((اريد زوجا ... اريد زوجه )) لا حياه لمن تنادى

[خالد أبوسعده]

هذا الموضوع مطروح للنقاش
انتشرت فى الفتره الاخيره فى الصحف كلها و فى الانترنت اعلانات من نوع غريب
اعلانات الزواج

اريد زوجه اريد زوجا

و يبدا مبدا العرض و الطلب
و بعد ما كانت الصحف بس بقى فى مكاتب متخصصه كمان

هو يقول مواصفاته
و هى تقول مواصفاتها

و طبعا بيبقى نصها غلط
و نصها التانى مبالغ فيه

كانهم نسوا موضوع النصيب و الي ربنا بيقسمهولك

و الغريب فى الموضوع ان كل الناس المعروضه-اقل وصف ليهم-
كلهم لقطه و الي يقرا الاعلان يجرى عليهم
و الاسبوع الي بعده
تلاقى نفس الاعلان
و هنا السؤال يطرح نفسه
يا ترى هى الي مرضيتش ولا هم الى جرو لما شافوها
و هذا الوضع بينطبق ايضا علي الرجال

يقول عندى 60 سنه و ابحث عن زوجه
هههههههههههههههههههههههه
هو انت فيك حيل يا بعيد
و جاى تدور عليها دلوقتى

الموضوع انتشر بطريقه غريبه و بسرعه
انا عايز ارائكم فى الموضوع

[lolaa fahmy]

موضوع ظريف يا موبو

بس تقريبا الحاجات دي لا تجدي نفعا لان الطرفين بيبالغوو في اوصافهم طيب لما هما حلوين قووي كده

معنسييييييييييين ليه؟!!!!!!!!!!!!!!!!!!!

[ميرا مار]

اولا يا خالد باحيك ع التوقيع المميز..
ثانيا برافوا عليك والله موضوع رائع جدا للنقاش
ثالثا.. زعلتنى قوى بكرة كلنا نوصل لسن الستين..
يعنى انا مثلا والدى فوق الستين .. لا قدر الله لو مامتى مش موجودة انا اول واحدة
اشجعة يرتبط لان دا اكتر سن هو محتاج فيه لرفقة طيبة وصحبة وقت ..
تعرف ان فى حالات جواز كتير فى دور المسنين
وجة بعضهم فى بنامج تليفزيونى .. هههههه تخيل واحد بتقول انها بتستنى جوزها فى البلكونة لما يخرج ..
عشان تستقبله بفارغ الصبر.. فى حب كدة بين الشباب دلوقت؟؟

نيجى بقى لموضوعنا .. شوف الجواز دا زى البطيخة ههههه يا تصلع يا تطلع ....
فامش هتفرق الطريقة
بس على فكرة انا مش معارضة طريقة الاعلانات دى ابدا
ماهو كان فى الخاطبة زمان وجوازاتهم استمرت..
يعنى الفكرة حلوة.. لكن النجاح او الفشل دا وارد فى كل جوازة مهما اختلفت الطريقة
شكرا يا خالد الموضوع المميز بجد

[خالد أبوسعده]

انا بشكرك يا بشمهندسه علي مشاركتك
بس المشكله فى الاعلانات دى عدم المصداقيه
الخاطبه زمان كانت بتوصفها بجد
و كان شغلها غالبا بيبقى على اساس ان واحد مثلا شاف واحده و عجبته و حب انه يرتبط بيها
و راح للخاطبه تكلم اهلها علي الجواز و بعدين يتقدم هو و اهله
اساسها كان الصدق
و كله علي عينك يا تاجر -اسف علي التعبير-
الي بيحصل فى الاعلانات الخداع
و انا الصراحه مش عاجبنى مبدا العرض
كاننا سلع مستنى الي يشتريها
بنعرض مميزات و عيوب
و مين فينا بيعرف مميزاته و عيوبه و بيقدر يحددها
الناس هى الي بتحدد و يا تقبل صداقته او متقبلهاش
و كذلك فى الارتباط
الاعتراض فى الوسيله
مش المبدأ