المساعد الشخصي الرقمي

مشاهدة النسخة كاملة : ورود...... وارقام



مى الشورى
12-11-2008, 10:56 PM
اكيد الكل هيقول يعنى ايه ورود وارقام
هقولكم ان لكل عدد ورود حاجه بتعبر عنه
او بمعنى اصح كلمه بتعبر عن كل عدد من الورود
مثلا
وردة واحده تعنى انت كل شئ لى
وردتان تعنى لن نفترق
ثلاث وردات تعنى متى استطيع مقابلتك مره ثانيه
اربع وردات تعنى اشكرك
خمس وردات تعنى سافعل اى شئ تطلبه
سته وردات تعنى انا اشك فى كلمتك
سبع وردات تعنى احبك
ثمانى وردات تعنى انا مخلص لك حتى الموت
تسع وردات تعنى اريد ان اكون وحدى معك
عشر وردات تعنى هل تتزوجينى

bosy
12-12-2008, 12:03 AM
ايه بس المعلومات والحاجات الحلوه دى

انا اول مره اعرفها والله


تسلم ايدك يا مى

محمود ابوالمجد
12-12-2008, 12:13 AM
بهدي 7 وردااااااااات لكل اعضاااء المنتدي وشكرا ليكي يا مي

IsLaMiC GirL
12-12-2008, 12:18 AM
موضوع جميل يا مى ومعلومات اول مرة اعرفها شكرا ليكى

سبع وردات تعنى احبك (لبوسى:))

bosy
12-12-2008, 12:26 AM
ميرسى والله يا عسل

(ع)

ويااااااااااارب تفضلى كده على طول

lolaa fahmy
12-12-2008, 01:49 AM
موضوع حلوو قوي يا مي

7 وردات لكل اصحابي

dalia ahmed attia
12-12-2008, 02:32 AM
حلوة جدااااااااااااااااااااا

Wild_Angel
12-12-2008, 12:33 PM
موضوع جميل جدا يا مـــــــــــــــــــى
بس طالبه منك طلب صغنون
ياريت تجيبى اسماء الورود والمناسبات الخاصه لكل ورده
ومعنى الوان الورود

witch evil
12-12-2008, 02:04 PM
ياسلام يا سلام

كلام جميل كلام معقول

الله ينور يا مى

م/ احمد فاخر
12-12-2008, 03:33 PM
موضوع متميز يامى
اربع وردات عشانيك

مى الشورى
12-12-2008, 04:27 PM
اربع وردات لكل النورونى
فى الموضوع
وسبع وردات لكل اعضاء المنتدى
وان شاء الله يا وايلد
طلبك مجاب لانى كنت ناويه اكمل الموضوع

اسامه البنا
12-12-2008, 06:30 PM
اه
هو انتي قولتلي انا ليا كام ورده
يا ريت يكون 10
ههههههههههههه


موضوع هايل يا مي

مى الشورى
12-12-2008, 09:03 PM
ماشى يا اسامه
بس لسه بدرى على انى
انا اللى اقدم العشر وردات
كفايه عليك 4 وردات بس
لمرورك

مى الشورى
12-12-2008, 09:12 PM
يوجد فى حياتنا العديد من الورود ولكل ورده لغه يلا بينا نعرف لغة كل ورده
الاحمر****انا اعد الايام الى ان نتقابل مرة ثانيه
الاحمر الداكن**** افتقدك كثيرا
الاصفر**** انت شمس حياتى
الوردى**** اعشقك
الابيض**** اؤمن بعفتك وطهارتك
البرتقالى**** صديقك المخلص والوفى
البنفسجى**** اتمنى لك كل السعاده والتوفيق
الازرق**** سابقى الى جانبك حتى الموت

وانتظروا المزيد منى ان شاء الله

Youssef Mostafa
12-12-2008, 09:58 PM
موضوع جمييييييييل اوى اوى يامى و4 وردات برتقالى عشانك

مى الشورى
12-12-2008, 11:15 PM
مشكور يا يوسف على مرورك
وربنا ما يحرمنى منك
و4 وردات برتقالى منى ليك

Wild_Angel
12-16-2008, 12:28 AM
شكرا يا مى لتلبية طلبى

Zooma
12-16-2008, 12:36 AM
والله يا مى موضوع حلوى قوى
واربع وردات بنفسجى ليكى
:D:D:D

free eagle
12-16-2008, 01:03 AM
ايه الكلام الكبير اوى دة يا مى


بمناسبة بقي الكلام دة

انا بهديلك انتى علشان انتى اللي كاتبه الكلام دة 7 وردات وبعدين بهدى جميع اعضاء المنتدى وردتان


وبهدى لحبيبة قلبي وردة واحدة



وفى النهاية بهديكى 4 وردات



وكل الورد لونه ابيض زى قلوبكم



الا وردة حبيبتى احمر علشان هى بتحب اللون الاحمر

مى الشورى
12-16-2008, 01:10 AM
انتى تامرى بس يا وايلد واحنا علينا التنفيذ
وتابعى معايا الباقى ان شاء الله

و4 وردات ليك يا زوما على مرورك الجميل ده
و4 كمان بنفسج ليك

الصقر الحر 4 وردات ليك على مرورك
وانتظر باقى الموضوع
عشان تقدر تهدى الورود كلها لحبيبتك

احمد عبد الحليم
12-16-2008, 01:14 AM
موضوع رقيق اوى مي تسلم ايديكى عليه
بس انتى محددتيش الوان الورد...

مي صحيح بوكيه ورد معناه ايه...!!!!

Ahmed Mohamed
12-16-2008, 03:06 AM
موضوع جميل اوي يا
مي


وبهديلك 4 وردات
بنفسجي


واحب اهدي وردة واحده احمر داكن لاغلي حاجة عندي
my love

مى الشورى
12-17-2008, 03:19 AM
ونكمل
ورده بيضاء تعنى اريد حبا عفيفا
ورده صفراء تعنى افكر فيك
ورده ورديه تعنى ارغب فى حبك
ورده حمراء تعنى غرام شديد
اه ورود متعدده او باقه ورد تعبر عن الاعجاب
وانتظروا
ورده تليق بكل واحده

heba
12-17-2008, 09:34 AM
موضوع جميل جدا ومنكم نستفيد ودا بوكيه ورد هدية ليكيhttp://up1.m5zn.com/photo/2008/12/16/04/eb1r18vu6.jpg/jpg (http://up1.m5zn.com)

spider girl
12-17-2008, 02:18 PM
موضوع فى غايه الروعه يا مى
ودى منى ليكى يجمع بين 3 الوان و7 وردات
http://www12.0zz0.com/2008/12/17/12/267570300.jpg

اسامه البنا
12-18-2008, 03:25 AM
موضيك كلها جميله يا مي
الله ينور

ميرا مار
12-18-2008, 03:41 PM
شكرا ع الموضوع يا مى
طب انا عايزة اهدى ست وردات للى قال الكلام دا
لانه مش واقعى شوية وفيه حاجات مش قادرة استوعبها
يعنى ازاى 6 وردات
يبقى انا مش مصدقة كل اللى بتقوله؟؟؟
وانا لو مش مصدقة هاجيبله او اجيبلها ورد ليه؟؟؟

كمان الوردة الصفرا
طول عمرى اعرف انها تعبر عن الغيرة.. ودى حقيقة
ها يا جميل
ايه رايك انتى فى الكلام دا؟؟؟؟؟

مى الشورى
12-19-2008, 12:34 AM
بص يا ميرو انا طول عمرى بقول زيك ان الورد الاصفر يعبر عن الغيره
ولو كنتى انتظرتى شويه كنت هكملك موضوع الاصفر لانه ليه اكتر من معنى
وهتلاقيهم كلهم بيتجهوا فى طريق واحد
يعنى مثلا
يعبر الاصفرعن انها رمز السعاده والغيره فى الحب
وبتكون رسالتها للى بتهديهالوا لن تكون لاحد غيرى
اما بخصوص ال6 وردات فانا مليش دعوه
زى ما فيه عدد بيعبر عن الحب
فيه عدد بيعبر عن عدو الثقه فى الحب كمان

مى الشورى
12-19-2008, 12:47 AM
"]هل تريد ان تصل رساله الى حبيبتك؟
فتابع معىورده حمراء تكون رسالتها انت جميله وشابه
ورده براعم ازرق تكون رسالتها اقدرك
تيوليت احمر تكون رسالتها اريد ان اعلن حبنا
القرنفل الابيض تكون رسالتها ثقى فى حبى
قرنفل وردى تكون رسالتها انى اكثر من معجب
قرنفل احمر تكون رسالتها اثق فى حبك
قرنفل احمر داكن تكون رسالتها واحسرتاه على قلبى الحزين
زهرة الكاميليا الورديه تكون رسالتها انى فخور بحبك[/CENTER]

Marwa Magdy
12-19-2008, 12:48 AM
جميل اوى يا مى
معلومة جديدة عليا
واول مرة اسمعها
باين كدة فى لغة الورد كمان

spider girl
12-19-2008, 12:48 AM
بجد كلام اول مرة اعرفه بس حلو اوى

مى الشورى
12-19-2008, 12:51 AM
شكرا ليكى يا ميرو
وشكرا ليك يا ساره
ومنى ليكم
اكبر 7 وردات وردى
منى

احمد عبد الحليم
12-19-2008, 01:04 AM
بجد موضوع هايل ورقيق جدا جدا
وبيدل علي احساسك العالي يا مي
بهنيكي علي معرفتك لغة الورود
وياريتك تعلمهالي...

مى الشورى
12-23-2008, 10:54 PM
بشكرك يا احمد على مشاركتك
دى ورايك
وتابع معايا و يارب اقدر اعلمك جزء منها

spider girl
12-23-2008, 10:56 PM
يا فيلسوفه كملى يلا

اشجينا وعلمينا كمان وكمان

مى الشورى
12-26-2008, 07:06 PM
حاضر يا ساره
تابعى

مى الشورى
12-26-2008, 07:13 PM
*زهرة الكاميليا الحمراء تعنى انتى اجمل نساء العالم
* انيمون اصفر تعنى هل اجنى ثمرة الحب
*انيمون احمر تعنى اعتقد فى الحب
*انيمون ازرق تعنى اتبعك باخلاص
*الياسمين الابيض تعنى اريدك,لماذا لا تبادلنى ذلك
*زهرة لاوند تعنى احبك باحترام شديد
*اكاسيا اصفر تعنى صداقتنا بدات تتحول الى حب
*بنفسج تعنى اكتمى حبنا
*ياسمين اصفر تعنى اغار عليكى واريد ان اكون لك كل شئ

مى الشورى
01-04-2009, 09:10 PM
ايه يا جماعه اكمل ولا
ارجو الرد
عايزه مشاركه مش مشاهدات

Youssef Mostafa
01-04-2009, 09:17 PM
كملى طبعا يا مى موضوع يجنن

مى الشورى
01-04-2009, 09:53 PM
بصوا يا جماعه محدش يقولى هو فيه الورده دى عشان انا نفسى ذهلت
الورده الخضراء تعنى تمثل الامل والرجاء ورسالتها اتمنى ان تكونى لى

الورده البيضاء تعنى انا لائق بك

روز مارى تعنى وجودك ينعشنى

الورد الاسكتلندى تعنى قلبى مشتعل

الورده الزهريه تعنى انا معجب بك وتمثل الرقه و الافتتان

الورده الصفراء تعنى تمثل السعاده والغيره فى الحب ورسالتها لن تكونى لاحد غيرى

ورده بيضاء تعنى انت هديه من السماء

http://img231.imageshack.us/img231/6704/30030510ijglu1.jpg http://img386.imageshack.us/img386/4449/22847211227648381kd4.jpg

spider girl
01-05-2009, 01:43 AM
يا حلوتك
بتجيبى الحجات دى منين؟؟؟؟؟؟؟؟؟
تسلم ايدك يا مى والله

مى الشورى
02-07-2009, 01:46 AM
شكرا ليكى يا ساره
وانتظرى المزيد

snow white
02-07-2009, 03:21 AM
مي جميل اوي بناء عليه اهديك احلى وارق سبع وردات
اما اول وردة حبقى اقولك لمين بعدين

مى الشورى
02-08-2009, 09:58 PM
مي جميل اوي بناء عليه اهديك احلى وارق سبع وردات
اما اول وردة حبقى اقولك لمين بعدين


شكرا ليك يا حبيبتى منورانى والله
وبهديلك اجمل 7 وردات بنفسج

Marwa Mahmoud
02-08-2009, 11:27 PM
شكرا ليكى يا مى موضوع جميل جدااااااااااااااااا
تسلم أيدك بجد ورود رائعة ولكنى سأعطيكى سبع ورود
حقا تستحقيها

مى الشورى
02-10-2009, 02:53 AM
شكرا ليكى يا مى موضوع جميل جدااااااااااااااااا
تسلم أيدك بجد ورود رائعة ولكنى سأعطيكى سبع ورود
حقا تستحقيها


مرمر يا حبيبتى انا سعيده اوى بمشاركتك
وانا اللى بهديك اجمل سبع ورود بنفسج
اتمنى من الله يحقق كل ما يحملوه من معنى
ليكى