المساعد الشخصي الرقمي

مشاهدة النسخة كاملة : قول رايك فى العضو الى قبلك



zoro313
12-07-2008, 01:06 AM
وهى ببساطه ان كل واحد يدخل بيقول رأيه فى العضو اللى قبله ياريت نلعبها كلنا مع بعض

عاوزين صراحه فى الرأى ومحدش يزعل من رأى الاخر
يارب تعجبكم

witch evil
12-07-2008, 03:14 AM
لعبه حلوه اووووووووووووووووووووى
وانا ابدأ
حليم من الشخصيات المحترمه انا متعملتش معاك كتير بس بحترمك جدا وبحس انك جدع بجد

zoro313
12-07-2008, 06:50 PM
ايه يا شباب العبه مش عجباكم ولا ايه

spider girl
12-07-2008, 09:50 PM
لا طبعا حلوة قوى
بالنسبه ليك يا حليم
انا حاسه انك رومانسى وشاب محبوب بين صحابك وعقليتك كبيرة مع انى متعملتش معالك قبل كده
بس ده واضح من مشاركاتك

Marwa Magdy
12-07-2008, 09:58 PM
رأى فى سارة
امممممممممممممممممم
سارة بنت جدعة ومحترمة جدا وطيبة وبتحب اصحابها اوى ودايما بتحب تنصح اللى حوليها وبتحب عمل الخير
دول الصفات اللى انا عرفتها فى سارة

zoro313
12-08-2008, 04:52 AM
عاوزين مشاركات الاعضاء

Youssef Mostafa
12-08-2008, 04:54 AM
اللعبة حلوة ياحليييم وصريحة جدا وبصراحة انت شخصية 100 100 وتمام وجدع ومواضيعك حلوة زيك

zoro313
12-08-2008, 05:29 AM
شكرا يا يوسف على رايك
انا شايفك انك شخصيه كويسه ومتحمسه اوى للمنتدى

Nhla147
12-08-2008, 06:00 AM
ايه يا حليم
هو كل ما حد يدخل يقول رايه تيجى فيك انت
:D:D:D
ماشى يا عم
انا طبعا ما اتعاملتش معاك
بس باين عليك شخصيه محترمه ولذيذ وجدع اوى
واهم حاجه انك بتحب عومرو دياب
:D:D:D

موضوع جميل اوى لانى بحب اعرف راى الناس فيا
شكراااااااااااااااا يا حليم

أختــــــ نهله ـــــــك

free eagle
12-08-2008, 06:13 AM
نهلة والله انتى شخصية محترمة مع انى مش اعرفك
بس مواضيعك والتعليقات بتعاتك بتدل عليكى

Marwa Magdy
12-08-2008, 11:44 AM
اده يا جماعة مانا كتبت رأى فى سارة ومحدش كتب رأيو فيا
لة بقى كدة والله حتزعلونى
أهى أهى أهى أهى أهى أهى أهى أهى

spider girl
12-09-2008, 12:30 AM
والله يا ميرو
انتى بنت لذيذه وشربات خالص وجدعه ومؤدبه وانا بحبك اوى

Youssef Mostafa
12-09-2008, 12:35 AM
والله انتو الاتنين والشريرةالتالتة فريدة كويسين خالص وجدعان اوى وبجد الواحد بيقضى معاكو اوقاات سعيدة وطبعا نهلة وكل الاعضاء

spider girl
12-09-2008, 12:37 AM
شكرا يا يوسف انت انسان مهذب و اخ محترم
حاسه ان ليك مستقبل مليئ بالحماس والتقدم ان شاء الله

witch evil
12-13-2008, 08:24 AM
ساره لذيذه وعسوله

مرحه وعقله فى نفس الوقت

ومن الناس اللى نفسى اتعرف عليها ع الحقيقه ده لو مكنتش شفتها يعنى

samomran
12-13-2008, 12:12 PM
حوريه طبعا اللى عامله جو رهيب فى القسم و المنتدى مافيش اى كلام ممكن يتقال عليها غير انها اقرب صديقه لى فى المنتدى بعد زووووووما طبعا و حليم
و اكيــــــــــــد انا متنبا بنستقبل عظيم ليها بس هى تشيل الا مبالاه من دماغها

Marwa Magdy
12-13-2008, 03:08 PM
سلمى دة بنت زى العسل
جميلة اوى ومرحة
واول ما اى حد يتكلم معاها يحس انة يعرفها بقالة كتير اوى
وبجد تتحب

witch evil
12-13-2008, 08:17 PM
سلمى مين يا ميرو اللى قبلك سمو عمران

اسلام

وميرسى يا اسلام على ردك

محبة الرحمن
12-13-2008, 08:52 PM
ذي العسل ودائما دمها خفيف

spider girl
12-14-2008, 10:50 AM
ساره لذيذه وعسوله

مرحه وعقله فى نفس الوقت

ومن الناس اللى نفسى اتعرف عليها ع الحقيقه ده لو مكنتش شفتها يعنى


حوريه رايك اضعه وسام على صدرى والله شكرا
ان شاء الله نتجمع على خير

spider girl
12-14-2008, 10:53 AM
اما رايى فى محبه
فانا مش عارفه اعبر عن اعجابى بيها ازاى
بنت محترمه وجميله فى اسلوبها ان شاء الله ربنا يكرمها
ويعزها ويجعل منها جيل صالح للمسلمين

witch evil
12-16-2008, 01:28 AM
ميرسى يا سوسو ربنا يكرمك وبجد والله انا بحبك انتى وكل سنه اولى كلكم زى العسل

محمود ابوالمجد
12-16-2008, 01:38 AM
حورية بقي انا هقول فيها تعرف فلان قال ايوة قال عشرته قاله لا قاله يبقي متعرفهوش
بجد بالرغم من اني كنت مضايق منها في وقت بس حاسس اني كنت غلطان وبجد هي حد حلو وربنا يقويها ان شاء الله وتحقق الي نفسها فيه

samomran
12-16-2008, 12:11 PM
محمود ابو المجد فى واقع الامر انا ما اتعاملتش معاه مباشره لكن من اللى امامى انه شخصيه محترمه جدا
و عاقل جدا و يوزن الامور بحكمه

white_heart
02-13-2009, 02:35 AM
اسلام عمران



دة اخ جدع ومحترم وبجد من الناس اللى انا محظوظة بمعرفتهم



لما بتكلم معاه مبحسش انى بكلم واحد لسة اول سنة اعرفة



بجد حد محترم يا سولوم

Mahro
02-14-2009, 02:34 AM
وايت هيرت

شخصيه زكيه بتعرف تتعامل يعنى ومتزعلش حد

اجتماعيه نمره 1 ومترجمه هايله فى الحياه

ده على حد علمى من المنتدى

بس يارب متزعل بقى

هههههههههههه

witch evil
02-14-2009, 02:41 AM
مهررررررررررررررررررو

على منى متعملتش معاه كتير بس بجد من الشخصيات اللذيذه اللى بحب اتعامل معاها اوووووووووووووى

وبجد نفسى اتعرف عليه جددددددددددددا هو وباقى الناس اللى معرفتهمش

spider girl
02-19-2009, 11:32 AM
حوريه حبيبه قلبى
شخصيه جريئه ومحبوبه من الكل
واجتماعيه جدا ويارب يديم المحبه بنا ديما

توتة
03-28-2009, 08:44 PM
هوانا معرفش نهلةبس باين عليها شخصيةلذيذة بس انا اتعاملت معاك يا زورو وانت شخصية لذيذة وانا بحترمك كتير و انت انسان كويس وعلى فكرة اناكمان بردة بحب عمروديابههههههههة

توتة
03-28-2009, 08:49 PM
iهو انا معرفش حد من الموجودين بس انا اعرفك يا حليم و انت شخصية لذيذة ومحترموكويس و لعبتك لذيذة

sameh gamal
04-26-2009, 11:26 PM
والله ياتوته انا معرفكيش بس باين عليكى انك حد كويس

الورده البيضاء
05-02-2009, 04:57 AM
هو انا معرفش طائر خالص ولا فى اى حوار بينا بس ردودة على المواضيع ردود محترمة فاكيد الردود دى متطلعش غير مش شخصية محترمة

سندريلا
05-14-2009, 09:02 AM
ايمى انا معرفكيش اوى

بس انا اتكلمت معاكى مره وحده بس

ويارب اتكلم معاكى تانى علشان انتى شخصيه كويسه ومحترمه ;)

esraa
05-14-2009, 09:43 AM
انت بقى يا سندريلا ......



بنوته زى العسل ......


و لذيذة جدا و عشرية اوى ....



و الحمد لله الكل فى القسم عندنا بيحبها










يا رب دايما ......

سندريلا
05-14-2009, 09:56 AM
شكرا يا سروءه على الكلام الجميل ده

وربنا يخليكى ليا


انتى بقى يا روءه


بنت من الاخر.......


وبيعجبنى فيكى انك متفهمه مع الاخرين


وبتحبى التطور ديما مش بس فى شخصيتك لا وفى موضوعاتك كمان


وانتى حبيبه قلبى يا روءه

Ma7amed Adel
05-14-2009, 11:14 AM
سندريلا انا معرفكيش بس من خلال ردودك ووجودك فى المنتدى فانتى انسانة مقبولة ولذيذة

جوليت الحب
05-14-2009, 11:23 AM
انت بقى يا محب قصدى محمد قصدى يا دولة شخصية غريبة يعنى تركيبة غريبة اوى انسان رومانسى على انسان دمك خفيف على شخصية جادة يعنى تركيبة حلوة على انسان طيب اوى وكفاية كدا كلام عنك بقى عشان الناس متحسدكش على الحاجات دى بس المهم انى بعزك وانت عارف زى اخوية وبس كدا بس خلاص

Soma
05-14-2009, 11:48 AM
عندك حق يا جوليت انا برضه رائى فى محب انه جامع كل حاجة فى شخصيةواحده :p
انتى بقى يا جوليت معرفكيش اوى بس اقدر اولك انك رومانسية زياده شوية ودمك خفيف وعسولة كده

KAREEM
05-15-2009, 02:48 PM
طبعا مشتنية حد يقول رأيه فيكى طبعا كلنا كبشر دايما بنحتاج حد يشكرنا او يثنى علينا دى طبيعة البشر ومش عيب دى فعلا اهم حاجة فى حياتنا
بس للأسف انا معرفكيش بس من خلال رأيك فى العضو قبل الاخير ممكن بس اقولك حاجة هو مفيش حد بيجمع كل حاجة فى شخصية واحد (ما جعل الله لرجل من قلبين فى جوفه ) يعنى انتى ممكن تقولى ان هو شخصية جميلة حلوة و و و و بس صعب انك قولى حامع كل حاجة
وواضح من جميع مشاركاتك انك شخصية مؤدبة ورومانسية جدا وعرفت انك بتحبى لبنان
مستنى الرد اللى بعدى وأظن ان محدش يعرفنى اما نشوف بقى

Ma7amed Adel
05-16-2009, 11:23 PM
حضرتك الكمال لله وحده بس هى وصفة شخصية ماقلتش الانسان دى كامل وبعد اذن حضرتك انت المفروض تقول رايك فى العضو اللى قبلك مش تعلمه الكلام شكرا ليكى وانا مش عاوصفك علشان ماعرفكش

KAREEM
05-17-2009, 04:12 PM
انت مالك زعلان اوى كدا ياعم متزعلش منى بس من طريقتك كدا واضح انك منفسن وصفراوى سامحنى معلش انا اصلا معرفكش او فى بينى وبينك طار بايت عشان اقول عليك حاجة انا مأهنتكش او ممستكش بكلمة أساسا بس انت اللى بتتلكك أصلا عموما شكرا على ردك الذوق الجميل وفكرة المسابقة دى اساسا يبقى ملهاش لزمة لو كل واحد مقلش رأيه بصراحة ولا ايه حضرتك ياللى عامل المسابقة

Mohamed Hashem
05-18-2009, 06:16 AM
الزميل المحترم محب للرحمه رفض يقول رأيه فى حضرتك لأنه ميعرفكش
بس أنا حاقول رأيى فى حضرتك من خلال ردك عليه ومن ردودك السابقة وموضوعاتك اللى وضعتها فى المنتدى ....
صغر سنك واضح فى ردود أفعال شخصيتك ... أحيانا تتمتع بروح الدعابه ... وأكيد أنت مشهور بين أصدقائك المقربين بالدم الخفيف وقدرتك على إضحاكهم
بس فى نفس الوقت .. مندفع .. ولايعجبك سوى رأيك ... صحيح أننا كلنا لا يعجبنا سوى آراؤنا .... لكن إفتقار القدرة على الحوار بدون تجريح وسخريه موضوع وحش قوى ...
ياريت ما تزعلش ... وإلا - حسب ردك على فكرة المسابقة - يبقى ممكن نضيف لرأيى عن حضرتك ... الإزدواجية
إنتظر قبل وضع تعليق ... حسب قواعد اللعبة .. دورك خلاص

الورده البيضاء
05-18-2009, 01:24 PM
هو انا معرفكش ياهاشم او يعنى محصلش حوار بينا قبل كدة بس اقدر اقول من خلال ردودك عالمنتدى انك شخصية محترمة جدا وذوق اوى ولبق الكلام

KAREEM
05-18-2009, 01:55 PM
انا مش عارف ايه القواعد اللى حضرتك بتتكلم عليها بس انا اقدر أحترم وجهة نظرك جدا وواضح انك قصدت متذكرش انت بتكلم عن مين
بس انا فهمت ووصل كلامك بس انا مش وحش اوى كدا بس فى نفس الوقت متقبل نقدك لانه كان بمنتهى الاحترام والادب
وشكرا جدا على النصيحة الغالية وفعلا لازم أحاول اراجع نفسى كمان مرة واتنين صح عندك حق
اما بالنسبة لقوانين اللعبة هو يعنى انا مينفعش أرد اكتر من ردين ولا ايه؟

Ma7amed Adel
05-18-2009, 02:00 PM
حضرتك انا بتاسف لحضرتك على الرد القاسى دى وارجو ان حضرتك ما تزعلش دائما واللعبه مالهاش حد للرد شكرا ليك واسعدنى جدا ردك ويارب نكون اخوات

الورده البيضاء
05-18-2009, 02:15 PM
ههههههههههههههه
ادة هما ماخدوش بالهم منى ولا اية انا هنا المفروض كنتو تقولو رايكم فية ولا عشان انا غلبانة يعنى سايبنى على جنب
طب انا زعلانة منكم
ماعلينا
محب شخصية محترمة وظريفة ومرحة
وحاجة كويسة يعنى ودة من خلال ردودك على الوضوعات عالمنتدى والله اعلم

KAREEM
05-18-2009, 02:51 PM
ههههههههههههههه
ادة هما ماخدوش بالهم منى ولا اية انا هنا المفروض كنتو تقولو رايكم فية ولا عشان انا غلبانة يعنى سايبنى على جنب
طب انا زعلانة منكم
ماعلينا
محب شخصية محترمة وظريفة ومرحة
وحاجة كويسة يعنى ودة من خلال ردودك على الوضوعات عالمنتدى والله اعلم


نداء الى شخصية زمان كان فى حب لا والله زمان ودلوقتى بس هو احنا للى اتغيرنا
( نعيب زماننا والعيب فينا وما لزماننا عيب سوانا )
واضح انك شخصية اتجرحتى كتير بس ولا يهمك الدنيا فيها وفيها والعلام مش ببلاش
انا مش معترض عليكى ولا حاجة انا عارف ان الدنيا مليانة غش وخداع خاصة لما تحبى
حد اوى وفى الاخر تلاقيه مستني لك على غلطة مثلا بس انا عن نفسى شفت كتيير برضو
من الصداق وكدا بس طلعت من كل دا بواحد بس ودا كفاية عندى وهو واحد صاحبى عزيز عليا
أى حد يشوفنا يقول دول توأم ما علينا المهم انتى تكونى كويسة واكيد حتلاقى حد يستاهلك بجد
وبلاش اليأس دا ياستنا انتى شخصية ظريفة دمها خفيف بس خلى بالك من اليأس اللى انتى فيه
دا دا انا داخلين على امتحانات مش حلو عشان الجغرافيا الطبيعية للانسان
حاولى تخلى حياتك كلها سهول وابعدى عن الجبال والمرتفعات ومتخليش الزلازل والبراكين تهزك
أبد أبد حلوة دى عايزين نعرف اسمك الحقيقى يا زمان كان فى حب
بالنسبة للعضو المحترم محصلش حاجة خالص عادى وياسيدى مامحبة الا بعد عداوة ولا ايه
واحنا من لوقتى اخوات زى ما انت قلت ماشى ابرنس سلامى المؤقت ليك لما نتقابل

Mohamed Hashem
05-18-2009, 07:20 PM
طالما ممكن نضع أكتر من رد
يبقى أعلن أنى عندى رأيى جديد لحضرتك
تقبل النقد والتفكير الموضوعى ... من صفات حضرتك .. ودول صفتين حلوين قوى .. ممكن أعتبرهم أول طريق النجاح فى الحياة العامة
ماتزعلش ياسيدى لو كلامى كان جامد حبتين ... وعلى رأى حضرتك .. ما محبه إلا بعد عداوة
وشكرا ليك مرة أخرى .. وربنا يوفقكم فى الأمتحانات

KAREEM
05-18-2009, 07:27 PM
ازاى تقول كدا دا نقدك شرف لينا .......... شلوط ساعاتك خطوة للامام يا أفندم
وسعت أوى منى مش كدا !!!!!!!!!!! زى ما انت قلت أنا شخصية مرحة وبحب أهذر
ويكون ليا الشرف لما أهذر معاك وشكرا ع المتابعة

firehawek
05-18-2009, 07:35 PM
طب لما كل واحد هيدخل ويرد على الرد اللى زميله قاله فيه انا كدة مش هعرف اقول رايي في مين

الورده البيضاء
05-19-2009, 06:05 PM
ههههههههههههههههههههههه
قول رايك فى اللى قبلك وخلاص بقى يافاير وامرك لله
انا اسمى امل ياكريم
وميرسى اوى على النصائح الغالية دى
وحلوة حكاية الجغرافيا الطبيعية دى شد حيلك احسن سمعت ان دكتور حمدينة متوصى بينا عالاخر ربنا معانا يارب

Soma
05-19-2009, 06:17 PM
هاى امل كيفك
انا شايفة انك شخصية مرحة وعسولة كده ومحترمة وبس كده عشان مش عرفاكى كويس للاسف
قلت اللى لاحظته

Mohamed Hashem
05-19-2009, 08:00 PM
ازاى تقول كدا دا نقدك شرف لينا .......... شلوط ساعاتك خطوة للامام يا أفندم
وسعت أوى منى مش كدا !!!!!!!!!!! زى ما انت قلت أنا شخصية مرحة وبحب أهذر
ويكون ليا الشرف لما أهذر معاك وشكرا ع المتابعة

كريم باشا
احنا هنا اخوات .. وصدقنى فرحت جدا بردك ... متشكر جدا على كلماتك
وانا يشرفنى نبقى اصحاب كمان مش بس اعضاء فى منتدى .. واوعدك انا بافكر من زمان ازور الكلية مرة اخرى
ولاسيما انى مارحتش من زمان .. قوى ... وان شاء الله لما انزل من السعودية حادور عليك واقابلك
تحياتى

Mohamed Hashem
05-19-2009, 08:11 PM
هو انا معرفكش ياهاشم او يعنى محصلش حوار بينا قبل كدة بس اقدر اقول من خلال ردودك عالمنتدى انك شخصية محترمة جدا وذوق اوى ولبق الكلام

سورى والله محدش نساكى ولا حاجه بس هو الحوار اخد الواحد
ولو الدور مش عليه لازم برضه اقول ان حضرتك يا امل مهذبه جدا والذوق حاجه بسيطة اوى نوصف بيها طريقتك الراقية فى الكلام والتعليقات
تشرفنا بمداخلتك

firehawek
05-19-2009, 08:14 PM
ههههههههههههههههههههههه
قول رايك فى اللى قبلك وخلاص بقى يافاير وامرك لله
انا اسمى امل ياكريم
وميرسى اوى على النصائح الغالية دى
وحلوة حكاية الجغرافيا الطبيعية دى شد حيلك احسن سمعت ان دكتور حمدينة متوصى بينا عالاخر ربنا معانا يارب



ههههههههههههههههههههههه
طب انا هقول رايي فيكى يا امل انا شايفك بنت بلد بس لمضة شويه ومرحة ومش عايز اقول تانى كفايه كدة
خلي بالك من الطبيعيه بقى بالذات باب المجموعة الشمسيه والزلازل والبراكين لتنقلب عليكم وربنا معاكم

الورده البيضاء
05-20-2009, 10:56 AM
ههههههههههههههه
انا لمضة يافاير
دانا غلباااااااااااااااااااااااااااانة
هههههههه
ميرسى اوى
وانت واضح انك انسان محترم ومهذب جدا
وميرسى لكل عضو كتب راية فية
بس دة كتير علية انا كدة ممكن اصدق
ههههههههه

abdoitthad
05-20-2009, 12:34 PM
شخصيه مرحه

Ahmed Mohamed
05-20-2009, 04:09 PM
عبده شخصية محترمة ولذيذة
بس ساعات بحس انه جد ومش بيحب الهزار

firehawek
05-20-2009, 05:44 PM
ههههههههههههههه
انا لمضة يافاير
دانا غلباااااااااااااااااااااااااااانة
هههههههه
ميرسى اوى
وانت واضح انك انسان محترم ومهذب جدا
وميرسى لكل عضو كتب راية فية
بس دة كتير علية انا كدة ممكن اصدق
ههههههههه

ميرسى جدا على زوقك فيا واوعى تكونى زعلتى منى على الكلام اللى قولته

KAREEM
05-20-2009, 11:52 PM
ساعت الجد بيكون كويس مع الحد عشان توقفه عند حدع معاك
بس لو كان حبيبك مينفعش تقلب عليه مرة واحدة كدا وخلاص
رأيى فيك بقى انك شخصية متدينة وارشحك مشرف للقسم الدينى
متزعليش منى يامحبة الرحمن انتى احسن مشرفة وقسمك من اجمل الاقسام اللى فى المنتدى

Ahmed Mohamed
05-25-2009, 04:04 PM
اني بقة يا كريم شخصية مشاكسة
ولكاك اوي ههههههههههههههه

بهزر

ومين ده بقة اللي بتقول عليه ينفع مشرف للقسم الاسلامي ؟؟؟

KAREEM
05-25-2009, 04:07 PM
شكرا جدا لذوقك
وكنت بحسبك تنفع مشرف للقسم الاسلامى
بس دلوقتى
مش حلك كتير على رأيك
!!!!!!!!!!!!!!!!!!!

الورده البيضاء
05-26-2009, 08:25 AM
ميرسى جدا على زوقك فيا واوعى تكونى زعلتى منى على الكلام اللى قولته


لا خالص يافاير
مين قال انى زعلت ؟
دانا اقتلة
هههههههه
مزعلتش ولا حاجة
كريم شخصية مرحة جدا فوق الوصف
دمة ظريف
اخد موقف من البنات بموضوعة بتاع المساحة اللى غايظنى موت
وشخصية محترمة جدا وذوق اوى

KAREEM
09-27-2009, 03:29 AM
اقول بقى انا رأيى فيكى
انا قلته قبل كدا
بس حقول حاجة جديدة
انك شخصية جادة غير يئوسة
مبتعترفيش بالفشل
ومبتستسلميش لليأس
واكيد حتتحقى اللى نفسك فيه
كلام كبير أوى صح؟؟؟؟؟؟؟؟

** مش عارف انا اللعبة دى
كانت مركونة ازى كل دا
دى لعبة جميلة جدا

الورده البيضاء
09-29-2009, 06:29 PM
ميرسىىىىىىىىىىىىىىىىىى