المساعد الشخصي الرقمي

مشاهدة النسخة كاملة : ابن يحاول ان يمتص غضب ابوه......



محمد منصور
12-16-2008, 02:01 AM
الاب كان مسافر ولما رجع لقى ابنه مستنيه فى المطار



الاب : ايه احوال البيت وانا مش موجود.. حصل حاجه وحشه

الابن : لا كل حاجه ميه ميه متقلقش هو حصل حاجه بسيطه بس

الاب : ايه حصل

الابن : عصايه المكنسة اتكسرت

الاب : بس كده ولايهمك بس ايه كسرها

الابن : انت عارف ان البقرة لووقعت على حاجه بتكسرها

الاب : انت تقصد بقرتنا

الابن : اه

الاب : ايه اللى حصل

الابن : كانت بتهرب وهيه خايفه فوقعت على عصاية المكنسة كسرتها

الاب : المهم البقرة حصلها حاجة

الابن : لامفيش حاجة ماتت

الاب : يا لهووووووى ماتت وهى كانت بتجرى خايفة من ايه

الابن : لادى كانت بتهرب من الحريقه

الاب : حريقه!! حريقه ايه؟؟

الابن : لا مفيش اصل بـتـنـا اتحرق

الاب : اتحرق يالهووووى من ايه

الابن :اخويا الكبير الله يرحمه

الاب : ايه اخوك مات ازااااااى ؟؟

الابن : ايوه مات كان بيشرب سيجارة وقعت حرقت البيت وهو جواه

الاب : يالهووووى اخوك سبرسجى بيشرب سجاير

الابن : هو كان بيشرب سجاير علشان ينسه حزنه

الاب : حزنه على ايه

الابن : على امى الله يرحمها

الاب : هيا امك كمان ماتت

فراح الاب ميت من غباء ابنه

الابن : بابا متعملش فى نفسك كده فداك الف مكنسة

Ahmed Mohamed
12-16-2008, 03:14 AM
هههههههههههههههههههه

موضوع جميل جدا انا مش قادر امسك نفسي من الضحك

لا الله ينور

هيثم
12-16-2008, 10:54 AM
ههههههههههههههههه الله ينور

Youssef Mostafa
12-16-2008, 01:56 PM
ياجماعة بلاش المواضيع المتكررة ياريت قبل وضع الموضوع البحث عنه اذا كان موجود ولا لأ

محمد منصور
12-17-2008, 01:48 AM
الف شكر للناس اللى قدرت وردت على الموضوع..........اما بالنسبة للاخ اللى بيتكلم عن المواضيع المتكرة ..........فاحب اقوله ان احنا مش فاضيين ندور ورانا حاجات اهم ...........بس الواحد فينا بيحب يشارك من وقت لاخر............شكرا على ردك على الموضوع..........

farida
12-17-2008, 09:07 PM
حلوة اوي يا محمد تسلم ايدك و انا لو كنت بدل ابوه كنت خنقته الاول ههههههههههه

محمد منصور
12-17-2008, 09:43 PM
شكرا على ردك الجميل يا فريدة.........