المساعد الشخصي الرقمي

مشاهدة النسخة كاملة : موضوع للنقاش



Hassan Mohamed
09-08-2008, 02:44 PM
السلام عليكم

ازيكم يا جماعة

في الحقيقة في سؤال محيرني وهو ليه شعب الامة الاسلامية والإسلام مكروهين لدي المجتمعات الغربية وليه هما شايفينا بصورة مش كويسة
بجد سؤال محيرتي ياريت الكل يشترك ونفتح الموضوع ده للنقاش

ahmedko
09-08-2008, 04:05 PM
و الله يا ابو على احب امسى عليك و اقولك موضوع جميل اوى انت اخترته للمناقشة
على فكرة انا فكرت فى الموضوع دة كتير و لاقيت ان فى حاجة مهمة اوى كتير منا مش شايفها و هى ان احنا كمسلمين لينا عدو كبير و جامد اوى كل همة و شغلة انه يقضى على المسلمين هو طبعا الصهاينة يهود و مسيحين دول بيعملوا حاجات فى المجتمعات الغربية تخلى الغربين يكرهوا المسلمين من غير ما يتعاملو معاهم مثلا يسوء سمعة المسلم و يقول انه ارهابى و للاسف بعض المسلمين الاغبياء بيساعدوا العدو فى ذلك من خلال مجموعة من الاعمال اللى بيقوموا بيها مثل تدمير المنشأت و محطات القطار و كذلك اى مسلم يقوم بعمل المشكلات التى تؤدى الى سوء الفهم فيها و للاسف يتم الاشارة الى هذا الفرد على انة مسلم و ليس اى شىء تانى

Hassan Mohamed
09-08-2008, 04:09 PM
كلامك جميل يا احمد بس احنا بجد لازم يكون لينا وقفة عشان نقدر نحسن الصورة ونرفع من شأن دينا ودي مش هتيجي في يوم وليلة ده لازم نوحد نفسنا الاول ونحدد احنا عاوزين ايه

ريما
09-08-2008, 08:07 PM
اكيد المجتمعات الغربيه شيفه اننا مش بنطبق الاسلام صح زى مثلا لبس البنات اكيد كلكم بتشوفوه واللى مش بيصلى مثلا اومش بيصوم والى فلحين فيه انهم بقولو انهم مسلمون بس بس الحقيقه انهم مش بيعملو بالاسلام الى بيتعلموه وكمان عقوق الاب والام وحجات كتيره اوىىىىىىى

Mimi
09-08-2008, 08:23 PM
بسم الله الرحمن الرحيم

طرح رائع ومفيد للنقاش

من رأيي ياحسن أن اللوم مش بس على الغرب زي ما قال أحمد لان احنا لينا نصيب فيه والنصيب الأكبر كمان

يعني مثلا اللي حصل في الدنمارك لو تناولناه بعقلانيه شوية وتفكير منطقي هنلاقي أن الغرب بيحكمو على المسلمين من خلال تصرفاتهم صح ولا لاء ؟

يعني احنا المسؤولين عن الانطباعات اللي بتتكون عند الغرب عننا ولذلك لازم نبدأ نصلح نفسنا وكل واحد فينا يعتبر نفسه مسؤول عن اللي بيحصل دا عشان يبتدي يغير نفسه

وفي حاجات طبعا خارجة عن ارادتنا وهي أعداء الاسلام اللي بيسيئو لديننا تحت شعار الاسلام بس انا متأكدة ان الامتثال بأخلاق الاسلام الصحيحة هتقدر تتغلب على أعدائنا في كل مكان

ولان الاسلام هو دين الحق فبيلاقي هجوم في كل مكان عشان يبطلو انتشاره وعلى فكرة في ناس من تساؤلها عن الهجوم اللي بيتعرضله دين الاسلام دونآ عن أي دين تاني بيقرو في الاسلام وبيعتنقوه لانهم بيتدبروه بشكل صحيح

شكرآ على الطرح المفيد دا وبانتظار باقي الآراء

http://media.superpimper.com/glitter_graphics/Thank_You/thank-you-107.gif

philosopher_live
09-09-2008, 02:37 PM
لقد كنا أذل قوم فأعزنا الله بالإسلام فمهما إبتغينا فى غير الإسلام عزة أزلنا الله

هذة الكلمات المؤثرة التى قالها عمر بن الخطاب لأبى عبيدة بن الجراح حينما كانوا على وشك دخول بيت المقدس لم يتتحقق الجزء الثانى من هذة فى عهدة لكنها تحقق فى عهودنا نحن لأننا وببساطه شديدة إبتغينا فى غير الإسلام عزة .

Hassan Mohamed
09-09-2008, 02:38 PM
كلمات جميلة استاذ محمود اعتقد ان فعلا المشكلة من عندنا احنا واحنا سايبين نفسنا ليها ومش عاوزين نحلها

ahmedko
09-09-2008, 02:45 PM
و الله يا جماعة انا تعبت من التفكير فى الموضو ع دة بس ممكن اللى يفكر بموضوعية يلاقى ان القضية كلها فى نقطتين:-
1- ناس حبت حياتهم و داست على دينهم و على كرامتهم شان خاطر القرش و المليم
2- ناس بنكره المسلمين و تتمنى ليهم كل شر
طبع الناس اللى سابو دينهم هو احنا شان كدة بناخد بالجزمة (آسف على اللفظ ) بس بجد يا جماعة دة حتى المسلمين مع بضعهم مش كويسين طبعا و زى ما قالت جودى ان موضو ع الدانمارك دة ورانا اد اية المسلمين مثل غثاء السيل ان مفيش نظام و مفيش وحدة فى الرأى و لا عندهم خبر بأى حاجة مفيش وحدة فى الاراء حتى فى الراى اللى كلنا متفقين حولة

اما بقى موضو ع الناس اللى بتكرهنا فمن راى ان دة عداء تاريخى ( و لن ترضى عنك اليهود و لا النصارى حتى تتبع ملتهم ) بالاخص اليهود اللى نفسهم يموتونا واحد واحد لا مش عايزين يموتونا دول عايزنا نتمنى الموت يعنى الموت هيكون لينا رحمة بالنسبه لهم



و من راىى ان احنا عشان نحل مشكلة لازم نعرف اسبابها صح

ahmedko
09-09-2008, 02:47 PM
الله ينور يا استاذ محمود بداية موفقة بأذن الله

AYMAN GAMAL
09-09-2008, 02:57 PM
والله بجد يا جماعة الموضوع دة واجعني من جوة بس على فكرة الثمرة الحلوة في اعلى الشجرة ديما بيحدفها الناس بالطوب

ahmedko
09-09-2008, 04:33 PM
فى نشيد جميل جدا اسمه امست معانى النصر هجيبة فى قسم الاشعار
فيه بيت بيقول
النجم يسمو فى السماء بعزة و الشمس ساطعة بلا طاقات
و الكلب ينبح لا يضر سماءنا و الافك سوف يصيبكم بثبات

ahmedko
09-09-2008, 04:38 PM
و الكلب ينبح لايضر سماءنا و الافك سوف يصيبكم بثبات

tiger
09-10-2008, 04:08 AM
f بعد السلام عليكم دى اول مرة اتكلم فيها ويسعدنى انى اتكلم اولا معاكم وثانيا انى اتكلم فى موضوع ذى ده موضوع ليه جذور من زمان أنا ضد ومع حاجه انا ضد تقاعص بعض الدول العربيه فى حقها وانهم ساعات ممكن يكونو مع الغرب عليناوتضحك لما تلاقى بعض الدول العربيه منفضه ايديهم بالعربى من القضيه كلها وطول ما أحنا ضعاف ومش متوحدين عمرنا ما حنتجمع ضد اى عدو وانا مع احنا لازم نطور نفسنا فى مجال العلوم أكتر وعن طيق العلم القدرة العسكرية حتزيد لوحدها والى حولينا حيعملو لينا ألف حساب وشكرا على الموضوع الجامد ده ومستنى اى اضافة او رد من اى زميل فى المنتدى
ع

ميرا مار
09-18-2008, 12:06 AM
انا ليا راى تانى خالص..
بص يا حسن
بصيت؟؟؟؟؟
ها..؟
طيب..
اصلى مش شايفة .. اتعميت من كتر القعدة قدام الكومبو والمنتو الجميلو دة
الللللللللللمهم
بص لاصل الحكاية
سياسة فى سياسة
احنا فعلا كنا اعزة فى كل شئ
قوم ايه
اخوانا البعدة اولاد يعقوب يحاولو يلعبوا ( فرق تسد) يعنى
انشر خلافات
بوز شبابات
اتلف عقول افرادات
ابعت هيروينات
اعمل ارهابات والزقها ف مسلمين ومسلمات
بيحاولو ينشروا الفساد باى شكل.. والاعلام الغربى فيه اللى مظلوم وفى اللى تبعهم ولا حد عارف حاجة
عرفت ليه بيكرهونا

mandour90
09-18-2008, 08:28 PM
طبعا الموضوع مهم بس مش دا اللى المفروض نساله السوال الحقيقى احنا فين من الغرب لية بقى عندنا برود حضارى مش فارقة معانا اى حاجة مش اول حاجة نسال فية مين اكتشف لية ومين اخترع اية بس ممكن نسال مين اللى حط الجون فى مانشستر ولية ماسارى حالق كدة احنا بقينا هايفين عن الاول ومش لازم هما لية شايفنا كدةالمهمهو احنامتخلفين زى ماهما شايفين ولا لأ وانا ممكن اجاوب ع السؤال بتاعك والاجابة















لانهم عاوزنا كدة

mandour90
09-18-2008, 08:29 PM
فرق تسد دا بتاع العثمانين مش اليهود

Wild_Angel
09-19-2008, 10:33 AM
السلام عليكم ورحمة الله وبركاته

اولا احب اشكر حسن انه طرح هذا الموضوع

ثانيا انا قرات كل الردود على هذا الموضوع وعجبتنى كلها دون اسثناء
ثالثا كل مشكله ولها حل واحب اضيف حل بسيط جدا وسهل يمكن ميكونش حل للمشكله كلها بس اكيد حيساعد فيها

لو كل واحد بدا بنفسه بانه يحاول يحسن من صورة الاسلام امام نفسه وامام الجميع يمكن الحكايه كانت اختلفت
لو كل بنت راعت ضميرها فى حجابها وسالت نفسها هل الاسلام امرنى احط ماكياج ولا البس مش عارفه ايه ؟؟ حنلاقى ان الضمير هنا ممكن يغير حاجات كتير اوى

لو كل شاب سال نفسه وحاسبها على الاذان لما بيسمعه وهو واقف وميروحش يصلى ولا لما يبقى بيشرب سجاير

للو كل رجل سال نفسه وهو بيرتشى
وكثير وكثير ولكن يجب ان نبدا بانفسنا ان الله لا يغير ما بقوم حتى يغيروا ما بانفسهم

بلاش كلمة وانا مالى وانا حصلح الكون
اه ممكن اوى تصلحه لما تبتدى بنفسك فى شكلك فى اسلوبك ومعاملاتك
تثقف دينيا واقرا قران واتبع سنة الحبيب محمد صلى الله عليه وسلم

اتمنى اننا نبدا من هنا مش كلام شعارات
بس كل واحد لو يحط ده فى طموحه انه يغير المجتمع ويصلحه يبقى الحال اكيد حيكون افضل

رجاء لكل من بعدى انهم لو عندهم حل حتى ان كان صغير يطرحوه لعل احدنا ان يعمل به

واسفه لو كنت طولت عليكم

والسلام عليكم ورحمة الله وبركاته

eslam mamdouh
09-19-2008, 01:09 PM
lan al arab lis lahom dor faal fy al alam
balaks dol aksr nas marof anhom al diaah wa adm al amal

Mohamed Saad Yassin
09-19-2008, 08:56 PM
بسم الله الرحمن الرحيم
اهتميت بالموضوع و لكن ماحبيتش ارد الا بعد ما اشوف كل رددودكم
أولا شكرا لحسن على الموضوع لانة موضوع مهم
و لكن
ليس هذا الموضوع من الموضوعات السهلة البسيطة التى تناقش هكذا
و مجرد ان كل واحد يقول كلميتين و خلاص
و ينعى همة و يشكى ان الموضوع دة مضايقة
طاب ما طبعا لازم يضايقة
لان هذا الموضوع كبير

و لا استطيع أن أرد فية أو ناقشة لان صفحات المنتدى لاتكفى

ولكن خلاصة القول ان احنا بنعلق اخطاءنا على شماعة غيرنا

و أخيرا وجدت بغيتى من كلام عضوتين
وهو
ان الله لا يغير ما بقوم حتى يغيروا ما بأنفسهم

Hassan Mohamed
09-19-2008, 10:18 PM
هيا دي فعلا النقطة اللي انا كنت عاوز اوصلها يا استاذنا بس محدش بيتكلم عن التغيير والزاي نتغير من نفسنا

ميرا مار
09-19-2008, 10:42 PM
فرق تسد دا بتاع العثمانين مش اليهود



يا مندور
انا لم اقصد مين صاحب مبدأ فرق تسد
انا قصدت انهم ماشيين بيه دلوقت هما اليهود.. ماشيين فى بلاد الناس بيزرعوا الخلافات الداخلية عشان الناس تتلهى فيها وماتبصش غير تحت رجليها

white_heart
09-24-2008, 09:44 AM
عند حضرتك حق يا دكتور محمد وفية حاجة عاوزة اعلق عليها ان المسلم بعد ما كان بيعتز بدينة دلوقتى بنخاف نقول لغربى انا مسلم زى اللى اكن الاسلام دلوقتى بقى حاجة بننفر منها وبنحاول على قد ما نقدر ان احنا نكسب ثقة الغرب مع ان الاولى ان احنا نكسب ثقة بعض ونحب بعض شوية ونحاول ناخد قدوة صح مش ممثل ومغنى وواحد غربى احنا اساس كل حاجة صح بس همة اساس كل حاجة غلط يعنى احنا كنا وللاسف كنا ولم نزل اول الشعوب فى اكتشاف كافة فروع العلم وهمة بجهلهم اخدوة وحاولوا يوصلولنا وللاسف نجحوا واحنا دلوقتى اللى بنحاولوا نوصلولهم بس هل ممكن نقدر زيهم ولا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Hassan Mohamed
09-25-2008, 01:43 AM
اراء كلها في محلها بس حاسس انها بتصب في جانب واحد وهو الجانب الأليم من المشكلة دي طب ملازم نفكر كيف نخرج من هذه النصب ؟؟؟؟؟ ونكمل النقاش من هنا

emu
09-26-2008, 02:22 PM
انا رايي ان احنا كمسلمين اصحاب الجابب الاكبر من المسئوليه لاننا كتير مننا مش بيطبق مفهوم الشريعه الاسلاميه بصوره صحيحه لانهم اصلا مش فاهمينها وخصوصا ان في تناقض كبير جدا بين الشباب كبنيان للمجتمعات بصفه خاصه فمثلا نلاقي منهم الملتزم دينيا واخلاقيا ومنهم المتطرف اللي بيطبق اسلامه غلط ومنهم اللي شايف الدين كآبه ومش عايز يقربله اصلا يعني الخلاصه اننا لازم نصلح نفسنا الاول ونفهم دنا صح وبعدين نلوم اللي بينتقضونا

احمد حسن
09-28-2008, 10:12 AM
والله بجد يا جماعة الموضوع دة واجعني من جوة بس على فكرة الثمرة الحلوة في اعلى الشجرة ديما بيحدفها الناس بالطوب

كلمة ممتازة من المهندس ايمن جمال ده انسب وصف للوضع تماما احييك عليه

Mimi
09-28-2008, 10:32 AM
كان في ولد صغير بيلعب بالكورة في حديقة بيته ، حس بملل فـ راح لـ باباه وطلب منه ييجي يلعب معاه

بابا كان بيتفرج على ماتش مهم وكان مشدود ليه فقال لابنه حاضر ياحبيبي بعد شوية ، سكت الولد ورجعله بعد شويه طلب منه ييجي يلعب معاه

فأبوه قاله بعد شويه ، مشي الولد وهو ساكت وبعد شويه قاله هاا خلصت الشوية تعالى باه العب معايا

ساعتها الاب كان مندمج اوي في الماتش واتنرفز من مقاطعة ابنه لتركيزه كل شوية فـ راح ماسك ورقة من مجلة مرسوم عليها خريطة العالم بطريقة معقدة كدا ، وقطعها وقال لابنه لو عرفت تجمعها هاجي العب معاك

الاب عمل كدا عشان يخلص من زن ابنه الصغير اللي لسه ميعرفش يعني ايه خريطة اصلا عشان يجمعها

بس المفاجأة ان الولد رجعله بعد أقل من 5 دقايق وقاله يلا باه تعالى العب ، اندهش جدآ الاب واستغرب فقاله انت جمعت الخريطة ؟!!!!

فالولد قاله اه وورهاله وكانت فعلآ متجمعة صح !! سأله عملت ايه وازاي بالسرعة دي ؟ قاله الولد : " بصيت في ضهر الورقة لقيت صورة واحد جمعت ملامح وشه ، فقلبت الورقة لقيت الخريطة اتجمعت "

احنا ياجماعة الولد الصغير دا وخريطة العالم هيا المشاكل المعقدة اللي كل يوم بتزيد في نظرنا ، تفتكرو كان هيقدر يجمع الخريطة ؟ لاء طبعآ ، اذن بطريقتنا دي مش هنعرف نحل مشاكل الدنيا والمجتمع الـ احنا فيه للآبد ، بس لحظة ،، طلع في حل

الحل اننا هنقلد الولد الصغير بلاش نبص للورقة ونبص على ضهرها ،، بلاش نبص لبرا ونبص جوانا ، الولد صلح ملامح الشخص ، واحنا هنحاول بردو نصلح نفسنا دا الشئ الاسهل واللي في ايدينا ومش اسهل بس ، دا حل قوي جدآ ، لانه لما صلح ملامح الراجل اتصلحت صورة الخريطة

طولت مش كدا ؟ آسفة جدآ بجد بس كنت حابة اقول جملة " غير نفسك عشان تغير العالم " من خلال القصة دي

احمد حسن
09-28-2008, 10:37 AM
تنويه جميل وتعليق ممتاز يا judy ملحمه سياسى غير صريح اشتمل على ما تتضمنه مشكله العالم الاسلامى

Mahmoud Slem
10-25-2008, 06:37 AM
هى دى سنه الحياه يا حسن
لاننا افضل الامم على الاطلاق
ميغركش اللى بيحصل فينا ومعانا
لكن
التاريخ
ووكل من فى الارض والسماء
عارفين
اننا افضل الامم على الاطلاق

Wild_Angel
10-25-2008, 11:15 AM
يمكن قريت تعليق جودى متاخر بس جودى علقت على النقطه اللى انا مقتنعه بيها
وهى ان اصلاح اى مجتمع او اى دوله او اى كيان يبدأ من الفرد
اصلح نفسك ..تصلح حياتك
وانا معاكم جميعا فى آرائكم ولكن قد نكون وضعنا يدنا على بداية الخيط وهى ان نصلح افسنا وضمائرنا

(على فكره ده مش كلام شعارات بس السلبيه اللى احنا بنكون فيها ادام اى موقف لن تصلح اى حال )

onon
10-26-2008, 12:32 AM
عجبني الموضوع اويي وفعلا القصه الي قلتها جودي صح والي متفقه مع معظم الاراء ان احنا نبدا من نفسينا ونغيرها حنلاقي العالم بيتغير لان اكيد العالم الغربي بيشوف تصرفتانا واسالبنا وتعاملتنا مع بعض فالازم نكون قدوه صالحه يظهر الاسلام من خللها بصوره حلوه
ويمكن كمان جزء من المشكله دي ان في ناس من العالم الغربي بيحاولوا يشوشوا علي صوره المسلمين الحقيقيه وبيحولوا يمنعوا اي افاده ممكن توصل صوره الاسلام بشكل الصح عشان كده بنلاقي ان جزء كبير اوي من العالم الغربي ده مايعرفش اي حاجه عن الاسلام غير الصوره الغلط الي بتوصلهم عننا بس
بس متهيئلي الصوره بدئت تتحسن يعني دلوقتي في نماذج حلوه ومشرفه من المسلمين الي بتحاول تروح ليهم في مكانهم وتوضح ليهم الاسلام بالصوره الصح ذي ( عمر خالد - ومعز مسعود - ومصطفي حسني ) وغير دور المسلمين الي عايشين مع الغرب هناك بيكونوا قدوه للمسلمين [/I][/B]


http://www9.0zz0.com/2008/10/25/22/355844239.jpg

محمد حمدى
10-30-2008, 07:26 PM
ياسيدى الفاضل القران يقول " وما تخفى صدورهم أكبر" والمفروض ان الناس دى رأيهم مش مهم عندنا

الفارس المجهول
10-31-2008, 02:50 AM
والله يا اخى ان كنت عايز الرد
فأقول وبالله التوفيق وبكل صراحه العيب فينا علشان نظهر قدام الاخرين بمظهر جميل لابد ان نغير انفسنا اولا
لازم نغير انفسنا لان مش دا مظهر المسلمين الصح
وجزاك الله كل خير