المساعد الشخصي الرقمي

مشاهدة النسخة كاملة : ما بين الجبن وراحة البال؟؟؟؟



Wild_Angel
09-20-2008, 03:58 AM
السلام عليكم ورحمة الله وبركاته

ما بين الجبن وراحة البال يا دوبك خيط؟؟؟

جمله سمعتها فى احد مقدمات المسلسلات فى رمضان وشدتنى اوى

وحبيت اسالكم فيها سواء الشباب او البنات

هل بالفعل بينهم ذلك الخيط الرفيع؟؟

هل الآن الناس توجهت الى راحة البال المؤديه للجبن؟؟

اطرحوا الاسباب وياريت لو عندكم حل للمشكله بس يكون حل فعلى ونقدر نعمله تضيفوه فى مشاركاتكم.

انتظر مشاركاتكم...

tiger
09-20-2008, 09:36 AM
فى طائفه من الشعب وأسف أقول انها طائفه كبيره عارفه ان طول ما انتى مريحه بالك من المواجهه او المشاركه هى كده فى السليم وممكن أقول أن أغلب الموضوع ده فى التعامل السياسى وأى حد حتلقيه بيقول أسئلى مجرب ولا تسئلى طبيب ولازم الى يتكلم فى الحق وخصوصا فى الأيام دى يكون مسنود ودخلت راحة البال جميع مجالات حياتنا عن طريق الباب ده وخليها راحة بال وخافى على نفسك ههههه

Wild_Angel
09-20-2008, 01:18 PM
ربنا خلقنا وهو اللى يحفظنا ولو الناس كانت بتفكر صح كان متهيقلى سابتها على ربنا ومريحتشششششش بالها الى حد الجبن اللى مخلينا متداريييين
بس نعمل ايه منهم لله اللى كانوا السبب...حسبى الله ونعم الوكيل...حسبى الله ونعم الوكيل...الراجل صاحب البيت الله يكرمه ....ومع انه عنده قرايب كتير فى الحكومه بس مرضاش ياذينى (من فيلم جاءنا البيان التالى)

شكرا لمرورك

eslam mamdouh
09-20-2008, 01:40 PM
فى فرق كبير بين الجبن والحرص والصبر
الجبن غير مقبول على الاطلاق لانه نوع من انواع الضعف

اما الصبر فهو صبر القوى غير العاجز عن فعل الشئ

لاحظى ان فى فرق كبير ما بين راحه البال والسلبيه وعدم الامبالاه

اسوء شى السلبيه


لكن اما مش عارف انت ليه رابط ما بين الاتنيين مع ان شايف ان مفيش تشابه بينهم

Mimi
09-20-2008, 01:43 PM
هو دا كان مسلسل ايه أرجوكي قوليلي

انا مخي مشتت ومش عارفه اقول حاجة لاني عايزه افتكر اسم المسلسل :(

Eng Amr Adel
09-20-2008, 03:07 PM
كان مسلسل قلب ميت :);)

Mohamed Gaber
09-20-2008, 03:08 PM
وخيط بين الهروب و الميش جمب الحيط

ميرا مار
09-20-2008, 05:10 PM
بص
هما ماحددوش نوع الخيط ايه
اصلها تفرق
والله ماباهزر
طب فكر شوية وهارجع تانى ارد فى الروقان كدة بعد الفطار

AYMAN GAMAL
09-20-2008, 05:26 PM
مع الاسف انا بكرة المسلسلات كره العمى
مع ذلك عمر الجبن ما يوصل لراحة البال ابدا عشان فية حاجة اسمها تانيب الضمير
وعمر راحة البال ما توصل للجبن عشان ملهاش محل من الاعراب(مفيش علاقة عكسية يعني)
يبقى لو سحبنا الشعرة اللي بينهم
هنلاقي تنافر
اذا المسلسلات هجاصة
وهو المطلوب اثباتة

shimo
09-20-2008, 07:44 PM
لا لا لا لا المسلسلات مش هجاصه
اقولك ليه المسلسل دا بالذات بيناقش قضيه فعليه وحقيقيه
عارف ايه هى ؟؟؟؟؟؟؟
الافترا على الغلابه
لما الواحد مش يكون مسنود او ملوش ضهر وعلى فكرة بتحصل كتير
نصهم بيسلم ويقول وانا مالى خلينى جمب الحيط
صح كلامى ولا لاء يا جماعه ؟؟؟؟؟؟؟؟؟؟؟؟ مش دا كلام بيحصل اصلا فالحقيقه ؟؟؟؟؟؟؟؟

AYMAN GAMAL
09-20-2008, 08:10 PM
لا لا لا لا المسلسلات مش هجاصه


بتشهدي الناس عليا يا شيمو ولا اية؟؟؟؟؟؟؟
ههههههههههههههههههههههههههههههه
http://www.arb-up.com/files/arb-up-2008-6/4oa34240.gif (http://www.arb-up.com/)

Wild_Angel
09-21-2008, 11:47 PM
السلام عليكم ورحمة الله وبركاته

اولا اسفه على تاخيرى فى الرد على مشاركاتكم

ثانيا : احب اوضح حاجه اولا انا مش بناقش موضوع المسلسل بغض النظر عن انى معجبه بيه او لا
انا بناقش الجمله نفسها
ان فى ناس كتير بتريح بالها (زى ما بيقولو) بانهم يتداروا جوا الحيط
انا بس حبيت اعرف ارائكم كلها عشان اكون تصور لارائنا جميعا

noga
09-22-2008, 12:17 AM
فعلا الجمله دى تمشي مع مسلسل قلب ميت (برافووووووووووووووو)

Mimi
09-22-2008, 12:20 AM
انا اعترررررررررررررررررررررررض:mad:

شريف منير ممثل جامد والله

وغادة عادل ياسلام عليها مفيش بعد كدا صراحة *_*

Wild_Angel
09-22-2008, 12:39 AM
انا لم اعترض عليهم ولا حتى على المسلسل

بل بالعكس هو بيناقش قضيه هامه واذا خوضنا فى قلب المسلسل وما وراء احداثه ممكن نطلع بصفه مهممممه جدا وهى الرضاااااا

الرضا مفتاح سعاادة الانسان:)

onon
09-22-2008, 02:32 AM
[Iصح الرضا مفتاح السعاده وانا شايفه ان في ناس بتريح بالها بصوره ايجابيه في بعض الاحلات وده في حاله لما الي قدامك يكون بيحاول يعمل مشكله وخلاص عشان يستفزك واول مايحقق الهدف ده يحس بالسعاده في الحاله دي لما تريحي بالك ومتريش عليه وتريحي بالك [COLOR="Sienna"]اما تريح البال الي بصوره سلبيه فهوا لما نكون مثلا لما يكون مطلوب منك انك تقفي مع الحق بس صاحب الحق ده معندوش دهر او مش قوي فتريحي بالك وتقفي مع الطرف التاني فده يكون جبن وضعف واستسلام وكل حاجه وحشه اما صدقيني لو وقفتي جنب الحق حتي لو صحبوا مش قوي فربنا سعتها بينصر المظلوم وصاحب الحق حتي لو الحكايه اخدت وقت بس في الاخر الحق بيظهر

tiger
09-22-2008, 03:26 AM
دعوتان مجابتان دعوة الصائم والمظلوم والحق يظهر مهما طال الزمن او قصر

Wild_Angel
09-22-2008, 06:23 AM
شكرا لمروور الجميع واتمنى ان الرضا بالمقسوم والشجاعه فى اخذ حقوقنا تكون من صفاتنا

AYMAN GAMAL
09-22-2008, 04:06 PM
فيتوووووووووووووووووووووووووووو
انا اعترض

التمثيليات مش بتقدم غير الخيال

مش زي ما بيقولوا دراما

الدراما هية حياتي و حياتك و حياة الناس اليومية

حياتك انتي بتكسبيها بس التمثيليات المنتج بيكسب


http://www.g9g4up.com/upfiles/LfA91718.gif (http://www.g9g4up.com/)

shimo
09-22-2008, 08:31 PM
:eek: ايمن
مالك ؟
ليه متحامل كدا على المنتج
كلامك كبير اوى
واللى احنا فى دا مش دراما برضو ؟ وفعلا اغلب المسلسلات تجسيد للواقع وممكن تكون قصص حقيقيه كمان

AYMAN GAMAL
09-22-2008, 09:14 PM
:eek: ايمن
مالك ؟
ليه متحامل كدا على المنتج



ههههههههههههههههههههههههههههه

انا ببيع بضاعة اصلي مش صيني

Wild_Angel
09-23-2008, 03:03 AM
فيتوووووووووووووووووووووووووووو
انا اعترض

التمثيليات مش بتقدم غير الخيال

مش زي ما بيقولوا دراما

الدراما هية حياتي و حياتك و حياة الناس اليومية

حياتك انتي بتكسبيها بس التمثيليات المنتج بيكسب


http://www.g9g4up.com/upfiles/LfA91718.gif (http://www.g9g4up.com/)

ميرسى لردك ممكن منتفقش فى الاراء بس زى ما انا وضحت انا مكنتش بناقش قضية مسلسل انا كنت بناقش قضية مجتمع اتدارى جوه الحيط من الجبن والخوف وبيسمى ده كله راحة بال

tiger
09-24-2008, 02:52 AM
التمثيليه فعلا بتهدف لأشياء جميله وواقعيه فى حياتنا وشكرا أنجل على أختيار العنوان المعبر حتى لو كان عنوان مسلسل

AYMAN GAMAL
09-24-2008, 02:58 AM
التمثيليه فعلا بتهدف لأشياء جميله وواقعيه فى حياتنا وشكرا أنجل على أختيار العنوان المعبر حتى لو كان عنوان مسلسل


صحيح والله ؟!!!!!!!!

هههههههههههههههههههههههه

قد كدة التمثيليات مؤثرة و جميلة و وااااااااااااااااقعية

احكيلنا لو تكرمت عن تجربتك مع التمثيليات

tiger
09-24-2008, 03:18 AM
أحم ماشى يا عم أيمن بس أقدر أقولك ان المؤلف بيجيب القصه مش من خياله ولكن من الشارع علشان بين الناس بتحصل الروايات

AYMAN GAMAL
09-24-2008, 03:23 AM
أحم ماشى يا عم


ممكن اسم الشارع لو سمحت

اية يا عم دة كلام هههههههههههههههه

فية منتج بينزل الشارع يا رااااااااااااااجل

حرام عليك حراااااااااااااام

tiger
09-24-2008, 03:30 AM
ماشى يا عم الحج بتاعت فيلم وكويسه أهو علشان خاطر ايمن

Wild_Angel
09-24-2008, 04:59 PM
يا زميل ايمن ولنفرض ان الافلام والمسلسلات خيال ولكن الخيال نفسه بيكون فيه شئ من الواقع

عموما سواء شارع او حاره ربنا يبعدنا عن الاشياء السيئه اللى بقت فى الافلام والمسلسلات

وشكرا لكل من رد على الموضوع
واتمنى مشاركات تناقش الموضوع لاستفادة الجميع

AYMAN GAMAL
09-24-2008, 05:06 PM
يا زميل ايمن ولنفرض ان الافلام والمسلسلات خيال ولكن الخيال نفسه بيكون فيه شئ من الواقع



هههههههههههههههههههههههههههههههههههه

على فكرة انا كنت من الناس اللي مينفعش يعدي يوم الا لما اتابع تمثليتين عالاقل

لحد ما بقيت اشوف الكذب و اللي عاملة دور الام الصالحة و متحجبة و هية اصلا رقاصة و مشهورة كمان

بلااااااااااااش دي

انا لو وريت اي حد صغير صورة احمد مظهر يقوللي اية دة مش دة صلاح الدين الايوبي؟؟؟

طب لما اوريلة مشهد من الايدي الناعمة هيقول اية عن صلاح الدين عفوا اقصد احمد مظهر

فهمتي قصدي من اللي فات؟

Wild_Angel
09-24-2008, 05:09 PM
اينعم وصلى قصدك وعموما انا معاك ان الموضوع بقى فيه الكثير من الكذب وعموما اانا من الناس اللى رايهم ان القعده ادام التليفزيون كتير مضيعة وقت
وبرضه احب ااكد ان الموضوع اللى طرحته مكانش موضوع المسلس انا كان قصدى اناقش قضية ان ليه كل اب بقى يزرع جوه قلوب ولاده موضوع انهم لازم يمشوا جنب الحيط لحد ما اتحول الجبن الى انهم يسموه راحة بال

AYMAN GAMAL
09-24-2008, 05:17 PM
اب بقى يزرع جوه قلوب ولاده موضوع انهم لازم يمشوا جنب الحيط لحد ما اتحول الجبن الى انهم يسموه راحة بال


لازم الطابع هيغلب التطبع


هيطلعوا ناس محط نقد من كل المجتمع شكرا يا Angle

Wild_Angel
09-24-2008, 11:12 PM
شكرا ايمن لردك

ميرا مار
04-23-2009, 12:52 AM
ياااااااه دا انا اتاخرت قوى


اسفة ع التاخير يا انجل


مافيش خيط ولا حاجة فعلا

دا كلام اغانى

لان الجبن بيبان قوى ..واللى عايز يريح باله بيبان قوى


وكل واحد جواه بيبقى عارف هو مين فيهم..

ومش حاجة تلخبط عشان نقول مابينهم خيط..

شكرا انجل ع الموضوع الجميل

Wild_Angel
05-08-2009, 12:05 AM
ميرسى يا ميرا على ردك
معلش يا ميرا ما زحمة المواصلات بقى حنعمل ايه
ردك جميل جدا
وحقيقى جاوب عن السؤال ده اشياء كتير والمناقشه هنا اوضحت الكثير من المعانى
ولكنك جمعتيهم فى هذا الرد
اشكر كل من شاركنى بالرد