في ضيافه فلان ضيف الحلقه ( esraa) [الأرشيف] - الصفحة 2

Hassan Mohamed

09-30-2008, 02:28 PM

هههههههههههههههههههههههه هو الدور عليك يا كعبووووووووووووووووووووووول ههههههههههههههههههههههههههه
منور والله يا حسونه وجيت لقضاك
تاتاتاتاتاااااا (موسيقى تصويريه )
السؤال الاول : حبيت قبل كده يا ابو على ولو كنت حبيت هل كان من الكلية ام خارجها ؟
السؤال الثانى : مين اقرب صاحب ليك من الكلية ؟
السؤال الثالث : ايه اكتر قرار اخدتو وندمت عليه ؟
السؤال الرابع : مين مثلك الاعلى ؟
السؤال الخامس : ايه اكتر موقف زعلك لا لا قهرك ؟
السؤال السادس : امتى تفرح من قلبك ؟
السؤال السابع : حتحرم تحكم على الناس من غير ما تتعامل معاهم ولا لاء ؟
السؤال الثامن : استاذ محمد سعد بيمثلك ايه ؟
السؤال التاسع : ايه اكتر حاجه تجرحك ؟
وبالتوفيق يا حسونه ربنا معاك يا بنى ده انت حتتسلخ
ارجو الاجابة فى اسرع وقت
وكل سنه وانت طيب وكل صحابنا اللى فى المنتدى طيبين وعيد سعيد عليكم كلكم ان شاء الله

مااااااشي يا رانيا هيا بقت كده يعني طبببب ماشي

السؤال الاول : حبيت قبل كده يا ابو على ولو كنت حبيت هل كان من الكلية ام خارجها ؟
اه حبيت قبل كده ... فيتو عند الجزء التاني

السؤال الثانى : مين اقرب صاحب ليك من الكلية ؟
زميلي في الكلية احمد عبد العزيز

السؤال الثالث : ايه اكتر قرار اخدتو وندمت عليه ؟
سؤال صعب علي فكرة وقاعد بفكر في اجابه ليه ...... ممممممم اممممممممممممم تقريبا مفيش قرار اخدتو وندمان عليه لااني بحب افكر كتير في القرارات اللي بخدها وحتي لو اخدته بسرعة ببقا مقتنع باللي بمعملو

السؤال الرابع : مين مثلك الاعلى ؟
الرسول عليه الصلاة والسلام

السؤال الخامس : ايه اكتر موقف زعلك لا لا قهرك ؟
زعلاك ولا قهرك حددي يا بنتي .... المهم لو موقف قهرني ...مش فاكر بس المواقف اللي بتدايقني قوي لما يكون فيه عدم احترام للناس يعني مثلا ودي كتير لما بكون راكب مواصلات وبتلاقي واحد بيشرب سجارة ببقا عاوز امسك السجارة دي وأولعها فيه هو عشان هو كده مش بيحترم الناس ... فاكيد اكتر شئ بيقهرني هو عدم احترام الاخرين

السؤال السادس : امتى تفرح من قلبك ؟
لما بشوف كل الناس اللي حوليا مبسوطين

السؤال السابع : حتحرم تحكم على الناس من غير ما تتعامل معاهم ولا لاء ؟
لالالالالالالالالالالا مش هبطل طبعا دي غريزة في الانسان المصري

السؤال الثامن : استاذ محمد سعد بيمثلك ايه ؟
اخويا الكبير وحبيبي من ايام الجيزة

السؤال التاسع : ايه اكتر حاجه تجرحك ؟
لما اكون بحب حد قوي ويكذب عليا

Wild_Angel

09-30-2008, 06:53 PM

ورجعنا بعد الفاصل

ضيفنا العزيز على راى ريا وسكيننه احنا حنريحوك على الاخر
ادى كرسى وادى عصير بس خليك مركز فى الاسئله:
http://www.almlf.com/get-9-2008-fgng1ff8.jpg (http://www.almlf.com)
http://www.almlf.com/get-9-2008-nry9adl8.jpg (http://www.almlf.com)
اولا : الاسم والسن والوظيفه اللى بتحلم بيها وعدد الاخوات والاخوه ومكان الاقامه وتتاريخ الميلاد؟؟

ثانيا : ايه علاقتك بتنظيم القاعده؟؟ لالالا قصدى ايه علاقتك بالمنتدى وابتدت ازاى؟

ثالثا : ايه القسم اللى قريب حتعينوله مشرف قريب وميييييين المشرف الجديد؟؟؟

رابعا : لو حبيت تغير النيك نيم بتاعك ايه هو الاسم الجديد؟؟

خامسا :يعنى بتاكل كحك وبسكويت وكمان بتالس عليهم طب خد بقى السؤال ده عشان تبطل

قولنا ايه هى الاداه اللى بنشكل بيها الكحك ؟ والسؤال اجبارى

سادسا : ملتزم بالصلاه ولا لأ؟

سابعاا : ايه هو الشئ اللى موجود فى حقيبه او صندوق او درج او دولاب ذكرياتاك اللى كل ما تشوفه بتبقى حاسس باحاسيس حلوه وحزينه فى نفس الوقت

ثامنا : هل انت من هواة القراءه ولو كنت منهم ايه اكتر كتاب شدك انك تكمله للاخر ؟

تاسعا: اذكر خمس بنات وخمس اولاد بترتاح فى التعامل معاهم فى الكليه و فى المنتدى ؟

عاشراااااااااا :ماذا تفعل فى تلك المواقف التاليه :
-بنت حسيت انها احرجتك جدا بتصرفاتها وكل ما تشوفك تفضل واقفه معاك بالساععات تعمل ايه معاها؟
-واحد زميلك اكتشفت انه بيلعب بمشاعر بنت زميلتك حتعمل ايه؟
-رحت تاخد المصروف ملقتش فلوس ومهم جدا تنزل تروح الكليه تعمل ايه؟
-مشهد فى فيلم تتمنى تكون بطله؟
-ما هو اكتر لون بتحب تلبسه؟
-ايه هى محتويات محفظتك؟
وفاصل ونعود

shimo

09-30-2008, 07:38 PM

:eek: ياحول الله
جاوب يابنى وانا هسأل بعد ما تجاوب
يا حرااااااااااااااام

Hassan Mohamed

09-30-2008, 08:32 PM

ايه الصدمة اللي انتي فيها دي فرحانة قوي ... هجاوب اهو

Hassan Mohamed

09-30-2008, 08:48 PM

حلو قوي الكلام ده:eek:
اولا : الاسم والسن والوظيفه اللى بتحلم بيها وعدد الاخوات والاخوه ومكان الاقامه وتتاريخ الميلاد؟؟
حسن محمد ... 22 سنة ... اتمني اني احتل منصب اداري كبير في مجال المساحة ...3 بنات وانا اخوهم ...والله شويا في البيت وشويا في الكلية واحيانا في الشغل ...22/7/1986

ثانيا : ايه علاقتك بتنظيم القاعده؟؟ لالالا قصدى ايه علاقتك بالمنتدى وابتدت ازاى؟
تنظيم قاعدة :eek::eek::eek: ... اه لو كده ماشي بصي يا ويلد انا لو تم تكليفي بحاجة بحس ان الحاجة دي بتاعتي وبدأت علاقتي بالمنتدي في الحقيقة يعني انا مكنتش اعرف عنو اي تفاصيل لحد مجتمعت في يوم بدعوة من زميلي احمد السيد مع الاستاذ محمد سعد ومع محمد جابر مصمم الموقع والحمد لله وبدون غرور بعد مقعدت معاهم كانو تقريبا مخلصين كل شئ في الموقع والمنتدي وانا جيت قلبتلهم الطاولة 360 درجة يعني المنتدي مثلا كان عبارة عن اقسام علمية فقط وانا صاحب اقتراح وجود منتديات ترفيهية وعامة ومنتديات لطلاب قسم الجغرافيا والحمد لله لااقت النجاح الكبير ده ... لكن الصعب بجد اننا نحافظ عليه

ثالثا : ايه القسم اللى قريب حتعينوله مشرف قريب وميييييين المشرف الجديد؟؟؟
هو النهاردة تم تعيين اختنا رانيا مشرفة علي قسم الضحك والفرفشة ... ولحد دلوقت تحت النظر مفيش مشرفين جداد بس انا حابب افهم الاعضاء الاختيار بيتم علي اساس ايه اولا لازم يراجعو شروط الاشراف في منتدي اعلانات الرابطة بالإضافة انهم لازم يعني لو حد حابب يكون مشرف في قسم معين يركز مجهوداته في هذا القسم بعمل موضوعات متميزة وكذلك ردود متميزة وفي الحقيقة احنا عاوزين مشرف لكل قسم بل ولسه الموضوع هيوسع قوي المشرفين الحالين لو اثبتو جدارتهم هيتعينو مراقبين وهيكون فيه مساعدين للمشرفين وليلة كبيرة قوي

رابعا : لو حبيت تغير النيك نيم بتاعك ايه هو الاسم الجديد؟؟
Hassan Mohamed

خامسا :يعنى بتاكل كحك وبسكويت وكمان بتالس عليهم طب خد بقى السؤال ده عشان تبطل
قولنا ايه هى الاداه اللى بنشكل بيها الكحك ؟ والسؤال اجبارى

احرجتيني بالسؤال ده هو انا عارفها بس ناسي اسمها تستني انزل اسئل مامتي ؟؟!!

سادسا : ملتزم بالصلاه ولا لأ؟
في الحقيقة قبل شهر رمضان كنت شوي كده وشويا كده انما دلوقت الحمد لله وربنا يكتبلي الاستمرارية

سابعاا : ايه هو الشئ اللى موجود فى حقيبه او صندوق او درج او دولاب ذكرياتاك اللى كل ما تشوفه بتبقى حاسس باحاسيس حلوه وحزينه فى نفس الوقت
فيتوووو

ثامنا : هل انت من هواة القراءه ولو كنت منهم ايه اكتر كتاب شدك انك تكمله للاخر ؟
اعوز بالله انا بكره القراءة جدا مش بحبها خالص

تاسعا: اذكر خمس بنات وخمس اولاد بترتاح فى التعامل معاهم فى الكليه و فى المنتدى ؟
السؤال ده هيزعل ناس كتير فبلاش منو احسن

عاشراااااااااا :ماذا تفعل فى تلك المواقف التاليه :

-بنت حسيت انها احرجتك جدا بتصرفاتها وكل ما تشوفك تفضل واقفه معاك بالساععات تعمل ايه معاها؟
يعني منين بتحرجني ومنين بتقف معايا مش فاهم السؤال الصراحة

-واحد زميلك اكتشفت انه بيلعب بمشاعر بنت زميلتك حتعمل ايه؟
ههههههههه حصلت في الكلية وبهدلته قدام الزملاء

-رحت تاخد المصروف ملقتش فلوس ومهم جدا تنزل تروح الكليه تعمل ايه؟
هروح اكمل نوم ههههههههه

-مشهد فى فيلم تتمنى تكون بطله؟
احمد السقا ونور في فيلم شورت وفانلة وكاب لما كانو في البحر

-ما هو اكتر لون بتحب تلبسه؟
الأزرق طبعا

-ايه هى محتويات محفظتك؟
ههههههههههه معنديش محفظة

tiger

09-30-2008, 10:43 PM

حسن أنا عليا الدور بعد كده وأنتظرنى0

Hassan Mohamed

09-30-2008, 10:43 PM

متسئل يا اشرف مستني ايه

Mimi

10-01-2008, 12:02 AM

لقـــــــــاء جميــــل ، استمـــــرو

ربنــــا يعينــــكـ ياحســـــن :D

Mohamed Saad Yassin

10-01-2008, 12:18 AM

Mimi

10-01-2008, 12:34 AM

هههههههههههههههههههههههههههههههههههههههههههه الله ينور يااستاذ محمد

shimo

10-01-2008, 12:37 AM

حرااااااااااااام دا صعب اوى السؤال دا

Hassan Mohamed

10-01-2008, 01:06 AM

حسسسسسسسسسسسسسسسسن
اولا منور
سؤالى سهل و بسيط و مش حأسألك غيرة
اتفقنا بس تجاوب علية (خالى بالك ده اسمة السهل الممتنع)
انت مين و فين و ازاى و ليه فى الدنيا دى و عاوز تكون مين و فين و ازاى و ليه فى الدنيا دى؟

السؤال صعب جدا جدا بس هحاول اجاوب عليه براحة

انا هختم بالسؤال ده ان شاء الله ومش هنساه اكون فكرت في إجابة له

Rania Ismail

10-01-2008, 02:59 AM

تصفيق حاااااااااااد للاستاذ محمد سعد بجد 100/100
اشرب يا حسن

Hassan Mohamed

10-01-2008, 03:24 AM

هجاوب علي السؤال ان شاء الله يارانيا متقلقيش بس خليه في الاخر نختم بيه

Mimi

10-01-2008, 03:34 AM

لو سمحـــتم ممكن أســـال الضيـــف ؟

اتفضـــل ياضيـــف حل الاسئلـــة دي

http://img.photobucket.com/albums/v505/MCsam/anyaflower497.gif

1 - شايف في نفســـكـ حاجة مميـــزة بتميـــزكـ عن الآخــرين ؟

2 - ايه أكتــر حاجـــة بتلفـــت انتبـــهكـ للشخـــص اللي قدامـــك ؟

3 - أكتــــر نـــوع عربيـــة بتحبـــه ؟ ولــــونك المفضـــل ؟ ومكـــانكـ المفضـــل ؟

4 - ممكــــن تقـــولنا عن الأســـامي اللي طلعــت عليـــكـ أو اللي انت مشهـــور بيهـــم

5 - ممــــكن تقـــولنا آخـــر رســـالة جاتلكـ في المــــوبايل ؟ وقولنـــا ايـه الرســـالة اللي عمـــركـ ما هتمسحـــها ؟ وكمـــان ايه اكتر اســم مضحــك متســجل ع موبايــلك؟

http://img.photobucket.com/albums/v505/MCsam/anyaflower497.gif

6 -لو معـــاك فانــوس سحــري وطلعلــك العفــريت وقالكـ انت هتحكـــم العــالم وليكـ 3 أحكـــام بس هتحكـــم بايه؟

7 - بيقـــولو العيــن تعشـــق قبــل القلـــب ، هل دا صحيـــح؟

8 -هل أنت غيـــور ولأي درجـــة ؟

9 -لخــــص حيــــاتكـ في كلمتيــــن

10 -لو في حد من اصحــابك ماشي معاك ووقــع في منهــل ( بلاعة ) وانت سامع عن الحــادثة اللي حصلــت في الصعيد ان في اربع شباب ماتو لان كل ما ينزل واحد يموت وييجي اللي وراه ينقذه فيموت وهكذا ماتو الاربعــه هتنزل ورااه وانت عــارف انك هتتخنــق لا محالة ؟ مع العلم ان مفيش وقت لطلب المسـاعدة

متهيـــألي بعـــد فيديــو مغامـــرات كعبـــول بقيـــت متوقعــة اجابــة آخر ســـؤال ههههههههههه

http://img.photobucket.com/albums/v505/MCsam/anyaflower497.gif

gogo

10-01-2008, 03:39 AM

جواب بصراحه شديده اوك
1- مين اكتر شخصيه بتحترمها فى حياتك ونفسك تكون زيها
2- حسيت ان انت اخطأت فى حق حد قبل كده بقصد او دون قصد
3- حاسس ان انت راضى عن نفسك فى كل حاجه
4- اكتر حاجه بتكرها فى نفسك واكتر حاجه بتحبها فى نفسك
5- اكتر موقف مؤلم اتحطيت فيه ومش قادر تنساه
6- ايه اكتر شى يبسطك فى الدنيا واكتر شى يحزنك ويضايقك

جاوب بقى بس بصراحه وللحديث بقيه

Hassan Mohamed

10-01-2008, 04:01 AM

لو سمحـــتم ممكن أســـال الضيـــف ؟

اتفضلي يختي

اتفضـــل ياضيـــف حل الاسئلـــة دي
ماشي يا معلم

- شايف في نفســـكـ حاجة مميـــزة بتميـــزكـ عن الآخــرين ؟
يعني صعبة قوي اني احكم علي نفسي بس يلا مضطر اقول صفة فيا وهيا الاصرار علي تحقيق الاهداف الحمد لله لو في دماغي حاجة ببقا مصر جدا اني احققها طبعا ده إلي جانب التوفيق من عند ربنا

2 - ايه أكتــر حاجـــة بتلفـــت انتبـــهكـ للشخـــص اللي قدامـــك ؟
عنيه ... اول حاجة ببصلها مشكلة والله الموضوع ده بالنسبة ليا وخاصة العيون الملونة

- أكتــــر نـــوع عربيـــة بتحبـــه ؟ ولــــونك المفضـــل ؟ ومكـــانكـ المفضـــل ؟
مش بعرف فيهم قوي يعني بس اجمل عربية ركبتها هيا الاوبيل .... الازرق .... هههههههه مش هقول لانك عارفة

4 - ممكــــن تقـــولنا عن الأســـامي اللي طلعــت عليـــكـ أو اللي انت مشهـــور بيهـــم
يووووووووووة كتيرة قوي قوي هختصرهوملك زبادي وفينو وزيزو نتانة وعبدو .... ( انتي عرفاها ) وظلطة وكروانة وذيكو تلوث واخيرا كعبول وعلي فكرة معظم الاسماء دي كنت بدخل بيها رومات صوتية وانا اللي محتارها لنفسي يعني وبحبها قوي كمان

- ممــــكن تقـــولنا آخـــر رســـالة جاتلكـ في المــــوبايل ؟ وقولنـــا ايـه الرســـالة اللي عمـــركـ ما هتمسحـــها ؟ وكمـــان ايه اكتر اســم مضحــك متســجل ع موبايــلك؟
اخر رسالة tatatatatat hahahahahahah هههههههههه منو لله اللي بعتهالي.... معنديش رسايل من النوع ده.........مفيش والله

6 -لو معـــاك فانــوس سحــري وطلعلــك العفــريت وقالكـ انت هتحكـــم العــالم وليكـ 3 أحكـــام بس هتحكـــم بايه؟
هولع في الناس اللي بتشرب سجاير
هجيب قنبلة زرية وافجر اسرائيل وامريكا
هحول خطي من كارت لبيزنيس واي

7 - بيقـــولو العيــن تعشـــق قبــل القلـــب ، هل دا صحيـــح؟
طبعاااااااااااا صح قوي قوي كمان

-هل أنت غيـــور ولأي درجـــة ؟
مش فاهم تقصدي ايه بالظبط هل تقصدي الغيرة اللي هيا الغيرة مثلا من الصحاب والاصدقاء وكده لو دي لا طبعا الحمد لله مفيش اي نوع من الغير .... انما لو غيرة علي الحبيب فانا صعب جدا جدا يعني

9 -لخــــص حيــــاتكـ في كلمتيــــن
الوحدة بتقتلني

-لو في حد من اصحــابك ماشي معاك ووقــع في منهــل ( بلاعة ) وانت سامع عن الحــادثة اللي حصلــت في الصعيد ان في اربع شباب ماتو لان كل ما ينزل واحد يموت وييجي اللي وراه ينقذه فيموت وهكذا ماتو الاربعــه هتنزل ورااه وانت عــارف انك هتتخنــق لا محالة ؟ مع العلم ان مفيش وقت لطلب المسـاعدة
لا هنزل الزاي وانا عارف اني هموت يعني ايه الذكاء اللي انتي فيه ده

witch evil

10-01-2008, 04:05 AM

ايه هو السؤال اللى تتمنى تتسأله

وجاوب عليه

وايه هو السؤال اللى خايف تتسأله وخايف ليه؟؟

Hassan Mohamed

10-01-2008, 04:12 AM

جواب بصراحه شديده اوك

اوك اوك:(

1- مين اكتر شخصيه بتحترمها فى حياتك ونفسك تكون زيها
الاستاذ الدكتور محمد شرف

2- حسيت ان انت اخطأت فى حق حد قبل كده بقصد او دون قصد
لا الحمد لله عشان انا لو غلطت كده بصلح الغلط في ساعاتها بعتزر وبتأسف وكده يعني لحد ميسامح وخلاص ينتهي الموضوع

3- حاسس ان انت راضى عن نفسك فى كل حاجه
بصي لازم نقول الحمد لله بس الواحد كل يوم بيقول بكرة هعمل كذا وفي الاخر فيه اللي بيتعمل وفيه لا بس الحمد لله

4- اكتر حاجه بتكرها فى نفسك واكتر حاجه بتحبها فى نفسك
اكتر حاجة بكرها هيا العصبية بعض الاحيان وساعات الكسوف ........ واكتر حاجة بحبها الطيبة والاصرار علي العمل

5- اكتر موقف مؤلم اتحطيت فيه ومش قادر تنساه
انا مش هحكي الموقف بس هحكي اللحظة ... بجد لحظة الفراق اللي مريت بيها كانت مؤلمة بالنسبة ليا

6- ايه اكتر شى يبسطك فى الدنيا واكتر شى يحزنك ويضايقك
لما بشوف كل الناس اللي في وسطهم فرحانين بيا يعني مثلا لما بنجح وبجيب تقدير متتخيلوش اللحطة دي انا بستناها من السنة للسنة عشان بشوف فرحة والدي وللدتي .......... الحاجة بقا اللي بتنرفزني اليومين دول هما الناس اللي بيشربوا سجاير عالم معفنة قوي قوي قوي يعني ايه الناس دي بجد ده الصيام كان نعمة يا جماعة

Hassan Mohamed

10-01-2008, 04:18 AM

ايه هو السؤال اللى تتمنى تتسأله

الحقيقة مفيش حاجة معينة في دماغي ... انا برحب بكل الاسئلة

وايه هو السؤال اللى خايف تتسأله وخايف ليه؟؟
اي سؤال بخصوص الحب ... خايف لان الموضوع ده بجد بيأثر فيا قوي انا يمكن قدام الناس بظهر كومديان وبحب اضحك واهزر كتير بس من جويا رومانسي جدا (( بلاش حد يسئل عشان لسه معايا 3 فيتو))

Mimi

10-01-2008, 04:22 AM

واضـــح من خــلال الاسئـــلة ياحســـن انكـ بتتغـــاظ من المدخنيـــــن

لو شفـــت الراجـــل دا هتتعــــامل معـــاه ازاي ؟

http://bp2.blogger.com/_ll4ksqJ_6xc/SCrNe5__tLI/AAAAAAAAAJU/x54QxSAGS88/s320/175_image.jpg

ههههههههههههههههههههههههههههههههههه

Hassan Mohamed

10-01-2008, 04:34 AM

تقريبا ده هولع فيه

Mimi

10-01-2008, 05:07 AM

لو سمحـــت ممكن أســـال تانــي ولا مش مسمـــوح غيــر مرة ؟

بــس لو مسمـــوح ياريــت نعـــرف ردكـ على هـــذه الاسئلــــة

http://img.photobucket.com/albums/v505/MCsam/n88bar.gif

ايـــه البلـــد اللــي نفســـكـ تـــزورها ؟

حـــد مكلمتــــوش بقـــالكـ مـــدة واشتـــاقتله ونفســـــكـ تكلمــــه ؟

واحـــد زهقــــان ومخنــــوق منـــه ونفســـك يبعـــد عنــكـ هتتعــــامل معـــاه ازاي ؟

أكتـــر اســـم ولـــد بتحبه وأكتـــر اسم بنــت بتحبـــه ( اســــم مش شخـــص )

http://img.photobucket.com/albums/v505/MCsam/n88bar.gif

طبــــع بيـــشدكـ في اللــي قدامـــكـ

أي نـــوع من الرياضـــات بتحـــب تمـــارسها ؟

ادينــــي اســـم منـــاسب للأوصـــاف التاليــة

عضو طيب ..

عضو دمه خفبف ..

عضو ذوق ..

عضو تحب ردوده ..

عضو رزين ..

عضو تتمنى تشوفه ..

اول عضو ارتحت له ..

عضو مرح وونيس ..

عضو قدوة لك ..

http://img.photobucket.com/albums/v505/MCsam/n88bar.gif

Hassan Mohamed

10-01-2008, 05:25 AM

لو سمحـــت ممكن أســـال تانــي ولا مش مسمـــوح غيــر مرة ؟
لا خدي راحتك ساعدتك انا معاكو لحد يوم 4-10

بــس لو مسمـــوح ياريــت نعـــرف ردكـ على هـــذه الاسئلــــة
حالا اهو هتعرفي

ايـــه البلـــد اللــي نفســـكـ تـــزورها ؟
دبي ويارب اعرف اجيب فرصة عمل فيها

حـــد مكلمتــــوش بقـــالكـ مـــدة واشتـــاقتله ونفســـــكـ تكلمــــه ؟
فيتو (( كده يتبقا 2 فيتو ))

واحـــد زهقــــان ومخنــــوق منـــه ونفســـك يبعـــد عنــكـ هتتعــــامل معـــاه ازاي ؟
التجاهل الحل الوحيد واحيانا الهروب وساعات بجيب حد واصدره للشخص ده وهو يتعامل معاه بقا

أكتـــر اســـم ولـــد بتحبه وأكتـــر اسم بنــت بتحبـــه ( اســــم مش شخـــص )
أحمد ..... هند

طبــــع بيـــشدكـ في اللــي قدامـــكـ
قوة الشخصية

أي نـــوع من الرياضـــات بتحـــب تمـــارسها ؟
كورة القدم والطائرة

ادينــــي اســـم منـــاسب للأوصـــاف التاليــة
عضو طيب .. اشرف

عضو دمه خفبف .. جودي

عضو ذوق .. عاشق الرومانسية

عضو تحب ردوده .. مهندسة مها

عضو رزين .. المهندس ايمن

عضو تتمنى تشوفه .. فيتو

اول عضو ارتحت له .. جوجو

عضو مرح وونيس .. رانيا

عضو قدوة لك .. الاستاذ الدكتور محمد شرف مع انه مش مشارك معانا بس هو احد اعضاء المنتدي

Mimi

10-01-2008, 06:02 AM

فــن النسيـــــان سعــــــادة ، ايه الشـــئ اللي تتمنــــى تنســـــــاه ؟

أنت وأحـــلامكـ ماشييــــن في طـــريق واحــد ، ياتـــرى ماشيـــة جنبـــكـ ؟ ولا سابقـــاكـ بس انت شايفــــها وعايـــز تلحقهــــا ولا سابقـــــاكـ مســــافة كبيــــرة ومش عـــارف اذا هتحصلهــــا ولا لاء ؟

http://img.photobucket.com/albums/v505/MCsam/pinksparkle.gif

الدمــــوع تمثلّكـ ايــه ؟ وهــل هي عـــار لما تملـــي جفـــن الرجـــل ؟

لو شفــــت طفـــل بيبتسمـــلكـ ، بتحــــس بايـــه ؟

http://img.photobucket.com/albums/v505/MCsam/pinksparkle.gif

أكتـــر اســـم من أسمـــاء ربنـــا بتحــــبه ؟

ايــه أكتـــر قصـــة في القــــرآن بتحبهــــا ؟

http://img.photobucket.com/albums/v505/MCsam/pinksparkle.gif

حــــد خــــانك ، عنـــدكـ استعــــداد تسمعـــله وتشـــوف دوافـــع خيانتـــه ليكـ وبالتـــالي في احتمـــال انــكـ تســـامحه ؟ ولا بتاخـــد قــــرار بنسيـــانه من ذاكــــرتكـ ؟

أكتــــر حــــاجة كــــان نفســـــكـ فيهــــا ومحصلتـــــش

http://img.photobucket.com/albums/v505/MCsam/pinksparkle.gif

witch evil

10-01-2008, 08:05 AM

طبعا عشان حسن عارف انه غالى اوى علينا انا حسأله اسأله سهله

ايه أسعد يوم في حياتك و لسه فاكره لحد دلوقتي؟

السنه دي احلى بالنسبه لك في الكليه و لا السنه الي فاتت؟ و ليه؟

لو اتخانقت مع حد و اضطريت انك تحتاجه في حاجه حتعمل ايه؟

اكتر موقف ضايقك في المنتدى؟

في ختام كل صلاه بتدعي بايه؟(غير ان ربنا يوفقك)

امتى تجيب اخرك من الشخص الي قدامك؟

شايف علاقتك كويسه مع الناس عامة؟ و امتى بتستغنى عن صداقة حد قريب منك؟

ايه اكتر يوم بتحبه في السنه؟

لو لقيت واحده معجبه بيك حتحرجها ازاي؟

مين أقربلك, والدك و لا والدتك؟

اكتر حدث ضايقك الصيف الي فات؟(حدث واحد مش اتنين )

ايه اخر حاجه بتفكر فيها قبل ما تنام؟ و اول حاجه اول ما تصحى من النوم؟

أكتر مكان بتحبه في الكليه؟

و اخر سؤال المره دي...

قول عيوب كل واحد من المشرفين و فريق العمل والاعضاء اللى يجوا على بالك ومميزتهم

لسه في حبة أسئله زي الي فاتوا بس في الدفعه الجايه ان شاء الله

و ربنا يستر عليا

Hassan Mohamed

10-01-2008, 01:03 PM

طبعا عشان حسن عارف انه غالى اوى علينا انا حسأله اسأله سهله

اه مهو واضح قوي انها سهلة

ايه أسعد يوم في حياتك و لسه فاكره لحد دلوقتي؟
لما عرفت اني دخلت مساحة وقلولي انت التاني علي الدفعة اليوم ده انا كنت سهران لحد الصبح وكنت خلال بلبس عشان انزل الكلية اعرف نتيجتي جالي تليفون من شخص مهم قالي مبروك يا حسن انت طلعت التاني علي الدفعة ياااااااااااااااااااه كنت سعيد قوي قوي فرحة لا توصف بجد

السنه دي احلى بالنسبه لك في الكليه و لا السنه الي فاتت؟ و ليه؟
السنة دي لاني رجعت تاني حسن اللي عندو اهداف وطموحات وان شاء الله سنة جميلة علينا كلنا

لو اتخانقت مع حد و اضطريت انك تحتاجه في حاجه حتعمل ايه؟
علي جثتي

اكتر موقف ضايقك في المنتدى؟
تعليقات بعض الطلبة من الفرقة التالتة وقت نتيجتهم وبعد معرفوا انهم اتخصم منهم 5 درجات لازم سلوكياتهم تكون احسن من كده هما مش اطفال عشان يقولوا كده

في ختام كل صلاه بتدعي بايه؟(غير ان ربنا يوفقك)
بقول يا رب اوصل للشئ اللي انا بتمناه في حياتي واني اكون شئ كبير في المجتمع

امتى تجيب اخرك من الشخص الي قدامك؟
لو كان بيكذب عليا وانا عارف انو بيكذب ببقا في اخري ببقا عاوز اقولك بطل بقا بس بخاف احرجة

شايف علاقتك كويسه مع الناس عامة؟ و امتى بتستغنى عن صداقة حد قريب منك؟
الحمد لله العلاقات جيدة جدا مع الناس تقدري تقولي عليا انسان اجتماعي ........ وبستغني عن الصداقة لو خان العهد وطلع كلام كان مبينا لحد تاني

ايه اكتر يوم بتحبه في السنه؟
يوم اليتيم عشان بحب اشترك في الحفلات اللي بتنظمها الكلية وعندي حفلة هبقا انزلهالكم ان شاء الله

لو لقيت واحده معجبه بيك حتحرجها ازاي؟
احرجها!!! انا مش كده خالص بالعكس بتعاطف معاها بس بحدود وبحاول افهمها اني مرتبط مثلا ده لو انا عاوز اتجنب اضرار هذا الموضوع

مين أقربلك, والدك و لا والدتك؟
ولدتي بس انا روحي في والدي بردو

اكتر حدث ضايقك الصيف الي فات؟(حدث واحد مش اتنين )
لما سمعت بوافة احمد عبد الباسط الله يرحمو

ايه اخر حاجه بتفكر فيها قبل ما تنام؟ و اول حاجه اول ما تصحى من النوم؟
بحاول ارجاع نفسي واشوف ايه اللي حصلي طول اليوم ...... اول حاجة بشوف انا هبدأ اليوم الزاي

أكتر مكان بتحبه في الكليه؟
ساحة آداب

و اخر سؤال المره دي...

قول عيوب كل واحد من المشرفين و فريق العمل والاعضاء اللى يجوا على بالك ومميزتهم

فيتو .... انا كده خلصت كل لفيتو ربنا يستر بئا

Rania Ismail

10-01-2008, 01:54 PM

لما عرفت اني دخلت مساحة وقلولي انت التاني علي الدفعة اليوم ده انا كنت سهران لحد الصبح وكنت خلال بلبس عشان انزل الكلية اعرف نتيجتي جالي تليفون من شخص مهم قالي مبروك يا حسن انت طلعت التاني علي الدفعة

Rania Ismail

10-01-2008, 01:54 PM

من هو الشخص المهم يا كعبووووووووووووووووول

Rania Ismail

10-01-2008, 01:55 PM

سؤال سهل بس انت ركز

Hassan Mohamed

10-01-2008, 02:11 PM

واحد صاحبي

Rania Ismail

10-01-2008, 02:34 PM

واحد صاحبي
امممممممممممممممممممممممم اوك صاحبك صاحبك

Mimi

10-01-2008, 07:20 PM

هو أنا مينفعــش أســـال تالت مـــرة ؟

خــلاص معدتش هســأل

Hassan Mohamed

10-01-2008, 07:41 PM

لا اتفدلي اسئلي يا جودي انا بحب اسئلتك اتفدلي

sarah

10-01-2008, 08:03 PM

مين اول واحد ادالك عيدية ؟ والعيدية بتمثلك اية ؟
كل سنة وانت طيب.
ملحوظة : متقلش فى الكحك.

Mimi

10-01-2008, 08:12 PM

الحقيقــــة انـــي سألـــت ياحســــن

بـــس انت نطيــــت على أسئلتــــي ومشوفتهـــاش

انا آسفـــة

Hassan Mohamed

10-01-2008, 08:38 PM

سوري سوري ماخدتش بالي اوعدك اني هجاوبها

Hassan Mohamed

10-01-2008, 09:51 PM

فــن النسيـــــان سعــــــادة ، ايه الشـــئ اللي تتمنــــى تنســـــــاه ؟

الماضي

أنت وأحـــلامكـ ماشييــــن في طـــريق واحــد ، ياتـــرى ماشيـــة جنبـــكـ ؟ ولا سابقـــاكـ بس انت شايفــــها وعايـــز تلحقهــــا ولا سابقـــــاكـ مســــافة كبيــــرة ومش عـــارف اذا هتحصلهــــا ولا لاء ؟
ان شاء الله الاحلاام ماشية بخطا ثابته مادام المواحد بيسعي وراء حلمو

الدمــــوع تمثلّكـ ايــه ؟ وهــل هي عـــار لما تملـــي جفـــن الرجـــل ؟
الدموع مشاعر وحب وانا دموعي مش بتنزل غير في حالتين يا اما فرحان قوي يا اما زعلان قوي .... اما بالنسبة لموضوع العار لا طبعا لان دي احاسيس ولو فيه راجل مش بيدمع ده يطلق عليه رجل جاف

لو شفــــت طفـــل بيبتسمـــلكـ ، بتحــــس بايـــه ؟
جدااااااااا انا بحب الاطفال قوي قوي ولما بلعب معاهم ممكن اكون طفل زيهم

أكتـــر اســـم من أسمـــاء ربنـــا بتحــــبه ؟
الغفور

ايــه أكتـــر قصـــة في القــــرآن بتحبهــــا ؟
قصة سيدنا موسي

حــــد خــــانك ، عنـــدكـ استعــــداد تسمعـــله وتشـــوف دوافـــع خيانتـــه ليكـ وبالتـــالي في احتمـــال انــكـ تســـامحه ؟ ولا بتاخـــد قــــرار بنسيـــانه من ذاكــــرتكـ ؟
لا بسمع وبدي فرصة ولو هو عندو مبررات بسامح

أكتــــر حــــاجة كــــان نفســـــكـ فيهــــا ومحصلتـــــش
حلم بحلم بيه وان شاء الله هيتحقق

Hassan Mohamed

10-01-2008, 09:52 PM

مين اول واحد ادالك عيدية ؟ والعيدية بتمثلك اية ؟
والدي ..... قول للزمان ارجع يا زمان هو بقا فيه عيد

كل سنة وانت طيب
وانتي طيبة يا سارة

ملحوظة : متقلش فى الكحك
ده سؤال ولا ايه مش فاهم

Rania Ismail

10-01-2008, 11:38 PM

ممكن اسال سؤال انا عارفه انك زهقت منى
ايه هى اول هدية جاتلك من حب او ارتباط ؟
وايه هى اول هديه انت جيبتها ؟

Hassan Mohamed

10-01-2008, 11:46 PM

ممكن اسال سؤال انا عارفه انك زهقت منى

لا عادي والله خدو راحتكم في الاسئلة انا مبسوط بيها

ايه هى اول هدية جاتلك من حب او ارتباط ؟
قلب صغنن لونه احمر ومكتوب عليه حرف S

وايه هى اول هديه انت جيبتها ؟
مصحف كبير

Wild_Angel

10-02-2008, 12:37 AM

السلاااام عليكم ورحمة الله وبركاته

انا رجعت تانى يا باشمهندس حسن
اولا كل سنه وانت طيب وكللللللل المشرفين والمشرفات والاعضاء بخير وصحه وسلامه

نبتدى بقى...

-ايه اللى بيدايقك اكتر فساخونىىىى(الفسيخ) ولا الرنجه ولا السردين؟؟

-لو ليك اخ صغير او اخت ولسه داخل الكليه اول نصيحه تنصحهاله ايه؟؟

-اول حاجه نفسك تعملها اما تنزل الكليه؟؟

-لماذا لا تحب هواية القراءه؟؟

- فى سنه تانيه ايا الامتحانات حصلت لخبطه فى الكشوفات واسمك مكنش مكتوب وكل امتحان كنت بتضطر تكتب اسمك فى الكشف ؟؟احكيلنا الموقف ده

- يوم الpresentation احكيلنا على اكتر حاجه غاظتك فيه ودايقتك واكتر حاجه اتبسطت منها؟؟

-ما هو نوع الشغل الذى تعمل به فى الاجازه؟؟

-محاضره السنادى مش قادر تنساها؟؟وليه؟

-ايه احساسك لو انت ماشى فى الشارع وشوفت حد صاحبك من زمااااان وكان نفسك تشوفه ورحت تسلم عليه نسيت اسمه وتحاااااول تفتكر برضه مفيش فايده؟؟

-لو بترسم خريطه انت ومجموعتك وبعد ما كانت الخريطه زى الفل جيت انت وكان معاك ميه وادلقت غصب عنك تعمل ايييييييييه؟

-مين المذيعه اللى دايما تلفت انتباهك بطريقتها واسلوبها؟؟

-اكتر حى بتحبه فى اسكندريه مووووووت؟؟

-كلمه تنصح بيها اى حد مثلا مر بتجربة فاشله فى اى مجال؟؟

-لو بتحب تتفرج على التليفزيون قولنا ايه القنوات اللى بتحب تتفرج عليها وليه؟؟

-احكيلنا عن يوم نتيجتك السنادى وبالتفصيييل؟

-اكتر ماده حبتها وليه؟؟ واكتر ماده استغلستها وليييييه؟

-ليه دايما ناقر ونقير انت وJudiii???وليه غيرت موقفك بالنسبه للبنات اللى دخلت مساحه هل اقتناع منك ؟ولا احساسك انهم صعبوا عليك؟؟وياريت تقولنا اقتنعت ليه؟

-لو راكب سفينه وبتغرق ومفيش حد عايز يتولى القياده مع العلم ان فى ناس اكبر منك وذات خبره هل حتغامر ولا تفضل تدعى وخلاص او تفضل تتكلم معاهم؟؟

-مهتم بالسياسه ولا ملكش فيها اوى؟؟ لو ليك فيها ايه رايك فى اللى حصل لابراهيم عيسى وناوى تعمل ايه تجاه الموضوع ده

-ما هو الطريق اللى ممكن تتخذه وحاسس انه ممكن يصلح البلد ؟؟على فكره كل انسان ممكن يبدا بنفسه لو عايز يصلحها؟

-حد من المشرفين او المشرفات لسه متعاملتش معاه فى الطبيعه بس حاسس انك مرتاح فى طريقته ؟؟؟
انتظرنى فى الحلقه القادمه..

witch evil

10-02-2008, 03:32 AM

ينهار ابيض انتى ايه يا ويلد كل الكلام ده
انا حستنى لما يجاوب وابقى اسأله

انتى بتنتقمى من الولد

ahmedko

10-02-2008, 04:06 AM

اي يا ابو على كم الاسئلة اللى جايالك دى
دى ويلد فرحانة فى وجودك اوى على كرسى الاعتراف

Wild_Angel

10-02-2008, 04:09 AM

لالالا يا جماعه والله مش بنتقم بس هو حظه ان اول ما باجى اكتبله سؤال الاقى السؤال التانى فكرته ظهرت فى دماغى

اسفه انى بسال كتير وانى معطلاكم وعموما كل سنه وانتم طيبين

gogo

10-02-2008, 04:11 AM

ونستكمل حديثنا انا بحطلك اسئله سهله صح

1- حلم حلمته واتحقق وحلم حلمته ومتحققش وكنت تتمنى انه يكمل ؟
2- اكتر امنيه شر اتمنتها تحصل لحد ؟
3- اكتر موقف محرج اتحطيط فيه وكنت بتتمنى الارض تتشق وتبلعك من الاحراج؟
4- ايه اصعب كلمه تتقال بين حبيبين؟
5- اكتر موقف جرحك ولسه عايش جواك لغايه دلوقتى؟
6- مقتنع بنفسك بنسبه كام فى 100؟
7- اكتر اغنيه بتاثر فيك لانها بتفكرك بموقف ما وايه هو الموقف؟
8- اكتر مكان بتحب تروحه وليك زكرى معاه وايه هيا الزكرى؟
9- عمرك فكرت تحب على حبيبتك؟ انت مخلص بنسبه كام فى 100؟
10- عمرك فكرت تخون صديق ؟
11- فكرت فى الانتحار قبل كده بسبب يأسك من شى ما؟
123- اكتر يوم تاريخ بتحبه (يوم ميتنسيش يعنى) وسبب حبك لليوم ده ؟

كفايه كده بقى بس اهم حاجه الصراحه ومتنساش انت ممعكش فيتو

Mohamed Saad Yassin

10-02-2008, 04:13 AM

-----------------لا تعليق-----------------
http://www.rnen.com/upload/uploads/68b274253f.jpg

Rania Ismail

10-02-2008, 12:01 PM

هههههههههههههههههههههههه حلوه يا استاذ محمد الصوره ديه شبه حسن بالظبط هههههههههههههههههههههههههههههههههههههههه

Hassan Mohamed

10-02-2008, 01:46 PM

السلاااام عليكم ورحمة الله وبركاته

وعليكم السلام

انا رجعت تانى يا باشمهندس حسن
ويلكم باك

اولا كل سنه وانت طيب وكللللللل المشرفين والمشرفات والاعضاء بخير وصحه وسلامه
وانتي طيبة يا ويلد

نبتدى بقى...
-ايه اللى بيدايقك اكتر فساخونىىىى(الفسيخ) ولا الرنجه ولا السردين؟؟
كلهم يختي كلهم ... عالم معفنة قوي

-لو ليك اخ صغير او اخت ولسه داخل الكليه اول نصيحه تنصحهاله ايه؟؟
اول نصيحة الالتزام ولازم يعرف انه لسه قدامه بحر علم ملوش نهاية

-اول حاجه نفسك تعملها اما تنزل الكليه؟؟
اسجل الجزء التاني من مغامرات كعبول

-لماذا لا تحب هواية القراءه؟؟
مش فاضي

- فى سنه تانيه ايا الامتحانات حصلت لخبطه فى الكشوفات واسمك مكنش مكتوب وكل امتحان كنت بتضطر تكتب اسمك فى الكشف ؟؟احكيلنا الموقف ده
هههههههه كانت ايام جميلة بصي يا سيدتي انا كنت جايب تقدير في سنة اولي فهما حولوني انتظام تلقاءيا لكن انا حبيت اكمل انتساب قومت قدمت اقرار اني عاوز افضل انتساب فرجعوا اسمي تاني من انتظام لانتساب وحطوني في اخر الكشف لاني عملت الخطوة دي قبل الامتحانات مباشرة بس لما نجحت في تانية وجيبت تقدير قولت احول انتظام بئا عشان ميحصلش اللخبطة دي تاني

- يوم الpresentation احكيلنا على اكتر حاجه غاظتك فيه ودايقتك واكتر حاجه اتبسطت منها؟؟
والله انا كنت سعيد كده لما حسيت بنجاح العرض وخاصة لما الدكتور السوداني قال ان ده عمل متميز بس الصراحة مفيش حاجة دايقتني

-ما هو نوع الشغل الذى تعمل به فى الاجازه؟؟
مهندس صيانة (( موبايل وكمبيوتر))

-محاضره السنادى مش قادر تنساها؟؟وليه؟
يوم ما الدكتور علي دخل وحلف انه هيسقطنا كلنا انا اتخضيت جدا اليوم ده من طريقة عرضة للسقوط ههههههههههه

-ايه احساسك لو انت ماشى فى الشارع وشوفت حد صاحبك من زمااااان وكان نفسك تشوفه ورحت تسلم عليه نسيت اسمه وتحاااااول تفتكر برضه مفيش فايده؟؟
هههههههههههه بتحصل كتير قوي قوي ابسط حاجة بقولها حبيبىىىىىىى واحشني والله وبيعدي الموقف

-لو بترسم خريطه انت ومجموعتك وبعد ما كانت الخريطه زى الفل جيت انت وكان معاك ميه وادلقت غصب عنك تعمل ايييييييييه؟
هقعد اضحك ههههههههههههههه انا السنة اللي فاتت بوظت الخريطة اكتر من مرة بس مجموعتي متفاهمة الحمد لله

-مين المذيعه اللى دايما تلفت انتباهك بطريقتها واسلوبها؟؟
بتاعت دريم 2 مش فاكر اسمها الصراحة اللي هيا بتاعت لمن يجرؤ او حاجة زي كده

-اكتر حى بتحبه فى اسكندريه مووووووت؟؟
حي المنتزة

-كلمه تنصح بيها اى حد مثلا مر بتجربة فاشله فى اى مجال؟؟
محدش بيأخد اكتر من نصيبة

-لو بتحب تتفرج على التليفزيون قولنا ايه القنوات اللى بتحب تتفرج عليها وليه؟؟
الحياة ومودرن سبورت وروتانا سينما والاهلي وبانوراما دراما والاي ار تي سبورت

-احكيلنا عن يوم نتيجتك السنادى وبالتفصيييل؟
اووووووووووة ده كان يوم عالمي كنت راجع من التدريب من العجمي مع زمايلي في الكلية وهوووب جالنا تليفون الحقوا يا عيال النتيجة بتتعلق (( مش عاوز اقولكم انا حسيت بايه كنت عاوز ادخل الحمام )) المهم طلعنا نجري علي الكلية ودخلنا مدرج 62 لقيت زحمة رهيبة علي النتيجة قومت طلبت من زميلي احمد خليل انو يجيبهالي الصراحة انا كنت حاسس اني هشيل مادة او 2 .... احمد قالي اسمك ايه بالكامل قولتله قام قالي انت جيبت جيد ياااااض ...... متتصوروش انا كنت فرحان قد ايه طلعت برة المدرج وكلمت والدتي وبعدين واحد صاحبي بحبه قوي وبعدين كلمت اختي ورجعت تاني قعدت مع اصحابي كان يوم جميل

-اكتر ماده حبتها وليه؟؟ واكتر ماده استغلستها وليييييه؟
-ليه دايما ناقر ونقير انت وJudiii???وليه غيرت موقفك بالنسبه للبنات اللى دخلت مساحه هل اقتناع منك ؟ولا احساسك انهم صعبوا عليك؟؟وياريت تقولنا اقتنعت ليه؟
جودي صديقة قديمة قوي علي فكرة بعرفها من حوالي سنتين والاختلاف في الرأي لا يفسد للود قضية ... اما بالنسبة لموضوع البنات وربنا مغيرت رأي ابدا انا لسه عند رأيي ولو رجعتي لموضوع رسالة لفتايات المنتدي هتلاقيني بأكد الكلام ده

-لو راكب سفينه وبتغرق ومفيش حد عايز يتولى القياده مع العلم ان فى ناس اكبر منك وذات خبره هل حتغامر ولا تفضل تدعى وخلاص او تفضل تتكلم معاهم؟؟
لا انا مغامر والحمد لله ومش بعرف اليأس ابدا

-مهتم بالسياسه ولا ملكش فيها اوى؟؟ لو ليك فيها ايه رايك فى اللى حصل لابراهيم عيسى وناوى تعمل ايه تجاه الموضوع ده
سياسة مين بس ومين ابراهيم عيسي ده كمان ارجوكي متحرجنيش باسئلة سياسية

-ما هو الطريق اللى ممكن تتخذه وحاسس انه ممكن يصلح البلد ؟؟على فكره كل انسان ممكن يبدا بنفسه لو عايز يصلحها؟
طريق مصر اسكندرية الصحراوي

-حد من المشرفين او المشرفات لسه متعاملتش معاه فى الطبيعه بس حاسس انك مرتاح فى طريقته ؟؟؟
كل المشرفين اتعاملت معاهم ماعدا انتي وجودي لسه مشوفتهاش في الطبيعة

اسئلتك جميلة قوي يا ويلد استمري علي كده انا مستمتع بيها قوي

Hassan Mohamed

10-02-2008, 01:49 PM

لالالا يا جماعه والله مش بنتقم بس هو حظه ان اول ما باجى اكتبله سؤال الاقى السؤال التانى فكرته ظهرت فى دماغى

اسفه انى بسال كتير وانى معطلاكم وعموما كل سنه وانتم طيبين

علي فكرة يا ويلد اسئلتك ممتعة جدا بالنسبة ليا ياريت تستمري وملكيش دعوة بكلامهم

Rania Ismail

10-02-2008, 01:58 PM

ديه وايلد عصرتك يا مااااااااااااااااااااااااااان بس انت عارف حلال فيك ال مغيرتش فكرتك ال عن البنات

witch evil

10-02-2008, 06:24 PM

ايه اللى بيدايقك اكتر فساخونىىىى(الفسيخ) ولا الرنجه ولا السردين؟؟]
كلهم يختي كلهم ... عالم معفنة قوي

للعلم حسن بيموت فى الحاجات اللى بيقول عليها معفنه دى
وبلاش اكمل واقول ....................... اخد بالك معايا يا حسن

AYMAN GAMAL

10-02-2008, 06:38 PM

حسن انت حبيبي طبعا

لو واحد خيرك بين حياتك و حياة حد من صحابك تختار اية؟ و بصراحة

التاني: اية تصورك عن كل من ايمن,مها,احمد,جودي,رانيا,مصطفى,اينجل,اشرف,استاذ محمد في كلمة لكل منهم

التالت:لو اديتك موبايل مبيظهرش رقمك عند اي حد بتتصل بيه ,هتتصل بمين ولا هتعاكس بيه مين؟

ملحوظة يا حبي

نووووووووووو ملاوعة او تزويغ

witch evil

10-02-2008, 06:45 PM

أسال انا بقى بس حبه تحليل شخصيه

1- ايه اكتر لون بتحبه.....؟؟

2-ايه هو رقمك المفضل...؟؟

3- حسن انا عارفه انك لبس نضاره بس مش ديما بتلبسها اقدر اعرف ليه ...؟؟

4- هل لو جتلك الفرصه ان نظرك يبقى كويس انك تتخلى عن النضاره؟؟

5- نفسك تغير استايل نضارتك ولا بتحبها ؟؟

6-ماهو لون عينك بالظبط..؟؟

7-ماهو لون شعرك..؟؟

8-لو اتحتيط فى موقف يتختار نفسك يتختار حد من اصحابك وتنقذه تختار ايه ...؟؟واعرف انك الوحيد اللى ممكن تنقذه وفى نفس الوقت انت لو انقذته حياتك حتبوظ وحتدمر يعنى حتخسر كل حاجه وحتخسر نفسك...؟؟
9- لو بتحب حد توصله ازاى ....؟؟

10- ازاى تعرف ان اللى قدامك بيحبك ومن غير متسأله ...على العلم ان فى سعات صدقات بتتعامق وبتتفهم غلط....؟؟

11- هل بتعيش قصه حب دلوقتى ...؟؟ لو اه احكلنا عنها وهل هى من الكليه ولا جران ولا ايه بالظبط؟ وهل هى عارفه ولا لاء ؟؟
وياريت التفاصيل بقى بالمره:D

شفت انا طيبه ازاى وانت غالى وشفت غلوتك اهى باسألك اسأله سهله خالص
كفايا كده دلوقتى

Wild_Angel

10-02-2008, 10:14 PM

السلام عليكم ورحمة الله وبركاته

ازيك يا حسن كل سنه وانت طيب
الحمد لله ان اسئلتى عجبتك بس الظاهر كانت سهله ولا ايه
شكلى حجيبلك من بره المنهج

-سؤال نفسك تطرحه على حد هنا فى المنتدى (زى الاسئله اللى بنسالهالك)؟؟ ايه هو السؤال

-ده سؤال كان واقع منك:ايه اكتر ماده حبتها واكتر ماده استغلستها؟

-ايه طريقة مذاكرتك ؟وافضل طريقه للمذاكره

-زعلت انا.. لما ملقتكش ليك فى السياسه..طب تعمل ايه لو انت ماشى فى الكليه وكان فى مظاهرات ودخلت فيها غلط ومسكوكم والشباب اصروا انك مؤسس التنظيم؟؟

-اتعلمت فين صيانة الموبايلات والكمبيوتر؟؟

-وانت صغير فى العيد كده ايه اكتر شئ كان بيشغل دماغك؟؟

-فى البوم الذكريات ..صوره بتحبها جدا ؟؟اوصفهالنا..

-تخيل نفسك ورقه بيضاء ما هى اول كلمه تكتبها ..وواول سطر تحطه عشان تبدا منه فقره جديده(مرحله جديده من حياتك).

-ليه دايما كل الشباب بيروحوا يحلقوا قبل العيد؟؟؟

-اكتر محافظه عايز تروحها واكتر بلد عايز تروحها وتاخد فيها صور كتير؟؟

-اكتر هديه تحب حد يجيبهالك؟؟واجمل هديه جتلك لحد دلوقتى؟

وشكرا لحسن تعاونك معاانا

Hassan Mohamed

10-02-2008, 10:15 PM

ونستكمل حديثنا انا بحطلك اسئله سهله صح

ماشي يا جوجو اما اشوفك بس

1- حلم حلمته واتحقق وحلم حلمته ومتحققش وكنت تتمنى انه يكمل ؟
اني دخلت مساحة ..... اني ادخل هندسة بس بحمد ربنا دلوقت انو مكملش لاني مبسوط جدا جدا في دراستي حاليا

2- اكتر امنيه شر اتمنتها تحصل لحد ؟
لا دي مش اخلاقي

3- اكتر موقف محرج اتحطيط فيه وكنت بتتمنى الارض تتشق وتبلعك من الاحراج؟
كنت مرة في مكتب الدكتور محمد شرف كنت رايح اتكلم معاه في حاجة بخصوص موقع كنت عاملة وانا في الفرقة التانية قالي ثواني يا حسن وجالو تليفون وانا جالي حاجة تانية ههههههههه حاجة كده بتحتاج لتساهيل في الوقت ده المهم وشي احمر قوي وطبعا كنت لازم افضل واقف ، المهم هو خلص التليفون وانا وشي احمر جدا وبصلي وضحك وقالي تعلالي وقت تاني عشان مشغول قومت سحبت نفسي جري وانتوا عارفين بقا انا رحت فين

4- ايه اصعب كلمه تتقال بين حبيبين؟
ارجوك متكملش....

5- اكتر موقف جرحك ولسه عايش جواك لغايه دلوقتى؟
كان الفيتو ينفع في اللحظة دي بس ماشي مش مهم ...... انا مش هحكي الموقف لكن هقول ان الفراق بالنسبالي جرح

6- مقتنع بنفسك بنسبه كام فى 100؟
الحمد لله نقول مثلا 80 %

7- اكتر اغنيه بتاثر فيك لانها بتفكرك بموقف ما وايه هو الموقف؟
بعدك عني انتحار ........ الاغنية دي كل مبسمعها بقعد اعيط كتير قوي قوي وبفتكر فيه اللحظة اللي بعدت فيه عن حبيبتي

8- اكتر مكان بتحب تروحه وليك زكرى معاه وايه هيا الزكرى؟
ايه يا بنتي الاسئلة دي مفيش سؤال ناقص ابدا .... المكان هو المنتزة وليا زكريات جميلة جواه وانا في سنة تانية كنت بروح مع اصحابي هناك نعلب ونجري وكده يعني

9- عمرك فكرت تحب على حبيبتك؟ انت مخلص بنسبه كام فى 100؟
يالهوي هو ده سؤال لا طبعا ده اجرام ميتسماش حب انا لما اكون بحب ببقا مخلص 100 % وبراعي غيباها كمان عني

10- عمرك فكرت تخون صديق ؟
لا تعليق اخون ايه بس يا جهاد ده كلام بردو

11- فكرت فى الانتحار قبل كده بسبب يأسك من شى ما؟
اه فكرت

123- اكتر يوم تاريخ بتحبه (يوم ميتنسيش يعنى) وسبب حبك لليوم ده ؟
يوم الفلانتين .... جاتلي فيه هدية لايمكن هنساها

كفايه كده بقى بس اهم حاجه الصراحه ومتنساش انت ممعكش فيتو
ماشي يا جهاد وربنا لموريكي

Wild_Angel

10-02-2008, 10:17 PM

على فكره فى اسئله فى صفحة 30 بتااعت gogo اوعى تنساها

واووووعى تنسى سؤال استااذ محمد
احنا عارفين انك سايبه للاخر عشان يكون ختامها مسك

Wild_Angel

10-02-2008, 10:21 PM

تمام يا حسن اصلى حسيت بالذنب لكل الناس اللى بتسال هنا ومكنتش عايزه حد يحس انه مخنوووووووق منى

واسف على الازعاج..ومطب صناعى..وعموما كده رضا

Hassan Mohamed

10-02-2008, 10:25 PM

حسن انت حبيبي طبعا
اكيد طبعا يا مون

لو واحد خيرك بين حياتك و حياة حد من صحابك تختار اية؟ و بصراحة
لو صاحبي قوي قوي وبحبه قوي>>>>>>>> هختار حياتو

التاني: اية تصورك عن كل من ايمن,مها,احمد,جودي,رانيا,مصطفى,اينجل,اشرف,استاذ محمد في كلمة لكل منهم
ايمن : جدع

مها : مثقفة

احمد : فتحي هههههههههه

جودي : مبدعة

رانيا : غلابوية

اينجل : طيبة

اشرف : عاطفي

استاذ محمد : اخويا

التالت:لو اديتك موبايل مبيظهرش رقمك عند اي حد بتتصل بيه ,هتتصل بمين ولا هتعاكس بيه مين؟
مش هتصل بحد ههههههههههههه انت مفكرني بخاف ولا ايه لا يا عم الحج مش دي اخلاقي ني اعاكس

Hassan Mohamed

10-02-2008, 10:35 PM

أسال انا بقى بس حبه تحليل شخصيه

ماشي يا حورية اسئلتك منطقية وانا بحب اسئلتك بردو

ايه اكتر لون بتحبه.....؟؟
الأزرق

2-ايه هو رقمك المفضل...؟؟
011 ههههههههههههههه

3- حسن انا عارفه انك لبس نضاره بس مش ديما بتلبسها اقدر اعرف ليه ...؟؟
ملهاش لزمة مش بلبسها غير وقت المحاضرات فقط

4- هل لو جتلك الفرصه ان نظرك يبقى كويس انك تتخلى عن النضاره؟؟
مش بحب البسهم اساسا

5- نفسك تغير استايل نضارتك ولا بتحبها ؟؟
مش فارقة

6-ماهو لون عينك بالظبط..؟؟
عسلي ضارب في بني مش عارف والله مانا قدامكم طول الوقت

7-ماهو لون شعرك..؟؟
اسود يختي مانتي عارفة

8-لو اتحتيط فى موقف يتختار نفسك يتختار حد من اصحابك وتنقذه تختار ايه ...؟؟

واعرف انك الوحيد اللى ممكن تنقذه وفى نفس الوقت انت لو انقذته حياتك حتبوظ وحتدمر يعنى حتخسر كل حاجه وحتخسر نفسك...؟؟

مش مشكلة هنقذه وربنا يتولااني انا

9- لو بتحب حد توصله ازاى ....؟؟
بعبر عن اللي جويا الاول وعلي مراحل معينة مش مرة واحده وبعدين بقول اللي جوايا كله في وقت محدد وبعد مرور فترة اقدر من خلاالها اتأكد انها هيا كمان بتحبني

10- ازاى تعرف ان اللى قدامك بيحبك ومن غير متسأله ...على العلم ان فى سعات صدقات بتتعامق وبتتفهم غلط....؟؟
من عنيييه

11- هل بتعيش قصه حب دلوقتى ...؟؟ لو اه احكلنا عنها وهل هى من الكليه ولا جران ولا ايه بالظبط؟ وهل هى عارفه ولا لاء ؟؟
لا انا بعيش فترة نقاهه من غير حب

شفت انا طيبه ازاى وانت غالى وشفت غلوتك اهى باسألك اسأله سهله خالص

اه الغلاوة بتشر يختي اهي

Hassan Mohamed

10-02-2008, 10:53 PM

السلام عليكم ورحمة الله وبركاته
وعليكم السلام يا ويلد لقد انتظرتك كثيرا كي تبهريني باسئلتك

ازيك يا حسن كل سنه وانت طيب
وانتي طيبة

الحمد لله ان اسئلتى عجبتك بس الظاهر كانت سهله ولا ايه
اه والله عجبتي جدا

شكلى حجيبلك من بره المنهج
اتفدلي غيريه

سؤال نفسك تطرحه على حد هنا فى المنتدى (زى الاسئله اللى بنسالهالك)؟؟ ايه هو السؤال
اممممممم سؤال ليكي .... انتي مين بقا وليه مش راضية تقولي اسمك مع العلم اني عرفتك خلاص من خلال سؤالك ليا عن موضوع اسمي اللي كان في اخر الكشف ههههههههههه شوفتي بقا عرفتك الزاي يا ....

ده سؤال كان واقع منك:ايه اكتر ماده حبتها واكتر ماده استغلستها؟
التاكيو اكتر مادة حبتها .....اما العكس فكانت الجيولوجية من تقلها تعبتني قوي قوي هيا مكنتش غلسة بس متعبة نار

-ايه طريقة مذاكرتك ؟وافضل طريقه للمذاكره
مش هعرف اشرح بالظبط انا بذاكر الزاي لاني دي عاوزة مذكرة بس انا وبكل اختصار بذاكر بالورقة والقلم وبكون مركز تركيز عالي جدا وقت مذاكرتي وبكتيري ساعتين مذاكرة في اليوم

زعلت انا.. لما ملقتكش ليك فى السياسه..طب تعمل ايه لو انت ماشى فى الكليه وكان فى مظاهرات ودخلت فيها غلط ومسكوكم والشباب اصروا انك مؤسس التنظيم؟؟
انا حزب وطني عمرهم ميخدوني ههههههههههههههههه معرفش بقا ايه اللي منكن يحصل فيا

-اتعلمت فين صيانة الموبايلات والكمبيوتر؟؟
الكمبيوتر عن طريق الهواية والممارسة وكذلك الموبايل بإثتثناء السوفت وير للموبايل اخدت فيه كورس في سموحة

-وانت صغير فى العيد كده ايه اكتر شئ كان بيشغل دماغك؟؟
لبس العيد

-فى البوم الذكريات ..صوره بتحبها جدا ؟؟اوصفهالنا..
ليا صور كتيرة مع اصحابي كلها جميلة بس مفيش صورة معينة يعني

تخيل نفسك ورقه بيضاء ما هى اول كلمه تكتبها ..وواول سطر تحطه عشان تبدا منه فقره جديده(مرحله جديده من حياتك
لا اله الا الله محمد رسول الله

-ليه دايما كل الشباب بيروحوا يحلقوا قبل العيد؟؟؟
امن ونتانة ........ تصدقي فعلا انا معيدتش ولا خرجت من البيت بسبب اني محلقتش

اكتر محافظه عايز تروحها واكتر بلد عايز تروحها وتاخد فيها صور كتير؟؟
محافظة البحر الاحمر ....... الغردقة

اكتر هديه تحب حد يجيبهالك؟؟واجمل هديه جتلك لحد دلوقتى؟
ساعة جينز زرقاء ........... قلب صغنن

وشكرا لحسن تعاونك معاانا
اسئلة جميلة جدا جدا والله بجد

Wild_Angel

10-02-2008, 11:08 PM

يا حسن اخبارك مش بتستخبى وخصوصا وضوع اسمك اللى فى الكشف

وفعلا مقولة من حفر فحرة لحسن وقع ومش عارفر يطلع منها

انا بس بحب اشتغل خلف الكواليس وبحب اكون وراء الستار يمكن عشان طبيعتى كده
اكيد كلكم حتعرفونى باذن الله فى الوقت المناسب اما دلوقتى فيكفينى انى سعييييييييييده جدا بوجودى فى المنتدى وسطكم

وبلاش احداقه دى عشااااااااااااااان كده انا حجيب اسئله منييييييييله
ولاحظ ان الفيتو خلص
وانا طول الوقت ببعد عن المنطقه اللى حتخللللللللليك تبقى محتار وتفضل تفكر اربع ايام عقبال ما تفكر

واستنانى فى اللى جاى

اسئله غير متوقعه عامله شبه امتحان الجبر بتاع الثانويه العامييييه السنادى نيهاهاهاهاهااها

Hassan Mohamed

10-02-2008, 11:11 PM

هههههههههههه ماشي في انتظارك بس خلي بالك يتبقالي يومين بس

Wild_Angel

10-03-2008, 01:16 AM

عدت باسئله مختلفه .....
والمشكله مش لقيالك اسئله صعبه برضه

*ما علاقتك بالاتى:

-صواريخ رمضان والعيد
-العجله
-الكمبيوتر
-العيد الكبير والخروف
-اللعب فى الشارع وانت صغير
-الاكل
-اخواتك البنات

*وجهة نظرك بالنسبه للعبارات الاتيه مع الشرح:
-الحب أعمى يقوده الجنون
-اللى تغلب به العب به
-من علمنى حرفا صرت له عبدا
-الاقارب عقارب
-تألم حتى تتعلم
-كن كالمحاره اذا اراد شخص ان يجرحك فاصنع من هذا الجرح لؤلؤه
-كن شمس تضئ حياة الاخرين فتصبح لحياتك معنى

*ضع تعريف لكل ما يلى:

-العذوبه
-البحر
-الموسيقى التصويريه لأى عمل فنى
-الاشتياق
-الثقافه
-اللغه الانجليزيه
-الصداقه بين الشاب والبنت

*البنت المحترمه هى؟؟
*الطيبه والسماحه فى نظرك ؟؟
*بيتك اللى بتحلم بيه فين وازاى؟؟

*اختر شكل من الاشكال الاتيه ليعبر عنك:

مربع – نجمه خماسيه –دائره –مثلث متساوى الساقين – مستطيل

*عبر عن الالوان الاتيه بخمس اشخاص فى حياتك :
- الابيض
- الموف(البنفسجى الغامق)
- الاصفر
- الاحمر
- الاخضر

gogo

10-03-2008, 01:24 AM

اما دى اسئله مش صعبه امال الاسئله الصعبه شكلها عامل ازاى استقبل بقى يا حسن الله يقويك

Hassan Mohamed

10-03-2008, 01:27 AM

يالهوي انا حاسس اني في امتحان ارجوكم ادوني فرصة لبكرة الصبح اركز شويا واستعد للامتحان ده عشان حاسس اني هتفرم فيه وخاصة اني معييش فيتو

اسئلة جميلة لكن صعبة قوي قوي

بكرة الصبح هجاوبها ان شاء الله اكون عملت حسابي علي هذا الامتحان

Hassan Mohamed

10-03-2008, 01:29 AM

هههههههههههههههه ربنا يستر هتشوفوا تعليقات زي الفل علي الاسئلة دي

Wild_Angel

10-03-2008, 01:39 AM

ملحوظه :
ممنوع الغش وممنوع الاختصارات والتزويغ من الاسئله
اى تعليقات مش حتعجب اى حد من الاعضاء ممكن يتكلم عنها والعقاب يا حسن على كل تعليق 5 جنيه واستلم بقى
وادامك فرصه لحد بكره زى بعضه

sarah

10-03-2008, 01:50 AM

مساء الخير يا حسن .

سؤالى الاول انت ليه رشحت نفسك فى منصب امين مساعد , مخدتش امين لية انت قدها ان شاء الله؟

امتى روحت لبابا وقلتلوا عاوز اروح جيم ؟ وقالك ايه ؟

نفسك تطلع الاول على دفعتك ؟

بتعتبر انك عسل وسكر ولا مغرور ولا جبار ؟ ( انا شايفة عسل وسكر.)

بتعتبر نفسك شخصية جذابة؟

ممكن يكون نشاطك لاجرامى ايه؟ ( قتل - سرقة - تجارة مخدرات ) اختار ومتطنش .وممكن اتصال بصديق.

بيمثلك ايه ؟ بابا - ماما - اختك - طنط - جارك اللى فوشك مش اللى جنبك سيبه ده - صحبك الانتيم - د\ محمد سعد -الكليه -بيتك -مصر ( متقلش هية امى )

لو زعقلك واحد صحبك بتهب فية - ولا بتهدى الاول وبعدين توريله - ولا بتشلهالو وقت زنقة .؟

انت مين فيهم : تامر -شوقيه -داليا -سيد - ياسر (صاحب تامر.).؟

بتحب تتفرج على انهى من اللى جى: ( تيمور وشفيقة - واحد من الناس - اسف على الازعاج .) ؟

كان نفسك وانت صغير تطلع اية .؟

لو ينفع ترجع لورا ترجع لانهى سن؟

لو مسكت رئاسة وزراء يوم واحد حتعمل ايه فية؟

قولى بقى بتحب تغلس على البنات ليه ؟ ( يستهلو ا - بتخاف عليهم بجد - غلاسة وخلاص) ؟

هل انت سعيد وبتمثلك ايه السعادة ؟ وفى رايك ايه معنى السعادة ؟

وعيد سعيد

Mimi

10-03-2008, 02:33 AM

اديلو على دماغه ياوايلد :)

sarah

10-03-2008, 02:44 AM

ههههههههههه حرام يا جودى , رغم اللى بيعملوا , بس المسامح كريم .

Mimi

10-03-2008, 02:51 AM

Rania Ismail

10-03-2008, 03:02 AM

هههههههههههههههههههههههه عجبتنى المعادله ديه يا جودى

Hassan Mohamed

10-03-2008, 03:04 AM

ادوني فرصة بس لحد النهاردة الصبح وهجاوبلكم علي كل الاسئلة دي انا اساسا مش شايف الشاشة شكلها ايه دلوقت

witch evil

10-03-2008, 03:05 AM

ماشي يا حورية اسئلتك منطقية وانا بحب اسئلتك بردو

ميرسى يا حسن انت عارف انت حبيبى من ايام الجيزه هههههههههههههههه

2-ايه هو رقمك المفضل...؟؟
011 ههههههههههههههه

انت بتستهبلنى لازم اقول من 1 الى 10
اختار

وبعدين انا بعرض عليك اقتراح انا من اسألتك وصلت لتحليل مش بطال تحب نزيع
هههههههههههههههههههههههه
ولا اقولك بينى وبينك

وبجد يا حسن انت انسان جميل اوى من جوه

Mimi

10-03-2008, 03:12 AM

هههههههههههههههههههههههههههههههههه رانيا احنا لازم نفخر بنفسنا اننا بقينا جزء من علم كبير زي الرياضة هههههههههههههه

على فكرة الشباب كمان ليهم مكان مش بطال في الرياضة هديكي مثلآ كدا معادلة بسيطة ع السريع

Boys + Brains = Miracle

Hassan Mohamed

10-03-2008, 02:12 PM

عدت باسئله مختلفه .....
والمشكله مش لقيالك اسئله صعبه برضه
ههههههههه دي اسئلة مش صعبة يالهوي دانا اخدت يوم افكر فيها ربنا يستر بئا

*ما علاقتك بالاتى:
-صواريخ رمضان والعيد
شئ مزعج للغاية مليش علاقة بيهم

-العجله
بحبها قوي كان عندي عجلة وان صغير كنت بحب العب بيها كتير وحاليا لو شوفت عجلة مع حد بعرفه لازم ااخد زيرو

-الكمبيوتر
صديقي الوحيد في البيت بحبه زي مهو بيحبني بردو انا جهازي سبحان الله لو حد قعد عليه خيري يهنج معاه

-العيد الكبير والخروف
قول للزمان ارجع يا زمان ... احنا اولا مش بنضحي بخروف بنضحي بجموسة وانا صغير كنت بقف اتفرج عليهم وهما بيدبحوها بس دلوقت بقيت بقرف بروح بعد مبيدبحوها ده غير اني بكون لسه مصحتش من النوم اصلا

-اللعب فى الشارع وانت صغير
كنت بلعب كورة وانا صغير في الشارع مع الجيران وكنت بقف جول كيبر كانو بيقولوا عليا الحضري

-الاكل
اه اه بحبه قوي انا اكيل كبير بس الحمد لله عندي توازن كويس مش تخيين يعني

-اخواتك البنات
يمكن معرفتهومش غير وانا كبير لانهم اتجوزوا وانا صغير بس بحبهم خالص وخاصة اختي الكبيرة علاقتي بيها كويسة جدا والاتنين التانين كمان بحبهم خالص ... ده غير اني خال قعبالكم جميعا احساس الابوة والله

وجهة نظرك بالنسبه للعبارات الاتيه مع الشرح:
-الحب أعمى يقوده الجنون
يعني ايه حب اعمي .. يعني حب وجالو حول مثلا ... الموضوع مش كده خالص المسئلة دي بتبقي مسئلة غيرة قاتلة وده شئ مشروع اي حد بيحب حد بيغير عليه بصورة بتوصل للجنون

-اللى تغلب به العب به
لا انا غير متفق مع هذه العبارة مع اني لسه بحاول افهامها لحد دلوقت ههههههههه..... اكيد لو حد غلبنا يا اما هنبعد عنو بشكل شئ بدل منقعد نلعب بيه لانو هو اساسا غلباوي يبقا بلاش منو

-من علمنى حرفا صرت له عبدا
لا مش للدرجة دي احنا عباد ربنا مش عباد حد تاني ... بس اكيد فيه تقدير للشخص ده

-الاقارب عقارب
اه فيهم فعلا كده بس زي مفيهم كده فيهم ناس كويسين جدا زي الدنيا فيها الكويس وفيها الوحش

-تألم حتى تتعلم
اكيد محدش بيتعلم غير لما يجرب ويتعب كلنا كده بنغلط وبنحط نفسها في مواقف مؤلمة بس بنخرج منها بدروس مستفادة

-كن كالمحاره اذا اراد شخص ان يجرحك فاصنع من هذا الجرح لؤلؤه
ااويد هذه العبارة بالعبارة التالية
لن اجعل قلبي ارضا يداس عليه بدل سأجعله سماء يتمني الجميع الوصول إليها

-كن شمس تضئ حياة الاخرين فتصبح لحياتك معنى
اكيد مفيش انسان بيعيش لوحدوا في الدنيا وكمان مفيش حد بينجح بمفردة ايد لوحدها مستقفش

ضع تعريف لكل ما يلى:
-العذوبه
شئ ممل

-البحر
الحياة

-الموسيقى التصويريه لأى عمل فنى
روح الموضوع

-الاشتياق
لهفة

-الثقافه
احترام

-اللغه الانجليزيه
عقدتي ...بس ممكن نقول المستقبل

-الصداقه بين الشاب والبنت
مادامت في ايطار الاحترام نقدر نقول اخوة

*البنت المحترمه هى؟؟
الأمل

*الطيبه والسماحه فى نظرك ؟؟
لو الصفات دي موجودة في انسان نقدر نقول القلب الطيب

*بيتك اللى بتحلم بيه فين وازاى؟؟
فين دي بتاعت ربنا وحسب ظروف شغلي انما الزاي بحلم ان يكون معايا زوجة صالحة اكون بحبها وهي كمان بتحبني ويكون فيه تفاهم كبير مبينا ..... موضوع كبير ويطول شرحة

*اختر شكل من الاشكال الاتيه ليعبر عنك:
مربع – نجمه خماسيه –دائره –مثلث متساوى الساقين – مستطيل

ايه السؤال ده ونبي يعني هختار نجمة خماسية لسبب معين في دماغي

*عبر عن الالوان الاتيه بخمس اشخاص فى حياتك :-الابيض
-الموف(البنفسجى الغامق)
-الاصفر
-الاحمر
- الاخضر

السؤال ده سؤال شخصي وانا بعتزر عن الإجابة عنو لانه بيغوص شويا في الجوانب الشخصية الكبري .... اعتذار

Wild_Angel

10-03-2008, 02:31 PM

كده جبته لنفسك انا مش عجبانى اجابة اخر سؤال ليا 5 جنيه عندك والمنتدى كله شاهد اهو

وبعدين بتزوغ بدل فيتو بقى اعتذار ماشى ماشى اهو الواحد ممكن يكون له يوم حفوتها بس بعد ما اخد ال5 جنيه

اللى تغلب به اللعب به :ده مثل شعبى معناه ان الكارت اللى كسبت بيه ممكن تلعب بيه
يعنى يكون عندك روح المغامره وتدوس فى اى شئ

Hassan Mohamed

10-03-2008, 02:37 PM

مساء الخير يا حسن
مساء النور يا سارة اخبارك ايه واخبار الدنيا معاكي ايه

سؤالى الاول انت ليه رشحت نفسك فى منصب امين مساعد , مخدتش امين لية انت قدها ان شاء الله؟
بصي انا من الاجازة وانا بفكر في الامين لكن جالي احمد السيد صاحبي وزميلي في الدراسة قالي انا عاوزك تكون معايا في الجمعية قولتله من عينيا يا احمد قالي عاوزك تبقا مساعد قولتله مفيش مشاكل ... الموضوع مش منصب اعلي من منصب الموضوع هنقدر نقدم ايه للقسم

امتى روحت لبابا وقلتلوا عاوز اروح جيم ؟ وقالك ايه ؟
جيم.... انا مش بتاع الحاجات دي خالص

نفسك تطلع الاول على دفعتك ؟
اكيد لازم الانسان يكون طموح عشان يقدر يوصل للحلم اللي نفسو فيه

بتعتبر انك عسل وسكر ولا مغرور ولا جبار ؟ ( انا شايفة عسل وسكر.)
ربنا يخليكي اديكي جاوبتي اهو

بتعتبر نفسك شخصية جذابة؟
معرفش مش انا اللي اقول انتوا اللي المفرود تقولوا ؟؟؟

ممكن يكون نشاطك لاجرامى ايه؟ ( قتل - سرقة - تجارة مخدرات ) اختار ومتطنش .وممكن اتصال بصديق.
ههههههههههههههه والنبي ده سؤال...هتاجر في المخدرات مع ان دي مش اخلاقي مستحييييييييل

بيمثلك ايه ؟ بابا - ماما - اختك - طنط - جارك اللى فوشك مش اللى جنبك سيبه ده - صحبك الانتيم - د\ محمد سعد -الكليه -بيتك -مصر ( متقلش هية امى )
بابا ....... ملاك

ماما ..... روحي

اختك ....بحبهم

طنط ..... معشوقتي الوحيدة هههههههههه طنط مين يا سارة

جارك ..... لا اعرف ده ولا ده مليش كلام معاهم

صاحبك الانتيم ......حمال الاسية

الاستاذ محمد سعد ...... اخويا الكبير

الكلية ..... بيتي

بيتك .....راحتي

مصر..... ام الدنيا لو لم اكن مصريا لوددت ان اكون مصريا

لو زعقلك واحد صحبك بتهب فية - ولا بتهدى الاول وبعدين توريله - ولا بتشلهالو وقت زنقة .؟
لا انا هادي بطبيعتي ... بس ممكن اكون عصبي بعض الاحيان بس بعد مرور الوقت بعاتبه

انت مين فيهم : تامر -شوقيه -داليا -سيد - ياسر (صاحب تامر.).؟
معرفش حد فيهم اساسا مين دول مين تامر وشوكرية ده

بتحب تتفرج على انهى من اللى جى: ( تيمور وشفيقة - واحد من الناس - اسف على الازعاج .) ؟
اسف علي الازعاج

كان نفسك وانت صغير تطلع اية .؟
ظابط

لو ينفع ترجع لورا ترجع لانهى سن؟
18 سنة

لو مسكت رئاسة وزراء يوم واحد حتعمل ايه فية؟
هههههههههههه هعمل فمين بالظبط في الوزير نفسو ولا في المنصب تقصدي .... لو في المنصب هعمل منتدي زي ده كده كل الناس تدخل تشرح مشاكلها ونحاول نحلها سوا مع بعضينا

قولى بقى بتحب تغلس على البنات ليه ؟ ( يستهلو ا - بتخاف عليهم بجد - غلاسة وخلاص) ؟
لا خوف عليهم بجد ... علي فكرة انا الحمد لله انسان متفاهم مش ضدد المرأة العاملة بالعكس انا بؤيد الفكرة دي لاكن بضوابط معينة

هل انت سعيد وبتمثلك ايه السعادة ؟ وفى رايك ايه معنى السعادة ؟
الحمد لله .... السعادة هيا ضحكة القلب التي لم تري

Hassan Mohamed

10-03-2008, 02:38 PM

Hassan Mohamed

10-03-2008, 02:47 PM

ايــــه رائيــــكـ في المعــــادلة دي

من وجهـــة نظـــركـ صـــح ولا غلــــط ؟

http://www9.0zz0.com/2008/10/03/00/247038771.jpg

تعـــالى ع الترجمـــة عشـــان ميبقـــاش في حجــة

1 - عشان نوجد قيمة المرأة هنحتاج لـ الفلوس والوقت

اذن المرأة = ( الفلوس ) X ( الوقت )

2 - بما ان الفلوس هي الوقت

اذن الفلوس = الوقت

3 - اذن المرأة = الفلوس X الفلوس

المرأة = ( الفلوس )2

4 - بما ان الفلوس هي الجذر التربيعي للمشاكل

اذن الفلوس = ( جذر المشاكل ) < --- مش عارفه ازاي اعملك علامة الجذر

بما ان المرأة = ( الفلوس )2

اذن المرأة = ( جذر ( الفلوس )2 )

التربيع بيروح مع الجذر

اذن المرأة = المشاكل :(:(

شو رائيك خيو بهالمعادلة

لا انا شايف انها معادلة زي الفل رياضية مية في المية

المرأة = المشاكل نظرية صحيحة

فيه مثل بيقولك صاحب راجل تعيش راجل تموت راجل صاحب ست تخسر كل يوم راجل

================

ده كلام فاضي مش في كل الاحيان طبعا الست بتعمل مشاكل مفيه راجالة زي الزفت مش وراهم غير المشاكل الدنيا ديقة سعادتك فيها الكويس وفيه الوحش من النوعين

Hassan Mohamed

10-03-2008, 02:49 PM

ماشي يا حورية اسئلتك منطقية وانا بحب اسئلتك بردو

ميرسى يا حسن انت عارف انت حبيبى من ايام الجيزه هههههههههههههههه

ميرسي بكو

2-ايه هو رقمك المفضل...؟؟
011 ههههههههههههههه

انت بتستهبلنى لازم اقول من 1 الى 10
اختار

7

وبعدين انا بعرض عليك اقتراح انا من اسألتك وصلت لتحليل مش بطال تحب نزيع
هههههههههههههههههههههههه
ولا اقولك بينى وبينك

وبجد يا حسن انت انسان جميل اوى من جوه

اشكرك بالزاف

Mimi

10-03-2008, 03:21 PM

نشكر لكم حسن تعاونكم جميعآ

Wild_Angel

10-03-2008, 04:02 PM

السلام عليكم ورحمة الله وبركاته

والله منورنا يا حسن وضيافتك كانت لذيذه
احسن حاجه انك دبلوماسى مع البنااااااات بالذات وطيب
خلاص سامحتك فى ال5 جنيه
خليها تبرع للمنتدى

اشكرك على تواجدك معنا خلاص انا قررت انى اعتقك النهارده من اسئلتى عشان كفايه كده
ولا تعقيم على اسئلتك اللى زوغت منها
بس صحيح مشرحتش ليه بتقول لا تعقيييييييم
ده سؤال على فكره....
اوعى تكون فاكر انى بنتقم منك فى اسئلتى احنا اصلا يعنى متعاملناش كتير face to face
عموما انا احب افهم كل الناس ان اسئلتى كانت كتير لانى كنت عايزه المنتدى يعرفك من جواك ويبحر فى شخصيتك من جوه
كانت ضيافه جميله وصحيح انت شربت العصير اللى جبتهولك ولا لأ؟؟؟
بس انا زعلانه من جودى كان نفسى تيجى تحارب معايا فى الجبهه هنا قصدى تسالك شوية اسئله حلوين
عموما الحمد لله باقى البنات هنا جابوا اسئله زى العسل جوجو وساره ورانيا حبيبة قلبى العسوله وWitch evil مع انها كانت زعلانه من اسئلتى الكتير
وطبعا الشباب بس كانت اسئلتهم خفيفه معطوكش اسئله من بتوع الثانويه العاميه

عموما كل سنه وانت طيب وعام جديد سعيد باذن الله

http://www.almlf.com/get-10-2008-sbnkr383.gif (http://www.almlf.com) http://www.almlf.com/get-10-2008-0e69p67j.jpg (http://www.almlf.com)

Mimi

10-03-2008, 04:18 PM

اوووووووه وايلد ياقلبي دنا مسألتش لا أستاذ محمد ولا باش مهندسة مها وجيت سألت حسن في الاول خالص

اه والله شوفيهم دا مخلص 2 فيتو في اسئلتي هههههههههههههههههههههههههههههههههه

بس حقيقي انتي والبنات عملتو الواجب وزيادة احنا فعلا ابحرنا جواه ولقينا دوامات كتيررررررررة هههههههههههههههههههه

tiger

10-03-2008, 04:27 PM

أعزرنى ياأبو على أنى مسألتش بس أنا فعلا أستفدت من الأسئله الى تهجم عليك بيها وربنا يبعدها عننا ومنور وأجابتك كانت جميله وصريحه0

shimo

10-03-2008, 11:22 PM

:) حسن

مين اللى قال لا تعقيم دى ؟؟؟

ومين اللى قال مقوله (( بالهنا والشفتشى))

امته بتحس انك انااانى؟؟؟ وامته بتحس انك قليل الحيله ؟؟ وامته بتحس انك ضعيف ؟؟؟

shimo

10-03-2008, 11:51 PM

ايه هو تعريف الغربه فنظرك ؟؟

وامته بتحس ان حسن الانسان غريب عن حسن الروح ؟؟

ايه اكتر اسم بتحبه ؟؟

ايه هى حكمتك فالحياة ؟؟

ايه هو اجمل هدف او جون شفتو فى ماتش حضرتو ؟؟

ايه هو اصعب سؤال مر عليك فكرسى الاعتراف دا وعلق معاك اوى ؟؟

امتي قلت لاء بصوت عالي و ازاي بتتعامل مع القيود الي بتفرضها عليك الحياه ؟؟

مصادر الانتربول بتاعتنا بتقول انك بتحب سماع الاغاني و الاغاني الكئيبه قول اسامى شويا منهم وايه اكتر اغانى علقت معاك؟؟

حب بالنسبه لحسن يعنى ايه ؟؟

ماضى بالنسبه لحسن يعنى ايه ؟؟

مين هما اللي بتفرح انك تكلمهم على الماسنجر ؟؟

ايه شعورك عندما يطرح عليك سؤال تعجز الرد عليه ؟

كل شخص مننا جواه نسبة حزن ياترى نسبة الحزن جوه حسن كام في المية؟ ؟

هاقولك كلمات توجهها لاشخاص فيمنتدى المساحه والخرائط:
- بحبــــــــك
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فيالمنتدى
- انت دمك خفيف اوى
- انت شخصية قوية تتحمل الصعاب

هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟

ايه العيب اللي شوفته في حسن وقدرت تغيروا ؟؟؟؟ وايه العيب اللي شوفته ومش قادر تتغلب عليه؟؟؟

ايه السؤال اللي كنت تتمنى انى ماسألوش ؟؟؟

مبدأ الثواب و العقاب ...... ايه نظرتك ليه ؟

ما هو شعورك عندما تسمع العبارات الآتيه
وما رأيك وانطباعك عمن يقولها

- وانا مالى
- انا عبد المأمور
- عيش ندل تموت مستور

لو عرضوا عليك وزاره فى الحكومه .. تختار وزارة أيه ؟؟ ..وهاتعمل فيهاأيه ؟؟

أفضل توقيع شفته لمين ؟؟

طولت كتييييييييييييير عليك بس حبيت اثبت وجودى مش اكتر لانى مش سألتك كتير:):)

Wild_Angel

10-04-2008, 01:30 AM

تمااااااااااااااام يا شيمو ايوه كده
حبه حلوين من بتوع الثانويه العاميه
حسن يرجى الرد المفروض ان اخر يوم بكره

Hassan Mohamed

10-04-2008, 01:33 AM

ايه ده يا لهوي ايه الاسئلة دي جات امتي واااااااااااااع اعيط يعني ولا اعمل ايه ادوني فرصة بس بعمل فيديو مهم وبعدين هدخل اجاوب

Hassan Mohamed

10-04-2008, 02:48 PM

Hassan Mohamed

10-04-2008, 02:51 PM

:) حسن

مين اللى قال لا تعقيم دى ؟؟؟

ومين اللى قال مقوله (( بالهنا والشفتشى))

امته بتحس انك انااانى؟؟؟ وامته بتحس انك قليل الحيله ؟؟ وامته بتحس انك ضعيف ؟؟؟

مين اللى قال لا تعقيم دى ؟؟؟ ومين اللى قال مقوله (( بالهنا والشفتشى))
ههههههههههه مش عارف

امته بتحس انك انااانى؟؟؟ وامته بتحس انك قليل الحيله ؟؟ وامته بتحس انك ضعيف ؟؟؟
عمري مكنت انسان اناني .... انا بكره حاجة اسمها الضعف .... ال 3 اسئلة ملهومش صلة بيا

Hassan Mohamed

10-04-2008, 03:08 PM

ايه هو تعريف الغربه فنظرك ؟؟
مبقاش فيه حاجة اسمها غربة دلوقت احنا في عصر العولمة كله مفتوح علي كله دي كلمة انقردت يا شيمو دلوقتي عصر الموبايل والانتر نت خلت اللي في الغربة اقرب من اللي جوة مصر

وامته بتحس ان حسن الانسان غريب عن حسن الروح ؟؟
كتير الاحساس ده موجود لما بكون وسط ناس وبتعامل معاهم لاول مرة الصراحة بشوف انسان تاني انا معرفوش مش عارف ليه مش بعرف اتعامل بطبيعتي ... ويمكن حسن الداخلي مش كتير يعرفوه

ايه اكتر اسم بتحبه ؟؟
احمد

ايه هى حكمتك فالحياة ؟؟
لا حياة مع اليأس ولا يأس مع الحياة

ايه هو اجمل هدف او جون شفتو فى ماتش حضرتو ؟؟
حضرتو!!! انا مش بروح الاتساد وربنا ... بس لو في البيت يعني زيد الدين زيدان في نهائي بطولة دوري ابطال اوروبا امام باير ليفركوزن وهو لسه بيلعب مع الريال

ايه هو اصعب سؤال مر عليك فكرسى الاعتراف دا وعلق معاك اوى ؟؟
سؤال الاستاذ محمد مش عارف اجاوب عليه لحد دلوقت وشكلي هقول مفيش اجابة

امتي قلت لاء بصوت عالي و ازاي بتتعامل مع القيود الي بتفرضها عليك الحياه ؟؟
انا بطبيعتي صوتي واطي مش عالي (( هادئ)) ... بتعامل معاها بحكمة وهدوء ومش بأخد قرار غير بعد تفكير عميق ويكون في مصلحتي

مصادر الانتربول بتاعتنا بتقول انك بتحب سماع الاغاني و الاغاني الكئيبه قول اسامى شويا منهم وايه اكتر اغانى علقت معاك؟؟
بعدك عني انتحار ... كلموها عني ... تفتكر ...اللي انت شايفه ...حاول تفتكرني ...كتير كتير انا ليا اغاني كتيرة معلمة معايا وكلها ليها قصص خاصة

حب بالنسبه لحسن يعنى ايه ؟؟
حياتي

ماضى بالنسبه لحسن يعنى ايه ؟؟
زكري طيبة

مين هما اللي بتفرح انك تكلمهم على الماسنجر ؟؟
منكن ازود فيتو بليز يعني

ايه شعورك عندما يطرح عليك سؤال تعجز الرد عليه ؟
بتلخم وبخليه لتاني يوم اكون فكرت في اجابة

كل شخص مننا جواه نسبة حزن ياترى نسبة الحزن جوه حسن كام في المية؟ ؟
90 %

هاقولك كلمات توجهها لاشخاص فيمنتدى المساحه والخرائط:
- بحبــــــــك .... فيتو ههههههههه انا بقيت باسطعبط
- مواضيعك ممتازة .......... اسلام ابو ضيف
- انت فين وغايب عننا ليه ...... مهندسة مها
- المنتدى وحش من غيرك ...... ايمن جمال
- رأيك بيعجبنى ...... ويلد
- انت شخصية محبوبة جدا فيالمنتدى ..... جودي
- انت دمك خفيف اوى ..... رانيا
- انت شخصية قوية تتحمل الصعاب .....مفيش مشوفتش لسه احنا لسه بنتعرف علي بعض

هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟
مفيش الحمد لله

ايه العيب اللي شوفته في حسن وقدرت تغيروا ؟؟؟؟ وايه العيب اللي شوفته ومش قادر تتغلب عليه؟؟؟
الكسوف كنت بتكسف ودلوقت بحاول اهو اتغير........ اني براعي مشاعر الناس زيادة عن اللزوم اوفر اوفر يعني

ايه السؤال اللي كنت تتمنى انى ماسألوش ؟؟؟
مين هما اللي بتفرح انك تكلمهم على الماسنجر ؟؟
ههههههههههههههه

مبدأ الثواب و العقاب ...... ايه نظرتك ليه ؟
مش بحبو

ما هو شعورك عندما تسمع العبارات الآتيه
وما رأيك وانطباعك عمن يقولها

- وانا مالى .... سلبي جدا
- انا عبد المأمور ........... معفن قوي
- عيش ندل تموت مستور ....................ده هيموت بس بشكل تاني ههههههههههه

لو عرضوا عليك وزاره فى الحكومه .. تختار وزارة أيه ؟؟ ..وهاتعمل فيهاأيه ؟؟
الصرف الصحي ان شاء الله..........هشوف مشكلة البلاليع اللي مش عارفين يسدوها لحد دلوقت

أفضل توقيع شفته لمين ؟؟
جودي

الشبح

10-04-2008, 04:59 PM

الله يكون في العون يا صديقي

اللهم اخرجه من ايدي البنات على خير

ارحمووووووووووووه لعل الله يرحمكم

Hassan Mohamed

10-04-2008, 06:28 PM

الله يكون في العون يا صديقي

اللهم اخرجه من ايدي البنات على خير

ارحمووووووووووووه لعل الله يرحمكم

ههههههههههههههههه امييييين

انا عموما اخر يوم ليا النهاردة وفي تمام الساعة 12 هختار حد يقعد مكاني

الشبح

10-04-2008, 06:46 PM

استر عليا ما يفضحك ربنا ابدا
اوعى تختارني يا ابو علي ده انا بحبك حتى
الكلام ده بينا وبين بعضينا اوعى تقول لحد في المنتدى
اووووووووووووووووووووووووووووووووووووووووووووووووو ووك؟

Hassan Mohamed

10-04-2008, 06:48 PM

متقلقش يا ميدو انا هختار حد من اللي سؤلوني اسئل انتا بقا اللي جاي واستني دورك يمكن يختاروك

:D وابقا عيش بقا

الشبح

10-04-2008, 08:02 PM

ده انا هسلخهم بس انت نقيلنا واحده كده زي الفل

وابقى قابلني لو كملت يوم واحد

ههههههههه

Rania Ismail

10-04-2008, 09:52 PM

هههههههههههههههههههههههههههههههههههههههههههه
سلخوك يا صديقى اوعى يا ابو على انت عارف انا بعزك قد ايه اوعى تختارنى
بس انا عارفه انت ممكن تختار مين

Hassan Mohamed

10-04-2008, 11:10 PM

بسم الله الرحمن الرحيم

بعون الله كده نورتو علي الآخر

وجه الوقت اللي اختار فيه اللي بعدي

gogo

جهاد ابراهيم محمود

فلتتفضل

Hassan Mohamed

10-04-2008, 11:11 PM

نبدأ الاسئلة اذا بدك

اسمك وسنك ومحل اقامتك والسنة الدراسية وعدد الاخوات

دي عربون تعارف بس لسه التقيل جاي

gogo

10-04-2008, 11:20 PM

ماشى اما اشوفك يا حسن

الاسم/ جهاد ابراهيم محمود

السن / 20 فى تالته مساحه

محل الاقامه / الاسكندريه

عدد الاخوه / 2

veansea

10-04-2008, 11:21 PM

يعينى يا حسن دول هروك اسئله سوك على نار هاديه
ههههههههههههههههههههههههههههه
ربنا يعينك بس كان نفسى اسل خلاص بقا الوقت راح
ههههههههههههههههههه

Hassan Mohamed

10-04-2008, 11:22 PM

يعينى يا حسن دول هروك اسئله سوك على نار هاديه
ههههههههههههههههههههههههههههه
ربنا يعينك بس كان نفسى اسل خلاص بقا الوقت راح
ههههههههههههههههههه

كل سنة وانتي طيبة يا مارينا انا خلاص خلصت الكرسي تقدري تشتركي معانا وتسئلي جوجو

:D:D:D

Hassan Mohamed

10-04-2008, 11:26 PM

نكمل الاسئلة

عاوزين نعرف ما هيا استراتيجية جوجو في الحياة يعني بتنامي امتي وبتصحي امتي فطارك غداكي عشاكي اصحابك نبذه مخترصة ومنها هنفتح حوارات ان شاء الله

ما هيا مواصفات فارس احلاماك

كفاية كده اكملك بكرة بقا وفي انتظار ويلد وشيمو ومها ورانيا الناس اللي بتسئل

Rania Ismail

10-04-2008, 11:29 PM

انا فى الخدمة يا حسن انا هنا
جوجو حبيبة قلبى انتى هنا منوره والله ده احنا حنريحوكى يا شبه

Rania Ismail

10-04-2008, 11:33 PM

- اصعب دمعه نزلت من عنيكى
2- اكتر حد بترتاحى معاها وتفضفض ليها ؟
3- ياترى راضية عن نفسك دلوقتى وضميرك مرتاح ؟
4- بتحلمى بايه ؟؟؟؟؟؟؟؟؟
5- سؤال خانقنى قوى ليه انا اتقلبت فى الجزء التانى فى الفيديو ؟

Mohamed Saad Yassin

10-04-2008, 11:34 PM

حسسسسسسسسسسسسسسسسن
اولا منور
سؤالى سهل و بسيط و مش حأسألك غيرة
اتفقنا بس تجاوب علية (خالى بالك ده اسمة السهل الممتنع)
انت مين و فين و ازاى و ليه فى الدنيا دى و عاوز تكون مين و فين و ازاى و ليه فى الدنيا دى؟

حسن اتهربت من سؤالى و على فكرة انا كنت عارف انك مش حتعرف تجاوب عليه

Hassan Mohamed

10-04-2008, 11:34 PM

ههههههههههههه يارانيا ركزي جوجو ملهاش علاقة بحوار الفيديو

Hassan Mohamed

10-04-2008, 11:36 PM

حسن اتهربت من سؤالى و على فكرة انا كنت عارف انك مش حتعرف تجاوب عليه

انا بعترف اني مش عارف اجاوب عليك بليز سامحني

واسئل بقا سؤال كده والنبي يا استاذي للبت جهاد

veansea

10-04-2008, 11:43 PM

هيه جهاد على الكرسى
استلمى يا بطوطه الاسئله
احم احم استعنا على الشقه بالله
ازيك يا صاصا اخبارك ايه اكيد كويس
خدلك فاكهه واحده وعصير الفواكهه بتاعك
وكفايه عليك كيدا
ايه الدنيا بتغلى مش عارف ايه الناس دى
المهم ندخل فى الجد
1:ما هو شعورك وانتي على كرسي ؟
2اكتر حاجه بتحبها فى حياتك ؟
طموحك ؟
هوياتك؟
اصعب لحظة بحياتك وبتتمني ما تتكرر؟
يومك مفضل؟
صديق\ة مفضلين ؟
اية شعورك ب:صداقة
اهل عيلة ؟
بتعنيلك ايه الحياة ؟
كان نفسك تدخل كليه ايه وتتخرج منها ؟
كان نفسك تشتغل ايه ؟
مين اكتر حد ممكن تشتاق انك تشوفوا ولو مشفتهوش بتحس انك مش مظبوط فيه حاجه نقصاك ؟
ايه اكتر حاجه بتحبها فى بلدك ؟
اكتر حاجه بتكرها فى بلدك ؟
اخر مرة بكيت فيها امتى وليه ؟
عندك تلات باقات ورد تديهم لمين ؟
تلات باقات شوك تهديهم لمين ؟
ايه هو الشئ اللى بتفكر فيه لما بتكون فى ازمه ؟
اول واحد بتلتجأ ليه لما بتكون فى ازمه بعد ربنا ؟
لو قالولك نحط عضو قدامك وتفضل تضرب فيه تختار مين ؟
مين العضو او العضوة اللى بتعتبرة او بتعتبرها اخت او اخ ليك ؟
اشرب شفطه عصير تانى عقبال ممخلك فى كام سؤال تانين
شكلى هضرب ولا ايه
هههههههههههههههههههههههههههههههه

veansea

10-04-2008, 11:43 PM

ما ذا تتمنى في المستقبل ؟موقف طريف مر عليك او علقة ساخنة اكلتها و ما نسيتها خخخخ ؟
ماهي تجربتك بالحياة واستفدت منها؟
سنه من اجمل الاعمار التي يمر بها الانسان !
ماالمميز في هذا العمر من وجهة نظرك ؟!
اجمل كتاب قرأته ؟

ماهو برنامج صاصا اليومي ؟

ايه هى اخر هدية اهدت لك ومن مين ؟ما هي القناة الفضائية المفضلة لديك ؟يعنى مواصفات فتات احلامك
لو تم إعطائك فرصة السفر للخارج في أي دولة تريد السفر ؟
1_ برأيك ،،، هل ترا ان هناك الكثير من الشخصيات المزيفة في المنتدى؟؟؟

2_ ماذا تعني لك الصراحة؟؟؟

3_ برأيك ،،، كيف يمكن ان تكون الحياة الزوجية سعيدة؟؟؟
5_ ما هو اكثر شيء مدمن عليه بحياتك؟؟؟اي شيء

6_ هل تحب الحيوانات؟؟و هل تملك حيوانا؟؟

Hassan Mohamed

10-04-2008, 11:48 PM

انا هقعد اتفرج بقا بالصلاة علي النبي كده لحد مجوجو تجاوب علي كل الاسئلة دي

ميرا مار

10-04-2008, 11:50 PM

منورانا يا جوجو
مبسوطة اننا هنتعرف عليك
وربنا يكون فى عونا

يا جماعة...... بالراحة شوية كفاية سؤالين كل مرة .. ادولها فرصة تجاوب ..

veansea

10-04-2008, 11:58 PM

بصى يا سيتى عشان متقوليش عليا بخيله
اهو العصير بس شفطه صغنه جدا عشان مش يخلص
اصل اسئلتى كتييييييييييير
بخلص حق ناس من ناس
ههههههههههههههههههههههههههه

http://http://up106.arabsh.com/s/1xqel6m11v.jpg

واهو كرسى مريح
بس اوعى بدل متقعدى تنامى
ههههههههههههههههههههههههههههههه

http://http://up106.arabsh.com/s/6ebo06ixba.jpg

رحلة

تخيلى معايا...........
هدؤ ملون بصوت تلاحق الامواج...........
ضوء الفجر يتخلل السماء على استحياء...........
رائحه عطرة تعبق الجو لا تدرى من اين و لكنها هناك.......
هل ينقصك اى شىء؟
اليك مساعده ........
اختار الموسيقى التى تحب (انشالله حتى ايمنم)
اختر شخص .......اجعلهم اثنان ليكونا معك..............
هل بقى شىء ينقصك ؟
حدثينا انت عما ينقصك فى هذا الموقف حتى يصلح تعريفا للسعاده او راخه البال
و اذا لم يكن هذا الموقف يمثل لك اى سعاده...............تخيلى موقف يمثل التعريف السابق مع ذكر الاشخاص و الحدث و الخلفية الطلوبة

******************************
زمن البقاء للأصلح

صحراء جرداء...............خالية تماما الا من بضع صخور
حراره ................قيظ شديد
و ما هذا ........ارى انه شخص عزيز على قلبك ...........لا استطيع تحديد من هو/هى .......ربما صديق
انتما تائهان.......
و على غير انتظار تراه ..........كوب ماء مثلج ......انه ليس سرابا.......لا نعرف من اين اتى ولكنه هناك
صديقك؟لا لم يراه .......
و لكنك تعلم انه لو رأه .....اما سيشربه كله او على احسن الظروف ستتقاسماه
و انت فى يدك الا تخبره ..........و تجد طريقة حتى تحافظ على ما وجدت لنفسك فقط..........
انتهى الموقف عند هذا الحد.........الخيار خيارك و لا احد يلومك....
هل ستخبره بما رأيت.........ام ستجد طريقه حتى تروى عروقك دون ان تثير انتباهه....
طبعا الاجابة ستتكون من شقين......
شق اجابة حرفية
و شق (المعنى فى بطن الشاعر) حيث لهذا الموقف الف معنى اخر .....و يمثل العديد من المواقف فى حياتنا اليومية
لا نريد مثالية.....نريد واقعية

**************************************
هدية

.. للهديه وقع بالنفس ... ولها معاني جميله ...
.. ما أجمل هديه قدمتـ لك .. ومن هو الشخص ..؟
وماهى الهدية اللى تتمنى ان تستقبلها..........و من هو الشخص؟
***********************************
من انا؟

وقفت مندهش
تنظر الى .....الى نفسك!!!! .........
تقول........من انا ........
انا لم اعد هذا الشخص الذى اعتده .....
على ان اتعرف على هذ الشخص الجديد ................
--------------
هل حدث و عشت هذا الموقف من قبل؟؟
حيث لم تتعرف ........على ذاتك؟؟؟
اذا لم يكن قد حدث
تخيل
اذا حدث......ترى ما الشىء الذى لو تغير......لن تتعرف على نفسك
لا اقصد امور شكلية........اتحدث عن المعنويات

**********************************
كتاب

كتاب يحوى قصة حياتك
ضع عنوانه.....
الفصل المفضل...........
فصل ترغب فى مسحه من الكتاب و لكن ماذا نفعل.......لقد حدث
فصل عنوانه.......سعاده بيضاء برائحه الورد ......كان بيتكلم عن اية الفصل ده
فصل مازال تحت الطبع.......(عنوانة , نبذه عن محتواه,سبب تأخيره)
********************************
الصمت

احيانا نتحدث حتى نمنع رأسنا من الانفجار ........من دوى الصمت
احيانا يكون للصمت وقع اكثر تأثيرا من الكلام
ما رأيك فى العبارات السابقة..........
مع التعليل
و امثلة من حياتك...........
لا نريد دبلوماسية.........نريد صراحة
*********************************
اشخاص

شخص عزيز عليك بدرجه غير معقوله ...........فى ظروف قاسية جدا.........
طلب منك
يا تشوفه بس من غير ما تكلمه خالص
يا تسمعة بس من غير ما تشوفه
يا تكلمه بس (و انت متأكد انه سامعك) من غير ما تشوفه ولا تسمعة
جاوب مع التعليل
___________________________

هذا الشخص هو شريان حياتى .............اذا انقطع تصبح احتمالات النجاه معدومة
من هو ذلك الشخص فى حياة صاصا (مع اسثناء الوالدين من الاحابة)
و هل فعلا هناك من يستحق ان يكون (شريان حياة) شخص اخر
اتكلم براحتك (موبينيل)
*********************************
موقف

جو خانق...............
افكار فى رأسك تقوم بدور بارع فى جعل التنفس مجهود تستحق علية جائزة نوبل
دمعة غبية تأبى ان تسيل و تأبى ان تجف .....فقط هى هناك لتحدث غشاوة تجعل الرؤية مستحيلة
اية الموقف اللى فوق ده ؟؟؟؟
حصلك قبل كده؟؟؟؟
وضح ......و ابتسم انت على كرسى التحقيق

**********************************
لحظة

لحظة تمنيت ان يتجمد عندها الزمن........و تستمر الى الابد
هل فى حياه صاصا لحظه كهذه؟

*******************************
اولويات

أي من الأمور التالية ترى صعوبة التخلي عنها في حياة روب................
الخيال
الاسرار
الحرية
المبادىء
الكرامة
رتب من الاهم فالمهم مع التعليل
***********************************
كبرياء

أنا لا أشكو وفى الشكوى انحناء .. وأنا نبض عروقى كبرياء .
ما رأيك؟
لمن تشتكى؟
ممن؟
و لم الكبرياء؟

******************************
collection

- كل شئ وله بداية ونهاية الا هذا الشئ .

ماهو هذا الشئ .. الخاص بك وحدك

-نعم لى أخطاء كثيرة مثل كل الشباب .. لكن هذا الخطأ لا يمكن أن أنساه لأنه جلب لى مشاكل عديدة ..

ما هو الخطأ ولما ارتكبته ؟
-
اذا بلغك خبر سيئ عن وفاه والد اقرب اصدقاءك وطلب منك تبليغه بالخبر ماذا ستقول له ؟
*********************************
و اخيرا ..............

قصيده

اكتب 3 سطور مقفية تعبر عن شعورك تجاه العالم
من حقق ان تقتبس من الشعراء اذا اردت

Hassan Mohamed

10-04-2008, 11:59 PM

يالهووىىىىىىىىىىىىىىىىىىىىى حرام يا مرمورا كتير اهدي بقا لحد متخلص كل دول الاول

gogo

10-05-2008, 12:08 AM

نكمل الاسئله

عاوزين نعرف ماهى استراتيجيه جوجو فى الحياه يعنى بتنام امتى وبتصحى امتى فطارك غداكى عشاكى اصحابك نبذه مختصره ومنها حنفتح حوارات ان شاء الله

انت تؤمر يا حسن ا

اولا انا مبنمش قبل الفجر ولو ورايا حاجه بدرى بصحلها بدرى غير كده مبطولش فى النوم اكتر من الساعه 1 وانا مش بحب انام كتير وممكن مفطرش بس اهم حاجه انى اشرب نسكافيه او قهوه الصبح الغداء عادى مليش حاجه معينه بس بحب النواشف مش بتعشى وانا الحمد لله ليا اصدقاء كتير جدا وهما اللى ملين عليا حياتى بجد انا من غيرهم معرفش اعيش بس كده

مواصفات فتى احلامى ؟

امممممممممممم....... يكون كويس وطيب وشخصيته قويه صبور ومتدين ويعرف ربنا علاقته كويسه باهله وبالناس لكن الصفات الشكليه عادى يعنى مش حاجه معينه بس يكون مقبول ويكون اجتماعى ومثقف ويقدر يتحمل مسئوليه

gogo

10-05-2008, 12:26 AM

اهلا اهلا يا رانيا منوره

- اصعب دمعه نزلت من عنيكى ؟

يوم خبر وفاه شخص من اقاربى عزيز عليا جد جدا جدا

-اكتر حد برتاحى معاه وبتفضفضى ليها ؟

واحده صحبتى وهيا اكتر من اخت

-يا ترى راضيه عن نفسك دلوقتى وضميرك مرتاح؟
الحمد لله مقتنعه وراضيه لانى دايما مبعملش حاجه غير لما افكر فيها واحسبها

-بتحلمى بايه؟
بحلم انى اكون حاجه تشرف للى يعرفنى وانا احقق حاجه كبيره مستقبليا فى مجال شغلى وان كل اللى بحبهم يحققوا اللى نفسهم فيه

Hassan Mohamed

10-05-2008, 12:36 AM

Wild_Angel

10-05-2008, 01:27 AM

اهلا يا جوجو
اولا كل سنه وانتى طيبه عشان العيد وعشان السنه الدراسيه الجديده ..وسعيده انك زميله واخت فى شعبة مساحه معانا
انا بس حبيت ارحب بيكى والحمد لله الزملاء قاموا بالواجب وزياده
حسيبك تجاوبى على كله لانهم بسم الله ماشاء الله
وفى الاخر كده نجيبلك سؤالين خفاف لانهم داخلين حاميين جدا

واهلا وسهلالالالالالالالالالا بيكى باذن الله مع بداية اسئلتى حتلاقى ترحيب عالى جدا

tiger

10-05-2008, 01:43 AM

أهلا بيكى يا جوجو على كرسى الأعتراف والله يكون فى عونك وأطمئنى أنا بتفرج من بعيد ومش حسأل ماتخفيش وتلاقيكى بتدعى كل الناس تبقى زيى هههههههههه بس الواحد لازم يعمل حساب بكره ومنوره أى خدمه وكفايه عليا أنى أتعرفت عليكى فى اللقاء وحتعرف عليكى أكتر من الأسئله الى حتتسأليها0

gogo

10-05-2008, 01:57 AM

هى جهاد على الكرسى
استلمى يا بطوطه الاسئله
احم احم استعنا على الشقه بالله
المهم ندخل فى الجد

- ماهو شعورك وانتى على الكرسى؟

ملخومه جدا من كتر الاسئله وخصوصا اسئلتك ماشاء الله متوصيه اوى

-اكتر حاجه بتحبيها فى حياتك؟

بابا وماما واختى واخويا هما حياتى

-'طموحك؟

اخلص السنتين دول ان شاء الله بتقدير واشتغل

-هوياتك ؟

الرسم

-اصعب لحظه بحياتك وبتتمنى ماتتكرر؟

=] يوم وفاه احد اقارب

يومك المفضل ؟

عيد ميلادى

-صديق/ه مفضليين؟

الصديق ايمن والصديقه امنيه

-ايه شعورك بصداقه اهل العيله؟

صداقه كويسه جدا الحمد لله وكلنا فى العيله صحاب واصدقاء مفيش فرق بين اى حد وصداقه العيله متتعوضش خالص

-بتعنيلك ايه الحياه؟

امممممممممممم ....... الحياه حلوه للى يفهمها ........مش لاقيه كلمه اشمل من الحياه اوصف بيها لحياه بس فعلا الحياه متتوصفش وكل لحظه بنعشها فى الدنيا بتعنلنا حاجات كتير بس بالنسبالى الحياه بتعنيلى اهل الاقارب الصحاب الحب النجاح الطموح كل حاجه كويسه

-كان نفسك تدخل كليه ايه وتتخرج منها ؟

هندسه او فنون جميله

-كان نفسك تشتغل ايه؟

انا طول عمرى نفسى اشتغل فى شركه بترول كبيره وحاليا نفسى اشتغل بتخصصى بعد مخلص ان شاء الله

-مين اكتر حد ممكن تشتاق انك تشوفوا ولو مشفتوش بتحس انك مش مظبوط فى حاجه نقصاك؟

اول فيتو راح الحمد لله

-اكتر حاجه بتكرها فى البلد؟

اكتر حاجه بتضايقنى الاجراءات الروتينيه الموجوده فى كل حاجه وياريتها بتكون سهله وميسره لكن بتبقى مكلكعه فى كل حاجه

-اخر مره بكيت فيها امتى وليه؟

هههههههههههههه ....... من يومين كنت بتفرج على مسلسل قلب ميت ههههههههه

-عندك تلت باقات ورد تهديهم لمين ؟

واحده لماما وواحده لامنيه صحبتى واواحده لكا اعضاء المنتدى

-تلت باقات شوك تهديهم لمين؟

معرفش حد يستاهل انى اهديه بشوك

-ايه هو الشى اللى بتفكر فيه لما بتكون فى ازمه؟

بفكر فى اى حاجه تخرجنى من اللى انا فيه

-اول حد بتلجأله لما بتكون فى ازمه بعد ربنا؟

لو ازمه شخصيا مبلجأش لحد احب احلها بنفسى لكن لو غير كده بلجأ للى ممكن يساعدنى فيها واولهم البيت طبعا

-لو قالولك نحط عضو قدامك وتفضل تضرب فيه تختار مين؟

ولاحد انا اللى اعرفهم من الاعضاء مش كتير وكلهم بحترمهم جدا

-العضو او العضوه اللى بتعتبره او تعتبرها اخت او اخ ليك؟

والله انا لسه جديده معرفش كل ااعضاء بس من اللى بحبهم اوى رانيا وبعتبرها اخت وكم
ان حسن واشرف اخوات فعلا رغم انى معرفهموش من كتير
شكلى حضرب ولا ايه :mad:

gogo

10-05-2008, 02:07 AM

منكن نتدخل ونعرف ما هيا صلة القرابة

كان جوز خالتى الله يرحمه بس انا كنت بموت فيه كنت بحب لدرجه متتخيلهاش

gogo

10-05-2008, 02:29 AM

ماذا تتمنى فى المستقبل؟

جاوبته اكتر من مره

موقف طريف مر عليك؟
كان فى الصيف اللى فات كنه فى مطروح واجرنا بدال واحنا فى نص البحر الذراع بتاع البدال اتكسر مننا وكلنا نزلنا البحر وطلعنا وسبنا البدال للراجل فى الميه ههههه

ماهى تجربتك بالحياه واستفدت منها؟
علشان احكى تجربتى بالحياه عايزه سنه بس اللى انا استفدته منحياتى ان بجد الواحد ميحكمش على الناس من اول مره وكمان الواحد ميأمنش لاى حد بسهوله

سنه من اجمل الاعمار التى مرت بها ؟
سنه اولى ثانوى كانت احسن سنه فى حياتى

اجمل كتاب قراته؟
الحمد لله مبحبش القراءه

ماهو البرنامج اليومى؟
جاوبته قبل كده

ايه اخر هديه جاتلك ؟
اخر هديه من بابا ومكنتش هديه كانت فلوس علشان دخلت مساحه

ماهى القناه الفضائيه المفضله ؟
قناه بانوراما دراما

موصفات فتى احلامك؟
جاوبته قبل كده

لو تم اعطائك فرصه سفر اى دوله تريد ان تسافر ؟
دبى

برأيك هل ترا ان هناك كثير من الشخصيات المزيفه على المنتدى ؟
انا متعملتش مع كل اعضاء المنتدى ومقدرش احكم على حد متعملتش معاه بس ممكن احكم على اللى انا اتعملت معاهم بصراحه كلهم واقعيين جدا ومشفتش حد فيهم مصتنع او مزيف

ماذا تعنى لك الصراحه؟
الصراحه هى اساس الحياه السليمه السعيده

برأيك كيف يمكن ان تكون الحياه الزوجيه سعيده؟
اهم حاجه احترام الزوجين لبعض الصراحه والمشاركه والتعاون والتحمل والحب طبعا هو المدعم لكل الحاجات دى

هل تحب الحيوانات وهل تملك حيوان؟

لالالالالالالالالا

gogo

10-05-2008, 02:32 AM

مرسى يا ويلد وانت طيبه انت كمان شوفتى مبهدلنى ازاى فى الاسئله؟ انا عايزه استعين بصديق

gogo

10-05-2008, 02:36 AM

ازيك يا اشرف عامل ايه شوفت حسن عمل فيا ايه ده اناحتى كنت متهاونه معاه فى الاسئله يلا بقى ربنا يستر

gogo

10-05-2008, 02:38 AM

كفايه كده النهارده بقى :mad::mad::mad:

Mohamed Saad Yassin

10-05-2008, 02:42 AM

الله يكون فى عونك يا جهاد
الناس دى مابترحمش

gogo

10-05-2008, 02:47 AM

اه والله واضح انها مبترحمش فعلا طيب هو انا معنديش فرصه استعان بصديق او حذف اسئله ده غيرالفيتو طبعا

witch evil

10-05-2008, 02:52 AM

البنات هنا جابوا اسئله زى العسل جوجو وساره ورانيا حبيبة قلبى العسوله وWitch evil مع انها كانت زعلانه من اسئلتى الكتير

يااخص عليكى يا ويلد انا برضوا ازعل منك عييييييييييييييييييييييييييييييييييييييييييييييييي يييييييييييييب:eek::eek:
والله انا بحبك اووووووووى وبحب كل اللى فى المنتدى وبليز اسحبى الجمله دى:(

وبجد كانت ضيافه جميله اووووووووووووى

وولكم يا جوجو

احنا حنروقوكى يا شبه رايه ااااا
قصدى ويلد عايزين نريحوها
ههههههههههههههههههههههههه:D

Hassan Mohamed

10-05-2008, 02:54 AM

يااااااااااااااااااااه يعني اقوم انام ارجع الاقي كل ده لا حول ولا وقوة إلا بالله

طب هسئلة حبة اسئلة علي السريع كده

بصي يا بنتي انا مش هتكسف وانا اللي هسئلك السؤال ده ....

هل في حياة جوجو قصة حب الان ؟؟؟ بصراحة يا حجة ماشي:D

سؤال تاني وبلاش فيتو فيه عاوز اعرف منك سر مقولتهوش لحد قبل كده ؟؟؟

السؤال التالت

غمي عنيكي يا جوجو

خدي نفس عميق

واسمعي الخبر ده

انتي بقيتي مديرة منتدي الرابطة

اول حاجة هتعمليها هيا ايه؟؟؟

gogo

10-05-2008, 03:28 AM

يااااااااااااااااااااااه يعنى اقوم انام وارجع الاقى كل ده لا حول ولا قوه الا بالله

حنعمل ايه بقى حكم القوى وكله منك انت
طيب حسئل حب اسئله على السريع

اتفضل حضرتك انت تؤمر
بصى يا بنتى انا مش حتكسف وانا اللى حسألك السؤال ده......

اوك ..... اسأل
هل فى حياه جوجو قصه حب الان ؟؟؟ بصراحه يا حجه ماشى

والله انا بجاوب بصراحه من اول اللعبه لا حاليا مفيش قصه حب
سؤال تانى وبلاش فيتو فيه عاوز اعرف منك سر مقلتهوش لحد قبل كده ؟؟؟

والله مش عارفه سؤال محير جدا مش متزكره حاجه معينه حاليا عمتا حجوبلك عليه تانى
السؤال التالت

غمى عنيكى يا جوجو

غميت عنيا
خدى نفس عميق

اخدت نفس اما اشوف اخرتها
واسمعى الخبرده

خير ان شاء الله
انتى بقيتى مديريه منتدى الرابطه اول حاجه هتعمليها هيا ايا؟؟؟

انى ازود نشاط الرابطه من خلال المنتدى واشتراكه مع منتديات اخرى وحزود النشاطات وحفتح المجال للكلام فى كل المواضيع بس كده مؤقتا اما ابقى امسك بقى ان شاء الله بعد عمر طويل حتبقى تشوف حعمل ايه

witch evil

10-05-2008, 03:29 AM

هسألك كام سؤال خفيف بساله لكل اللى بقعدوا على الكرسى

ايه هو السؤال اللى تتمنى تتسأليه

وجاوبى عليه

وايه هو السؤال اللى خايفه تتسأليه وخايفه ليه؟؟

لو وحده صحبتك فى حتقع فى مصيبه وعشان تحذريها منها حتروحى فى دهيه وحيطلع عليكى كلام مش ظريف طبعا فهمانى بس حتنقذيها تختارى ايه تضحى بنفسك ولا بيها.....؟؟

gogo

10-05-2008, 09:03 PM

هسألك كام سؤال خفيف بسأله لكل اللى بيقعد على الكرسى

اوك اتفضلى اسئلى

ايه هو السؤال اللى تتمنى تتسأليه وجاوبى عليه؟

لا مفيش سؤال معين عايزه اتسئله

ايه هو السؤال اللى خايفه تتسأليه وخايفه ليه؟

اى سؤال فى الحب وكده يعنى بحب الخصوصيه فى موضوع زى ده

لو وحده صحبتك حتقع فى مصيبه وعلشان تحذريها منها حتروحى فى داهيه وحيطلع عليكى كلام مش ظريف طبعا فهمانى تختار ايه تضحى بنفسك ولا بيها ؟

لا طبعا استحاله اضحى بيها ححاول انقذها حتى لو على حسابى

Rania Ismail

10-05-2008, 10:41 PM

والله انا لسه جديده معرفش كل ااعضاء بس من اللى بحبهم اوى رانيا وبعتبرها اخت وكم
ان حسن واشرف اخوات فعلا رغم انى معرفهموش من كتير
مرسى يا حبى وانا كمان بحبك والله جدا انتى صديقتى الصدوقه

Rania Ismail

10-05-2008, 10:45 PM

انتى عارفه يا جوجو انا مش حسالك علشان صوعوبتى عليا والله من الاسئله اللى مرمر سالتهالك الله يكون فى عونك

gogo

10-05-2008, 10:49 PM

مرسى يا جميل والله يا رانيا وحشااااااااااااااانى جدا شوفتى مبهدلنى ازاى كله من حسن

Wild_Angel

10-06-2008, 12:07 AM

السلام عليكم ورحمة الله وبركاته

اولا : ماشى يا حوريه نسحبوا الجمله يا سوكيننه على اساس ان حنغنى لجهاد وننادى عبد العال:D
ازيك يا جوجو متقلقيش منى لسه مش حسال دلوقتى انا حسيبهم كده يسالوا وخلينى فى الاخر كده
اجيبلك شوية اسئله من بتوع الابحار داخل النفس والعقل
دى بقى هدية الترحيب منى
http://www.almlf.com/get-10-2008-597b9b48.jpg (http://www.almlf.com) http://www.almlf.com/get-10-2008-zddd66ta.jpg (http://www.almlf.com)
تورته صغنونه شيكولاته وعصير كوكتيل

انتى قدامك كام يوم معانا وربنا يقويكى ولو عايزه فطار ..غدا ..عشا قولى:)

الشبح

10-06-2008, 12:12 AM

اهو كلااااااااااااااااااااااااااااام

انتوا هتصدقوها ولا ايه ؟

:p:p:p:p

gogo

10-06-2008, 02:04 AM

مرسى يا ويلد اوى طيب معندكيش تورته كريمه اصلى مش بحب الشيكولاته

Mimi

10-06-2008, 02:19 AM

ازيك ياجوجو منوووورة كرسي الاعدام :D وربنا يعينك على الناس اللي هنا وربنا ما يحطنا في مكانك هههههههههههههههههههههههههههههههههههههههههههه

كذا مرة اترددت أسئلك عشان بجد الاسئلة المهولة اللي هنا صدمتني من كترها

بس انا هسأل حاجات خفيفة وردي عليها براحتك خالص وعلى أعلى نم مهلك ، ماشي ياجميل ؟

السؤال الأول

لو كنتي فاكهة تتمني تبقي ايه ؟ تفاحة مثلآ او مانجا او كيوي ..الخ

السؤال الثاني

محصلكيش اي موقف غريب في حياتك ؟

السؤال الثالث

اي اعلانات بتحبيها اكتر ، موبينيل او فودافون او اتصالات ، مع مراعاة عدم التحيز لنوع خطك

السؤال الرابع

لو كنتي بتصلي ووقف جنبك أسد ، هتكملي صلاة ولا هتجري ؟

gogo

10-06-2008, 02:44 AM

ازيك ياجوجو منوووورة كرسي الاعدام وربنا يعينك على الناس اللي هنا وربنا ما يحطنا في مكانك هههههههههههههههههههههههههههههههههههههههههههه

ربنا يستر
كذا مرة اترددت أسئلك عشان بجد الاسئلة المهولة اللي هنا صدمتني من كترها

بس انا هسأل حاجات خفيفة وردي عليها براحتك خالص وعلى أعلى نم مهلك ، ماشي ياجميل ؟

اوك طبعا اتفضلى
السؤال الأول
لو كنتي فاكهة تتمني تبقي ايه ؟ تفاحة مثلآ او مانجا او كيوي ..الخ

مانجا

السؤال الثاني
محصلكيش اي موقف غريب في حياتك ؟

اه مره ركبت تاكسى من عند البيت كنت رايحه لواحده صحبتى واول موصلت بدور على المحفظه ملقتهاش فقولت لسواق التاكسى يرجعنى تانى البيت علشان احاسبه يعنى ده اكتر موقف فكراه بس انا الحمد لله دايما بتحط فى مواقف غريبه
السؤال الثالث
اي اعلانات بتحبيها اكتر ، موبينيل او فودافون او اتصالات ، مع مراعاة عدم التحيز لنوع خطك

اعلانات موبينيل بس مش كلها بس معظمها لذيذ مع انى فودافون
السؤال الرابع
لو كنتي بتصلي ووقف جنبك أسد ، هتكملي صلاة ولا هتجري ؟

مش متخيلها اصلا بس انا ولا حكمل صلاه ولا هجرى لان حيكون اغم عليه من الخضه

Hassan Mohamed

10-06-2008, 03:17 AM

Hassan Mohamed

10-06-2008, 03:22 AM

بكمل الاسئلة إذا بدك

يا تري امتي بنشوف جهاد رقيقة كده وطيبة وامتي بنشوفها عصبية ومجنونة

ومن السؤال ده نشتق شئ لو انتي فيكي عيوب ياتري ايه هيا وفكرتك ايه للتخلص منها

احكيلنا عن افضل عيد ميلاد اتعملك ياتري كان امتي وايه كانت احداثه

sarah

10-06-2008, 01:34 PM

ازيك يا جوجو منوووورة , ا
انا مش عايزة اسئلك غير سؤال بجد نفسى اسئلهولك وكنت عايزة اروحلك من يوم السبت لما شوفتك بس اترددت ,

حسئل بقى , يا رب مأضيقكيش

انتى اتحجبتى وكنتى زى القمر وكنتى بجد منورة , ليه يا جوجو شيلتى الحجاب ؟ خليها واحدةواحدة
وانتى زى القمر بس بالطرحة احلى واحلى.

sarah

10-06-2008, 03:11 PM

و ايه رايك يا جوجو فى التورته دى,

http://www8.0zz0.com/2008/10/06/12/336800875.jpg

gogo

10-06-2008, 04:57 PM

بكمل الاسئلة إذا بدك

اكيد طبعا اتفضل

يا تري امتي بنشوف جهاد رقيقة كده وطيبة وامتي بنشوفها عصبية ومجنونة
تقدر تقول الرقه دى بتظهر مع الناس اللى بشوفها اول مره لكن الحمد لله طيبه على طول وعصبيتى وجنونى مبيظهرش غير وسط صحابى او البيت

ومن السؤال ده نشتق شئ لو انتي فيكي عيوب ياتري ايه هيا وفكرتك ايه للتخلص منها
انا اكتر عيب كان فيا العصبيه زياده عن اللزوم بس تقدر تقول دلوقتى انى خفيت العيب ده كتير بحاول اكون بادره لان فى مواقف بتتطلب البرود ده

احكيلنا عن افضل عيد ميلاد اتعملك ياتري كان امتي وايه كانت احداثه
افضل عيد ميلاد كان السنه اللى فاتت بجد احسن عيد ميلاد عدى عليا وكل الناس اللى بحبهم كانوا فيه وكان اخف عيد ميلاد لان معظم صحابى الكادوهات بتاعتهم كانت مقالب بس كانت دماها خفيف جدا

gogo

10-06-2008, 05:02 PM

اه والله يا حسن كان حته موقف غريب جدا ومقولكش السواق كان رخم قد ايه هههههههههههههههههههههههههه عقبال مشوفك فى الموقف ده

gogo

10-06-2008, 05:12 PM

ازيك يا جوجو منوووورة , ا

والله انتى اللى منوره يا جميل

انا مش عايزة اسئلك غير سؤال بجد نفسى اسئلهولك وكنت عايزة اروحلك من يوم السبت لما شوفتك بس اترددت ,
ليه يا بنتى اسئلى براحتك

حسئل بقى , يا رب مأضيقكيش
لا متخفيش مش حتضايق

انتى اتحجبتى وكنتى زى القمر وكنتى بجد منورة , ليه يا جوجو شيلتى الحجاب ؟ خليها واحدةواحدة
وانتى زى القمر بس بالطرحة احلى واحلى.والله يا بنتى انا لبستها فى رمضان وقولت خلاص مش حقلعها تانى بس معرفش كنت متردده جدا وخوفت انى اكمل بيها وبعدين ارجع اقلعها تانى فحيبقى الوضع مش كويسه فقولت اقلعها بعد رمضان على اساس انى كنت لبساها فى رمضان بس لكن والله انا فعلا بفكر فى الموضوع ده جدى واوعدك تكونى اول واحده اقولها انى حلبس الطرحه

مرسى على سؤالك يا جميل

gogo

10-06-2008, 05:15 PM

و ايه رايك يا جوجو فى التورته دى,

http://www8.0zz0.com/2008/10/06/12/336800875.jpg

مرسى كتيييييييييييييييير ليكى عقبال مردهالك بقى ان شاء الله

sarah

10-06-2008, 06:13 PM

تحبى تقوليلهم ايه او تنصحيهم بايه ؟؟؟؟
رانيا
حسن
اشرف
م\ ايمن
جودى
م\ مها
ويلد
ويتش ايفيل
زوروووو
ايمى
احمديكووو
وسارة
ردى يا حلوووووووة

sarah

10-06-2008, 06:16 PM

وسؤال كمان منكن,,,,

بما انك مرشحة للجنة البيئية ,وضحلنا ايه برنامجك اللى حتعمليه لما تمسكى المنصب؟

gogo

10-06-2008, 06:18 PM

هههههههههههههههههههههههههه ماشى يا ساره

sarah

10-06-2008, 06:19 PM

وانبى والنبى واحد كمان واحد كمان ,,,,,,,,
بتحبى انهى لون رووووووج
وبتحبى انهى لون موورووكير
وانتى بتروحى للكوافير كام مرة .

sarah

10-06-2008, 06:22 PM

بصى اخر واحد النهارده ,ماسى.

لما تجبى بنت تسميها اية ؟ ولما تجيبى ولد تسميه ايه؟

gogo

10-06-2008, 06:35 PM

تحبى تقوليلهم ايه او تنصحيهم بايه ؟؟؟؟

انا حجاوب على اللى انا اعرفهم

رانيا
احب اقولها انت بجد اخف دم على المنتدى

حسن
انت بجد من اكتر الشخصيات الطموحه اللى قبلتها واستمر على كده

اشرف
من اكتر الشخصيات الطيبه اللى عرفتها على المنتدى

جودى
بتعجبنى افكارها وبجد روحها حلوه اوى اوى

ويلد
بتعجبنى تعليقتها

ايمى
اجتماعيه اوى

احمديكووو
من الناس اللى يعتمد عليها فى تحمل مسؤليه

وسارة
ردودك بتعجبنى
واحب اقولك انت انتى اكتر واحده وقفت محتاره قدام اسئلتها بس اما اشوفك

ردى يا حلوووووووة

gogo

10-06-2008, 06:36 PM

اسئلى براحتك يا ساره بكره تبقى مكانى وحعصرك اسئله

gogo

10-06-2008, 06:40 PM

وسؤال كمان منكن,,,,

بما انك مرشحة للجنة البيئية ,وضحلنا ايه برنامجك اللى حتعمليه لما تمسكى المنصب؟

بصى والله انا لسه مرتبتش افكار معينه لانى لسه مش اكيد انى اترشح بيئيه بس عمتا ان شاء الله لو مسكت البيئيه حيبقى هدفها انشاء الله الاهتمام بالقسم من ناحيه الاهتمام بنظافه وتجديد واللوحات وتزينه ده مبدئيا لانى لسه فى حاجات كتير عايزه اعرفها من استاذ محمد سعد ان شاء الله

gogo

10-06-2008, 06:43 PM

وانبى والنبى واحد كمان واحد كمان ,,,,,,,,

انتى تؤمرى
بتحبى انهى لون رووووووج

بنى
وبتحبى انهى لون موورووكير

بنى او نبيتى غامق
وانتى بتروحى للكوافير كام مرة .

اما يبقى عندى مناسبه

م/ احمد فاخر

10-06-2008, 06:44 PM

اولا تعرفينا بنفسيك فى حدود المسموح به ؟

ثانيا ايه هى اهم احلاميك ؟

ثالثا ابه رايك فى موضوع شغل البنت فى الموقع ؟

رابعا
انتظرى الجزء التانى

gogo

10-06-2008, 06:50 PM

بصى اخر واحد النهارده ,ماسى.

ماسى يا ساره
لما تجبى بنت تسميها اية ؟ ولما تجيبى ولد تسميه ايه؟

من اسماء البنات اللى بحبها أسيل و أيسل
ومن اسماء الولاد يزن و عمرو

gogo

10-06-2008, 07:05 PM

؟اولا تعرفينا بنفسيك فى حدود المسموح به
جهاد فى تالته مساحه
وانا فى بدايه الضيافه معرفه نفسى بالتفصيل

ثانيا ايه هى اهم احلاميك ؟
انى اخلص السنتين الباقين بتقدير ان شاء الله والاقى فرصه شغل كويسه

ثالثا ابه رايك فى موضوع شغل البنت فى الموقع ؟
انا بأيد موضوع شغل البنات فى الموقع وانا واحده من الناس لو جتلى فرصه شغل فى موقع اكيد حشتغل ان شاء الله وانا اعرف بنات كتير شغالين فى مواقع وزى ما فى بنات بتتحمل جو الموقع و بنات لا كمان فى ولاد كذلك هى قدره وتحمل مش اكتر

رابعا
انتظرى الجزء التانى

فى انتظاره ان شاء الله بس يكون سهل

sarah

10-06-2008, 07:06 PM

مين اسيل وايسل مش فاهمه دول بنات والله أول مرة اسمع عن الاسماء دى, هية غريبة وانا بحب الاسماء الغريبة بس يعنى ايه ؟
ولو ليهم معنى اوعدك افكر اسميها لعيالى

:eek::eek::eek::eek:

sarah

10-06-2008, 07:07 PM

ميرسى يا قمر لردودك وتصبحى على خير..

gogo

10-06-2008, 07:24 PM

بصى يا ستى أسيل يعنى نعوم خدود الرسول
وأيسل يعنى ضوء القمر
دى اسماء بنات اعرفهم وعجبنى علشان معناهم وعلشان اسماء غريبه مش تقليديه

gogo

10-06-2008, 07:28 PM

ميرسى ليكى انتى يا قمر وحتنامى بدرى ليه ما لسه بدرى ده انت حتى مسألتنيش خالص

:D:D:D:D

sarah

10-06-2008, 11:26 PM

بصى يا ستى أسيل يعنى نعوم خدود الرسول
وأيسل يعنى ضوء القمر
دى اسماء بنات اعرفهم وعجبنى علشان معناهم وعلشان اسماء غريبه مش تقليديه

دى طلعت اسماء حلوة اوى اوى.

نكمل شوية اسئلة,
مين من صحابك مدخلش مساحة وزعلتى انهم مدخلوش ؟:(
مين مكنتيش تصدقى انوا يدخل مساحة؟:eek:

هل طموحاتك توصلك انك تكونى فى يوم من لايام سيدة اعمال؟;)

لو لقيتى شعب جعبور رشحك تكونى رئيسة الجمهورية الجعبورية :D
اول حاجة تعمليها ايه لما تكونى رئيسة؟

gogo

10-07-2008, 12:50 AM

دى طلعت اسماء حلوة اوى اوى.

ممكن تبقى تستعيريها بس ايه رأيك فيها

نكمل شوية اسئلة,
اتفضلى

مين من صحابك مدخلش مساحة وزعلتى انهم مدخلوش ؟
مين مكنتيش تصدقى انوا يدخل مساحة؟
انا زعلت على ناس كتير بس اكتر حدبجد زعلت عليه عبد الفتاح لانه بجد كان يتهالها تقديراته تحفه فى كل مواد المساحه بس هيا الماده اللى كان شيلها هيا اللى اثرت
لكن كل اللى دخلو مساحه من صحابى كنت متوقعاها

هل طموحاتك توصلك انك تكونى فى يوم من لايام سيدة اعمال؟
اه مش بعيد انا بجد نفسى يبقى ليا شغلى الخاص مستقبليا

لو لقيتى شعب جعبور رشحك تكونى رئيسة الجمهورية الجعبورية
اول حاجة تعمليها ايه لما تكونى رئيسة؟

اغير اسم الجمهوريه الجعبوريه دى

sarah

10-07-2008, 01:28 AM

[COLOR="Red"]

اغير اسم الجمهوريه الجعبوريه دى

ههههههههههههههههه ,معاكى حق, ميررررسى تو ليكى يا جوجوووووووووو.

AYMAN GAMAL

10-07-2008, 01:38 AM

عندي ليكي 3 اسئلة

لو قلتلك انك معاكي فلوس ملهاش اخر ايه اول حاجتين هتشتريهم؟

اية رايك في اللي بيحب الناس على حساب نفسه؟

لو في ايدك وردة لمين هتهديها؟

انتهت الاسئلة عشان انا مش بعرف عنك حجات كتير بس اهي محاولة

Hassan Mohamed

10-07-2008, 01:39 AM

لو حد ظلمك في ذات الايام تقوليله ايه يا جوج

وجهي نقد 3 اشخاص معانا في المنتدي وياريت متقوليش لسه معرفكومش

الساكت عن الحق شيطان اخرس ؟؟ هل انتي من الناس اللي بتشوف الغلط وبتسكت؟؟ولو مش منهم بتعملي ايه يا كتكوتة

حاجة حصلتلك خلت حياتك بدل متمشي يمين مشيت شمال الزاي بقا مش عارف يعني غيرت مجري حياتك

ميرا مار

10-07-2008, 07:24 PM

يا جوجو .. منورانا

اسال بقى من نفسى انا كمان ..

مين تقولى له ؟
"يا عينى عليكى يا طيب ...........
على قد الشوق..........
انت عمرى................
بكلمة منك ..............
يتربى فى عزو ............
يا احلى منهم .................
انت اقرب منى ..لى ومطمنى ................
باستناك ...........
كلام الناس .................
وداع بوداع ............

بس كفاية عليكى كدة الواحد المفروض يكون حسيس

sarah

10-07-2008, 08:24 PM

كنت حسالك النهاردة بس كفاية الاسئلة اللى متحضرالك خلينا وقت تانى,
بااااااااااااااااااى;);)

م/ احمد فاخر

10-07-2008, 08:39 PM

الجزء التانى :::سهل ::::
زى ما طلبتى
وبما انيك جوابتى على الجزء الاول بسهولة اتفضلى
1ماذا تعنى لكى هذه الكلمات " المساحة _ الثانوية العامة _ محمد سعد _ احمد مصطفى _ الرابطة
وعلى المستوى الخاص " الاب _الزوج _ الصديق_وهل يصبح الصديق زوج والعكس ؟

2 ياترى لو جاليك شغل فى طريق سيوه الواحات او فى المملكة السعوديه تروحى ؟مع ذكر السبب

3 هل فكرتى فى الاستفادة من الدفعات السابقة ؟ وازاى ؟
لو انا مش مضيقيك انتظرى الجزء التالت

gogo

10-07-2008, 08:50 PM

عندي ليكي 3 اسئلة

اتفضل اسأل

لو قلتلك انك معاكي فلوس ملهاش اخر ايه اول حاجتين هتشتريهم؟

والله عمرى مفكرت فى حاجه معينه بس ممكن طياره علشان اروح اى مكان فى اى وقت ومش عارفه بصراحه ممكن اجيب ايه تانى

اية رايك في اللي بيحب الناس على حساب نفسه؟

يا بخته بجد لانه اكيد كمان حيفوز بحب الناس ليه بس نادرا لو فى شخصيات من النوعيه دى دلوقتى اكيد فى بس بنسبه قليله

لو في ايدك وردة لمين هتهديها؟

لماما حببتى طبعا

انتهت الاسئلة عشان انا مش بعرف عنك حجات كتير بس اهي محاولة

شكرا للمحاوله

gogo

10-07-2008, 08:51 PM

كنت حسالك النهاردة بس كفاية الاسئلة اللى متحضرالك خلينا وقت تانى,
بااااااااااااااااااى;);)

اه كفايه والله يا بنتى متيجى تسعدينى شويه

gogo

10-07-2008, 09:02 PM

لو حد ظلمك في ذات الايام تقوليله ايه يا جوج
والله انا الحمد لله متسامحه ولكن لحد معين وممكن اسامح مره واتنين لكن اما بتوصل لدرجه معينه بتبقى نهيتى مع الحد ده واللى يظلمنى ميستهلش منى لحظه تفكير واحده افكر فيها فى كلام اقوله بس اللى انا متاكده منه ربنا مبيضيعش حق حد مظلوم

وجهي نقد 3 اشخاص معانا في المنتدي وياريت متقوليش لسه معرفكومش
فيتووووووووووووووووو كده فاضلى 3

الساكت عن الحق شيطان اخرس ؟؟ هل انتي من الناس اللي بتشوف الغلط وبتسكت؟؟ولو مش منهم بتعملي ايه يا كتكوتة
عمرى مكنت من النوعيه دى انا اما بشوف الغلط قدامى مش بسكت حتى ولو كان فى خساره ليا
بحاول انى انصح اللى قدامى او بتكلم مره واتنين سواء بالاقناع واحيانا بالشده مع القريبين منى بس بس فى العموم بيبقى مصلحه لغيرى

حاجة حصلتلك خلت حياتك بدل متمشي يمين مشيت شمال الزاي بقا مش عارف يعني غيرت مجري حياتك
عمرى مغيرت هدف ليا او غيرت مسار حياتى بسبب موقف اتحطيت فيه يعنى اهدافى فى الحياه اساسيات مبحبش اتنازل عنها او اغيرها مهما كانت الظروف

gogo

10-07-2008, 09:16 PM

يا جوجو .. منورانا

مرسى ده نورك

اسال بقى من نفسى انا كمان ..

انت تؤمرى.... اتفضلى

مين تقولى له ؟

"يا عينى عليكى يا طيب ........... بابا
انت عمرى................ ماما
بكلمة منك .............. فيتو
يتربى فى عزو ............اخويا اصله متدلع موت
يا احلى منهم ................. اختى طبعا ههههههههه
انت اقرب منى ..لى ومطمنى ................ امنيه صديقه عمرى
باستناك ........... عمرى مستنيت حد والله ولا ناويه استنى
كلام الناس ................. اسماء
وداع بوداع ............مش لحد معين بس للى يبعنى

بس كفاية عليكى كدة الواحد المفروض يكون حسيس

اسئلتك مش كتير بس بتاخد وقت كتير فى الاجابه

gogo

10-07-2008, 09:29 PM

الجزء التانى :::سهل ::::زى ما طلبتى

اما نشوف ..... ربنا يسهل

وبما انيك جوابتى على الجزء الاول بسهولة اتفضلى
1ماذا تعنى لكى هذه الكلمات " المساحة _ الثانوية العامة _ محمد سعد _ احمد مصطفى _ الرابطة
وعلى المستوى الخاص " الاب _الزوج _ الصديق_وهل يصبح الصديق زوج والعكس ؟

المساحه..... حلم كنت بتمنى احققه والحمد لله حققت نصه وحيكمل ان شاء الله لما اثبت نفسى فى شغل فى مجال المساحه
الثانويه العامه..... الذ سنين دراسه فى حياتى كانت الثانويه العامه
استاذ محمد سعد..... من اكتر الاساتذه المتميزين فى شرحهم بصراحه
دكتور احمد مصطفى..... والله هو معطلناش غير محضرتين بس بس بجد شرحه فوق الممتاز وانا بجد بحترمه جدا بشهاده كتير من الطلبه اللى درسلهم الكل بيشكر فيه
الرابطه..... اتمنى انضملها ان شاء الله اما اخلص

الاب...... كل حياتى هو وماما طبعا ربنا يخليهوملى
الزوج..... اممممممممم معرفش مجربتش بصراحه هههههه
الصديق.... الصديق وقت الضيق هههههههه انا من الناس اللى بحب الصداقات جدا وليها مكانه كبيره فى حياتى
لا طبعا لايمكن الصديق يصبح زوج والعكس بردوا

2 ياترى لو جاليك شغل فى طريق سيوه الواحات او فى المملكة السعوديه تروحى ؟مع ذكر السبب

اكيد طبعا اسافر لو مفيش اعتراض من اهلى
شايفه ان الانسان بيثبت وجوده وكيانه بتحقيق ذاته فى الشغل

3 هل فكرتى فى الاستفادة من الدفعات السابقة ؟ وازاى ؟

اكيد طبعا..... كل دفعه بيبقى عندها خبرتها وتجربها عن الدفعه اللى بعدها وبجد شفت ناس كتير جدا فى دفعات سنه رابعه مسانده جدا لدفعتنا وبجد هما اللى بيشجعونا ويطمنونا

لو انا مش مضيقيك انتظرى الجزء التالت

فى انتظاره ان شاء الله

ميرا مار

10-07-2008, 10:17 PM

ماشى يا جوجو

باشكرك
بس ليه مش عايزة تستنى حد؟
ماتقاطعيش بس
مش يمكن حد يدق على قلبك
تستنيييييييييييييية عمرك كلة؟

gogo

10-07-2008, 11:09 PM

ماشى يا جوجو

باشكرك
بس ليه مش عايزة تستنى حد؟
ماتقاطعيش بس
مش يمكن حد يدق على قلبك
تستنيييييييييييييية عمرك كلة؟

مش حقاطع ان شاء الله بس يمكن ده موضوع مؤجل بالنسبالى حاليا

Rania Ismail

10-08-2008, 03:26 AM

Mimi

10-08-2008, 04:07 PM

جوجو ما شاء الله عليكي ردودك سلسة وجميلة اوي اوي

وانا والله كنت حبيتك من اول ما نزل فيديو السبعه الاوائل ومكنش ليكي مشاركات كتير

بس دلوقتي حبيتك أكتر وزاد اعجابي بيكي :$

gogo

10-09-2008, 12:56 AM

جوجو ما شاء الله عليكي ردودك سلسة وجميلة اوي اوي

وانا والله كنت حبيتك من اول ما نزل فيديو السبعه الاوائل ومكنش ليكي مشاركات كتير

بس دلوقتي حبيتك أكتر وزاد اعجابي بيكي :$

مرسى اوى يا جودى على كلامك الجميل ده والله انت عسوله وجميله خالص وعلشان انتى بجد حلوه وروحك حلوه كل الناس بالنسبالك حلوين

gogo

10-09-2008, 12:57 AM

مرسى يا حبى انتى كمان زى العسل والله ومن الناس اللى اتعرفت عليهم وحبيتهم

وانتى كمان والله يا رانيا زى العسل فعلا مش مجامله وانا حبيتك اوى والله

الشبح

10-09-2008, 04:53 PM

ممكن سؤالين صغننييييين خالص من اخوكي ميدو ؟

ايه اكتر حاجه تفرحك؟

ايه اكتر حاجه تجرحك؟

شفتي بقى انهم صغننين ازاي ؟ اصلنا ولاد دفعه واحده وانتي عارفه الدفعه بتحن برده

ميرا مار

10-09-2008, 07:22 PM

احنا بنشكرك على ضيافتك لينا
والنهاردة ارجو انك تختارى مين يستضيفنا بعدك

AYMAN GAMAL

10-09-2008, 08:31 PM

حضري نفسك يا رانيا Lover Angel مش هعتقك اسئلة

م/ احمد فاخر

10-09-2008, 08:45 PM

اعترض على بعض الردود
ممكن

gogo

10-09-2008, 11:09 PM

ممكن سؤالين صغننييييين خالص من اخوكي ميدو ؟

اوك اتفضل

ايه اكتر حاجه تفرحك؟

انى اشوف حب الناس ليا

ايه اكتر حاجه تجرحك؟

الخيانه

شفتي بقى انهم صغننين ازاي ؟ اصلنا ولاد دفعه واحده وانتي عارفه الدفعه بتحن برده

مرسى ليك يا ميدو

gogo

10-09-2008, 11:22 PM

بسم الله الرحمن الرحيم

خلاص الحمد لله انا كده براءه خلصت خلاص ومرسى ليكم كلكم يارب اكون كنت ضيفه خفيفه عليكم

وحان وقت الاختيار

3

2

1

انا حختار رانيا "lover angel"

استعدى يا رونووووووووووووووو

الشبح

10-09-2008, 11:24 PM

طيب ممكن بقى اسألك في سؤال ؟

يعني ممكن نعرف جهاد في حاله غضب او حزن بيبقى شكلها ايه ؟

وياريت بقى لو في لحظه سعاده وانبساط ؟

يلا بقى بسرعه قبل الساعه 12

AYMAN GAMAL

10-10-2008, 12:23 AM

رانياااااااااااااااااااااااااااااااا والله ووجعتي في شر اعمالك ها ها ها ها

حان وقت الحساب

http://www.almlf.com/get-10-2008-hs91d0ao.jpg (http://www.almlf.com)

عشان تاخدي راحتك

اي خدمة

بجد بقى:

اية احساسك دلوقتي و انتي على كرسي الاعتراف؟

ايه هوة اسوء موقف مر عليكي في حياتك؟

ايه احب الاسماء ليكي؟(ممكن تقولي خمسة كفاية)

ايه هيه صفات فارس احلامك؟

هل ممكن تفكري تتجوزي واحد عنده خمسين سنة و بيحبك؟ ولا واحد عنده 25 و بخيل و بيحبك؟(اختاري اجابة من الاتنين و بس بدون اضافة اي شيئ اخر)

لو قلتلك تتمني ايه اللي يتغير في المنتدى ممكن تقولي رايك بصراحة ولا هتجاملي؟طب اية رايك في المنتدى

لو في يوم صحيتي من النوم لقيتي نفسك رئيسة جامعة اسكندرية اية القرارات اللي هتتخذيها؟

لو لا قدر الله (مش هيحصل ابدا) و قريتي جملة :تم الغاء عضويتك من المنتدى نهائيا , ايه هيكون شعورك؟ مع توضيح السبب

ايه رايك في مشجعين الاهلي المتعصبين في المنتدى؟انا اهلاوي

رتبيلي الاسماء دي تصاعديا من الاقدم للاحدث في المنتدى( حسن_شيمو_اسلام ممدوح_ايمن_احمديكو_اشرف_رانيا_جودي_مها_اينجل_استاذ محمد سعد)

اللي جي اصعب انشاء الله انتظري المزيد

Mimi

10-10-2008, 01:18 AM

كنتي ضيفة زي العسل ياجوجو ياسكر انتي

وأهلآ وسهلآ بيكي ياروني قلبي معاكي والله هههههههههههههههههه

shimo

10-10-2008, 03:14 AM

رتبيلي الاسماء دي تصاعديا من الاقدم للاحدث في المنتدى( حسن_اسلام ممدوح_ايمن_احمديكو_اشرف_رانيا_جودي_مها_اينجل_استاذ محمد سعد)
وانا فين ؟؟؟؟؟؟؟؟؟
مش ليا زكرى نهائى هههههههههههههههههههههههه؟
عموما عادى جدا

AYMAN GAMAL

10-10-2008, 04:21 AM

مش ليا زكرى نهائى هههههههههههههههههههههههه؟
عموما عادى جدا

ههههههههههههههه

اسف يا شيماء

انا كان قصدي المشرفين تصاعديا اكمنها مشرفة يعني ومحبتش اصعب الموضوع اوي عليها

هحط اسمك استثنائيا علشان متزعليش احنا كدة بنصعبها عليها

احسن هههههههههههههههه

Hassan Mohamed

10-10-2008, 04:24 AM

انا كسلان اسئل مش عارف ليه

والنبي يارانيا واحد شاي بحليم عشان اركز واعرف اسئل

Mimi

10-10-2008, 06:19 AM

hehehehehe

gogo

10-10-2008, 04:01 PM

ايه يا رانيا انا مش عايزه اسئل غير لما تخلصى كل اللى فوق ده ربنا يقويكى هههههههههههه

ميرا مار

10-10-2008, 08:51 PM

اهلا اهلا اهلا
يادى النور يا دى النور

ماتقلقيش ..احنا هنريحوكى ..

اسامه البنا

10-10-2008, 10:14 PM

ربنا معاكي يا رانيا
ذنب ناس بتخلاصه ناس

tiger

10-11-2008, 01:28 AM

أنا زى العاده مش حسأل زيك زى جوجو ومفيش تحيز وشكلك والله أعلم كله مجهزلك أسئله ربنا معاكى0

Wild_Angel

10-11-2008, 10:16 AM

السلام عليكم ورحمة الله وبركاته

زميلتى العزيزه رانيا
اتفاجأت لما لقيتك هنا..كلنا لها

حسألك شوية اسئله بسيطه عشان الناس هنا ناوينلك على اسئله جامده:

-ماذا تعلمتى من الحياه؟ وماذا تمثل الحياه لكى؟

-هل تشعرين ان الاسئله هنا تكشف شخصية الانسان ام انها تكشف الحقيقه التى يريد ان يعلمها الاخرين عنه؟؟ الاجابه بدوووون دبلوماسيه

-ما هو العلم الذى تستمتعى بدراسته؟

-العقل يخطئ احيانا...ما مدى صحة هذه العباره؟

-اذا تركنا لكى حرية وضع قوانين للاسئله التى تطرح فى (فى ضيافة ....فلان) ما الاشياء التى ستقومين بالغائها، وما الاشياء التى ستقومين باضافتها؟

-ما الرحله التى سوف تستمتعى بها اكثر قراءة كتاب يطوف العالم او الذهاب لبلد معين؟؟؟

وكفايه كده عليكى يا رانيا خلى الباقى للناس بقى
وضيفه زى العسل منوره المضيفه هنا:)

Hassan Mohamed

10-11-2008, 01:06 PM

هيا فين رانيا يا جماعة حد يبلغها انها هيا اللي علي الكرسي

shimo

10-11-2008, 02:05 PM

ههههههههههههههههههههههه حد يديها خبر
الا ممكن ال 5 ايام يخلصوا وهى مش تعرف انها على الكرسى
هو فى ماتش للاهلى ولا حاجه ؟
يمكن تكون فالتدريب

AYMAN GAMAL

10-11-2008, 02:24 PM

رانيا بتهرب من الاستجواب يا جماعة

ههههههههههههههههههههههه

Mimi

10-11-2008, 02:54 PM

لازم يبقى في عقوبة هههههههههههههه

shimo

10-11-2008, 03:00 PM

:eek: جودى ؟!!!!!!!!!!!
انتى صحيتى امته ؟؟؟؟؟؟ :eek::eek:

العقوبه ان الكرسى المريح اللى ايمن جابو لرانيا اول امبارح
تتحرم منه هى ونجيب الكرسى بتاع استاذ محمد اللى كان جابو لمها
فاكراه
كان فعلا مريييييييييح
بس هى تستاهل رانيا جابتوا لنفسها :mad:

Mimi

10-11-2008, 03:19 PM

ايه يابت ياشيمو اتي شفتي عفريت ؟ :eek:

بصي ازيك الاول عامله ايه محدش بيشوفك من 17 ساعة ليه وحشاني موت والله

وكل سنة وانتي طيبة بمناسبة العيد و6 أكتوبر ورمضان كريم

وبهديلك أغنية بابا فين وبهدي لماما أغنية ست الحبايب وبهدي لكعبول توتي الأرنقوطي

شكرآ لكم

وتستمر الدردشة لحين عودة المتهمة ، والله احنا سجن ديموقراطي بنسيب المتهمين يتفسحو براحتهم

shimo

10-11-2008, 03:40 PM

:eek: ياحول الله
بس هى كدا بانت
يبقئ منمتيش اصلا
ومين توتى الارنقوطى دا ؟
حسن هههههههههههههههههههههههههههه
المهم انتى اللى وحشانى موت وانتى طيبه يا طنط
بس العيد وكنا مع بعض ورمضان وولى
:rolleyes::rolleyes: مش مرتحالك النهاردة انا :rolleyes:

Mimi

10-11-2008, 05:33 PM

دي مهزلة

لا يمكن أسكت على الكلام دا

أرجوكي متحاوليش تداري عن الأخطاء

سوف نشعل الحرب

ونلتهم كل الغنائم ونقتل القائد وننسف جيوشكم

ونعسر على المتهمة المتنكرة في ثياب هولاكو

ولن يردعنا أي سلاح ولا مسدسات مية ولا صواريخ عيد تهمنا

Rania Ismail

10-11-2008, 07:54 PM

رانياااااااااااااااااااااااااااااااا والله ووجعتي في شر اعمالك ها ها ها ها
كل واحد ليه يوم وربنا على الظالم يا مون
حان وقت الحساب

http://www.almlf.com/get-10-2008-hs91d0ao.jpg (http://server17.kproxy.com/servlet/redirect.srv/sruj/sovxxn/slmn/p1/)

عشان تاخدي راحتك

اي خدمة

بجد بقى:

اية احساسك دلوقتي و انتي على كرسي الاعتراف؟
انا اولا مكنتش اعرف خالص انه انا اللى عليا الدور واتصدمت فى الكليه لما جوجو قالتلى انها اختارتنى
ايه هوة اسوء موقف مر عليكي في حياتك؟
يوم وفاة مامتى
ايه احب الاسماء ليكي؟(ممكن تقولي خمسة كفاية)
محمد ومديحة وروان وعلى واحمد
ايه هيه صفات فارس احلامك؟
فارس احلامى امممممممم اولا انه يكون بيحبنى ثانيا راجل جدا ويتحمل المسؤليه ونكون بنتشارك اراءنا مش سى السيد ويكون على خلق ويراعى ربنا فيا ويكون متدين انا بالنسبه للشكل فانا بالنسبالى الجمال جمال الروح
هل ممكن تفكري تتجوزي واحد عنده خمسين سنة و بيحبك؟ ولا واحد عنده 25 و بخيل و بيحبك؟(اختاري اجابة من الاتنين و بس بدون اضافة اي شيئ اخر)
ايه السؤال الغريب ده لا طبعا افضل اكون عانس احسن
لو قلتلك تتمني ايه اللي يتغير في المنتدى ممكن تقولي رايك بصراحة ولا هتجاملي؟طب اية رايك في المنتدى
اولا يا مون انا اول مره ادخل منتدى كان المنتدى بتاعنا ده ثانيا المنتدى فى الاول مكنش فى حد غيرنا دلوقتى فى ناس كتيرا دخلو فيه وبقى لذيذ وكله بيخاف على بعض وبنحب بعض زى الاخوات فايه اللى ناقص المنتدى مش عارفه لانى ده اول منتدى ليا مقدرش افيدك
لو في يوم صحيتي من النوم لقيتي نفسك رئيسة جامعة اسكندرية اية القرارات اللي هتتخذيها؟
اولا مفيش محاضرات بدرى
ثانيا مفيش حد يسقط
ثالثا محدش يطلع بمواد (زى طبعا وخاصه الاقتصاديه )
رابعا اهم حاجه الرحلات
خامسا اللى صحابى عاوزينه حعملو
سادسا مفيش مصاريف غاليه
سابعا مفيش كتب غاليه
ثامنا الطلبه يختارو مشروع التخرج اللى حيروحوه المكان اللى هما عاوزينه
تاسعا حرفدك علشان الاسئله اللى انت حاطتهالى
لو لا قدر الله (مش هيحصل ابدا) و قريتي جملة :تم الغاء عضويتك من المنتدى نهائيا , ايه هيكون شعورك؟ مع توضيح السبب
يا خرابى لا لا متقولش كده
حزعل طبعا طبعا بعض النظر عن انى حستريح منك طبعا
حزعل بجد وده علشان انا ربنا يعلم انا بعز كل اللى موجودين فى المنتدى اتعودت كل يوم ادخل اكتب تعليق على المواضيع واغلس على الزملكاويه وبنعرف اخبار بعض كاننا فى بيت واحد
فى حد يبقى فى بيت كل الناس بتحب بعض ولما يطردوه منه ميزعلش ده يبقى معندوش دم
ايه رايك في مشجعين الاهلي المتعصبين في المنتدى؟انا اهلاوي
مالهم زى الفل ما انا منهم يا مووون
رتبيلي الاسماء دي تصاعديا من الاقدم للاحدث في المنتدى( حسن_شيمو_اسلام ممدوح_ايمن_احمديكو_اشرف_رانيا_جودي_مها_اينجل_استاذ محمد سعد)
ازاى يعنى تصاعديا من حيث ايه
اولا استاذنا واخويا الكبير الاستاذ محمد سعد
ايا كان اى ترتيب استاذ محمد فى المقدمه بس تبقى وضحلى من حيث ايه
اللي جي اصعب انشاء الله انتظري المزيد
منك لله يا مون

Rania Ismail

10-11-2008, 07:55 PM

Rania Ismail

10-11-2008, 07:58 PM

Rania Ismail

10-11-2008, 07:59 PM

انا كسلان اسئل مش عارف ليه

والنبي يارانيا واحد شاي بحليم عشان اركز واعرف اسئل

كعبوووووووووووووووول الزم الصمت شويه انت قاعد على القهوه هنا

Rania Ismail

10-11-2008, 08:00 PM

ايه يا رانيا انا مش عايزه اسئل غير لما تخلصى كل اللى فوق ده ربنا يقويكى هههههههههههه

لا والله حنينه وقلبك كبير يا جوجو ما انتى اللى دبستينى التدبيسه ديه

Rania Ismail

10-11-2008, 08:01 PM

اهلا اهلا اهلا
يادى النور يا دى النور

ماتقلقيش ..احنا هنريحوكى ..

اكتر من كده راحه

Rania Ismail

10-11-2008, 08:02 PM

ربنا معاكي يا رانيا
ذنب ناس بتخلاصه ناس

هو انا بعمل حاجه فى حد طب حتى انا غلبانه حتى اسال اى حد وهو يقولك

Rania Ismail

10-11-2008, 08:04 PM

أنا زى العاده مش حسأل زيك زى جوجو ومفيش تحيز وشكلك والله أعلم كله مجهزلك أسئله ربنا معاكى0

شايف اللى بيحصلى يا اشرف يرضيك كده
يا خويا المنتدى كله ما صدق ان انا ابقى على الكرسى كانى قتلتلهم حد يعرفوه او فى تار قديم بينا
يلا ربنا يسامحهم
وداين تدان كل واحد ليه يوم

Rania Ismail

10-11-2008, 08:13 PM

السلام عليكم ورحمة الله وبركاته

وعليكم السلام ورحة الله وبركاته
زميلتى العزيزه رانيا
اتفاجأت لما لقيتك هنا..كلنا لها

والله ياختى وانا زيك
حسألك شوية اسئله بسيطه عشان الناس هنا ناوينلك على اسئله جامده:

انا عارفه اسالتك البسيطه حتكون عامله ازاى بس اسالى
-ماذا تعلمتى من الحياه؟ وماذا تمثل الحياه لكى؟

الحياه فانيه واحنا ضيوف فيها ولازم حنرحل فى يوم من الايام
الحياة بتمثلى امممممممم الحزن
-هل تشعرين ان الاسئله هنا تكشف شخصية الانسان ام انها تكشف الحقيقه التى يريد ان يعلمها الاخرين عنه؟؟ الاجابه بدوووون دبلوماسيه

يعنى ايه دبلوماسيه وضحى كلامك هههه اكيد بهزر
الاسئله ديه بتكشف الحقيقه التى يريدها الاخرين لان كل انسان عارف هو ايه
-ما هو العلم الذى تستمتعى بدراسته؟

بحب المساحه وخاصه السكاشن التدريب العملى جدا
-العقل يخطئ احيانا...ما مدى صحة هذه العباره؟

مش كل الللى الانسان بيفكر فيه صح
مهو ممكن يكون متعصب او مضايق من حد ولما يفكر بعقله يخطئ فى التفكير
-اذا تركنا لكى حرية وضع قوانين للاسئله التى تطرح فى (فى ضيافة ....فلان) ما الاشياء التى ستقومين بالغائها، وما الاشياء التى ستقومين باضافتها؟

اللى حقوم بحذفها انك متساليش تانى يا حبى
وايه اللى اضيفه كل الاسئله السهله والعامه وبلاش اسئله محرجه وخاصه
-ما الرحله التى سوف تستمتعى بها اكثر قراءة كتاب يطوف العالم او الذهاب لبلد معين؟؟؟

انا مش بحب القرايه نهائى كويس انى بزاكر اللى عليا
بس لو حقرى يبقى الف ليله وليله
وكفايه كده عليكى يا رانيا خلى الباقى للناس بقى

كتر خيرك والله
وضيفه زى العسل منوره المضيفه هنا:)

ده انتى اللى عسل والله يا حبى

Rania Ismail

10-11-2008, 08:14 PM

هيا فين رانيا يا جماعة حد يبلغها انها هيا اللي علي الكرسي

خلاص متزعقش صوتك عالى
مبسوط اهو جيت اهو

Rania Ismail

10-11-2008, 08:15 PM

ههههههههههههههههههههههه حد يديها خبر
الا ممكن ال 5 ايام يخلصوا وهى مش تعرف انها على الكرسى
هو فى ماتش للاهلى ولا حاجه ؟
يمكن تكون فالتدريب

وانا حروح التدريب اعمل ايه حبقى بدل العارضه
انا موجوده يا شيمو متقلقيش

Rania Ismail

10-11-2008, 08:18 PM

رانيا بتهرب من الاستجواب يا جماعة

ههههههههههههههههههههههه

جى تهدى النفوس حضرتك
يا ريت تخليك فى حالك
وبكره يجى عليك يوم يا ظالم تبقى فى مكانى

Rania Ismail

10-11-2008, 08:19 PM

لازم يبقى في عقوبة هههههههههههههه

حتى انتى با جودى وانا اللى كنت فكراكى طيبه

Rania Ismail

10-11-2008, 08:21 PM

AYMAN GAMAL

10-11-2008, 08:32 PM

عدنا اليكي مرة اخرى ونشكرك على اجاباتك السابقة ونسال رانيا تاني في حوارنا معاها:

1-كلمة "حبيبي" تحبي تسمعيها في اغنية لمين؟عمرو دياب ولا هيفاء وهبي ,ولماذا؟
2-لوسالتك عن طموحاتك في المستقبل تحبي مين يشاركك فيها؟
3-ايه هوة انطباعك عن ايمن-حسن-اشرف-رشوان-اسلام-احمديكو_ومن البنات جودي-مها-شيماء-سارة-اينجل
4-لو قلتلك انك ممكن تغيري اسمك في شهادة الميلاد بتاعتك هتختاري يكون اسمك اية؟
5-ايه هوة الموقف اللي عمرك ما هتنسيه في حياتك(موقف حلو مش لازم وحش)
6-تقدري تتخيلي اليوم اللي هتتخرجي فيه وهتودعي زملاتك,تقدري توصفيه؟ومين اخر حد هتسلمي عليه؟
7-عرفتي من صحباتك انك بالنسبالهم طيبة و على نياتك و الفلوس مش مهمه في نظرك؟هل ممكن تسدقي الكلام دة ولا تكدبيه؟
8-نصيحة تحبي توجهيها ليه شخصيا؟
9-حياة نفسك تعيشي فيها او عيشاها؟
10-الترتيب من حيث الاقدم للاحدث في الاشتراك في المنتدى( حسن_شيمو_اسلام ممدوح_ايمن_احمديكو_اشرف_رانيا_جودي_مها_اينجل_استاذ محمد سعد)

م/ احمد فاخر

10-11-2008, 09:23 PM

ممكن اعرف هى رانيا ما بتردش على الاسئله ليه
انا عايز اسال
بس صعبانة عليا

Rania Ismail

10-11-2008, 09:25 PM

عدنا اليكي مرة اخرى ونشكرك على اجاباتك السابقة ونسال رانيا تاني في حوارنا معاها:

انت مش بتزهق يا مون
مكنتش اعرف انك كده
1-كلمة "حبيبي" تحبي تسمعيها في اغنية لمين؟عمرو دياب ولا هيفاء وهبي ,ولماذا؟

انا مش بحب الاتنين بس ممكن اسمعها من عمرو ارحم من هيفا
2-لوسالتك عن طموحاتك في المستقبل تحبي مين يشاركك فيها؟

اهلى وصحابى وزوج المستقبل
3-ايه هوة انطباعك عن ايمن-حسن-اشرف-رشوان-اسلام-احمديكو_ومن البنات جودي-مها-شيماء-سارة-اينجل

ايمن
خنقتنى
حسن
انطوائى
اشرف
طيب
رشوان
صديقى الصدوق
اسلام
اخويا
احمديكو
عدوى اللذيذ
جودى
عسوله
مها
عاقله
شيماء
مشكله
ساره
مجتهده
انجل
خجوله
4-لو قلتلك انك ممكن تغيري اسمك في شهادة الميلاد بتاعتك هتختاري يكون اسمك اية؟

هو حد اشتكالك وقالك انى عاوزه اغيره
ميتهياليش انى ممكن اغيره
انا بحب اسمى كفايه ان اخويا اللى سمانى
5-ايه هوة الموقف اللي عمرك ما هتنسيه في حياتك(موقف حلو مش لازم وحش)

فى موقف عمرى عمرى ما حنساه فى حياتى
كان يوم ليله امتحان العمليه ومكنتش زاكرة لسه انا واسراء ومكنش معانا حلول المسائل اللى حتتحل فى الاسكتش ومكوناش فاهمين حاجه خالص فى الماده
ولحد الساعه 6 يوم الامتحان بندور فى الشارع بنلف على صحابنا علشان ناخد على الاقل حل الاسئله
واسراء روحت معايا بعد ما جبنا حل الاسئله
مش نروح ونلم نفسينا ونعمل اى حاجه
لا روحنا اتغدينا ولكينا شويه وروحت
وخليت اخويا ينقلى الاسكتش وانا قريت المنهج وربنا سترها فى الامتحان الحمد لله
ونجحت بتفوق وجبت مقبول
6-تقدري تتخيلي اليوم اللي هتتخرجي فيه وهتودعي زملاتك,تقدري توصفيه؟ومين اخر حد هتسلمي عليه؟

بس يا بنى انت غاوى نكد
انا فعلا فكرت فى اليوم ده وكل ما افتكره اقعد اعيط
اخر حد حسلم عليه هى اسراء ونشوى ورشوان واشرف
7-عرفتي من صحباتك انك بالنسبالهم طيبة و على نياتك و الفلوس مش مهمه في نظرك؟هل ممكن تسدقي الكلام دة ولا تكدبيه؟

هى فى حاجه واحد بس مش حصدقهم فيها على نياتى
زمانك بتقول هى سابت طيبه ليه
حقولك
انا طيبه جدا مع الناس اللى بحبهم
بس انا بتعامل معاكم وانتو فاكرنى شريره انا كده بغلس عليكو مش اكتر
8-نصيحة تحبي توجهيها ليه شخصيا؟

داين تدان
اسال برحتك
9-حياة نفسك تعيشي فيها او عيشاها؟

انا الحمد لله على اللى انا فيه بس كان نفسى ان مامتى كانت تفضل معايا
بس الحمد لله على كل شئ
10-الترتيب من حيث الاقدم للاحدث في الاشتراك في المنتدى( حسن_شيمو_اسلام ممدوح_ايمن_احمديكو_اشرف_رانيا_جودي_مها_اينجل_استاذ محمد سعد)

من حيث الاقدم للاحدث
استاذنا محمد سعد
حسن
احمديكو
اشرف
ايمن
مها
جودى
شيمو
انجل
رانيا

مرسى يا مون على الطحن اللى انت بتعملو فيا
وليك يوم

Hassan Mohamed

10-11-2008, 09:29 PM

رانيا بطلي كسل وجاوبي بقا

Hassan Mohamed

10-11-2008, 09:29 PM

انا انطوائي يا رانيا ليه لييييييييييييييييه

Künstler

10-11-2008, 09:33 PM

معلش يا روني ماتزعليش مني انا عارفة ان الموقف صعب بس هنقول ايه هي الدنيا كده
جوبي على مهلك وحده وحده وخلي بالك
ده اختبار وانا عارفة انك بتحبي الامتحانات اوي نبدأ بسم الله

تخيل..أنت في غابة مظلمة و كثيفة ...خلال سيرك المنهك بها إذا بكوخ قديم1- ما حالة باب الكوخ ؟
مقفل
مفتوح
(اختياري)

عندما تدخل الكوخ سترى طاولة
2- كيف شكل الطاولة ؟
دائري
بيضاوي
مربع
مستطيل
مثلث
(اختياري)

على الطاولة هناك فازه ( إناء زهور ) بداخله ماء
3- ما مقدار الماء المعبأ داخله ؟
ممتلئ
إلى النصف
فارغ
(اختياري)

4-من ماذا كانت الفازه مصنوعة؟
الزجاج
البورسلين
الفخار
المعدن
البلاستيك
الخشب
(اختياري)

عندما تخرج من الكوخ ...ستستمر في سيرك عبر الغابة الموحشة ...
حتى تقودك قدماك إلى.... شلال !
5- ما مقدار سرعة المياه في الشلال ؟
اختار من صفر إلى 10
(اختياري)

بعد أن تجتاز الشلال ..تدوس على شيء قاس على الأرض ..تنظر إليه لترى شيء يلمع !!
تنحني لالتقاطه ..فإذا به ... علاقة مفاتيح !!!
6- كم مفتاحا معلقا بها ؟
اختار من صفر إلى 10
(اختياري)

تعاود سيرك متخبط محاول العثور على مخرج ..فتدلك قدماك إلى قصر يبزغ فجأة بين الأحراش !!!
7- ما حالة القصر ؟
قديم
جديد
(اختياري)

تدخل القصر لترى بوسطه بركة ماء ضحلة ..و إذا بجواهر لامعة تطفو على هذه المياه
8- هل ستلتقط الجواهر ؟
نعم
لا
(اختياري)

إلى جانب هذه البركة هناك بركة أخرى ...لكن مائها صافي و عذب ..و إذا بأوراق مالية تطفو على الماء ..
9- هل ستلتقط المال ؟
نعم
لا
(اختياري)

ستسير حتى نهاية القصر العظيم ..حتى تجد المخرج ..تخرج منه .. و إذا بحديقة غناء ..تلمح صندوقا على ارض الحديقة
10- ما حجم الصندوق ؟
صغير
متوسط
كبير
(اختياري)

11-هل كان الصندوق مصنوعا من :
ورق مقوى
ورق
خشب
معدن
(اختياري)

هناك جسر في طرف الحديقة ...بعيداً عن الصندوق
12- هل كان الجسر مصنوعا من :
معدن
خشب
خيزران
(اختياري)

في المقابل من الجسر .. هناك حصان !!
13- ما لون الحصان ؟
ابيض
رمادي
بني
اسود
(اختياري)

14- ماذا يفعل الحصان ؟
هادئ و ثابت
يـأكل من العشب
يركض في الأنحاء
(اختياري)

إعصار يقترب من على بعد ..
15- لديك ثلاثة خيارات :
الركض و الاختباء في الصندوق
الركض و الاختباء تحت الجسر
الركض إلى الحصان لتمطيه و تهرب به بعيدا
(اختياري)

منقول

Hassan Mohamed

10-11-2008, 09:36 PM

من حيث الاقدم للاحدث
استاذنا محمد سعد
حسن
احمديكو
اشرف
ايمن
مها
جودى
شيمو
انجل
رانيا

مرسى يا مون على الطحن اللى انت بتعملو فيا
وليك يوم

انا العضو رقم 4 في المنتدي قبل الاستاذ محمد وانا اول واحد حاطط موضوع وهو بتاع اهلا وسهلا بالجميع في قسم الترحيب بالاعضاء الجدد:(:(

Rania Ismail

10-11-2008, 09:42 PM

ممكن اعرف هى رانيا ما بتردش على الاسئله ليه
انا عايز اسال
بس صعبانة عليا

اسال وخد راحتك
هى جت عليك

Rania Ismail

10-11-2008, 09:44 PM

انا انطوائي يا رانيا ليه لييييييييييييييييه

حبقى اقولك بعدين

Rania Ismail

10-11-2008, 09:46 PM

انا العضو رقم 4 في المنتدي قبل الاستاذ محمد وانا اول واحد حاطط موضوع وهو بتاع اهلا وسهلا بالجميع في قسم الترحيب بالاعضاء الجدد:(:(

يا حسونه انا مش عارفه الترتيب لانى اخر واحده ادخل من الاسماء المكتوبه
وبعدين هى جت معايا كده بقى
متزعلش نفسك
وتبقى تكتب انت الاسماء وترتيبها الصح

Rania Ismail

10-11-2008, 09:56 PM

معلش يا روني ماتزعليش مني انا عارفة ان الموقف صعب بس هنقول ايه هي الدنيا كده

جوبي على مهلك وحده وحده وخلي بالك
ده اختبار وانا عارفة انك بتحبي الامتحانات اوي نبدأ بسم الله
ده مين اللى ضحك عليكى وقالك كده
انا بكره الامتحانات
يا بنتى انا طالعه بماده
يبقى ازاى بحب الامتحانات

تخيل..أنت في غابة مظلمة و كثيفة ...خلال سيرك المنهك بها إذا بكوخ قديم1- ما حالة باب الكوخ ؟
مقفل
مفتوح
(اختياري)

مفتوح

عندما تدخل الكوخ سترى طاولة
2- كيف شكل الطاولة ؟
دائري
بيضاوي
مربع
مستطيل
مثلث
(اختياري)

بيضاويه

على الطاولة هناك فازه ( إناء زهور ) بداخله ماء
3- ما مقدار الماء المعبأ داخله ؟
ممتلئ
إلى النصف
فارغ
(اختياري)

فارغ

4-من ماذا كانت الفازه مصنوعة؟
الزجاج
البورسلين
الفخار
المعدن
البلاستيك
الخشب
(اختياري)

الزجاج

عندما تخرج من الكوخ ...ستستمر في سيرك عبر الغابة الموحشة ...
حتى تقودك قدماك إلى.... شلال !
5- ما مقدار سرعة المياه في الشلال ؟
اختار من صفر إلى 10
(اختياري)

1

بعد أن تجتاز الشلال ..تدوس على شيء قاس على الأرض ..تنظر إليه لترى شيء يلمع !!
تنحني لالتقاطه ..فإذا به ... علاقة مفاتيح !!!
6- كم مفتاحا معلقا بها ؟
اختار من صفر إلى 10
(اختياري)

2

تعاود سيرك متخبط محاول العثور على مخرج ..فتدلك قدماك إلى قصر يبزغ فجأة بين الأحراش !!!
7- ما حالة القصر ؟
قديم
جديد
(اختياري)

جديد

تدخل القصر لترى بوسطه بركة ماء ضحلة ..و إذا بجواهر لامعة تطفو على هذه المياه
8- هل ستلتقط الجواهر ؟
نعم
لا
(اختياري)

نعم فى حد يرفض النعمه

إلى جانب هذه البركة هناك بركة أخرى ...لكن مائها صافي و عذب ..و إذا بأوراق مالية تطفو على الماء ..
9- هل ستلتقط المال ؟
نعم
لا
(اختياري)

لا زمانو اتبل

ستسير حتى نهاية القصر العظيم ..حتى تجد المخرج ..تخرج منه .. و إذا بحديقة غناء ..تلمح صندوقا على ارض الحديقة
10- ما حجم الصندوق ؟
صغير
متوسط
كبير
(اختياري)

متوسط

11-هل كان الصندوق مصنوعا من :
ورق مقوى
ورق
خشب
معدن
(اختياري)

خشب

هناك جسر في طرف الحديقة ...بعيداً عن الصندوق
12- هل كان الجسر مصنوعا من :
معدن
خشب
خيزران
(اختياري)

خشب

في المقابل من الجسر .. هناك حصان !!
13- ما لون الحصان ؟
ابيض
رمادي
بني
اسود
(اختياري)

ابيض

14- ماذا يفعل الحصان ؟
هادئ و ثابت
يـأكل من العشب
يركض في الأنحاء
(اختياري)

هادئ وثابت

إعصار يقترب من على بعد ..
15- لديك ثلاثة خيارات :
الركض و الاختباء في الصندوق
الركض و الاختباء تحت الجسر
الركض إلى الحصان لتمطيه و تهرب به بعيدا
(اختياري)

الركض الى الحصان امطديه واهرب بعيدا

منقول

اسئله جميله جدا
انا بحب الاسئله ديه

gogo

10-11-2008, 10:04 PM

بجد بجد مش عارفه اقولك ايه يا جوجو
ربنا يسامحك على اللى انتى عملتيه ده
واحب اقولكم يا رب اكون ضيفه خفيفه عليكو
وارحمونى يرحمكم ربنا
وانا بعتذر عن تاخيرى على الردود لانى بجد مكنتش عارفه انى انا اللى على الكرسى
وهيا بنا نبدا

متقلقيش الكرسى لذيذ اوى وكل اللى بيسألو اسئلتهم حلوه وانا متخفيش زى ما قولتلك الصبح على حوار الفيتو ربنا معاكى ان شاء الله متخفيش

Hassan Mohamed

10-11-2008, 10:05 PM

لو كده ماشي مفيش مشاكل بس جاوبي علي السؤال انا ليه انطوائييييي

sarah

10-11-2008, 10:07 PM

منورة يا رانيا والله.
حسئل خفيف خفيف , اوكى .

اولا انتى عاملة ايه فى الطحن ده ؟

بتحبى انهى اكتر , رز ولا مكرونة ؟

نفسك يتعملك عيد ميلاد كبير فى حته مشهورة ولا بتفضلى البيت ؟ بما ان عيد ميلادك قرب كل سنة وانتى طيبة .

هل حلمتى مرة يكون عندك جزيرة بتاعتك ولو عندك تحبى مين معاكى فيها , اختارى واحد \ة بس.

انهى لون تحبيه فى العربيات ؟

ايه اكتر شى مجنون ونفسك تعمليه ؟

مين اكتر شعب بتحترميه , وفاضلنا كام سنة عشان نبقى زيه ؟

اكيد كل واحد نفسه ينجح , بس تفضلى انهو نجاح , نجاح الكلية , ولا, العمل , ولا, الحياه الاسرية ؟ اختارى واحده وليه كمان ؟

يلا يا حلوووة ردى

Hassan Mohamed

10-11-2008, 10:12 PM

ههههههههههههههههههه هجووووووووووووم

Rania Ismail

10-11-2008, 10:16 PM

لو كده ماشي مفيش مشاكل بس جاوبي علي السؤال انا ليه انطوائييييي

متزعقش يا كعبووووووووووووووول
بص يا صديقى انت اطوائى
يعنى مش بتتكلم كتير و الكلام قليل وبتحصر نفسك بين صحابك بس
مبتفكرش انك تتكلم وتتعامل مع ناس جديده
يعنى مش عارفه
انت زعلت ولا ايه يا ابو على
لا يا عم لو كلامى حيزعلك حقك عليا
لا عاش ولا كان اللى يزعلك
وممكن علشان انا معرفكش كويس او متعاملتش معاك كتير شايفه كده

Hassan Mohamed

10-11-2008, 10:19 PM

انا يا رانيا مش بعرف ناس جديدة ؟؟؟؟؟؟؟؟؟؟؟؟؟ امال انتي اييييه ايييييييييييييييييييييه انا لسه مكلمك السنة

emu

10-11-2008, 10:20 PM

والله يا روني انا مش هتقل عليكي واسألك بس انا حبيت اقولك اني والله العظيم بحبك جدا جدا مع اني متكلمتش معاكي كتير
بس والله انا مبسوطه اني اتعرفت عليكي لانك بجد بنوته جميله وعسوله وشقيه وكل الصفات الجميله موجوده فيكي..
بس خلاص انا مش هطول عليكي ربنا يعينك بقي علي حرب الاسئله دي...
ربنا معاكي يا قمر

Rania Ismail

10-11-2008, 10:24 PM

منورة يا رانيا والله.
حسئل خفيف خفيف , اوكى .

مش عارفه ليه مش مصدقه بؤك
اولا انتى عاملة ايه فى الطحن ده ؟

زى مانتى شايفه مبهدلنى على الاخر
بتحبى انهى اكتر , رز ولا مكرونة ؟

انا مش بحب الاتنين
نفسك يتعملك عيد ميلاد كبير فى حته مشهورة ولا بتفضلى البيت ؟ بما ان عيد ميلادك قرب كل سنة وانتى طيبة .

انا كل مره بعملو يا اما فى البيت يا اما فى الكليه
عاوزه حاجه تغيير
عاوزه فى مكان مشهور على سبيل التغيير
هل حلمتى مرة يكون عندك جزيرة بتاعتك ولو عندك تحبى مين معاكى فيها , اختارى واحد \ة بس.

انا عاوزه ناس كتير يكونو معايا
بس لو حكمت الظروف انى اختار
ححختار روان اختى الصغننه
انهى لون تحبيه فى العربيات ؟

الاسودوالازرق بكل درجاته
ايه اكتر شى مجنون ونفسك تعمليه ؟

عاوزه اروح اقعد على البحر لوحدى وافضل قاعده لحد شروق الشمس
مين اكتر شعب بتحترميه , وفاضلنا كام سنة عشان نبقى زيه ؟

ههههههههههههههههههه بحترم الصين
اووووووووووووووووووووووووووووووووه متعديش كتير قوى
اكيد كل واحد نفسه ينجح , بس تفضلى انهو نجاح , نجاح الكلية , ولا, العمل , ولا, الحياه الاسرية ؟ اختارى واحده وليه كمان ؟

يلا يا حلوووة ردى

الحياة الاسريه

رديت يا حبى
وشكرا على الاسئله كانت حلوه وخفيفه شكرا ليكى