبقه الواضحه انى عسل ومجبتنيش ولاده
ومش عارفه اقول ايه تانى فانتوا اسالوا وانا حرد

4-اى قسم فى شغل جامد اقدر اعمل فيه حاجه

ساره احمد عبد الفتاح

08-09-2010, 01:03 PM

اكتر حاجة

بتضايقك فى المنتدى ايه؟؟

اتمنى انه ميكونش فى حاجة اساسا!!

للاسف فيه
وده الطبيعى فى كل حاجه فى الدنيا فى حاجه بتعجبنا وحاجه بضايقنا
اللى بيضليقنى فى المنتدى هى ومحدش يزعل منى سطحيه بعض الاعضاء والردود السخيفه
ودى حاجه موجوده فى كل المنتديات

ساره احمد عبد الفتاح

08-09-2010, 01:05 PM

يلا يا سوسو حبه اسئله خفيفه اهه

1.امتى تكونى راضية عن نفسك؟
2.ايه السؤال اللى لايمكن تجاوبى عليه؟
3.امتى تحسى انك ضعيفة؟
4.ايه اصعب موقف مريتى بيه فى حياتك؟

1-لما احقق حاجه كان نفسى فيها
2-حقولك عليه لما يتسال
3-لما مقدرش امسك دموعى قدام حد
4-يوم وفاه والدى رحمه الله

Youssef Mostafa

08-09-2010, 02:30 PM

ساااااااااارة

بالنسبة لاسئلتى مخفية ولا ايه :a5:

esraa marey

08-09-2010, 05:24 PM

\

1-ابقى ناجحه فى حياتى واشتغل حاجه بحبها
وانى اسيب بصمه فى حياتى العمليه تفتكرها الناس ومبقاش زى غيرى من اللى بيموتوا ومحدش بيحس بيهم
اتمننى تكونوا فهمتوا قصدى

2-تعاملنى زى مابعاملها
وتتحمل عصبيتى شويه اجاباتك كلها جملية يا سارة 0 وع فكرة اجابتك لسؤلى الاول 0ديه نفس امنياتى 0 ربنا يحققلك كل احلامك0

ساره احمد عبد الفتاح

08-09-2010, 09:13 PM

ساااااااااارة

بالنسبة لاسئلتى مخفية ولا ايه :a5:

لا والله انا رديت من الاخر للاول وملحقتش ارد على اسئلتك

وحاضر حرد عليها حالا

ساره احمد عبد الفتاح

08-09-2010, 10:41 PM

[QUOTE=Youssef Mostafa;264541]
اهلا ياسارة منورة الضيافة والمنتدى كله

ممكن اسال بقى :a39:

نفسك تدخلى مساحة ولا شعبة نظم؟
مش قادره اقرر فحسيب النتيجه تحدد وربنا يستر

حتشتغلى بعد التخرج ولا لأ؟
لو جاتلى فرصه كويسه اكيد مش حسيبها

مين اصحابك المقربين فى المنتدى ؟
كتييير والحمد لله
بس مش حقول اسامى عشان منساش حد

انتى عيد ميلادك ايه صحيح؟
4/11

مين اكتر شخصية فى هيئة التدريس بالقسم عجبك من ناحية العلم؟
د/ممدوح التهامى
د/احمد مصطفى
د/محمد جبريل
د/محمد سعد

ايه رايك بالشخصيات التالية؟

مدير عام المنتدى ؟

د/سيد الزغبى

د/محمد سعد

كريم

مروة مجدى

امل

هبة بيبو

يوسف مصطفى:a39:

كفاية كدة دلؤتى :a40:

مدير عام المنتدى:شخصيه مثقفه محترمه تمتلك سعه صدر

تشرفت بمقابلتها جدا

د/سيد:متكلمتش معاه غير مره فمقدرش احكم عليه بس انطباعى الاول انه مش من الدكاتره المتكبرين

د/محمد سعد

استاذى واخويا الكبيرومثلى الاعلى فى حاجات كتير
اتمنى لما ربنا يكرمنى يكون شاهد على عقد جوازى ويشرفنى بحضوره فى فرحى

كريم:محترم اجتماعى جدااااا

كنت حندم لو معرفتش شخص زى كريم

مروه بنت جدعه جداااااااا

امل من الناس اللى تاخد عليها بسرعه

بيبو من الناس اللى مبقاش فى منها كتير دلوقتى

يوسف انا معرفكش كويس بس زى ما بيقولوا ولاد الناس بتبان

ياريت تقبل اسفى حقيقى مكنتش اقصد بس الوقت مسمحش وانا عجبتنى الاسئله وكنت عايزه ارد عليها

بكرر اسفى............:a40:

ساره احمد عبد الفتاح

08-09-2010, 10:42 PM

اجاباتك كلها جملية يا سارة 0 وع فكرة اجابتك لسؤلى الاول 0ديه نفس امنياتى 0 ربنا يحققلك كل احلامك0
ان شاء الله ربنا يحقق احلامنا كلنا

وميرسى ليكى اوىىىىىىىىىىى

Heba Bebo

08-10-2010, 12:02 AM

بيبو من الناس اللى مبقاش فى منها كتير دلوقتى

حبيبي انت يا حبيبي

والله مش قادرة اقولك فرحتيني قد ايه بكلامك ده

تحفة من تحف الزمن بيبو دي اينعم

:a41::a15::a41:

Youssef Mostafa

08-10-2010, 12:31 AM

[QUOTE=Youssef Mostafa;264541]بيبو من الناس اللى مبقاش فى منها كتير دلوقتى

يوسف انا معرفكش كويس بس زى ما بيقولوا ولاد الناس بتبان

بكرر اسفى............:a40:

اتصدقى انا متفق معاكى على هبة بيبو والله
مش عارف حاسس انها مختلفة كدة عن كل الناس
طيبة وجدعة واخلاق

وطبعا مش عارف اقولك ايه اخجلتم تواضعنا:a33:

Mohamed Gaber Aly

08-10-2010, 12:57 AM

ساره احمد عبد الفتاح

مدير عام المنتدى:شخصيه مثقفه محترمه تمتلك سعه صدر

تشرفت بمقابلتها جدا

الكلام ده عنى ربنا يخليكى ياساره انا اللى اتشرفت بمعرفتك فعلا

Heba Bebo

بيبو من الناس اللى مبقاش فى منها كتير دلوقتى :a34::a34::a34:

حبيبي انت يا حبيبي

والله مش قادرة اقولك فرحتيني قد ايه بكلامك ده

تحفة من تحف الزمن بيبو دي اينعم :a34::a34::a34:

ههههههههههههههههههههههههههههههههههههه
انا كنت حاكتب نفس الرد

KAREEM

08-10-2010, 01:21 AM

بجد لو سألونى عن رأيى فى الباشمهندس محمد جابر على
احب اتكلم واسمحولى بقى عشان انا ححشر نفسى
بس الكلمتين زنقنى
انا بصراحة اول ما دكتور سيد قال الباشمهندس حيمسك
ادارة المنتدى وانا كنت معترض وكنت مقلق جدا من حتة
السن دى وكنت معتقد ان الباشمهندس مش حيعرف ينزل لمستوانا
بس اللى حصل العكس خااااالص والباشمهندس بصراحة
بينزل لمستوى كل واحد فينا واندمج فى وسطنا وعمل جووو جامد
وسط المشرفين ووسط الاعضاء وبقى هو اللى يقول لكل مشرف
يعمل ايه وبيشغلنا بنفسنا ودا اللى كنا مفتدقينه قبل كدا

لو اتكلمت حفتح فى الكلام دا اقل شىء يقال عن الباشمهندس
وسامحونى بقى ع المداخلة دى بس شهادة حق لازم تتقال

Heba Bebo

08-10-2010, 09:19 AM

[QUOTE=ساره احمد عبد الفتاح;264948]

اتصدقى انا متفق معاكى على هبة بيبو والله
مش عارف حاسس انها مختلفة كدة عن كل الناس
طيبة وجدعة واخلاق

وطبعا مش عارف اقولك ايه اخجلتم تواضعنا:a33:

ياصلاة الزين ياصلاة الزين ياصلاة الزين

:a13::a13::a13::a13:

ربنا يخليك يا اوفس ويكرمك ويجعلك من المعتوقين في رمضان:a15:

Heba Bebo

08-10-2010, 09:21 AM

spider girl

08-10-2010, 05:45 PM

1_ايه كان احساسك اول يوم فى الكليه؟

2_بتعبرى ازاى عن غضبك؟

3_تقولى ايه عن اصدقاءك(اسراء وسلمى)؟

4_اكتر حاجه بتضايقك فى القسم؟ واكتر حاجه بتحبيها؟

5_قوليلى باه مين الى شكل شخصيه ساره ؟

6_شايفه ايه فى نفسك من الصفات الكويسه ومن الصفات الى تتمنى انها متكونش فيكى؟

7-أجمل سنوات مرت عليك؟

8 -البرامج المفضلة؟

بس كده يلا ومنورة الضيافه يا سرسورة

ساره احمد عبد الفتاح

08-11-2010, 05:31 PM

[QUOTE=spider girl;265049]
1_ايه كان احساسك اول يوم فى الكليه؟

كنت قلقانه على مرعوبه على محتاره

وكنت حاسه انى فى مكان مش حرتاح فيه

2_بتعبرى ازاى عن غضبك؟

أنا للاسف بقيت شويه عصبيه
وبقيت بتنرفز بسرعه
بس حاليا بحاول اظبض اعصابى

3_تقولى ايه عن اصدقاءك(اسراء وسلمى)؟
مش حينفع اقول لانكم متعرفوهمش

4_اكتر حاجه بتضايقك فى القسم؟ واكتر حاجه بتحبيها؟
اللى بيضايقنى ان مفيش اى نظام بين الطلبه وبعضها
وكل الناس بتتعامل على انهم اعداء مش عارفه ليه
ونظام الدراسه وحش جدااااااااااا
وفى حاجات تانيه كتييييييييييييييييير

اما اللى بحبه
فهى الدراسه الى حد ما مش اوى يعنى
يعنى بعض المواد
ودكاتره معينين

5_قوليلى باه مين الى شكل شخصيه ساره ؟

ماما
ناس كتير بتقول انى هى على صغير فى الطبع

6_شايفه ايه فى نفسك من الصفات الكويسه ومن الصفات الى تتمنى انها متكونش فيكى؟

الكويس انا حسيبكوا انتوا تقولوه

اما الوحشاو اللى متمناش كون فيه فهو انى بقيت عصبيه بس ده مش بايدى والله
وكمان انى اصدق اى حد ومبخدش خوانه رغم اللى بيحصل

7-أجمل سنوات مرت عليك؟

مفيش سنين معينه
بس ممكن اقول وانا فى ابتدائى عشان حصلت كتير حلوه

8 -البرامج المفضلة؟
مصر النهارده
1ضد100
كل برامجnat geo wild
وnational geographic
واى برنامج بيعمل حاجه غريبه وغير تقليديه

بس كده يلا ومنورة الضيافه يا سرسورة
ميرسى يا ساره ربنا يخليكى واتمنى اكون جاوبت كويس ونجحت فى الامتحان:a5:

ساره احمد عبد الفتاح

08-11-2010, 05:34 PM

كده الخمس ايام خلصت ولا ايه

كنت سعيده جدا والاسئله كانت لذيذه
بس كان فى حاجات كتيييير نفسى تسالونى عنها

spider girl

08-12-2010, 01:06 AM

كنا سعداء باستضافتك يا سوسو:a40::a40:
يلا قوليلنا منين هتختاريه بعدك؟

spider girl

08-12-2010, 01:12 AM

1*Mohamed Saad Yassin
2*ميرامار
Hassan mohamed*3
gogo*4
Lover angle*5
Ayman Gamal*6
Mimi*7
Shimo*8
Samomran*9
Wisam*10
Tiger*11
Witch evil*12
*13خالد ابو سعده
14*سلمى جمال
15*اسامه البنا
White_heart*16
17*مى الشورى
18*شهاب بودا
Olivia nader*19
20*هيثم
Ahmed mohamed*21
Froty*22
Youssef mostafa*23
Marwa magdy*24
Baybars*25
Marwa mahmoud*26
27*محبه الرحمن
Eslam mamdouh*29
Mahmoud slem*30
Raul*31
Sweet girl*32
*33الروده البيضا

Mohamed Hashem*34
*35محمد الفرارجى
36* kareem
37* سارة احمد عبد الفتاح

ساره احمد عبد الفتاح

08-12-2010, 03:14 PM

ميرسى ليكى يا ساره انك حطيتى أسامى كل الضيوف

بس انا برده مش قادره اختار حد فحسيب كريم هو اللى يختار

KAREEM

08-14-2010, 01:13 AM

الله ينور يا سارة اجاباتك جميلة
وربنا يكرمك على كلامك اللى قلتيه دا فى حقى
ربنا يكرمك ويجازيكى كل خير
اللهم اجعلنا احسن مما يظنون

وبما انك مش عارفة تختارى حد فتسمحى لى
اختار مشرفنا المتميز مشرف القسم الثقافى
الباشمهندس
محمد على
فليتفضل

انطلق يا جنرااااااال

ساره احمد عبد الفتاح

08-15-2010, 12:40 AM

[quote=kareem;265508]
الله ينور يا سارة اجاباتك جميلة

وربنا يكرمك على كلامك اللى قلتيه دا فى حقى
ربنا يكرمك ويجازيكى كل خير
اللهم اجعلنا احسن مما يظنون

وبما انك مش عارفة تختارى حد فتسمحى لى
اختار مشرفنا المتميز مشرف القسم الثقافى
الباشمهندس
محمد على
فليتفضل

انطلق يا جنراال

شكرا ليك يا كريم

واهلا بيك يا محمد

حنين الحياة

08-15-2010, 01:22 PM

محمد علي عليه الدور يا هلا استنعد يا جنرال للمليون سؤال:a12::a12:

sweet girl

08-15-2010, 02:46 PM

ياااااااااااااه
والله زمان ع التوبيك ده
كانت ايامه جميله اوى
والحمدلله انه لسه شغال
وانى رجعت للمنتدى تانى
:a15::a15:

Marwa Magdy

08-17-2010, 12:59 AM

هههههههههههههههههههههههههههههههههههههههه
يا سلام عليك يا كيمو
:a34: :a34:
اختيار موفق
هو ده الكلام

يا مليون اهلا و سهلا بيك يا محمد ف الضيافه :a13:
مش قادره اقولك مدى سعادتى قد ايه :a36: :a36:

ههههههههههههههههههههههههههههههههههههه

تحب بقى ننزل بالاساله دلواتى ولا كمان شويه

:a12: :a12: :a12: :a12:

ALY ELSAYED

08-17-2010, 01:05 AM

اتفضل يا جنرااااال

الظاهر ان اخوك كريم بيحبك اوووووووووووووي

لما نشوف بقي كريم بيحبك اد ايييييييييييييييييه

KAREEM

08-17-2010, 01:26 AM

ياااااااااااااه

والله زمان ع التوبيك ده
كانت ايامه جميله اوى
والحمدلله انه لسه شغال
وانى رجعت للمنتدى تانى

:a15::a15:

يارب بقى تبقعى عودة بلا رجعة
متسيبناش تانى بقى يا هند
يا افضل عضو 2009 على الاستفتاء
بفكرك اهو عشان متنسيش وتعيدى الذكريات
:a13::a13:

هههههههههههههههههههههههههههههههههههههههه

يا سلام عليك يا كيمو
:a34: :a34:
اختيار موفق
هو ده الكلام

يا مليون اهلا و سهلا بيك يا محمد ف الضيافه :a13:
مش قادره اقولك مدى سعادتى قد ايه :a36: :a36:

ههههههههههههههههههههههههههههههههههههه

تحب بقى ننزل بالاساله دلواتى ولا كمان شويه

:a12: :a12: :a12: :a12:

انزلى يلااااااا انتى لسه حتتكلمى
عايزك تسلخييييييه أسئلللللللة
الا ما شفتش حد نزل بسؤال كله بيهدد وبس
:a21:

اتفضل يا جنرااااال

الظاهر ان اخوك كريم بيحبك اوووووووووووووي

لما نشوف بقي كريم بيحبك اد ايييييييييييييييييه

نعتبر دا سؤال يا كارمو لمحمد على
انا مش حجاوب انا حسيب محمد على يحكى
هو عارف انا بحبه قد ايه دا كريازى حوبى واعتزازى
وما بيننا قصة حب كبير

اتقل يا جنراااااال حسألك سؤال انا كمان
بس بجد مش حكتبه دلوقتى حستنى اما كلو ينزل بأسئلته
لانى السؤال اللى حساله محدش حيعرف يسألو غيرى
هااااااا خووووووفت وقلقت صح ؟؟؟
عايزك تقلللللق انا اتقل على رززززقك يا برنس الليالى
:a47:

Marwa Magdy

08-17-2010, 01:46 AM

mohamed ali

08-19-2010, 04:33 AM

اييييه ياشباب هو انا الضيف

ولالالا ايييييييييه مفيش حد قالى خاااالص

Marwa Magdy

08-20-2010, 01:08 AM

تمام اكيمو يلا بينا نبدا بالاساله

بسم الله

-اول حاجه كدا عايزينك تعرفنا ع نفسك .
-ايه هو حلم طفولتك ؟؟
-ايه اكتر حاجه بتنرفزك ؟؟
-ايه هى اجمل تجربه مريت بيها ف حياتك ؟؟و هل تتمنى انها تحصل تانى؟؟
-لما بتكون متضايق اول حاجه بتخطر ف بالك ايه ؟؟
-ايه اكتر حاجه اتعلمتها من الحياه دى ؟؟

كفايه عليك كدا دلواتى

حرجع تانى كمان شويه

ههههههههههههههههههههههههههه
انت اتخضيت ولا ايه

جاوب يلا

و بعدين فين الاساله يا اخونا
يلا كل اللى عندو سؤال لمحمد يسألو

احنا بنهدى النفوس:a21:

mohamed ali

08-20-2010, 03:58 AM

تمام اكيمو يلا بينا نبدا بالاساله

بسم الله

-اول حاجه كدا عايزينك تعرفنا ع نفسك .

محمد على حسن

-ايه هو حلم طفولتك ؟؟

انى اكون ضابط فى الجيش

-ايه اكتر حاجه بتنرفزك ؟؟

عدم احترامى لان انا بحتررم كل الناس

-ايه هى اجمل تجربه مريت بيها ف حياتك ؟؟و هل تتمنى انها تحصل تانى؟؟

اما دخلت المنتدى كانت تجربه لازالت مستمره واتمنى الا تزول

-لما بتكون متضايق اول حاجه بتخطر ف بالك ايه ؟؟

لازم اعقد مع نفسى شويه عشان اقيم تصرُفى وعشان ما مااخذ اى قرار اندم عليه بعد كده

-ايه اكتر حاجه اتعلمتها من الحياه دى ؟؟

الصبررررررررررررررر

كفايه عليك كدا دلواتى
حرجع تانى كمان شويه

هى دى الاسئلة بس زى الفل

MUHAMED SAMY

08-20-2010, 06:09 AM

لول حبيب هارتى
ايه اكتر حاجة فرحتك الصيف ده؟؟
ميين افضل اصحابك موش شرط من الكلية؟؟
تكون مندوب الفرقة الرابعة ان شاء الله؟؟
ايه اكتر حاجة بتضايقك فى المنتدى وفى القسم وفى الشارع؟؟
ايه اقصى هدف تتمنى انك توصلو؟؟
ايه الحلم اللى تمنيته ومتحققش؟؟
بتفكر ترتبط قريب:a20:
؟؟

mohamed ali

08-21-2010, 05:09 AM

لول حبيب هارتى

ايه اكتر حاجة فرحتك الصيف ده؟؟

والله ياسامى الصيف دا كاااااان متعب

بس انا فرحت اما اتجمعنا ورحنا البحر كان يوم جميل

ميين افضل اصحابك موش شرط من الكلية؟؟

جميعكم افضل اصحااااااااااابى

تكون مندوب الفرقة الرابعة ان شاء الله؟؟

يعنى انا لو رشحت نفسى حد حيدينى صوته

ايه اكتر حاجة بتضايقك فى المنتدى وفى القسم وفى الشارع؟؟

فى المنتدى الردود الغير لائقه واما واحد يكون عامل موضوع وتعبان فيه و ما يلاقى اى اهتمام .

فى القسم المان تلاقى الواد ماسك السجاره و وحاطت جله فى شعره وعايش الدور جااامد

على النقيد الواد اللى عامل فيها انه فى الضياق ومقفل المناطق

فى الشارع اكثر حاجة بتنرفز الزباله و الطرق المتكسررره مش عارف الضرائب دى بيودوها فين

ايه اقصى هدف تتمنى انك توصلو؟؟

الحصول على الدكتوره

ايه الحلم اللى تمنيته ومتحققش؟؟

انى اكون ضابط فى الجيش

بتفكر ترتبط قريب:a20:
؟؟
والله اما يميل قلبى

حبقى اقولك

الف شكرررررر ياسامو على الاسالة الجميلة والخفيفه دى

حنين الحياة

08-21-2010, 05:16 PM

يا هلا ....كنت طيب والله خد عندك المليون سؤال دول..

اصعب موقف حصلك في حياتك؟؟؟

اسعد يوم في حياتك؟؟؟

ايه احساسك لما بباك جابلك المايكرويف؟؟؟؟ههههههههههه

اكتر واحد بيعجبك شغله في المنتدي؟؟؟

نصيحه تديها لكل من...

كريم

احمد وحيد

هبه بيبو

مروه مجدي

محمد سامي

محمد عادل

علي السيد

اسلام عمران

مهندس اسلام ممدوح

مهندس محمد جابر

حوريه

امل

حنين

اكتر حاجه بتكرها؟؟؟

اكتر حاجه بتحبها....

ايه احساسك في اول يوم شغل؟؟؟

نفسك في ايه؟؟؟؟

KAREEM

08-21-2010, 06:14 PM

الورده البيضاء

08-21-2010, 09:29 PM

ياهلا ياهلا
منوووووووووووووووووووور ياهندسة
جيبالك اسئلة صغننة خالص خالص
ومو معقدة خالص
نبتدى باسم الله

- بطاقتك الشخصية ؟
-مين عرفك هذا المنتدى ؟
ـ ما هي هواياتك ؟
- من هم اقرب الاعضاء ليك ؟
- رأيك بالمنتدى بصفة عامة ؟
- قصة إنضماميك الى لوما زوما بالتفصيل ؟
- متى تكونى شخصيه حنونه ؟ ومتى تكونى قاسية ؟
- من العضواللى لازم يرد لك في مواضيعك ؟

عضو توقيعه روعه..( ):a11:

عضو نشيط... ( ) :a20:

عضو رزين ... ( ):a8:

عضو مفقود... ( ) :a45:

عضو تفرح بوجوده .. ( ):a32:

عضو تحسه واثق من نفسه ... ( ):a20:

عضو داخل مزاجك ... ( ):a31:

عضو يغيضك .. ( ):a7:

عضو مثقف... ( ):a11:

عضو تخاف يوم ماتشوف اسمه موجود ..( ) :a33::a33::a33:

عضو ودك تغير اسمه ... ( ):a30:

عضو تحب تعرف معنى اسمه ... ( ):a8:

عضو تحس انه شيبك... ( ):a40:

عضو فرحان جدا بصداقتة ... ( ):a13:

عضــو تحس أن فيه خــمول (كسل ) ... ( ):a22:

عضــو يجذبـك بأسلوبه وطريقـة ردوده ... ( ):a34:

عضـو أحيانا ينرفزك بـ ردوده ...( ):a10:

عضو أتحس انه طموح ... ( ):a34:

عضو تحس انه فضولىىى ():a32:

عضو تحسه طفولي .. ( ):a13:

عضــو يناسبه لـقب المحبوب ... ( ) :a33:

عضو تقوله (( ماينساك أبدا قلبي )) ... ( ):a31:

عضو تقوله (( الله يسامحك )) .. :a21:

عضو متعرفوش ونسفك تتعرف علية

عضو ندمت على معرفتة :a33::a33::a33:(يارب استر ومبقاش انا )
هههههههههههههههه
جااااااااوب
ولنا عوددددددددة
:a21::a21::a21::a21:

mohamed ali

08-22-2010, 06:25 AM

يا هلا ....كنت طيب والله خد عندك المليون سؤال دول..

اصعب موقف حصلك في حياتك؟؟؟

اما والدى عمل العميلة كان داخل غرفه العمليات ومش عارف اعمل اييييييه

وكأن احد رابطنى بحبل ولا استطيع ان افعل شى
اسعد يوم في حياتك؟؟

اما طلعت الثالث على دفعه انتظام سنه اولى

لان كنت محبط من تقديرى فى الثانوى العام

ايه احساسك لما بباك جابلك المايكرويف؟؟؟؟ههههههههههه

عادى انا مش بعمل عليه اى حاجة وبعد اللى انتى قولتى عليها انا

استحاله استعمله الا عندى الضروره فان الضرورات تبيح المحظورات

اكتر واحد بيعجبك شغله في المنتدي؟؟؟

كلكم شغلكم ررروعه

نصيحه تديها لكل من...

كريم

صحبى وحبيبى

ياكريم لاتضيع الفرصة فانها لاتأتى الا مرة واحده

احمد وحيد

استمر فى ابداعك ولكن فى موضوعاتك حاول تضيع فيها فيديوهات وصور يكون افضل

دااااااااااااااائم الابداع احمد وحيد

هبه بيبو

هووووووووبا حصريات

هى بتغيب علينا فى موضوعاتها ولكن تعود بحصريات

ولذاك اسميها هوووووبا حصريات

مروه مجدي

مجهودك جميل فى القسم عندك وفى المنتدى استمرى

محمد سامى

ساموووحبيب ماى هارت

سامو مواضيعك جميله و نقاشاتك بناءه استمررررررر يامان

محمد عادل

دوله مش عايزين التخرج يبعدك عن المنتدى

واستمر فى ابداعك

علي السيد

الف سلالامه عليك ياجميل
فى انتظار موضوعاتك الجميله

اسلام عمران

الصراحة انا معرفكش يااسلام عن قرب

ولكن عايزينك تظبت قسم التنمية البشريه

مهندس اسلام ممدوح

عوده قوية ياهندسة وفى انتظار الاقوى

مهندس محمد جابر

هندسه اضافه متميزه للمنتدى وشغله ملحوظ بس اقول له

المنتدى يفتقر الى الاعضاء النشطين وهذا هو التحدى الاكبر

حوريه

شخصيه جميله الاخلاق صريحه الراى

وبدل مااوجه لها نصيحه اوجه لها سوال بعد اذنك

اين مواضيعك المتميزه ياحورية؟؟؟؟

امل

الورده البيضاء انصحك واقول لك

ضل راجل ولا ضل حيطة :a5:
حنين

اصبحتى من المتميزين فى المنتدى فى فتره قصيره

استمررررررى

اكتر حاجه بتكرها؟؟؟

القهوة الساده

اكتر حاجه بتحبها....

ورق العنب

ايه احساسك في اول يوم شغل؟؟؟

ادعيلى اشتغل فى المساحة

نفسك في ايه؟؟؟؟

اكون انسان يفتخر بى وطنى

اسئله جميل ياحنين وسعدت بها

mohamed ali

08-24-2010, 04:21 AM

على حبيب قلبى
انا اللى دبستك التدبيسة دى
وانا اللى حرزعك اسئلة فى التمام
بس قبل الاسئلة دى بما اننا فى رمضان حديك كدا سؤالين حلوين

طبعا البرنامج بيسمح للواحد يسأل فى اى حاجة
اسئلة دينيةو ثقافية اجتماعية خشصخية وكلووووو
افانا حسألك اسئلة ثقافية دينية كدا

ما حكم الصائم الذى أكل وشرب وهو ناسى ؟؟؟ هل يفطر ام يكمل صومه ؟؟

والله ياكريم انا مش شيخ عشان اجيبك على السوال ده ممكن تسال اى شيخ لكن انا مش حفتى ودى المشكله اللى احنا بنعشها الايام دى

فوضة الافتاء

"ما يلفظ من قول إلا لديه رقيب عتيد"

عايزك تقوللى الفرق بي نالصلاة السرية والصلاة الجهرية ؟؟

الصلاه السرية هى التى نسر بالتلاوه فيها زى العصر والظهر مثلا

والجهرية هى التى نجهر بالتلاوه فيها مثل المغرب والعشاء والفجر على ما اعتقد
ولو جاوبت على دا فحسألك سؤال فزورة صعب لو عرفتو تبقى زكى فعلا

صلاة سرية بين صلاتين جهريتين .. ايه هى ؟؟؟ ( صلاة من الفروض الخمسة على فكرة )

عصررررررر الجمعة حيثوا انها محصوره بين الجمعة الجهرية و المغرب الجهرية

ما حكم العطر للصائم ؟؟ يعنى ينفع تحط برفام وانت صايم ولا يبطل صيامك ؟؟؟

لا استطيع ان افتيك

"ما يلفظ من قول إلا لديه رقيب عتيد"

وميغركش الاسئلة دى دى حاجة كدا ع الضيق
لسه الزنقات الجاية كتييييييييير

شكررررررر ياكرك على الاسئله دى

mohamed ali

08-24-2010, 04:44 AM

ياهلا ياهلا
منوووووووووووووووووووور ياهندسة
جيبالك اسئلة صغننة خالص خالص
ومو معقدة خالص
نبتدى باسم الله

- بطاقتك الشخصية ؟

مالها

-مين عرفك هذا المنتدى ؟

استاذ محمد سعد

ـ ما هي هواياتك ؟

الكمبيوتر و لعب كوره القدم

- من هم اقرب الاعضاء ليك ؟

هو مش فى الاعضاء هو كرررررررررريم

- رأيك بالمنتدى بصفة عامة ؟

شغال بنسبة 60% ياجماعه ركزو شوية على الاقسااااام العلمية

- قصة إنضماميك الى لوما زوما بالتفصيل ؟

ااااااييييييييييييييييييييييه مش فاهم

- متى تكونى شخصيه حنونه ؟ ومتى تكونى قاسية ؟

حنونه مع من يبادلنى هذا الحنان قاسية عندما يتكبر على احد

- من العضواللى لازم يرد لك في مواضيعك

لا عضو معرفش بصراحة ممكن اى حد كبير عبد الرحمن

عضو توقيعه روعه..( ):a11:

انتى ايااااااام خالد سعيد عجبتنى جراتك

عضو نشيط... ( ) :a20:

عبد الرحمن
عضو رزين ... ( ):a8:

محمود سليم
عضو مفقود... ( ) :a45:

ايمن جمال
عضو تفرح بوجوده .. ( ):a32:
هو مش عضو دا المشرف اسلام ممدوح

عضو تحسه واثق من نفسه ... ( ):a20:
برده مش عضو هو مدير المنتدى البشمهندس محمد جابر على

عضو داخل مزاجك ... ( ):a31:
شيتوس طريقة الكتابة بتاعته جميله

عضو يغيضك .. ( ):a7:

لا احد

عضو مثقف... ( ):a11:

مش عضو برده هو مشرف على السيد

عضو تخاف يوم ماتشوف اسمه موجود ..( ) :a33::a33::a33:

لالالالالالالالا احد
عضو ودك تغير اسمه ... ( ):a30:
لالالالااحد

عضو تحب تعرف معنى اسمه ... ( ):a8:
لالالالا احد

عضو تحس انه شيبك... ( ):a40:
امممممممممممممممممم

عضو فرحان جدا بصداقتة ... ( ):a13:
كل الاعضاء والمشرفين كان ليا الشرف ان تكون اصدقاء ليا

عضــو تحس أن فيه خــمول (كسل ) ... ( ):a22:
لالالالالالالالا احد

عضــو يجذبـك بأسلوبه وطريقـة ردوده ... ( ):a34:
هبه بيبو

عضـو أحيانا ينرفزك بـ ردوده ...( ):a10:
لا اقصد احد بعينه بس اما احد الاعضاء يعمل موضوع مش منسق بتنرفز

عضو أتحس انه طموح ... ( ):a34:

ساره احمد عبد الفتاح

عضو تحس انه فضولىىى ():a32:
لالالالالالالالالااحد

عضو تحسه طفولي .. ( ):a13:
لالااحدالالالالالالالالاا

عضــو يناسبه لـقب المحبوب ... ( ) :a33:

مروه مجدى محبوبه كاخت لينا جميعا

عضو تقوله (( ماينساك أبدا قلبي )) ... ( ):a31:

لالالالالالالالالالالالااحد

عضو تقوله (( الله يسامحك )) .. :a21:

انتى الله يسامحك
عضو متعرفوش ونسفك تتعرف علية

جميع الاعضاء اللى معرفهمش نفسى اتعرف عليهم

عضو ندمت على معرفتة :a33::a33::a33:(يارب استر ومبقاش انا )

لالالا احد انا اتشرف بمعرفت حضرتك

هههههههههههههههه
جااااااااوب
ولنا عوددددددددة
:a21::a21::a21::a21:

اسئلة جميل ياامل ولسه فى اسئلة ولالالا

Marwa Magdy

08-24-2010, 02:22 PM

و رجعنا مره تانيه

1- هل هزمك حزنك في يوما من الايام؟
2- اذا اردت ان تبكي الان , فعلى من تبكي؟و من ستختار ليمسح دموعك ؟:a46:
3- امته اخر مره بكيت فيها ؟؟
4- ايه اول حاجه حتعملها لو كسبت المليون جنيه؟؟:a36:
5- ((مستحيل انساك)) تقولها لمين ؟؟
6- عاده تفعلها دائما تتمنى ان تتركها ؟
7- لو خيروك بين حبيبك وبين اعز صديق فمن تختار ؟

ايه هو شعورك دلواتى و انت ف الضيافه:a28::a28:

و لنا عوده :a18: :a18: :a18:

KAREEM

08-24-2010, 02:33 PM

هههههههههههههههههههههههههههههههههه
انت كدا بتهرب من السؤال
انا مش بقوللك افتينى
انا بختبرك كشاب مسلم فاهم فى دينه
( من يرد الله به خيرا يفقهه فى الدين )
صدق رسول الله عليه وسلم

انا بقى بحاول انشط المعلومات دى عندك
عموما الاجابة بتاعتهم عشان كلنا نستفاد
وهو دا كان الاقصد ان البرفام لا يفسد الصيام
على اجتماع جماهير العلماء على ذلك
اما لو حد كل او شرف وهو ناسى فى الصيام فيكمل صيامه عادى خالص
طالما فى رمضان اما فى غير رمضان الكلام بيختلف

واصطبر بحضر لك حبة اسئلة
حبة ؟
لا هو سؤال واااااااحد حيشيبك
ولااااااازم تجاااااااوب عليه بصراحة

حالا حنزله اهو

KAREEM

08-24-2010, 02:35 PM

بدون مقدمات يا على

انت بتحب حد من المنتدى دلوقتى ؟؟
الكلام دا سؤال وجواب فى نفس الوقت لانى متأكد من اجابته ؟
بس السؤال بقى اول حرف من اسمه واظن لو قلت اول حرف
مش حتتكشف ولا حاجة لان اول حرف مشهووووور جداااااا
تمام كدا ؟؟؟ طب ولو بتحبه انا عارفك كويس وانت قلت بنفسك
انى اقرب صديق ليك من المنتدى فاحب اقوللك اخرته ايه
وانا عاااااااارف ومتأكد ان تيتك خير وشقتك جاهزة والعفش من عند ابوك
وكلو تمام عندك ههههههههههههههههههههه
جاوب يا على واوعى تهرررررررب متحاولش الهرررررب

mohamed ali

08-25-2010, 05:10 AM

و رجعنا مره تانيه

1- هل هزمك حزنك في يوما من الايام؟

لالالالالالا

2- اذا اردت ان تبكي الان , فعلى من تبكي؟و من ستختار ليمسح دموعك ؟:a46:

لا ارديت ان ابكى على احذ بعينه ولكن والداتى هى التى تسمح دمعى

3- امته اخر مره بكيت فيها ؟؟

من 4سنوات

4- ايه اول حاجه حتعملها لو كسبت المليون جنيه؟؟:a36:

اتبرع بى الربع والباقى استثمره

5- ((مستحيل انساك)) تقولها لمين ؟؟

لالالالالالالا احد

6- عاده تفعلها دائما تتمنى ان تتركها ؟

لالالالالالا تعليق

7- لو خيروك بين حبيبك وبين اعز صديق فمن تختار ؟

اعز اصدقائى

ايه هو شعورك دلواتى و انت ف الضيافه:a28::a28:

ههههههه اكنى فى وسط اهلى

و لنا عوده :a18: :a18: :a18:

اسئله جميلة يامروه

mohamed ali

08-25-2010, 05:12 AM

بدون مقدمات يا على

انت بتحب حد من المنتدى دلوقتى ؟؟

لالالالالالالا
الكلام دا سؤال وجواب فى نفس الوقت لانى متأكد من اجابته ؟
بس السؤال بقى اول حرف من اسمه واظن لو قلت اول حرف
مش حتتكشف ولا حاجة لان اول حرف مشهووووور جداااااا
تمام كدا ؟؟؟ طب ولو بتحبه انا عارفك كويس وانت قلت بنفسك
انى اقرب صديق ليك من المنتدى فاحب اقوللك اخرته ايه
وانا عاااااااارف ومتأكد ان تيتك خير وشقتك جاهزة والعفش من عند ابوك
وكلو تمام عندك ههههههههههههههههههههه
جاوب يا على واوعى تهرررررررب متحاولش الهرررررب

انا مهربش من السوال اى خدمات

MUHAMED SAMY

08-25-2010, 05:23 AM

KAREEM

08-25-2010, 02:57 PM

هههههههههههههههههههههههههههههههههههههههههههههههههه ههههههههه
هههههههههههههههههههههههههههههههههههههههههههههههههه ه
ههههههههههههههههههههههههههههههههههههههههههههههه
ههههههههههههههههههههههههههههههههههه

ومحدش يسالنى ليه
سامى ممكن يكون فهم
هههههههههههههههههههههههههههههههههههههههههههه
هههههههههههههههههههههههههههههههههههههههههههه

الورده البيضاء

08-25-2010, 09:37 PM

اسئلة جميل ياامل ولسه فى اسئلة ولالالا

طبعااااااااااا فى يامحمد
ولاونك هربت من اسئلة كتيييييييير بس مش هاغصب عليك تجاوب عليها
برااحتك
بس جاوب على اللى جاى كلللللللللللللللللللة
هاااااااااااا
اليك الاسئلة
بسم الله الرحمن الرحيم
حلال الله اكبر
ههههههههههههههههههههههههههههههه

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

(( انت كل شيء بحياتي )) لمن تقولها ؟

متى اخر مره بكيت؟ ولماذا؟

اي الدول تتمنى ان تزورها ؟

هل انت راضي عن نفسك ؟

بماذا تقر وتعترف أمامنا الان ؟ (قول اعترررف الانكار مش هيفيدك)

اغمض عينيك دقيقه لو سمحت, ماذا خطر على بالك وانت مغمض العينين ؟ ( وجاوب بصراااااااااااااااحة)

هل تؤيد الزواج العاطفي ام الزواج التقليدي ؟ ولماذا ؟

ايهما اهم شهادتك الجامعيه أم الزواج ممن تحب ؟

هل من الممكن ان تتحول الصداقه الى حب ؟

هل تعترف بشيء اسمه الصداقه بين الرجل والمرأة ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

من هو اكثر شخص تفكر فيه؟

اذا تم تعيينك ملكا لجميع البلاد العربيه فما اول قرار ستتخذه ؟

هل تكره شخص بشده في حياتك ؟

ما هو اقتراحك الذي تتمنى ان يحدث في هذا المنتدى ولم يحدث الى الان ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

حكمة تؤمن بها جدا؟؟

عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

_ ماذا تفعل اول شيء اذا ربحت ملايينا او مليونا عشان مانكون طماعين؟

هل انت من لديهم رغبة حب التملك واذا تملك الشيء اصابه الملل منه ؟
ولنا عودة
بباااااااااااااااااى

Youssef Mostafa

08-26-2010, 01:25 AM

محمد على

انا حسالك سؤال واحد بس

انا بعتلك رسالة خاصة مردتش عليها لييييييه؟

KAREEM

08-26-2010, 02:08 AM

ايوا فرصة بقى وانت فى كرسى الضيافة يا جنرررررال

انا كنت واخد منك سى دى فيها ويندوز سيفين سلف
وبددت عليك فيها .. حصل ولا محصلش ؟؟؟

المهم انا بحرجك دلوقتى اهو وعايزك تسامح فيها
والسى دى بقيت بتاعتى واعمل لك انت واحدة تانية
وانا اوعدك لو عوزتها حبقى احاول اجيبهالك على سبيل السلف
ما هى خلاص بقيت بتاعتى ؟؟؟؟ مسااااامح :a33:
دا انا مختارك مخصوص عشان كدا
خلاص بقى متكسفنيش

بالنسبة كمان كان فى نضارة شمس بتاعتك عجبانى
ام 9 جنيه دى لو تديهانى هدية ياريييييت ححبك اوى والله
وانت اصلا حبيبى بس عشان المحبة تزيد ياتجيب ى النضارة دى
يا تجيب لى واحدة زيها بالظبببببط وب 9 جنيه برضو
وانت اللى حتدقع بس هااااااا

طلبين يا على وانت فى كرسى الضيافقة
حختنفذهم لى ؟؟ حعفو عنك فى باقى الاسئلة
هاااااا
ديل :a34:
اور
نو ديل :a37:

Marwa Magdy

08-26-2010, 03:10 AM

ههههههههههههههههههههههههههههههههههههههههه
انت داخل تستغلو اكريم ولا ايه
حرام عليك
:a28: :a28:

mohamed ali

08-26-2010, 03:36 AM

محمد على

انا حسالك سؤال واحد بس

انا بعتلك رسالة خاصة مردتش عليها لييييييه؟

انا لم ارد عليك لاننا اعتمد الموضوع وباذن ربى حنزلك الرحلة

انا لم يخطر فى بالى انك ممكن تزعل ولو زعلت حق على راسى

MUHAMED SAMY

08-26-2010, 05:01 AM

اه فكرتنى اكيمو
فى عندك واحد ويندوز اعلى
ده اللى كان شغال معايا
واخدته وانا من يوميها من غير ويندوز
انت بتعمل بيهم ايه كلهم
عندك نقص فى الويندوز

:a35:

الورده البيضاء

08-26-2010, 11:51 PM

طبعااااااااااا فى يامحمد
ولاونك هربت من اسئلة كتيييييييير بس مش هاغصب عليك تجاوب عليها
برااحتك
بس جاوب على اللى جاى كلللللللللللللللللللة
هاااااااااااا
اليك الاسئلة
بسم الله الرحمن الرحيم
حلال الله اكبر
ههههههههههههههههههههههههههههههه

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

(( انت كل شيء بحياتي )) لمن تقولها ؟

متى اخر مره بكيت؟ ولماذا؟

اي الدول تتمنى ان تزورها ؟

هل انت راضي عن نفسك ؟

بماذا تقر وتعترف أمامنا الان ؟ (قول اعترررف الانكار مش هيفيدك)

اغمض عينيك دقيقه لو سمحت, ماذا خطر على بالك وانت مغمض العينين ؟ ( وجاوب بصراااااااااااااااحة)

هل تؤيد الزواج العاطفي ام الزواج التقليدي ؟ ولماذا ؟

ايهما اهم شهادتك الجامعيه أم الزواج ممن تحب ؟

هل من الممكن ان تتحول الصداقه الى حب ؟

هل تعترف بشيء اسمه الصداقه بين الرجل والمرأة ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

من هو اكثر شخص تفكر فيه؟

اذا تم تعيينك ملكا لجميع البلاد العربيه فما اول قرار ستتخذه ؟

هل تكره شخص بشده في حياتك ؟

ما هو اقتراحك الذي تتمنى ان يحدث في هذا المنتدى ولم يحدث الى الان ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

حكمة تؤمن بها جدا؟؟

عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

_ ماذا تفعل اول شيء اذا ربحت ملايينا او مليونا عشان مانكون طماعين؟

هل انت من لديهم رغبة حب التملك واذا تملك الشيء اصابه الملل منه ؟
ولنا عودة
بباااااااااااااااااى

اددددددددددة
انت مش اخد بالك من اسئلتى ولا ايييييييييية
:a25::a25::a25::a25::a25::a25:

mohamed ali

08-27-2010, 03:59 AM

اددددددددددة
انت مش اخد بالك من اسئلتى ولا ايييييييييية
:a25::a25::a25::a25::a25::a25:

لا بس اما جيت اجاوب على اسئلتك النت قطع

حجاوب عليها حالا

mohamed ali

08-27-2010, 04:02 AM

mohamed ali

08-28-2010, 05:09 AM

طبعااااااااااا فى يامحمد
ولاونك هربت من اسئلة كتيييييييير بس مش هاغصب عليك تجاوب عليها
برااحتك
بس جاوب على اللى جاى كلللللللللللللللللللة
هاااااااااااا
اليك الاسئلة
بسم الله الرحمن الرحيم
حلال الله اكبر
ههههههههههههههههههههههههههههههه

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا تقصد بها ؟

اقصد بها ان الشى اللى يذهب من يدى فانه لم يكن مكتوب لى من البداية

(( انت كل شيء بحياتي )) لمن تقولها ؟

انا فى انتظار الشى الذى يملى عليا حياتى

متى اخر مره بكيت؟ ولماذا؟

بكيت من 4 سنوات عشان المجموع بتاع 2 ثانوى

اي الدول تتمنى ان تزورها ؟

مكة المكرمة

هل انت راضي عن نفسك ؟

فى بعض الامور بكون فيها راضى عن نفسى والبعض الاخر لالالا

بماذا تقر وتعترف أمامنا الان ؟ (قول اعترررف الانكار مش هيفيدك)

اقر واعترف بلا شى حعترف باى شئ

اغمض عينيك دقيقه لو سمحت, ماذا خطر على بالك وانت مغمض العينين ؟ ( وجاوب بصراااااااااااااااحة)

فى مستقبلى

هل تؤيد الزواج العاطفي ام الزواج التقليدي ؟ ولماذا ؟

الزواج العاطفى لانه يمنح كلا الشخصين معرفه بعضهم بعضا

ايهما اهم شهادتك الجامعيه أم الزواج ممن تحب ؟

الاثنين

هل من الممكن ان تتحول الصداقه الى حب ؟

اكيد اذا حدث نوع من الجذب بين الشخصين

هل تعترف بشيء اسمه الصداقه بين الرجل والمرأة ؟

اعترف بيه قبل الزواج ولكن بعده لالالالا

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

استحاله

هل انت مدمن تفكير؟

نعم

من هو اكثر شخص تفكر فيه؟

مش شخص هو مستقبلى

اذا تم تعيينك ملكا لجميع البلاد العربيه فما اول قرار ستتخذه ؟

فرض الحجاب

هل تكره شخص بشده في حياتك ؟

ابدا

ما هو اقتراحك الذي تتمنى ان يحدث في هذا المنتدى ولم يحدث الى الان ؟

اتمنى زياده تفاعل اعضاء المنتدى

هل ملابس الشخص امامك تؤثر فيك لتأخذ عنه انطباع ؟؟

ابدا

ماالذي يلفت انتباهك بسرعه في الشخص لكي تعجب به ؟

اسلوب كلامه

اذا احببت شخصا في الوقت الخطأ وفي المكان الخطأ فماذا تفعل ؟؟

اتركه فى الحال حتى لا اجرحة

حكمة تؤمن بها جدا؟؟

الحكمة الموجوده فى توقيع مدير المنتدى

عاده تفعلها دائما تتمنى ان تتركها ؟

لا تعليق

ماهو اجمل اسم لولد واجمل اسم لبنت من وجهة نظرك؟

الوالد عمر على اسم سيدنا عمر بن الخطاب

والبنت رحمه

_ ماذا تفعل اول شيء اذا ربحت ملايينا او مليونا عشان مانكون طماعين؟

حتبرع بالربع والباقى حجهز الشقه بيه واعد فيها

هل انت من لديهم رغبة حب التملك واذا تملك الشيء اصابه الملل منه ؟

no

ولنا عودة

بباااااااااااااااااى

وفى انتظار باقى الاسئلة

mohamed ali

08-28-2010, 05:16 AM

ايوا فرصة بقى وانت فى كرسى الضيافة يا جنرررررال

انا كنت واخد منك سى دى فيها ويندوز سيفين سلف
وبددت عليك فيها .. حصل ولا محصلش ؟؟؟

لالالالا ياخوية انا اعمل نسجة منه

اييييييه التبديد ده احنا فى رمضان عيب

المهم انا بحرجك دلوقتى اهو وعايزك تسامح فيها
والسى دى بقيت بتاعتى واعمل لك انت واحدة تانية
وانا اوعدك لو عوزتها حبقى احاول اجيبهالك على سبيل السلف
ما هى خلاص بقيت بتاعتى ؟؟؟؟ مسااااامح :a33:

ههههههههه

لالالالا ربنا يكرمك اييييييه الكرم ده
دا انا مختارك مخصوص عشان كدا
خلاص بقى متكسفنيش

بالنسبة كمان كان فى نضارة شمس بتاعتك عجبانى
ام 9 جنيه دى لو تديهانى هدية ياريييييت ححبك اوى والله
وانت اصلا حبيبى بس عشان المحبة تزيد ياتجيب ى النضارة دى
يا تجيب لى واحدة زيها بالظبببببط وب 9 جنيه برضو
وانت اللى حتدقع بس هااااااا

يعم خذها هدية

طلبين يا على وانت فى كرسى الضيافقة
حختنفذهم لى ؟؟ حعفو عنك فى باقى الاسئلة
هاااااا
ديل :a34:
اور
نو ديل :a37:

لا ياعم لا تعفو عن باقى الاسئلة

اسئل بس

mohamed ali

08-28-2010, 05:18 AM

ههههههههههههههههههههههههههههههههههههههههه
انت داخل تستغلو اكريم ولا ايه
حرام عليك
:a28: :a28:

شوفتى استغلالى حتى فى الكلية شاى وفطار مش عارف من بعدى حيعمل اييييييييييييييييييييييييييه

حنين الحياة

08-29-2010, 03:23 PM

ورجعنا تاني....

حاجه حصلتلك وغيرت مجري حياتك؟

افضل كتاب قريته؟

نفسك تعمل موضوع مشترك مع مين؟

شخص اتعلمت منه الكثير؟

افضل البرامج لديك؟

افضل مذيع؟

بتحب لون ايه؟

لو جاتلك الفرصه انك تسافر بره هتسافر؟

مامنظورك للفتاه العصريه؟

جبت كام في الثانويه العامه؟

ورجعين تاني ان شاء الله

KAREEM

08-29-2010, 06:07 PM

شوفتى استغلالى حتى فى الكلية شاى وفطار مش عارف من بعدى حيعمل اييييييييييييييييييييييييييه

فطار وشاى ايييييه يا تييييييييييييييييييييت تيييييييييييييييييييييييت
اللهم انى صائم حقول ايه بس
بقى انا اللى مداينكو كلكو يتقاللى كدا
صحيح شخللت جيبى زمان لقيت 100 صاحب
ولما خلصت فلوسى

صحابى بقو هم اللى يصرفو عليا :a36:

حبيبى امحمد على وحتفضل حبيبى فى الله
حبيت افكرك بس انى بحبك يا عسل

بس سؤال بقى قبل ما امشى
حريحك منى 10 اياااام اهو

السؤال بيقول

انت حتتجوز على انهى طريقة ؟؟؟؟؟
بمعنى لما تقرر تتجوز حتروح لمامتك تبوس ايديها
وتقولها يا امى جوزينى واختارى لى واحدة بنت حلال
ولا حتستنى لما تلاقى بنت الحلال ويسعدك القدر
لما ربنا يقابلك بواحد يكون فكرها موافق فكرك وتحبها ؟؟؟

سؤال حلوة مش كدا ؟؟؟؟؟؟
يلا انطلق يا جميييييييل
ومتنساش تدعيلى بالهداية بالله عليك

MUHAMED SAMY

08-30-2010, 08:05 AM

كنت بتتمنى تطلع الاول ع الدفعة؟
طب تتمنى السنة الجاية؟
هتشترك معانا فى التيشرتات؟
طب هتختار رقم كام؟؟

esraa

09-01-2010, 03:16 AM

يا هلا يا هلا فيك

منور الضيافه يا محمد

قولى بقى

ايه اكتر درس انت استفدت منه فى حياتك العمليه و الشخصيه .........؟؟؟؟؟؟؟؟

مين صاحب الفضل فى اللى انت وصلتله حتى الآن ........؟؟؟؟؟؟؟؟

4-اكبر كدبة ,حد كدب فيها عليك؟

10-كلمة شكرا بتحب تسمعها من مين اكتر؟

لو ماكنت انسان..كنت شو تتمنى تكون؟؟ وليه؟؟

ماهي رؤيتك للحياة ؟

ماهي التجربه التي تتمنى تكرارها ؟

ماهو أفضل مكان تتردد إليه ؟

و لنا للحديث بقيه

mohamed ali

09-01-2010, 07:14 PM

ورجعنا تاني....

حاجه حصلتلك وغيرت مجري حياتك؟

اما دخلت شعبة مساحة

افضل كتاب قريته؟

حوار مع صديقى الملحد

نفسك تعمل موضوع مشترك مع مين؟

فاى حد اعمل معها موضوع بسم الله ما شاء الله الاعضاء والناس فى المنتدى

محترمين وعلى درايه

شخص اتعلمت منه الكثير؟

الدكتور احمد احمد مصطفى

والدكتور احمد زويل

افضل البرامج لديك؟

القاهره اليوم

افضل مذيع؟

عمرو اديب

بتحب لون ايه؟

الابيض

لو جاتلك الفرصه انك تسافر بره هتسافر؟

ايون

مامنظورك للفتاه العصريه؟

متدينة ومحترمة

جبت كام في الثانويه العامه؟

86%

ورجعين تاني ان شاء الله

مااااااااااااااااااااشى باذن الله :a6:

mohamed ali

09-01-2010, 07:17 PM

كنت بتتمنى تطلع الاول ع الدفعة؟

طبعا
طب تتمنى السنة الجاية؟

احافظ على اصدقائى و اجيب تقدير

هتشترك معانا فى التيشرتات؟

معاكو وانا بعد العيد فاضى وعايزين نلعب كوره بعد العيد

طب هتختار رقم كام؟؟

99

اتمنى ان اكون وفقت فى الاجابه

mohamed ali

09-01-2010, 07:23 PM

فطار وشاى ايييييه يا تييييييييييييييييييييت تيييييييييييييييييييييييت
اللهم انى صائم حقول ايه بس
بقى انا اللى مداينكو كلكو يتقاللى كدا
صحيح شخللت جيبى زمان لقيت 100 صاحب
ولما خلصت فلوسى

اييييه مش فاكر الفلافل بالبسطرمه

صحابى بقو هم اللى يصرفو عليا :a36:

ايون اانكر بقا
حبيبى امحمد على وحتفضل حبيبى فى الله
حبيت افكرك بس انى بحبك يا عسل

احبك الله الذى احببتنى فيه
بس سؤال بقى قبل ما امشى

حريحك منى 10 اياااام اهو

السؤال بيقول

انت حتتجوز على انهى طريقة ؟؟؟؟؟
بمعنى لما تقرر تتجوز حتروح لمامتك تبوس ايديها
وتقولها يا امى جوزينى واختارى لى واحدة بنت حلال
ولا حتستنى لما تلاقى بنت الحلال ويسعدك القدر
لما ربنا يقابلك بواحد يكون فكرها موافق فكرك وتحبها ؟؟؟

بص ياكريم فى كلا الاحوال انا حبوس يد امى وابوس رجلها كمان

بس انا افضل الزواج العاطفى وليس التقليدى

سؤال حلوة مش كدا ؟؟؟؟؟؟

طبعا يابرنس

يلا انطلق يا جميييييييل
ومتنساش تدعيلى بالهداية بالله عليك

ربنا يهديك ويهدينا يارب

ترجع بالسلامه ياجميل

mohamed ali

09-01-2010, 07:32 PM

يا هلا يا هلا فيك

منور الضيافه يا محمد

منورا باهلها

قولى بقى

من عنيه

ايه اكتر درس انت استفدت منه فى حياتك العمليه و الشخصيه .........؟؟؟؟؟؟؟؟

الصبر وثانيا مثلا فى درس اتعلمته السنه دى النصف الاول ذاكرت وجبت 2 مقبول

النصف التانى ذكرت قبل الامتحانا ت بى 2 اسبوع ومجبتش مقبول خاص وجبت 2 امتياز

دى تجربة انا مش فاهمها

مين صاحب الفضل فى اللى انت وصلتله حتى الآن ........؟؟؟؟؟؟؟؟

ابى وامى طبعا

4-اكبر كدبة ,حد كدب فيها عليك؟

لا اعلم

10-كلمة شكرا بتحب تسمعها من مين اكتر؟

من اى شخص

لو ماكنت انسان..كنت شو تتمنى تكون؟؟ وليه؟؟

ان اكون طائر حتى اطوف الدنيا باكملها

ماهي رؤيتك للحياة ؟

انا دائما اشبه الحياه بالترام والمحطة الذى ننزل فيها هى القبر ونهاية الحياه

مهما طال الوقت فى الترام لا يكون كمثل الوقت الذى سوف تقضيه خارجها

ماهي التجربه التي تتمنى تكرارها ؟

اما كنت بقدم فى الكليه الحربية

ماهو أفضل مكان تتردد إليه ؟

القلعه

و لنا للحديث بقيه

وانا فى انتظار باقى الحديث

esraa

09-02-2010, 12:13 AM

عدنا بعد الفاصل

ايه الشىء اللى انت حاسس انك مفتقده........؟؟؟؟؟؟

قول بقى مين من الاعضاء تقول عليه :

ذكى جدا .............

مبدع...............

خدوم.....................

مشاكس .................

طفل ......................

هادى .......................

مستفزر فى ردوده ......................

فاكهة المنتدى ............

فراشه المنتدى ............

قوليل بقى كل كلمه تقول عليها معنى جواك

البحر

المرأه

الصداقه

الحب

الكذب

الخيانه

الراحه

الخير

العطف

الجمال

الورد

انت شايف نفسك (محمد على ) ازاى .......؟؟؟؟؟

لو واجهتك اى مشكله او لو كنت مضايق و فى موضوع شاغل تفكيرك مين اول انسان تروح له و تحكى له .......؟؟؟؟

MUHAMED SAMY

09-02-2010, 06:18 AM

اتمنى ان اكون وفقت فى الاجابه

وفقت يا هندسة
بس 99 ده غريب شوية
ياريت لو بتكلم اغى حدمن صحابنا تبلغه بالوضوع ده لاننا نعمله فى العيد او بعد العيد ان شاء الله

سؤالى بقى
لو جتلك فرصة عمل براتب اعلى من المساحة تشتغله؟

mohamed ali

09-03-2010, 03:39 AM

عدنا بعد الفاصل

فكرتينى بالاستاذ الشاعر العاطفى الحساس

"اللى يقول حنعود بعد الفاصل بعد الفاصل حنواصل "

ابوووووووووووو حفيظه

ايه الشىء اللى انت حاسس انك مفتقده........؟؟؟؟؟؟

نصفى الثانى

قول بقى مين من الاعضاء تقول عليه :

ذكى جدا ............. البشمهندس محمد جابر على

مبدع............... اسلام ممدوح

خدوم..................... سامووووو

مشاكس ................. اسراء بنت دفعتى

طفل ......................كركر

هادى .......................امل

مستفزر فى ردوده ..................لا احد....

فاكهة المنتدى ............ هبه بيبو

فراشه المنتدى ............ وايلد انجل

قوليل بقى كل كلمه تقول عليها معنى جواك

البحر

على طول رامرى عليه همومى

المرأه

اجمل شى فى حياه الرجل

الصداقه

فتره للمعرفه

الحب

اسمى شى فى الحياه

الكذب

ربنا يبعدنا عنه

الخيانه

ابشع شى فى الوجود

الراحه

شى لا اعرفه

الخير

لابد من عمُله

العطف

لابد منه

الجمال

معناه يساوى الحياه

الورد

ارقى الهداية اللى المرأه يعنى لو عملت اى مصيبة

تاخذ وردك معاك البنت تنسى اى شى صح

انت شايف نفسك (محمد على ) ازاى .......؟؟؟؟؟

من ناحية اييييييييييييييييييييييييه

لو واجهتك اى مشكله او لو كنت مضايق و فى موضوع شاغل تفكيرك مين اول انسان تروح له و تحكى له .......؟؟؟؟

والدتى

اسئلة جميلة يااسراء

mohamed ali

09-03-2010, 03:46 AM

وفقت يا هندسة
بس 99 ده غريب شوية
ياريت لو بتكلم اغى حدمن صحابنا تبلغه بالوضوع ده لاننا نعمله فى العيد او بعد العيد ان شاء الله

بعد العيد احلى

سؤالى بقى
لو جتلك فرصة عمل براتب اعلى من المساحة تشتغله؟

مقدرش ااقولك دلواتى اما تيجى ربنا يسهل

باذن الله اتفقنا فى كوره بعد العيد باذن الله

esraa

09-03-2010, 02:25 PM

انا مشاكس اخس عليك يا محمد

دا انا حتى زى ما انت قلت بنت دفعتك

بس خلاص سماح سماح

بس بقى يا سيدى

انا قصدى من سؤالى انك شايف نفسك ايه من كل النواحى يعنى مثلا شايف نفسك انك طموح / ذكى / انانى / ............ كدة يعنى بس اتكلم مو عايزة كلمه بس ؟؟؟؟؟؟؟

حلم على طول بتحلمه احكيلنا عنه....؟؟؟

لحظة حسيت فيها انك ضعيف و ما تعرف تعمل حاجه .........؟؟؟؟؟؟؟؟ظ

ايه اكتر حاجه بتكرها فى شخصيتك....؟؟؟؟

محمد لما يحب حيعمل اية ؟
يعنى اول خطوة حتاخدها اية ؟ انك تقولها ولا اية ؟

عرفلى البنت فى ثلاث كلمات ............؟؟؟؟؟؟

-ايه اللي ممكن تحكمه اكتر عقلك ولا قلبك؟

_ مين الشخص اللى متقدرش انك تقوله " لأ " .....؟؟؟؟ (غير بابا و ماما طبعا )

- لو حد واجهك بعيب فيك ، و انت شايف ان الحد دا غلطان فى ذلك ....
( تصحح هذا المفهوم & تترك الايام تثبتله عكس ذلك ام ماذا ..؟؟؟

- ما هو الحب من وجهة نظرك ...؟؟؟

كفايه كده عليك انهاردة

و لنا عودة :a20::a20::a20:

mohamed ali

09-04-2010, 05:23 AM

بعد كله ده يااسراء ولنا عوده مااااااااااااااااااااااشى ياستى حجاوب من عنيه

بيبو العاطفى

09-04-2010, 11:11 PM

انا مؤيد للفكرة جدا لان انا مليش اصدقاء خالص وزعلت جدا لما رحت الافطار فى نادى المهندسين وكنت قاعد لوحدى معرفش حد حتى اللى اتعرفت عليهم هناك مش قاعدين فى مصر كلهم نزلين اجازات ورجعين تانى

mohamed ali

09-12-2010, 12:43 AM

انا مشاكس اخس عليك يا محمد

دا انا حتى زى ما انت قلت بنت دفعتك

بس خلاص سماح سماح

بس بقى يا سيدى

انا قصدى من سؤالى انك شايف نفسك ايه من كل النواحى يعنى مثلا شايف نفسك انك طموح / ذكى / انانى / ............ كدة يعنى بس اتكلم مو عايزة كلمه بس ؟؟؟؟؟؟؟

ممكن اكون الى حد ما طموح بحاول بقدر الامكان ان احسن من نفسى

ولا اعلم هذا الطموح سوف يلقينى الى فين

حلم على طول بتحلمه احكيلنا عنه....؟؟؟

تقصدى ان انا بحلم نادرا

بس مفيش حلم مستمر معايا

لحظة حسيت فيها انك ضعيف و ما تعرف تعمل حاجه .........؟؟؟؟؟؟؟؟ظ

اما والدى كان بيعمل عمليه منذو فتره قريبه جدا

ايه اكتر حاجه بتكرها فى شخصيتك....؟؟؟؟

الخجل

محمد لما يحب حيعمل اية ؟
يعنى اول خطوة حتاخدها اية ؟ انك تقولها ولا اية ؟

حتاكد من حبها ليا الاول وبعدين اقولها

لانى مومن بقول ستى " يابنى خد اللى تحب مش اللى انتا تحبها "

عرفلى البنت فى ثلاث كلمات ............؟؟؟؟؟؟

عاطفه تمشى على الارض - معلش خليها 4 كلمات -

-ايه اللي ممكن تحكمه اكتر عقلك ولا قلبك؟

عقلى

_ مين الشخص اللى متقدرش انك تقوله " لأ " .....؟؟؟؟ (غير بابا و ماما طبعا )

ستى من ناحية امى

- لو حد واجهك بعيب فيك ، و انت شايف ان الحد دا غلطان فى ذلك ....
( تصحح هذا المفهوم & تترك الايام تثبتله عكس ذلك ام ماذا ..؟؟؟

اصحح مفهومه وان لم يقتنع اترك الايام تثبت له

- ما هو الحب من وجهة نظرك ...؟؟؟

الحب كا لماء لايستطيع الانسان العيش بدونه

كفايه كده عليك انهاردة

و لنا عودة :a20::a20::a20:

اسئلة جميلة جدا يااسراء

mohamed ali

09-12-2010, 12:45 AM

esraa

09-12-2010, 12:56 AM

امتى احساسك خانك .......؟؟؟؟؟

نقطه ضعف محمد ايييييييه........؟؟؟؟؟؟

لو قلت لك انك معاك قارب وحتروح به جزيرة المسموح ليك انك تاخد شخصيه واحدة بس معاك مين الشخصيه دى و ليييييه ........؟؟؟؟؟؟؟؟

mohamed ali

09-12-2010, 01:02 AM

امتى احساسك خانك .......؟؟؟؟؟

اما الواحد يخطا فى اختيارته

نقطه ضعف محمد ايييييييه........؟؟؟؟؟؟

قلبى

لو قلت لك انك معاك قارب وحتروح به جزيرة المسموح ليك انك تاخد شخصيه واحدة بس معاك مين الشخصيه دى و ليييييه ........؟؟؟؟؟؟؟؟

سوال صعب بس القارب دا قارب نجاه ولا رحلة مثلا

كل سنه وانتى طيبه

esraa

09-12-2010, 01:05 AM

كل سنه وانتى طيبه

و انت طيب و بالصحه و السلامه يا رب

انا قصدى لو القارب قارب رحله لجزيييييييييييرة نجاه ايه بس
؟؟؟؟؟؟؟؟ظ

mohamed ali

09-12-2010, 01:11 AM

و انت طيب و بالصحه و السلامه يا رب

انا قصدى لو القارب قارب رحله لجزيييييييييييرة نجاه ايه بس
؟؟؟؟؟؟؟؟ظ

يبقى امى وابى انا انزل من القارب مش مهم انا

شكلك يابرنس حتهرينى اسئلة ماااشى انا منزلتش انهارده

اعد فاضى اسئلى برحتك فى اى حاجة

esraa

09-12-2010, 01:34 AM

شكلك يابرنس حتهرينى اسئلة ماااشى انا منزلتش انهارده

اعد فاضى اسئلى برحتك فى اى حاجة

ههههههههههههههههه

انت اللى اخترت

فكر في شخص (يعرفك ومهم بالنسبة إليك) لتربطه بأحد الألوان التالية ضع اسما واحدا فقط لكل لون
أصفر - برتقالي - أحمر - أبيض - أخضر

ما هو الشئ الذى يجعلك تبتسم من القلب ........؟؟؟؟

لما بتقعد مع نفسك بتفكر فى ايه غير مستقبلك يعنى .......؟؟؟؟

ايه هى اكتر حاجه بتخاف منها فى حياتك .......؟؟

mohamed ali

09-12-2010, 02:03 AM

ههههههههههههههههه

انت اللى اخترت

فكر في شخص (يعرفك ومهم بالنسبة إليك) لتربطه بأحد الألوان التالية ضع اسما واحدا فقط لكل لون
أصفر - برتقالي - أحمر - أبيض - أخضر

اصفر = احمد حسنى

برتقالى =سامو

احمر =كريم

ابيض = امير

اخضر = دوله

ما هو الشئ الذى يجعلك تبتسم من القلب ........؟؟؟؟

عندما اكون سبب فى اسعاد الاخرين

لما بتقعد مع نفسك بتفكر فى ايه غير مستقبلك يعنى .......؟؟؟؟

لا افكر فى غيره

ايه هى اكتر حاجه بتخاف منها فى حياتك .......؟؟

الحب

ماااشى فين بقيه الاسئلة

esraa

09-12-2010, 02:14 AM

ليه بتقول ان الشئ اللى انت بتخاف منه هوالحب ؟؟؟؟؟؟؟؟؟؟؟؟

mohamed ali

09-12-2010, 03:34 AM

ليه بتقول ان الشئ اللى انت بتخاف منه هوالحب ؟؟؟؟؟؟؟؟؟؟؟؟

بصى يااسراء زى ما الحب ليه حلاوه فهو ليه نار

وناره بتكون صعبه جدا وصعب الواحد ينساها

MUHAMED SAMY

09-12-2010, 04:17 AM

ههههههههههههههه
ماشى ياعم لولهان اوعى تتلسع من النار
هو انا ليه برتقالى

mohamed ali

09-12-2010, 04:20 AM

قلبك قلب برتقاله

esraa

09-12-2010, 07:09 PM

نكمل اسئله بقى

اكمل الآتى

لو كان الامر امرى كنت .................................................. ....

بجد انت جرحتنى يا .................................................. .......

عمرى ما حنسى يوم ما .................................................. ..

كان نفسى .............................................. يبقى صديق بجد

........................................ هو دا اليوم اللى ياما حاولت انساه

لما اشتغل اول مرتب من تعبى هاصرفة فى ............................

المنتدى دا مش مدايقنى فيه غير حاجة واحدة هى ....................

ايهما تفضل المرأة الذكيه ام المرأة الجميله ......؟؟؟؟ و لماذا؟؟؟؟

هل فى طبعك الانتقام ........؟؟؟

هل من السهل انك تقول اسف لو كنت غلطان و لا صعب انها تطلع منك ........؟؟؟

من هو توأم روحك ........؟؟؟

و كفايه اوى كده عليك

الا لو كنت عايز تانى :a5::a16::a20::a20:

حنين الحياة

09-12-2010, 07:14 PM

الواحد يستغل انك موجود يا محمد ويسألك شويه اسئله تاني:a5:

خلاص رمضان خلص...راضي عن نفسك

ايه الحاجه الي اتعلمتها من رمضان

ايه الحاجه الي نويت تعملها في رمضان الجي بأذن الله

بتفكر في ايه دلوقتي

بتعمل ايه لو انخدعت في حد

نفسك في ايه

حد اتعرفت عليه من فتره صغيره ولقيت تشابه بينكم

ايه هي مخططاتك المستقبليه

حنين الحياة

09-15-2010, 07:55 PM

يا محمد جاوب علي الاسئله:a12:

smart girl

09-16-2010, 11:55 AM

انا هسألك سؤال بسيط جدااا وزكى شوفتة قبل كدة كان سؤال ا . محمد سعد لاحد الاعضاء المميزين وتركوا بصمة فالمنتدى
( حسن عشرة )
انت مين وفين ولية وازى ؟؟
سؤال اخير
اية علاقتك بالحملة الفرنسية ومذبحة القلعة ؟؟؟
بس كدة شوفت انا طيوبة ازاى

spider girl

09-17-2010, 09:41 PM

كنا سعداء بوجود حضرتك فى الضيافه يا بشمهندس محمد
يارب تكون قضيت وقت يسيب مع حضرتك ذكرى طيبه
ياريت تختار ضيف بعد حضرتك نستضيفه فى الضيافه
ودول الضيوف الى شرفونا الفترة الى فاتت

1*Mohamed Saad Yassin
2*ميرامار
Hassan mohamed*3
gogo*4
Lover angle*5
Ayman Gamal*6
Mimi*7
Shimo*8
Samomran*9
Wisam*10
Tiger*11
Witch evil*12
*13خالد ابو سعده
14*سلمى جمال
15*اسامه البنا
White_heart*16
17*مى الشورى
18*شهاب بودا
Olivia nader*19
20*هيثم
Ahmed mohamed*21
Froty*22
Youssef mostafa*23
Marwa magdy*24
Baybars*25
Marwa mahmoud*26
27*محبه الرحمن
Eslam mamdouh*29
Mahmoud slem*30
Raul*31
Sweet girl*32
*33الروده البيضا

Mohamed Hashem*34
*35محمد الفرارجى
36* kareem
37* سارة احمد عبد الفتاح
38*mohamed ali (http://www.mesa7a.com/forum/member.php?u=7428)

mohamed ali

09-18-2010, 11:32 PM

ثوانى ياسوبر جيراجاوب على الاسئلة الاخيره وارشح حد

mohamed ali

09-18-2010, 11:42 PM

نكمل اسئله بقى

اكمل الآتى

لو كان الامر امرى كنت ..............................لم اعطى تدريس ماده الطبوغرافية للدكتور ع ذ .................... ....

بجد انت جرحتنى يا ...........................الحمد لله لم يجرحنى احد..............................

عمرى ما حنسى يوم ما .....................يوم تقديم الملف للجامعه كنت اعد اسئل انو قسم احسن قالو جغرافيا قولت مااااشى اوكى ............................. ..

كان نفسى .........................محمد على ..................... يبقى صديق بجد

.................يوم انفجار الحسين ....................... هو دا اليوم اللى ياما حاولت انساه

لما اشتغل اول مرتب من تعبى هاصرفة فى .............حجيب لامى هديه ...............

المنتدى دا مش مدايقنى فيه غير حاجة واحدة هى ........بتاعه التوقيع الفلاش ساعات بنسى السماعات عالية اما امرر الموس اتفجع ............

ايهما تفضل المرأة الذكيه ام المرأة الجميله ......؟؟؟؟ و لماذا؟؟؟؟

المرأه الذكيه طبعا لان ميقدرش حد يضحك عليها وممكن تكون ذكية كمان

هل فى طبعك الانتقام ........؟؟؟

لالالالالا

هل من السهل انك تقول اسف لو كنت غلطان و لا صعب انها تطلع منك ........؟؟؟

لالالا مش صعبه تخرج منى بس لو الحد اللى انا امامى هو اللى غلط فيا فبتكون صعبه جدا تخرج من لسانى

من هو توأم روحك ........؟؟؟

لم اجده حتى الان

و كفايه اوى كده عليك

الا لو كنت عايز تانى :a5::a16::a20::a20:

اسئلة جميلة يااسراء وتمام اوى كده حرام عليكى

mohamed ali

09-18-2010, 11:51 PM

الواحد يستغل انك موجود يا محمد ويسألك شويه اسئله تاني:a5:

مسيرك ياحنين حتيجى مكانى

خلاص رمضان خلص...راضي عن نفسك

الى حد كبير

ايه الحاجه الي اتعلمتها من رمضان

القرب من الله

ايه الحاجه الي نويت تعملها في رمضان الجي بأذن الله

الكثره فى قراءه القرأن الكريم

بتفكر في ايه دلوقتي

فى برنامج واقف معايا شوية فى تسطيبه

بتعمل ايه لو انخدعت في حد

بيكون احاسس صعب جدا بس حعمل ايييييييه
نفسك في ايه

نفسى اشرف بلدى واكون نموذج مشرف لها
حد اتعرفت عليه من فتره صغيره ولقيت تشابه بينكم

ايون بس تشابه مش كتير لانى اتكلمت معاه مره واحده بس
ايه هي مخططاتك المستقبليه

اكون مساح شاطر واعمل ماجيستير ودكتوراه

الف شكر ياحنين على الاسئلة

mohamed ali

09-18-2010, 11:57 PM

انا هسألك سؤال بسيط جدااا وزكى شوفتة قبل كدة كان سؤال ا . محمد سعد لاحد الاعضاء المميزين وتركوا بصمة فالمنتدى
( حسن عشرة )
انت مين وفين ولية وازى ؟

انا العبد لله محمد على حسن

وفين انا حتلاقينى فى كل حته وان لم تجدى سوف تجد افكارى ومواضيعى

وليه لحبى للمنتدى ولاعضاءه

وازى لا اعلم
سؤال اخير
اية علاقتك بالحملة الفرنسية ومذبحة القلعة ؟؟؟
بس كدة شوفت انا طيوبة ازاى

علاقتى ذى علاقة الملح بالشاى

هههههههههههه انتى مشكله ياسمارت وصلت لمذبحة

كده حتخلى البوليس السياسى يقفش فينا

mohamed ali

09-18-2010, 11:59 PM

كنا سعداء بوجود حضرتك فى الضيافه يا بشمهندس محمد
يارب تكون قضيت وقت يسيب مع حضرتك ذكرى طيبه
ياريت تختار ضيف بعد حضرتك نستضيفه فى الضيافه
ودول الضيوف الى شرفونا الفترة الى فاتت

1*mohamed saad yassin
2*ميرامار
hassan mohamed*3
gogo*4
lover angle*5
ayman gamal*6
mimi*7
shimo*8
samomran*9
wisam*10
tiger*11
witch evil*12
*13خالد ابو سعده
14*سلمى جمال
15*اسامه البنا
white_heart*16
17*مى الشورى
18*شهاب بودا
olivia nader*19
20*هيثم
ahmed mohamed*21
froty*22
youssef mostafa*23
marwa magdy*24
baybars*25
marwa mahmoud*26
27*محبه الرحمن
eslam mamdouh*29
mahmoud slem*30
raul*31
sweet girl*32
*33الروده البيضا

mohamed hashem*34
*35محمد الفرارجى
36* kareem
37* سارة احمد عبد الفتاح
38*mohamed ali (http://www.mesa7a.com/forum/member.php?u=7428)



ياسوبر انا موجود فى الضيافه اكثر من 5 ايام بكثير - ولا تزعل ياعم كريم نحن نختلف عن الاخرون على راى عم سامى -

بس انا استمتعت جدا بالموضوع واسئلة الاعضاء وسوف ارشح

العضوه اسررررررررررراء لتكون فى ضيفه

esraa

09-19-2010, 04:04 PM

ياسوبر انا موجود فى الضيافه اكثر من 5 ايام بكثير - ولا تزعل ياعم كريم نحن نختلف عن الاخرون على راى عم سامى -

بس انا استمتعت جدا بالموضوع واسئلة الاعضاء وسوف ارشح

العضوه اسررررررررررراء لتكون فى ضيفه

ااااااااااااااااااااااااااااه

وقعت انا يعنى

ربنا يستر عليا بقى

عامه انا منتظرة اسألتكم

spider girl

09-19-2010, 11:00 PM

يا اهلا وسهلا يا سوسو
شوفتى باه من اعمالكم سلط عليكم:a33:
والله منورة الضيافه جدا جدا:a12::a12:
وهسئلك على طول اهه
1*قوليلى باه سوسو تتمنى ايه تحققه ؟
2*ايه اصعب موقف اتعرضتى ليه
(فى الكليه - فى حياتك - مع اصحابك )؟
3*مين توأم روحك؟
4*مين اكتر حد وقف جنبك بجد من اصحابك وتحسيه قريب منك؟
5*قوليلنا زكرى صغنونه لسه فكراها من ايام اسراء ام ضفيرتين يعنى من ايام الطفوله ولسه فكراها ؟
6*اجمل ايام حياتك كانت فى اى مرحله من مراحل تعليمك؟
7*قوليلنا جمله سمعتيها من حد واثرت فيكى يعنى غيرت تفكيرك ايه هيه ومين الى قالها وامتى؟

دى حبه تسالى بس الباقى قادم لا محاله:a12::a33:

esraa

09-19-2010, 11:28 PM

يا اهلا وسهلا يا سوسو

يا هلا فيكى حبيبتى

شوفتى باه من اعمالكم سلط عليكم:a33:
كله كده عليا ماشى ماشى

والله منورة الضيافه جدا جدا:a12::a12:
منورة بيكى حبيبتى

وهسئلك على طول اهه

اتفضلى

1*قوليلى باه سوسو تتمنى ايه تحققه ؟

بتمنى احقق حاجات كتيييييييييييرة اوى منها رضا ربى عنى و ووالداى
انى انجح فى دراستى
اسافر فرنسا او لندن اكمل تعليمى و دراستى هناك
و حاجات كتيرة اوى تانيه

2*ايه اصعب موقف اتعرضتى ليه

(فى الكليه
و انا فى سنه اولى القسم كله عرف مرة واحده انى كنت تالت اسكندريه فى الثانويه العامه بسبب الاخت حووووووريه ربنا يخليها :a7::a7:
اصلى بصراحه ما كنت عايزة حد يعرف انى كده عشان كنت عايزة انسى :a36::a36:

- فى حياتك
لما شيخى قالى انه ما راح يحفظ بنات تانى من ساعتها و انا ما بحفظ من اربع سنين فاتوا كان بالنسبه لى صاعقة و نزلت عليا

- مع اصحابك )؟
بيتهيألى ان ما فى موقف صعب عدى علينا ان لم تخوننى الذاكرة

3*مين توأم روحك؟
اسراء و جهاد انتيماتى ربنا يخلينا لبعض على طوووووووووول

4*مين اكتر حد وقف جنبك بجد من اصحابك وتحسيه قريب منك؟
كتير الحمد لله بس فى الاولويه انتيماتى الاتنين اكتر ناس بجد

5*قوليلنا ذكرى صغنونه لسه فكراها من ايام اسراء ام ضفيرتين يعنى من ايام الطفوله ولسه فكراها ؟
يااااااااااااااااااااااااه يا سارة ايام الطفوله عمرها ما تتنسى ابدا و كلها كانت عليا ايام حلوة كتيييييييير الحمد لله
بس اللى عمرى ما راح انساه فعلا انى ايام ما كنت فى خامسه ابتدائى كنت البنت الوحيدة اللى فى الادارة دخلت اوائل الطلبه و كلهم ولاد و البنات اللى كانوا معايا فى الفصل اتغاظوا اووووووووووووووووووووووى لان اللى كان مرشحنى وكيل المدرسه بنفسه

:a31::a11::a11:

6*اجمل ايام حياتك كانت فى اى مرحله من مراحل تعليمك؟
ايام الثانويه العامه مرحله تغيير كبيرة اوى فى حياتى

7*قوليلنا جمله سمعتيها من حد واثرت فيكى يعنى غيرت تفكيرك ايه هيه ومين الى قالها وامتى؟
بسى هما جمل كتير اوى الاولى مثلا ان ما فى حد يستاهل انك تبكى عليه او تنزلى دمعه من دموعك عليه
الثانيه حاولى انك تجرى ورا قرآنـــك مو هو اللى يجى وراكى
و الاتنين كانوا من شيخى الفاضل اكرمه الله و اعزه الحمد لله اتعلمت على ايديه حاجات كتييييييييييييييرة الحمد لله فاكراها و بعمل بيها حتى الآن و سأظل باذن المولى
و الكلام ده ايام ما كنت فى الثانويه العامه لانى للاسف حفظت معاه شهر و نصف فقط :a41::a41:

دى حبه تسالى بس الباقى قادم لا محاله:a12::a33:

ااااااااااااااااااااااااااه اللى كنت عامله حسابه

انا مستنيه باقى اسألتك حبيبتى

spider girl

09-30-2010, 08:52 PM

يا مراحب يا بشمهندسه
نرجع للموضوع تانى بعد عوده المنتدى
لنا لقاء فى الايام القادمه باذن الله
:a16:

KAREEM

09-30-2010, 09:26 PM

esraa

09-30-2010, 10:22 PM

يا مراحب يا بشمهندسه
نرجع للموضوع تانى بعد عوده المنتدى
لنا لقاء فى الايام القادمه باذن الله
:a16:

يا مرحب بيكى يا سبيدر يا حبيبتى

و انا منتظراكى حبيبتى

يا مرحب بيكى حبيبتى

ايمان عبد العال

09-30-2010, 11:02 PM

منوره يا سوسوووووووووووووووووووووووووووووووووو بصي انا ديمقراطيه قوليلي بس انتي عايزاني اساللك اقوللك ايه لانك عارفاني اسالتي دبش بدل ما افضحك ههههههههههههههههههههههههههه وبابليك

ايمان عبد العال

09-30-2010, 11:05 PM

فينك يا سوسوووووووووو اسال يعني ولا ايه ما تديني اماره او اشاره كده

ايمان عبد العال

09-30-2010, 11:19 PM

بما ان ما فيش حد بيرد اذا انا حابه اسألك ايه اكتر حاجه بتحبيها فيا واكتر حاجه بتكرهيها فيا والحاجه اللي نفسك اغيرها فيا برضه ايه بقه.؟؟؟؟؟؟؟؟؟؟؟

KAREEM

09-30-2010, 11:24 PM

بما ان ما فيش حد بيرد اذا انا حابه اسألك ايه اكتر حاجه بتحبيها فيا واكتر حاجه بتكرهيها فيا والحاجه اللي نفسك اغيرها فيا برضه ايه بقه.؟؟؟؟؟؟؟؟؟؟؟

دا انتى بتسألى أسئلة لنفسك
مش ليها هى ههههههههههههه
:a25::a25:

mohamed ali

10-01-2010, 12:22 AM

بما ان ما فيش حد بيرد اذا انا حابه اسألك ايه اكتر حاجه بتحبيها فيا واكتر حاجه بتكرهيها فيا والحاجه اللي نفسك اغيرها فيا برضه ايه بقه.؟؟؟؟؟؟؟؟؟؟؟

ان شاء الله اسراء تجاوب وفى انتظار مواضيعك الجميله ياايمان

esraa

10-02-2010, 06:53 PM

منووووووورة كرسى الضيافة يا اسراء

ومش حكتر عليكى زى ما عملتى فيا
انا حسالك سؤال لولبى
علل

باذن الله بعد ما تتخرجى من المساحة
وجالك عدلك او بمعنى اخر جالك عريس
وشرط عليكى انك تقعدى فى البيت متشتغليش
وهو حيستتك ومش حيحرمك من حاجة
وبدون الشرط دا الجوازة مش هتتم

هتسوقى فيها وتقولى أثبت ذاتى وكدا
ولا حترضى بنصيبك وتحكمى عقلك ؟؟؟
انا مش عايز اديكى اختيارات تحكمك
قوليلى حتتصرفى ازاى ؟؟؟؟؟؟؟؟؟؟؟

بس يا كيمو

اولا احب اقولك ان نجاح المرأة جزء من نجاحك كرجل

و كما يقولون وراء كل عظيم امرأه

و مو عيب انى اشتغل بس دا لو انا حعرف اعادل بين حياتى الشخصيه و حياتى العمليه

و لو ما راح اقدر يبقى اقعد فى بيتنا احسن

و انا قادرة انى اقنعه برأى الشخصى

:a31::a31::a31:

esraa

10-02-2010, 07:01 PM

بما ان ما فيش حد بيرد اذا انا حابه اسألك ايه اكتر حاجه بتحبيها فيا واكتر حاجه بتكرهيها فيا والحاجه اللي نفسك اغيرها فيا برضه ايه بقه.؟؟؟؟؟؟؟؟؟؟؟

بسى يا ستى

اولا انتى بنوته زى العسل و انا بمووووووووووووووت فيكى و انتى عارفه كده كويس

صريحه جدا و ما بتعرف تكدب و لا تحب الصفه دى اصلا جدعه اوووووووووووووى

عيوبك بقى

انتى عارفاها كويس :a32::a32::a32:

حنين الحياة

10-02-2010, 07:13 PM

اسراء في الضيافه يا هلا يا هلا...ده احنا هنتوصي بيكي جدا

خدي عندك....

مين هي اسراء؟؟؟

ايه الحاجات الحلوه فيكي والحاجات الي مش حلوه؟؟؟

امنيه نفسك تحقيقها؟؟؟

امنيه ما عرفتيش تحقيقيها؟؟؟

مين هما اكتر صحابك؟؟؟

اصعب يوم في حياتك؟؟

اسعد يوم في حياتك؟؟؟

لو قولتلك تعطيني نبذه مختصره عن كل من؟؟؟؟

سبيدر جيرل
سويت جيرل
هبه بيبو
حنين الحياه
الورده البيضاء
حوريه
مروه مجدي
وايلد انجل
المهندس محمد جابر علي
المهندس اسلام ممدوح
كريم
محمدعلي
محمد سامي
علي كارمو

ديه شويه حاجات بسيطه وانتظريني بعد الفاصل

mohamed ali

10-02-2010, 07:48 PM

ياهلا ياهلا

بصى ياستى انا حتئل عليكى

سؤال

1- كيف تري الحياة عموما

2- اكتر حاجة بتخافى منها - فاكره السوال ده :a33:-

3- اسرء شايفة نفسها فى المستقبل ايه

4-ايه اكتر حاجة بتحبها

5-ايه اكتر حاجة بتكرهيها

6- ايه اكتر لحظه حست بيها اسراء انها اضغف مخلوقة بالوجود

7- ليه مش بتدخلى وتشاركى وتتفاعلى فى المنتدى زى زمان

بس كده ولنا عوده

esraa

10-02-2010, 08:28 PM

اسراء في الضيافه يا هلا يا هلا...ده احنا هنتوصي بيكي جدا

ليه كد بس

خدي عندك....

اوووووووووووووكى

مين هي اسراء؟؟؟
لغز ما يقدر حد انه يفهمه

ايه الحاجات الحلوه فيكي والحاجات الي مش حلوه؟؟؟
الحاجات الحلوة بتختلف من وجهة نظر لاخرى و لو انتى عايزة الاراء المتفق عليها من الجميع اليكى الآتى

بنت اجتماعيه اوى
جدعة جداااااا
صريحه لابعد الحدود
واثقه فى نفسى زيادة عن اللزوم
ذات شخصيه قويه

اما عن الحاجات اللى مش حلوة
عندك مثلا انى عصبيه الى حد ما
ثقتى فى نفسى ممكن تعتبر عند اى شخص لسه عارفنى انى مغرورة
عمرى ما ببين للشخصيه اللى بتعامل معاها انى فاهماها مو غباء بس هو ده الذكاء من وجهة نظرى
كتير بيعتبروه عيب فيا

امنيه نفسك تحقيقها؟؟؟
انى انجح فى حياتى العمليه و الشخصيه

امنيه ما عرفتيش تحقيقيها؟؟؟
انى ادخل كليه الصيدله
:a30::a30::a30:

مين هما اكتر صحابك؟؟؟
مكرر

اصعب يوم في حياتك؟؟
مكرر

اسعد يوم في حياتك؟؟؟
يوم ما قيل لى انى طلعت ثالث اسكندريه ثانويه عامه

لو قولتلك تعطيني نبذه مختصره عن كل من؟؟؟؟

سبيدر جيرل
حبيبه قلبى من جوة بنوته زى العسل و مهما قلت فيها ما يكفيها اللى راح اكتبه فيها عن جد

سويت جيرل
الفتاه المنتظر لقاؤها

هبه بيبو
الجدعنه كلها و الحنيّـــــه المفرطه

حنين الحياه
لم اتعامل معكى شخصيا واتمنى ذلك فى القريب العاجل

الورده البيضاء
حبيبه هارتى و اخت خطيبى يا ناس :a31::a36::a36:
خطبنى غصب و اقتدار

بهزر طبعا

حوريه
صاحبه اول يوم كليه

مروه مجدي
القطه بتاعتنا دى زى العسل و بنوته قمرايه و الكل الحمد لله بيحبها

وايلد انجل
اسراء بنت محترمه جداااااااااااااااااااااا و ربنا معاها و يوفقها

المهندس محمد جابر علي
من الشخصيات المحترمه المرموقه جدا و انا شخصيا كنت سعيدة جدا خلال كلامى و تعاملى معاه

المهندس اسلام ممدوح
انسان محترم و ذوق و ذا قيمه عليمه كبيرة ربنا يبارك له

كريم
كيمووووووووووووووووو دا بقى الجدعنه و الشهامه كلها و الاصرار و المفاجآات كلها ما شاء الله حاجه فى طبعه

محمدعلي
ابن دفعتى يا نااااااااااااااااااااااااااااااااس شخصيه زى العسل و محترم جداااااااااااا مجتهد و مبدع و عايز يوصل لتحقيق اهدافه

محمد سامي
ابن دفعتى برده و من الشخصيات الذيذة جدا مع انى حتى الآن لم اتعامل معه شخصيا

علي كارمو
شغله عنده اهم شئ فى حياته

ديه شويه حاجات بسيطه وانتظريني بعد الفاصل

لالالالالالالالا كفايه كده

خليكى حونينه عليا يا حنيييييييييييييييييييييين

esraa

10-02-2010, 08:46 PM

ياهلا ياهلا

يا هلا فيك

بصى ياستى انا حتئل عليكى

براحتك البيت بيتك :a33::a33:

سؤال

1- كيف تري الحياة عموما
ارى الحياه بنظرة ثاقبه تأمليـّــه
و نظرة تفاؤل لما هو آت

2- اكتر حاجة بتخافى منها - فاكره السوال ده :a33:-
طبعاااااااااااااااا فاكراه كويس
الفشل اكتر حاجه بخاف منها و ما بحبها اصلا

3- اسرء شايفة نفسها فى المستقبل ايه

موفقه و ناحجه باذن الله ما دمت اسير على منهجى فى الحياه

4-ايه اكتر حاجة بتحبها
لو من الصفات الصدق و الصراحه و المواجهه

5-ايه اكتر حاجة بتكرهيها
الخيانه و الامبالاه و الكذب

6- ايه اكتر لحظه حست بيها اسراء انها اضغف مخلوقة بالوجود

هو انا لسه ما حستها حتى الآن بس اكيد ممكن احسها بعد كده

7- ليه مش بتدخلى وتشاركى وتتفاعلى فى المنتدى زى زمان

عشان لما بدخل المنتدى بشعر بالملل
بس ان شاء الله ادخل و اشارك زى الاول و احسن

بس كده ولنا عوده

ان شاء الله

و خليك خفيف عليا شويه :a30::a30::a36::a36:

الورده البيضاء

11-27-2010, 12:02 AM

منور يابرنس البرانيس
خدى عندك كدة كام سؤال على مزاجك
ههههههههههه

1- لديكى ورقة فارغة ماذا تحبين ان تكتبى بها ؟

2- حيوان تشعرين انه مظلوم ؟

3- حقيبة أسرارك عند من تضعها ؟

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترين أنتى ؟؟؟

5- أين تأخذك ذروة الغضب ؟

6- مااجمل شىء فى حياتك؟

7-هل انتى مشهورة؟

8- متى يعاندك النسيان ؟

9- متى يقسو قلبك ؟

10- هل حدث أن أنتصرت على نفسك يوماً وأحصيت عيوبك ؟

11- ما هو أنطباعك عن السياسه ؟

12- متى تخجلين من نفسك ؟

13- في زمن البحث عن المادة ... عن ماذا تبحثن أنتى ؟

14- ماهو هدفك بالحياة؟

15- ضمن من تصنف نفسك سلبي أم إيجابي؟

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟

18- عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

19- لو تفاجئت بخيانه شخص عزيز ايا كان كيف تتصرف معه؟

20- لو طلب منك تولي منصب الوزير من تختار من الوزارات وماهي قراراتك؟

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

اهم سؤالين ...
22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)

وبالهنا والشفا

esraa

11-27-2010, 11:10 PM

منور يابرنس البرانيس
خدى عندك كدة كام سؤال على مزاجك
ههههههههههه

ااااااااااااااااااااااااااااااه يا خوفى :a30::a30::a30:

1- لديكى ورقة فارغة ماذا تحبين ان تكتبى بها ؟
امممممممم اكتب فيها اسعد و اجمل لحظات حياتى

2- حيوان تشعرين انه مظلوم ؟
الحمار _ الحصان

3- حقيبة أسرارك عند من تضعها ؟
نفسى فى المقام الاول و اصدقائى فى المقام التانى

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترين أنتى ؟؟؟
فى قليل من الاحيان ان لم تكن قلما ... بس الاصدقاء يعتبروا ملجا نلجا اليه اذا ضاقت بنا الحياه و النفس

5- أين تأخذك ذروة الغضب ؟
مو فاهمه السؤال بالضبط بالنسبه لايه مكان يعنى و لا شخص

6- مااجمل شىء فى حياتك؟
اسرتى و صديقاتى المقربات لى

7-هل انتى مشهورة؟
فى القسم ااااااااااااااااه :a28::a28::a28: بلا فخر
ما انتى عارفه

8- متى يعاندك النسيان ؟
اكيد فى الذكريات الحزينه بعض الشئ

9- متى يقسو قلبك ؟
ما اتعودت انى اكون قاسيه و لكن فى بعض الاحيان و هى قلما انى استخدم عقلى اكثر من عاطفتى فيعتبر عند بعض الاشخاص قسوة

10- هل حدث أن أنتصرت على نفسك يوماً وأحصيت عيوبك ؟
فى كثيييييييييييييييييير من الاحيان

11- ما هو أنطباعك عن السياسه ؟
ما لى فيها اوى يعنى عادى

12- متى تخجلين من نفسك ؟
للاسف فى معظم الاحيان بس ما بحب انى ابين ده اوى لان الشئاللى يزيد عن حده يتقلب لضده :a20::a20:

13- في زمن البحث عن المادة ... عن ماذا تبحثن أنتى ؟
عن انى احقق احلامى و امنياتى اللى بتمناه و ربنا المستعان

14- ماهو هدفك بالحياة؟
الوصول الى الارتقاء و العلا و تحقيق الذات

15- ضمن من تصنف نفسك سلبي أم إيجابي؟
اكيد الاتنين لا ما فى انسان سلبى بس و لا ايجابى بس
بس اللى اقدر اقول له لكى انى تقريبا ايجابيه اكثر منها سلبيه

16- رتب هذه الكلمات حسب الأفضليه لديك
الصحه - المال - الاولاد - الزوجه او الزوج - الحصول على أعلى المناصب - راحة البال
راحه البال _ الصحه _ الحصول لاعلى المناصب _ الزوج _ الاولاد_ المال

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟
انهى الموضوع على الفور او اقوم بتاجل المناقشه

18- عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
ابين انى من الاول ما كنت فاهمه الموضوع صح

19- لو تفاجئت بخيانه شخص عزيز ايا كان كيف تتصرف معه؟
اعرف الاول سبب الخيانه ايه و ايه اللى دعا الى ذلك ثم من خلال الرد اصدر قرارى

20- لو طلب منك تولي منصب الوزير من تختار من الوزارات وماهي قراراتك؟
امممممممممممممممممممممم
ممكن وزارة التربيه و التعليم لانها الاساس فى رقى البلاد و ارتفاع شانها و بالقتصاده و الا اصبحت بلد متخلفه ناميه

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟
فرنسا

السحر و الجمال

اهم سؤالين ...
22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟
الباشمهندس اسلام ممدوح انسان محترم جدااااااااااااا و موضوعاته قيمه جداااااااااا

كريم كيمو افكارة ما شاء الله عليها حديثه و عصريه جدااااااااااا و بيتكلم بحريه كامله و بطريقه طريفه جميله جدا الجميع الحمد لله بيتقبلوها منه و هو على المستوى الشخصى زى العسل :a28::a28::a28:

هبه بيبوووووووووووووووووووووووو حبيبه قلبى من جوه انا شخصيه زى العسليا ناس و انا بموت فيها و طريقتها فى سرد الموضوع راااااااااااائعه جدا

و غيرهم و غيرهم

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
امممممممممممممممممممممى ما اظن ان فى

وبالهنا والشفا

ماشى ماشى

اما اشوفك بس

اصبرى على رزقك :a17::a30::a10::a10:

mohamed ali

11-28-2010, 12:23 AM

اييييييه الاجابات دى استنى الاسئلة يابنت دفعتى بحضرها

Marwa Magdy

11-28-2010, 12:38 AM

اثرائتى حبيبتى
يا هلا فيكى والله ف الضيافه
اسالتى خفيفه اوووووووووى
يلا نبدا

ايه اكتر موقف حصل ف حياتك ضايقك ؟؟
و ايه هى اكتر لحظه كنتى فيها سعيده ؟؟
امته تكرهى الشخص اللى ادامك ؟؟
و انتى صغيره كان نفسك تدخلى كليه ايه ؟؟ و ليه مادخلتهاش ؟؟ وهل انتى راضيه عن الكليه اللى انتى فيها دلوتى؟؟
ايه اكتر حاجه عملتيها و ندمتى انك عملتيها ؟؟
امته ما تقدريش تسامحى ؟؟
حسيتى بالظلم قبل كدا او ف حد ظلمك ؟؟"ياريت تحكى لنا الموقف"

بس كفايه كدا دلوتى

mohamed ali

11-28-2010, 06:25 PM

فى سوالين عايزن توضيح الاول

5- أين تأخذك ذروة الغضب ؟

اما اما تغضبى بتعملى اييييييييه الغضب دا س\يشمل كل حاجة ممكن من كلمة

تانى حاجة

انتى قدمتى راحت بالك طيب لو جالك واحد وانتى بتحبية وهو كمان بس الزواج حيعمل مشاكل عائلية عندك فماذا تفعلى ؟؟؟

esraa

11-28-2010, 11:49 PM

اييييييه الاجابات دى استنى الاسئلة يابنت دفعتى بحضرها

ليييييييييييييييييييييه كده يا محمد

دا انا زى ما انت قلت بنت دفعتك

:a30::a30::a30:

Marwa Magdy

11-29-2010, 10:28 PM

اثرائتى فين الاجابه ع الاساله
انا عايزه انزل بباقى الاساله اللى عندى

esraa

11-29-2010, 11:05 PM

اثرائتى حبيبتى
يا هلا فيكى والله ف الضيافه
حبيبتى

اسالتى خفيفه اوووووووووى
يلا نبدا

على بركه الله

ايه اكتر موقف حصل ف حياتك ضايقك ؟؟
المواقف اللى ممكن يكون فيها الشخصيه عندها لا مبالاه و مستهترة

و ايه هى اكتر لحظه كنتى فيها سعيده ؟؟
لحظه ما كنت بحفظ مع شيخى اللى للاسف ما بقيت احفظ معاه من اربع سنين :a30::a30::a30:

امته تكرهى الشخص اللى ادامك ؟؟
الحمد لله ما بعرف اكره حد اضايق بس منه و اقوله انى مضايقه :a28::a28::a41:

و انتى صغيره كان نفسك تدخلى كليه ايه ؟؟ و ليه مادخلتهاش ؟؟ وهل انتى راضيه عن الكليه اللى انتى فيها دلوتى؟؟

كليه صيدله و ما دخلتهاش عشان فرقت معايا ايام الثانويه العامه على 2 من عشرة % كنت جايبه 97% بس و ساعتها صيدلهكانت طالبه 97.2%بس الحمد لله ربنا قدرى انى ادخل جغرافيه و مساه و على فكرة انا كنت حاطاها عندى فى المرتبه التالته بعد ديله و اعلام
بس حقيقى الانسان ما يعرف الخير ليه فين الحمد لله على كل شئ

ايه اكتر حاجه عملتيها و ندمتى انك عملتيها ؟؟
ما بعرف اندم على شئ لانى الحمد لله بفكر كويس قبل ما اعمل حاجه اعرف ايجابياتها و سلبياتها و بعد كده اعملها

امته ما تقدريش تسامحى ؟؟
اممممممم ممكن فى حاله الخيانه القصوى

حسيتى بالظلم قبل كدا او ف حد ظلمك ؟؟"ياريت تحكى لنا الموقف"
كتييييييييييييييييييييير للاسف و للاسف الاكبر ان معظمهم بنات تقريبا ما فى شبابا خالص و المشكله انك لما تيجى تكلميهم و تقوليلهم ان ده غلط و ممكن يتفهم غلط ما يسمعوا كلامك :a28::a28:

بس كفايه كدا دلوتى

دا انا حقتلك

كل ده و كفايه كده دلوقتى :a30::a30::a30: