المساعد الشخصي الرقمي

مشاهدة النسخة كاملة : ايهما اصعب ؟الفراق ام الخيانة ام الجرح..؟



shimo
09-20-2008, 01:14 AM
السلام عليكم ورحمة الله وبركاتة ..


ايهما اصعب ؟الفراق ام الخيانة ام الجرح..؟


ماذا تفعل عندما يبتعد عنك اعز الناس


عندما يبتعد عنك اعز الناس ويتركك تائها وحيدا ليس لك طريق تسلكه..

عندما تبحث عن شخص واحد يفهمك وتفهمه ولا تجد
في هذا الزمان من يمد لك يد العون..

عندما تجدالجميع بعيدين عنك حتى الشخص الذي صادقته وتقبلته..

عندما تصادق وتعز شخص ما....وتصدم في صداقتك له...

عندما يواجهك مأاازق او مشكله ما..فلا تجد اعز الناس الى جانبك

عندما تفقد الامل في الجميع..

عندما تجد نفسك وحيدا وانت في اشد الحاجه لمن يساندك فماذا تفعل ..؟؟

شعور قد يكون مره به الجميع

و تعيش بدون ان تشعر بطعم الحياه

لاادري ايهما اصعب ؟

فقدان العزيز او خيانته او جرحه!!


الفراق اصعب الاشياء عندما تنحرم من شخص اصبح كل شىء

في حياتك اصبحت روحه ساكنة بداخلك ودمه اصبح يجري في عروقك ..
عايزة الردود بمنتهى الصراااااحة لانى عايزة اعرف بجد ايه اصعب حاجه فالتلاته
مستنيه مشاركتكم

Hassan Mohamed
09-20-2008, 01:16 AM
انا هقول جملة قالها مصطفي شعبان

مفيش حد بينجرح قوي غير لما يحب قوي

موضوع جميل بس هيقلب المواجع علي ناس كتيرة

Hassan Mohamed
09-20-2008, 01:21 AM
وبالنسبة للصعوبة فال3 ميتفرقوش عن بعض بس انا ممكن ادرجهوملك

1 الخيانة
2 الجرح
3 الفراق

Wild_Angel
09-20-2008, 01:22 AM
الفراق اصعب شئ لان بيكون فى دايما امل ان الموضوع يرجع من تانى

اما بالنسبالى الخيانه او الجرح اهون بكتييييييييييييييييير
لان بمجرد ان اى انسان يخدع فده اكيد انتهى من حياتى لان اكتر شئ بكرهه هو الكذب

ولكن تبقى جمله مازالت ترن فى اذنى وهى لكى تتعلم يجب ان تتالم

shimo
09-20-2008, 01:30 AM
هو دا اللى انا عيزاه الاختلاف فالراى عشان اوصل فعلا لدرجه الصعوبه الحقيقيه لكل واحدة فيهم
فعلا ياويلد كلامك صح الكذب اكتر حاجه بكرهها فحياتى او بمعنى تانى النفاق لان الكذب نوع من انواع النفاق
بس سعات الفراق بيكون اهون من الجرح ولا ايه ؟؟؟؟؟؟؟؟؟

Hassan Mohamed
09-20-2008, 01:34 AM
لا انا بختلف معاكم الجرح بيكون اهون بكتير لانه بيسيب علامة سيئة انما الفراق بيكون صعب في لحظته لكنه بيسيب علامة طبيعة في الاخر

onon
09-20-2008, 01:57 AM
انا موفقه علي ترتيب الخيانه والجرح والفراق بس عايزه اقول ان الخيانه صعبه جدا جداا اكتر من الفراق والجرح لان الفراق ممكن يتعوض بحجات كتير لاننا عيشين في دنيا كبيره اكيد حنقابل ناس تعوضنا ويكونوا قريبين منا كمان والجرح مع الايام بيتنسي اينعم هو بيترك اثر بس هو درس بناخد منه عبره عشان ميتكررش اما اخيانه فلا تعليق لانها صعبه جدا وممكن هي نفسها تكون سبب في الفراق والجرح

Hassan Mohamed
09-20-2008, 02:02 AM
كلام جميل يا اونو

وياريت حضرتك تعرفينا بنفسك في قسم الاعضاء الجدد

Mimi
09-20-2008, 02:07 AM
ياعم حسن اللي قال الجملة دي منى ذكي مش شعبان

shimo
09-20-2008, 02:08 AM
اونو هتعرفنا بنفسها بس بكرة
اما ردها فبجد عجبنى اوى اوى وهو منطقى جدا
بس برضو عايزة اسمع راى ناس تانيه كمان زى مثلا ايمن اشرف جودى مها وكدا يعنى يلا مستنياكم

Mimi
09-20-2008, 02:10 AM
ولا يمكن مصطفى شعبان والله الواحد معدش فاكر حاجة يخويا كبرنا وخرفنا

shimo
09-20-2008, 02:10 AM
:eek: لالالالالالالا
مصطفى هو اللى قالها يا جودى لما كانو فالسباق
انا واثقه لانى اتاثرت اوى بالمشهد دا بالذات

Hassan Mohamed
09-20-2008, 02:11 AM
لا وربنا مصطفي شعبان

Mimi
09-20-2008, 02:20 AM
خلالاص ياولاد يبقى مصطفى اللي قالها

عاشق الرومانسيه
09-20-2008, 03:17 AM
احب احييكي يا شيمو علي هذا الموضوع الجيد لا من مميزات الموضوع الجيدانه يمس احساس من حولك وانتى بجد حركتي مشاعري او بمعني اصح فكرتيني بالذي مضي
اولا الخيانه هي اصعب شيء في الوجودلان الخيانه تعد كالسكين في القلب الذي لم يداويه الا الموت
وثانياالجرح لان الجرح مهما كان له من الم فانه في النهايه سيتم التداوي منه بشيء اخر مهما طال عليه الزمن
وثالثا الفراق مع ان الفراق صعب في اوله ولكن من الممكن ان ياتي الشخص الذي يعوضنا عن من فارقنا وسننسي الشخص الاخر مع مرور الوقت مجرد وجهه نظر

tiger
09-20-2008, 09:45 AM
ماشى يا شيمو مع أن الموضوع ده شائك والترتيب صعب لأن الخيانه او الفراق أصعب شىء على اى أنسان حتى لو كان مين ويجرحو جرح صعب أوى يلتأم مع الأيام لأنو بياخد وقت طويل اوى بس أحنا مش عابشين فى المدينه الفاضله وزى ما في خير حتلاقى الشر وأكتر حاجه تتضايق فى الموضوع كله ان الخيانه و الفراق بيحصلو بسرعه والجرح هو الى بيفضل

Eng Amr Adel
09-20-2008, 03:16 PM
بالنسبه ليا انا شخصيا ان الفراق اصعب حاجه فى التلاته دول ليه بقى لما تكون بتحب حد سواء كان حب اخ او اخت او حبيب ومتعود عليه وروحك فيه وفجأه متلقهوش جمبك دى بتبقى اصعب حاجه ممكن الانسان يمر بيها

ميرا مار
09-20-2008, 04:31 PM
ياشيمو
مافيش اصعب من الجرح
الفراق سهل قوى صدقينى هتتعبى اه وهتنسى وتعيشى
الخيانه صعبة جدا .. هتقويك بعين لما تفوقى منها
لكن الجرح
مابيموتش .. جرح القلوب بيفضل معلم فيها وللاسف بيلون القلب الابيض بلون تانى اغمق ويا خسارة على القلب اللى كان ابيض
وماحدش بيقدر يعيش بجرح ف ايدة واللا رجلة
فما بالك بجرح فى القلب
الا اذا
كنتى محظوظة ولقيتى الايد اللى تمسح جرحك والقلب اللى يشيل عنك

Hassan Mohamed
09-20-2008, 04:33 PM
اه وعلي رأي اخونا هيثم شاكر

جرح الناس يخلص قوام قوام ويمشي وجرح الحبيب يا حبيبي يستنا طول العمر

يعني لو فيه حب مش هيتنسا الجرح

ميرا مار
09-20-2008, 04:37 PM
هيثم دا ايش عرفه
وعموما لو فعلا فى حب بس حب حقيقى
من النوع اللى ياخدك من الدنيا
وعلى راى عمك الحج ساموزين
خدتنى من الناس والدنيا والايام

AYMAN GAMAL
09-20-2008, 05:04 PM
اونو هتعرفنا بنفسها بس بكرة


بتلعبي على الاوتار حلو اوي يا شيمو

الجرح اصعب حاجة بالنسبالي

shimo
09-20-2008, 07:26 PM
بتلعبي على الاوتار حلو اوي يا شيمو

مرسيتو يا ايمن بس هى دى ضريبه الحياة لازم الواحد يلعب على الاحاسيس عشان يعرف الشخص اللى ادامه :p

shimo
09-20-2008, 07:28 PM
عاشق انا اسفه لو كنت قلبت عليك المواجع
اعذرونى كلكم بس بجد من زمان نفسى اوصل لترتيب مقنع للتلاته دول
واعتقد لما الواحد محتاج مشاركه عشان يوصل لنتيجه

shimo
09-20-2008, 07:32 PM
ياااا اشرف الجرح هو اللى بيفضل اه كلامك صح
وكمان الفراق والخيانه بيحصلو بسرعه برضو كلامك صح
بس النقطه مش هنا
السؤال مين فيهم اصعب انا عارفه ان كلهم صعبين بس مين الاصعب ؟؟؟؟؟؟؟؟؟
وعلى فكرة الجرح بستنا بس كمان احساسك بالغدر او الخيانه من حد بيستنا برضو وخصوصا لو انت حساس اوى او لو كنت بتعمل خير دايما معاه وهو قابله بشر او بستهتار

shimo
09-20-2008, 07:33 PM
هو لو على اونكل سامو زين وعمو هيثم شاكر فا عمورتى بيقول اغنيه ايام وبنعشها هههههههههههههههههههههههههههههههههههههههههههههههههه هههه صح يا مها انتى و مستر حسن بس فعلا كلامكم مقنع برضو
ولازال باب النقاش مفتوح :)

دمع الندى
09-20-2008, 08:06 PM
اول شي مشكروه يا شيمو ع الموضوع الرائع




اما بالنسبه اللي انا بشوفو كلو صعب يعني ازا الواحد انجرح او تخان او افترق كلو رح يكون صعب وياثر بشكل سلبي ع الشخص



عشان هيك لازم الواحد يكون اقوى من كل شي ويكمل حياتو لانو الحياه ما رح توقف عند الانسان اللي جرحو او خانو او باعوو


وبالنهايه كلو صعب وبحتاج للانسان القوي اللي يفكر بعقلوا مو بقلبوا عشان ما يوقع بهيك موقف

shimo
09-20-2008, 08:09 PM
نظرية كويسه يا حسام بس فى تعليق
انت شايف ان الحياة تنفع بالعقل بدون قلب ؟؟؟؟؟؟؟؟؟؟؟؟؟؟
وهل الحياة هتقتصر على الشخص القوى بس ؟؟؟؟؟؟؟؟؟؟؟؟؟؟؟؟؟؟؟؟

Hassan Mohamed
09-20-2008, 08:20 PM
انا مختلف تماما مع كلام حسام

shimo
09-20-2008, 08:22 PM
عقم يا حسن وقول نقطه الخلاف وقول رأيك

دمع الندى
09-20-2008, 08:22 PM
اكيد انو القلب شي ضروري بالحياه بس لازم الواحد يستخدم عقلو اكتر لانو قلبو رح ياخدو ورا احساسو بدون تفكير

اما اذا استخدم عقلوا رح يعرف كيف يتصرف




تاني شي الحياه هيك خلقها ربنا القوي والضعيف واحد يجرح واحد يتحمل واحد يكسب وواحد يخسر ليش احنا نكون اللي نخسر


ليش ما نكون احنا الاقوى واللي نقدر نواجهه الانسان اللي رح يخدعنا او يخونا

دمع الندى
09-20-2008, 08:24 PM
انا مختلف تماما مع كلام حسام





اعطيني رأيك حسن

tiger
09-21-2008, 09:50 AM
حسميكى شيمو القاتله مواضيعيك بتوجع ههههههههه وتخلى الواحد يفكر أسف انى أقول أن الفراق اصعب شئ وبعد كده الجرح والخيانه

shimo
09-21-2008, 11:09 AM
معلث معلث يا اشرف ثورى انى وجعتك
انتظر مواضيعىالقادمه لتقليب باقى المواجع :p
معلث بقئ دا سغل (شغلتنا يعنى)

tiger
09-21-2008, 02:26 PM
هههههههههههههههههه ماشى يا شيمو شكلك بنت طيبه اوى ربنا على الظالم ههههههه

shimo
09-21-2008, 08:07 PM
:( اه واللهى طيبه ودى مشكله معقدة فحياتى
عندك حل ليها او دواء اخدو عشان اخف :)
امييييييييييييييييييييييييييييين ياااااااااااااااااااااااااااارب

onon
09-21-2008, 11:36 PM
بعد الشر عنك يا شيموا والطيابه مش مرض عشان نتعالج منه بس بقي بصراحه انا بختلف مع حسام او (دمع الندي) لانه اينعم في ناس ضعيفه وناس قويه وربنا كده خلقنا بس مخلقناش كده عشان القوي يقهر الضعيف ويكسره بالعكس خالص اكيد عشان يساعده ويقف جنبه وفي اعتقادي الشخصي ان مفيش حد ضعيف حسب مفهومي ان القوه مش في العضلات فقط بس ممكن تكون في العقل او في حجات كتير اوي ربنا بيديها للواحد لازم الواحد يكتشف ايه هي نقطه القوه الي عنده ويحاول انوا يستغلها بصوره تفيد الناس وتنفعها مش تضرهم

onon
09-21-2008, 11:42 PM
بالنسبه للا غاني الي دخلت في الموضوع ففي اغنيه حلوه لوائل جسار بيقول (عمر الدنيا ما وقفت لحظه عشان اتنين سابوا بعض لازم اشوف الدنيا في غيروا ولاندم يوم علي بعد الي شريه بحياتي وبعني حيخسر بعدي كتير وانا مش حخسر غير الماضي وبكره احسن بكتييييير )

Mady
09-21-2008, 11:45 PM
الفراق طبعا أسوأ حاجة لأن لو حد خانك مش هاتزعل عليه بس فعلا لما تفارق حد و انت لسة باقي عليه فعلا بتتقطع لأنك لسة عايز وجوده جنبك.

noga
09-22-2008, 12:00 AM
الخيانه ... الجرح .... الفراق

التلاته ممكن يكونوا مرتبطين ببعض ووجعهم واحدالواحد لما بيتخان بينجرح ولما بينجرح لازم يتم الفراق علشان يقدر يدواى الخيانهمع نفسه ومع الايام اللى اكيد بتنسي وبتدور وبتتغير حاجات كتير وبنقابل حد جديد يداوي الجرح القديم بس المشكله لو الجديد زود الجرح القديم بجرح جديد زي القديم والواحد مش ناقص

(وصحيح الواحد على قد ماكان بيحب قوووى على قد ماهينجرح قوووى على قد ماهيقدر ينسي بعد كده_لانه هيشوف انه مكنش يستاهل يحصله كل ده _ )

shimo
09-22-2008, 08:40 AM
الخيانه ... الجرح .... الفراق

التلاته ممكن يكونوا مرتبطين ببعض ووجعهم واحدالواحد لما بيتخان بينجرح ولما بينجرح لازم يتم الفراق علشان يقدر يدواى الخيانهمع نفسه ومع الايام اللى اكيد بتنسي وبتدور وبتتغير حاجات كتير وبنقابل حد جديد يداوي الجرح القديم بس المشكله لو الجديد زود الجرح القديم بجرح جديد زي القديم والواحد مش ناقص

(وصحيح الواحد على قد ماكان بيحب قوووى على قد ماهينجرح قوووى على قد ماهيقدر ينسي بعد كده_لانه هيشوف انه مكنش يستاهل يحصله كل ده _ )

لا لا لا لا يانوجا مش معاكى انا التلاته مش مرتبطين ببعض وفى تفاوت كبير كمان بين درجه وجع كل واحدة والتانيه على حسب الموقف ودرجه قرابه الشحص اللى عمل فيكى الموقف دا

shimo
09-22-2008, 08:48 AM
طبعا انا بقول اهلا بمادى هنا ونورت المنتدى كله وكلامه اعتقد انه متوافق مع كلام يمنى
بس انا يا جماعه بقول الترتيب بتاعى
1 الجرح
2 الخيانه
3 الفراق
انا اصعب حاجه عندى واللى فعلا مش بنساها بسهوله ومش بسامح فيها الجرح وخصوصا لو من حد قريب منى اوى وعارف شيماء
الخيانه ممكن تكون من حد قريب ولو كدا يبقئ مندمش عليه اصلا لانه مش يستاهل حتى انى اضيع وقتى فاحساسى بالندم عليه لانه ندل وخاين وهى فترة وهتاخد وقتها وهتعدى
الفراق بقئ دا مش بأيدينا نهائى سواء من قريب او غريب او من حبيب بس اللى بيكون بيحب بجد سواء حبيب لحبيبته او فراق قريب او صاحب بيكون بمزاجه او بيكون نتيجه عن قرار هو اخدوا يعنى هو حاسبها كويس اوى بالبلدى كدا فكر فنفسه بس ومفكرش فيك يعنى انت مش فارق معاه فراقك من وجودك من غيابك
بزمتكم انا دا هزعل عليه ليه ؟؟؟؟؟؟؟؟
ولو زعلت تفتكروا المفروض الفترة اللى اخدها انى اعيد حسباتى من تانى تطول ؟ ولا افكر واقول هو اللى اختار وكل واحد يتحمل نتيجه قراراته ؟
اللى يفارق يبقئ بايع واللى بيبيع محدش يشتريه

shimo
09-22-2008, 09:01 AM
بالنسبه للا غاني الي دخلت في الموضوع ففي اغنيه حلوه لوائل جسار بيقول (عمر الدنيا ما وقفت لحظه عشان اتنين سابوا بعض لازم اشوف الدنيا في غيروا ولاندم يوم علي بعد الي شريه بحياتي وبعني حيخسر بعدي كتير وانا مش حخسر غير الماضي وبكره احسن بكتييييير )

يمنى حلوة الاغنيه دى بس على فكرة عمورتى يكسب بجدااااااااااااارة واكتساااح
ههههههههههههههههههههههههههههههه
:p

خدى عندك يا ستى اولا ايام وبنعشها هنعمل ايه ياقلبى فناس مهماش ناس مفيش احساس ومش بيحسوا

بجروحنا ...دى دموعنا هنحوشها عشان مش صح نبقئ ضعاف نبان ساعة الفراق بنخاف وياريت نغصب على روحنا

ثانيا : الفراق دا نار والبعاد دا نار

ثالثا : قالى الوداع وهقولو ايه ؟ هوالوداع يتقال فى ايه ؟

رابعا : دلوقتى عرفت ازاى تشتاق وتقولى تعبت من الاشواق كان فين الحب دا كله زمان هتقول يا حب حقول يافراااق

لقد تناولت جميع الحالات المطروحه فالموضوع

انى سيرفس :D

AYMAN GAMAL
09-22-2008, 03:55 PM
موضوع جميل جدا ردوووووووووووووووووووود مؤثرة فعلا

احنا عايزين مليون واحدة زي شيماء عشان يبقى حد يفكر انة يخون او يجرح تاني

http://www.g9g4up.com/upfiles/LfA91718.gif (http://www.g9g4up.com/)

shimo
09-22-2008, 08:10 PM
موضوع جميل جدا ردوووووووووووووووووووود مؤثرة فعلا

احنا عايزين مليون واحدة زي شيماء عشان يبقى حد يفكر انة يخون او يجرح تاني

http://www.g9g4up.com/upfiles/LfA91718.gif (http://www.g9g4up.com/)

مرسى اوى ليك يا ايمن ربنا يخليك بس مش انا اللى هغير نفوس البشر
يارتنى اقدر اغيرها ياريت

onon
09-23-2008, 12:30 AM
والله يا مشمش انا كمان بحب اغاني عمور :cool:ولاغاني الي قولتيها حلوه وبحبها وانا رغم ان الموضوع كله جرح وخيانه وفراق بس انا لسه عندي امل ان في خير في الدنيا وان في ناس يستهلوا ان احنا ندلهم عمرنا كله ونعيش حيتنا مع بعض من غير اي جرح ولا خيانه ولا فراق انشاء الله معرفش الامل ده حيكون عندي لحد امتي بس الله المستعان :)

tiger
09-23-2008, 02:20 AM
مش بقولك شيطانه صغيره وبكره حتبقى عفريته هههههههه أستمرى يا شيمو مواضيعيك جامده وبتيجى فى الجون

shimo
09-23-2008, 07:23 PM
مش بقولك شيطانه صغيره وبكره حتبقى عفريته هههههههه أستمرى يا شيمو مواضيعيك جامده وبتيجى فى الجون

ثانكس اشرف :D استنانى انا لسه هوجعكم اكتر واخليكم تتأثروا اكتر واكتر :p

tiger
09-24-2008, 02:45 AM
هو كله وجع ولا ايه مفيش كده موضوع أستثناء ولا هو كله ضرب ضرب

shimo
09-24-2008, 09:22 PM
:eek: سورى اشرف
حاضر هغير النشاط :p

shimo
11-04-2008, 07:11 PM
شكلكم عايزين اغاني لعمورتي تاني
بس هو ليه اغاني تانيه غير اللى كتبتها الاول عن الفراق والجرح ؟

هدى على
11-04-2008, 10:19 PM
انا شايفة ان الخيانة تاتى بالمرتبة الاولى مهو هيخونى فهنجرح فبالتالى هسيبة يعنى الفراق مش محتاجة تفكير

shimo
11-05-2008, 09:57 PM
وجهة نظر منطقيه يا هدى وترتيب مقنع
بس مش كل جرح لازم يجي من اللى بنحبه

mimo
11-07-2008, 04:57 PM
سوال جميل جدا وصعب جدا

اصعب شى هو الخيانه لانها من السمات التى لا يغتفر لها بجد ودى بتكون صعبه جدا ان كانت من الحبيب

اما الفراق فهو مولم جدا لكنه احيانا يكون بعدم ارادة الجميع

وعن الجرح فهو يظل فى القلب ولا يتداوى منه الا بحب اخر او اعتزار ممن جرحك وهناك جرح لايقبل السماح
من ميمو الطيب

shimo
11-07-2008, 06:09 PM
سوال جميل جدا وصعب جدا

اصعب شى هو الخيانه لانها من السمات التى لا يغتفر لها بجد ودى بتكون صعبه جدا ان كانت من الحبيب

اما الفراق فهو مولم جدا لكنه احيانا يكون بعدم ارادة الجميع

وعن الجرح فهو يظل فى القلب ولا يتداوى منه الا بحب اخر او اعتزار ممن جرحك وهناك جرح لايقبل السماح
من ميمو الطيب


يعني معنى كلامك يا ميمو ان الخيانه هى اللى بتحتل المرتبه الاولى فى الترتيب فى الصعوبه ؟؟؟؟؟؟؟؟

mimo
11-12-2008, 03:15 PM
اكيد يا شيمو لان الخيانه اصعب شى بجد


من ميمو الطيب
محمد سعيد

la vie
03-07-2009, 03:22 AM
موضوع جميل جدا جدا

froty
03-16-2009, 05:38 AM
انا عندى اصعب شىء الخيانه لانها لا تغتفر ابدا

لكن الجرح ممكن اسامح عليه

والفراق ممكن نرجع تانى


بس الخيانه شىء فظيع اكيد
ربنا ميكتبوا علينا ابدا


http://www2.0zz0.com/2009/03/16/01/169776573.jpg