المساعد الشخصي الرقمي

مشاهدة النسخة كاملة : لماذا لا يبكى الرجل؟



شهاب بودا
12-15-2008, 06:14 PM
أخي الرجل هذه ليست دعوه للبكاء



ولكن سؤال ,,قبل أن تجيب أقرأ هذه السطور

متى يبكي الرجــــــل ?..


دائما يقال ان دموع المرأه هي سلاحها ويقال ان دموع المرأه طوفان يغرق فيه امهر السباحين وان البكاء من شيم النساء

ولكن


الرجـــــل منكم قد يبكي لأحد هذه الأمور :

1- عند موت عزيز له وفقده ..
2- عند شعوره بالظلم او نتيجه ضغوط الحياة )
3- عندما يعجز عن حل مشكله
4- وهو في حالة خشوع لله
(سبحانه وتعالى )
5- او لشعوره بالندم
6-ام ان صرخــة الميلاد هي اول واخر دمعه لك ايها الرجل
أو لاسباب اخرى ..قد يكون اي من هذه الأسباب جواباً صحيحاً
ومهما كانت الأسباب ..

لماذا لا يبكي الرجــــل? ...**

لماذا لا تبكي ايها الرجل?******
فهذا ليس دليل ضعفك ولن ينقص من رجولتك ولن يقلل من قدرك علي العكس سيستريح قلبك وفؤادك وتشعر بالراحه ..

وخلاصة الكلام ان دموع الرجال عندما تنسكب تكون في الغالب مؤثرة جداُ وصادقة فالرجل لا يبكي الا عندما يكون الامر فعلاً يستحق البكاء لذلك يكون بكائه مؤثر جداً ..

ارجــوا ان تتقبلوا سؤالي هذا بصدر رحب ,,


**متى يبكي الرجل? **


وهل تبكي ايها الرجل لأجل الأنثى او بالاحرى لأجل انثى قد احببتها?..

وفارقتها لأي سبب كان?**

ثم هل من بكيت لأجلها تستحق تلك الدمعه القاتله?..**

وهل هي موجوده من تستحق هذه الدمعه?**

انتظر ردودكم ومناقشاتكم**

free eagle
12-15-2008, 10:17 PM
طبعا طبعا طبعا يا استاذ شهاب موجودة اللي الواح يبكى عليها


وانا من خلال تجاربي ف الحياة يا استاذ شهاب اقدر اقولك ان اكتر حاجة ممكن تخلى الرجل يبكى (لما قلبه ينكسر)


سواء بفقدان التى يحبها قلبه او انه في اي حد يموت من اولاده او اخواته او ابوه وامه او اى حد حبه


بس دى اللي ممكن اى رجل يبكى فيها


اما انا عن نفسي ممكن ابكى لما احس انى اتظلمت وساعات ابكى من خشية الله



بس وشكرا يا بودا على الموضوع دة جامد جامد جامد

Wild_Angel
12-16-2008, 12:35 AM
الدموع هى ما يغسل الذنوب والهموم

احيانا تكون الدموع هى تفريج الهموم ولكن امام الله سبحانه وتعالى
فالمخلوق لن يفعل شئ سوى التعاطف معك
ولكن امام الله....فرحمة الله دائما واسعه

farida
12-23-2008, 08:08 PM
يبكي الرجل عند فقدان احد عزيز عليه و ساعات يبكي الرجل من اجل انثي و انا اعرف قصة عجباني جدا بتقول" مرة واحد كان قاعد مع ضيف مهم جداااااااااا و في وسط شغلهم قاله "معلش حستاذنك ساعة واحدة واجي" فساله الضيف عن مشواره فقاله"اصل ده معاد جلسة زوجتي " و كانت زوجته كبيرة في السن و كانت عندها مرض الزهيمر من اكتر من 30 سنة .فاستغرب الضيف و ساله" طب هي تعرفك؟" قاله "لا و بعرفها بنفسي كل يوم" قاله" طب بتروحلها ليه؟" قاله" يا صاحبي هذة المراة التي احببتها و التي اختارها قلبي و اذا هي نسياني انا عمري مناسيها " فلو واحد زي الرجل ده اكيد حيبكي عند فراق زوجته . و معلش يا شهاب طولت عليك شوية

ميرا مار
12-23-2008, 08:39 PM
شهاب
موضوع ممتاز الحقيقة بجد كويس انك فتحت هذا الموضوع للنقاش..

انا شفت دموع الرجل فى كذا موقف والحقيقة كان اصعب موقف اثر فيا

شاب زوجته توفت وهى تلد طفلها الاول قبل مرور عام على الزواج ..
وطبعا الرجل انسان بيحمل من المشاعر الكثير والكثير
وكون رجل يبكى دا شئ له تقديره .. لانه فى تكوينه قوى فلما يبكى يبقى نحترم مشاعره
لان الدموع بتفرج كثير من الهموم وتريح القلب..

انا عايزة بقى اسالك سؤال..
باسمع ان الرجل ضعيف قدام دموع المراه..وخصوصا لو بيحبها ..

طب لو دا مش حقيقى .. فى نوع كدامن الرجال؟؟ يعنى مايفرقش معاه دموع المراه ؟؟
ولو فى كدا يبقى تفسيرك ايه لشخصيته؟؟ يارب الكل يشارك فى الاجابة
وشكرا لك شهاب ع الموضوع الجميل دا

spider girl
12-23-2008, 11:06 PM
ايوه كده حول للطرف التانى وسيبك مننا شويه

انا بالنسبه ليه دموع الرجل صعبه اوى يعنى بتنزل لما تكون خلاص الدنيا اسودت فى عنيه
لما يكون حد حبه قوى سواء الحبيبه او شخص قريب منه فقده باراده الله سبحانه وتعالى
اوحس بالظلم او بالعجز امام شئ الكل يقدر يعمله وهوه لا
فعلا صعب على الانسان انه يحس بالعجز او بفقدان حد عزيز عليه



طب جاوب انت يا شهاب متى تبكى؟؟؟؟؟؟؟؟؟

Mahro_ the boat of age
12-24-2008, 02:40 AM
موضوع جميل صديقى شهاب واهنيك عليه

ولاكن صدقنى قلب الرجل اشد الكائنات بكاء عندما يبكى فليس العين وحدها تبكى انما هي مرأه لما يحدث بداخل قلب الأنسان

ومن منا ايها الرجال بكى كثير ولم يشعر به احد .....

شهاب بودا
12-25-2008, 05:57 PM
على فكره يا ميرامار انا من الناس الى صعب تبكى بس تصدقى ده غلط لانه احد اسباب الترويح عن النفس لكن ممكن الانسان يتأثر ببكاء المراه لكن من وجهة نظرى انا اتأثر ببكاء الى انا ان شاء الله هشاركها حياتى بس غير كده هيبقى تأثرى مش زيها

ميرا مار
12-26-2008, 01:07 AM
يعنى انت رايك اللى مش بيتاثر بدموع زوجته اوخطيبته يبقى مش بيحبها صح؟؟

شهاب بودا
12-29-2008, 05:31 PM
حسب شخصية الانسان نفسه

محمد حمدى
12-30-2008, 02:20 AM
شكرا يا بودا على الموضوع...
اللهم ارزقنى قلبا خاشعا وعملا صالحا ولسانا ذاكرا وعينا دامعاوجسدا على البلاء صابرا..

white_heart
12-30-2008, 04:11 PM
واللة الموضوع جميل بس لية الراجل ميبكيش ما هو بشر من لحم ودم زى المراءة
الراجل ممكن يبكى قدام ربنا وهو خاشع
ويبكى لما يفارق اعز الناس عندة ايا كان
ويبكى لما يشوف دينة بيتهان وميعرفش يحرك ساكن
ويبكى لما يلاقى ثمرة تربيتة غلط فى ولادة
ويبكى لما يغضب علية والدة او والدتة
الخ الخ الخ الخ


البكاء مش ضعف

شهاب بودا
12-30-2008, 05:02 PM
اكيد طبعا مش فى كل الاحوال

شهاب بودا
02-23-2009, 07:33 PM
هااااااااااااااااااا؟ فين الردود

Zooma
02-24-2009, 02:50 AM
**متى يبكي الرجل? **
اظن انت قولت المفيد كله فى السؤال ده يا بودا
واحييك عليه

وهل تبكي ايها الرجل لأجل الأنثى او بالاحرى لأجل انثى قد احببتها?..
خليها اعيط بالبلدى احسن :D
اعيط من اجل واحده حببتها

وفارقتها لأي سبب كان?**
اكيييييييييد من سنتين
وتقريبا معيطش من بعدها حتى اعد افكر انا عيط امتى مش لاقى

ثم هل من بكيت لأجلها تستحق تلك الدمعه القاتله?..**
مش عايز امدح فيها واقول اه
ومش عايز اقول لا والا ماكنتش عيط

وهل هي موجوده من تستحق هذه الدمعه?**
لغايه ناو لسه مالقتش ممكن يكون فيه
وممكن يكونوا انقرضوا خلاص

مش عارف اقولك ايه ياشهاب فكرتنى بالذى مضى
شكرا يا بودا موضوع جميل جدا

شهاب بودا
02-24-2009, 07:53 PM
عندك حق فى كله

A.H.D
02-26-2009, 01:26 AM
اولا انا بشكرك ياشهاب ع السؤال الجميل دة
انا عيزة اقول ان مفيش مخلوق ع الارض مش بيعيط طبعا البنات ماشاء اللة مش عيزين توصية
اما الراجل اكيد لكل راجل موقف يخلية يعيط كل واحد حسب شخصيتة
وبعدين الرجالة برضو بشر يعنى فيها اية لو واحد عيط بالعكس انا بنت اهو وبقول لما الراجل بيعيط بتكون دمعتة صادقة عن المراة معرفش لية
وهو كدة بيكون بيطلع كل اللى جواة وبعدها اكيد هيحس براحة
مش عرفة بس من وجهة نظرى انا شيفة ان اللى عندة قدرة ع البكاء لو كان الامر يستاهل ان دى بتكون نعمة لان كل الحزن اللى جواة بيطلع فى البكاء
بس وشكرا وياريت اعرف رايكم فى رايى

شهاب بودا
02-26-2009, 07:27 PM
العفو يا هند وشكرا على متابعتك

محمد عمرو عبد الحليم
02-26-2009, 08:52 PM
أخي الرجل هذه ليست دعوه للبكاء



ولكن سؤال ,,قبل أن تجيب أقرأ هذه السطور

متى يبكي الرجــــــل ?..


دائما يقال ان دموع المرأه هي سلاحها ويقال ان دموع المرأه طوفان يغرق فيه امهر السباحين وان البكاء من شيم النساء

ولكن


الرجـــــل منكم قد يبكي لأحد هذه الأمور :

1- عند موت عزيز له وفقده ..
2- عند شعوره بالظلم او نتيجه ضغوط الحياة )
3- عندما يعجز عن حل مشكله
4- وهو في حالة خشوع لله
(سبحانه وتعالى )
5- او لشعوره بالندم
6-ام ان صرخــة الميلاد هي اول واخر دمعه لك ايها الرجل
أو لاسباب اخرى ..قد يكون اي من هذه الأسباب جواباً صحيحاً
ومهما كانت الأسباب ..

لماذا لا يبكي الرجــــل? ...**

لماذا لا تبكي ايها الرجل?******
فهذا ليس دليل ضعفك ولن ينقص من رجولتك ولن يقلل من قدرك علي العكس سيستريح قلبك وفؤادك وتشعر بالراحه ..

وخلاصة الكلام ان دموع الرجال عندما تنسكب تكون في الغالب مؤثرة جداُ وصادقة فالرجل لا يبكي الا عندما يكون الامر فعلاً يستحق البكاء لذلك يكون بكائه مؤثر جداً ..

ارجــوا ان تتقبلوا سؤالي هذا بصدر رحب ,,


**متى يبكي الرجل? **


وهل تبكي ايها الرجل لأجل الأنثى او بالاحرى لأجل انثى قد احببتها?..

وفارقتها لأي سبب كان?**

ثم هل من بكيت لأجلها تستحق تلك الدمعه القاتله?..**

وهل هي موجوده من تستحق هذه الدمعه?**

انتظر ردودكم ومناقشاتكم**

بسم الله الرحمن الرحيم
والصلاة والسلام على اشرف الخلق واخر المرسلين محمد "صلى الله علية وسلم "
ردا على الوضوع يا اخى العزيز
انا بصراحة محتار هل اقول لك انة من الصعب بكاء الرجل لكن بعد الاسباب التى ذكرتها من الممكن ان يبكى الرجل وبى الاخص عند موت احد اقرابة اما بلنسبة لى السبب الرابع ال هو فى الخشوع لى الله فا انا اتمنى ان اكون من هؤلاء الناس اللهم امين
وهكذا اكون جوبت على متى يبكى ولماذا
اما بلنسبة لى الشق التانى
ال هو الأنثى فا انا رأى ان من الصعب يبكى رجل لأجل أنثى الا اذا كانت تستحق البكاء ولكن انا ممكن ان أبكى عند موت اقرب أنثى الى قلبى وهى أمى بعد الشر ويارب يكون لها العمر الطويل هى وباقى امهات العالم
ومن الممكن ان تكون حبيبتى لانها من اقرب الناس لى ايضا
اما بلنسبة لى فراق انثى فمن الممكن ان تبكى اذا كانت المرأة ال انتا سبتها متتعوضش لكن الخير فما اخترها الله وعسى ان تكرهوا شئ وهو خيرا لكم لذلك لا انصح الرجال لى البكاء لابكاء لفراق انثى الا اذا كانت من الصعب العثور عليها فى هذا الوقت
وهناك حقيقة علمية ان البكاء يطهر العين لذلك نعمل يوم نعيط فية كلنا علشان نطهر عيونا "ههههههههههههه"
بصراحة الموضوع حلو والكلام فية كبير لكن نصيحة من اخ لا تبكى امام الناس لان الناس سوف يظنون انك ضعيف وهزيل ومن الاخر ممكن يقولوا عليك مش راجل علشان المقولة الشهيرة "مفيش راجل يعيط " لذالك اذا اراد احد فى البكاء ابكى فى مكان منعزل والله الموفق
ارجو ان لا اكون اطلت عليك وتتخلت فى شئ لا يعنينى لكن الموضوع عجبنى فأرت الرد
وجزاك الله خيرا

A.H.D
02-27-2009, 12:53 AM
لاشكر على واجب ياشهاب

olivia nader
02-27-2009, 01:12 AM
اولا الموضوع رائع يا شهاب
ثانيا انا بحترم جدا الراجل اللي يبكي عشان موقف مؤثر و بتزيد مكانته في نظري
مش العكس
اما بالنسبه لسؤال ميرا
مش شرط ان الراجل يبكي لبكاء خطيبته او مراته او يكون مبين انه متاثر
عشان في رجاله كتيير بيداروا عواطفهم و ده طبع فيهم بس من جوه بيبقوا حساسين جدا
و ممكن يكون بيتاثر و يقدر دموع حبيبته اكتر من اللي بيظهر دموعه
اتمني يكون عجبك ردي
شكرا يا شهاب علي الموضوع

شهاب بودا
02-27-2009, 04:04 PM
والله افكر شويه فى ردك واقولك يا اولى

شهاب بودا
02-27-2009, 04:05 PM
ماشى ردك مقبول يا اولى

witch evil
02-28-2009, 01:26 AM
موضوع رائع جدا يا شهاب وفعلا كنت عايزه اسال كتير من الشباب ليه محدش بيبقى الدموع فعلا بتريح جدددددددددددا

والدموع مش حاجه وحشه ولا تدل على ضعف بس للاسف احنا خلينها كده معرفش ليه

واعتقد ان الشباب هما اللى يقدرو يردوا على ده

شهاب بودا
02-28-2009, 07:09 PM
اى خدعه يا حوريه

reda_bebo99
02-28-2009, 07:23 PM
البكاء ليس ضعف ولكنه تفريغ للهموم
شكرااا يا بودا موضوع جمييييييل

شهاب بودا
02-28-2009, 07:46 PM
العفو يا رضا

mr.lonly
03-01-2009, 02:33 AM
والله يا عم شهاب الموضوع حلو وفي كلام كتير بس انا مع الراجل اللي يداري
دموعه لان دموع الرجل عزيزة جدا لانها بتبقي عن اسباب حقيقية مش زي
دموع حوا اللي 3/4 بتبقي دموع تماسيح
وعموما سواء ادم او حوا بتيجي علينا لحظات ضعف ما بنقدرش نقاوم
بس اصدق دموع دموع الرجل وخصوصا لما يكون مظلوم

شهاب بودا
03-01-2009, 01:15 PM
ماشى ياعم هنعديهالك المره دى

البحيرى
04-23-2009, 12:50 AM
لا والنبى قول كلام غير دة